vul - Romans:14:1-15:13

vul@Romans:14:1 @ infirmum autem in fide adsumite non in disceptationibus cogitationum

vul@Romans:14:2 @ alius enim credit manducare omnia qui autem infirmus est holus manducat

vul@Romans:14:3 @ is qui manducat non manducantem non spernat et qui non manducat manducantem non iudicet Deus enim illum adsumpsit

vul@Romans:14:4 @ tu quis es qui iudices alienum servum suo domino stat aut cadit stabit autem potens est enim Deus statuere illum

vul@Romans:14:5 @ nam alius iudicat diem plus inter diem alius iudicat omnem diem unusquisque in suo sensu abundet

vul@Romans:14:6 @ qui sapit diem Domino sapit et qui manducat Domino manducat gratias enim agit Deo et qui non manducat Domino non manducat et gratias agit Deo

vul@Romans:14:7 @ nemo enim nostrum sibi vivit et nemo sibi moritur

vul@Romans:14:8 @ sive enim vivimus Domino vivimus sive morimur Domino morimur sive ergo vivimus sive morimur Domini sumus

vul@Romans:14:9 @ in hoc enim Christus et mortuus est et revixit ut et mortuorum et vivorum dominetur

vul@Romans:14:10 @ tu autem quid iudicas fratrem tuum aut tu quare spernis fratrem tuum omnes enim stabimus ante tribunal Dei

vul@Romans:14:11 @ scriptum est enim vivo ego dicit Dominus quoniam mihi flectet omne genu et omnis lingua confitebitur Deo

vul@Romans:14:12 @ itaque unusquisque nostrum pro se rationem reddet Deo

vul@Romans:14:13 @ non ergo amplius invicem iudicemus sed hoc iudicate magis ne ponatis offendiculum fratri vel scandalum

vul@Romans:14:14 @ scio et confido in Domino Iesu quia nihil commune per ipsum nisi ei qui existimat quid commune esse illi commune est

vul@Romans:14:15 @ si enim propter cibum frater tuus contristatur iam non secundum caritatem ambulas noli cibo tuo illum perdere pro quo Christus mortuus est

vul@Romans:14:16 @ non ergo blasphemetur bonum nostrum

vul@Romans:14:17 @ non est regnum Dei esca et potus sed iustitia et pax et gaudium in Spiritu Sancto

vul@Romans:14:18 @ qui enim in hoc servit Christo placet Deo et probatus est hominibus

vul@Romans:14:19 @ itaque quae pacis sunt sectemur et quae aedificationis sunt in invicem

vul@Romans:14:20 @ noli propter escam destruere opus Dei omnia quidem munda sunt sed malum est homini qui per offendiculum manducat

vul@Romans:14:21 @ bonum est non manducare carnem et non bibere vinum neque in quo frater tuus offendit aut scandalizatur aut infirmatur

vul@Romans:14:22 @ tu fidem habes penes temet ipsum habe coram Deo beatus qui non iudicat semet ipsum in eo quo probat

vul@Romans:14:23 @ qui autem discernit si manducaverit damnatus est quia non ex fide omne autem quod non ex fide peccatum est

vul@Romans:15:1 @ debemus autem nos firmiores inbecillitates infirmorum sustinere et non nobis placere

vul@Romans:15:2 @ unusquisque vestrum proximo suo placeat in bonum ad aedificationem

vul@Romans:15:3 @ etenim Christus non sibi placuit sed sicut scriptum est inproperia inproperantium tibi ceciderunt super me

vul@Romans:15:4 @ quaecumque enim scripta sunt ad nostram doctrinam scripta sunt ut per patientiam et consolationem scripturarum spem habeamus

vul@Romans:15:5 @ Deus autem patientiae et solacii det vobis id ipsum sapere in alterutrum secundum Iesum Christum

vul@Romans:15:6 @ ut unianimes uno ore honorificetis Deum et Patrem Domini nostri Iesu Christi

vul@Romans:15:7 @ propter quod suscipite invicem sicut et Christus suscepit vos in honorem Dei

vul@Romans:15:8 @ dico enim Christum Iesum ministrum fuisse circumcisionis propter veritatem Dei ad confirmandas promissiones patrum

vul@Romans:15:9 @ gentes autem super misericordiam honorare Deum sicut scriptum est propter hoc confitebor tibi in gentibus et nomini tuo cantabo

vul@Romans:15:10 @ et iterum dicit laetamini gentes cum plebe eius

vul@Romans:15:11 @ et iterum laudate omnes gentes Dominum et magnificate eum omnes populi

vul@Romans:15:12 @ et rursus Esaias ait erit radix Iesse et qui exsurget regere gentes in eo gentes sperabunt

vul@Romans:15:13 @ Deus autem spei repleat vos omni gaudio et pace in credendo ut abundetis in spe in virtute Spiritus Sancti