vul - 6

vul@Zechariah:6:1 @ et conversus sum et levavi oculos meos et vidi et ecce quattuor quadrigae egredientes de medio duorum montium et montes montes aerei

vul@Zechariah:6:2 @ in quadriga prima equi rufi et in quadriga secunda equi nigri

vul@Zechariah:6:3 @ et in quadriga tertia equi albi et in quadriga quarta equi varii fortes

vul@Zechariah:6:4 @ et respondi et dixi ad angelum qui loquebatur in me quid sunt haec domine mi

vul@Zechariah:6:5 @ et respondit angelus et ait ad me isti sunt quattuor venti caeli qui egrediuntur ut stent coram Dominatore omnis terrae

vul@Zechariah:6:6 @ in quo erant equi nigri egrediebantur in terra aquilonis et albi egressi sunt post eos et varii egressi sunt ad terram austri

vul@Zechariah:6:7 @ qui autem erant robustissimi exierunt et quaerebant ire et discurrere per omnem terram et dixit ite perambulate terram et perambulaverunt terram

vul@Zechariah:6:8 @ et vocavit me et locutus est ad me dicens ecce qui egrediuntur in terram aquilonis requiescere fecerunt spiritum meum in terra aquilonis

vul@Zechariah:6:9 @ et factum est verbum Domini ad me dicens

vul@Zechariah:6:10 @ sume a transmigratione ab Oldai et a Tobia et ab Idaia et venies tu in die illa et intrabis domum Iosiae filii Sofoniae qui venerunt de Babylone

vul@Zechariah:6:11 @ et sumes argentum et aurum et facies coronas et pones in capite Iesu filii Iosedech sacerdotis magni

vul@Zechariah:6:12 @ et loqueris ad eum dicens haec ait Dominus exercituum dicens ecce vir Oriens nomen eius et subter eum orietur et aedificabit templum Domino

vul@Zechariah:6:13 @ et ipse extruet templum Domino et ipse portabit gloriam et sedebit et dominabitur super solio suo et erit sacerdos super solio suo et consilium pacis erit inter duos illos

vul@Zechariah:6:14 @ et coronae erunt Helem et Tobiae et Idaiae et Hen filio Sofoniae memoriale in templo Domini

vul@Zechariah:6:15 @ et qui procul sunt venient et aedificabunt in templo Domini et scietis quia Dominus exercituum misit me ad vos erit autem hoc si auditu audieritis vocem Domini Dei vestri

Zechariah 6