vul - Romans:1:8-17

vul@Romans:1:8 @ primum quidem gratias ago Deo meo per Iesum Christum pro omnibus vobis quia fides vestra adnuntiatur in universo mundo

vul@Romans:1:9 @ testis enim mihi est Deus cui servio in spiritu meo in evangelio Filii eius quod sine intermissione memoriam vestri facio

vul@Romans:1:10 @ semper in orationibus meis obsecrans si quo modo tandem aliquando prosperum iter habeam in voluntate Dei veniendi ad vos

vul@Romans:1:11 @ desidero enim videre vos ut aliquid inpertiar gratiae vobis spiritalis ad confirmandos vos

vul@Romans:1:12 @ id est simul consolari in vobis per eam quae invicem est fidem vestram atque meam

vul@Romans:1:13 @ nolo autem vos ignorare fratres quia saepe proposui venire ad vos et prohibitus sum usque adhuc ut aliquem fructum habeam et in vobis sicut et in ceteris gentibus

vul@Romans:1:14 @ Graecis ac barbaris sapientibus et insipientibus debitor sum

vul@Romans:1:15 @ ita quod in me promptum est et vobis qui Romae estis evangelizare

vul@Romans:1:16 @ non enim erubesco evangelium virtus enim Dei est in salutem omni credenti Iudaeo primum et Graeco

vul@Romans:1:17 @ iustitia enim Dei in eo revelatur ex fide in fidem sicut scriptum est iustus autem ex fide vivit