vul - Revelation:22:7-21

vul@Revelation:22:7 @ et ecce venio velociter beatus qui custodit verba prophetiae libri huius

vul@Revelation:22:8 @ et ego Iohannes qui audivi et vidi haec et postquam audissem et vidissem cecidi ut adorarem ante pedes angeli qui mihi haec ostendebat

vul@Revelation:22:9 @ et dicit mihi vide ne feceris conservus tuus sum et fratrum tuorum prophetarum et eorum qui servant verba libri huius Deum adora

vul@Revelation:22:10 @ et dicit mihi ne signaveris verba prophetiae libri huius tempus enim prope est

vul@Revelation:22:11 @ qui nocet noceat adhuc et qui in sordibus est sordescat adhuc et iustus iustitiam faciat adhuc et sanctus sanctificetur adhuc

vul@Revelation:22:12 @ ecce venio cito et merces mea mecum est reddere unicuique secundum opera sua

vul@Revelation:22:13 @ ego Alpha et Omega primus et novissimus principium et finis

vul@Revelation:22:14 @ beati qui lavant stolas suas ut sit potestas eorum in ligno vitae et portis intrent in civitatem

vul@Revelation:22:15 @ foris canes et venefici et inpudici et homicidae et idolis servientes et omnis qui amat et facit mendacium

vul@Revelation:22:16 @ ego Iesus misi angelum meum testificari vobis haec in ecclesiis ego sum radix et genus David stella splendida et matutina

vul@Revelation:22:17 @ et Spiritus et sponsa dicunt veni et qui audit dicat veni et qui sitit veniat qui vult accipiat aquam vitae gratis

vul@Revelation:22:18 @ contestor ego omni audienti verba prophetiae libri huius si quis adposuerit ad haec adponet Deus super illum plagas scriptas in libro isto

vul@Revelation:22:19 @ et si quis deminuerit de verbis libri prophetiae huius auferet Deus partem eius de ligno vitae et de civitate sancta et de his quae scripta sunt in libro isto

vul@Revelation:22:20 @ dicit qui testimonium perhibet istorum etiam venio cito amen veni Domine Iesu