vul - 9

vul@Zechariah:9:1 @ onus verbi Domini in terra Adrach et Damasci requiei eius quia Domini est oculus hominis et omnium tribuum Israhel

vul@Zechariah:9:2 @ Emath quoque in terminis eius et Tyrus et Sidon adsumpserunt quippe sibi sapientiam valde

vul@Zechariah:9:3 @ et aedificavit Tyrus munitionem suam et coacervavit argentum quasi humum et aurum ut lutum platearum

vul@Zechariah:9:4 @ ecce Dominus possidebit eam et percutiet in mari fortitudinem eius et haec igni devorabitur

vul@Zechariah:9:5 @ videbit Ascalon et timebit et Gaza et dolebit nimis et Accaron quoniam confusa est spes eius et peribit rex de Gaza et Ascalon non habitabitur

vul@Zechariah:9:6 @ et sedebit separator in Azoto et disperdam superbiam Philisthinorum

vul@Zechariah:9:7 @ et auferam sanguinem eius de ore eius et abominationes eius de medio dentium eius et relinquetur etiam ipse Deo nostro et erit quasi dux in Iuda et Accaron quasi Iebuseus

vul@Zechariah:9:8 @ et circumdabo domum meam ex his qui militant mihi euntes et revertentes et non transibit super eos ultra exactor quia nunc vidi in oculis meis

vul@Zechariah:9:9 @ exulta satis filia Sion iubila filia Hierusalem ecce rex tuus veniet tibi iustus et salvator ipse pauper et ascendens super asinum et super pullum filium asinae

vul@Zechariah:9:10 @ et disperdam quadrigam ex Ephraim et equum de Hierusalem et dissipabitur arcus belli et loquetur pacem gentibus et potestas eius a mari usque ad mare et a fluminibus usque ad fines terrae

vul@Zechariah:9:11 @ tu quoque in sanguine testamenti tui emisisti vinctos tuos de lacu in quo non est aqua

vul@Zechariah:9:12 @ convertimini ad munitionem vincti spei hodie quoque adnuntians duplicia reddam tibi

vul@Zechariah:9:13 @ quoniam extendi mihi Iudam quasi arcum implevi Ephraim et suscitabo filios tuos Sion super filios tuos Graecia et ponam te quasi gladium fortium

vul@Zechariah:9:14 @ et Dominus Deus super eos videbitur et exibit ut fulgur iaculum eius et Dominus Deus in tuba canet et vadet in turbine austri

vul@Zechariah:9:15 @ Dominus exercituum proteget eos et devorabunt et subicient lapidibus fundae et bibentes inebriabuntur quasi vino et replebuntur ut fialae et quasi cornua altaris

vul@Zechariah:9:16 @ et salvabit eos Dominus Deus eorum in die illa ut gregem populi sui quia lapides sancti elevantur super terram eius

vul@Zechariah:9:17 @ quid enim bonum eius est et quid pulchrum eius nisi frumentum electorum et vinum germinans virgines

Zechariah 9