vul - Romans:9:1-29

vul@Romans:9:1 @ veritatem dico in Christo non mentior testimonium mihi perhibente conscientia mea in Spiritu Sancto

vul@Romans:9:2 @ quoniam tristitia est mihi magna et continuus dolor cordi meo

vul@Romans:9:3 @ optabam enim ipse ego anathema esse a Christo pro fratribus meis qui sunt cognati mei secundum carnem

vul@Romans:9:4 @ qui sunt Israhelitae quorum adoptio est filiorum et gloria et testamenta et legislatio et obsequium et promissa

vul@Romans:9:5 @ quorum patres et ex quibus Christus secundum carnem qui est super omnia Deus benedictus in saecula amen

vul@Romans:9:6 @ non autem quod exciderit verbum Dei non enim omnes qui ex Israhel hii sunt Israhel

vul@Romans:9:7 @ neque quia semen sunt Abrahae omnes filii sed in Isaac vocabitur tibi semen

vul@Romans:9:8 @ id est non qui filii carnis hii filii Dei sed qui filii sunt promissionis aestimantur in semine

vul@Romans:9:9 @ promissionis enim verbum hoc est secundum hoc tempus veniam et erit Sarrae filius

vul@Romans:9:10 @ non solum autem sed et Rebecca ex uno concubitum habens Isaac patre nostro

vul@Romans:9:11 @ cum enim nondum nati fuissent aut aliquid egissent bonum aut malum ut secundum electionem propositum Dei maneret

vul@Romans:9:12 @ non ex operibus sed ex vocante dictum est ei quia maior serviet minori

vul@Romans:9:13 @ sicut scriptum est Iacob dilexi Esau autem odio habui

vul@Romans:9:14 @ quid ergo dicemus numquid iniquitas apud Deum absit

vul@Romans:9:15 @ Mosi enim dicit miserebor cuius misereor et misericordiam praestabo cuius miserebor

vul@Romans:9:16 @ igitur non volentis neque currentis sed miserentis Dei

vul@Romans:9:17 @ dicit enim scriptura Pharaoni quia in hoc ipsum excitavi te ut ostendam in te virtutem meam et ut adnuntietur nomen meum in universa terra

vul@Romans:9:18 @ ergo cuius vult miseretur et quem vult indurat

vul@Romans:9:19 @ dicis itaque mihi quid adhuc queritur voluntati enim eius quis resistit

vul@Romans:9:20 @ o homo tu quis es qui respondeas Deo numquid dicit figmentum ei qui se finxit quid me fecisti sic

vul@Romans:9:21 @ an non habet potestatem figulus luti ex eadem massa facere aliud quidem vas in honorem aliud vero in contumeliam

vul@Romans:9:22 @ quod si volens Deus ostendere iram et notam facere potentiam suam sustinuit in multa patientia vasa irae aptata in interitum

vul@Romans:9:23 @ ut ostenderet divitias gloriae suae in vasa misericordiae quae praeparavit in gloriam

vul@Romans:9:24 @ quos et vocavit nos non solum ex Iudaeis sed etiam ex gentibus

vul@Romans:9:25 @ sicut in Osee dicit vocabo non plebem meam plebem meam et non misericordiam consecutam misericordiam consecutam

vul@Romans:9:26 @ et erit in loco ubi dictum est eis non plebs mea vos ibi vocabuntur filii Dei vivi

vul@Romans:9:27 @ Esaias autem clamat pro Israhel si fuerit numerus filiorum Israhel tamquam harena maris reliquiae salvae fient

vul@Romans:9:28 @ verbum enim consummans et brevians in aequitate quia verbum breviatum faciet Dominus super terram

vul@Romans:9:29 @ et sicut praedixit Esaias nisi Dominus Sabaoth reliquisset nobis semen sicut Sodoma facti essemus et sicut Gomorra similes fuissemus