vul - Revelation:13:1-10

vul@Revelation:13:1 @ et vidi de mare bestiam ascendentem habentem capita septem et cornua decem et super cornua eius decem diademata et super capita eius nomina blasphemiae

vul@Revelation:13:2 @ et bestiam quam vidi similis erat pardo et pedes eius sicut ursi et os eius sicut os leonis et dedit illi draco virtutem suam et potestatem magnam

vul@Revelation:13:3 @ et unum de capitibus suis quasi occisum in mortem et plaga mortis eius curata est et admirata est universa terra post bestiam

vul@Revelation:13:4 @ et adoraverunt draconem quia dedit potestatem bestiae et adoraverunt bestiam dicentes quis similis bestiae et quis poterit pugnare cum ea

vul@Revelation:13:5 @ et datum est ei os loquens magna et blasphemiae et data est illi potestas facere menses quadraginta duo

vul@Revelation:13:6 @ et aperuit os suum in blasphemias ad Deum blasphemare nomen eius et tabernaculum eius et eos qui in caelo habitant

vul@Revelation:13:7 @ et datum est illi bellum facere cum sanctis et vincere illos et data est ei potestas in omnem tribum et populum et linguam et gentem

vul@Revelation:13:8 @ et adorabunt eum omnes qui inhabitant terram quorum non sunt scripta nomina in libro vitae agni qui occisus est ab origine mundi

vul@Revelation:13:9 @ si quis habet aurem audiat

vul@Revelation:13:10 @ qui in captivitatem in captivitatem vadit qui in gladio occiderit oportet eum gladio occidi hic est patientia et fides sanctorum