Romans:11:11-24
vul@Romans:11:11 @ dico ergo numquid sic offenderunt ut caderent absit sed illorum delicto salus gentibus ut illos aemulentur
vul@Romans:11:12 @ quod si delictum illorum divitiae sunt mundi et deminutio eorum divitiae gentium quanto magis plenitudo eorum
vul@Romans:11:13 @ vobis enim dico gentibus quamdiu quidem ego sum gentium apostolus ministerium meum honorificabo
vul@Romans:11:14 @ si quo modo ad aemulandum provocem carnem meam et salvos faciam aliquos ex illis
vul@Romans:11:15 @ si enim amissio eorum reconciliatio est mundi quae adsumptio nisi vita ex mortuis
vul@Romans:11:16 @ quod si delibatio sancta est et massa et si radix sancta et rami
vul@Romans:11:17 @ quod si aliqui ex ramis fracti sunt tu autem cum oleaster esses insertus es in illis et socius radicis et pinguidinis olivae factus es
vul@Romans:11:18 @ noli gloriari adversus ramos quod si gloriaris non tu radicem portas sed radix te
vul@Romans:11:19 @ dices ergo fracti sunt rami ut ego inserar
vul@Romans:11:20 @ bene propter incredulitatem fracti sunt tu autem fide stas noli altum sapere sed time
vul@Romans:11:21 @ si enim Deus naturalibus ramis non pepercit ne forte nec tibi parcat
vul@Romans:11:22 @ vide ergo bonitatem et severitatem Dei in eos quidem qui ceciderunt severitatem in te autem bonitatem Dei si permanseris in bonitate alioquin et tu excideris
vul@Romans:11:23 @ sed et illi si non permanserint in incredulitate inserentur potens est enim Deus iterum inserere illos
vul@Romans:11:24 @ nam si tu ex naturali excisus es oleastro et contra naturam insertus es in bonam olivam quanto magis hii secundum naturam inserentur suae olivae