vul - Revelation:2:18-29

vul@Revelation:2:18 @ et angelo Thyatirae ecclesiae scribe haec dicit Filius Dei qui habet oculos ut flammam ignis et pedes eius similes orichalco

vul@Revelation:2:19 @ novi opera tua et caritatem et fidem et ministerium et patientiam tuam et opera tua novissima plura prioribus

vul@Revelation:2:20 @ sed habeo adversus te quia permittis mulierem Hiezabel quae se dicit propheten docere et seducere servos meos fornicari et manducare de idolothytis

vul@Revelation:2:21 @ et dedi illi tempus ut paenitentiam ageret et non vult paeniteri a fornicatione sua

vul@Revelation:2:22 @ ecce mitto eam in lectum et qui moechantur cum ea in tribulationem maximam nisi paenitentiam egerint ab operibus eius

vul@Revelation:2:23 @ et filios eius interficiam in morte et scient omnes ecclesiae quia ego sum scrutans renes et corda et dabo unicuique vestrum secundum opera vestra

vul@Revelation:2:24 @ vobis autem dico ceteris qui Thyatirae estis quicumque non habent doctrinam hanc qui non cognoverunt altitudines Satanae quemadmodum dicunt non mittam super vos aliud pondus

vul@Revelation:2:25 @ tamen id quod habetis tenete donec veniam

vul@Revelation:2:26 @ et qui vicerit et qui custodierit usque in finem opera mea dabo illi potestatem super gentes

vul@Revelation:2:27 @ et reget illas in virga ferrea tamquam vas figuli confringentur

vul@Revelation:2:28 @ sicut et ego accepi a Patre meo et dabo illi stellam matutinam

vul@Revelation:2:29 @ qui habet aurem audiat quid Spiritus dicat ecclesiis