vul - Revelation:15-16

vul@Revelation:15:1 @ et vidi aliud signum in caelo magnum et mirabile angelos septem habentes plagas septem novissimas quoniam in illis consummata est ira Dei

vul@Revelation:15:2 @ et vidi tamquam mare vitreum mixtum igne et eos qui vicerunt bestiam et imaginem illius et numerum nominis eius stantes supra mare vitreum habentes citharas Dei

vul@Revelation:15:3 @ et cantant canticum Mosi servi Dei et canticum agni dicentes magna et mirabilia opera tua Domine Deus omnipotens iustae et verae viae tuae rex saeculorum

vul@Revelation:15:4 @ quis non timebit Domine et magnificabit nomen tuum quia solus pius quoniam omnes gentes venient et adorabunt in conspectu tuo quoniam iudicia tua manifestata sunt

vul@Revelation:15:5 @ et post haec vidi et ecce apertum est templum tabernaculi testimonii in caelo

vul@Revelation:15:6 @ et exierunt septem angeli habentes septem plagas de templo vestiti lapide mundo candido et praecincti circa pectora zonis aureis

vul@Revelation:15:7 @ et unus ex quattuor animalibus dedit septem angelis septem fialas aureas plenas iracundiae Dei viventis in saecula saeculorum

vul@Revelation:15:8 @ et impletum est templum fumo a maiestate Dei et de virtute eius et nemo poterat introire in templum donec consummarentur septem plagae septem angelorum

vul@Revelation:16:1 @ et audivi vocem magnam de templo dicentem septem angelis ite et effundite septem fialas irae Dei in terram

vul@Revelation:16:2 @ et abiit primus et effudit fialam suam in terram et factum est vulnus saevum ac pessimum in homines qui habent caracterem bestiae et eos qui adoraverunt imaginem eius

vul@Revelation:16:3 @ et secundus effudit fialam suam in mare et factus est sanguis tamquam mortui et omnis anima vivens mortua est in mari

vul@Revelation:16:4 @ et tertius effudit fialam suam super flumina et super fontes aquarum et factus est sanguis

vul@Revelation:16:5 @ et audivi angelum aquarum dicentem iustus es qui es et qui eras sanctus quia haec iudicasti

vul@Revelation:16:6 @ quia sanguinem sanctorum et prophetarum fuderunt et sanguinem eis dedisti bibere digni sunt

vul@Revelation:16:7 @ et audivi altare dicens etiam Domine Deus omnipotens vera et iusta iudicia tua

vul@Revelation:16:8 @ et quartus effudit fialam suam in solem et datum est illi aestu adficere homines et igni

vul@Revelation:16:9 @ et aestuaverunt homines aestu magno et blasphemaverunt nomen Dei habentis potestatem super has plagas neque egerunt paenitentiam ut darent illi gloriam

vul@Revelation:16:10 @ et quintus effudit fialam suam super sedem bestiae et factum est regnum eius tenebrosum et conmanducaverunt linguas suas prae dolore

vul@Revelation:16:11 @ et blasphemaverunt Deum caeli prae doloribus et vulneribus suis et non egerunt paenitentiam ex operibus suis

vul@Revelation:16:12 @ et sextus effudit fialam suam in flumen illud magnum Eufraten et siccavit aquam eius ut praepararetur via regibus ab ortu solis

vul@Revelation:16:13 @ et vidi de ore draconis et de ore bestiae et de ore pseudoprophetae spiritus tres inmundos in modum ranarum

vul@Revelation:16:14 @ sunt enim spiritus daemoniorum facientes signa et procedunt ad reges totius terrae congregare illos in proelium ad diem magnum Dei omnipotentis

vul@Revelation:16:15 @ ecce venio sicut fur beatus qui vigilat et custodit vestimenta sua ne nudus ambulet et videant turpitudinem eius

vul@Revelation:16:16 @ et congregavit illos in locum qui vocatur hebraice Hermagedon

vul@Revelation:16:17 @ et septimus effudit fialam suam in aerem et exivit vox magna de templo a throno dicens factum est

vul@Revelation:16:18 @ et facta sunt fulgora et voces et tonitrua et terraemotus factus est magnus qualis numquam fuit ex quo homines fuerunt super terram talis terraemotus sic magnus

vul@Revelation:16:19 @ et facta est civitas magna in tres partes et civitates gentium ceciderunt et Babylon magna venit in memoriam ante Deum dare ei calicem vini indignationis irae eius

vul@Revelation:16:20 @ et omnis insula fugit et montes non sunt inventi

vul@Revelation:16:21 @ et grando magna sicut talentum descendit de caelo in homines et blasphemaverunt homines Deum propter plagam grandinis quoniam magna facta est vehementer

vul@Revelation:17:1 @ et venit unus de septem angelis qui habebant septem fialas et locutus est mecum dicens veni ostendam tibi damnationem meretricis magnae quae sedet super aquas multas