Zephaniah:1:14-2:3
vul@Zephaniah:1:14 @ iuxta est dies Domini magnus iuxta et velox nimis vox diei Domini amara tribulabitur ibi fortis
vul@Zephaniah:1:15 @ dies irae dies illa dies tribulationis et angustiae dies calamitatis et miseriae dies tenebrarum et caliginis dies nebulae et turbinis
vul@Zephaniah:1:16 @ dies tubae et clangoris super civitates munitas et super angulos excelsos
vul@Zephaniah:1:17 @ et tribulabo homines et ambulabunt ut caeci quia Domino peccaverunt et effundetur sanguis eorum sicut humus et corpus eorum sicut stercora
vul@Zephaniah:1:18 @ sed et argentum eorum et aurum eorum non poterit liberare eos in die irae Domini in igne zeli eius devorabitur omnis terra quia consummationem cum festinatione faciet cunctis habitantibus terram
vul@Zephaniah:2:1 @ convenite congregamini gens non amabilis
vul@Zephaniah:2:2 @ priusquam pariat iussio quasi pulverem transeuntem diem antequam veniat super vos ira furoris Domini antequam veniat super vos dies furoris Domini
vul@Zephaniah:2:3 @ quaerite Dominum omnes mansueti terrae qui iudicium eius estis operati quaerite iustum quaerite mansuetum si quo modo abscondamini in die furoris Domini