vul - Revelation:21:1-22:6

vul@Revelation:21:1 @ et vidi caelum novum et terram novam primum enim caelum et prima terra abiit et mare iam non est

vul@Revelation:21:2 @ et civitatem sanctam Hierusalem novam vidi descendentem de caelo a Deo paratam sicut sponsam ornatam viro suo

vul@Revelation:21:3 @ et audivi vocem magnam de throno dicentem ecce tabernaculum Dei cum hominibus et habitabit cum eis et ipsi populus eius erunt et ipse Deus cum eis erit eorum Deus

vul@Revelation:21:4 @ et absterget Deus omnem lacrimam ab oculis eorum et mors ultra non erit neque luctus neque clamor neque dolor erit ultra quae prima abierunt

vul@Revelation:21:5 @ et dixit qui sedebat in throno ecce nova facio omnia et dicit scribe quia haec verba fidelissima sunt et vera

vul@Revelation:21:6 @ et dixit mihi factum est ego sum Alpha et Omega initium et finis ego sitienti dabo de fonte aquae vivae gratis

vul@Revelation:21:7 @ qui vicerit possidebit haec et ero illi Deus et ille erit mihi filius

vul@Revelation:21:8 @ timidis autem et incredulis et execratis et homicidis et fornicatoribus et veneficis et idolatris et omnibus mendacibus pars illorum erit in stagno ardenti igne et sulphure quod est mors secunda

vul@Revelation:21:9 @ et venit unus de septem angelis habentibus fialas plenas septem plagis novissimis et locutus est mecum dicens veni ostendam tibi sponsam uxorem agni

vul@Revelation:21:10 @ et sustulit me in spiritu in montem magnum et altum et ostendit mihi civitatem sanctam Hierusalem descendentem de caelo a Deo

vul@Revelation:21:11 @ habentem claritatem Dei lumen eius simile lapidi pretioso tamquam lapidi iaspidis sicut cristallum

vul@Revelation:21:12 @ et habebat murum magnum et altum habens portas duodecim et in portis angelos duodecim et nomina inscripta quae sunt nomina duodecim tribuum filiorum Israhel

vul@Revelation:21:13 @ ab oriente portae tres et ab aquilone portae tres et ab austro portae tres et ab occasu portae tres

vul@Revelation:21:14 @ et murus civitatis habens fundamenta duodecim et in ipsis duodecim nomina duodecim apostolorum agni

vul@Revelation:21:15 @ et qui loquebatur mecum habebat mensuram harundinem auream ut metiretur civitatem et portas eius et murum

vul@Revelation:21:16 @ et civitas in quadro posita est et longitudo eius tanta est quanta et latitudo et mensus est civitatem de harundine per stadia duodecim milia longitudo et latitudo et altitudo eius aequalia sunt

vul@Revelation:21:17 @ et mensus est murus eius centum quadraginta quattuor cubitorum mensura hominis quae est angeli

vul@Revelation:21:18 @ et erat structura muri eius ex lapide iaspide ipsa vero civitas auro mundo simile vitro mundo

vul@Revelation:21:19 @ fundamenta muri civitatis omni lapide pretioso ornata fundamentum primum iaspis secundus sapphyrus tertius carcedonius quartus zmaragdus

vul@Revelation:21:20 @ quintus sardonix sextus sardinus septimus chrysolitus octavus berillus nonus topazius decimus chrysoprassus undecimus hyacinthus duodecimus amethistus

vul@Revelation:21:21 @ et duodecim portae duodecim margaritae sunt per singulas et singulae portae erant ex singulis margaritis et platea civitatis aurum mundum tamquam vitrum perlucidum

vul@Revelation:21:22 @ et templum non vidi in ea Dominus enim Deus omnipotens templum illius est et agnus

vul@Revelation:21:23 @ et civitas non eget sole neque luna ut luceant in ea nam claritas Dei inluminavit eam et lucerna eius est agnus

vul@Revelation:21:24 @ et ambulabunt gentes per lumen eius et reges terrae adferent gloriam suam et honorem in illam

vul@Revelation:21:25 @ et portae eius non cludentur per diem nox enim non erit illic

vul@Revelation:21:26 @ et adferent gloriam et honorem gentium in illam

vul@Revelation:21:27 @ nec intrabit in ea aliquid coinquinatum et faciens abominationem et mendacium nisi qui scripti sunt in libro vitae agni

vul@Revelation:22:1 @ et ostendit mihi fluvium aquae vitae splendidum tamquam cristallum procedentem de sede Dei et agni

vul@Revelation:22:2 @ in medio plateae eius et ex utraque parte fluminis lignum vitae adferens fructus duodecim per menses singula reddentia fructum suum et folia ligni ad sanitatem gentium

vul@Revelation:22:3 @ et omne maledictum non erit amplius et sedes Dei et agni in illa erunt et servi eius servient illi

vul@Revelation:22:4 @ et videbunt faciem eius et nomen eius in frontibus eorum

vul@Revelation:22:5 @ et nox ultra non erit et non egebunt lumine lucernae neque lumine solis quoniam Dominus Deus inluminat illos et regnabunt in saecula saeculorum

vul@Revelation:22:6 @ et dixit mihi haec verba fidelissima et vera sunt et Dominus Deus spirituum prophetarum misit angelum suum ostendere servis suis quae oportet fieri cito