Zephaniah 1
vul@Zephaniah:1:1 @ verbum Domini quod factum est ad Sofoniam filium Chusi filium Godoliae filii Amariae filii Ezechiae in diebus Iosiae filii Amon regis Iuda
vul@Zephaniah:1:2 @ congregans congregabo omnia a facie terrae dicit Dominus
vul@Zephaniah:1:3 @ congregans hominem et pecus congregans volatile caeli et pisces maris et ruinae impiorum erunt et disperdam homines a facie terrae dicit Dominus
vul@Zephaniah:1:4 @ et extendam manum meam super Iudam et super omnes habitantes Hierusalem et disperdam de loco hoc reliquias Baal et nomina aedituorum cum sacerdotibus
vul@Zephaniah:1:5 @ et eos qui adorant super tecta militiam caeli et adorant et iurant in Domino et iurant in Melchom
vul@Zephaniah:1:6 @ et qui avertuntur de post tergum Domini et qui non quaesierunt Dominum nec investigaverunt eum
vul@Zephaniah:1:7 @ silete a facie Domini Dei quia iuxta est dies Domini quia praeparavit Dominus hostiam sanctificavit vocatos suos
vul@Zephaniah:1:8 @ et erit in die hostiae Domini visitabo super principes et super filios regis et super omnes qui induti sunt veste peregrina
vul@Zephaniah:1:9 @ et visitabo omnem qui arroganter ingreditur super limen in die illa qui conplent domum Domini Dei sui iniquitate et dolo
vul@Zephaniah:1:10 @ et erit in die illa dicit Dominus vox clamoris a porta Piscium et ululatus a secunda et contritio magna a collibus
vul@Zephaniah:1:11 @ ululate habitatores pilae conticuit omnis populus Chanaan disperierunt omnes involuti argento
vul@Zephaniah:1:12 @ et erit in tempore illo scrutabor Hierusalem in lucernis et visitabo super viros defixos in fecibus suis qui dicunt in cordibus suis non faciet bene Dominus et non faciet male
vul@Zephaniah:1:13 @ et erit fortitudo eorum in direptionem et domus eorum in desertum et aedificabunt domos et non habitabunt et plantabunt vineas et non bibent vinum earum
vul@Zephaniah:1:14 @ iuxta est dies Domini magnus iuxta et velox nimis vox diei Domini amara tribulabitur ibi fortis
vul@Zephaniah:1:15 @ dies irae dies illa dies tribulationis et angustiae dies calamitatis et miseriae dies tenebrarum et caliginis dies nebulae et turbinis
vul@Zephaniah:1:16 @ dies tubae et clangoris super civitates munitas et super angulos excelsos
vul@Zephaniah:1:17 @ et tribulabo homines et ambulabunt ut caeci quia Domino peccaverunt et effundetur sanguis eorum sicut humus et corpus eorum sicut stercora
vul@Zephaniah:1:18 @ sed et argentum eorum et aurum eorum non poterit liberare eos in die irae Domini in igne zeli eius devorabitur omnis terra quia consummationem cum festinatione faciet cunctis habitantibus terram