Bible:
Filter: String:

NT-GOSPEL.filter - vul e:


vul@Matthew:1:1 @ liber generationis Iesu Christi filii David filii Abraham

vul@Matthew:1:2 @ Abraham genuit Isaac Isaac autem genuit Iacob Iacob autem genuit Iudam et fratres eius

vul@Matthew:1:3 @ Iudas autem genuit Phares et Zara de Thamar Phares autem genuit Esrom Esrom autem genuit Aram

vul@Matthew:1:4 @ Aram autem genuit Aminadab Aminadab autem genuit Naasson Naasson autem genuit Salmon

vul@Matthew:1:5 @ Salmon autem genuit Booz de Rachab Booz autem genuit Obed ex Ruth Obed autem genuit Iesse Iesse autem genuit David regem

vul@Matthew:1:6 @ David autem rex genuit Salomonem ex ea quae fuit Uriae

vul@Matthew:1:7 @ Salomon autem genuit Roboam Roboam autem genuit Abiam Abia autem genuit Asa

vul@Matthew:1:8 @ Asa autem genuit Iosaphat Iosaphat autem genuit Ioram Ioram autem genuit Oziam

vul@Matthew:1:9 @ Ozias autem genuit Ioatham Ioatham autem genuit Achaz Achaz autem genuit Ezechiam

vul@Matthew:1:10 @ Ezechias autem genuit Manassen Manasses autem genuit Amon Amon autem genuit Iosiam

vul@Matthew:1:11 @ Iosias autem genuit Iechoniam et fratres eius in transmigratione Babylonis

vul@Matthew:1:12 @ et post transmigrationem Babylonis Iechonias genuit Salathihel Salathihel autem genuit Zorobabel

vul@Matthew:1:13 @ Zorobabel autem genuit Abiud Abiud autem genuit Eliachim Eliachim autem genuit Azor

vul@Matthew:1:14 @ Azor autem genuit Saddoc Saddoc autem genuit Achim Achim autem genuit Eliud

vul@Matthew:1:15 @ Eliud autem genuit Eleazar Eleazar autem genuit Matthan Matthan autem genuit Iacob

vul@Matthew:1:16 @ Iacob autem genuit Ioseph virum Mariae de qua natus est Iesus qui vocatur Christus

vul@Matthew:1:17 @ omnes ergo generationes ab Abraham usque ad David generationes quattuordecim et a David usque ad transmigrationem Babylonis generationes quattuordecim et a transmigratione Babylonis usque ad Christum generationes quattuordecim

vul@Matthew:1:18 @ Christi autem generatio sic erat cum esset desponsata mater eius Maria Ioseph antequam convenirent inventa est in utero habens de Spiritu Sancto

vul@Matthew:1:19 @ Ioseph autem vir eius cum esset iustus et nollet eam traducere voluit occulte dimittere eam

vul@Matthew:1:20 @ haec autem eo cogitante ecce angelus Domini in somnis apparuit ei dicens Ioseph fili David noli timere accipere Mariam coniugem tuam quod enim in ea natum est de Spiritu Sancto est

vul@Matthew:1:21 @ pariet autem filium et vocabis nomen eius Iesum ipse enim salvum faciet populum suum a peccatis eorum

vul@Matthew:1:22 @ hoc autem totum factum est ut adimpleretur id quod dictum est a Domino per prophetam dicentem

vul@Matthew:1:23 @ ecce virgo in utero habebit et pariet filium et vocabunt nomen eius Emmanuhel quod est interpretatum Nobiscum Deus

vul@Matthew:1:24 @ exsurgens autem Ioseph a somno fecit sicut praecepit ei angelus Domini et accepit coniugem suam

vul@Matthew:1:25 @ et non cognoscebat eam donec peperit filium suum primogenitum et vocavit nomen eius Iesum

vul@Matthew:2:1 @ cum ergo natus esset Iesus in Bethleem Iudaeae in diebus Herodis regis ecce magi ab oriente venerunt Hierosolymam

vul@Matthew:2:2 @ dicentes ubi est qui natus est rex Iudaeorum vidimus enim stellam eius in oriente et venimus adorare eum

vul@Matthew:2:3 @ audiens autem Herodes rex turbatus est et omnis Hierosolyma cum illo

vul@Matthew:2:4 @ et congregans omnes principes sacerdotum et scribas populi sciscitabatur ab eis ubi Christus nasceretur

vul@Matthew:2:5 @ at illi dixerunt ei in Bethleem Iudaeae sic enim scriptum est per prophetam

vul@Matthew:2:6 @ et tu Bethleem terra Iuda nequaquam minima es in principibus Iuda ex te enim exiet dux qui reget populum meum Israhel

vul@Matthew:2:7 @ tunc Herodes clam vocatis magis diligenter didicit ab eis tempus stellae quae apparuit eis

vul@Matthew:2:8 @ et mittens illos in Bethleem dixit ite et interrogate diligenter de puero et cum inveneritis renuntiate mihi ut et ego veniens adorem eum

vul@Matthew:2:9 @ qui cum audissent regem abierunt et ecce stella quam viderant in oriente antecedebat eos usque dum veniens staret supra ubi erat puer

vul@Matthew:2:10 @ videntes autem stellam gavisi sunt gaudio magno valde

vul@Matthew:2:11 @ et intrantes domum invenerunt puerum cum Maria matre eius et procidentes adoraverunt eum et apertis thesauris suis obtulerunt ei munera aurum tus et murram

vul@Matthew:2:12 @ et responso accepto in somnis ne redirent ad Herodem per aliam viam reversi sunt in regionem suam

vul@Matthew:2:13 @ qui cum recessissent ecce angelus Domini apparuit in somnis Ioseph dicens surge et accipe puerum et matrem eius et fuge in Aegyptum et esto ibi usque dum dicam tibi futurum est enim ut Herodes quaerat puerum ad perdendum eum

vul@Matthew:2:14 @ qui consurgens accepit puerum et matrem eius nocte et recessit in Aegyptum

vul@Matthew:2:15 @ et erat ibi usque ad obitum Herodis ut adimpleretur quod dictum est a Domino per prophetam dicentem ex Aegypto vocavi filium meum

vul@Matthew:2:16 @ tunc Herodes videns quoniam inlusus esset a magis iratus est valde et mittens occidit omnes pueros qui erant in Bethleem et in omnibus finibus eius a bimatu et infra secundum tempus quod exquisierat a magis

vul@Matthew:2:17 @ tunc adimpletum est quod dictum est per Hieremiam prophetam dicentem

vul@Matthew:2:18 @ vox in Rama audita est ploratus et ululatus multus Rachel plorans filios suos et noluit consolari quia non sunt

vul@Matthew:2:19 @ defuncto autem Herode ecce apparuit angelus Domini in somnis Ioseph in Aegypto

vul@Matthew:2:20 @ dicens surge et accipe puerum et matrem eius et vade in terram Israhel defuncti sunt enim qui quaerebant animam pueri

vul@Matthew:2:21 @ qui surgens accepit puerum et matrem eius et venit in terram Israhel

vul@Matthew:2:22 @ audiens autem quod Archelaus regnaret in Iudaea pro Herode patre suo timuit illo ire et admonitus in somnis secessit in partes Galilaeae

vul@Matthew:2:23 @ et veniens habitavit in civitate quae vocatur Nazareth ut adimpleretur quod dictum est per prophetas quoniam Nazareus vocabitur

vul@Matthew:3:1 @ in diebus autem illis venit Iohannes Baptista praedicans in deserto Iudaeae

vul@Matthew:3:2 @ et dicens paenitentiam agite adpropinquavit enim regnum caelorum

vul@Matthew:3:3 @ hic est enim qui dictus est per Esaiam prophetam dicentem vox clamantis in deserto parate viam Domini rectas facite semitas eius

vul@Matthew:3:4 @ ipse autem Iohannes habebat vestimentum de pilis camelorum et zonam pelliciam circa lumbos suos esca autem eius erat lucustae et mel silvestre

vul@Matthew:3:5 @ tunc exiebat ad eum Hierosolyma et omnis Iudaea et omnis regio circa Iordanen

vul@Matthew:3:6 @ et baptizabantur in Iordane ab eo confitentes peccata sua

vul@Matthew:3:7 @ videns autem multos Pharisaeorum et Sadducaeorum venientes ad baptismum suum dixit eis progenies viperarum quis demonstravit vobis fugere a futura ira

vul@Matthew:3:8 @ facite ergo fructum dignum paenitentiae

vul@Matthew:3:9 @ et ne velitis dicere intra vos patrem habemus Abraham dico enim vobis quoniam potest Deus de lapidibus istis suscitare filios Abrahae

vul@Matthew:3:10 @ iam enim securis ad radicem arborum posita est omnis ergo arbor quae non facit fructum bonum exciditur et in ignem mittitur

vul@Matthew:3:11 @ ego quidem vos baptizo in aqua in paenitentiam qui autem post me venturus est fortior me est cuius non sum dignus calciamenta portare ipse vos baptizabit in Spiritu Sancto et igni

vul@Matthew:3:12 @ cuius ventilabrum in manu sua et permundabit aream suam et congregabit triticum suum in horreum paleas autem conburet igni inextinguibili

vul@Matthew:3:13 @ tunc venit Iesus a Galilaea in Iordanen ad Iohannem ut baptizaretur ab eo

vul@Matthew:3:14 @ Iohannes autem prohibebat eum dicens ego a te debeo baptizari et tu venis ad me

vul@Matthew:3:15 @ respondens autem Iesus dixit ei sine modo sic enim decet nos implere omnem iustitiam tunc dimisit eum

vul@Matthew:3:16 @ baptizatus autem confestim ascendit de aqua et ecce aperti sunt ei caeli et vidit Spiritum Dei descendentem sicut columbam venientem super se

vul@Matthew:3:17 @ et ecce vox de caelis dicens hic est Filius meus dilectus in quo mihi conplacui

vul@Matthew:4:1 @ tunc Iesus ductus est in desertum ab Spiritu ut temptaretur a diabolo

vul@Matthew:4:2 @ et cum ieiunasset quadraginta diebus et quadraginta noctibus postea esuriit

vul@Matthew:4:3 @ et accedens temptator dixit ei si Filius Dei es dic ut lapides isti panes fiant

vul@Matthew:4:4 @ qui respondens dixit scriptum est non in pane solo vivet homo sed in omni verbo quod procedit de ore Dei

vul@Matthew:4:5 @ tunc adsumit eum diabolus in sanctam civitatem et statuit eum supra pinnaculum templi

vul@Matthew:4:6 @ et dixit ei si Filius Dei es mitte te deorsum scriptum est enim quia angelis suis mandabit de te et in manibus tollent te ne forte offendas ad lapidem pedem tuum

vul@Matthew:4:7 @ ait illi Iesus rursum scriptum est non temptabis Dominum Deum tuum

vul@Matthew:4:8 @ iterum adsumit eum diabolus in montem excelsum valde et ostendit ei omnia regna mundi et gloriam eorum

vul@Matthew:4:9 @ et dixit illi haec tibi omnia dabo si cadens adoraveris me

vul@Matthew:4:10 @ tunc dicit ei Iesus vade Satanas scriptum est Dominum Deum tuum adorabis et illi soli servies

vul@Matthew:4:11 @ tunc reliquit eum diabolus et ecce angeli accesserunt et ministrabant ei

vul@Matthew:4:12 @ cum autem audisset quod Iohannes traditus esset secessit in Galilaeam

vul@Matthew:4:13 @ et relicta civitate Nazareth venit et habitavit in Capharnaum maritimam in finibus Zabulon et Nepthalim

vul@Matthew:4:14 @ ut adimpleretur quod dictum est per Esaiam prophetam

vul@Matthew:4:15 @ terra Zabulon et terra Nepthalim via maris trans Iordanen Galilaeae gentium

vul@Matthew:4:16 @ populus qui sedebat in tenebris lucem vidit magnam et sedentibus in regione et umbra mortis lux orta est eis

vul@Matthew:4:17 @ exinde coepit Iesus praedicare et dicere paenitentiam agite adpropinquavit enim regnum caelorum

vul@Matthew:4:18 @ ambulans autem iuxta mare Galilaeae vidit duos fratres Simonem qui vocatur Petrus et Andream fratrem eius mittentes rete in mare erant enim piscatores

vul@Matthew:4:19 @ et ait illis venite post me et faciam vos fieri piscatores hominum

vul@Matthew:4:20 @ at illi continuo relictis retibus secuti sunt eum

vul@Matthew:4:21 @ et procedens inde vidit alios duos fratres Iacobum Zebedaei et Iohannem fratrem eius in navi cum Zebedaeo patre eorum reficientes retia sua et vocavit eos

vul@Matthew:4:22 @ illi autem statim relictis retibus et patre secuti sunt eum

vul@Matthew:4:23 @ et circumibat Iesus totam Galilaeam docens in synagogis eorum et praedicans evangelium regni et sanans omnem languorem et omnem infirmitatem in populo

vul@Matthew:4:24 @ et abiit opinio eius in totam Syriam et obtulerunt ei omnes male habentes variis languoribus et tormentis conprehensos et qui daemonia habebant et lunaticos et paralyticos et curavit eos

vul@Matthew:4:25 @ et secutae sunt eum turbae multae de Galilaea et Decapoli et Hierosolymis et Iudaea et de trans Iordanen

vul@Matthew:5:1 @ videns autem turbas ascendit in montem et cum sedisset accesserunt ad eum discipuli eius

vul@Matthew:5:2 @ et aperiens os suum docebat eos dicens

vul@Matthew:5:3 @ beati pauperes spiritu quoniam ipsorum est regnum caelorum

vul@Matthew:5:4 @ beati mites quoniam ipsi possidebunt terram

vul@Matthew:5:5 @ beati qui lugent quoniam ipsi consolabuntur

vul@Matthew:5:6 @ beati qui esuriunt et sitiunt iustitiam quoniam ipsi saturabuntur

vul@Matthew:5:7 @ beati misericordes quia ipsi misericordiam consequentur

vul@Matthew:5:8 @ beati mundo corde quoniam ipsi Deum videbunt

vul@Matthew:5:9 @ beati pacifici quoniam filii Dei vocabuntur

vul@Matthew:5:10 @ beati qui persecutionem patiuntur propter iustitiam quoniam ipsorum est regnum caelorum

vul@Matthew:5:11 @ beati estis cum maledixerint vobis et persecuti vos fuerint et dixerint omne malum adversum vos mentientes propter me

vul@Matthew:5:12 @ gaudete et exultate quoniam merces vestra copiosa est in caelis sic enim persecuti sunt prophetas qui fuerunt ante vos

vul@Matthew:5:13 @ vos estis sal terrae quod si sal evanuerit in quo sallietur ad nihilum valet ultra nisi ut mittatur foras et conculcetur ab hominibus

vul@Matthew:5:14 @ vos estis lux mundi non potest civitas abscondi supra montem posita

vul@Matthew:5:15 @ neque accendunt lucernam et ponunt eam sub modio sed super candelabrum ut luceat omnibus qui in domo sunt

vul@Matthew:5:16 @ sic luceat lux vestra coram hominibus ut videant vestra bona opera et glorificent Patrem vestrum qui in caelis est

vul@Matthew:5:17 @ nolite putare quoniam veni solvere legem aut prophetas non veni solvere sed adimplere

vul@Matthew:5:18 @ amen quippe dico vobis donec transeat caelum et terra iota unum aut unus apex non praeteribit a lege donec omnia fiant

vul@Matthew:5:19 @ qui ergo solverit unum de mandatis istis minimis et docuerit sic homines minimus vocabitur in regno caelorum qui autem fecerit et docuerit hic magnus vocabitur in regno caelorum

vul@Matthew:5:20 @ dico enim vobis quia nisi abundaverit iustitia vestra plus quam scribarum et Pharisaeorum non intrabitis in regnum caelorum

vul@Matthew:5:21 @ audistis quia dictum est antiquis non occides qui autem occiderit reus erit iudicio

vul@Matthew:5:22 @ ego autem dico vobis quia omnis qui irascitur fratri suo reus erit iudicio qui autem dixerit fratri suo racha reus erit concilio qui autem dixerit fatue reus erit gehennae ignis

vul@Matthew:5:23 @ si ergo offeres munus tuum ad altare et ibi recordatus fueris quia frater tuus habet aliquid adversum te

vul@Matthew:5:24 @ relinque ibi munus tuum ante altare et vade prius reconciliare fratri tuo et tunc veniens offers munus tuum

vul@Matthew:5:25 @ esto consentiens adversario tuo cito dum es in via cum eo ne forte tradat te adversarius iudici et iudex tradat te ministro et in carcerem mittaris

vul@Matthew:5:26 @ amen dico tibi non exies inde donec reddas novissimum quadrantem

vul@Matthew:5:27 @ audistis quia dictum est antiquis non moechaberis

vul@Matthew:5:28 @ ego autem dico vobis quoniam omnis qui viderit mulierem ad concupiscendum eam iam moechatus est eam in corde suo

vul@Matthew:5:29 @ quod si oculus tuus dexter scandalizat te erue eum et proice abs te expedit enim tibi ut pereat unum membrorum tuorum quam totum corpus tuum mittatur in gehennam

vul@Matthew:5:30 @ et si dextera manus tua scandalizat te abscide eam et proice abs te expedit tibi ut pereat unum membrorum tuorum quam totum corpus tuum eat in gehennam

vul@Matthew:5:31 @ dictum est autem quicumque dimiserit uxorem suam det illi libellum repudii

vul@Matthew:5:32 @ ego autem dico vobis quia omnis qui dimiserit uxorem suam excepta fornicationis causa facit eam moechari et qui dimissam duxerit adulterat

vul@Matthew:5:33 @ iterum audistis quia dictum est antiquis non peierabis reddes autem Domino iuramenta tua

vul@Matthew:5:34 @ ego autem dico vobis non iurare omnino neque per caelum quia thronus Dei est

vul@Matthew:5:35 @ neque per terram quia scabillum est pedum eius neque per Hierosolymam quia civitas est magni Regis

vul@Matthew:5:36 @ neque per caput tuum iuraveris quia non potes unum capillum album facere aut nigrum

vul@Matthew:5:37 @ sit autem sermo vester est est non non quod autem his abundantius est a malo est

vul@Matthew:5:38 @ audistis quia dictum est oculum pro oculo et dentem pro dente

vul@Matthew:5:39 @ ego autem dico vobis non resistere malo sed si quis te percusserit in dextera maxilla tua praebe illi et alteram

vul@Matthew:5:40 @ et ei qui vult tecum iudicio contendere et tunicam tuam tollere remitte ei et pallium

vul@Matthew:5:41 @ et quicumque te angariaverit mille passus vade cum illo alia duo

vul@Matthew:5:42 @ qui petit a te da ei et volenti mutuari a te ne avertaris

vul@Matthew:5:43 @ audistis quia dictum est diliges proximum tuum et odio habebis inimicum tuum

vul@Matthew:5:44 @ ego autem dico vobis diligite inimicos vestros benefacite his qui oderunt vos et orate pro persequentibus et calumniantibus vos

vul@Matthew:5:45 @ ut sitis filii Patris vestri qui in caelis est qui solem suum oriri facit super bonos et malos et pluit super iustos et iniustos

vul@Matthew:5:46 @ si enim diligatis eos qui vos diligunt quam mercedem habebitis nonne et publicani hoc faciunt

vul@Matthew:5:47 @ et si salutaveritis fratres vestros tantum quid amplius facitis nonne et ethnici hoc faciunt

vul@Matthew:5:48 @ estote ergo vos perfecti sicut et Pater vester caelestis perfectus est

vul@Matthew:6:1 @ adtendite ne iustitiam vestram faciatis coram hominibus ut videamini ab eis alioquin mercedem non habebitis apud Patrem vestrum qui in caelis est

vul@Matthew:6:2 @ cum ergo facies elemosynam noli tuba canere ante te sicut hypocritae faciunt in synagogis et in vicis ut honorificentur ab hominibus amen dico vobis receperunt mercedem suam

vul@Matthew:6:3 @ te autem faciente elemosynam nesciat sinistra tua quid faciat dextera tua

vul@Matthew:6:4 @ ut sit elemosyna tua in abscondito et Pater tuus qui videt in abscondito reddet tibi

vul@Matthew:6:5 @ et cum oratis non eritis sicut hypocritae qui amant in synagogis et in angulis platearum stantes orare ut videantur ab hominibus amen dico vobis receperunt mercedem suam

vul@Matthew:6:6 @ tu autem cum orabis intra in cubiculum tuum et cluso ostio tuo ora Patrem tuum in abscondito et Pater tuus qui videt in abscondito reddet tibi

vul@Matthew:6:7 @ orantes autem nolite multum loqui sicut ethnici putant enim quia in multiloquio suo exaudiantur

vul@Matthew:6:8 @ nolite ergo adsimilari eis scit enim Pater vester quibus opus sit vobis antequam petatis eum

vul@Matthew:6:9 @ sic ergo vos orabitis Pater noster qui in caelis es sanctificetur nomen tuum

vul@Matthew:6:10 @ veniat regnum tuum fiat voluntas tua sicut in caelo et in terra

vul@Matthew:6:11 @ panem nostrum supersubstantialem da nobis hodie

vul@Matthew:6:12 @ et dimitte nobis debita nostra sicut et nos dimisimus debitoribus nostris

vul@Matthew:6:13 @ et ne inducas nos in temptationem sed libera nos a malo

vul@Matthew:6:14 @ si enim dimiseritis hominibus peccata eorum dimittet et vobis Pater vester caelestis delicta vestra

vul@Matthew:6:15 @ si autem non dimiseritis hominibus nec Pater vester dimittet peccata vestra

vul@Matthew:6:16 @ cum autem ieiunatis nolite fieri sicut hypocritae tristes demoliuntur enim facies suas ut pareant hominibus ieiunantes amen dico vobis quia receperunt mercedem suam

vul@Matthew:6:17 @ tu autem cum ieiunas ungue caput tuum et faciem tuam lava

vul@Matthew:6:18 @ ne videaris hominibus ieiunans sed Patri tuo qui est in abscondito et Pater tuus qui videt in abscondito reddet tibi

vul@Matthew:6:19 @ nolite thesaurizare vobis thesauros in terra ubi erugo et tinea demolitur ubi fures effodiunt et furantur

vul@Matthew:6:20 @ thesaurizate autem vobis thesauros in caelo ubi neque erugo neque tinea demolitur et ubi fures non effodiunt nec furantur

vul@Matthew:6:21 @ ubi enim est thesaurus tuus ibi est et cor tuum

vul@Matthew:6:22 @ lucerna corporis est oculus si fuerit oculus tuus simplex totum corpus tuum lucidum erit

vul@Matthew:6:23 @ si autem oculus tuus nequam fuerit totum corpus tuum tenebrosum erit si ergo lumen quod in te est tenebrae sunt tenebrae quantae erunt

vul@Matthew:6:24 @ nemo potest duobus dominis servire aut enim unum odio habebit et alterum diliget aut unum sustinebit et alterum contemnet non potestis Deo servire et mamonae

vul@Matthew:6:25 @ ideo dico vobis ne solliciti sitis animae vestrae quid manducetis neque corpori vestro quid induamini nonne anima plus est quam esca et corpus plus est quam vestimentum

vul@Matthew:6:26 @ respicite volatilia caeli quoniam non serunt neque metunt neque congregant in horrea et Pater vester caelestis pascit illa nonne vos magis pluris estis illis

vul@Matthew:6:27 @ quis autem vestrum cogitans potest adicere ad staturam suam cubitum unum

vul@Matthew:6:28 @ et de vestimento quid solliciti estis considerate lilia agri quomodo crescunt non laborant nec nent

vul@Matthew:6:29 @ dico autem vobis quoniam nec Salomon in omni gloria sua coopertus est sicut unum ex istis

vul@Matthew:6:30 @ si autem faenum agri quod hodie est et cras in clibanum mittitur Deus sic vestit quanto magis vos minimae fidei

vul@Matthew:6:31 @ nolite ergo solliciti esse dicentes quid manducabimus aut quid bibemus aut quo operiemur

vul@Matthew:6:32 @ haec enim omnia gentes inquirunt scit enim Pater vester quia his omnibus indigetis

vul@Matthew:6:33 @ quaerite autem primum regnum et iustitiam eius et omnia haec adicientur vobis

vul@Matthew:6:34 @ nolite ergo esse solliciti in crastinum crastinus enim dies sollicitus erit sibi ipse sufficit diei malitia sua

vul@Matthew:7:1 @ nolite iudicare ut non iudicemini

vul@Matthew:7:2 @ in quo enim iudicio iudicaveritis iudicabimini et in qua mensura mensi fueritis metietur vobis

vul@Matthew:7:3 @ quid autem vides festucam in oculo fratris tui et trabem in oculo tuo non vides

vul@Matthew:7:4 @ aut quomodo dicis fratri tuo sine eiciam festucam de oculo tuo et ecce trabis est in oculo tuo

vul@Matthew:7:5 @ hypocrita eice primum trabem de oculo tuo et tunc videbis eicere festucam de oculo fratris tui

vul@Matthew:7:6 @ nolite dare sanctum canibus neque mittatis margaritas vestras ante porcos ne forte conculcent eas pedibus suis et conversi disrumpant vos

vul@Matthew:7:7 @ petite et dabitur vobis quaerite et invenietis pulsate et aperietur vobis

vul@Matthew:7:8 @ omnis enim qui petit accipit et qui quaerit invenit et pulsanti aperietur

vul@Matthew:7:9 @ aut quis est ex vobis homo quem si petierit filius suus panem numquid lapidem porriget ei

vul@Matthew:7:10 @ aut si piscem petet numquid serpentem porriget ei

vul@Matthew:7:11 @ si ergo vos cum sitis mali nostis bona dare filiis vestris quanto magis Pater vester qui in caelis est dabit bona petentibus se

vul@Matthew:7:12 @ omnia ergo quaecumque vultis ut faciant vobis homines et vos facite eis haec est enim lex et prophetae

vul@Matthew:7:13 @ intrate per angustam portam quia lata porta et spatiosa via quae ducit ad perditionem et multi sunt qui intrant per eam

vul@Matthew:7:14 @ quam angusta porta et arta via quae ducit ad vitam et pauci sunt qui inveniunt eam

vul@Matthew:7:15 @ adtendite a falsis prophetis qui veniunt ad vos in vestimentis ovium intrinsecus autem sunt lupi rapaces

vul@Matthew:7:16 @ a fructibus eorum cognoscetis eos numquid colligunt de spinis uvas aut de tribulis ficus

vul@Matthew:7:17 @ sic omnis arbor bona fructus bonos facit mala autem arbor fructus malos facit

vul@Matthew:7:18 @ non potest arbor bona fructus malos facere neque arbor mala fructus bonos facere

vul@Matthew:7:19 @ omnis arbor quae non facit fructum bonum exciditur et in ignem mittitur

vul@Matthew:7:20 @ igitur ex fructibus eorum cognoscetis eos

vul@Matthew:7:21 @ non omnis qui dicit mihi Domine Domine intrabit in regnum caelorum sed qui facit voluntatem Patris mei qui in caelis est ipse intrabit in regnum caelorum

vul@Matthew:7:22 @ multi dicent mihi in illa die Domine Domine nonne in nomine tuo prophetavimus et in tuo nomine daemonia eiecimus et in tuo nomine virtutes multas fecimus

vul@Matthew:7:23 @ et tunc confitebor illis quia numquam novi vos discedite a me qui operamini iniquitatem

vul@Matthew:7:24 @ omnis ergo qui audit verba mea haec et facit ea adsimilabitur viro sapienti qui aedificavit domum suam supra petram

vul@Matthew:7:25 @ et descendit pluvia et venerunt flumina et flaverunt venti et inruerunt in domum illam et non cecidit fundata enim erat super petram

vul@Matthew:7:26 @ et omnis qui audit verba mea haec et non facit ea similis erit viro stulto qui aedificavit domum suam supra harenam

vul@Matthew:7:27 @ et descendit pluvia et venerunt flumina et flaverunt venti et inruerunt in domum illam et cecidit et fuit ruina eius magna

vul@Matthew:7:28 @ et factum est cum consummasset Iesus verba haec admirabantur turbae super doctrinam eius

vul@Matthew:7:29 @ erat enim docens eos sicut potestatem habens non sicut scribae eorum et Pharisaei

vul@Matthew:8:1 @ cum autem descendisset de monte secutae sunt eum turbae multae

vul@Matthew:8:2 @ et ecce leprosus veniens adorabat eum dicens Domine si vis potes me mundare

vul@Matthew:8:3 @ et extendens manum tetigit eum Iesus dicens volo mundare et confestim mundata est lepra eius

vul@Matthew:8:4 @ et ait illi Iesus vide nemini dixeris sed vade ostende te sacerdoti et offer munus quod praecepit Moses in testimonium illis

vul@Matthew:8:5 @ cum autem introisset Capharnaum accessit ad eum centurio rogans eum

vul@Matthew:8:6 @ et dicens Domine puer meus iacet in domo paralyticus et male torquetur

vul@Matthew:8:7 @ et ait illi Iesus ego veniam et curabo eum

vul@Matthew:8:8 @ et respondens centurio ait Domine non sum dignus ut intres sub tectum meum sed tantum dic verbo et sanabitur puer meus

vul@Matthew:8:9 @ nam et ego homo sum sub potestate habens sub me milites et dico huic vade et vadit et alio veni et venit et servo meo fac hoc et facit

vul@Matthew:8:10 @ audiens autem Iesus miratus est et sequentibus se dixit amen dico vobis non inveni tantam fidem in Israhel

vul@Matthew:8:11 @ dico autem vobis quod multi ab oriente et occidente venient et recumbent cum Abraham et Isaac et Iacob in regno caelorum

vul@Matthew:8:12 @ filii autem regni eicientur in tenebras exteriores ibi erit fletus et stridor dentium

vul@Matthew:8:13 @ et dixit Iesus centurioni vade et sicut credidisti fiat tibi et sanatus est puer in hora illa

vul@Matthew:8:14 @ et cum venisset Iesus in domum Petri vidit socrum eius iacentem et febricitantem

vul@Matthew:8:15 @ et tetigit manum eius et dimisit eam febris et surrexit et ministrabat eis

vul@Matthew:8:16 @ vespere autem facto obtulerunt ei multos daemonia habentes et eiciebat spiritus verbo et omnes male habentes curavit

vul@Matthew:8:17 @ ut adimpleretur quod dictum est per Esaiam prophetam dicentem ipse infirmitates nostras accepit et aegrotationes portavit

vul@Matthew:8:18 @ videns autem Iesus turbas multas circum se iussit ire trans fretum

vul@Matthew:8:19 @ et accedens unus scriba ait illi magister sequar te quocumque ieris

vul@Matthew:8:20 @ et dicit ei Iesus vulpes foveas habent et volucres caeli tabernacula Filius autem hominis non habet ubi caput reclinet

vul@Matthew:8:21 @ alius autem de discipulis eius ait illi Domine permitte me primum ire et sepelire patrem meum

vul@Matthew:8:22 @ Iesus autem ait illi sequere me et dimitte mortuos sepelire mortuos suos

vul@Matthew:8:23 @ et ascendente eo in navicula secuti sunt eum discipuli eius

vul@Matthew:8:24 @ et ecce motus magnus factus est in mari ita ut navicula operiretur fluctibus ipse vero dormiebat

vul@Matthew:8:25 @ et accesserunt et suscitaverunt eum dicentes Domine salva nos perimus

vul@Matthew:8:26 @ et dicit eis quid timidi estis modicae fidei tunc surgens imperavit ventis et mari et facta est tranquillitas magna

vul@Matthew:8:27 @ porro homines mirati sunt dicentes qualis est hic quia et venti et mare oboediunt ei

vul@Matthew:8:28 @ et cum venisset trans fretum in regionem Gerasenorum occurrerunt ei duo habentes daemonia de monumentis exeuntes saevi nimis ita ut nemo posset transire per viam illam

vul@Matthew:8:29 @ et ecce clamaverunt dicentes quid nobis et tibi Fili Dei venisti huc ante tempus torquere nos

vul@Matthew:8:30 @ erat autem non longe ab illis grex porcorum multorum pascens

vul@Matthew:8:31 @ daemones autem rogabant eum dicentes si eicis nos mitte nos in gregem porcorum

vul@Matthew:8:32 @ et ait illis ite at illi exeuntes abierunt in porcos et ecce impetu abiit totus grex per praeceps in mare et mortui sunt in aquis

vul@Matthew:8:33 @ pastores autem fugerunt et venientes in civitatem nuntiaverunt omnia et de his qui daemonia habuerant

vul@Matthew:8:34 @ et ecce tota civitas exiit obviam Iesu et viso eo rogabant ut transiret a finibus eorum

vul@Matthew:9:1 @ et ascendens in naviculam transfretavit et venit in civitatem suam

vul@Matthew:9:2 @ et ecce offerebant ei paralyticum iacentem in lecto et videns Iesus fidem illorum dixit paralytico confide fili remittuntur tibi peccata tua

vul@Matthew:9:3 @ et ecce quidam de scribis dixerunt intra se hic blasphemat

vul@Matthew:9:4 @ et cum vidisset Iesus cogitationes eorum dixit ut quid cogitatis mala in cordibus vestris

vul@Matthew:9:5 @ quid est facilius dicere dimittuntur tibi peccata aut dicere surge et ambula

vul@Matthew:9:6 @ ut sciatis autem quoniam Filius hominis habet potestatem in terra dimittendi peccata tunc ait paralytico surge tolle lectum tuum et vade in domum tuam

vul@Matthew:9:7 @ et surrexit et abiit in domum suam

vul@Matthew:9:8 @ videntes autem turbae timuerunt et glorificaverunt Deum qui dedit potestatem talem hominibus

vul@Matthew:9:9 @ et cum transiret inde Iesus vidit hominem sedentem in teloneo Mattheum nomine et ait illi sequere me et surgens secutus est eum

vul@Matthew:9:10 @ et factum est discumbente eo in domo ecce multi publicani et peccatores venientes discumbebant cum Iesu et discipulis eius

vul@Matthew:9:11 @ et videntes Pharisaei dicebant discipulis eius quare cum publicanis et peccatoribus manducat magister vester

vul@Matthew:9:12 @ at Iesus audiens ait non est opus valentibus medico sed male habentibus

vul@Matthew:9:13 @ euntes autem discite quid est misericordiam volo et non sacrificium non enim veni vocare iustos sed peccatores

vul@Matthew:9:14 @ tunc accesserunt ad eum discipuli Iohannis dicentes quare nos et Pharisaei ieiunamus frequenter discipuli autem tui non ieiunant

vul@Matthew:9:15 @ et ait illis Iesus numquid possunt filii sponsi lugere quamdiu cum illis est sponsus venient autem dies cum auferetur ab eis sponsus et tunc ieiunabunt

vul@Matthew:9:16 @ nemo autem inmittit commissuram panni rudis in vestimentum vetus tollit enim plenitudinem eius a vestimento et peior scissura fit

vul@Matthew:9:17 @ neque mittunt vinum novum in utres veteres alioquin rumpuntur utres et vinum effunditur et utres pereunt sed vinum novum in utres novos mittunt et ambo conservantur

vul@Matthew:9:18 @ haec illo loquente ad eos ecce princeps unus accessit et adorabat eum dicens filia mea modo defuncta est sed veni inpone manum super eam et vivet

vul@Matthew:9:19 @ et surgens Iesus sequebatur eum et discipuli eius

vul@Matthew:9:20 @ et ecce mulier quae sanguinis fluxum patiebatur duodecim annis accessit retro et tetigit fimbriam vestimenti eius

vul@Matthew:9:21 @ dicebat enim intra se si tetigero tantum vestimentum eius salva ero

vul@Matthew:9:22 @ at Iesus conversus et videns eam dixit confide filia fides tua te salvam fecit et salva facta est mulier ex illa hora

vul@Matthew:9:23 @ et cum venisset Iesus in domum principis et vidisset tibicines et turbam tumultuantem

vul@Matthew:9:24 @ dicebat recedite non est enim mortua puella sed dormit et deridebant eum

vul@Matthew:9:25 @ et cum eiecta esset turba intravit et tenuit manum eius et surrexit puella

vul@Matthew:9:26 @ et exiit fama haec in universam terram illam

vul@Matthew:9:27 @ et transeunte inde Iesu secuti sunt eum duo caeci clamantes et dicentes miserere nostri Fili David

vul@Matthew:9:28 @ cum autem venisset domum accesserunt ad eum caeci et dicit eis Iesus creditis quia possum hoc facere vobis dicunt ei utique Domine

vul@Matthew:9:29 @ tunc tetigit oculos eorum dicens secundum fidem vestram fiat vobis

vul@Matthew:9:30 @ et aperti sunt oculi illorum et comminatus est illis Iesus dicens videte ne quis sciat

vul@Matthew:9:31 @ illi autem exeuntes diffamaverunt eum in tota terra illa

vul@Matthew:9:32 @ egressis autem illis ecce obtulerunt ei hominem mutum daemonium habentem

vul@Matthew:9:33 @ et eiecto daemone locutus est mutus et miratae sunt turbae dicentes numquam paruit sic in Israhel

vul@Matthew:9:34 @ Pharisaei autem dicebant in principe daemoniorum eicit daemones

vul@Matthew:9:35 @ et circumibat Iesus civitates omnes et castella docens in synagogis eorum et praedicans evangelium regni et curans omnem languorem et omnem infirmitatem

vul@Matthew:9:36 @ videns autem turbas misertus est eis quia erant vexati et iacentes sicut oves non habentes pastorem

vul@Matthew:9:37 @ tunc dicit discipulis suis messis quidem multa operarii autem pauci

vul@Matthew:9:38 @ rogate ergo dominum messis ut eiciat operarios in messem suam

vul@Matthew:10:1 @ et convocatis duodecim discipulis suis dedit illis potestatem spirituum inmundorum ut eicerent eos et curarent omnem languorem et omnem infirmitatem

vul@Matthew:10:2 @ duodecim autem apostolorum nomina sunt haec primus Simon qui dicitur Petrus et Andreas frater eius

vul@Matthew:10:3 @ Iacobus Zebedaei et Iohannes frater eius Philippus et Bartholomeus Thomas et Mattheus publicanus et Iacobus Alphei et Thaddeus

vul@Matthew:10:4 @ Simon Cananeus et Iudas Scariotes qui et tradidit eum

vul@Matthew:10:5 @ hos duodecim misit Iesus praecipiens eis et dicens in viam gentium ne abieritis et in civitates Samaritanorum ne intraveritis

vul@Matthew:10:6 @ sed potius ite ad oves quae perierunt domus Israhel

vul@Matthew:10:7 @ euntes autem praedicate dicentes quia adpropinquavit regnum caelorum

vul@Matthew:10:8 @ infirmos curate mortuos suscitate leprosos mundate daemones eicite gratis accepistis gratis date

vul@Matthew:10:9 @ nolite possidere aurum neque argentum neque pecuniam in zonis vestris

vul@Matthew:10:10 @ non peram in via neque duas tunicas neque calciamenta neque virgam dignus enim est operarius cibo suo

vul@Matthew:10:11 @ in quamcumque civitatem aut castellum intraveritis interrogate quis in ea dignus sit et ibi manete donec exeatis

vul@Matthew:10:12 @ intrantes autem in domum salutate eam

vul@Matthew:10:13 @ et siquidem fuerit domus digna veniat pax vestra super eam si autem non fuerit digna pax vestra ad vos revertatur

vul@Matthew:10:14 @ et quicumque non receperit vos neque audierit sermones vestros exeuntes foras de domo vel de civitate excutite pulverem de pedibus vestris

vul@Matthew:10:15 @ amen dico vobis tolerabilius erit terrae Sodomorum et Gomorraeorum in die iudicii quam illi civitati

vul@Matthew:10:16 @ ecce ego mitto vos sicut oves in medio luporum estote ergo prudentes sicut serpentes et simplices sicut columbae

vul@Matthew:10:17 @ cavete autem ab hominibus tradent enim vos in conciliis et in synagogis suis flagellabunt vos

vul@Matthew:10:18 @ et ad praesides et ad reges ducemini propter me in testimonium illis et gentibus

vul@Matthew:10:19 @ cum autem tradent vos nolite cogitare quomodo aut quid loquamini dabitur enim vobis in illa hora quid loquamini

vul@Matthew:10:20 @ non enim vos estis qui loquimini sed Spiritus Patris vestri qui loquitur in vobis

vul@Matthew:10:21 @ tradet autem frater fratrem in mortem et pater filium et insurgent filii in parentes et morte eos adficient

vul@Matthew:10:22 @ et eritis odio omnibus propter nomen meum qui autem perseveraverit in finem hic salvus erit

vul@Matthew:10:23 @ cum autem persequentur vos in civitate ista fugite in aliam amen enim dico vobis non consummabitis civitates Israhel donec veniat Filius hominis

vul@Matthew:10:24 @ non est discipulus super magistrum nec servus super dominum suum

vul@Matthew:10:25 @ sufficit discipulo ut sit sicut magister eius et servus sicut dominus eius si patrem familias Beelzebub vocaverunt quanto magis domesticos eius

vul@Matthew:10:26 @ ne ergo timueritis eos nihil enim opertum quod non revelabitur et occultum quod non scietur

vul@Matthew:10:27 @ quod dico vobis in tenebris dicite in lumine et quod in aure auditis praedicate super tecta

vul@Matthew:10:28 @ et nolite timere eos qui occidunt corpus animam autem non possunt occidere sed potius eum timete qui potest et animam et corpus perdere in gehennam

vul@Matthew:10:29 @ nonne duo passeres asse veneunt et unus ex illis non cadet super terram sine Patre vestro

vul@Matthew:10:30 @ vestri autem et capilli capitis omnes numerati sunt

vul@Matthew:10:31 @ nolite ergo timere multis passeribus meliores estis vos

vul@Matthew:10:32 @ omnis ergo qui confitebitur me coram hominibus confitebor et ego eum coram Patre meo qui est in caelis

vul@Matthew:10:33 @ qui autem negaverit me coram hominibus negabo et ego eum coram Patre meo qui est in caelis

vul@Matthew:10:34 @ nolite arbitrari quia venerim mittere pacem in terram non veni pacem mittere sed gladium

vul@Matthew:10:35 @ veni enim separare hominem adversus patrem suum et filiam adversus matrem suam et nurum adversus socrum suam

vul@Matthew:10:36 @ et inimici hominis domestici eius

vul@Matthew:10:37 @ qui amat patrem aut matrem plus quam me non est me dignus et qui amat filium aut filiam super me non est me dignus

vul@Matthew:10:38 @ et qui non accipit crucem suam et sequitur me non est me dignus

vul@Matthew:10:39 @ qui invenit animam suam perdet illam et qui perdiderit animam suam propter me inveniet eam

vul@Matthew:10:40 @ qui recipit vos me recipit et qui me recipit recipit eum qui me misit

vul@Matthew:10:41 @ qui recipit prophetam in nomine prophetae mercedem prophetae accipiet et qui recipit iustum in nomine iusti mercedem iusti accipiet

vul@Matthew:10:42 @ et quicumque potum dederit uni ex minimis istis calicem aquae frigidae tantum in nomine discipuli amen dico vobis non perdet mercedem suam

vul@Matthew:11:1 @ et factum est cum consummasset Iesus praecipiens duodecim discipulis suis transiit inde ut doceret et praedicaret in civitatibus eorum

vul@Matthew:11:2 @ Iohannes autem cum audisset in vinculis opera Christi mittens duos de discipulis suis

vul@Matthew:11:3 @ ait illi tu es qui venturus es an alium expectamus

vul@Matthew:11:4 @ et respondens Iesus ait illis euntes renuntiate Iohanni quae auditis et videtis

vul@Matthew:11:5 @ caeci vident claudi ambulant leprosi mundantur surdi audiunt mortui resurgunt pauperes evangelizantur

vul@Matthew:11:6 @ et beatus est qui non fuerit scandalizatus in me

vul@Matthew:11:7 @ illis autem abeuntibus coepit Iesus dicere ad turbas de Iohanne quid existis in desertum videre harundinem vento agitatam

vul@Matthew:11:8 @ sed quid existis videre hominem mollibus vestitum ecce qui mollibus vestiuntur in domibus regum sunt

vul@Matthew:11:9 @ sed quid existis videre prophetam etiam dico vobis et plus quam prophetam

vul@Matthew:11:10 @ hic enim est de quo scriptum est ecce ego mitto angelum meum ante faciem tuam qui praeparabit viam tuam ante te

vul@Matthew:11:11 @ amen dico vobis non surrexit inter natos mulierum maior Iohanne Baptista qui autem minor est in regno caelorum maior est illo

vul@Matthew:11:12 @ a diebus autem Iohannis Baptistae usque nunc regnum caelorum vim patitur et violenti rapiunt illud

vul@Matthew:11:13 @ omnes enim prophetae et lex usque ad Iohannem prophetaverunt

vul@Matthew:11:14 @ et si vultis recipere ipse est Helias qui venturus est

vul@Matthew:11:15 @ qui habet aures audiendi audiat

vul@Matthew:11:16 @ cui autem similem aestimabo generationem istam similis est pueris sedentibus in foro qui clamantes coaequalibus

vul@Matthew:11:17 @ dicunt cecinimus vobis et non saltastis lamentavimus et non planxistis

vul@Matthew:11:18 @ venit enim Iohannes neque manducans neque bibens et dicunt daemonium habet

vul@Matthew:11:19 @ venit Filius hominis manducans et bibens et dicunt ecce homo vorax et potator vini publicanorum et peccatorum amicus et iustificata est sapientia a filiis suis

vul@Matthew:11:20 @ tunc coepit exprobrare civitatibus in quibus factae sunt plurimae virtutes eius quia non egissent paenitentiam

vul@Matthew:11:21 @ vae tibi Corazain vae tibi Bethsaida quia si in Tyro et Sidone factae essent virtutes quae factae sunt in vobis olim in cilicio et cinere paenitentiam egissent

vul@Matthew:11:22 @ verumtamen dico vobis Tyro et Sidoni remissius erit in die iudicii quam vobis

vul@Matthew:11:23 @ et tu Capharnaum numquid usque in caelum exaltaberis usque in infernum descendes quia si in Sodomis factae fuissent virtutes quae factae sunt in te forte mansissent usque in hunc diem

vul@Matthew:11:24 @ verumtamen dico vobis quia terrae Sodomorum remissius erit in die iudicii quam tibi

vul@Matthew:11:25 @ in illo tempore respondens Iesus dixit confiteor tibi Pater Domine caeli et terrae quia abscondisti haec a sapientibus et prudentibus et revelasti ea parvulis

vul@Matthew:11:26 @ ita Pater quoniam sic fuit placitum ante te

vul@Matthew:11:27 @ omnia mihi tradita sunt a Patre meo et nemo novit Filium nisi Pater neque Patrem quis novit nisi Filius et cui voluerit Filius revelare

vul@Matthew:11:28 @ venite ad me omnes qui laboratis et onerati estis et ego reficiam vos

vul@Matthew:11:29 @ tollite iugum meum super vos et discite a me quia mitis sum et humilis corde et invenietis requiem animabus vestris

vul@Matthew:11:30 @ iugum enim meum suave est et onus meum leve est

vul@Matthew:12:1 @ in illo tempore abiit Iesus sabbato per sata discipuli autem eius esurientes coeperunt vellere spicas et manducare

vul@Matthew:12:2 @ Pharisaei autem videntes dixerunt ei ecce discipuli tui faciunt quod non licet eis facere sabbatis

vul@Matthew:12:3 @ at ille dixit eis non legistis quid fecerit David quando esuriit et qui cum eo erant

vul@Matthew:12:4 @ quomodo intravit in domum Dei et panes propositionis comedit quos non licebat ei edere neque his qui cum eo erant nisi solis sacerdotibus

vul@Matthew:12:5 @ aut non legistis in lege quia sabbatis sacerdotes in templo sabbatum violant et sine crimine sunt

vul@Matthew:12:6 @ dico autem vobis quia templo maior est hic

vul@Matthew:12:7 @ si autem sciretis quid est misericordiam volo et non sacrificium numquam condemnassetis innocentes

vul@Matthew:12:8 @ dominus est enim Filius hominis etiam sabbati

vul@Matthew:12:9 @ et cum inde transisset venit in synagogam eorum

vul@Matthew:12:10 @ et ecce homo manum habens aridam et interrogabant eum dicentes si licet sabbatis curare ut accusarent eum

vul@Matthew:12:11 @ ipse autem dixit illis quis erit ex vobis homo qui habeat ovem unam et si ceciderit haec sabbatis in foveam nonne tenebit et levabit eam

vul@Matthew:12:12 @ quanto magis melior est homo ove itaque licet sabbatis benefacere

vul@Matthew:12:13 @ tunc ait homini extende manum tuam et extendit et restituta est sanitati sicut altera

vul@Matthew:12:14 @ exeuntes autem Pharisaei consilium faciebant adversus eum quomodo eum perderent

vul@Matthew:12:15 @ Iesus autem sciens recessit inde et secuti sunt eum multi et curavit eos omnes

vul@Matthew:12:16 @ et praecepit eis ne manifestum eum facerent

vul@Matthew:12:17 @ ut adimpleretur quod dictum est per Esaiam prophetam dicentem

vul@Matthew:12:18 @ ecce puer meus quem elegi dilectus meus in quo bene placuit animae meae ponam spiritum meum super eum et iudicium gentibus nuntiabit

vul@Matthew:12:19 @ non contendet neque clamabit neque audiet aliquis in plateis vocem eius

vul@Matthew:12:20 @ harundinem quassatam non confringet et linum fumigans non extinguet donec eiciat ad victoriam iudicium

vul@Matthew:12:21 @ et in nomine eius gentes sperabunt

vul@Matthew:12:22 @ tunc oblatus est ei daemonium habens caecus et mutus et curavit eum ita ut loqueretur et videret

vul@Matthew:12:23 @ et stupebant omnes turbae et dicebant numquid hic est Filius David

vul@Matthew:12:24 @ Pharisaei autem audientes dixerunt hic non eicit daemones nisi in Beelzebub principe daemoniorum

vul@Matthew:12:25 @ Iesus autem sciens cogitationes eorum dixit eis omne regnum divisum contra se desolatur et omnis civitas vel domus divisa contra se non stabit

vul@Matthew:12:26 @ et si Satanas Satanan eicit adversus se divisus est quomodo ergo stabit regnum eius

vul@Matthew:12:27 @ et si ego in Beelzebub eicio daemones filii vestri in quo eiciunt ideo ipsi iudices erunt vestri

vul@Matthew:12:28 @ si autem ego in Spiritu Dei eicio daemones igitur pervenit in vos regnum Dei

vul@Matthew:12:29 @ aut quomodo potest quisquam intrare in domum fortis et vasa eius diripere nisi prius alligaverit fortem et tunc domum illius diripiat

vul@Matthew:12:30 @ qui non est mecum contra me est et qui non congregat mecum spargit

vul@Matthew:12:31 @ ideo dico vobis omne peccatum et blasphemia remittetur hominibus Spiritus autem blasphemia non remittetur

vul@Matthew:12:32 @ et quicumque dixerit verbum contra Filium hominis remittetur ei qui autem dixerit contra Spiritum Sanctum non remittetur ei neque in hoc saeculo neque in futuro

vul@Matthew:12:33 @ aut facite arborem bonam et fructum eius bonum aut facite arborem malam et fructum eius malum siquidem ex fructu arbor agnoscitur

vul@Matthew:12:34 @ progenies viperarum quomodo potestis bona loqui cum sitis mali ex abundantia enim cordis os loquitur

vul@Matthew:12:35 @ bonus homo de bono thesauro profert bona et malus homo de malo thesauro profert mala

vul@Matthew:12:36 @ dico autem vobis quoniam omne verbum otiosum quod locuti fuerint homines reddent rationem de eo in die iudicii

vul@Matthew:12:37 @ ex verbis enim tuis iustificaberis et ex verbis tuis condemnaberis

vul@Matthew:12:38 @ tunc responderunt ei quidam de scribis et Pharisaeis dicentes magister volumus a te signum videre

vul@Matthew:12:39 @ qui respondens ait illis generatio mala et adultera signum quaerit et signum non dabitur ei nisi signum Ionae prophetae

vul@Matthew:12:40 @ sicut enim fuit Ionas in ventre ceti tribus diebus et tribus noctibus sic erit Filius hominis in corde terrae tribus diebus et tribus noctibus

vul@Matthew:12:41 @ viri ninevitae surgent in iudicio cum generatione ista et condemnabunt eam quia paenitentiam egerunt in praedicatione Ionae et ecce plus quam Iona hic

vul@Matthew:12:42 @ regina austri surget in iudicio cum generatione ista et condemnabit eam quia venit a finibus terrae audire sapientiam Salomonis et ecce plus quam Salomon hic

vul@Matthew:12:43 @ cum autem inmundus spiritus exierit ab homine ambulat per loca arida quaerens requiem et non invenit

vul@Matthew:12:44 @ tunc dicit revertar in domum meam unde exivi et veniens invenit vacantem scopis mundatam et ornatam

vul@Matthew:12:45 @ tunc vadit et adsumit septem alios spiritus secum nequiores se et intrantes habitant ibi et fiunt novissima hominis illius peiora prioribus sic erit et generationi huic pessimae

vul@Matthew:12:46 @ adhuc eo loquente ad turbas ecce mater eius et fratres stabant foris quaerentes loqui ei

vul@Matthew:12:47 @ dixit autem ei quidam ecce mater tua et fratres tui foris stant quaerentes te

vul@Matthew:12:48 @ at ipse respondens dicenti sibi ait quae est mater mea et qui sunt fratres mei

vul@Matthew:12:49 @ et extendens manum in discipulos suos dixit ecce mater mea et fratres mei

vul@Matthew:12:50 @ quicumque enim fecerit voluntatem Patris mei qui in caelis est ipse meus et frater et soror et mater est

vul@Matthew:13:1 @ in illo die exiens Iesus de domo sedebat secus mare

vul@Matthew:13:2 @ et congregatae sunt ad eum turbae multae ita ut in naviculam ascendens sederet et omnis turba stabat in litore

vul@Matthew:13:3 @ et locutus est eis multa in parabolis dicens ecce exiit qui seminat seminare

vul@Matthew:13:4 @ et dum seminat quaedam ceciderunt secus viam et venerunt volucres et comederunt ea

vul@Matthew:13:5 @ alia autem ceciderunt in petrosa ubi non habebat terram multam et continuo exorta sunt quia non habebant altitudinem terrae

vul@Matthew:13:6 @ sole autem orto aestuaverunt et quia non habebant radicem aruerunt

vul@Matthew:13:7 @ alia autem ceciderunt in spinas et creverunt spinae et suffocaverunt ea

vul@Matthew:13:8 @ alia vero ceciderunt in terram bonam et dabant fructum aliud centesimum aliud sexagesimum aliud tricesimum

vul@Matthew:13:9 @ qui habet aures audiendi audiat

vul@Matthew:13:10 @ et accedentes discipuli dixerunt ei quare in parabolis loqueris eis

vul@Matthew:13:11 @ qui respondens ait illis quia vobis datum est nosse mysteria regni caelorum illis autem non est datum

vul@Matthew:13:12 @ qui enim habet dabitur ei et abundabit qui autem non habet et quod habet auferetur ab eo

vul@Matthew:13:13 @ ideo in parabolis loquor eis quia videntes non vident et audientes non audiunt neque intellegunt

vul@Matthew:13:14 @ et adimpletur eis prophetia Esaiae dicens auditu audietis et non intellegetis et videntes videbitis et non videbitis

vul@Matthew:13:15 @ incrassatum est enim cor populi huius et auribus graviter audierunt et oculos suos cluserunt nequando oculis videant et auribus audiant et corde intellegant et convertantur et sanem eos

vul@Matthew:13:16 @ vestri autem beati oculi quia vident et aures vestrae quia audiunt

vul@Matthew:13:17 @ amen quippe dico vobis quia multi prophetae et iusti cupierunt videre quae videtis et non viderunt et audire quae auditis et non audierunt

vul@Matthew:13:18 @ vos ergo audite parabolam seminantis

vul@Matthew:13:19 @ omnis qui audit verbum regni et non intellegit venit malus et rapit quod seminatum est in corde eius hic est qui secus viam seminatus est

vul@Matthew:13:20 @ qui autem supra petrosa seminatus est hic est qui verbum audit et continuo cum gaudio accipit illud

vul@Matthew:13:21 @ non habet autem in se radicem sed est temporalis facta autem tribulatione et persecutione propter verbum continuo scandalizatur

vul@Matthew:13:22 @ qui autem est seminatus in spinis hic est qui verbum audit et sollicitudo saeculi istius et fallacia divitiarum suffocat verbum et sine fructu efficitur

vul@Matthew:13:23 @ qui vero in terra bona seminatus est hic est qui audit verbum et intellegit et fructum adfert et facit aliud quidem centum aliud autem sexaginta porro aliud triginta

vul@Matthew:13:24 @ aliam parabolam proposuit illis dicens simile factum est regnum caelorum homini qui seminavit bonum semen in agro suo

vul@Matthew:13:25 @ cum autem dormirent homines venit inimicus eius et superseminavit zizania in medio tritici et abiit

vul@Matthew:13:26 @ cum autem crevisset herba et fructum fecisset tunc apparuerunt et zizania

vul@Matthew:13:27 @ accedentes autem servi patris familias dixerunt ei domine nonne bonum semen seminasti in agro tuo unde ergo habet zizania

vul@Matthew:13:28 @ et ait illis inimicus homo hoc fecit servi autem dixerunt ei vis imus et colligimus ea

vul@Matthew:13:29 @ et ait non ne forte colligentes zizania eradicetis simul cum eis et triticum

vul@Matthew:13:30 @ sinite utraque crescere usque ad messem et in tempore messis dicam messoribus colligite primum zizania et alligate ea fasciculos ad conburendum triticum autem congregate in horreum meum

vul@Matthew:13:31 @ aliam parabolam proposuit eis dicens simile est regnum caelorum grano sinapis quod accipiens homo seminavit in agro suo

vul@Matthew:13:32 @ quod minimum quidem est omnibus seminibus cum autem creverit maius est omnibus holeribus et fit arbor ita ut volucres caeli veniant et habitent in ramis eius

vul@Matthew:13:33 @ aliam parabolam locutus est eis simile est regnum caelorum fermento quod acceptum mulier abscondit in farinae satis tribus donec fermentatum est totum

vul@Matthew:13:34 @ haec omnia locutus est Iesus in parabolis ad turbas et sine parabolis non loquebatur eis

vul@Matthew:13:35 @ ut impleretur quod dictum erat per prophetam dicentem aperiam in parabolis os meum eructabo abscondita a constitutione mundi

vul@Matthew:13:36 @ tunc dimissis turbis venit in domum et accesserunt ad eum discipuli eius dicentes dissere nobis parabolam zizaniorum agri

vul@Matthew:13:37 @ qui respondens ait qui seminat bonum semen est Filius hominis

vul@Matthew:13:38 @ ager autem est mundus bonum vero semen hii sunt filii regni zizania autem filii sunt nequam

vul@Matthew:13:39 @ inimicus autem qui seminavit ea est diabolus messis vero consummatio saeculi est messores autem angeli sunt

vul@Matthew:13:40 @ sicut ergo colliguntur zizania et igni conburuntur sic erit in consummatione saeculi

vul@Matthew:13:41 @ mittet Filius hominis angelos suos et colligent de regno eius omnia scandala et eos qui faciunt iniquitatem

vul@Matthew:13:42 @ et mittent eos in caminum ignis ibi erit fletus et stridor dentium

vul@Matthew:13:43 @ tunc iusti fulgebunt sicut sol in regno Patris eorum qui habet aures audiat

vul@Matthew:13:44 @ simile est regnum caelorum thesauro abscondito in agro quem qui invenit homo abscondit et prae gaudio illius vadit et vendit universa quae habet et emit agrum illum

vul@Matthew:13:45 @ iterum simile est regnum caelorum homini negotiatori quaerenti bonas margaritas

vul@Matthew:13:46 @ inventa autem una pretiosa margarita abiit et vendidit omnia quae habuit et emit eam

vul@Matthew:13:47 @ iterum simile est regnum caelorum sagenae missae in mare et ex omni genere congreganti

vul@Matthew:13:48 @ quam cum impleta esset educentes et secus litus sedentes elegerunt bonos in vasa malos autem foras miserunt

vul@Matthew:13:49 @ sic erit in consummatione saeculi exibunt angeli et separabunt malos de medio iustorum

vul@Matthew:13:50 @ et mittent eos in caminum ignis ibi erit fletus et stridor dentium

vul@Matthew:13:51 @ intellexistis haec omnia dicunt ei etiam

vul@Matthew:13:52 @ ait illis ideo omnis scriba doctus in regno caelorum similis est homini patri familias qui profert de thesauro suo nova et vetera

vul@Matthew:13:53 @ et factum est cum consummasset Iesus parabolas istas transiit inde

vul@Matthew:13:54 @ et veniens in patriam suam docebat eos in synagogis eorum ita ut mirarentur et dicerent unde huic sapientia haec et virtutes

vul@Matthew:13:55 @ nonne hic est fabri filius nonne mater eius dicitur Maria et fratres eius Iacobus et Ioseph et Simon et Iudas

vul@Matthew:13:56 @ et sorores eius nonne omnes apud nos sunt unde ergo huic omnia ista

vul@Matthew:13:57 @ et scandalizabantur in eo Iesus autem dixit eis non est propheta sine honore nisi in patria sua et in domo sua

vul@Matthew:13:58 @ et non fecit ibi virtutes multas propter incredulitatem illorum

vul@Matthew:14:1 @ in illo tempore audiit Herodes tetrarcha famam Iesu

vul@Matthew:14:2 @ et ait pueris suis hic est Iohannes Baptista ipse surrexit a mortuis et ideo virtutes inoperantur in eo

vul@Matthew:14:3 @ Herodes enim tenuit Iohannem et alligavit eum et posuit in carcere propter Herodiadem uxorem fratris sui

vul@Matthew:14:4 @ dicebat enim illi Iohannes non licet tibi habere eam

vul@Matthew:14:5 @ et volens illum occidere timuit populum quia sicut prophetam eum habebant

vul@Matthew:14:6 @ die autem natalis Herodis saltavit filia Herodiadis in medio et placuit Herodi

vul@Matthew:14:7 @ unde cum iuramento pollicitus est ei dare quodcumque postulasset ab eo

vul@Matthew:14:8 @ at illa praemonita a matre sua da mihi inquit hic in disco caput Iohannis Baptistae

vul@Matthew:14:9 @ et contristatus est rex propter iuramentum autem et eos qui pariter recumbebant iussit dari

vul@Matthew:14:10 @ misitque et decollavit Iohannem in carcere

vul@Matthew:14:11 @ et adlatum est caput eius in disco et datum est puellae et tulit matri suae

vul@Matthew:14:12 @ et accedentes discipuli eius tulerunt corpus et sepelierunt illud et venientes nuntiaverunt Iesu

vul@Matthew:14:13 @ quod cum audisset Iesus secessit inde in navicula in locum desertum seorsum et cum audissent turbae secutae sunt eum pedestres de civitatibus

vul@Matthew:14:14 @ et exiens vidit turbam multam et misertus est eius et curavit languidos eorum

vul@Matthew:14:15 @ vespere autem facto accesserunt ad eum discipuli eius dicentes desertus est locus et hora iam praeteriit dimitte turbas ut euntes in castella emant sibi escas

vul@Matthew:14:16 @ Iesus autem dixit eis non habent necesse ire date illis vos manducare

vul@Matthew:14:17 @ responderunt ei non habemus hic nisi quinque panes et duos pisces

vul@Matthew:14:18 @ qui ait eis adferte illos mihi huc

vul@Matthew:14:19 @ et cum iussisset turbam discumbere supra faenum acceptis quinque panibus et duobus piscibus aspiciens in caelum benedixit et fregit et dedit discipulis panes discipuli autem turbis

vul@Matthew:14:20 @ et manducaverunt omnes et saturati sunt et tulerunt reliquias duodecim cofinos fragmentorum plenos

vul@Matthew:14:21 @ manducantium autem fuit numerus quinque milia virorum exceptis mulieribus et parvulis

vul@Matthew:14:22 @ et statim iussit discipulos ascendere in navicula et praecedere eum trans fretum donec dimitteret turbas

vul@Matthew:14:23 @ et dimissa turba ascendit in montem solus orare vespere autem facto solus erat ibi

vul@Matthew:14:24 @ navicula autem in medio mari iactabatur fluctibus erat enim contrarius ventus

vul@Matthew:14:25 @ quarta autem vigilia noctis venit ad eos ambulans supra mare

vul@Matthew:14:26 @ et videntes eum supra mare ambulantem turbati sunt dicentes quia fantasma est et prae timore clamaverunt

vul@Matthew:14:27 @ statimque Iesus locutus est eis dicens habete fiduciam ego sum nolite timere

vul@Matthew:14:28 @ respondens autem Petrus dixit Domine si tu es iube me venire ad te super aquas

vul@Matthew:14:29 @ at ipse ait veni et descendens Petrus de navicula ambulabat super aquam ut veniret ad Iesum

vul@Matthew:14:30 @ videns vero ventum validum timuit et cum coepisset mergi clamavit dicens Domine salvum me fac

vul@Matthew:14:31 @ et continuo Iesus extendens manum adprehendit eum et ait illi modicae fidei quare dubitasti

vul@Matthew:14:32 @ et cum ascendissent in naviculam cessavit ventus

vul@Matthew:14:33 @ qui autem in navicula erant venerunt et adoraverunt eum dicentes vere Filius Dei es

vul@Matthew:14:34 @ et cum transfretassent venerunt in terram Gennesar

vul@Matthew:14:35 @ et cum cognovissent eum viri loci illius miserunt in universam regionem illam et obtulerunt ei omnes male habentes

vul@Matthew:14:36 @ et rogabant eum ut vel fimbriam vestimenti eius tangerent et quicumque tetigerunt salvi facti sunt

vul@Matthew:15:1 @ tunc accesserunt ad eum ab Hierosolymis scribae et Pharisaei dicentes

vul@Matthew:15:2 @ quare discipuli tui transgrediuntur traditionem seniorum non enim lavant manus suas cum panem manducant

vul@Matthew:15:3 @ ipse autem respondens ait illis quare et vos transgredimini mandatum Dei propter traditionem vestram

vul@Matthew:15:4 @ nam Deus dixit honora patrem et matrem et qui maledixerit patri vel matri morte moriatur

vul@Matthew:15:5 @ vos autem dicitis quicumque dixerit patri vel matri munus quodcumque est ex me tibi proderit

vul@Matthew:15:6 @ et non honorificabit patrem suum aut matrem et irritum fecistis mandatum Dei propter traditionem vestram

vul@Matthew:15:7 @ hypocritae bene prophetavit de vobis Esaias dicens

vul@Matthew:15:8 @ populus hic labiis me honorat cor autem eorum longe est a me

vul@Matthew:15:9 @ sine causa autem colunt me docentes doctrinas mandata hominum

vul@Matthew:15:10 @ et convocatis ad se turbis dixit eis audite et intellegite

vul@Matthew:15:11 @ non quod intrat in os coinquinat hominem sed quod procedit ex ore hoc coinquinat hominem

vul@Matthew:15:12 @ tunc accedentes discipuli eius dixerunt ei scis quia Pharisaei audito verbo scandalizati sunt

vul@Matthew:15:13 @ at ille respondens ait omnis plantatio quam non plantavit Pater meus caelestis eradicabitur

vul@Matthew:15:14 @ sinite illos caeci sunt duces caecorum caecus autem si caeco ducatum praestet ambo in foveam cadunt

vul@Matthew:15:15 @ respondens autem Petrus dixit ei edissere nobis parabolam istam

vul@Matthew:15:16 @ at ille dixit adhuc et vos sine intellectu estis

vul@Matthew:15:17 @ non intellegitis quia omne quod in os intrat in ventrem vadit et in secessum emittitur

vul@Matthew:15:18 @ quae autem procedunt de ore de corde exeunt et ea coinquinant hominem

vul@Matthew:15:19 @ de corde enim exeunt cogitationes malae homicidia adulteria fornicationes furta falsa testimonia blasphemiae

vul@Matthew:15:20 @ haec sunt quae coinquinant hominem non lotis autem manibus manducare non coinquinat hominem

vul@Matthew:15:21 @ et egressus inde Iesus secessit in partes Tyri et Sidonis

vul@Matthew:15:22 @ et ecce mulier chananea a finibus illis egressa clamavit dicens ei miserere mei Domine Fili David filia mea male a daemonio vexatur

vul@Matthew:15:23 @ qui non respondit ei verbum et accedentes discipuli eius rogabant eum dicentes dimitte eam quia clamat post nos

vul@Matthew:15:24 @ ipse autem respondens ait non sum missus nisi ad oves quae perierunt domus Israhel

vul@Matthew:15:25 @ at illa venit et adoravit eum dicens Domine adiuva me

vul@Matthew:15:26 @ qui respondens ait non est bonum sumere panem filiorum et mittere canibus

vul@Matthew:15:27 @ at illa dixit etiam Domine nam et catelli edunt de micis quae cadunt de mensa dominorum suorum

vul@Matthew:15:28 @ tunc respondens Iesus ait illi o mulier magna est fides tua fiat tibi sicut vis et sanata est filia illius ex illa hora

vul@Matthew:15:29 @ et cum transisset inde Iesus venit secus mare Galilaeae et ascendens in montem sedebat ibi

vul@Matthew:15:30 @ et accesserunt ad eum turbae multae habentes secum mutos clodos caecos debiles et alios multos et proiecerunt eos ad pedes eius et curavit eos

vul@Matthew:15:31 @ ita ut turbae mirarentur videntes mutos loquentes clodos ambulantes caecos videntes et magnificabant Deum Israhel

vul@Matthew:15:32 @ Iesus autem convocatis discipulis suis dixit misereor turbae quia triduo iam perseverant mecum et non habent quod manducent et dimittere eos ieiunos nolo ne deficiant in via

vul@Matthew:15:33 @ et dicunt ei discipuli unde ergo nobis in deserto panes tantos ut saturemus turbam tantam

vul@Matthew:15:34 @ et ait illis Iesus quot panes habetis at illi dixerunt septem et paucos pisciculos

vul@Matthew:15:35 @ et praecepit turbae ut discumberet super terram

vul@Matthew:15:36 @ et accipiens septem panes et pisces et gratias agens fregit et dedit discipulis suis et discipuli dederunt populo

vul@Matthew:15:37 @ et comederunt omnes et saturati sunt et quod superfuit de fragmentis tulerunt septem sportas plenas

vul@Matthew:15:38 @ erant autem qui manducaverant quattuor milia hominum extra parvulos et mulieres

vul@Matthew:15:39 @ et dimissa turba ascendit in naviculam et venit in fines Magedan

vul@Matthew:16:1 @ et accesserunt ad eum Pharisaei et Sadducaei temptantes et rogaverunt eum ut signum de caelo ostenderet eis

vul@Matthew:16:2 @ at ille respondens ait eis facto vespere dicitis serenum erit rubicundum est enim caelum

vul@Matthew:16:3 @ et mane hodie tempestas rutilat enim triste caelum

vul@Matthew:16:4 @ faciem ergo caeli diiudicare nostis signa autem temporum non potestis generatio mala et adultera signum quaerit et signum non dabitur ei nisi signum Ionae et relictis illis abiit

vul@Matthew:16:5 @ et cum venissent discipuli eius trans fretum obliti sunt panes accipere

vul@Matthew:16:6 @ qui dixit illis intuemini et cavete a fermento Pharisaeorum et Sadducaeorum

vul@Matthew:16:7 @ at illi cogitabant inter se dicentes quia panes non accepimus

vul@Matthew:16:8 @ sciens autem Iesus dixit quid cogitatis inter vos modicae fidei quia panes non habetis

vul@Matthew:16:9 @ nondum intellegitis neque recordamini quinque panum quinque milium hominum et quot cofinos sumpsistis

vul@Matthew:16:10 @ neque septem panum quattuor milium hominum et quot sportas sumpsistis

vul@Matthew:16:11 @ quare non intellegitis quia non de pane dixi vobis cavete a fermento Pharisaeorum et Sadducaeorum

vul@Matthew:16:12 @ tunc intellexerunt quia non dixerit cavendum a fermento panum sed a doctrina Pharisaeorum et Sadducaeorum

vul@Matthew:16:13 @ venit autem Iesus in partes Caesareae Philippi et interrogabat discipulos suos dicens quem dicunt homines esse Filium hominis

vul@Matthew:16:14 @ at illi dixerunt alii Iohannem Baptistam alii autem Heliam alii vero Hieremiam aut unum ex prophetis

vul@Matthew:16:15 @ dicit illis vos autem quem me esse dicitis

vul@Matthew:16:16 @ respondens Simon Petrus dixit tu es Christus Filius Dei vivi

vul@Matthew:16:17 @ respondens autem Iesus dixit ei beatus es Simon Bar Iona quia caro et sanguis non revelavit tibi sed Pater meus qui in caelis est

vul@Matthew:16:18 @ et ego dico tibi quia tu es Petrus et super hanc petram aedificabo ecclesiam meam et portae inferi non praevalebunt adversum eam

vul@Matthew:16:19 @ et tibi dabo claves regni caelorum et quodcumque ligaveris super terram erit ligatum in caelis et quodcumque solveris super terram erit solutum in caelis

vul@Matthew:16:20 @ tunc praecepit discipulis suis ut nemini dicerent quia ipse esset Iesus Christus

vul@Matthew:16:21 @ exinde coepit Iesus ostendere discipulis suis quia oporteret eum ire Hierosolymam et multa pati a senioribus et scribis et principibus sacerdotum et occidi et tertia die resurgere

vul@Matthew:16:22 @ et adsumens eum Petrus coepit increpare illum dicens absit a te Domine non erit tibi hoc

vul@Matthew:16:23 @ qui conversus dixit Petro vade post me Satana scandalum es mihi quia non sapis ea quae Dei sunt sed ea quae hominum

vul@Matthew:16:24 @ tunc Iesus dixit discipulis suis si quis vult post me venire abneget semet ipsum et tollat crucem suam et sequatur me

vul@Matthew:16:25 @ qui enim voluerit animam suam salvam facere perdet eam qui autem perdiderit animam suam propter me inveniet eam

vul@Matthew:16:26 @ quid enim prodest homini si mundum universum lucretur animae vero suae detrimentum patiatur aut quam dabit homo commutationem pro anima sua

vul@Matthew:16:27 @ Filius enim hominis venturus est in gloria Patris sui cum angelis suis et tunc reddet unicuique secundum opus eius

vul@Matthew:16:28 @ amen dico vobis sunt quidam de hic stantibus qui non gustabunt mortem donec videant Filium hominis venientem in regno suo

vul@Matthew:17:1 @ et post dies sex adsumpsit Iesus Petrum et Iacobum et Iohannem fratrem eius et ducit illos in montem excelsum seorsum

vul@Matthew:17:2 @ et transfiguratus est ante eos et resplenduit facies eius sicut sol vestimenta autem eius facta sunt alba sicut nix

vul@Matthew:17:3 @ et ecce apparuit illis Moses et Helias cum eo loquentes

vul@Matthew:17:4 @ respondens autem Petrus dixit ad Iesum Domine bonum est nos hic esse si vis faciamus hic tria tabernacula tibi unum et Mosi unum et Heliae unum

vul@Matthew:17:5 @ adhuc eo loquente ecce nubes lucida obumbravit eos et ecce vox de nube dicens hic est Filius meus dilectus in quo mihi bene conplacuit ipsum audite

vul@Matthew:17:6 @ et audientes discipuli ceciderunt in faciem suam et timuerunt valde

vul@Matthew:17:7 @ et accessit Iesus et tetigit eos dixitque eis surgite et nolite timere

vul@Matthew:17:8 @ levantes autem oculos suos neminem viderunt nisi solum Iesum

vul@Matthew:17:9 @ et descendentibus illis de monte praecepit Iesus dicens nemini dixeritis visionem donec Filius hominis a mortuis resurgat

vul@Matthew:17:10 @ et interrogaverunt eum discipuli dicentes quid ergo scribae dicunt quod Heliam oporteat primum venire

vul@Matthew:17:11 @ at ille respondens ait eis Helias quidem venturus est et restituet omnia

vul@Matthew:17:12 @ dico autem vobis quia Helias iam venit et non cognoverunt eum sed fecerunt in eo quaecumque voluerunt sic et Filius hominis passurus est ab eis

vul@Matthew:17:13 @ tunc intellexerunt discipuli quia de Iohanne Baptista dixisset eis

vul@Matthew:17:14 @ et cum venisset ad turbam accessit ad eum homo genibus provolutus ante eum dicens Domine miserere filii mei quia lunaticus est et male patitur nam saepe cadit in ignem et crebro in aquam

vul@Matthew:17:15 @ et obtuli eum discipulis tuis et non potuerunt curare eum

vul@Matthew:17:16 @ respondens Iesus ait o generatio incredula et perversa quousque ero vobiscum usquequo patiar vos adferte huc illum ad me

vul@Matthew:17:17 @ et increpavit ei Iesus et exiit ab eo daemonium et curatus est puer ex illa hora

vul@Matthew:17:18 @ tunc accesserunt discipuli ad Iesum secreto et dixerunt quare nos non potuimus eicere illum

vul@Matthew:17:19 @ dicit illis propter incredulitatem vestram amen quippe dico vobis si habueritis fidem sicut granum sinapis dicetis monti huic transi hinc et transibit et nihil inpossibile erit vobis

vul@Matthew:17:20 @ hoc autem genus non eicitur nisi per orationem et ieiunium

vul@Matthew:17:21 @ conversantibus autem eis in Galilaea dixit illis Iesus Filius hominis tradendus est in manus hominum

vul@Matthew:17:22 @ et occident eum et tertio die resurget et contristati sunt vehementer

vul@Matthew:17:23 @ et cum venissent Capharnaum accesserunt qui didragma accipiebant ad Petrum et dixerunt magister vester non solvit didragma

vul@Matthew:17:24 @ ait etiam et cum intrasset domum praevenit eum Iesus dicens quid tibi videtur Simon reges terrae a quibus accipiunt tributum vel censum a filiis suis an ab alienis

vul@Matthew:17:25 @ et ille dixit ab alienis dixit illi Iesus ergo liberi sunt filii

vul@Matthew:17:26 @ ut autem non scandalizemus eos vade ad mare et mitte hamum et eum piscem qui primus ascenderit tolle et aperto ore eius invenies staterem illum sumens da eis pro me et te

vul@Matthew:18:1 @ in illa hora accesserunt discipuli ad Iesum dicentes quis putas maior est in regno caelorum

vul@Matthew:18:2 @ et advocans Iesus parvulum statuit eum in medio eorum

vul@Matthew:18:3 @ et dixit amen dico vobis nisi conversi fueritis et efficiamini sicut parvuli non intrabitis in regnum caelorum

vul@Matthew:18:4 @ quicumque ergo humiliaverit se sicut parvulus iste hic est maior in regno caelorum

vul@Matthew:18:5 @ et qui susceperit unum parvulum talem in nomine meo me suscipit

vul@Matthew:18:6 @ qui autem scandalizaverit unum de pusillis istis qui in me credunt expedit ei ut suspendatur mola asinaria in collo eius et demergatur in profundum maris

vul@Matthew:18:7 @ vae mundo ab scandalis necesse est enim ut veniant scandala verumtamen vae homini per quem scandalum venit

vul@Matthew:18:8 @ si autem manus tua vel pes tuus scandalizat te abscide eum et proice abs te bonum tibi est ad vitam ingredi debilem vel clodum quam duas manus vel duos pedes habentem mitti in ignem aeternum

vul@Matthew:18:9 @ et si oculus tuus scandalizat te erue eum et proice abs te bonum tibi est unoculum in vitam intrare quam duos oculos habentem mitti in gehennam ignis

vul@Matthew:18:10 @ videte ne contemnatis unum ex his pusillis dico enim vobis quia angeli eorum in caelis semper vident faciem Patris mei qui in caelis est

vul@Matthew:18:11 @ venit enim Filius hominis salvare quod perierat

vul@Matthew:18:12 @ quid vobis videtur si fuerint alicui centum oves et erraverit una ex eis nonne relinquet nonaginta novem in montibus et vadit quaerere eam quae erravit

vul@Matthew:18:13 @ et si contigerit ut inveniat eam amen dico vobis quia gaudebit super eam magis quam super nonaginta novem quae non erraverunt

vul@Matthew:18:14 @ sic non est voluntas ante Patrem vestrum qui in caelis est ut pereat unus de pusillis istis

vul@Matthew:18:15 @ si autem peccaverit in te frater tuus vade et corripe eum inter te et ipsum solum si te audierit lucratus es fratrem tuum

vul@Matthew:18:16 @ si autem non te audierit adhibe tecum adhuc unum vel duos ut in ore duorum testium vel trium stet omne verbum

vul@Matthew:18:17 @ quod si non audierit eos dic ecclesiae si autem et ecclesiam non audierit sit tibi sicut ethnicus et publicanus

vul@Matthew:18:18 @ amen dico vobis quaecumque alligaveritis super terram erunt ligata et in caelo et quaecumque solveritis super terram erunt soluta et in caelo

vul@Matthew:18:19 @ iterum dico vobis quia si duo ex vobis consenserint super terram de omni re quacumque petierint fiet illis a Patre meo qui in caelis est

vul@Matthew:18:20 @ ubi enim sunt duo vel tres congregati in nomine meo ibi sum in medio eorum

vul@Matthew:18:21 @ tunc accedens Petrus ad eum dixit Domine quotiens peccabit in me frater meus et dimittam ei usque septies

vul@Matthew:18:22 @ dicit illi Iesus non dico tibi usque septies sed usque septuagies septies

vul@Matthew:18:23 @ ideo adsimilatum est regnum caelorum homini regi qui voluit rationem ponere cum servis suis

vul@Matthew:18:24 @ et cum coepisset rationem ponere oblatus est ei unus qui debebat decem milia talenta

vul@Matthew:18:25 @ cum autem non haberet unde redderet iussit eum dominus venundari et uxorem eius et filios et omnia quae habebat et reddi

vul@Matthew:18:26 @ procidens autem servus ille orabat eum dicens patientiam habe in me et omnia reddam tibi

vul@Matthew:18:27 @ misertus autem dominus servi illius dimisit eum et debitum dimisit ei

vul@Matthew:18:28 @ egressus autem servus ille invenit unum de conservis suis qui debebat ei centum denarios et tenens suffocabat eum dicens redde quod debes

vul@Matthew:18:29 @ et procidens conservus eius rogabat eum dicens patientiam habe in me et omnia reddam tibi

vul@Matthew:18:30 @ ille autem noluit sed abiit et misit eum in carcerem donec redderet debitum

vul@Matthew:18:31 @ videntes autem conservi eius quae fiebant contristati sunt valde et venerunt et narraverunt domino suo omnia quae facta erant

vul@Matthew:18:32 @ tunc vocavit illum dominus suus et ait illi serve nequam omne debitum dimisi tibi quoniam rogasti me

vul@Matthew:18:33 @ non ergo oportuit et te misereri conservi tui sicut et ego tui misertus sum

vul@Matthew:18:34 @ et iratus dominus eius tradidit eum tortoribus quoadusque redderet universum debitum

vul@Matthew:18:35 @ sic et Pater meus caelestis faciet vobis si non remiseritis unusquisque fratri suo de cordibus vestris

vul@Matthew:19:1 @ et factum est cum consummasset Iesus sermones istos migravit a Galilaea et venit in fines Iudaeae trans Iordanen

vul@Matthew:19:2 @ et secutae sunt eum turbae multae et curavit eos ibi

vul@Matthew:19:3 @ et accesserunt ad eum Pharisaei temptantes eum et dicentes si licet homini dimittere uxorem suam quacumque ex causa

vul@Matthew:19:4 @ qui respondens ait eis non legistis quia qui fecit ab initio masculum et feminam fecit eos

vul@Matthew:19:5 @ et dixit propter hoc dimittet homo patrem et matrem et adherebit uxori suae et erunt duo in carne una

vul@Matthew:19:6 @ itaque iam non sunt duo sed una caro quod ergo Deus coniunxit homo non separet

vul@Matthew:19:7 @ dicunt illi quid ergo Moses mandavit dari libellum repudii et dimittere

vul@Matthew:19:8 @ ait illis quoniam Moses ad duritiam cordis vestri permisit vobis dimittere uxores vestras ab initio autem non sic fuit

vul@Matthew:19:9 @ dico autem vobis quia quicumque dimiserit uxorem suam nisi ob fornicationem et aliam duxerit moechatur et qui dimissam duxerit moechatur

vul@Matthew:19:10 @ dicunt ei discipuli eius si ita est causa homini cum uxore non expedit nubere

vul@Matthew:19:11 @ qui dixit non omnes capiunt verbum istud sed quibus datum est

vul@Matthew:19:12 @ sunt enim eunuchi qui de matris utero sic nati sunt et sunt eunuchi qui facti sunt ab hominibus et sunt eunuchi qui se ipsos castraverunt propter regnum caelorum qui potest capere capiat

vul@Matthew:19:13 @ tunc oblati sunt ei parvuli ut manus eis inponeret et oraret discipuli autem increpabant eis

vul@Matthew:19:14 @ Iesus vero ait eis sinite parvulos et nolite eos prohibere ad me venire talium est enim regnum caelorum

vul@Matthew:19:15 @ et cum inposuisset eis manus abiit inde

vul@Matthew:19:16 @ et ecce unus accedens ait illi magister bone quid boni faciam ut habeam vitam aeternam

vul@Matthew:19:17 @ qui dixit ei quid me interrogas de bono unus est bonus Deus si autem vis ad vitam ingredi serva mandata

vul@Matthew:19:18 @ dicit illi quae Iesus autem dixit non homicidium facies non adulterabis non facies furtum non falsum testimonium dices

vul@Matthew:19:19 @ honora patrem et matrem et diliges proximum tuum sicut te ipsum

vul@Matthew:19:20 @ dicit illi adulescens omnia haec custodivi quid adhuc mihi deest

vul@Matthew:19:21 @ ait illi Iesus si vis perfectus esse vade vende quae habes et da pauperibus et habebis thesaurum in caelo et veni sequere me

vul@Matthew:19:22 @ cum audisset autem adulescens verbum abiit tristis erat enim habens multas possessiones

vul@Matthew:19:23 @ Iesus autem dixit discipulis suis amen dico vobis quia dives difficile intrabit in regnum caelorum

vul@Matthew:19:24 @ et iterum dico vobis facilius est camelum per foramen acus transire quam divitem intrare in regnum caelorum

vul@Matthew:19:25 @ auditis autem his discipuli mirabantur valde dicentes quis ergo poterit salvus esse

vul@Matthew:19:26 @ aspiciens autem Iesus dixit illis apud homines hoc inpossibile est apud Deum autem omnia possibilia sunt

vul@Matthew:19:27 @ tunc respondens Petrus dixit ei ecce nos reliquimus omnia et secuti sumus te quid ergo erit nobis

vul@Matthew:19:28 @ Iesus autem dixit illis amen dico vobis quod vos qui secuti estis me in regeneratione cum sederit Filius hominis in sede maiestatis suae sedebitis et vos super sedes duodecim iudicantes duodecim tribus Israhel

vul@Matthew:19:29 @ et omnis qui reliquit domum vel fratres aut sorores aut patrem aut matrem aut uxorem aut filios aut agros propter nomen meum centuplum accipiet et vitam aeternam possidebit

vul@Matthew:19:30 @ multi autem erunt primi novissimi et novissimi primi

vul@Matthew:20:1 @ simile est enim regnum caelorum homini patri familias qui exiit primo mane conducere operarios in vineam suam

vul@Matthew:20:2 @ conventione autem facta cum operariis ex denario diurno misit eos in vineam suam

vul@Matthew:20:3 @ et egressus circa horam tertiam vidit alios stantes in foro otiosos

vul@Matthew:20:4 @ et illis dixit ite et vos in vineam et quod iustum fuerit dabo vobis

vul@Matthew:20:5 @ illi autem abierunt iterum autem exiit circa sextam et nonam horam et fecit similiter

vul@Matthew:20:6 @ circa undecimam vero exiit et invenit alios stantes et dicit illis quid hic statis tota die otiosi

vul@Matthew:20:7 @ dicunt ei quia nemo nos conduxit dicit illis ite et vos in vineam

vul@Matthew:20:8 @ cum sero autem factum esset dicit dominus vineae procuratori suo voca operarios et redde illis mercedem incipiens a novissimis usque ad primos

vul@Matthew:20:9 @ cum venissent ergo qui circa undecimam horam venerant acceperunt singulos denarios

vul@Matthew:20:10 @ venientes autem et primi arbitrati sunt quod plus essent accepturi acceperunt autem et ipsi singulos denarios

vul@Matthew:20:11 @ et accipientes murmurabant adversus patrem familias

vul@Matthew:20:12 @ dicentes hii novissimi una hora fecerunt et pares illos nobis fecisti qui portavimus pondus diei et aestus

vul@Matthew:20:13 @ at ille respondens uni eorum dixit amice non facio tibi iniuriam nonne ex denario convenisti mecum

vul@Matthew:20:14 @ tolle quod tuum est et vade volo autem et huic novissimo dare sicut et tibi

vul@Matthew:20:15 @ aut non licet mihi quod volo facere an oculus tuus nequam est quia ego bonus sum

vul@Matthew:20:16 @ sic erunt novissimi primi et primi novissimi multi sunt enim vocati pauci autem electi

vul@Matthew:20:17 @ et ascendens Iesus Hierosolymam adsumpsit duodecim discipulos secreto et ait illis

vul@Matthew:20:18 @ ecce ascendimus Hierosolymam et Filius hominis tradetur principibus sacerdotum et scribis et condemnabunt eum morte

vul@Matthew:20:19 @ et tradent eum gentibus ad deludendum et flagellandum et crucifigendum et tertia die resurget

vul@Matthew:20:20 @ tunc accessit ad eum mater filiorum Zebedaei cum filiis suis adorans et petens aliquid ab eo

vul@Matthew:20:21 @ qui dixit ei quid vis ait illi dic ut sedeant hii duo filii mei unus ad dexteram tuam et unus ad sinistram in regno tuo

vul@Matthew:20:22 @ respondens autem Iesus dixit nescitis quid petatis potestis bibere calicem quem ego bibiturus sum dicunt ei possumus

vul@Matthew:20:23 @ ait illis calicem quidem meum bibetis sedere autem ad dexteram meam et sinistram non est meum dare vobis sed quibus paratum est a Patre meo

vul@Matthew:20:24 @ et audientes decem indignati sunt de duobus fratribus

vul@Matthew:20:25 @ Iesus autem vocavit eos ad se et ait scitis quia principes gentium dominantur eorum et qui maiores sunt potestatem exercent in eos

vul@Matthew:20:26 @ non ita erit inter vos sed quicumque voluerit inter vos maior fieri sit vester minister

vul@Matthew:20:27 @ et qui voluerit inter vos primus esse erit vester servus

vul@Matthew:20:28 @ sicut Filius hominis non venit ministrari sed ministrare et dare animam suam redemptionem pro multis

vul@Matthew:20:29 @ et egredientibus eis ab Hiericho secuta est eum turba multa

vul@Matthew:20:30 @ et ecce duo caeci sedentes secus viam audierunt quia Iesus transiret et clamaverunt dicentes Domine miserere nostri Fili David

vul@Matthew:20:31 @ turba autem increpabat eos ut tacerent at illi magis clamabant dicentes Domine miserere nostri Fili David

vul@Matthew:20:32 @ et stetit Iesus et vocavit eos et ait quid vultis ut faciam vobis

vul@Matthew:20:33 @ dicunt illi Domine ut aperiantur oculi nostri

vul@Matthew:20:34 @ misertus autem eorum Iesus tetigit oculos eorum et confestim viderunt et secuti sunt eum

vul@Matthew:21:1 @ et cum adpropinquassent Hierosolymis et venissent Bethfage ad montem Oliveti tunc Iesus misit duos discipulos

vul@Matthew:21:2 @ dicens eis ite in castellum quod contra vos est et statim invenietis asinam alligatam et pullum cum ea solvite et adducite mihi

vul@Matthew:21:3 @ et si quis vobis aliquid dixerit dicite quia Dominus his opus habet et confestim dimittet eos

vul@Matthew:21:4 @ hoc autem factum est ut impleretur quod dictum est per prophetam dicentem

vul@Matthew:21:5 @ dicite filiae Sion ecce rex tuus venit tibi mansuetus et sedens super asinam et pullum filium subiugalis

vul@Matthew:21:6 @ euntes autem discipuli fecerunt sicut praecepit illis Iesus

vul@Matthew:21:7 @ et adduxerunt asinam et pullum et inposuerunt super eis vestimenta sua et eum desuper sedere fecerunt

vul@Matthew:21:8 @ plurima autem turba straverunt vestimenta sua in via alii autem caedebant ramos de arboribus et sternebant in via

vul@Matthew:21:9 @ turbae autem quae praecedebant et quae sequebantur clamabant dicentes osanna Filio David benedictus qui venturus est in nomine Domini osanna in altissimis

vul@Matthew:21:10 @ et cum intrasset Hierosolymam commota est universa civitas dicens quis est hic

vul@Matthew:21:11 @ populi autem dicebant hic est Iesus propheta a Nazareth Galilaeae

vul@Matthew:21:12 @ et intravit Iesus in templum Dei et eiciebat omnes vendentes et ementes in templo et mensas nummulariorum et cathedras vendentium columbas evertit

vul@Matthew:21:13 @ et dicit eis scriptum est domus mea domus orationis vocabitur vos autem fecistis eam speluncam latronum

vul@Matthew:21:14 @ et accesserunt ad eum caeci et claudi in templo et sanavit eos

vul@Matthew:21:15 @ videntes autem principes sacerdotum et scribae mirabilia quae fecit et pueros clamantes in templo et dicentes osanna Filio David indignati sunt

vul@Matthew:21:16 @ et dixerunt ei audis quid isti dicant Iesus autem dicit eis utique numquam legistis quia ex ore infantium et lactantium perfecisti laudem

vul@Matthew:21:17 @ et relictis illis abiit foras extra civitatem in Bethaniam ibique mansit

vul@Matthew:21:18 @ mane autem revertens in civitatem esuriit

vul@Matthew:21:19 @ et videns fici arborem unam secus viam venit ad eam et nihil invenit in ea nisi folia tantum et ait illi numquam ex te fructus nascatur in sempiternum et arefacta est continuo ficulnea

vul@Matthew:21:20 @ et videntes discipuli mirati sunt dicentes quomodo continuo aruit

vul@Matthew:21:21 @ respondens autem Iesus ait eis amen dico vobis si habueritis fidem et non haesitaveritis non solum de ficulnea facietis sed et si monti huic dixeritis tolle et iacta te in mare fiet

vul@Matthew:21:22 @ et omnia quaecumque petieritis in oratione credentes accipietis

vul@Matthew:21:23 @ et cum venisset in templum accesserunt ad eum docentem principes sacerdotum et seniores populi dicentes in qua potestate haec facis et quis tibi dedit hanc potestatem

vul@Matthew:21:24 @ respondens Iesus dixit illis interrogabo vos et ego unum sermonem quem si dixeritis mihi et ego vobis dicam in qua potestate haec facio

vul@Matthew:21:25 @ baptismum Iohannis unde erat e caelo an ex hominibus at illi cogitabant inter se dicentes si dixerimus e caelo dicet nobis quare ergo non credidistis illi

vul@Matthew:21:26 @ si autem dixerimus ex hominibus timemus turbam omnes enim habent Iohannem sicut prophetam

vul@Matthew:21:27 @ et respondentes Iesu dixerunt nescimus ait illis et ipse nec ego dico vobis in qua potestate haec facio

vul@Matthew:21:28 @ quid autem vobis videtur homo habebat duos filios et accedens ad primum dixit fili vade hodie operare in vinea mea

vul@Matthew:21:29 @ ille autem respondens ait nolo postea autem paenitentia motus abiit

vul@Matthew:21:30 @ accedens autem ad alterum dixit similiter at ille respondens ait eo domine et non ivit

vul@Matthew:21:31 @ quis ex duobus fecit voluntatem patris dicunt novissimus dicit illis Iesus amen dico vobis quia publicani et meretrices praecedunt vos in regno Dei

vul@Matthew:21:32 @ venit enim ad vos Iohannes in via iustitiae et non credidistis ei publicani autem et meretrices crediderunt ei vos autem videntes nec paenitentiam habuistis postea ut crederetis ei

vul@Matthew:21:33 @ aliam parabolam audite homo erat pater familias qui plantavit vineam et sepem circumdedit ei et fodit in ea torcular et aedificavit turrem et locavit eam agricolis et peregre profectus est

vul@Matthew:21:34 @ cum autem tempus fructuum adpropinquasset misit servos suos ad agricolas ut acciperent fructus eius

vul@Matthew:21:35 @ et agricolae adprehensis servis eius alium ceciderunt alium occiderunt alium vero lapidaverunt

vul@Matthew:21:36 @ iterum misit alios servos plures prioribus et fecerunt illis similiter

vul@Matthew:21:37 @ novissime autem misit ad eos filium suum dicens verebuntur filium meum

vul@Matthew:21:38 @ agricolae autem videntes filium dixerunt intra se hic est heres venite occidamus eum et habebimus hereditatem eius

vul@Matthew:21:39 @ et adprehensum eum eiecerunt extra vineam et occiderunt

vul@Matthew:21:40 @ cum ergo venerit dominus vineae quid faciet agricolis illis

vul@Matthew:21:41 @ aiunt illi malos male perdet et vineam locabit aliis agricolis qui reddant ei fructum temporibus suis

vul@Matthew:21:42 @ dicit illis Iesus numquam legistis in scripturis lapidem quem reprobaverunt aedificantes hic factus est in caput anguli a Domino factum est istud et est mirabile in oculis nostris

vul@Matthew:21:43 @ ideo dico vobis quia auferetur a vobis regnum Dei et dabitur genti facienti fructus eius

vul@Matthew:21:44 @ et qui ceciderit super lapidem istum confringetur super quem vero ceciderit conteret eum

vul@Matthew:21:45 @ et cum audissent principes sacerdotum et Pharisaei parabolas eius cognoverunt quod de ipsis diceret

vul@Matthew:21:46 @ et quaerentes eum tenere timuerunt turbas quoniam sicut prophetam eum habebant

vul@Matthew:22:1 @ et respondens Iesus dixit iterum in parabolis eis dicens

vul@Matthew:22:2 @ simile factum est regnum caelorum homini regi qui fecit nuptias filio suo

vul@Matthew:22:3 @ et misit servos suos vocare invitatos ad nuptias et nolebant venire

vul@Matthew:22:4 @ iterum misit alios servos dicens dicite invitatis ecce prandium meum paravi tauri mei et altilia occisa et omnia parata venite ad nuptias

vul@Matthew:22:5 @ illi autem neglexerunt et abierunt alius in villam suam alius vero ad negotiationem suam

vul@Matthew:22:6 @ reliqui vero tenuerunt servos eius et contumelia adfectos occiderunt

vul@Matthew:22:7 @ rex autem cum audisset iratus est et missis exercitibus suis perdidit homicidas illos et civitatem illorum succendit

vul@Matthew:22:8 @ tunc ait servis suis nuptiae quidem paratae sunt sed qui invitati erant non fuerunt digni

vul@Matthew:22:9 @ ite ergo ad exitus viarum et quoscumque inveneritis vocate ad nuptias

vul@Matthew:22:10 @ et egressi servi eius in vias congregaverunt omnes quos invenerunt malos et bonos et impletae sunt nuptiae discumbentium

vul@Matthew:22:11 @ intravit autem rex ut videret discumbentes et vidit ibi hominem non vestitum veste nuptiali

vul@Matthew:22:12 @ et ait illi amice quomodo huc intrasti non habens vestem nuptialem at ille obmutuit

vul@Matthew:22:13 @ tunc dixit rex ministris ligatis pedibus eius et manibus mittite eum in tenebras exteriores ibi erit fletus et stridor dentium

vul@Matthew:22:14 @ multi autem sunt vocati pauci vero electi

vul@Matthew:22:15 @ tunc abeuntes Pharisaei consilium inierunt ut caperent eum in sermone

vul@Matthew:22:16 @ et mittunt ei discipulos suos cum Herodianis dicentes magister scimus quia verax es et viam Dei in veritate doces et non est tibi cura de aliquo non enim respicis personam hominum

vul@Matthew:22:17 @ dic ergo nobis quid tibi videatur licet censum dare Caesari an non

vul@Matthew:22:18 @ cognita autem Iesus nequitia eorum ait quid me temptatis hypocritae

vul@Matthew:22:19 @ ostendite mihi nomisma census at illi obtulerunt ei denarium

vul@Matthew:22:20 @ et ait illis Iesus cuius est imago haec et suprascriptio

vul@Matthew:22:21 @ dicunt ei Caesaris tunc ait illis reddite ergo quae sunt Caesaris Caesari et quae sunt Dei Deo

vul@Matthew:22:22 @ et audientes mirati sunt et relicto eo abierunt

vul@Matthew:22:23 @ in illo die accesserunt ad eum Sadducaei qui dicunt non esse resurrectionem et interrogaverunt eum

vul@Matthew:22:24 @ dicentes magister Moses dixit si quis mortuus fuerit non habens filium ut ducat frater eius uxorem illius et suscitet semen fratri suo

vul@Matthew:22:25 @ erant autem apud nos septem fratres et primus uxore ducta defunctus est et non habens semen reliquit uxorem suam fratri suo

vul@Matthew:22:26 @ similiter secundus et tertius usque ad septimum

vul@Matthew:22:27 @ novissime autem omnium et mulier defuncta est

vul@Matthew:22:28 @ in resurrectione ergo cuius erit de septem uxor omnes enim habuerunt eam

vul@Matthew:22:29 @ respondens autem Iesus ait illis erratis nescientes scripturas neque virtutem Dei

vul@Matthew:22:30 @ in resurrectione enim neque nubent neque nubentur sed sunt sicut angeli Dei in caelo

vul@Matthew:22:31 @ de resurrectione autem mortuorum non legistis quod dictum est a Deo dicente vobis

vul@Matthew:22:32 @ ego sum Deus Abraham et Deus Isaac et Deus Iacob non est Deus mortuorum sed viventium

vul@Matthew:22:33 @ et audientes turbae mirabantur in doctrina eius

vul@Matthew:22:34 @ Pharisaei autem audientes quod silentium inposuisset Sadducaeis convenerunt in unum

vul@Matthew:22:35 @ et interrogavit eum unus ex eis legis doctor temptans eum

vul@Matthew:22:36 @ magister quod est mandatum magnum in lege

vul@Matthew:22:37 @ ait illi Iesus diliges Dominum Deum tuum ex toto corde tuo et in tota anima tua et in tota mente tua

vul@Matthew:22:38 @ hoc est maximum et primum mandatum

vul@Matthew:22:39 @ secundum autem simile est huic diliges proximum tuum sicut te ipsum

vul@Matthew:22:40 @ in his duobus mandatis universa lex pendet et prophetae

vul@Matthew:22:41 @ congregatis autem Pharisaeis interrogavit eos Iesus

vul@Matthew:22:42 @ dicens quid vobis videtur de Christo cuius filius est dicunt ei David

vul@Matthew:22:43 @ ait illis quomodo ergo David in spiritu vocat eum Dominum dicens

vul@Matthew:22:44 @ dixit Dominus Domino meo sede a dextris meis donec ponam inimicos tuos scabillum pedum tuorum

vul@Matthew:22:45 @ si ergo David vocat eum Dominum quomodo filius eius est

vul@Matthew:22:46 @ et nemo poterat respondere ei verbum neque ausus fuit quisquam ex illa die eum amplius interrogare

vul@Matthew:23:1 @ tunc Iesus locutus est ad turbas et discipulos suos

vul@Matthew:23:2 @ dicens super cathedram Mosi sederunt scribae et Pharisaei

vul@Matthew:23:3 @ omnia ergo quaecumque dixerint vobis servate et facite secundum opera vero eorum nolite facere dicunt enim et non faciunt

vul@Matthew:23:4 @ alligant autem onera gravia et inportabilia et inponunt in umeros hominum digito autem suo nolunt ea movere

vul@Matthew:23:5 @ omnia vero opera sua faciunt ut videantur ab hominibus dilatant enim phylacteria sua et magnificant fimbrias

vul@Matthew:23:6 @ amant autem primos recubitus in cenis et primas cathedras in synagogis

vul@Matthew:23:7 @ et salutationes in foro et vocari ab hominibus rabbi

vul@Matthew:23:8 @ vos autem nolite vocari rabbi unus enim est magister vester omnes autem vos fratres estis

vul@Matthew:23:9 @ et patrem nolite vocare vobis super terram unus enim est Pater vester qui in caelis est

vul@Matthew:23:10 @ nec vocemini magistri quia magister vester unus est Christus

vul@Matthew:23:11 @ qui maior est vestrum erit minister vester

vul@Matthew:23:12 @ qui autem se exaltaverit humiliabitur et qui se humiliaverit exaltabitur

vul@Matthew:23:13 @ vae autem vobis scribae et Pharisaei hypocritae quia clauditis regnum caelorum ante homines vos enim non intratis nec introeuntes sinitis intrare

vul@Matthew:23:14 @ [

vul@Matthew:23:15 @ vae vobis scribae et Pharisaei hypocritae quia circuitis mare et aridam ut faciatis unum proselytum et cum fuerit factus facitis eum filium gehennae duplo quam vos

vul@Matthew:23:16 @ vae vobis duces caeci qui dicitis quicumque iuraverit per templum nihil est qui autem iuraverit in aurum templi debet

vul@Matthew:23:17 @ stulti et caeci quid enim maius est aurum an templum quod sanctificat aurum

vul@Matthew:23:18 @ et quicumque iuraverit in altari nihil est quicumque autem iuraverit in dono quod est super illud debet

vul@Matthew:23:19 @ caeci quid enim maius est donum an altare quod sanctificat donum

vul@Matthew:23:20 @ qui ergo iurat in altare iurat in eo et in omnibus quae super illud sunt

vul@Matthew:23:21 @ et qui iuraverit in templo iurat in illo et in eo qui inhabitat in ipso

vul@Matthew:23:22 @ et qui iurat in caelo iurat in throno Dei et in eo qui sedet super eum

vul@Matthew:23:23 @ vae vobis scribae et Pharisaei hypocritae quia decimatis mentam et anethum et cyminum et reliquistis quae graviora sunt legis iudicium et misericordiam et fidem haec oportuit facere et illa non omittere

vul@Matthew:23:24 @ duces caeci excolantes culicem camelum autem gluttientes

vul@Matthew:23:25 @ vae vobis scribae et Pharisaei hypocritae quia mundatis quod de foris est calicis et parapsidis intus autem pleni sunt rapina et inmunditia

vul@Matthew:23:26 @ Pharisaee caece munda prius quod intus est calicis et parapsidis ut fiat et id quod de foris est mundum

vul@Matthew:23:27 @ vae vobis scribae et Pharisaei hypocritae quia similes estis sepulchris dealbatis quae a foris parent hominibus speciosa intus vero plena sunt ossibus mortuorum et omni spurcitia

vul@Matthew:23:28 @ sic et vos a foris quidem paretis hominibus iusti intus autem pleni estis hypocrisi et iniquitate

vul@Matthew:23:29 @ vae vobis scribae et Pharisaei hypocritae quia aedificatis sepulchra prophetarum et ornatis monumenta iustorum

vul@Matthew:23:30 @ et dicitis si fuissemus in diebus patrum nostrorum non essemus socii eorum in sanguine prophetarum

vul@Matthew:23:31 @ itaque testimonio estis vobismet ipsis quia filii estis eorum qui prophetas occiderunt

vul@Matthew:23:32 @ et vos implete mensuram patrum vestrorum

vul@Matthew:23:33 @ serpentes genimina viperarum quomodo fugietis a iudicio gehennae

vul@Matthew:23:34 @ ideo ecce ego mitto ad vos prophetas et sapientes et scribas ex illis occidetis et crucifigetis et ex eis flagellabitis in synagogis vestris et persequemini de civitate in civitatem

vul@Matthew:23:35 @ ut veniat super vos omnis sanguis iustus qui effusus est super terram a sanguine Abel iusti usque ad sanguinem Zacchariae filii Barachiae quem occidistis inter templum et altare

vul@Matthew:23:36 @ amen dico vobis venient haec omnia super generationem istam

vul@Matthew:23:37 @ Hierusalem Hierusalem quae occidis prophetas et lapidas eos qui ad te missi sunt quotiens volui congregare filios tuos quemadmodum gallina congregat pullos suos sub alas et noluisti

vul@Matthew:23:38 @ ecce relinquitur vobis domus vestra deserta

vul@Matthew:23:39 @ dico enim vobis non me videbitis amodo donec dicatis benedictus qui venit in nomine Domini

vul@Matthew:24:1 @ et egressus Iesus de templo ibat et accesserunt discipuli eius ut ostenderent ei aedificationes templi

vul@Matthew:24:2 @ ipse autem respondens dixit eis videtis haec omnia amen dico vobis non relinquetur hic lapis super lapidem qui non destruatur

vul@Matthew:24:3 @ sedente autem eo super montem Oliveti accesserunt ad eum discipuli secreto dicentes dic nobis quando haec erunt et quod signum adventus tui et consummationis saeculi

vul@Matthew:24:4 @ et respondens Iesus dixit eis videte ne quis vos seducat

vul@Matthew:24:5 @ multi enim venient in nomine meo dicentes ego sum Christus et multos seducent

vul@Matthew:24:6 @ audituri autem estis proelia et opiniones proeliorum videte ne turbemini oportet enim haec fieri sed nondum est finis

vul@Matthew:24:7 @ consurget enim gens in gentem et regnum in regnum et erunt pestilentiae et fames et terraemotus per loca

vul@Matthew:24:8 @ haec autem omnia initia sunt dolorum

vul@Matthew:24:9 @ tunc tradent vos in tribulationem et occident vos et eritis odio omnibus gentibus propter nomen meum

vul@Matthew:24:10 @ et tunc scandalizabuntur multi et invicem tradent et odio habebunt invicem

vul@Matthew:24:11 @ et multi pseudoprophetae surgent et seducent multos

vul@Matthew:24:12 @ et quoniam abundabit iniquitas refrigescet caritas multorum

vul@Matthew:24:13 @ qui autem permanserit usque in finem hic salvus erit

vul@Matthew:24:14 @ et praedicabitur hoc evangelium regni in universo orbe in testimonium omnibus gentibus et tunc veniet consummatio

vul@Matthew:24:15 @ cum ergo videritis abominationem desolationis quae dicta est a Danihelo propheta stantem in loco sancto qui legit intellegat

vul@Matthew:24:16 @ tunc qui in Iudaea sunt fugiant ad montes

vul@Matthew:24:17 @ et qui in tecto non descendat tollere aliquid de domo sua

vul@Matthew:24:18 @ et qui in agro non revertatur tollere tunicam suam

vul@Matthew:24:19 @ vae autem praegnatibus et nutrientibus in illis diebus

vul@Matthew:24:20 @ orate autem ut non fiat fuga vestra hieme vel sabbato

vul@Matthew:24:21 @ erit enim tunc tribulatio magna qualis non fuit ab initio mundi usque modo neque fiet

vul@Matthew:24:22 @ et nisi breviati fuissent dies illi non fieret salva omnis caro sed propter electos breviabuntur dies illi

vul@Matthew:24:23 @ tunc si quis vobis dixerit ecce hic Christus aut illic nolite credere

vul@Matthew:24:24 @ surgent enim pseudochristi et pseudoprophetae et dabunt signa magna et prodigia ita ut in errorem inducantur si fieri potest etiam electi

vul@Matthew:24:25 @ ecce praedixi vobis

vul@Matthew:24:26 @ si ergo dixerint vobis ecce in deserto est nolite exire ecce in penetrabilibus nolite credere

vul@Matthew:24:27 @ sicut enim fulgur exit ab oriente et paret usque in occidente ita erit et adventus Filii hominis

vul@Matthew:24:28 @ ubicumque fuerit corpus illuc congregabuntur aquilae

vul@Matthew:24:29 @ statim autem post tribulationem dierum illorum sol obscurabitur et luna non dabit lumen suum et stellae cadent de caelo et virtutes caelorum commovebuntur

vul@Matthew:24:30 @ et tunc parebit signum Filii hominis in caelo et tunc plangent omnes tribus terrae et videbunt Filium hominis venientem in nubibus caeli cum virtute multa et maiestate

vul@Matthew:24:31 @ et mittet angelos suos cum tuba et voce magna et congregabunt electos eius a quattuor ventis a summis caelorum usque ad terminos eorum

vul@Matthew:24:32 @ ab arbore autem fici discite parabolam cum iam ramus eius tener fuerit et folia nata scitis quia prope est aestas

vul@Matthew:24:33 @ ita et vos cum videritis haec omnia scitote quia prope est in ianuis

vul@Matthew:24:34 @ amen dico vobis quia non praeteribit haec generatio donec omnia haec fiant

vul@Matthew:24:35 @ caelum et terra transibunt verba vero mea non praeteribunt

vul@Matthew:24:36 @ de die autem illa et hora nemo scit neque angeli caelorum nisi Pater solus

vul@Matthew:24:37 @ sicut autem in diebus Noe ita erit et adventus Filii hominis

vul@Matthew:24:38 @ sicut enim erant in diebus ante diluvium comedentes et bibentes nubentes et nuptum tradentes usque ad eum diem quo introivit in arcam Noe

vul@Matthew:24:39 @ et non cognoverunt donec venit diluvium et tulit omnes ita erit et adventus Filii hominis

vul@Matthew:24:40 @ tunc duo erunt in agro unus adsumetur et unus relinquetur

vul@Matthew:24:41 @ duae molentes in mola una adsumetur et una relinquetur

vul@Matthew:24:42 @ vigilate ergo quia nescitis qua hora Dominus vester venturus sit

vul@Matthew:24:43 @ illud autem scitote quoniam si sciret pater familias qua hora fur venturus esset vigilaret utique et non sineret perfodiri domum suam

vul@Matthew:24:44 @ ideoque et vos estote parati quia qua nescitis hora Filius hominis venturus est

vul@Matthew:24:45 @ quis putas est fidelis servus et prudens quem constituit dominus suus supra familiam suam ut det illis cibum in tempore

vul@Matthew:24:46 @ beatus ille servus quem cum venerit dominus eius invenerit sic facientem

vul@Matthew:24:47 @ amen dico vobis quoniam super omnia bona sua constituet eum

vul@Matthew:24:48 @ si autem dixerit malus servus ille in corde suo moram facit dominus meus venire

vul@Matthew:24:49 @ et coeperit percutere conservos suos manducet autem et bibat cum ebriis

vul@Matthew:24:50 @ veniet dominus servi illius in die qua non sperat et hora qua ignorat

vul@Matthew:24:51 @ et dividet eum partemque eius ponet cum hypocritis illic erit fletus et stridor dentium

vul@Matthew:25:1 @ tunc simile erit regnum caelorum decem virginibus quae accipientes lampadas suas exierunt obviam sponso et sponsae

vul@Matthew:25:2 @ quinque autem ex eis erant fatuae et quinque prudentes

vul@Matthew:25:3 @ sed quinque fatuae acceptis lampadibus non sumpserunt oleum secum

vul@Matthew:25:4 @ prudentes vero acceperunt oleum in vasis suis cum lampadibus

vul@Matthew:25:5 @ moram autem faciente sponso dormitaverunt omnes et dormierunt

vul@Matthew:25:6 @ media autem nocte clamor factus est ecce sponsus venit exite obviam ei

vul@Matthew:25:7 @ tunc surrexerunt omnes virgines illae et ornaverunt lampades suas

vul@Matthew:25:8 @ fatuae autem sapientibus dixerunt date nobis de oleo vestro quia lampades nostrae extinguntur

vul@Matthew:25:9 @ responderunt prudentes dicentes ne forte non sufficiat nobis et vobis ite potius ad vendentes et emite vobis

vul@Matthew:25:10 @ dum autem irent emere venit sponsus et quae paratae erant intraverunt cum eo ad nuptias et clausa est ianua

vul@Matthew:25:11 @ novissime veniunt et reliquae virgines dicentes domine domine aperi nobis

vul@Matthew:25:12 @ at ille respondens ait amen dico vobis nescio vos

vul@Matthew:25:13 @ vigilate itaque quia nescitis diem neque horam

vul@Matthew:25:14 @ sicut enim homo proficiscens vocavit servos suos et tradidit illis bona sua

vul@Matthew:25:15 @ et uni dedit quinque talenta alii autem duo alii vero unum unicuique secundum propriam virtutem et profectus est statim

vul@Matthew:25:16 @ abiit autem qui quinque talenta acceperat et operatus est in eis et lucratus est alia quinque

vul@Matthew:25:17 @ similiter qui duo acceperat lucratus est alia duo

vul@Matthew:25:18 @ qui autem unum acceperat abiens fodit in terra et abscondit pecuniam domini sui

vul@Matthew:25:19 @ post multum vero temporis venit dominus servorum illorum et posuit rationem cum eis

vul@Matthew:25:20 @ et accedens qui quinque talenta acceperat obtulit alia quinque talenta dicens domine quinque talenta mihi tradidisti ecce alia quinque superlucratus sum

vul@Matthew:25:21 @ ait illi dominus eius euge bone serve et fidelis quia super pauca fuisti fidelis super multa te constituam intra in gaudium domini tui

vul@Matthew:25:22 @ accessit autem et qui duo talenta acceperat et ait domine duo talenta tradidisti mihi ecce alia duo lucratus sum

vul@Matthew:25:23 @ ait illi dominus eius euge serve bone et fidelis quia super pauca fuisti fidelis supra multa te constituam intra in gaudium domini tui

vul@Matthew:25:24 @ accedens autem et qui unum talentum acceperat ait domine scio quia homo durus es metis ubi non seminasti et congregas ubi non sparsisti

vul@Matthew:25:25 @ et timens abii et abscondi talentum tuum in terra ecce habes quod tuum est

vul@Matthew:25:26 @ respondens autem dominus eius dixit ei serve male et piger sciebas quia meto ubi non semino et congrego ubi non sparsi

vul@Matthew:25:27 @ oportuit ergo te mittere pecuniam meam nummulariis et veniens ego recepissem utique quod meum est cum usura

vul@Matthew:25:28 @ tollite itaque ab eo talentum et date ei qui habet decem talenta

vul@Matthew:25:29 @ omni enim habenti dabitur et abundabit ei autem qui non habet et quod videtur habere auferetur ab eo

vul@Matthew:25:30 @ et inutilem servum eicite in tenebras exteriores illic erit fletus et stridor dentium

vul@Matthew:25:31 @ cum autem venerit Filius hominis in maiestate sua et omnes angeli cum eo tunc sedebit super sedem maiestatis suae

vul@Matthew:25:32 @ et congregabuntur ante eum omnes gentes et separabit eos ab invicem sicut pastor segregat oves ab hedis

vul@Matthew:25:33 @ et statuet oves quidem a dextris suis hedos autem a sinistris

vul@Matthew:25:34 @ tunc dicet rex his qui a dextris eius erunt venite benedicti Patris mei possidete paratum vobis regnum a constitutione mundi

vul@Matthew:25:35 @ esurivi enim et dedistis mihi manducare sitivi et dedistis mihi bibere hospes eram et collexistis me

vul@Matthew:25:36 @ nudus et operuistis me infirmus et visitastis me in carcere eram et venistis ad me

vul@Matthew:25:37 @ tunc respondebunt ei iusti dicentes Domine quando te vidimus esurientem et pavimus sitientem et dedimus tibi potum

vul@Matthew:25:38 @ quando autem te vidimus hospitem et colleximus te aut nudum et cooperuimus

vul@Matthew:25:39 @ aut quando te vidimus infirmum aut in carcere et venimus ad te

vul@Matthew:25:40 @ et respondens rex dicet illis amen dico vobis quamdiu fecistis uni de his fratribus meis minimis mihi fecistis

vul@Matthew:25:41 @ tunc dicet et his qui a sinistris erunt discedite a me maledicti in ignem aeternum qui paratus est diabolo et angelis eius

vul@Matthew:25:42 @ esurivi enim et non dedistis mihi manducare sitivi et non dedistis mihi potum

vul@Matthew:25:43 @ hospes eram et non collexistis me nudus et non operuistis me infirmus et in carcere et non visitastis me

vul@Matthew:25:44 @ tunc respondebunt et ipsi dicentes Domine quando te vidimus esurientem aut sitientem aut hospitem aut nudum aut infirmum vel in carcere et non ministravimus tibi

vul@Matthew:25:45 @ tunc respondebit illis dicens amen dico vobis quamdiu non fecistis uni de minoribus his nec mihi fecistis

vul@Matthew:25:46 @ et ibunt hii in supplicium aeternum iusti autem in vitam aeternam

vul@Matthew:26:1 @ et factum est cum consummasset Iesus sermones hos omnes dixit discipulis suis

vul@Matthew:26:2 @ scitis quia post biduum pascha fiet et Filius hominis tradetur ut crucifigatur

vul@Matthew:26:3 @ tunc congregati sunt principes sacerdotum et seniores populi in atrium principis sacerdotum qui dicebatur Caiaphas

vul@Matthew:26:4 @ et consilium fecerunt ut Iesum dolo tenerent et occiderent

vul@Matthew:26:5 @ dicebant autem non in die festo ne forte tumultus fieret in populo

vul@Matthew:26:6 @ cum autem esset Iesus in Bethania in domo Simonis leprosi

vul@Matthew:26:7 @ accessit ad eum mulier habens alabastrum unguenti pretiosi et effudit super caput ipsius recumbentis

vul@Matthew:26:8 @ videntes autem discipuli indignati sunt dicentes ut quid perditio haec

vul@Matthew:26:9 @ potuit enim istud venundari multo et dari pauperibus

vul@Matthew:26:10 @ sciens autem Iesus ait illis quid molesti estis mulieri opus bonum operata est in me

vul@Matthew:26:11 @ nam semper pauperes habetis vobiscum me autem non semper habetis

vul@Matthew:26:12 @ mittens enim haec unguentum hoc in corpus meum ad sepeliendum me fecit

vul@Matthew:26:13 @ amen dico vobis ubicumque praedicatum fuerit hoc evangelium in toto mundo dicetur et quod haec fecit in memoriam eius

vul@Matthew:26:14 @ tunc abiit unus de duodecim qui dicitur Iudas Scarioth ad principes sacerdotum

vul@Matthew:26:15 @ et ait illis quid vultis mihi dare et ego vobis eum tradam at illi constituerunt ei triginta argenteos

vul@Matthew:26:16 @ et exinde quaerebat oportunitatem ut eum traderet

vul@Matthew:26:17 @ prima autem azymorum accesserunt discipuli ad Iesum dicentes ubi vis paremus tibi comedere pascha

vul@Matthew:26:18 @ at Iesus dixit ite in civitatem ad quendam et dicite ei magister dicit tempus meum prope est apud te facio pascha cum discipulis meis

vul@Matthew:26:19 @ et fecerunt discipuli sicut constituit illis Iesus et paraverunt pascha

vul@Matthew:26:20 @ vespere autem facto discumbebat cum duodecim discipulis

vul@Matthew:26:21 @ et edentibus illis dixit amen dico vobis quia unus vestrum me traditurus est

vul@Matthew:26:22 @ et contristati valde coeperunt singuli dicere numquid ego sum Domine

vul@Matthew:26:23 @ at ipse respondens ait qui intinguit mecum manum in parapside hic me tradet

vul@Matthew:26:24 @ Filius quidem hominis vadit sicut scriptum est de illo vae autem homini illi per quem Filius hominis traditur bonum erat ei si natus non fuisset homo ille

vul@Matthew:26:25 @ respondens autem Iudas qui tradidit eum dixit numquid ego sum rabbi ait illi tu dixisti

vul@Matthew:26:26 @ cenantibus autem eis accepit Iesus panem et benedixit ac fregit deditque discipulis suis et ait accipite et comedite hoc est corpus meum

vul@Matthew:26:27 @ et accipiens calicem gratias egit et dedit illis dicens bibite ex hoc omnes

vul@Matthew:26:28 @ hic est enim sanguis meus novi testamenti qui pro multis effunditur in remissionem peccatorum

vul@Matthew:26:29 @ dico autem vobis non bibam amodo de hoc genimine vitis usque in diem illum cum illud bibam vobiscum novum in regno Patris mei

vul@Matthew:26:30 @ et hymno dicto exierunt in montem Oliveti

vul@Matthew:26:31 @ tunc dicit illis Iesus omnes vos scandalum patiemini in me in ista nocte scriptum est enim percutiam pastorem et dispergentur oves gregis

vul@Matthew:26:32 @ postquam autem resurrexero praecedam vos in Galilaeam

vul@Matthew:26:33 @ respondens autem Petrus ait illi et si omnes scandalizati fuerint in te ego numquam scandalizabor

vul@Matthew:26:34 @ ait illi Iesus amen dico tibi quia in hac nocte antequam gallus cantet ter me negabis

vul@Matthew:26:35 @ ait illi Petrus etiam si oportuerit me mori tecum non te negabo similiter et omnes discipuli dixerunt

vul@Matthew:26:36 @ tunc venit Iesus cum illis in villam quae dicitur Gethsemani et dixit discipulis suis sedete hic donec vadam illuc et orem

vul@Matthew:26:37 @ et adsumpto Petro et duobus filiis Zebedaei coepit contristari et maestus esse

vul@Matthew:26:38 @ tunc ait illis tristis est anima mea usque ad mortem sustinete hic et vigilate mecum

vul@Matthew:26:39 @ et progressus pusillum procidit in faciem suam orans et dicens mi Pater si possibile est transeat a me calix iste verumtamen non sicut ego volo sed sicut tu

vul@Matthew:26:40 @ et venit ad discipulos et invenit eos dormientes et dicit Petro sic non potuistis una hora vigilare mecum

vul@Matthew:26:41 @ vigilate et orate ut non intretis in temptationem spiritus quidem promptus est caro autem infirma

vul@Matthew:26:42 @ iterum secundo abiit et oravit dicens Pater mi si non potest hic calix transire nisi bibam illum fiat voluntas tua

vul@Matthew:26:43 @ et venit iterum et invenit eos dormientes erant enim oculi eorum gravati

vul@Matthew:26:44 @ et relictis illis iterum abiit et oravit tertio eundem sermonem dicens

vul@Matthew:26:45 @ tunc venit ad discipulos suos et dicit illis dormite iam et requiescite ecce adpropinquavit hora et Filius hominis traditur in manus peccatorum

vul@Matthew:26:46 @ surgite eamus ecce adpropinquavit qui me tradit

vul@Matthew:26:47 @ adhuc ipso loquente ecce Iudas unus de duodecim venit et cum eo turba multa cum gladiis et fustibus a principibus sacerdotum et senioribus populi

vul@Matthew:26:48 @ qui autem tradidit eum dedit illis signum dicens quemcumque osculatus fuero ipse est tenete eum

vul@Matthew:26:49 @ et confestim accedens ad Iesum dixit have rabbi et osculatus est eum

vul@Matthew:26:50 @ dixitque illi Iesus amice ad quod venisti tunc accesserunt et manus iniecerunt in Iesum et tenuerunt eum

vul@Matthew:26:51 @ et ecce unus ex his qui erant cum Iesu extendens manum exemit gladium suum et percutiens servum principis sacerdotum amputavit auriculam eius

vul@Matthew:26:52 @ tunc ait illi Iesus converte gladium tuum in locum suum omnes enim qui acceperint gladium gladio peribunt

vul@Matthew:26:53 @ an putas quia non possum rogare Patrem meum et exhibebit mihi modo plus quam duodecim legiones angelorum

vul@Matthew:26:54 @ quomodo ergo implebuntur scripturae quia sic oportet fieri

vul@Matthew:26:55 @ in illa hora dixit Iesus turbis tamquam ad latronem existis cum gladiis et fustibus conprehendere me cotidie apud vos sedebam docens in templo et non me tenuistis

vul@Matthew:26:56 @ hoc autem totum factum est ut implerentur scripturae prophetarum tunc discipuli omnes relicto eo fugerunt

vul@Matthew:26:57 @ at illi tenentes Iesum duxerunt ad Caiaphan principem sacerdotum ubi scribae et seniores convenerant

vul@Matthew:26:58 @ Petrus autem sequebatur eum a longe usque in atrium principis sacerdotum et ingressus intro sedebat cum ministris ut videret finem

vul@Matthew:26:59 @ principes autem sacerdotum et omne concilium quaerebant falsum testimonium contra Iesum ut eum morti traderent

vul@Matthew:26:60 @ et non invenerunt cum multi falsi testes accessissent novissime autem venerunt duo falsi testes

vul@Matthew:26:61 @ et dixerunt hic dixit possum destruere templum Dei et post triduum aedificare illud

vul@Matthew:26:62 @ et surgens princeps sacerdotum ait illi nihil respondes ad ea quae isti adversum te testificantur

vul@Matthew:26:63 @ Iesus autem tacebat et princeps sacerdotum ait illi adiuro te per Deum vivum ut dicas nobis si tu es Christus Filius Dei

vul@Matthew:26:64 @ dicit illi Iesus tu dixisti verumtamen dico vobis amodo videbitis Filium hominis sedentem a dextris virtutis et venientem in nubibus caeli

vul@Matthew:26:65 @ tunc princeps sacerdotum scidit vestimenta sua dicens blasphemavit quid adhuc egemus testibus ecce nunc audistis blasphemiam

vul@Matthew:26:66 @ quid vobis videtur at illi respondentes dixerunt reus est mortis

vul@Matthew:26:67 @ tunc expuerunt in faciem eius et colaphis eum ceciderunt alii autem palmas in faciem ei dederunt

vul@Matthew:26:68 @ dicentes prophetiza nobis Christe quis est qui te percussit

vul@Matthew:26:69 @ Petrus vero sedebat foris in atrio et accessit ad eum una ancilla dicens et tu cum Iesu Galilaeo eras

vul@Matthew:26:70 @ at ille negavit coram omnibus dicens nescio quid dicis

vul@Matthew:26:71 @ exeunte autem illo ianuam vidit eum alia et ait his qui erant ibi et hic erat cum Iesu Nazareno

vul@Matthew:26:72 @ et iterum negavit cum iuramento quia non novi hominem

vul@Matthew:26:73 @ et post pusillum accesserunt qui stabant et dixerunt Petro vere et tu ex illis es nam et loquella tua manifestum te facit

vul@Matthew:26:74 @ tunc coepit detestari et iurare quia non novisset hominem et continuo gallus cantavit

vul@Matthew:26:75 @ et recordatus est Petrus verbi Iesu quod dixerat priusquam gallus cantet ter me negabis et egressus foras ploravit amare

vul@Matthew:27:1 @ mane autem facto consilium inierunt omnes principes sacerdotum et seniores populi adversus Iesum ut eum morti traderent

vul@Matthew:27:2 @ et vinctum adduxerunt eum et tradiderunt Pontio Pilato praesidi

vul@Matthew:27:3 @ tunc videns Iudas qui eum tradidit quod damnatus esset paenitentia ductus rettulit triginta argenteos principibus sacerdotum et senioribus

vul@Matthew:27:4 @ dicens peccavi tradens sanguinem iustum at illi dixerunt quid ad nos tu videris

vul@Matthew:27:5 @ et proiectis argenteis in templo recessit et abiens laqueo se suspendit

vul@Matthew:27:6 @ principes autem sacerdotum acceptis argenteis dixerunt non licet mittere eos in corbanan quia pretium sanguinis est

vul@Matthew:27:7 @ consilio autem inito emerunt ex illis agrum figuli in sepulturam peregrinorum

vul@Matthew:27:8 @ propter hoc vocatus est ager ille Acheldemach ager sanguinis usque in hodiernum diem

vul@Matthew:27:9 @ tunc impletum est quod dictum est per Hieremiam prophetam dicentem et acceperunt triginta argenteos pretium adpretiati quem adpretiaverunt a filiis Israhel

vul@Matthew:27:10 @ et dederunt eos in agrum figuli sicut constituit mihi Dominus

vul@Matthew:27:11 @ Iesus autem stetit ante praesidem et interrogavit eum praeses dicens tu es rex Iudaeorum dicit ei Iesus tu dicis

vul@Matthew:27:12 @ et cum accusaretur a principibus sacerdotum et senioribus nihil respondit

vul@Matthew:27:13 @ tunc dicit illi Pilatus non audis quanta adversum te dicant testimonia

vul@Matthew:27:14 @ et non respondit ei ad ullum verbum ita ut miraretur praeses vehementer

vul@Matthew:27:15 @ per diem autem sollemnem consueverat praeses dimittere populo unum vinctum quem voluissent

vul@Matthew:27:16 @ habebat autem tunc vinctum insignem qui dicebatur Barabbas

vul@Matthew:27:17 @ congregatis ergo illis dixit Pilatus quem vultis dimittam vobis Barabban an Iesum qui dicitur Christus

vul@Matthew:27:18 @ sciebat enim quod per invidiam tradidissent eum

vul@Matthew:27:19 @ sedente autem illo pro tribunali misit ad illum uxor eius dicens nihil tibi et iusto illi multa enim passa sum hodie per visum propter eum

vul@Matthew:27:20 @ princeps autem sacerdotum et seniores persuaserunt populis ut peterent Barabban Iesum vero perderent

vul@Matthew:27:21 @ respondens autem praeses ait illis quem vultis vobis de duobus dimitti at illi dixerunt Barabban

vul@Matthew:27:22 @ dicit illis Pilatus quid igitur faciam de Iesu qui dicitur Christus

vul@Matthew:27:23 @ dicunt omnes crucifigatur ait illis praeses quid enim mali fecit at illi magis clamabant dicentes crucifigatur

vul@Matthew:27:24 @ videns autem Pilatus quia nihil proficeret sed magis tumultus fieret accepta aqua lavit manus coram populo dicens innocens ego sum a sanguine iusti huius vos videritis

vul@Matthew:27:25 @ et respondens universus populus dixit sanguis eius super nos et super filios nostros

vul@Matthew:27:26 @ tunc dimisit illis Barabban Iesum autem flagellatum tradidit eis ut crucifigeretur

vul@Matthew:27:27 @ tunc milites praesidis suscipientes Iesum in praetorio congregaverunt ad eum universam cohortem

vul@Matthew:27:28 @ et exuentes eum clamydem coccineam circumdederunt ei

vul@Matthew:27:29 @ et plectentes coronam de spinis posuerunt super caput eius et harundinem in dextera eius et genu flexo ante eum inludebant dicentes have rex Iudaeorum

vul@Matthew:27:30 @ et expuentes in eum acceperunt harundinem et percutiebant caput eius

vul@Matthew:27:31 @ et postquam inluserunt ei exuerunt eum clamydem et induerunt eum vestimentis eius et duxerunt eum ut crucifigerent

vul@Matthew:27:32 @ exeuntes autem invenerunt hominem cyreneum nomine Simonem hunc angariaverunt ut tolleret crucem eius

vul@Matthew:27:33 @ et venerunt in locum qui dicitur Golgotha quod est Calvariae locus

vul@Matthew:27:34 @ et dederunt ei vinum bibere cum felle mixtum et cum gustasset noluit bibere

vul@Matthew:27:35 @ postquam autem crucifixerunt eum diviserunt vestimenta eius sortem mittentes

vul@Matthew:27:36 @ et sedentes servabant eum

vul@Matthew:27:37 @ et inposuerunt super caput eius causam ipsius scriptam hic est Iesus rex Iudaeorum

vul@Matthew:27:38 @ tunc crucifixi sunt cum eo duo latrones unus a dextris et unus a sinistris

vul@Matthew:27:39 @ praetereuntes autem blasphemabant eum moventes capita sua

vul@Matthew:27:40 @ et dicentes qui destruit templum et in triduo illud reaedificat salva temet ipsum si Filius Dei es descende de cruce

vul@Matthew:27:41 @ similiter et principes sacerdotum inludentes cum scribis et senioribus dicentes

vul@Matthew:27:42 @ alios salvos fecit se ipsum non potest salvum facere si rex Israhel est descendat nunc de cruce et credemus ei

vul@Matthew:27:43 @ confidet in Deo liberet nunc eum si vult dixit enim quia Dei Filius sum

vul@Matthew:27:44 @ id ipsum autem et latrones qui fixi erant cum eo inproperabant ei

vul@Matthew:27:45 @ a sexta autem hora tenebrae factae sunt super universam terram usque ad horam nonam

vul@Matthew:27:46 @ et circa horam nonam clamavit Iesus voce magna dicens Heli Heli lema sabacthani hoc est Deus meus Deus meus ut quid dereliquisti me

vul@Matthew:27:47 @ quidam autem illic stantes et audientes dicebant Heliam vocat iste

vul@Matthew:27:48 @ et continuo currens unus ex eis acceptam spongiam implevit aceto et inposuit harundini et dabat ei bibere

vul@Matthew:27:49 @ ceteri vero dicebant sine videamus an veniat Helias liberans eum

vul@Matthew:27:50 @ Iesus autem iterum clamans voce magna emisit spiritum

vul@Matthew:27:51 @ et ecce velum templi scissum est in duas partes a summo usque deorsum et terra mota est et petrae scissae sunt

vul@Matthew:27:52 @ et monumenta aperta sunt et multa corpora sanctorum qui dormierant surrexerunt

vul@Matthew:27:53 @ et exeuntes de monumentis post resurrectionem eius venerunt in sanctam civitatem et apparuerunt multis

vul@Matthew:27:54 @ centurio autem et qui cum eo erant custodientes Iesum viso terraemotu et his quae fiebant timuerunt valde dicentes vere Dei Filius erat iste

vul@Matthew:27:55 @ erant autem ibi mulieres multae a longe quae secutae erant Iesum a Galilaea ministrantes ei

vul@Matthew:27:56 @ inter quas erat Maria Magdalene et Maria Iacobi et Ioseph mater et mater filiorum Zebedaei

vul@Matthew:27:57 @ cum sero autem factum esset venit quidam homo dives ab Arimathia nomine Ioseph qui et ipse discipulus erat Iesu

vul@Matthew:27:58 @ hic accessit ad Pilatum et petiit corpus Iesu tunc Pilatus iussit reddi corpus

vul@Matthew:27:59 @ et accepto corpore Ioseph involvit illud sindone munda

vul@Matthew:27:60 @ et posuit illud in monumento suo novo quod exciderat in petra et advolvit saxum magnum ad ostium monumenti et abiit

vul@Matthew:27:61 @ erat autem ibi Maria Magdalene et altera Maria sedentes contra sepulchrum

vul@Matthew:27:62 @ altera autem die quae est post parasceven convenerunt principes sacerdotum et Pharisaei ad Pilatum

vul@Matthew:27:63 @ dicentes domine recordati sumus quia seductor ille dixit adhuc vivens post tres dies resurgam

vul@Matthew:27:64 @ iube ergo custodiri sepulchrum usque in diem tertium ne forte veniant discipuli eius et furentur eum et dicant plebi surrexit a mortuis et erit novissimus error peior priore

vul@Matthew:27:65 @ ait illis Pilatus habetis custodiam ite custodite sicut scitis

vul@Matthew:27:66 @ illi autem abeuntes munierunt sepulchrum signantes lapidem cum custodibus

vul@Matthew:28:1 @ vespere autem sabbati quae lucescit in primam sabbati venit Maria Magdalene et altera Maria videre sepulchrum

vul@Matthew:28:2 @ et ecce terraemotus factus est magnus angelus enim Domini descendit de caelo et accedens revolvit lapidem et sedebat super eum

vul@Matthew:28:3 @ erat autem aspectus eius sicut fulgur et vestimentum eius sicut nix

vul@Matthew:28:4 @ prae timore autem eius exterriti sunt custodes et facti sunt velut mortui

vul@Matthew:28:5 @ respondens autem angelus dixit mulieribus nolite timere vos scio enim quod Iesum qui crucifixus est quaeritis

vul@Matthew:28:6 @ non est hic surrexit enim sicut dixit venite videte locum ubi positus erat Dominus

vul@Matthew:28:7 @ et cito euntes dicite discipulis eius quia surrexit et ecce praecedit vos in Galilaeam ibi eum videbitis ecce praedixi vobis

vul@Matthew:28:8 @ et exierunt cito de monumento cum timore et magno gaudio currentes nuntiare discipulis eius

vul@Matthew:28:9 @ et ecce Iesus occurrit illis dicens havete illae autem accesserunt et tenuerunt pedes eius et adoraverunt eum

vul@Matthew:28:10 @ tunc ait illis Iesus nolite timere ite nuntiate fratribus meis ut eant in Galilaeam ibi me videbunt

vul@Matthew:28:11 @ quae cum abissent ecce quidam de custodibus venerunt in civitatem et nuntiaverunt principibus sacerdotum omnia quae facta fuerant

vul@Matthew:28:12 @ et congregati cum senioribus consilio accepto pecuniam copiosam dederunt militibus

vul@Matthew:28:13 @ dicentes dicite quia discipuli eius nocte venerunt et furati sunt eum nobis dormientibus

vul@Matthew:28:14 @ et si hoc auditum fuerit a praeside nos suadebimus ei et securos vos faciemus

vul@Matthew:28:15 @ at illi accepta pecunia fecerunt sicut erant docti et divulgatum est verbum istud apud Iudaeos usque in hodiernum diem

vul@Matthew:28:16 @ undecim autem discipuli abierunt in Galilaeam in montem ubi constituerat illis Iesus

vul@Matthew:28:17 @ et videntes eum adoraverunt quidam autem dubitaverunt

vul@Matthew:28:18 @ et accedens Iesus locutus est eis dicens data est mihi omnis potestas in caelo et in terra

vul@Matthew:28:19 @ euntes ergo docete omnes gentes baptizantes eos in nomine Patris et Filii et Spiritus Sancti

vul@Mark:1:1 @ initium evangelii Iesu Christi Filii Dei

vul@Mark:1:2 @ sicut scriptum est in Esaia propheta ecce mitto angelum meum ante faciem tuam qui praeparabit viam tuam

vul@Mark:1:3 @ vox clamantis in deserto parate viam Domini rectas facite semitas eius

vul@Mark:1:4 @ fuit Iohannes in deserto baptizans et praedicans baptismum paenitentiae in remissionem peccatorum

vul@Mark:1:5 @ et egrediebatur ad illum omnis Iudaeae regio et Hierosolymitae universi et baptizabantur ab illo in Iordane flumine confitentes peccata sua

vul@Mark:1:6 @ et erat Iohannes vestitus pilis cameli et zona pellicia circa lumbos eius et lucustas et mel silvestre edebat

vul@Mark:1:7 @ et praedicabat dicens venit fortior me post me cuius non sum dignus procumbens solvere corrigiam calciamentorum eius

vul@Mark:1:8 @ ego baptizavi vos aqua ille vero baptizabit vos Spiritu Sancto

vul@Mark:1:9 @ et factum est in diebus illis venit Iesus a Nazareth Galilaeae et baptizatus est in Iordane ab Iohanne

vul@Mark:1:10 @ et statim ascendens de aqua vidit apertos caelos et Spiritum tamquam columbam descendentem et manentem in ipso

vul@Mark:1:11 @ et vox facta est de caelis tu es Filius meus dilectus in te conplacui

vul@Mark:1:12 @ et statim Spiritus expellit eum in desertum

vul@Mark:1:13 @ et erat in deserto quadraginta diebus et quadraginta noctibus et temptabatur a Satana eratque cum bestiis et angeli ministrabant illi

vul@Mark:1:14 @ postquam autem traditus est Iohannes venit Iesus in Galilaeam praedicans evangelium regni Dei

vul@Mark:1:15 @ et dicens quoniam impletum est tempus et adpropinquavit regnum Dei paenitemini et credite evangelio

vul@Mark:1:16 @ et praeteriens secus mare Galilaeae vidit Simonem et Andream fratrem eius mittentes retia in mare erant enim piscatores

vul@Mark:1:17 @ et dixit eis Iesus venite post me et faciam vos fieri piscatores hominum

vul@Mark:1:18 @ et protinus relictis retibus secuti sunt eum

vul@Mark:1:19 @ et progressus inde pusillum vidit Iacobum Zebedaei et Iohannem fratrem eius et ipsos in navi conponentes retia

vul@Mark:1:20 @ et statim vocavit illos et relicto patre suo Zebedaeo in navi cum mercennariis secuti sunt eum

vul@Mark:1:21 @ et ingrediuntur Capharnaum et statim sabbatis ingressus synagogam docebat eos

vul@Mark:1:22 @ et stupebant super doctrina eius erat enim docens eos quasi potestatem habens et non sicut scribae

vul@Mark:1:23 @ et erat in synagoga eorum homo in spiritu inmundo et exclamavit

vul@Mark:1:24 @ dicens quid nobis et tibi Iesu Nazarene venisti perdere nos scio qui sis Sanctus Dei

vul@Mark:1:25 @ et comminatus est ei Iesus dicens obmutesce et exi de homine

vul@Mark:1:26 @ et discerpens eum spiritus inmundus et exclamans voce magna exivit ab eo

vul@Mark:1:27 @ et mirati sunt omnes ita ut conquirerent inter se dicentes quidnam est hoc quae doctrina haec nova quia in potestate et spiritibus inmundis imperat et oboediunt ei

vul@Mark:1:28 @ et processit rumor eius statim in omnem regionem Galilaeae

vul@Mark:1:29 @ et protinus egredientes de synagoga venerunt in domum Simonis et Andreae cum Iacobo et Iohanne

vul@Mark:1:30 @ decumbebat autem socrus Simonis febricitans et statim dicunt ei de illa

vul@Mark:1:31 @ et accedens elevavit eam adprehensa manu eius et continuo dimisit eam febris et ministrabat eis

vul@Mark:1:32 @ vespere autem facto cum occidisset sol adferebant ad eum omnes male habentes et daemonia habentes

vul@Mark:1:33 @ et erat omnis civitas congregata ad ianuam

vul@Mark:1:34 @ et curavit multos qui vexabantur variis languoribus et daemonia multa eiciebat et non sinebat loqui ea quoniam sciebant eum

vul@Mark:1:35 @ et diluculo valde surgens egressus abiit in desertum locum ibique orabat

vul@Mark:1:36 @ et persecutus est eum Simon et qui cum illo erant

vul@Mark:1:37 @ et cum invenissent eum dixerunt ei quia omnes quaerunt te

vul@Mark:1:38 @ et ait illis eamus in proximos vicos et civitates ut et ibi praedicem ad hoc enim veni

vul@Mark:1:39 @ et erat praedicans in synagogis eorum et omni Galilaea et daemonia eiciens

vul@Mark:1:40 @ et venit ad eum leprosus deprecans eum et genu flexo dixit si vis potes me mundare

vul@Mark:1:41 @ Iesus autem misertus eius extendit manum suam et tangens eum ait illi volo mundare

vul@Mark:1:42 @ et cum dixisset statim discessit ab eo lepra et mundatus est

vul@Mark:1:43 @ et comminatus ei statim eiecit illum

vul@Mark:1:44 @ et dicit ei vide nemini dixeris sed vade ostende te principi sacerdotum et offer pro emundatione tua quae praecepit Moses in testimonium illis

vul@Mark:1:45 @ at ille egressus coepit praedicare et diffamare sermonem ita ut iam non posset manifeste in civitatem introire sed foris in desertis locis esse et conveniebant ad eum undique

vul@Mark:2:1 @ et iterum intravit Capharnaum post dies

vul@Mark:2:2 @ et auditum est quod in domo esset et convenerunt multi ita ut non caperet neque ad ianuam et loquebatur eis verbum

vul@Mark:2:3 @ et venerunt ferentes ad eum paralyticum qui a quattuor portabatur

vul@Mark:2:4 @ et cum non possent offerre eum illi prae turba nudaverunt tectum ubi erat et patefacientes submiserunt grabattum in quo paralyticus iacebat

vul@Mark:2:5 @ cum vidisset autem Iesus fidem illorum ait paralytico fili dimittuntur tibi peccata

vul@Mark:2:6 @ erant autem illic quidam de scribis sedentes et cogitantes in cordibus suis

vul@Mark:2:7 @ quid hic sic loquitur blasphemat quis potest dimittere peccata nisi solus Deus

vul@Mark:2:8 @ quo statim cognito Iesus spiritu suo quia sic cogitarent intra se dicit illis quid ista cogitatis in cordibus vestris

vul@Mark:2:9 @ quid est facilius dicere paralytico dimittuntur tibi peccata an dicere surge et tolle grabattum tuum et ambula

vul@Mark:2:10 @ ut autem sciatis quia potestatem habet Filius hominis in terra dimittendi peccata ait paralytico

vul@Mark:2:11 @ tibi dico surge tolle grabattum tuum et vade in domum tuam

vul@Mark:2:12 @ et statim ille surrexit et sublato grabatto abiit coram omnibus ita ut admirarentur omnes et honorificarent Deum dicentes quia numquam sic vidimus

vul@Mark:2:13 @ et egressus est rursus ad mare omnisque turba veniebat ad eum et docebat eos

vul@Mark:2:14 @ et cum praeteriret vidit Levin Alphei sedentem ad teloneum et ait illi sequere me et surgens secutus est eum

vul@Mark:2:15 @ et factum est cum accumberet in domo illius multi publicani et peccatores simul discumbebant cum Iesu et discipulis eius erant enim multi qui et sequebantur eum

vul@Mark:2:16 @ et scribae et Pharisaei videntes quia manducaret cum peccatoribus et publicanis dicebant discipulis eius quare cum publicanis et peccatoribus manducat et bibit magister vester

vul@Mark:2:17 @ hoc audito Iesus ait illis non necesse habent sani medicum sed qui male habent non enim veni vocare iustos sed peccatores

vul@Mark:2:18 @ et erant discipuli Iohannis et Pharisaei ieiunantes et veniunt et dicunt illi cur discipuli Iohannis et Pharisaeorum ieiunant tui autem discipuli non ieiunant

vul@Mark:2:19 @ et ait illis Iesus numquid possunt filii nuptiarum quamdiu sponsus cum illis est ieiunare quanto tempore habent secum sponsum non possunt ieiunare

vul@Mark:2:20 @ venient autem dies cum auferetur ab eis sponsus et tunc ieiunabunt in illa die

vul@Mark:2:21 @ nemo adsumentum panni rudis adsuit vestimento veteri alioquin aufert supplementum novum a veteri et maior scissura fit

vul@Mark:2:22 @ et nemo mittit vinum novellum in utres veteres alioquin disrumpet vinum utres et vinum effunditur et utres peribunt sed vinum novum in utres novos mitti debet

vul@Mark:2:23 @ et factum est iterum cum sabbatis ambularet per sata et discipuli eius coeperunt praegredi et vellere spicas

vul@Mark:2:24 @ Pharisaei autem dicebant ei ecce quid faciunt sabbatis quod non licet

vul@Mark:2:25 @ et ait illis numquam legistis quid fecerit David quando necessitatem habuit et esuriit ipse et qui cum eo erant

vul@Mark:2:26 @ quomodo introiit in domum Dei sub Abiathar principe sacerdotum et panes propositionis manducavit quos non licet manducare nisi sacerdotibus et dedit eis qui cum eo erant

vul@Mark:2:27 @ et dicebat eis sabbatum propter hominem factum est et non homo propter sabbatum

vul@Mark:2:28 @ itaque dominus est Filius hominis etiam sabbati

vul@Mark:3:1 @ et introivit iterum synagogam et erat ibi homo habens manum aridam

vul@Mark:3:2 @ et observabant eum si sabbatis curaret ut accusarent illum

vul@Mark:3:3 @ et ait homini habenti manum aridam surge in medium

vul@Mark:3:4 @ et dicit eis licet sabbatis bene facere an male animam salvam facere an perdere at illi tacebant

vul@Mark:3:5 @ et circumspiciens eos cum ira contristatus super caecitatem cordis eorum dicit homini extende manum tuam et extendit et restituta est manus illi

vul@Mark:3:6 @ exeuntes autem statim Pharisaei cum Herodianis consilium faciebant adversus eum quomodo eum perderent

vul@Mark:3:7 @ et Iesus cum discipulis suis secessit ad mare et multa turba a Galilaea et Iudaea secuta est eum

vul@Mark:3:8 @ et ab Hierosolymis et ab Idumea et trans Iordanen et qui circa Tyrum et Sidonem multitudo magna audientes quae faciebat venerunt ad eum

vul@Mark:3:9 @ et dixit discipulis suis ut navicula sibi deserviret propter turbam ne conprimerent eum

vul@Mark:3:10 @ multos enim sanabat ita ut inruerent in eum ut illum tangerent quotquot habebant plagas

vul@Mark:3:11 @ et spiritus inmundi cum illum videbant procidebant ei et clamabant dicentes

vul@Mark:3:12 @ tu es Filius Dei et vehementer comminabatur eis ne manifestarent illum

vul@Mark:3:13 @ et ascendens in montem vocavit ad se quos voluit ipse et venerunt ad eum

vul@Mark:3:14 @ et fecit ut essent duodecim cum illo et ut mitteret eos praedicare

vul@Mark:3:15 @ et dedit illis potestatem curandi infirmitates et eiciendi daemonia

vul@Mark:3:16 @ et inposuit Simoni nomen Petrus

vul@Mark:3:17 @ et Iacobum Zebedaei et Iohannem fratrem Iacobi et inposuit eis nomina Boanerges quod est Filii tonitrui

vul@Mark:3:18 @ et Andream et Philippum et Bartholomeum et Mattheum et Thomam et Iacobum Alphei et Thaddeum et Simonem Cananeum

vul@Mark:3:19 @ et Iudam Scarioth qui et tradidit illum

vul@Mark:3:20 @ et veniunt ad domum et convenit iterum turba ita ut non possent neque panem manducare

vul@Mark:3:21 @ et cum audissent sui exierunt tenere eum dicebant enim quoniam in furorem versus est

vul@Mark:3:22 @ et scribae qui ab Hierosolymis descenderant dicebant quoniam Beelzebub habet et quia in principe daemonum eicit daemonia

vul@Mark:3:23 @ et convocatis eis in parabolis dicebat illis quomodo potest Satanas Satanan eicere

vul@Mark:3:24 @ et si regnum in se dividatur non potest stare regnum illud

vul@Mark:3:25 @ et si domus super semet ipsam dispertiatur non poterit domus illa stare

vul@Mark:3:26 @ et si Satanas consurrexit in semet ipsum dispertitus est et non potest stare sed finem habet

vul@Mark:3:27 @ nemo potest vasa fortis ingressus in domum diripere nisi prius fortem alliget et tunc domum eius diripiet

vul@Mark:3:28 @ amen dico vobis quoniam omnia dimittentur filiis hominum peccata et blasphemiae quibus blasphemaverint

vul@Mark:3:29 @ qui autem blasphemaverit in Spiritum Sanctum non habet remissionem in aeternum sed reus erit aeterni delicti

vul@Mark:3:30 @ quoniam dicebant spiritum inmundum habet

vul@Mark:3:31 @ et veniunt mater eius et fratres et foris stantes miserunt ad eum vocantes eum

vul@Mark:3:32 @ et sedebat circa eum turba et dicunt ei ecce mater tua et fratres tui foris quaerunt te

vul@Mark:3:33 @ et respondens eis ait quae est mater mea et fratres mei

vul@Mark:3:34 @ et circumspiciens eos qui in circuitu eius sedebant ait ecce mater mea et fratres mei

vul@Mark:3:35 @ qui enim fecerit voluntatem Dei hic frater meus et soror mea et mater est

vul@Mark:4:1 @ et iterum coepit docere ad mare et congregata est ad eum turba multa ita ut in navem ascendens sederet in mari et omnis turba circa mare super terram erat

vul@Mark:4:2 @ et docebat eos in parabolis multa et dicebat illis in doctrina sua

vul@Mark:4:3 @ audite ecce exiit seminans ad seminandum

vul@Mark:4:4 @ et dum seminat aliud cecidit circa viam et venerunt volucres et comederunt illud

vul@Mark:4:5 @ aliud vero cecidit super petrosa ubi non habuit terram multam et statim exortum est quoniam non habebat altitudinem terrae

vul@Mark:4:6 @ et quando exortus est sol exaestuavit et eo quod non haberet radicem exaruit

vul@Mark:4:7 @ et aliud cecidit in spinas et ascenderunt spinae et offocaverunt illud et fructum non dedit

vul@Mark:4:8 @ et aliud cecidit in terram bonam et dabat fructum ascendentem et crescentem et adferebat unum triginta et unum sexaginta et unum centum

vul@Mark:4:9 @ et dicebat qui habet aures audiendi audiat

vul@Mark:4:10 @ et cum esset singularis interrogaverunt eum hii qui cum eo erant cum duodecim parabolas

vul@Mark:4:11 @ et dicebat eis vobis datum est mysterium regni Dei illis autem qui foris sunt in parabolis omnia fiunt

vul@Mark:4:12 @ ut videntes videant et non videant et audientes audiant et non intellegant nequando convertantur et dimittantur eis peccata

vul@Mark:4:13 @ et ait illis nescitis parabolam hanc et quomodo omnes parabolas cognoscetis

vul@Mark:4:14 @ qui seminat verbum seminat

vul@Mark:4:15 @ hii autem sunt qui circa viam ubi seminatur verbum et cum audierint confestim venit Satanas et aufert verbum quod seminatum est in corda eorum

vul@Mark:4:16 @ et hii sunt similiter qui super petrosa seminantur qui cum audierint verbum statim cum gaudio accipiunt illud

vul@Mark:4:17 @ et non habent radicem in se sed temporales sunt deinde orta tribulatione et persecutione propter verbum confestim scandalizantur

vul@Mark:4:18 @ et alii sunt qui in spinis seminantur hii sunt qui verbum audiunt

vul@Mark:4:19 @ et aerumnae saeculi et deceptio divitiarum et circa reliqua concupiscentiae introeuntes suffocant verbum et sine fructu efficitur

vul@Mark:4:20 @ et hii sunt qui super terram bonam seminati sunt qui audiunt verbum et suscipiunt et fructificant unum triginta et unum sexaginta et unum centum

vul@Mark:4:21 @ et dicebat illis numquid venit lucerna ut sub modio ponatur aut sub lecto nonne ut super candelabrum ponatur

vul@Mark:4:22 @ non enim est aliquid absconditum quod non manifestetur nec factum est occultum sed ut in palam veniat

vul@Mark:4:23 @ si quis habet aures audiendi audiat

vul@Mark:4:24 @ et dicebat illis videte quid audiatis in qua mensura mensi fueritis remetietur vobis et adicietur vobis

vul@Mark:4:25 @ qui enim habet dabitur illi et qui non habet etiam quod habet auferetur ab illo

vul@Mark:4:26 @ et dicebat sic est regnum Dei quemadmodum si homo iaciat sementem in terram

vul@Mark:4:27 @ et dormiat et exsurgat nocte ac die et semen germinet et increscat dum nescit ille

vul@Mark:4:28 @ ultro enim terra fructificat primum herbam deinde spicam deinde plenum frumentum in spica

vul@Mark:4:29 @ et cum se produxerit fructus statim mittit falcem quoniam adest messis

vul@Mark:4:30 @ et dicebat cui adsimilabimus regnum Dei aut cui parabolae conparabimus illud

vul@Mark:4:31 @ sicut granum sinapis quod cum seminatum fuerit in terra minus est omnibus seminibus quae sunt in terra

vul@Mark:4:32 @ et cum seminatum fuerit ascendit et fit maius omnibus holeribus et facit ramos magnos ita ut possint sub umbra eius aves caeli habitare

vul@Mark:4:33 @ et talibus multis parabolis loquebatur eis verbum prout poterant audire

vul@Mark:4:34 @ sine parabola autem non loquebatur eis seorsum autem discipulis suis disserebat omnia

vul@Mark:4:35 @ et ait illis illa die cum sero esset factum transeamus contra

vul@Mark:4:36 @ et dimittentes turbam adsumunt eum ita ut erat in navi et aliae naves erant cum illo

vul@Mark:4:37 @ et facta est procella magna venti et fluctus mittebat in navem ita ut impleretur navis

vul@Mark:4:38 @ et erat ipse in puppi supra cervical dormiens et excitant eum et dicunt ei magister non ad te pertinet quia perimus

vul@Mark:4:39 @ et exsurgens comminatus est vento et dixit mari tace obmutesce et cessavit ventus et facta est tranquillitas magna

vul@Mark:4:40 @ et ait illis quid timidi estis necdum habetis fidem et timuerunt magno timore et dicebant ad alterutrum quis putas est iste quia et ventus et mare oboediunt ei

vul@Mark:5:1 @ et venerunt trans fretum maris in regionem Gerasenorum

vul@Mark:5:2 @ et exeunti ei de navi statim occurrit ei de monumentis homo in spiritu inmundo

vul@Mark:5:3 @ qui domicilium habebat in monumentis et neque catenis iam quisquam eum poterat ligare

vul@Mark:5:4 @ quoniam saepe conpedibus et catenis vinctus disrupisset catenas et conpedes comminuisset et nemo poterat eum domare

vul@Mark:5:5 @ et semper nocte ac die in monumentis et in montibus erat clamans et concidens se lapidibus

vul@Mark:5:6 @ videns autem Iesum a longe cucurrit et adoravit eum

vul@Mark:5:7 @ et clamans voce magna dicit quid mihi et tibi Iesu Fili Dei summi adiuro te per Deum ne me torqueas

vul@Mark:5:8 @ dicebat enim illi exi spiritus inmunde ab homine

vul@Mark:5:9 @ et interrogabat eum quod tibi nomen est et dicit ei Legio nomen mihi est quia multi sumus

vul@Mark:5:10 @ et deprecabatur eum multum ne se expelleret extra regionem

vul@Mark:5:11 @ erat autem ibi circa montem grex porcorum magnus pascens

vul@Mark:5:12 @ et deprecabantur eum spiritus dicentes mitte nos in porcos ut in eos introeamus

vul@Mark:5:13 @ et concessit eis statim Iesus et exeuntes spiritus inmundi introierunt in porcos et magno impetu grex praecipitatus est in mare ad duo milia et suffocati sunt in mare

vul@Mark:5:14 @ qui autem pascebant eos fugerunt et nuntiaverunt in civitatem et in agros et egressi sunt videre quid esset facti

vul@Mark:5:15 @ et veniunt ad Iesum et vident illum qui a daemonio vexabatur sedentem vestitum et sanae mentis et timuerunt

vul@Mark:5:16 @ et narraverunt illis qui viderant qualiter factum esset ei qui daemonium habuerat et de porcis

vul@Mark:5:17 @ et rogare eum coeperunt ut discederet de finibus eorum

vul@Mark:5:18 @ cumque ascenderet navem coepit illum deprecari qui daemonio vexatus fuerat ut esset cum illo

vul@Mark:5:19 @ et non admisit eum sed ait illi vade in domum tuam ad tuos et adnuntia illis quanta tibi Dominus fecerit et misertus sit tui

vul@Mark:5:20 @ et abiit et coepit praedicare in Decapoli quanta sibi fecisset Iesus et omnes mirabantur

vul@Mark:5:21 @ et cum transcendisset Iesus in navi rursus trans fretum convenit turba multa ad illum et erat circa mare

vul@Mark:5:22 @ et venit quidam de archisynagogis nomine Iairus et videns eum procidit ad pedes eius

vul@Mark:5:23 @ et deprecabatur eum multum dicens quoniam filia mea in extremis est veni inpone manus super eam ut salva sit et vivat

vul@Mark:5:24 @ et abiit cum illo et sequebatur eum turba multa et conprimebant illum

vul@Mark:5:25 @ et mulier quae erat in profluvio sanguinis annis duodecim

vul@Mark:5:26 @ et fuerat multa perpessa a conpluribus medicis et erogaverat omnia sua nec quicquam profecerat sed magis deterius habebat

vul@Mark:5:27 @ cum audisset de Iesu venit in turba retro et tetigit vestimentum eius

vul@Mark:5:28 @ dicebat enim quia si vel vestimentum eius tetigero salva ero

vul@Mark:5:29 @ et confestim siccatus est fons sanguinis eius et sensit corpore quod sanata esset a plaga

vul@Mark:5:30 @ et statim Iesus cognoscens in semet ipso virtutem quae exierat de eo conversus ad turbam aiebat quis tetigit vestimenta mea

vul@Mark:5:31 @ et dicebant ei discipuli sui vides turbam conprimentem te et dicis quis me tetigit

vul@Mark:5:32 @ et circumspiciebat videre eam quae hoc fecerat

vul@Mark:5:33 @ mulier autem timens et tremens sciens quod factum esset in se venit et procidit ante eum et dixit ei omnem veritatem

vul@Mark:5:34 @ ille autem dixit ei filia fides tua te salvam fecit vade in pace et esto sana a plaga tua

vul@Mark:5:35 @ adhuc eo loquente veniunt ab archisynagogo dicentes quia filia tua mortua est quid ultra vexas magistrum

vul@Mark:5:36 @ Iesus autem verbo quod dicebatur audito ait archisynagogo noli timere tantummodo crede

vul@Mark:5:37 @ et non admisit quemquam sequi se nisi Petrum et Iacobum et Iohannem fratrem Iacobi

vul@Mark:5:38 @ et veniunt in domum archisynagogi et videt tumultum et flentes et heiulantes multum

vul@Mark:5:39 @ et ingressus ait eis quid turbamini et ploratis puella non est mortua sed dormit

vul@Mark:5:40 @ et inridebant eum ipse vero eiectis omnibus adsumit patrem et matrem puellae et qui secum erant et ingreditur ubi erat puella iacens

vul@Mark:5:41 @ et tenens manum puellae ait illi talitha cumi quod est interpretatum puella tibi dico surge

vul@Mark:5:42 @ et confestim surrexit puella et ambulabat erat autem annorum duodecim et obstipuerunt stupore maximo

vul@Mark:5:43 @ et praecepit illis vehementer ut nemo id sciret et dixit dari illi manducare

vul@Mark:6:1 @ et egressus inde abiit in patriam suam et sequebantur illum discipuli sui

vul@Mark:6:2 @ et facto sabbato coepit in synagoga docere et multi audientes admirabantur in doctrina eius dicentes unde huic haec omnia et quae est sapientia quae data est illi et virtutes tales quae per manus eius efficiuntur

vul@Mark:6:3 @ nonne iste est faber filius Mariae frater Iacobi et Ioseph et Iudae et Simonis nonne et sorores eius hic nobiscum sunt et scandalizabantur in illo

vul@Mark:6:4 @ et dicebat eis Iesus quia non est propheta sine honore nisi in patria sua et in cognatione sua et in domo sua

vul@Mark:6:5 @ et non poterat ibi virtutem ullam facere nisi paucos infirmos inpositis manibus curavit

vul@Mark:6:6 @ et mirabatur propter incredulitatem eorum

vul@Mark:6:7 @ et circumibat castella in circuitu docens et convocavit duodecim et coepit eos mittere binos et dabat illis potestatem spirituum inmundorum

vul@Mark:6:8 @ et praecepit eis ne quid tollerent in via nisi virgam tantum non peram non panem neque in zona aes

vul@Mark:6:9 @ sed calciatos sandaliis et ne induerentur duabus tunicis

vul@Mark:6:10 @ et dicebat eis quocumque introieritis in domum illic manete donec exeatis inde

vul@Mark:6:11 @ et quicumque non receperint vos nec audierint vos exeuntes inde excutite pulverem de pedibus vestris in testimonium illis

vul@Mark:6:12 @ et exeuntes praedicabant ut paenitentiam agerent

vul@Mark:6:13 @ et daemonia multa eiciebant et unguebant oleo multos aegrotos et sanabant

vul@Mark:6:14 @ et audivit Herodes rex manifestum enim factum est nomen eius et dicebat quia Iohannes Baptista resurrexit a mortuis et propterea inoperantur virtutes in illo

vul@Mark:6:15 @ alii autem dicebant quia Helias est alii vero dicebant propheta est quasi unus ex prophetis

vul@Mark:6:16 @ quo audito Herodes ait quem ego decollavi Iohannem hic a mortuis resurrexit

vul@Mark:6:17 @ ipse enim Herodes misit ac tenuit Iohannem et vinxit eum in carcere propter Herodiadem uxorem Philippi fratris sui quia duxerat eam

vul@Mark:6:18 @ dicebat enim Iohannes Herodi non licet tibi habere uxorem fratris tui

vul@Mark:6:19 @ Herodias autem insidiabatur illi et volebat occidere eum nec poterat

vul@Mark:6:20 @ Herodes enim metuebat Iohannem sciens eum virum iustum et sanctum et custodiebat eum et audito eo multa faciebat et libenter eum audiebat

vul@Mark:6:21 @ et cum dies oportunus accidisset Herodes natalis sui cenam fecit principibus et tribunis et primis Galilaeae

vul@Mark:6:22 @ cumque introisset filia ipsius Herodiadis et saltasset et placuisset Herodi simulque recumbentibus rex ait puellae pete a me quod vis et dabo tibi

vul@Mark:6:23 @ et iuravit illi quia quicquid petieris dabo tibi licet dimidium regni mei

vul@Mark:6:24 @ quae cum exisset dixit matri suae quid petam et illa dixit caput Iohannis Baptistae

vul@Mark:6:25 @ cumque introisset statim cum festinatione ad regem petivit dicens volo ut protinus des mihi in disco caput Iohannis Baptistae

vul@Mark:6:26 @ et contristatus rex propter iusiurandum et propter simul recumbentes noluit eam contristare

vul@Mark:6:27 @ sed misso speculatore praecepit adferri caput eius in disco et decollavit eum in carcere

vul@Mark:6:28 @ et adtulit caput eius in disco et dedit illud puellae et puella dedit matri suae

vul@Mark:6:29 @ quo audito discipuli eius venerunt et tulerunt corpus eius et posuerunt illud in monumento

vul@Mark:6:30 @ et convenientes apostoli ad Iesum renuntiaverunt illi omnia quae egerant et docuerant

vul@Mark:6:31 @ et ait illis venite seorsum in desertum locum et requiescite pusillum erant enim qui veniebant et rediebant multi et nec manducandi spatium habebant

vul@Mark:6:32 @ et ascendentes in navi abierunt in desertum locum seorsum

vul@Mark:6:33 @ et viderunt eos abeuntes et cognoverunt multi et pedestre et de omnibus civitatibus concurrerunt illuc et praevenerunt eos

vul@Mark:6:34 @ et exiens vidit multam turbam Iesus et misertus est super eos quia erant sicut oves non habentes pastorem et coepit docere illos multa

vul@Mark:6:35 @ et cum iam hora multa fieret accesserunt discipuli eius dicentes desertus est locus hic et iam hora praeterivit

vul@Mark:6:36 @ dimitte illos ut euntes in proximas villas et vicos emant sibi cibos quos manducent

vul@Mark:6:37 @ et respondens ait illis date illis manducare et dixerunt ei euntes emamus denariis ducentis panes et dabimus eis manducare

vul@Mark:6:38 @ et dicit eis quot panes habetis ite et videte et cum cognovissent dicunt quinque et duos pisces

vul@Mark:6:39 @ et praecepit illis ut accumbere facerent omnes secundum contubernia super viride faenum

vul@Mark:6:40 @ et discubuerunt in partes per centenos et per quinquagenos

vul@Mark:6:41 @ et acceptis quinque panibus et duobus piscibus intuens in caelum benedixit et fregit panes et dedit discipulis suis ut ponerent ante eos et duos pisces divisit omnibus

vul@Mark:6:42 @ et manducaverunt omnes et saturati sunt

vul@Mark:6:43 @ et sustulerunt reliquias fragmentorum duodecim cofinos plenos et de piscibus

vul@Mark:6:44 @ erant autem qui manducaverunt quinque milia virorum

vul@Mark:6:45 @ et statim coegit discipulos suos ascendere navem ut praecederent eum trans fretum ad Bethsaidam dum ipse dimitteret populum

vul@Mark:6:46 @ et cum dimisisset eos abiit in montem orare

vul@Mark:6:47 @ et cum sero esset erat navis in medio mari et ipse solus in terra

vul@Mark:6:48 @ et videns eos laborantes in remigando erat enim ventus contrarius eis et circa quartam vigiliam noctis venit ad eos ambulans super mare et volebat praeterire eos

vul@Mark:6:49 @ at illi ut viderunt eum ambulantem super mare putaverunt fantasma esse et exclamaverunt

vul@Mark:6:50 @ omnes enim eum viderunt et conturbati sunt et statim locutus est cum eis et dixit illis confidite ego sum nolite timere

vul@Mark:6:51 @ et ascendit ad illos in navem et cessavit ventus et plus magis intra se stupebant

vul@Mark:6:52 @ non enim intellexerant de panibus erat enim cor illorum obcaecatum

vul@Mark:6:53 @ et cum transfretassent pervenerunt in terram Gennesareth et adplicuerunt

vul@Mark:6:54 @ cumque egressi essent de navi continuo cognoverunt eum

vul@Mark:6:55 @ et percurrentes universam regionem illam coeperunt in grabattis eos qui se male habebant circumferre ubi audiebant eum esse

vul@Mark:6:56 @ et quocumque introibat in vicos vel in villas aut civitates in plateis ponebant infirmos et deprecabantur eum ut vel fimbriam vestimenti eius tangerent et quotquot tangebant eum salvi fiebant

vul@Mark:7:1 @ et conveniunt ad eum Pharisaei et quidam de scribis venientes ab Hierosolymis

vul@Mark:7:2 @ et cum vidissent quosdam ex discipulis eius communibus manibus id est non lotis manducare panes vituperaverunt

vul@Mark:7:3 @ Pharisaei enim et omnes Iudaei nisi crebro lavent manus non manducant tenentes traditionem seniorum

vul@Mark:7:4 @ et a foro nisi baptizentur non comedunt et alia multa sunt quae tradita sunt illis servare baptismata calicum et urceorum et aeramentorum et lectorum

vul@Mark:7:5 @ et interrogant eum Pharisaei et scribae quare discipuli tui non ambulant iuxta traditionem seniorum sed communibus manibus manducant panem

vul@Mark:7:6 @ at ille respondens dixit eis bene prophetavit Esaias de vobis hypocritis sicut scriptum est populus hic labiis me honorat cor autem eorum longe est a me

vul@Mark:7:7 @ in vanum autem me colunt docentes doctrinas praecepta hominum

vul@Mark:7:8 @ relinquentes enim mandatum Dei tenetis traditionem hominum baptismata urceorum et calicum et alia similia his facitis multa

vul@Mark:7:9 @ et dicebat illis bene irritum facitis praeceptum Dei ut traditionem vestram servetis

vul@Mark:7:10 @ Moses enim dixit honora patrem tuum et matrem tuam et qui maledixerit patri aut matri morte moriatur

vul@Mark:7:11 @ vos autem dicitis si dixerit homo patri aut matri corban quod est donum quodcumque ex me tibi profuerit

vul@Mark:7:12 @ et ultra non dimittitis eum quicquam facere patri suo aut matri

vul@Mark:7:13 @ rescindentes verbum Dei per traditionem vestram quam tradidistis et similia huiusmodi multa facitis

vul@Mark:7:14 @ et advocans iterum turbam dicebat illis audite me omnes et intellegite

vul@Mark:7:15 @ nihil est extra hominem introiens in eum quod possit eum coinquinare sed quae de homine procedunt illa sunt quae communicant hominem

vul@Mark:7:16 @ si quis habet aures audiendi audiat

vul@Mark:7:17 @ et cum introisset in domum a turba interrogabant eum discipuli eius parabolam

vul@Mark:7:18 @ et ait illis sic et vos inprudentes estis non intellegitis quia omne extrinsecus introiens in hominem non potest eum communicare

vul@Mark:7:19 @ quia non introit in cor eius sed in ventrem et in secessum exit purgans omnes escas

vul@Mark:7:20 @ dicebat autem quoniam quae de homine exeunt illa communicant hominem

vul@Mark:7:21 @ ab intus enim de corde hominum cogitationes malae procedunt adulteria fornicationes homicidia

vul@Mark:7:22 @ furta avaritiae nequitiae dolus inpudicitia oculus malus blasphemia superbia stultitia

vul@Mark:7:23 @ omnia haec mala ab intus procedunt et communicant hominem

vul@Mark:7:24 @ et inde surgens abiit in fines Tyri et Sidonis et ingressus domum neminem voluit scire et non potuit latere

vul@Mark:7:25 @ mulier enim statim ut audivit de eo cuius habebat filia spiritum inmundum intravit et procidit ad pedes eius

vul@Mark:7:26 @ erat autem mulier gentilis Syrophoenissa genere et rogabat eum ut daemonium eiceret de filia eius

vul@Mark:7:27 @ qui dixit illi sine prius saturari filios non est enim bonum sumere panem filiorum et mittere canibus

vul@Mark:7:28 @ at illa respondit et dicit ei utique Domine nam et catelli sub mensa comedunt de micis puerorum

vul@Mark:7:29 @ et ait illi propter hunc sermonem vade exiit daemonium de filia tua

vul@Mark:7:30 @ et cum abisset domum suam invenit puellam iacentem supra lectum et daemonium exisse

vul@Mark:7:31 @ et iterum exiens de finibus Tyri venit per Sidonem ad mare Galilaeae inter medios fines Decapoleos

vul@Mark:7:32 @ et adducunt ei surdum et mutum et deprecantur eum ut inponat illi manum

vul@Mark:7:33 @ et adprehendens eum de turba seorsum misit digitos suos in auriculas et expuens tetigit linguam eius

vul@Mark:7:34 @ et suspiciens in caelum ingemuit et ait illi eppheta quod est adaperire

vul@Mark:7:35 @ et statim apertae sunt aures eius et solutum est vinculum linguae eius et loquebatur recte

vul@Mark:7:36 @ et praecepit illis ne cui dicerent quanto autem eis praecipiebat tanto magis plus praedicabant

vul@Mark:7:37 @ et eo amplius admirabantur dicentes bene omnia fecit et surdos facit audire et mutos loqui

vul@Mark:8:1 @ in illis diebus iterum cum turba multa esset nec haberent quod manducarent convocatis discipulis ait illis

vul@Mark:8:2 @ misereor super turba quia ecce iam triduo sustinent me nec habent quod manducent

vul@Mark:8:3 @ et si dimisero eos ieiunos in domum suam deficient in via quidam enim ex eis de longe venerunt

vul@Mark:8:4 @ et responderunt ei discipuli sui unde istos poterit quis hic saturare panibus in solitudine

vul@Mark:8:5 @ et interrogavit eos quot panes habetis qui dixerunt septem

vul@Mark:8:6 @ et praecepit turbae discumbere supra terram et accipiens septem panes gratias agens fregit et dabat discipulis suis ut adponerent et adposuerunt turbae

vul@Mark:8:7 @ et habebant pisciculos paucos et ipsos benedixit et iussit adponi

vul@Mark:8:8 @ et manducaverunt et saturati sunt et sustulerunt quod superaverat de fragmentis septem sportas

vul@Mark:8:9 @ erant autem qui manducaverunt quasi quattuor milia et dimisit eos

vul@Mark:8:10 @ et statim ascendens navem cum discipulis suis venit in partes Dalmanutha

vul@Mark:8:11 @ et exierunt Pharisaei et coeperunt conquirere cum eo quaerentes ab illo signum de caelo temptantes eum

vul@Mark:8:12 @ et ingemescens spiritu ait quid generatio ista quaerit signum amen dico vobis si dabitur generationi isti signum

vul@Mark:8:13 @ et dimittens eos ascendens iterum abiit trans fretum

vul@Mark:8:14 @ et obliti sunt sumere panes et nisi unum panem non habebant secum in navi

vul@Mark:8:15 @ et praecipiebat eis dicens videte cavete a fermento Pharisaeorum et fermento Herodis

vul@Mark:8:16 @ et cogitabant ad alterutrum dicentes quia panes non habemus

vul@Mark:8:17 @ quo cognito Iesus ait illis quid cogitatis quia panes non habetis nondum cognoscitis nec intellegitis adhuc caecatum habetis cor vestrum

vul@Mark:8:18 @ oculos habentes non videtis et aures habentes non auditis nec recordamini

vul@Mark:8:19 @ quando quinque panes fregi in quinque milia et quot cofinos fragmentorum plenos sustulistis dicunt ei duodecim

vul@Mark:8:20 @ quando et septem panes in quattuor milia quot sportas fragmentorum tulistis et dicunt ei septem

vul@Mark:8:21 @ et dicebat eis quomodo nondum intellegitis

vul@Mark:8:22 @ et veniunt Bethsaida et adducunt ei caecum et rogabant eum ut illum tangeret

vul@Mark:8:23 @ et adprehendens manum caeci eduxit eum extra vicum et expuens in oculos eius inpositis manibus suis interrogavit eum si aliquid videret

vul@Mark:8:24 @ et aspiciens ait video homines velut arbores ambulantes

vul@Mark:8:25 @ deinde iterum inposuit manus super oculos eius et coepit videre et restitutus est ita ut videret clare omnia

vul@Mark:8:26 @ et misit illum in domum suam dicens vade in domum tuam et si in vicum introieris nemini dixeris

vul@Mark:8:27 @ et egressus est Iesus et discipuli eius in castella Caesareae Philippi et in via interrogabat discipulos suos dicens eis quem me dicunt esse homines

vul@Mark:8:28 @ qui responderunt illi dicentes Iohannem Baptistam alii Heliam alii vero quasi unum de prophetis

vul@Mark:8:29 @ tunc dicit illis vos vero quem me dicitis esse respondens Petrus ait ei tu es Christus

vul@Mark:8:30 @ et comminatus est eis ne cui dicerent de illo

vul@Mark:8:31 @ et coepit docere illos quoniam oportet Filium hominis multa pati et reprobari a senioribus et a summis sacerdotibus et scribis et occidi et post tres dies resurgere

vul@Mark:8:32 @ et palam verbum loquebatur et adprehendens eum Petrus coepit increpare eum

vul@Mark:8:33 @ qui conversus et videns discipulos suos comminatus est Petro dicens vade retro me Satana quoniam non sapis quae Dei sunt sed quae sunt hominum

vul@Mark:8:34 @ et convocata turba cum discipulis suis dixit eis si quis vult post me sequi deneget se ipsum et tollat crucem suam et sequatur me

vul@Mark:8:35 @ qui enim voluerit animam suam salvam facere perdet eam qui autem perdiderit animam suam propter me et evangelium salvam eam faciet

vul@Mark:8:36 @ quid enim proderit homini si lucretur mundum totum et detrimentum faciat animae suae

vul@Mark:8:37 @ aut quid dabit homo commutationem pro anima sua

vul@Mark:8:38 @ qui enim me confusus fuerit et mea verba in generatione ista adultera et peccatrice et Filius hominis confundetur eum cum venerit in gloria Patris sui cum angelis sanctis

vul@Mark:8:39 @ et dicebat illis amen dico vobis quia sunt quidam de hic stantibus qui non gustabunt mortem donec videant regnum Dei veniens in virtute

vul@Mark:9:1 @ et post dies sex adsumit Iesus Petrum et Iacobum et Iohannem et ducit illos in montem excelsum seorsum solos et transfiguratus est coram ipsis

vul@Mark:9:2 @ et vestimenta eius facta sunt splendentia candida nimis velut nix qualia fullo super terram non potest candida facere

vul@Mark:9:3 @ et apparuit illis Helias cum Mose et erant loquentes cum Iesu

vul@Mark:9:4 @ et respondens Petrus ait Iesu rabbi bonum est hic nos esse et faciamus tria tabernacula tibi unum et Mosi unum et Heliae unum

vul@Mark:9:5 @ non enim sciebat quid diceret erant enim timore exterriti

vul@Mark:9:6 @ et facta est nubes obumbrans eos et venit vox de nube dicens hic est Filius meus carissimus audite illum

vul@Mark:9:7 @ et statim circumspicientes neminem amplius viderunt nisi Iesum tantum secum

vul@Mark:9:8 @ et descendentibus illis de monte praecepit illis ne cui quae vidissent narrarent nisi cum Filius hominis a mortuis resurrexerit

vul@Mark:9:9 @ et verbum continuerunt apud se conquirentes quid esset cum a mortuis resurrexerit

vul@Mark:9:10 @ et interrogabant eum dicentes quid ergo dicunt Pharisaei et scribae quia Heliam oporteat venire primum

vul@Mark:9:11 @ qui respondens ait illis Helias cum venerit primo restituet omnia et quomodo scriptum est in Filium hominis ut multa patiatur et contemnatur

vul@Mark:9:12 @ sed dico vobis quia et Helias venit et fecerunt illi quaecumque voluerunt sicut scriptum est de eo

vul@Mark:9:13 @ et veniens ad discipulos suos vidit turbam magnam circa eos et scribas conquirentes cum illis

vul@Mark:9:14 @ et confestim omnis populus videns eum stupefactus est et adcurrentes salutabant eum

vul@Mark:9:15 @ et interrogavit eos quid inter vos conquiritis

vul@Mark:9:16 @ et respondens unus de turba dixit magister adtuli filium meum ad te habentem spiritum mutum

vul@Mark:9:17 @ qui ubicumque eum adprehenderit adlidit eum et spumat et stridet dentibus et arescit et dixi discipulis tuis ut eicerent illum et non potuerunt

vul@Mark:9:18 @ qui respondens eis dicit o generatio incredula quamdiu apud vos ero quamdiu vos patiar adferte illum ad me

vul@Mark:9:19 @ et adtulerunt eum et cum vidisset illum statim spiritus conturbavit eum et elisus in terram volutabatur spumans

vul@Mark:9:20 @ et interrogavit patrem eius quantum temporis est ex quo hoc ei accidit at ille ait ab infantia

vul@Mark:9:21 @ et frequenter eum et in ignem et in aquas misit ut eum perderet sed si quid potes adiuva nos misertus nostri

vul@Mark:9:22 @ Iesus autem ait illi si potes credere omnia possibilia credenti

vul@Mark:9:23 @ et continuo exclamans pater pueri cum lacrimis aiebat credo adiuva incredulitatem meam

vul@Mark:9:24 @ et cum videret Iesus concurrentem turbam comminatus est spiritui inmundo dicens illi surde et mute spiritus ego tibi praecipio exi ab eo et amplius ne introeas in eum

vul@Mark:9:25 @ et clamans et multum discerpens eum exiit ab eo et factus est sicut mortuus ita ut multi dicerent quia mortuus est

vul@Mark:9:26 @ Iesus autem tenens manum eius elevavit illum et surrexit

vul@Mark:9:27 @ et cum introisset in domum discipuli eius secreto interrogabant eum quare nos non potuimus eicere eum

vul@Mark:9:28 @ et dixit illis hoc genus in nullo potest exire nisi in oratione et ieiunio

vul@Mark:9:29 @ et inde profecti praetergrediebantur Galilaeam nec volebat quemquam scire

vul@Mark:9:30 @ docebat autem discipulos suos et dicebat illis quoniam Filius hominis tradetur in manus hominum et occident eum et occisus tertia die resurget

vul@Mark:9:31 @ at illi ignorabant verbum et timebant eum interrogare

vul@Mark:9:32 @ et venerunt Capharnaum qui cum domi esset interrogabat eos quid in via tractabatis

vul@Mark:9:33 @ at illi tacebant siquidem inter se in via disputaverant quis esset illorum maior

vul@Mark:9:34 @ et residens vocavit duodecim et ait illis si quis vult primus esse erit omnium novissimus et omnium minister

vul@Mark:9:35 @ et accipiens puerum statuit eum in medio eorum quem cum conplexus esset ait illis

vul@Mark:9:36 @ quisquis unum ex huiusmodi pueris receperit in nomine meo me recipit et quicumque me susceperit non me suscipit sed eum qui me misit

vul@Mark:9:37 @ respondit illi Iohannes dicens magister vidimus quendam in nomine tuo eicientem daemonia qui non sequitur nos et prohibuimus eum

vul@Mark:9:38 @ Iesus autem ait nolite prohibere eum nemo est enim qui faciat virtutem in nomine meo et possit cito male loqui de me

vul@Mark:9:39 @ qui enim non est adversum vos pro vobis est

vul@Mark:9:40 @ quisquis enim potum dederit vobis calicem aquae in nomine meo quia Christi estis amen dico vobis non perdet mercedem suam

vul@Mark:9:41 @ et quisquis scandalizaverit unum ex his pusillis credentibus in me bonum est ei magis si circumdaretur mola asinaria collo eius et in mare mitteretur

vul@Mark:9:42 @ et si scandalizaverit te manus tua abscide illam bonum est tibi debilem introire in vitam quam duas manus habentem ire in gehennam in ignem inextinguibilem

vul@Mark:9:43 @ ubi vermis eorum non moritur et ignis non extinguitur

vul@Mark:9:44 @ et si pes tuus te scandalizat amputa illum bonum est tibi claudum introire in vitam aeternam quam duos pedes habentem mitti in gehennam ignis inextinguibilis

vul@Mark:9:45 @ ubi vermis eorum non moritur et ignis non extinguitur

vul@Mark:9:46 @ quod si oculus tuus scandalizat te eice eum bonum est tibi luscum introire in regnum Dei quam duos oculos habentem mitti in gehennam ignis

vul@Mark:9:47 @ ubi vermis eorum non moritur et ignis non extinguitur

vul@Mark:9:48 @ omnis enim igne sallietur et omnis victima sallietur

vul@Mark:9:49 @ bonum est sal quod si sal insulsum fuerit in quo illud condietis habete in vobis sal et pacem habete inter vos

vul@Mark:10:1 @ et inde exsurgens venit in fines Iudaeae ultra Iordanen et conveniunt iterum turbae ad eum et sicut consueverat iterum docebat illos

vul@Mark:10:2 @ et accedentes Pharisaei interrogabant eum si licet viro uxorem dimittere temptantes eum

vul@Mark:10:3 @ at ille respondens dixit eis quid vobis praecepit Moses

vul@Mark:10:4 @ qui dixerunt Moses permisit libellum repudii scribere et dimittere

vul@Mark:10:5 @ quibus respondens Iesus ait ad duritiam cordis vestri scripsit vobis praeceptum istud

vul@Mark:10:6 @ ab initio autem creaturae masculum et feminam fecit eos Deus

vul@Mark:10:7 @ propter hoc relinquet homo patrem suum et matrem et adherebit ad uxorem suam

vul@Mark:10:8 @ et erunt duo in carne una itaque iam non sunt duo sed una caro

vul@Mark:10:9 @ quod ergo Deus iunxit homo non separet

vul@Mark:10:10 @ et in domo iterum discipuli eius de eodem interrogaverunt eum

vul@Mark:10:11 @ et dicit illis quicumque dimiserit uxorem suam et aliam duxerit adulterium committit super eam

vul@Mark:10:12 @ et si uxor dimiserit virum suum et alii nupserit moechatur

vul@Mark:10:13 @ et offerebant illi parvulos ut tangeret illos discipuli autem comminabantur offerentibus

vul@Mark:10:14 @ quos cum videret Iesus indigne tulit et ait illis sinite parvulos venire ad me et ne prohibueritis eos talium est enim regnum Dei

vul@Mark:10:15 @ amen dico vobis quisque non receperit regnum Dei velut parvulus non intrabit in illud

vul@Mark:10:16 @ et conplexans eos et inponens manus super illos benedicebat eos

vul@Mark:10:17 @ et cum egressus esset in viam procurrens quidam genu flexo ante eum rogabat eum magister bone quid faciam ut vitam aeternam percipiam

vul@Mark:10:18 @ Iesus autem dixit ei quid me dicis bonum nemo bonus nisi unus Deus

vul@Mark:10:19 @ praecepta nosti ne adulteres ne occidas ne fureris ne falsum testimonium dixeris ne fraudem feceris honora patrem tuum et matrem

vul@Mark:10:20 @ et ille respondens ait illi magister omnia haec conservavi a iuventute mea

vul@Mark:10:21 @ Iesus autem intuitus eum dilexit eum et dixit illi unum tibi deest vade quaecumque habes vende et da pauperibus et habebis thesaurum in caelo et veni sequere me

vul@Mark:10:22 @ qui contristatus in verbo abiit maerens erat enim habens possessiones multas

vul@Mark:10:23 @ et circumspiciens Iesus ait discipulis suis quam difficile qui pecunias habent in regnum Dei introibunt

vul@Mark:10:24 @ discipuli autem obstupescebant in verbis eius at Iesus rursus respondens ait illis filioli quam difficile est confidentes in pecuniis regnum Dei introire

vul@Mark:10:25 @ facilius est camelum per foramen acus transire quam divitem intrare in regnum Dei

vul@Mark:10:26 @ qui magis admirabantur dicentes ad semet ipsos et quis potest salvus fieri

vul@Mark:10:27 @ et intuens illos Iesus ait apud homines inpossibile est sed non apud Deum omnia enim possibilia sunt apud Deum

vul@Mark:10:28 @ coepit Petrus ei dicere ecce nos dimisimus omnia et secuti sumus te

vul@Mark:10:29 @ respondens Iesus ait amen dico vobis nemo est qui reliquerit domum aut fratres aut sorores aut matrem aut patrem aut filios aut agros propter me et propter evangelium

vul@Mark:10:30 @ qui non accipiat centies tantum nunc in tempore hoc domos et fratres et sorores et matres et filios et agros cum persecutionibus et in saeculo futuro vitam aeternam

vul@Mark:10:31 @ multi autem erunt primi novissimi et novissimi primi

vul@Mark:10:32 @ erant autem in via ascendentes in Hierosolyma et praecedebat illos Iesus et stupebant et sequentes timebant et adsumens iterum duodecim coepit illis dicere quae essent ei ventura

vul@Mark:10:33 @ quia ecce ascendimus in Hierosolyma et Filius hominis tradetur principibus sacerdotum et scribis et senioribus et damnabunt eum morti et tradent eum gentibus

vul@Mark:10:34 @ et inludent ei et conspuent eum et flagellabunt eum et interficient eum et tertia die resurget

vul@Mark:10:35 @ et accedunt ad illum Iacobus et Iohannes filii Zebedaei dicentes magister volumus ut quodcumque petierimus facias nobis

vul@Mark:10:36 @ at ille dixit eis quid vultis ut faciam vobis

vul@Mark:10:37 @ et dixerunt da nobis ut unus ad dexteram tuam et alius ad sinistram tuam sedeamus in gloria tua

vul@Mark:10:38 @ Iesus autem ait eis nescitis quid petatis potestis bibere calicem quem ego bibo aut baptismum quo ego baptizor baptizari

vul@Mark:10:39 @ at illi dixerunt ei possumus Iesus autem ait eis calicem quidem quem ego bibo bibetis et baptismum quo ego baptizor baptizabimini

vul@Mark:10:40 @ sedere autem ad dexteram meam vel ad sinistram non est meum dare sed quibus paratum est

vul@Mark:10:41 @ et audientes decem coeperunt indignari de Iacobo et Iohanne

vul@Mark:10:42 @ Iesus autem vocans eos ait illis scitis quia hii qui videntur principari gentibus dominantur eis et principes eorum potestatem habent ipsorum

vul@Mark:10:43 @ non ita est autem in vobis sed quicumque voluerit fieri maior erit vester minister

vul@Mark:10:44 @ et quicumque voluerit in vobis primus esse erit omnium servus

vul@Mark:10:45 @ nam et Filius hominis non venit ut ministraretur ei sed ut ministraret et daret animam suam redemptionem pro multis

vul@Mark:10:46 @ et veniunt Hierichum et proficiscente eo de Hiericho et discipulis eius et plurima multitudine filius Timei Bartimeus caecus sedebat iuxta viam mendicans

vul@Mark:10:47 @ qui cum audisset quia Iesus Nazarenus est coepit clamare et dicere Fili David Iesu miserere mei

vul@Mark:10:48 @ et comminabantur illi multi ut taceret at ille multo magis clamabat Fili David miserere mei

vul@Mark:10:49 @ et stans Iesus praecepit illum vocari et vocant caecum dicentes ei animaequior esto surge vocat te

vul@Mark:10:50 @ qui proiecto vestimento suo exiliens venit ad eum

vul@Mark:10:51 @ et respondens illi Iesus dixit quid vis tibi faciam caecus autem dixit ei rabboni ut videam

vul@Mark:10:52 @ Iesus autem ait illi vade fides tua te salvum fecit et confestim vidit et sequebatur eum in via

vul@Mark:11:1 @ et cum adpropinquarent Hierosolymae et Bethaniae ad montem Olivarum mittit duos ex discipulis suis

vul@Mark:11:2 @ et ait illis ite in castellum quod est contra vos et statim introeuntes illuc invenietis pullum ligatum super quem nemo adhuc hominum sedit solvite illum et adducite

vul@Mark:11:3 @ et si quis vobis dixerit quid facitis dicite quia Domino necessarius est et continuo illum dimittet huc

vul@Mark:11:4 @ et abeuntes invenerunt pullum ligatum ante ianuam foris in bivio et solvunt eum

vul@Mark:11:5 @ et quidam de illic stantibus dicebant illis quid facitis solventes pullum

vul@Mark:11:6 @ qui dixerunt eis sicut praeceperat illis Iesus et dimiserunt eis

vul@Mark:11:7 @ et duxerunt pullum ad Iesum et inponunt illi vestimenta sua et sedit super eo

vul@Mark:11:8 @ multi autem vestimenta sua straverunt in via alii autem frondes caedebant de arboribus et sternebant in via

vul@Mark:11:9 @ et qui praeibant et qui sequebantur clamabant dicentes osanna benedictus qui venit in nomine Domini

vul@Mark:11:10 @ benedictum quod venit regnum patris nostri David osanna in excelsis

vul@Mark:11:11 @ et introivit Hierosolyma in templum et circumspectis omnibus cum iam vespera esset hora exivit in Bethania cum duodecim

vul@Mark:11:12 @ et alia die cum exirent a Bethania esuriit

vul@Mark:11:13 @ cumque vidisset a longe ficum habentem folia venit si quid forte inveniret in ea et cum venisset ad eam nihil invenit praeter folia non enim erat tempus ficorum

vul@Mark:11:14 @ et respondens dixit ei iam non amplius in aeternum quisquam fructum ex te manducet et audiebant discipuli eius

vul@Mark:11:15 @ et veniunt Hierosolymam et cum introisset templum coepit eicere vendentes et ementes in templo et mensas nummulariorum et cathedras vendentium columbas evertit

vul@Mark:11:16 @ et non sinebat ut quisquam vas transferret per templum

vul@Mark:11:17 @ et docebat dicens eis non scriptum est quia domus mea domus orationis vocabitur omnibus gentibus vos autem fecistis eam speluncam latronum

vul@Mark:11:18 @ quo audito principes sacerdotum et scribae quaerebant quomodo eum perderent timebant enim eum quoniam universa turba admirabatur super doctrina eius

vul@Mark:11:19 @ et cum vespera facta esset egrediebatur de civitate

vul@Mark:11:20 @ et cum mane transirent viderunt ficum aridam factam a radicibus

vul@Mark:11:21 @ et recordatus Petrus dicit ei rabbi ecce ficus cui maledixisti aruit

vul@Mark:11:22 @ et respondens Iesus ait illis habete fidem Dei

vul@Mark:11:23 @ amen dico vobis quicumque dixerit huic monti tollere et mittere in mare et non haesitaverit in corde suo sed crediderit quia quodcumque dixerit fiat fiet ei

vul@Mark:11:24 @ propterea dico vobis omnia quaecumque orantes petitis credite quia accipietis et veniet vobis

vul@Mark:11:25 @ et cum stabitis ad orandum dimittite si quid habetis adversus aliquem ut et Pater vester qui in caelis est dimittat vobis peccata vestra

vul@Mark:11:26 @ quod si vos non dimiseritis nec Pater vester qui in caelis est dimittet vobis peccata vestra

vul@Mark:11:27 @ et veniunt rursus Hierosolymam et cum ambularet in templo accedunt ad eum summi sacerdotes et scribae et seniores

vul@Mark:11:28 @ et dicunt illi in qua potestate haec facis et quis tibi dedit hanc potestatem ut ista facias

vul@Mark:11:29 @ Iesus autem respondens ait illis interrogabo vos et ego unum verbum et respondete mihi et dicam vobis in qua potestate haec faciam

vul@Mark:11:30 @ baptismum Iohannis de caelo erat an ex hominibus respondete mihi

vul@Mark:11:31 @ at illi cogitabant secum dicentes si dixerimus de caelo dicet quare ergo non credidistis ei

vul@Mark:11:32 @ sed dicemus ex hominibus timebant populum omnes enim habebant Iohannem quia vere propheta esset

vul@Mark:11:33 @ et respondentes dicunt Iesu nescimus respondens Iesus ait illis neque ego dico vobis in qua potestate haec faciam

vul@Mark:12:1 @ et coepit illis in parabolis loqui vineam pastinavit homo et circumdedit sepem et fodit lacum et aedificavit turrem et locavit eam agricolis et peregre profectus est

vul@Mark:12:2 @ et misit ad agricolas in tempore servum ut ab agricolis acciperet de fructu vineae

vul@Mark:12:3 @ qui adprehensum eum ceciderunt et dimiserunt vacuum

vul@Mark:12:4 @ et iterum misit ad illos alium servum et illum capite vulneraverunt et contumeliis adfecerunt

vul@Mark:12:5 @ et rursum alium misit et illum occiderunt et plures alios quosdam caedentes alios vero occidentes

vul@Mark:12:6 @ adhuc ergo unum habens filium carissimum et illum misit ad eos novissimum dicens quia reverebuntur filium meum

vul@Mark:12:7 @ coloni autem dixerunt ad invicem hic est heres venite occidamus eum et nostra erit hereditas

vul@Mark:12:8 @ et adprehendentes eum occiderunt et eiecerunt extra vineam

vul@Mark:12:9 @ quid ergo faciet dominus vineae veniet et perdet colonos et dabit vineam aliis

vul@Mark:12:10 @ nec scripturam hanc legistis lapidem quem reprobaverunt aedificantes hic factus est in caput anguli

vul@Mark:12:11 @ a Domino factum est istud et est mirabile in oculis nostris

vul@Mark:12:12 @ et quaerebant eum tenere et timuerunt turbam cognoverunt enim quoniam ad eos parabolam hanc dixerit et relicto eo abierunt

vul@Mark:12:13 @ et mittunt ad eum quosdam ex Pharisaeis et Herodianis ut eum caperent in verbo

vul@Mark:12:14 @ qui venientes dicunt ei magister scimus quoniam verax es et non curas quemquam nec enim vides in faciem hominis sed in veritate viam Dei doces licet dari tributum Caesari an non dabimus

vul@Mark:12:15 @ qui sciens versutiam eorum ait illis quid me temptatis adferte mihi denarium ut videam

vul@Mark:12:16 @ at illi adtulerunt et ait illis cuius est imago haec et inscriptio dicunt illi Caesaris

vul@Mark:12:17 @ respondens autem Iesus dixit illis reddite igitur quae sunt Caesaris Caesari et quae sunt Dei Deo et mirabantur super eo

vul@Mark:12:18 @ et venerunt ad eum Sadducaei qui dicunt resurrectionem non esse et interrogabant eum dicentes

vul@Mark:12:19 @ magister Moses nobis scripsit ut si cuius frater mortuus fuerit et dimiserit uxorem et filios non reliquerit accipiat frater eius uxorem ipsius et resuscitet semen fratri suo

vul@Mark:12:20 @ septem ergo fratres erant et primus accepit uxorem et mortuus est non relicto semine

vul@Mark:12:21 @ et secundus accepit eam et mortuus est et nec iste reliquit semen et tertius similiter

vul@Mark:12:22 @ et acceperunt eam similiter septem et non reliquerunt semen novissima omnium defuncta est et mulier

vul@Mark:12:23 @ in resurrectione ergo cum resurrexerint cuius de his erit uxor septem enim habuerunt eam uxorem

vul@Mark:12:24 @ et respondens Iesus ait illis non ideo erratis non scientes scripturas neque virtutem Dei

vul@Mark:12:25 @ cum enim a mortuis resurrexerint neque nubent neque nubentur sed sunt sicut angeli in caelis

vul@Mark:12:26 @ de mortuis autem quod resurgant non legistis in libro Mosi super rubum quomodo dixerit illi Deus inquiens ego sum Deus Abraham et Deus Isaac et Deus Iacob

vul@Mark:12:27 @ non est Deus mortuorum sed vivorum vos ergo multum erratis

vul@Mark:12:28 @ et accessit unus de scribis qui audierat illos conquirentes et videns quoniam bene illis responderit interrogavit eum quod esset primum omnium mandatum

vul@Mark:12:29 @ Iesus autem respondit ei quia primum omnium mandatum est audi Israhel Dominus Deus noster Deus unus est

vul@Mark:12:30 @ et diliges Dominum Deum tuum ex toto corde tuo et ex tota anima tua et ex tota mente tua et ex tota virtute tua hoc est primum mandatum

vul@Mark:12:31 @ secundum autem simile illi diliges proximum tuum tamquam te ipsum maius horum aliud mandatum non est

vul@Mark:12:32 @ et ait illi scriba bene magister in veritate dixisti quia unus est et non est alius praeter eum

vul@Mark:12:33 @ et ut diligatur ex toto corde et ex toto intellectu et ex tota anima et ex tota fortitudine et diligere proximum tamquam se ipsum maius est omnibus holocaustomatibus et sacrificiis

vul@Mark:12:34 @ Iesus autem videns quod sapienter respondisset dixit illi non es longe a regno Dei et nemo iam audebat eum interrogare

vul@Mark:12:35 @ et respondens Iesus dicebat docens in templo quomodo dicunt scribae Christum Filium esse David

vul@Mark:12:36 @ ipse enim David dicit in Spiritu Sancto dixit Dominus Domino meo sede a dextris meis donec ponam inimicos tuos scabillum pedum tuorum

vul@Mark:12:37 @ ipse ergo David dicit eum Dominum et unde est filius eius et multa turba eum libenter audivit

vul@Mark:12:38 @ et dicebat eis in doctrina sua cavete a scribis qui volunt in stolis ambulare et salutari in foro

vul@Mark:12:39 @ et in primis cathedris sedere in synagogis et primos discubitus in cenis

vul@Mark:12:40 @ qui devorant domos viduarum sub obtentu prolixae orationis hii accipient prolixius iudicium

vul@Mark:12:41 @ et sedens Iesus contra gazofilacium aspiciebat quomodo turba iactaret aes in gazofilacium et multi divites iactabant multa

vul@Mark:12:42 @ cum venisset autem una vidua pauper misit duo minuta quod est quadrans

vul@Mark:12:43 @ et convocans discipulos suos ait illis amen dico vobis quoniam vidua haec pauper plus omnibus misit qui miserunt in gazofilacium

vul@Mark:12:44 @ omnes enim ex eo quod abundabat illis miserunt haec vero de penuria sua omnia quae habuit misit totum victum suum

vul@Mark:13:1 @ et cum egrederetur de templo ait illi unus ex discipulis suis magister aspice quales lapides et quales structurae

vul@Mark:13:2 @ et respondens Iesus ait illi vides has omnes magnas aedificationes non relinquetur lapis super lapidem qui non destruatur

vul@Mark:13:3 @ et cum sederet in montem Olivarum contra templum interrogabant eum separatim Petrus et Iacobus et Iohannes et Andreas

vul@Mark:13:4 @ dic nobis quando ista fient et quod signum erit quando haec omnia incipient consummari

vul@Mark:13:5 @ et respondens Iesus coepit dicere illis videte ne quis vos seducat

vul@Mark:13:6 @ multi enim venient in nomine meo dicentes quia ego sum et multos seducent

vul@Mark:13:7 @ cum audieritis autem bella et opiniones bellorum ne timueritis oportet enim fieri sed nondum finis

vul@Mark:13:8 @ exsurget autem gens super gentem et regnum super regnum et erunt terraemotus per loca et fames initium dolorum haec

vul@Mark:13:9 @ videte autem vosmet ipsos tradent enim vos conciliis et in synagogis vapulabitis et ante praesides et reges stabitis propter me in testimonium illis

vul@Mark:13:10 @ et in omnes gentes primum oportet praedicari evangelium

vul@Mark:13:11 @ et cum duxerint vos tradentes nolite praecogitare quid loquamini sed quod datum vobis fuerit in illa hora id loquimini non enim estis vos loquentes sed Spiritus Sanctus

vul@Mark:13:12 @ tradet autem frater fratrem in mortem et pater filium et consurgent filii in parentes et morte adficient eos

vul@Mark:13:13 @ et eritis odio omnibus propter nomen meum qui autem sustinuerit in finem hic salvus erit

vul@Mark:13:14 @ cum autem videritis abominationem desolationis stantem ubi non debet qui legit intellegat tunc qui in Iudaea sunt fugiant in montes

vul@Mark:13:15 @ et qui super tectum ne descendat in domum nec introeat ut tollat quid de domo sua

vul@Mark:13:16 @ et qui in agro erit non revertatur retro tollere vestimentum suum

vul@Mark:13:17 @ vae autem praegnatibus et nutrientibus in illis diebus

vul@Mark:13:18 @ orate vero ut hieme non fiant

vul@Mark:13:19 @ erunt enim dies illi tribulationes tales quales non fuerunt ab initio creaturae quam condidit Deus usque nunc neque fient

vul@Mark:13:20 @ et nisi breviasset Dominus dies non fuisset salva omnis caro sed propter electos quos elegit breviavit dies

vul@Mark:13:21 @ et tunc si quis vobis dixerit ecce hic est Christus ecce illic ne credideritis

vul@Mark:13:22 @ exsurgent enim pseudochristi et pseudoprophetae et dabunt signa et portenta ad seducendos si potest fieri etiam electos

vul@Mark:13:23 @ vos ergo videte ecce praedixi vobis omnia

vul@Mark:13:24 @ sed in illis diebus post tribulationem illam sol contenebrabitur et luna non dabit splendorem suum

vul@Mark:13:25 @ et erunt stellae caeli decidentes et virtutes quae sunt in caelis movebuntur

vul@Mark:13:26 @ et tunc videbunt Filium hominis venientem in nubibus cum virtute multa et gloria

vul@Mark:13:27 @ et tunc mittet angelos suos et congregabit electos suos a quattuor ventis a summo terrae usque ad summum caeli

vul@Mark:13:28 @ a ficu autem discite parabolam cum iam ramus eius tener fuerit et nata fuerint folia cognoscitis quia in proximo sit aestas

vul@Mark:13:29 @ sic et vos cum videritis haec fieri scitote quod in proximo sit in ostiis

vul@Mark:13:30 @ amen dico vobis quoniam non transiet generatio haec donec omnia ista fiant

vul@Mark:13:31 @ caelum et terra transibunt verba autem mea non transibunt

vul@Mark:13:32 @ de die autem illo vel hora nemo scit neque angeli in caelo neque Filius nisi Pater

vul@Mark:13:33 @ videte vigilate et orate nescitis enim quando tempus sit

vul@Mark:13:34 @ sicut homo qui peregre profectus reliquit domum suam et dedit servis suis potestatem cuiusque operis et ianitori praecipiat ut vigilet

vul@Mark:13:35 @ vigilate ergo nescitis enim quando dominus domus veniat sero an media nocte an galli cantu an mane

vul@Mark:13:36 @ ne cum venerit repente inveniat vos dormientes

vul@Mark:13:37 @ quod autem vobis dico omnibus dico vigilate

vul@Mark:14:1 @ erat autem pascha et azyma post biduum et quaerebant summi sacerdotes et scribae quomodo eum dolo tenerent et occiderent

vul@Mark:14:2 @ dicebant enim non in die festo ne forte tumultus fieret populi

vul@Mark:14:3 @ et cum esset Bethaniae in domo Simonis leprosi et recumberet venit mulier habens alabastrum unguenti nardi spicati pretiosi et fracto alabastro effudit super caput eius

vul@Mark:14:4 @ erant autem quidam indigne ferentes intra semet ipsos et dicentes ut quid perditio ista unguenti facta est

vul@Mark:14:5 @ poterat enim unguentum istud veniri plus quam trecentis denariis et dari pauperibus et fremebant in eam

vul@Mark:14:6 @ Iesus autem dixit sinite eam quid illi molesti estis bonum opus operata est in me

vul@Mark:14:7 @ semper enim pauperes habetis vobiscum et cum volueritis potestis illis benefacere me autem non semper habetis

vul@Mark:14:8 @ quod habuit haec fecit praevenit unguere corpus meum in sepulturam

vul@Mark:14:9 @ amen dico vobis ubicumque praedicatum fuerit evangelium istud in universum mundum et quod fecit haec narrabitur in memoriam eius

vul@Mark:14:10 @ et Iudas Scariotis unus de duodecim abiit ad summos sacerdotes ut proderet eum illis

vul@Mark:14:11 @ qui audientes gavisi sunt et promiserunt ei pecuniam se daturos et quaerebat quomodo illum oportune traderet

vul@Mark:14:12 @ et primo die azymorum quando pascha immolabant dicunt ei discipuli quo vis eamus et paremus tibi ut manduces pascha

vul@Mark:14:13 @ et mittit duos ex discipulis suis et dicit eis ite in civitatem et occurret vobis homo laguenam aquae baiulans sequimini eum

vul@Mark:14:14 @ et quocumque introierit dicite domino domus quia magister dicit ubi est refectio mea ubi pascha cum discipulis meis manducem

vul@Mark:14:15 @ et ipse vobis demonstrabit cenaculum grande stratum et illic parate nobis

vul@Mark:14:16 @ et abierunt discipuli eius et venerunt in civitatem et invenerunt sicut dixerat illis et praeparaverunt pascha

vul@Mark:14:17 @ vespere autem facto venit cum duodecim

vul@Mark:14:18 @ et discumbentibus eis et manducantibus ait Iesus amen dico vobis quia unus ex vobis me tradet qui manducat mecum

vul@Mark:14:19 @ at illi coeperunt contristari et dicere ei singillatim numquid ego

vul@Mark:14:20 @ qui ait illis unus ex duodecim qui intinguit mecum in catino

vul@Mark:14:21 @ et Filius quidem hominis vadit sicut scriptum est de eo vae autem homini illi per quem Filius hominis traditur bonum ei si non esset natus homo ille

vul@Mark:14:22 @ et manducantibus illis accepit Iesus panem et benedicens fregit et dedit eis et ait sumite hoc est corpus meum

vul@Mark:14:23 @ et accepto calice gratias agens dedit eis et biberunt ex illo omnes

vul@Mark:14:24 @ et ait illis hic est sanguis meus novi testamenti qui pro multis effunditur

vul@Mark:14:25 @ amen dico vobis quod iam non bibam de genimine vitis usque in diem illum cum illud bibam novum in regno Dei

vul@Mark:14:26 @ et hymno dicto exierunt in montem Olivarum

vul@Mark:14:27 @ et ait eis Iesus omnes scandalizabimini in nocte ista quia scriptum est percutiam pastorem et dispergentur oves

vul@Mark:14:28 @ sed posteaquam resurrexero praecedam vos in Galilaeam

vul@Mark:14:29 @ Petrus autem ait ei et si omnes scandalizati fuerint sed non ego

vul@Mark:14:30 @ et ait illi Iesus amen dico tibi quia tu hodie in nocte hac priusquam bis gallus vocem dederit ter me es negaturus

vul@Mark:14:31 @ at ille amplius loquebatur et si oportuerit me simul conmori tibi non te negabo similiter autem et omnes dicebant

vul@Mark:14:32 @ et veniunt in praedium cui nomen Gethsemani et ait discipulis suis sedete hic donec orem

vul@Mark:14:33 @ et adsumit Petrum et Iacobum et Iohannem secum et coepit pavere et taedere

vul@Mark:14:34 @ et ait illis tristis est anima mea usque ad mortem sustinete hic et vigilate

vul@Mark:14:35 @ et cum processisset paululum procidit super terram et orabat ut si fieri posset transiret ab eo hora

vul@Mark:14:36 @ et dixit Abba Pater omnia possibilia tibi sunt transfer calicem hunc a me sed non quod ego volo sed quod tu

vul@Mark:14:37 @ et venit et invenit eos dormientes et ait Petro Simon dormis non potuisti una hora vigilare

vul@Mark:14:38 @ vigilate et orate ut non intretis in temptationem spiritus quidem promptus caro vero infirma

vul@Mark:14:39 @ et iterum abiens oravit eundem sermonem dicens

vul@Mark:14:40 @ et reversus denuo invenit eos dormientes erant enim oculi illorum ingravati et ignorabant quid responderent ei

vul@Mark:14:41 @ et venit tertio et ait illis dormite iam et requiescite sufficit venit hora ecce traditur Filius hominis in manus peccatorum

vul@Mark:14:42 @ surgite eamus ecce qui me tradit prope est

vul@Mark:14:43 @ et adhuc eo loquente venit Iudas Scarioth unus ex duodecim et cum illo turba cum gladiis et lignis a summis sacerdotibus et a scribis et a senioribus

vul@Mark:14:44 @ dederat autem traditor eius signum eis dicens quemcumque osculatus fuero ipse est tenete eum et ducite

vul@Mark:14:45 @ et cum venisset statim accedens ad eum ait rabbi et osculatus est eum

vul@Mark:14:46 @ at illi manus iniecerunt in eum et tenuerunt eum

vul@Mark:14:47 @ unus autem quidam de circumstantibus educens gladium percussit servum summi sacerdotis et amputavit illi auriculam

vul@Mark:14:48 @ et respondens Iesus ait illis tamquam ad latronem existis cum gladiis et lignis conprehendere me

vul@Mark:14:49 @ cotidie eram apud vos in templo docens et non me tenuistis sed ut adimpleantur scripturae

vul@Mark:14:50 @ tunc discipuli eius relinquentes eum omnes fugerunt

vul@Mark:14:51 @ adulescens autem quidam sequebatur illum amictus sindone super nudo et tenuerunt eum

vul@Mark:14:52 @ at ille reiecta sindone nudus profugit ab eis

vul@Mark:14:53 @ et adduxerunt Iesum ad summum sacerdotem et conveniunt omnes sacerdotes et scribae et seniores

vul@Mark:14:54 @ Petrus autem a longe secutus est eum usque intro in atrium summi sacerdotis et sedebat cum ministris et calefaciebat se ad ignem

vul@Mark:14:55 @ summi vero sacerdotes et omne concilium quaerebant adversum Iesum testimonium ut eum morti traderent nec inveniebant

vul@Mark:14:56 @ multi enim testimonium falsum dicebant adversus eum et convenientia testimonia non erant

vul@Mark:14:57 @ et quidam surgentes falsum testimonium ferebant adversus eum dicentes

vul@Mark:14:58 @ quoniam nos audivimus eum dicentem ego dissolvam templum hoc manufactum et per triduum aliud non manufactum aedificabo

vul@Mark:14:59 @ et non erat conveniens testimonium illorum

vul@Mark:14:60 @ et exsurgens summus sacerdos in medium interrogavit Iesum dicens non respondes quicquam ad ea quae tibi obiciuntur ab his

vul@Mark:14:61 @ ille autem tacebat et nihil respondit rursum summus sacerdos interrogabat eum et dicit ei tu es Christus Filius Benedicti

vul@Mark:14:62 @ Iesus autem dixit illi ego sum et videbitis Filium hominis a dextris sedentem Virtutis et venientem cum nubibus caeli

vul@Mark:14:63 @ summus autem sacerdos scindens vestimenta sua ait quid adhuc desideramus testes

vul@Mark:14:64 @ audistis blasphemiam quid vobis videtur qui omnes condemnaverunt eum esse reum mortis

vul@Mark:14:65 @ et coeperunt quidam conspuere eum et velare faciem eius et colaphis eum caedere et dicere ei prophetiza et ministri alapis eum caedebant

vul@Mark:14:66 @ et cum esset Petrus in atrio deorsum venit una ex ancillis summi sacerdotis

vul@Mark:14:67 @ et cum vidisset Petrum calefacientem se aspiciens illum ait et tu cum Iesu Nazareno eras

vul@Mark:14:68 @ at ille negavit dicens neque scio neque novi quid dicas et exiit foras ante atrium et gallus cantavit

vul@Mark:14:69 @ rursus autem cum vidisset illum ancilla coepit dicere circumstantibus quia hic ex illis est

vul@Mark:14:70 @ at ille iterum negavit et post pusillum rursus qui adstabant dicebant Petro vere ex illis es nam et Galilaeus es

vul@Mark:14:71 @ ille autem coepit anathematizare et iurare quia nescio hominem istum quem dicitis

vul@Mark:14:72 @ et statim iterum gallus cantavit et recordatus est Petrus verbi quod dixerat ei Iesus priusquam gallus cantet bis ter me negabis et coepit flere

vul@Mark:15:1 @ et confestim mane consilium facientes summi sacerdotes cum senioribus et scribis et universo concilio vincientes Iesum duxerunt et tradiderunt Pilato

vul@Mark:15:2 @ et interrogavit eum Pilatus tu es rex Iudaeorum at ille respondens ait illi tu dicis

vul@Mark:15:3 @ et accusabant eum summi sacerdotes in multis

vul@Mark:15:4 @ Pilatus autem rursum interrogavit eum dicens non respondes quicquam vide in quantis te accusant

vul@Mark:15:5 @ Iesus autem amplius nihil respondit ita ut miraretur Pilatus

vul@Mark:15:6 @ per diem autem festum dimittere solebat illis unum ex vinctis quemcumque petissent

vul@Mark:15:7 @ erat autem qui dicebatur Barabbas qui cum seditiosis erat vinctus qui in seditione fecerant homicidium

vul@Mark:15:8 @ et cum ascendisset turba coepit rogare sicut semper faciebat illis

vul@Mark:15:9 @ Pilatus autem respondit eis et dixit vultis dimittam vobis regem Iudaeorum

vul@Mark:15:10 @ sciebat enim quod per invidiam tradidissent eum summi sacerdotes

vul@Mark:15:11 @ pontifices autem concitaverunt turbam ut magis Barabban dimitteret eis

vul@Mark:15:12 @ Pilatus autem iterum respondens ait illis quid ergo vultis faciam regi Iudaeorum

vul@Mark:15:13 @ at illi iterum clamaverunt crucifige eum

vul@Mark:15:14 @ Pilatus vero dicebat eis quid enim mali fecit at illi magis clamabant crucifige eum

vul@Mark:15:15 @ Pilatus autem volens populo satisfacere dimisit illis Barabban et tradidit Iesum flagellis caesum ut crucifigeretur

vul@Mark:15:16 @ milites autem duxerunt eum intro in atrium praetorii et convocant totam cohortem

vul@Mark:15:17 @ et induunt eum purpuram et inponunt ei plectentes spineam coronam

vul@Mark:15:18 @ et coeperunt salutare eum have rex Iudaeorum

vul@Mark:15:19 @ et percutiebant caput eius harundine et conspuebant eum et ponentes genua adorabant eum

vul@Mark:15:20 @ et postquam inluserunt ei exuerunt illum purpuram et induerunt eum vestimentis suis et educunt illum ut crucifigerent eum

vul@Mark:15:21 @ et angariaverunt praetereuntem quempiam Simonem Cyreneum venientem de villa patrem Alexandri et Rufi ut tolleret crucem eius

vul@Mark:15:22 @ et perducunt illum in Golgotha locum quod est interpretatum Calvariae locus

vul@Mark:15:23 @ et dabant ei bibere murratum vinum et non accepit

vul@Mark:15:24 @ et crucifigentes eum diviserunt vestimenta eius mittentes sortem super eis quis quid tolleret

vul@Mark:15:25 @ erat autem hora tertia et crucifixerunt eum

vul@Mark:15:26 @ et erat titulus causae eius inscriptus rex Iudaeorum

vul@Mark:15:27 @ et cum eo crucifigunt duos latrones unum a dextris et alium a sinistris eius

vul@Mark:15:28 @ et adimpleta est scriptura quae dicit et cum iniquis reputatus est

vul@Mark:15:29 @ et praetereuntes blasphemabant eum moventes capita sua et dicentes va qui destruit templum et in tribus diebus aedificat

vul@Mark:15:30 @ salvum fac temet ipsum descendens de cruce

vul@Mark:15:31 @ similiter et summi sacerdotes ludentes ad alterutrum cum scribis dicebant alios salvos fecit se ipsum non potest salvum facere

vul@Mark:15:32 @ Christus rex Israhel descendat nunc de cruce ut videamus et credamus et qui cum eo crucifixi erant conviciabantur ei

vul@Mark:15:33 @ et facta hora sexta tenebrae factae sunt per totam terram usque in horam nonam

vul@Mark:15:34 @ et hora nona exclamavit Iesus voce magna dicens Heloi Heloi lama sabacthani quod est interpretatum Deus meus Deus meus ut quid dereliquisti me

vul@Mark:15:35 @ et quidam de circumstantibus audientes dicebant ecce Heliam vocat

vul@Mark:15:36 @ currens autem unus et implens spongiam aceto circumponensque calamo potum dabat ei dicens sinite videamus si veniat Helias ad deponendum eum

vul@Mark:15:37 @ Iesus autem emissa voce magna exspiravit

vul@Mark:15:38 @ et velum templi scissum est in duo a sursum usque deorsum

vul@Mark:15:39 @ videns autem centurio qui ex adverso stabat quia sic clamans exspirasset ait vere homo hic Filius Dei erat

vul@Mark:15:40 @ erant autem et mulieres de longe aspicientes inter quas et Maria Magdalene et Maria Iacobi minoris et Ioseph mater et Salome

vul@Mark:15:41 @ et cum esset in Galilaea sequebantur eum et ministrabant ei et aliae multae quae simul cum eo ascenderant Hierosolyma

vul@Mark:15:42 @ et cum iam sero esset factum quia erat parasceve quod est ante sabbatum

vul@Mark:15:43 @ venit Ioseph ab Arimathia nobilis decurio qui et ipse erat expectans regnum Dei et audacter introiit ad Pilatum et petiit corpus Iesu

vul@Mark:15:44 @ Pilatus autem mirabatur si iam obisset et accersito centurione interrogavit eum si iam mortuus esset

vul@Mark:15:45 @ et cum cognovisset a centurione donavit corpus Ioseph

vul@Mark:15:46 @ Ioseph autem mercatus sindonem et deponens eum involvit sindone et posuit eum in monumento quod erat excisum de petra et advolvit lapidem ad ostium monumenti

vul@Mark:15:47 @ Maria autem Magdalene et Maria Ioseph aspiciebant ubi poneretur

vul@Mark:16:1 @ et cum transisset sabbatum Maria Magdalene et Maria Iacobi et Salome emerunt aromata ut venientes unguerent eum

vul@Mark:16:2 @ et valde mane una sabbatorum veniunt ad monumentum orto iam sole

vul@Mark:16:3 @ et dicebant ad invicem quis revolvet nobis lapidem ab ostio monumenti

vul@Mark:16:4 @ et respicientes vident revolutum lapidem erat quippe magnus valde

vul@Mark:16:5 @ et introeuntes in monumento viderunt iuvenem sedentem in dextris coopertum stola candida et obstipuerunt

vul@Mark:16:6 @ qui dicit illis nolite expavescere Iesum quaeritis Nazarenum crucifixum surrexit non est hic ecce locus ubi posuerunt eum

vul@Mark:16:7 @ sed ite et dicite discipulis eius et Petro quia praecedit vos in Galilaeam ibi eum videbitis sicut dixit vobis

vul@Mark:16:8 @ at illae exeuntes fugerunt de monumento invaserat enim eas tremor et pavor et nemini quicquam dixerunt timebant enim

vul@Mark:16:9 @ surgens autem mane prima sabbati apparuit primo Mariae Magdalenae de qua eiecerat septem daemonia

vul@Mark:16:10 @ illa vadens nuntiavit his qui cum eo fuerant lugentibus et flentibus

vul@Mark:16:11 @ et illi audientes quia viveret et visus esset ab ea non crediderunt

vul@Mark:16:12 @ post haec autem duobus ex eis ambulantibus ostensus est in alia effigie euntibus in villam

vul@Mark:16:13 @ et illi euntes nuntiaverunt ceteris nec illis crediderunt

vul@Mark:16:14 @ novissime recumbentibus illis undecim apparuit et exprobravit incredulitatem illorum et duritiam cordis quia his qui viderant eum resurrexisse non crediderant

vul@Mark:16:15 @ et dixit eis euntes in mundum universum praedicate evangelium omni creaturae

vul@Mark:16:16 @ qui crediderit et baptizatus fuerit salvus erit qui vero non crediderit condemnabitur

vul@Mark:16:17 @ signa autem eos qui crediderint haec sequentur in nomine meo daemonia eicient linguis loquentur novis

vul@Mark:16:18 @ serpentes tollent et si mortiferum quid biberint non eos nocebit super aegrotos manus inponent et bene habebunt

vul@Mark:16:19 @ et Dominus quidem postquam locutus est eis adsumptus est in caelum et sedit a dextris Dei

vul@Luke:1:1 @ quoniam quidem multi conati sunt ordinare narrationem quae in nobis conpletae sunt rerum

vul@Luke:1:2 @ sicut tradiderunt nobis qui ab initio ipsi viderunt et ministri fuerunt sermonis

vul@Luke:1:3 @ visum est et mihi adsecuto a principio omnibus diligenter ex ordine tibi scribere optime Theophile

vul@Luke:1:4 @ ut cognoscas eorum verborum de quibus eruditus es veritatem

vul@Luke:1:5 @ fuit in diebus Herodis regis Iudaeae sacerdos quidam nomine Zaccharias de vice Abia et uxor illi de filiabus Aaron et nomen eius Elisabeth

vul@Luke:1:6 @ erant autem iusti ambo ante Deum incedentes in omnibus mandatis et iustificationibus Domini sine querella

vul@Luke:1:7 @ et non erat illis filius eo quod esset Elisabeth sterilis et ambo processissent in diebus suis

vul@Luke:1:8 @ factum est autem cum sacerdotio fungeretur in ordine vicis suae ante Deum

vul@Luke:1:9 @ secundum consuetudinem sacerdotii sorte exiit ut incensum poneret ingressus in templum Domini

vul@Luke:1:10 @ et omnis multitudo erat populi orans foris hora incensi

vul@Luke:1:11 @ apparuit autem illi angelus Domini stans a dextris altaris incensi

vul@Luke:1:12 @ et Zaccharias turbatus est videns et timor inruit super eum

vul@Luke:1:13 @ ait autem ad illum angelus ne timeas Zaccharia quoniam exaudita est deprecatio tua et uxor tua Elisabeth pariet tibi filium et vocabis nomen eius Iohannem

vul@Luke:1:14 @ et erit gaudium tibi et exultatio et multi in nativitate eius gaudebunt

vul@Luke:1:15 @ erit enim magnus coram Domino et vinum et sicera non bibet et Spiritu Sancto replebitur adhuc ex utero matris suae

vul@Luke:1:16 @ et multos filiorum Israhel convertet ad Dominum Deum ipsorum

vul@Luke:1:17 @ et ipse praecedet ante illum in spiritu et virtute Heliae ut convertat corda patrum in filios et incredibiles ad prudentiam iustorum parare Domino plebem perfectam

vul@Luke:1:18 @ et dixit Zaccharias ad angelum unde hoc sciam ego enim sum senex et uxor mea processit in diebus suis

vul@Luke:1:19 @ et respondens angelus dixit ei ego sum Gabrihel qui adsto ante Deum et missus sum loqui ad te et haec tibi evangelizare

vul@Luke:1:20 @ et ecce eris tacens et non poteris loqui usque in diem quo haec fiant pro eo quod non credidisti verbis meis quae implebuntur in tempore suo

vul@Luke:1:21 @ et erat plebs expectans Zacchariam et mirabantur quod tardaret ipse in templo

vul@Luke:1:22 @ egressus autem non poterat loqui ad illos et cognoverunt quod visionem vidisset in templo et ipse erat innuens illis et permansit mutus

vul@Luke:1:23 @ et factum est ut impleti sunt dies officii eius abiit in domum suam

vul@Luke:1:24 @ post hos autem dies concepit Elisabeth uxor eius et occultabat se mensibus quinque dicens

vul@Luke:1:25 @ quia sic mihi fecit Dominus in diebus quibus respexit auferre obprobrium meum inter homines

vul@Luke:1:26 @ in mense autem sexto missus est angelus Gabrihel a Deo in civitatem Galilaeae cui nomen Nazareth

vul@Luke:1:27 @ ad virginem desponsatam viro cui nomen erat Ioseph de domo David et nomen virginis Maria

vul@Luke:1:28 @ et ingressus angelus ad eam dixit have gratia plena Dominus tecum benedicta tu in mulieribus

vul@Luke:1:29 @ quae cum vidisset turbata est in sermone eius et cogitabat qualis esset ista salutatio

vul@Luke:1:30 @ et ait angelus ei ne timeas Maria invenisti enim gratiam apud Deum

vul@Luke:1:31 @ ecce concipies in utero et paries filium et vocabis nomen eius Iesum

vul@Luke:1:32 @ hic erit magnus et Filius Altissimi vocabitur et dabit illi Dominus Deus sedem David patris eius

vul@Luke:1:33 @ et regnabit in domo Iacob in aeternum et regni eius non erit finis

vul@Luke:1:34 @ dixit autem Maria ad angelum quomodo fiet istud quoniam virum non cognosco

vul@Luke:1:35 @ et respondens angelus dixit ei Spiritus Sanctus superveniet in te et virtus Altissimi obumbrabit tibi ideoque et quod nascetur sanctum vocabitur Filius Dei

vul@Luke:1:36 @ et ecce Elisabeth cognata tua et ipsa concepit filium in senecta sua et hic mensis est sextus illi quae vocatur sterilis

vul@Luke:1:37 @ quia non erit inpossibile apud Deum omne verbum

vul@Luke:1:38 @ dixit autem Maria ecce ancilla Domini fiat mihi secundum verbum tuum et discessit ab illa angelus

vul@Luke:1:39 @ exsurgens autem Maria in diebus illis abiit in montana cum festinatione in civitatem Iuda

vul@Luke:1:40 @ et intravit in domum Zacchariae et salutavit Elisabeth

vul@Luke:1:41 @ et factum est ut audivit salutationem Mariae Elisabeth exultavit infans in utero eius et repleta est Spiritu Sancto Elisabeth

vul@Luke:1:42 @ et exclamavit voce magna et dixit benedicta tu inter mulieres et benedictus fructus ventris tui

vul@Luke:1:43 @ et unde hoc mihi ut veniat mater Domini mei ad me

vul@Luke:1:44 @ ecce enim ut facta est vox salutationis tuae in auribus meis exultavit in gaudio infans in utero meo

vul@Luke:1:45 @ et beata quae credidit quoniam perficientur ea quae dicta sunt ei a Domino

vul@Luke:1:46 @ et ait Maria magnificat anima mea Dominum

vul@Luke:1:47 @ et exultavit spiritus meus in Deo salutari meo

vul@Luke:1:48 @ quia respexit humilitatem ancillae suae ecce enim ex hoc beatam me dicent omnes generationes

vul@Luke:1:49 @ quia fecit mihi magna qui potens est et sanctum nomen eius

vul@Luke:1:50 @ et misericordia eius in progenies et progenies timentibus eum

vul@Luke:1:51 @ fecit potentiam in brachio suo dispersit superbos mente cordis sui

vul@Luke:1:52 @ deposuit potentes de sede et exaltavit humiles

vul@Luke:1:53 @ esurientes implevit bonis et divites dimisit inanes

vul@Luke:1:54 @ suscepit Israhel puerum suum memorari misericordiae

vul@Luke:1:55 @ sicut locutus est ad patres nostros Abraham et semini eius in saecula

vul@Luke:1:56 @ mansit autem Maria cum illa quasi mensibus tribus et reversa est in domum suam

vul@Luke:1:57 @ Elisabeth autem impletum est tempus pariendi et peperit filium

vul@Luke:1:58 @ et audierunt vicini et cognati eius quia magnificavit Dominus misericordiam suam cum illa et congratulabantur ei

vul@Luke:1:59 @ et factum est in die octavo venerunt circumcidere puerum et vocabant eum nomine patris eius Zacchariam

vul@Luke:1:60 @ et respondens mater eius dixit nequaquam sed vocabitur Iohannes

vul@Luke:1:61 @ et dixerunt ad illam quia nemo est in cognatione tua qui vocetur hoc nomine

vul@Luke:1:62 @ innuebant autem patri eius quem vellet vocari eum

vul@Luke:1:63 @ et postulans pugillarem scripsit dicens Iohannes est nomen eius et mirati sunt universi

vul@Luke:1:64 @ apertum est autem ilico os eius et lingua eius et loquebatur benedicens Deum

vul@Luke:1:65 @ et factus est timor super omnes vicinos eorum et super omnia montana Iudaeae divulgabantur omnia verba haec

vul@Luke:1:66 @ et posuerunt omnes qui audierant in corde suo dicentes quid putas puer iste erit etenim manus Domini erat cum illo

vul@Luke:1:67 @ et Zaccharias pater eius impletus est Spiritu Sancto et prophetavit dicens

vul@Luke:1:68 @ benedictus Deus Israhel quia visitavit et fecit redemptionem plebi suae

vul@Luke:1:69 @ et erexit cornu salutis nobis in domo David pueri sui

vul@Luke:1:70 @ sicut locutus est per os sanctorum qui a saeculo sunt prophetarum eius

vul@Luke:1:71 @ salutem ex inimicis nostris et de manu omnium qui oderunt nos

vul@Luke:1:72 @ ad faciendam misericordiam cum patribus nostris et memorari testamenti sui sancti

vul@Luke:1:73 @ iusiurandum quod iuravit ad Abraham patrem nostrum

vul@Luke:1:74 @ daturum se nobis ut sine timore de manu inimicorum nostrorum liberati serviamus illi

vul@Luke:1:75 @ in sanctitate et iustitia coram ipso omnibus diebus nostris

vul@Luke:1:76 @ et tu puer propheta Altissimi vocaberis praeibis enim ante faciem Domini parare vias eius

vul@Luke:1:77 @ ad dandam scientiam salutis plebi eius in remissionem peccatorum eorum

vul@Luke:1:78 @ per viscera misericordiae Dei nostri in quibus visitavit nos oriens ex alto

vul@Luke:1:79 @ inluminare his qui in tenebris et in umbra mortis sedent ad dirigendos pedes nostros in viam pacis

vul@Luke:1:80 @ puer autem crescebat et confortabatur spiritu et erat in deserto usque in diem ostensionis suae ad Israhel

vul@Luke:2:1 @ factum est autem in diebus illis exiit edictum a Caesare Augusto ut describeretur universus orbis

vul@Luke:2:2 @ haec descriptio prima facta est praeside Syriae Cyrino

vul@Luke:2:3 @ et ibant omnes ut profiterentur singuli in suam civitatem

vul@Luke:2:4 @ ascendit autem et Ioseph a Galilaea de civitate Nazareth in Iudaeam civitatem David quae vocatur Bethleem eo quod esset de domo et familia David

vul@Luke:2:5 @ ut profiteretur cum Maria desponsata sibi uxore praegnate

vul@Luke:2:6 @ factum est autem cum essent ibi impleti sunt dies ut pareret

vul@Luke:2:7 @ et peperit filium suum primogenitum et pannis eum involvit et reclinavit eum in praesepio quia non erat eis locus in diversorio

vul@Luke:2:8 @ et pastores erant in regione eadem vigilantes et custodientes vigilias noctis supra gregem suum

vul@Luke:2:9 @ et ecce angelus Domini stetit iuxta illos et claritas Dei circumfulsit illos et timuerunt timore magno

vul@Luke:2:10 @ et dixit illis angelus nolite timere ecce enim evangelizo vobis gaudium magnum quod erit omni populo

vul@Luke:2:11 @ quia natus est vobis hodie salvator qui est Christus Dominus in civitate David

vul@Luke:2:12 @ et hoc vobis signum invenietis infantem pannis involutum et positum in praesepio

vul@Luke:2:13 @ et subito facta est cum angelo multitudo militiae caelestis laudantium Deum et dicentium

vul@Luke:2:14 @ gloria in altissimis Deo et in terra pax in hominibus bonae voluntatis

vul@Luke:2:15 @ et factum est ut discesserunt ab eis angeli in caelum pastores loquebantur ad invicem transeamus usque Bethleem et videamus hoc verbum quod factum est quod fecit Dominus et ostendit nobis

vul@Luke:2:16 @ et venerunt festinantes et invenerunt Mariam et Ioseph et infantem positum in praesepio

vul@Luke:2:17 @ videntes autem cognoverunt de verbo quod dictum erat illis de puero hoc

vul@Luke:2:18 @ et omnes qui audierunt mirati sunt et de his quae dicta erant a pastoribus ad ipsos

vul@Luke:2:19 @ Maria autem conservabat omnia verba haec conferens in corde suo

vul@Luke:2:20 @ et reversi sunt pastores glorificantes et laudantes Deum in omnibus quae audierant et viderant sicut dictum est ad illos

vul@Luke:2:21 @ et postquam consummati sunt dies octo ut circumcideretur vocatum est nomen eius Iesus quod vocatum est ab angelo priusquam in utero conciperetur

vul@Luke:2:22 @ et postquam impleti sunt dies purgationis eius secundum legem Mosi tulerunt illum in Hierusalem ut sisterent eum Domino

vul@Luke:2:23 @ sicut scriptum est in lege Domini quia omne masculinum adaperiens vulvam sanctum Domino vocabitur

vul@Luke:2:24 @ et ut darent hostiam secundum quod dictum est in lege Domini par turturum aut duos pullos columbarum

vul@Luke:2:25 @ et ecce homo erat in Hierusalem cui nomen Symeon et homo iste iustus et timoratus expectans consolationem Israhel et Spiritus Sanctus erat in eo

vul@Luke:2:26 @ et responsum acceperat ab Spiritu Sancto non visurum se mortem nisi prius videret Christum Domini

vul@Luke:2:27 @ et venit in Spiritu in templum et cum inducerent puerum Iesum parentes eius ut facerent secundum consuetudinem legis pro eo

vul@Luke:2:28 @ et ipse accepit eum in ulnas suas et benedixit Deum et dixit

vul@Luke:2:29 @ nunc dimittis servum tuum Domine secundum verbum tuum in pace

vul@Luke:2:30 @ quia viderunt oculi mei salutare tuum

vul@Luke:2:31 @ quod parasti ante faciem omnium populorum

vul@Luke:2:32 @ lumen ad revelationem gentium et gloriam plebis tuae Israhel

vul@Luke:2:33 @ et erat pater eius et mater mirantes super his quae dicebantur de illo

vul@Luke:2:34 @ et benedixit illis Symeon et dixit ad Mariam matrem eius ecce positus est hic in ruinam et resurrectionem multorum in Israhel et in signum cui contradicetur

vul@Luke:2:35 @ et tuam ipsius animam pertransiet gladius ut revelentur ex multis cordibus cogitationes

vul@Luke:2:36 @ et erat Anna prophetissa filia Phanuhel de tribu Aser haec processerat in diebus multis et vixerat cum viro suo annis septem a virginitate sua

vul@Luke:2:37 @ et haec vidua usque ad annos octoginta quattuor quae non discedebat de templo ieiuniis et obsecrationibus serviens nocte ac die

vul@Luke:2:38 @ et haec ipsa hora superveniens confitebatur Domino et loquebatur de illo omnibus qui expectabant redemptionem Hierusalem

vul@Luke:2:39 @ et ut perfecerunt omnia secundum legem Domini reversi sunt in Galilaeam in civitatem suam Nazareth

vul@Luke:2:40 @ puer autem crescebat et confortabatur plenus sapientia et gratia Dei erat in illo

vul@Luke:2:41 @ et ibant parentes eius per omnes annos in Hierusalem in die sollemni paschae

vul@Luke:2:42 @ et cum factus esset annorum duodecim ascendentibus illis in Hierosolymam secundum consuetudinem diei festi

vul@Luke:2:43 @ consummatisque diebus cum redirent remansit puer Iesus in Hierusalem et non cognoverunt parentes eius

vul@Luke:2:44 @ existimantes autem illum esse in comitatu venerunt iter diei et requirebant eum inter cognatos et notos

vul@Luke:2:45 @ et non invenientes regressi sunt in Hierusalem requirentes eum

vul@Luke:2:46 @ et factum est post triduum invenerunt illum in templo sedentem in medio doctorum audientem illos et interrogantem

vul@Luke:2:47 @ stupebant autem omnes qui eum audiebant super prudentia et responsis eius

vul@Luke:2:48 @ et videntes admirati sunt et dixit mater eius ad illum fili quid fecisti nobis sic ecce pater tuus et ego dolentes quaerebamus te

vul@Luke:2:49 @ et ait ad illos quid est quod me quaerebatis nesciebatis quia in his quae Patris mei sunt oportet me esse

vul@Luke:2:50 @ et ipsi non intellexerunt verbum quod locutus est ad illos

vul@Luke:2:51 @ et descendit cum eis et venit Nazareth et erat subditus illis et mater eius conservabat omnia verba haec in corde suo

vul@Luke:2:52 @ et Iesus proficiebat sapientia aetate et gratia apud Deum et homines

vul@Luke:3:1 @ anno autem quintodecimo imperii Tiberii Caesaris procurante Pontio Pilato Iudaeam tetrarcha autem Galilaeae Herode Philippo autem fratre eius tetrarcha Itureae et Trachonitidis regionis et Lysania Abilinae tetrarcha

vul@Luke:3:2 @ sub principibus sacerdotum Anna et Caiapha factum est verbum Dei super Iohannem Zacchariae filium in deserto

vul@Luke:3:3 @ et venit in omnem regionem Iordanis praedicans baptismum paenitentiae in remissionem peccatorum

vul@Luke:3:4 @ sicut scriptum est in libro sermonum Esaiae prophetae vox clamantis in deserto parate viam Domini rectas facite semitas eius

vul@Luke:3:5 @ omnis vallis implebitur et omnis mons et collis humiliabitur et erunt prava in directa et aspera in vias planas

vul@Luke:3:6 @ et videbit omnis caro salutare Dei

vul@Luke:3:7 @ dicebat ergo ad turbas quae exiebant ut baptizarentur ab ipso genimina viperarum quis ostendit vobis fugere a ventura ira

vul@Luke:3:8 @ facite ergo fructus dignos paenitentiae et ne coeperitis dicere patrem habemus Abraham dico enim vobis quia potest Deus de lapidibus istis suscitare filios Abrahae

vul@Luke:3:9 @ iam enim securis ad radicem arborum posita est omnis ergo arbor non faciens fructum exciditur et in ignem mittitur

vul@Luke:3:10 @ et interrogabant eum turbae dicentes quid ergo faciemus

vul@Luke:3:11 @ respondens autem dicebat illis qui habet duas tunicas det non habenti et qui habet escas similiter faciat

vul@Luke:3:12 @ venerunt autem et publicani ut baptizarentur et dixerunt ad illum magister quid faciemus

vul@Luke:3:13 @ at ille dixit ad eos nihil amplius quam quod constitutum est vobis faciatis

vul@Luke:3:14 @ interrogabant autem eum et milites dicentes quid faciemus et nos et ait illis neminem concutiatis neque calumniam faciatis et contenti estote stipendiis vestris

vul@Luke:3:15 @ existimante autem populo et cogitantibus omnibus in cordibus suis de Iohanne ne forte ipse esset Christus

vul@Luke:3:16 @ respondit Iohannes dicens omnibus ego quidem aqua baptizo vos venit autem fortior me cuius non sum dignus solvere corrigiam calciamentorum eius ipse vos baptizabit in Spiritu Sancto et igni

vul@Luke:3:17 @ cuius ventilabrum in manu eius et purgabit aream suam et congregabit triticum in horreum suum paleas autem conburet igni inextinguibili

vul@Luke:3:18 @ multa quidem et alia exhortans evangelizabat populum

vul@Luke:3:19 @ Herodes autem tetrarcha cum corriperetur ab illo de Herodiade uxore fratris sui et de omnibus malis quae fecit Herodes

vul@Luke:3:20 @ adiecit et hoc supra omnia et inclusit Iohannem in carcere

vul@Luke:3:21 @ factum est autem cum baptizaretur omnis populus et Iesu baptizato et orante apertum est caelum

vul@Luke:3:22 @ et descendit Spiritus Sanctus corporali specie sicut columba in ipsum et vox de caelo facta est tu es Filius meus dilectus in te conplacuit mihi

vul@Luke:3:23 @ et ipse Iesus erat incipiens quasi annorum triginta ut putabatur filius Ioseph qui fuit Heli

vul@Luke:3:24 @ qui fuit Matthat qui fuit Levi qui fuit Melchi qui fuit Iannae qui fuit Ioseph

vul@Luke:3:25 @ qui fuit Matthathiae qui fuit Amos qui fuit Naum qui fuit Esli qui fuit Naggae

vul@Luke:3:26 @ qui fuit Maath qui fuit Matthathiae qui fuit Semei qui fuit Iosech qui fuit Ioda

vul@Luke:3:27 @ qui fuit Iohanna qui fuit Resa qui fuit Zorobabel qui fuit Salathihel qui fuit Neri

vul@Luke:3:28 @ qui fuit Melchi qui fuit Addi qui fuit Cosam qui fuit Helmadam qui fuit Her

vul@Luke:3:29 @ qui fuit Iesu qui fuit Eliezer qui fuit Iorim qui fuit Matthat qui fuit Levi

vul@Luke:3:30 @ qui fuit Symeon qui fuit Iuda qui fuit Ioseph qui fuit Iona qui fuit Eliachim

vul@Luke:3:31 @ qui fuit Melea qui fuit Menna qui fuit Matthata qui fuit Nathan qui fuit David

vul@Luke:3:32 @ qui fuit Iesse qui fuit Obed qui fuit Booz qui fuit Salmon qui fuit Naasson

vul@Luke:3:33 @ qui fuit Aminadab qui fuit Aram qui fuit Esrom qui fuit Phares qui fuit Iudae

vul@Luke:3:34 @ qui fuit Iacob qui fuit Isaac qui fuit Abraham qui fuit Thare qui fuit Nachor

vul@Luke:3:35 @ qui fuit Seruch qui fuit Ragau qui fuit Phalec qui fuit Eber qui fuit Sale

vul@Luke:3:36 @ qui fuit Cainan qui fuit Arfaxat qui fuit Sem qui fuit Noe qui fuit Lamech

vul@Luke:3:37 @ qui fuit Mathusalae qui fuit Enoch qui fuit Iared qui fuit Malelehel qui fuit Cainan

vul@Luke:3:38 @ qui fuit Enos qui fuit Seth qui fuit Adam qui fuit Dei

vul@Luke:4:1 @ Iesus autem plenus Spiritu Sancto regressus est ab Iordane et agebatur in Spiritu in desertum

vul@Luke:4:2 @ diebus quadraginta et temptabatur a diabolo et nihil manducavit in diebus illis et consummatis illis esuriit

vul@Luke:4:3 @ dixit autem illi diabolus si Filius Dei es dic lapidi huic ut panis fiat

vul@Luke:4:4 @ et respondit ad illum Iesus scriptum est quia non in pane solo vivet homo sed in omni verbo Dei

vul@Luke:4:5 @ et duxit illum diabolus et ostendit illi omnia regna orbis terrae in momento temporis

vul@Luke:4:6 @ et ait ei tibi dabo potestatem hanc universam et gloriam illorum quia mihi tradita sunt et cui volo do illa

vul@Luke:4:7 @ tu ergo si adoraveris coram me erunt tua omnia

vul@Luke:4:8 @ et respondens Iesus dixit illi scriptum est Dominum Deum tuum adorabis et illi soli servies

vul@Luke:4:9 @ et duxit illum in Hierusalem et statuit eum supra pinnam templi et dixit illi si Filius Dei es mitte te hinc deorsum

vul@Luke:4:10 @ scriptum est enim quod angelis suis mandabit de te ut conservent te

vul@Luke:4:11 @ et quia in manibus tollent te ne forte offendas ad lapidem pedem tuum

vul@Luke:4:12 @ et respondens Iesus ait illi dictum est non temptabis Dominum Deum tuum

vul@Luke:4:13 @ et consummata omni temptatione diabolus recessit ab illo usque ad tempus

vul@Luke:4:14 @ et regressus est Iesus in virtute Spiritus in Galilaeam et fama exiit per universam regionem de illo

vul@Luke:4:15 @ et ipse docebat in synagogis eorum et magnificabatur ab omnibus

vul@Luke:4:16 @ et venit Nazareth ubi erat nutritus et intravit secundum consuetudinem suam die sabbati in synagogam et surrexit legere

vul@Luke:4:17 @ et traditus est illi liber prophetae Esaiae et ut revolvit librum invenit locum ubi scriptum erat

vul@Luke:4:18 @ Spiritus Domini super me propter quod unxit me evangelizare pauperibus misit me

vul@Luke:4:19 @ praedicare captivis remissionem et caecis visum dimittere confractos in remissionem praedicare annum Domini acceptum et diem retributionis

vul@Luke:4:20 @ et cum plicuisset librum reddidit ministro et sedit et omnium in synagoga oculi erant intendentes in eum

vul@Luke:4:21 @ coepit autem dicere ad illos quia hodie impleta est haec scriptura in auribus vestris

vul@Luke:4:22 @ et omnes testimonium illi dabant et mirabantur in verbis gratiae quae procedebant de ore ipsius et dicebant nonne hic filius est Ioseph

vul@Luke:4:23 @ et ait illis utique dicetis mihi hanc similitudinem medice cura te ipsum quanta audivimus facta in Capharnaum fac et hic in patria tua

vul@Luke:4:24 @ ait autem amen dico vobis quia nemo propheta acceptus est in patria sua

vul@Luke:4:25 @ in veritate dico vobis multae viduae erant in diebus Heliae in Israhel quando clusum est caelum annis tribus et mensibus sex cum facta est fames magna in omni terra

vul@Luke:4:26 @ et ad nullam illarum missus est Helias nisi in Sareptha Sidoniae ad mulierem viduam

vul@Luke:4:27 @ et multi leprosi erant in Israhel sub Heliseo propheta et nemo eorum mundatus est nisi Neman Syrus

vul@Luke:4:28 @ et repleti sunt omnes in synagoga ira haec audientes

vul@Luke:4:29 @ et surrexerunt et eiecerunt illum extra civitatem et duxerunt illum usque ad supercilium montis supra quem civitas illorum erat aedificata ut praecipitarent eum

vul@Luke:4:30 @ ipse autem transiens per medium illorum ibat

vul@Luke:4:31 @ et descendit in Capharnaum civitatem Galilaeae ibique docebat illos sabbatis

vul@Luke:4:32 @ et stupebant in doctrina eius quia in potestate erat sermo ipsius

vul@Luke:4:33 @ et in synagoga erat homo habens daemonium inmundum et exclamavit voce magna

vul@Luke:4:34 @ dicens sine quid nobis et tibi Iesu Nazarene venisti perdere nos scio te qui sis Sanctus Dei

vul@Luke:4:35 @ et increpavit illi Iesus dicens obmutesce et exi ab illo et cum proiecisset illum daemonium in medium exiit ab illo nihilque illum nocuit

vul@Luke:4:36 @ et factus est pavor in omnibus et conloquebantur ad invicem dicentes quod est hoc verbum quia in potestate et virtute imperat inmundis spiritibus et exeunt

vul@Luke:4:37 @ et divulgabatur fama de illo in omnem locum regionis

vul@Luke:4:38 @ surgens autem de synagoga introivit in domum Simonis socrus autem Simonis tenebatur magnis febribus et rogaverunt illum pro ea

vul@Luke:4:39 @ et stans super illam imperavit febri et dimisit illam et continuo surgens ministrabat illis

vul@Luke:4:40 @ cum sol autem occidisset omnes qui habebant infirmos variis languoribus ducebant illos ad eum at ille singulis manus inponens curabat eos

vul@Luke:4:41 @ exiebant autem etiam daemonia a multis clamantia et dicentia quia tu es Filius Dei et increpans non sinebat ea loqui quia sciebant ipsum esse Christum

vul@Luke:4:42 @ facta autem die egressus ibat in desertum locum et turbae requirebant eum et venerunt usque ad ipsum et detinebant illum ne discederet ab eis

vul@Luke:4:43 @ quibus ille ait quia et aliis civitatibus oportet me evangelizare regnum Dei quia ideo missus sum

vul@Luke:4:44 @ et erat praedicans in synagogis Galilaeae

vul@Luke:5:1 @ factum est autem cum turbae inruerent in eum ut audirent verbum Dei et ipse stabat secus stagnum Gennesareth

vul@Luke:5:2 @ et vidit duas naves stantes secus stagnum piscatores autem descenderant et lavabant retia

vul@Luke:5:3 @ ascendens autem in unam navem quae erat Simonis rogavit eum a terra reducere pusillum et sedens docebat de navicula turbas

vul@Luke:5:4 @ ut cessavit autem loqui dixit ad Simonem duc in altum et laxate retia vestra in capturam

vul@Luke:5:5 @ et respondens Simon dixit illi praeceptor per totam noctem laborantes nihil cepimus in verbo autem tuo laxabo rete

vul@Luke:5:6 @ et cum hoc fecissent concluserunt piscium multitudinem copiosam rumpebatur autem rete eorum

vul@Luke:5:7 @ et annuerunt sociis qui erant in alia navi ut venirent et adiuvarent eos et venerunt et impleverunt ambas naviculas ita ut mergerentur

vul@Luke:5:8 @ quod cum videret Simon Petrus procidit ad genua Iesu dicens exi a me quia homo peccator sum Domine

vul@Luke:5:9 @ stupor enim circumdederat eum et omnes qui cum illo erant in captura piscium quam ceperant

vul@Luke:5:10 @ similiter autem Iacobum et Iohannem filios Zebedaei qui erant socii Simonis et ait ad Simonem Iesus noli timere ex hoc iam homines eris capiens

vul@Luke:5:11 @ et subductis ad terram navibus relictis omnibus secuti sunt illum

vul@Luke:5:12 @ et factum est cum esset in una civitatum et ecce vir plenus lepra et videns Iesum et procidens in faciem rogavit eum dicens Domine si vis potes me mundare

vul@Luke:5:13 @ et extendens manum tetigit illum dicens volo mundare et confestim lepra discessit ab illo

vul@Luke:5:14 @ et ipse praecepit illi ut nemini diceret sed vade ostende te sacerdoti et offer pro emundatione tua sicut praecepit Moses in testimonium illis

vul@Luke:5:15 @ perambulabat autem magis sermo de illo et conveniebant turbae multae ut audirent et curarentur ab infirmitatibus suis

vul@Luke:5:16 @ ipse autem secedebat in deserto et orabat

vul@Luke:5:17 @ et factum est in una dierum et ipse sedebat docens et erant Pharisaei sedentes et legis doctores qui venerant ex omni castello Galilaeae et Iudaeae et Hierusalem et virtus erat Domini ad sanandum eos

vul@Luke:5:18 @ et ecce viri portantes in lecto hominem qui erat paralyticus et quaerebant eum inferre et ponere ante eum

vul@Luke:5:19 @ et non invenientes qua parte illum inferrent prae turba ascenderunt supra tectum per tegulas submiserunt illum cum lecto in medium ante Iesum

vul@Luke:5:20 @ quorum fidem ut vidit dixit homo remittuntur tibi peccata tua

vul@Luke:5:21 @ et coeperunt cogitare scribae et Pharisaei dicentes quis est hic qui loquitur blasphemias quis potest dimittere peccata nisi solus Deus

vul@Luke:5:22 @ ut cognovit autem Iesus cogitationes eorum respondens dixit ad illos quid cogitatis in cordibus vestris

vul@Luke:5:23 @ quid est facilius dicere dimittuntur tibi peccata an dicere surge et ambula

vul@Luke:5:24 @ ut autem sciatis quia Filius hominis potestatem habet in terra dimittere peccata ait paralytico tibi dico surge tolle lectum tuum et vade in domum tuam

vul@Luke:5:25 @ et confestim surgens coram illis tulit in quo iacebat et abiit in domum suam magnificans Deum

vul@Luke:5:26 @ et stupor adprehendit omnes et magnificabant Deum et repleti sunt timore dicentes quia vidimus mirabilia hodie

vul@Luke:5:27 @ et post haec exiit et vidit publicanum nomine Levi sedentem ad teloneum et ait illi sequere me

vul@Luke:5:28 @ et relictis omnibus surgens secutus est eum

vul@Luke:5:29 @ et fecit ei convivium magnum Levi in domo sua et erat turba multa publicanorum et aliorum qui cum illis erant discumbentes

vul@Luke:5:30 @ et murmurabant Pharisaei et scribae eorum dicentes ad discipulos eius quare cum publicanis et peccatoribus manducatis et bibitis

vul@Luke:5:31 @ et respondens Iesus dixit ad illos non egent qui sani sunt medico sed qui male habent

vul@Luke:5:32 @ non veni vocare iustos sed peccatores in paenitentiam

vul@Luke:5:33 @ at illi dixerunt ad eum quare discipuli Iohannis ieiunant frequenter et obsecrationes faciunt similiter et Pharisaeorum tui autem edunt et bibunt

vul@Luke:5:34 @ quibus ipse ait numquid potestis filios sponsi dum cum illis est sponsus facere ieiunare

vul@Luke:5:35 @ venient autem dies et cum ablatus fuerit ab illis sponsus tunc ieiunabunt in illis diebus

vul@Luke:5:36 @ dicebat autem et similitudinem ad illos quia nemo commissuram a vestimento novo inmittit in vestimentum vetus alioquin et novum rumpit et veteri non convenit commissura a novo

vul@Luke:5:37 @ et nemo mittit vinum novum in utres veteres alioquin rumpet vinum novum utres et ipsum effundetur et utres peribunt

vul@Luke:5:38 @ sed vinum novum in utres novos mittendum est et utraque conservantur

vul@Luke:5:39 @ et nemo bibens vetus statim vult novum dicit enim vetus melius est

vul@Luke:6:1 @ factum est autem in sabbato secundoprimo cum transiret per sata vellebant discipuli eius spicas et manducabant confricantes manibus

vul@Luke:6:2 @ quidam autem Pharisaeorum dicebant illis quid facitis quod non licet in sabbatis

vul@Luke:6:3 @ et respondens Iesus ad eos dixit nec hoc legistis quod fecit David cum esurisset ipse et qui cum eo erant

vul@Luke:6:4 @ quomodo intravit in domum Dei et panes propositionis sumpsit et manducavit et dedit his qui cum ipso erant quos non licet manducare nisi tantum sacerdotibus

vul@Luke:6:5 @ et dicebat illis quia dominus est Filius hominis etiam sabbati

vul@Luke:6:6 @ factum est autem et in alio sabbato ut intraret in synagogam et doceret et erat ibi homo et manus eius dextra erat arida

vul@Luke:6:7 @ observabant autem scribae et Pharisaei si in sabbato curaret ut invenirent accusare illum

vul@Luke:6:8 @ ipse vero sciebat cogitationes eorum et ait homini qui habebat manum aridam surge et sta in medium et surgens stetit

vul@Luke:6:9 @ ait autem ad illos Iesus interrogo vos si licet sabbato bene facere an male animam salvam facere an perdere

vul@Luke:6:10 @ et circumspectis omnibus dixit homini extende manum tuam et extendit et restituta est manus eius

vul@Luke:6:11 @ ipsi autem repleti sunt insipientia et conloquebantur ad invicem quidnam facerent Iesu

vul@Luke:6:12 @ factum est autem in illis diebus exiit in montem orare et erat pernoctans in oratione Dei

vul@Luke:6:13 @ et cum dies factus esset vocavit discipulos suos et elegit duodecim ex ipsis quos et apostolos nominavit

vul@Luke:6:14 @ Simonem quem cognominavit Petrum et Andream fratrem eius Iacobum et Iohannem Philippum et Bartholomeum

vul@Luke:6:15 @ Mattheum et Thomam Iacobum Alphei et Simonem qui vocatur Zelotes

vul@Luke:6:16 @ Iudam Iacobi et Iudam Scarioth qui fuit proditor

vul@Luke:6:17 @ et descendens cum illis stetit in loco campestri et turba discipulorum eius et multitudo copiosa plebis ab omni Iudaea et Hierusalem et maritimae Tyri et Sidonis

vul@Luke:6:18 @ qui venerunt ut audirent eum et sanarentur a languoribus suis et qui vexabantur ab spiritibus inmundis curabantur

vul@Luke:6:19 @ et omnis turba quaerebant eum tangere quia virtus de illo exiebat et sanabat omnes

vul@Luke:6:20 @ et ipse elevatis oculis in discipulos suos dicebat beati pauperes quia vestrum est regnum Dei

vul@Luke:6:21 @ beati qui nunc esuritis quia saturabimini beati qui nunc fletis quia ridebitis

vul@Luke:6:22 @ beati eritis cum vos oderint homines et cum separaverint vos et exprobraverint et eiecerint nomen vestrum tamquam malum propter Filium hominis

vul@Luke:6:23 @ gaudete in illa die et exultate ecce enim merces vestra multa in caelo secundum haec enim faciebant prophetis patres eorum

vul@Luke:6:24 @ verumtamen vae vobis divitibus quia habetis consolationem vestram

vul@Luke:6:25 @ vae vobis qui saturati estis quia esurietis vae vobis qui ridetis nunc quia lugebitis et flebitis

vul@Luke:6:26 @ vae cum bene vobis dixerint omnes homines secundum haec faciebant prophetis patres eorum

vul@Luke:6:27 @ sed vobis dico qui auditis diligite inimicos vestros benefacite his qui vos oderunt

vul@Luke:6:28 @ benedicite maledicentibus vobis orate pro calumniantibus vos

vul@Luke:6:29 @ ei qui te percutit in maxillam praebe et alteram et ab eo qui aufert tibi vestimentum etiam tunicam noli prohibere

vul@Luke:6:30 @ omni autem petenti te tribue et qui aufert quae tua sunt ne repetas

vul@Luke:6:31 @ et prout vultis ut faciant vobis homines et vos facite illis similiter

vul@Luke:6:32 @ et si diligitis eos qui vos diligunt quae vobis est gratia nam et peccatores diligentes se diligunt

vul@Luke:6:33 @ et si benefeceritis his qui vobis benefaciunt quae vobis est gratia siquidem et peccatores hoc faciunt

vul@Luke:6:34 @ et si mutuum dederitis his a quibus speratis recipere quae gratia est vobis nam et peccatores peccatoribus fenerantur ut recipiant aequalia

vul@Luke:6:35 @ verumtamen diligite inimicos vestros et benefacite et mutuum date nihil desperantes et erit merces vestra multa et eritis filii Altissimi quia ipse benignus est super ingratos et malos

vul@Luke:6:36 @ estote ergo misericordes sicut et Pater vester misericors est

vul@Luke:6:37 @ nolite iudicare et non iudicabimini nolite condemnare et non condemnabimini dimittite et dimittemini

vul@Luke:6:38 @ date et dabitur vobis mensuram bonam confersam et coagitatam et supereffluentem dabunt in sinum vestrum eadem quippe mensura qua mensi fueritis remetietur vobis

vul@Luke:6:39 @ dicebat autem illis et similitudinem numquid potest caecus caecum ducere nonne ambo in foveam cadent

vul@Luke:6:40 @ non est discipulus super magistrum perfectus autem omnis erit sicut magister eius

vul@Luke:6:41 @ quid autem vides festucam in oculo fratris tui trabem autem quae in oculo tuo est non consideras

vul@Luke:6:42 @ et quomodo potes dicere fratri tuo frater sine eiciam festucam de oculo tuo ipse in oculo tuo trabem non videns hypocrita eice primum trabem de oculo tuo et tunc perspicies ut educas festucam de oculo fratris tui

vul@Luke:6:43 @ non est enim arbor bona quae facit fructus malos neque arbor mala faciens fructum bonum

vul@Luke:6:44 @ unaquaeque enim arbor de fructu suo cognoscitur neque enim de spinis colligunt ficus neque de rubo vindemiant uvam

vul@Luke:6:45 @ bonus homo de bono thesauro cordis sui profert bonum et malus homo de malo profert malum ex abundantia enim cordis os loquitur

vul@Luke:6:46 @ quid autem vocatis me Domine Domine et non facitis quae dico

vul@Luke:6:47 @ omnis qui venit ad me et audit sermones meos et facit eos ostendam vobis cui similis est

vul@Luke:6:48 @ similis est homini aedificanti domum qui fodit in altum et posuit fundamenta supra petram inundatione autem facta inlisum est flumen domui illi et non potuit eam movere fundata enim erat supra petram

vul@Luke:6:49 @ qui autem audivit et non fecit similis est homini aedificanti domum suam supra terram sine fundamento in quam inlisus est fluvius et continuo concidit et facta est ruina domus illius magna

vul@Luke:7:1 @ cum autem implesset omnia verba sua in aures plebis intravit Capharnaum

vul@Luke:7:2 @ centurionis autem cuiusdam servus male habens erat moriturus qui illi erat pretiosus

vul@Luke:7:3 @ et cum audisset de Iesu misit ad eum seniores Iudaeorum rogans eum ut veniret et salvaret servum eius

vul@Luke:7:4 @ at illi cum venissent ad Iesum rogabant eum sollicite dicentes ei quia dignus est ut hoc illi praestes

vul@Luke:7:5 @ diligit enim gentem nostram et synagogam ipse aedificavit nobis

vul@Luke:7:6 @ Iesus autem ibat cum illis et cum iam non longe esset a domo misit ad eum centurio amicos dicens Domine noli vexari non enim dignus sum ut sub tectum meum intres

vul@Luke:7:7 @ propter quod et me ipsum non sum dignum arbitratus ut venirem ad te sed dic verbo et sanabitur puer meus

vul@Luke:7:8 @ nam et ego homo sum sub potestate constitutus habens sub me milites et dico huic vade et vadit et alio veni et venit et servo meo fac hoc et facit

vul@Luke:7:9 @ quo audito Iesus miratus est et conversus sequentibus se turbis dixit amen dico vobis nec in Israhel tantam fidem inveni

vul@Luke:7:10 @ et reversi qui missi fuerant domum invenerunt servum qui languerat sanum

vul@Luke:7:11 @ et factum est deinceps ibat in civitatem quae vocatur Naim et ibant cum illo discipuli eius et turba copiosa

vul@Luke:7:12 @ cum autem adpropinquaret portae civitatis et ecce defunctus efferebatur filius unicus matri suae et haec vidua erat et turba civitatis multa cum illa

vul@Luke:7:13 @ quam cum vidisset Dominus misericordia motus super ea dixit illi noli flere

vul@Luke:7:14 @ et accessit et tetigit loculum hii autem qui portabant steterunt et ait adulescens tibi dico surge

vul@Luke:7:15 @ et resedit qui erat mortuus et coepit loqui et dedit illum matri suae

vul@Luke:7:16 @ accepit autem omnes timor et magnificabant Deum dicentes quia propheta magnus surrexit in nobis et quia Deus visitavit plebem suam

vul@Luke:7:17 @ et exiit hic sermo in universam Iudaeam de eo et omnem circa regionem

vul@Luke:7:18 @ et nuntiaverunt Iohanni discipuli eius de omnibus his

vul@Luke:7:19 @ et convocavit duos de discipulis suis Iohannes et misit ad Dominum dicens tu es qui venturus es an alium expectamus

vul@Luke:7:20 @ cum autem venissent ad eum viri dixerunt Iohannes Baptista misit nos ad te dicens tu es qui venturus es an alium expectamus

vul@Luke:7:21 @ in ipsa autem hora curavit multos a languoribus et plagis et spiritibus malis et caecis multis donavit visum

vul@Luke:7:22 @ et respondens dixit illis euntes nuntiate Iohanni quae vidistis et audistis quia caeci vident claudi ambulant leprosi mundantur surdi audiunt mortui resurgunt pauperes evangelizantur

vul@Luke:7:23 @ et beatus est quicumque non fuerit scandalizatus in me

vul@Luke:7:24 @ et cum discessissent nuntii Iohannis coepit dicere de Iohanne ad turbas quid existis in desertum videre harundinem vento moveri

vul@Luke:7:25 @ sed quid existis videre hominem mollibus vestimentis indutum ecce qui in veste pretiosa sunt et deliciis in domibus regum sunt

vul@Luke:7:26 @ sed quid existis videre prophetam utique dico vobis et plus quam prophetam

vul@Luke:7:27 @ hic est de quo scriptum est ecce mitto angelum meum ante faciem tuam qui praeparabit viam tuam ante te

vul@Luke:7:28 @ dico enim vobis maior inter natos mulierum propheta Iohanne Baptista nemo est qui autem minor est in regno Dei maior est illo

vul@Luke:7:29 @ et omnis populus audiens et publicani iustificaverunt Deum baptizati baptismo Iohannis

vul@Luke:7:30 @ Pharisaei autem et legis periti consilium Dei spreverunt in semet ipsos non baptizati ab eo

vul@Luke:7:31 @ cui ergo similes dicam homines generationis huius et cui similes sunt

vul@Luke:7:32 @ similes sunt pueris sedentibus in foro et loquentibus ad invicem et dicentibus cantavimus vobis tibiis et non saltastis lamentavimus et non plorastis

vul@Luke:7:33 @ venit enim Iohannes Baptista neque manducans panem neque bibens vinum et dicitis daemonium habet

vul@Luke:7:34 @ venit Filius hominis manducans et bibens et dicitis ecce homo devorator et bibens vinum amicus publicanorum et peccatorum

vul@Luke:7:35 @ et iustificata est sapientia ab omnibus filiis suis

vul@Luke:7:36 @ rogabat autem illum quidam de Pharisaeis ut manducaret cum illo et ingressus domum Pharisaei discubuit

vul@Luke:7:37 @ et ecce mulier quae erat in civitate peccatrix ut cognovit quod accubuit in domo Pharisaei adtulit alabastrum unguenti

vul@Luke:7:38 @ et stans retro secus pedes eius lacrimis coepit rigare pedes eius et capillis capitis sui tergebat et osculabatur pedes eius et unguento unguebat

vul@Luke:7:39 @ videns autem Pharisaeus qui vocaverat eum ait intra se dicens hic si esset propheta sciret utique quae et qualis mulier quae tangit eum quia peccatrix est

vul@Luke:7:40 @ et respondens Iesus dixit ad illum Simon habeo tibi aliquid dicere at ille ait magister dic

vul@Luke:7:41 @ duo debitores erant cuidam feneratori unus debebat denarios quingentos alius quinquaginta

vul@Luke:7:42 @ non habentibus illis unde redderent donavit utrisque quis ergo eum plus diliget

vul@Luke:7:43 @ respondens Simon dixit aestimo quia is cui plus donavit at ille dixit ei recte iudicasti

vul@Luke:7:44 @ et conversus ad mulierem dixit Simoni vides hanc mulierem intravi in domum tuam aquam pedibus meis non dedisti haec autem lacrimis rigavit pedes meos et capillis suis tersit

vul@Luke:7:45 @ osculum mihi non dedisti haec autem ex quo intravit non cessavit osculari pedes meos

vul@Luke:7:46 @ oleo caput meum non unxisti haec autem unguento unxit pedes meos

vul@Luke:7:47 @ propter quod dico tibi remittentur ei peccata multa quoniam dilexit multum cui autem minus dimittitur minus diligit

vul@Luke:7:48 @ dixit autem ad illam remittuntur tibi peccata

vul@Luke:7:49 @ et coeperunt qui simul accumbebant dicere intra se quis est hic qui etiam peccata dimittit

vul@Luke:7:50 @ dixit autem ad mulierem fides tua te salvam fecit vade in pace

vul@Luke:8:1 @ et factum est deinceps et ipse iter faciebat per civitatem et castellum praedicans et evangelizans regnum Dei et duodecim cum illo

vul@Luke:8:2 @ et mulieres aliquae quae erant curatae ab spiritibus malignis et infirmitatibus Maria quae vocatur Magdalene de qua daemonia septem exierant

vul@Luke:8:3 @ et Iohanna uxor Chuza procuratoris Herodis et Susanna et aliae multae quae ministrabant eis de facultatibus suis

vul@Luke:8:4 @ cum autem turba plurima conveniret et de civitatibus properarent ad eum dixit per similitudinem

vul@Luke:8:5 @ exiit qui seminat seminare semen suum et dum seminat aliud cecidit secus viam et conculcatum est et volucres caeli comederunt illud

vul@Luke:8:6 @ et aliud cecidit supra petram et natum aruit quia non habebat humorem

vul@Luke:8:7 @ et aliud cecidit inter spinas et simul exortae spinae suffocaverunt illud

vul@Luke:8:8 @ et aliud cecidit in terram bonam et ortum fecit fructum centuplum haec dicens clamabat qui habet aures audiendi audiat

vul@Luke:8:9 @ interrogabant autem eum discipuli eius quae esset haec parabola

vul@Luke:8:10 @ quibus ipse dixit vobis datum est nosse mysterium regni Dei ceteris autem in parabolis ut videntes non videant et audientes non intellegant

vul@Luke:8:11 @ est autem haec parabola semen est verbum Dei

vul@Luke:8:12 @ qui autem secus viam sunt qui audiunt deinde venit diabolus et tollit verbum de corde eorum ne credentes salvi fiant

vul@Luke:8:13 @ nam qui supra petram qui cum audierint cum gaudio suscipiunt verbum et hii radices non habent qui ad tempus credunt et in tempore temptationis recedunt

vul@Luke:8:14 @ quod autem in spinis cecidit hii sunt qui audierunt et a sollicitudinibus et divitiis et voluptatibus vitae euntes suffocantur et non referunt fructum

vul@Luke:8:15 @ quod autem in bonam terram hii sunt qui in corde bono et optimo audientes verbum retinent et fructum adferunt in patientia

vul@Luke:8:16 @ nemo autem lucernam accendens operit eam vaso aut subtus lectum ponit sed supra candelabrum ponit ut intrantes videant lumen

vul@Luke:8:17 @ non enim est occultum quod non manifestetur nec absconditum quod non cognoscatur et in palam veniat

vul@Luke:8:18 @ videte ergo quomodo auditis qui enim habet dabitur illi et quicumque non habet etiam quod putat se habere auferetur ab illo

vul@Luke:8:19 @ venerunt autem ad illum mater et fratres eius et non poterant adire ad eum prae turba

vul@Luke:8:20 @ et nuntiatum est illi mater tua et fratres tui stant foris volentes te videre

vul@Luke:8:21 @ qui respondens dixit ad eos mater mea et fratres mei hii sunt qui verbum Dei audiunt et faciunt

vul@Luke:8:22 @ factum est autem in una dierum et ipse ascendit in naviculam et discipuli eius et ait ad illos transfretemus trans stagnum et ascenderunt

vul@Luke:8:23 @ navigantibus autem illis obdormiit et descendit procella venti in stagnum et conplebantur et periclitabantur

vul@Luke:8:24 @ accedentes autem suscitaverunt eum dicentes praeceptor perimus at ille surgens increpavit ventum et tempestatem aquae et cessavit et facta est tranquillitas

vul@Luke:8:25 @ dixit autem illis ubi est fides vestra qui timentes mirati sunt dicentes ad invicem quis putas hic est quia et ventis imperat et mari et oboediunt ei

vul@Luke:8:26 @ enavigaverunt autem ad regionem Gerasenorum quae est contra Galilaeam

vul@Luke:8:27 @ et cum egressus esset ad terram occurrit illi vir quidam qui habebat daemonium iam temporibus multis et vestimento non induebatur neque in domo manebat sed in monumentis

vul@Luke:8:28 @ is ut vidit Iesum procidit ante illum et exclamans voce magna dixit quid mihi et tibi est Iesu Fili Dei altissimi obsecro te ne me torqueas

vul@Luke:8:29 @ praecipiebat enim spiritui inmundo ut exiret ab homine multis enim temporibus arripiebat illum et vinciebatur catenis et conpedibus custoditus et ruptis vinculis agebatur a daemonio in deserta

vul@Luke:8:30 @ interrogavit autem illum Iesus dicens quod tibi nomen est at ille dixit Legio quia intraverunt daemonia multa in eum

vul@Luke:8:31 @ et rogabant illum ne imperaret illis ut in abyssum irent

vul@Luke:8:32 @ erat autem ibi grex porcorum multorum pascentium in monte et rogabant eum ut permitteret eos in illos ingredi et permisit illos

vul@Luke:8:33 @ exierunt ergo daemonia ab homine et intraverunt in porcos et impetu abiit grex per praeceps in stagnum et suffocatus est

vul@Luke:8:34 @ quod ut viderunt factum qui pascebant fugerunt et nuntiaverunt in civitatem et in villas

vul@Luke:8:35 @ exierunt autem videre quod factum est et venerunt ad Iesum et invenerunt hominem sedentem a quo daemonia exierant vestitum ac sana mente ad pedes eius et timuerunt

vul@Luke:8:36 @ nuntiaverunt autem illis et qui viderant quomodo sanus factus esset a Legione

vul@Luke:8:37 @ et rogaverunt illum omnis multitudo regionis Gerasenorum ut discederet ab ipsis quia timore magno tenebantur ipse autem ascendens navem reversus est

vul@Luke:8:38 @ et rogabat illum vir a quo daemonia exierant ut cum eo esset dimisit autem eum Iesus dicens

vul@Luke:8:39 @ redi domum tuam et narra quanta tibi fecit Deus et abiit per universam civitatem praedicans quanta illi fecisset Iesus

vul@Luke:8:40 @ factum est autem cum redisset Iesus excepit illum turba erant enim omnes expectantes eum

vul@Luke:8:41 @ et ecce venit vir cui nomen Iairus et ipse princeps synagogae erat et cecidit ad pedes Iesu rogans eum ut intraret in domum eius

vul@Luke:8:42 @ quia filia unica erat illi fere annorum duodecim et haec moriebatur et contigit dum iret a turbis conprimebatur

vul@Luke:8:43 @ et mulier quaedam erat in fluxu sanguinis ab annis duodecim quae in medicos erogaverat omnem substantiam suam nec ab ullo potuit curari

vul@Luke:8:44 @ accessit retro et tetigit fimbriam vestimenti eius et confestim stetit fluxus sanguinis eius

vul@Luke:8:45 @ et ait Iesus quis est qui me tetigit negantibus autem omnibus dixit Petrus et qui cum illo erant praeceptor turbae te conprimunt et adfligunt et dicis quis me tetigit

vul@Luke:8:46 @ et dixit Iesus tetigit me aliquis nam ego novi virtutem de me exisse

vul@Luke:8:47 @ videns autem mulier quia non latuit tremens venit et procidit ante pedes illius et ob quam causam tetigerit eum indicavit coram omni populo et quemadmodum confestim sanata sit

vul@Luke:8:48 @ at ipse dixit illi filia fides tua te salvam fecit vade in pace

vul@Luke:8:49 @ adhuc illo loquente venit a principe synagogae dicens ei quia mortua est filia tua noli vexare illum

vul@Luke:8:50 @ Iesus autem audito hoc verbo respondit patri puellae noli timere crede tantum et salva erit

vul@Luke:8:51 @ et cum venisset domum non permisit intrare secum quemquam nisi Petrum et Iohannem et Iacobum et patrem et matrem puellae

vul@Luke:8:52 @ flebant autem omnes et plangebant illam at ille dixit nolite flere non est mortua sed dormit

vul@Luke:8:53 @ et deridebant eum scientes quia mortua esset

vul@Luke:8:54 @ ipse autem tenens manum eius clamavit dicens puella surge

vul@Luke:8:55 @ et reversus est spiritus eius et surrexit continuo et iussit illi dari manducare

vul@Luke:8:56 @ et stupuerunt parentes eius quibus praecepit ne alicui dicerent quod factum erat

vul@Luke:9:1 @ convocatis autem duodecim apostolis dedit illis virtutem et potestatem super omnia daemonia et ut languores curarent

vul@Luke:9:2 @ et misit illos praedicare regnum Dei et sanare infirmos

vul@Luke:9:3 @ et ait ad illos nihil tuleritis in via neque virgam neque peram neque panem neque pecuniam neque duas tunicas habeatis

vul@Luke:9:4 @ et in quamcumque domum intraveritis ibi manete et inde ne exeatis

vul@Luke:9:5 @ et quicumque non receperint vos exeuntes de civitate illa etiam pulverem pedum vestrorum excutite in testimonium supra illos

vul@Luke:9:6 @ egressi autem circumibant per castella evangelizantes et curantes ubique

vul@Luke:9:7 @ audivit autem Herodes tetrarcha omnia quae fiebant ab eo et haesitabat eo quod diceretur

vul@Luke:9:8 @ a quibusdam quia Iohannes surrexit a mortuis a quibusdam vero quia Helias apparuit ab aliis autem quia propheta unus de antiquis surrexit

vul@Luke:9:9 @ et ait Herodes Iohannem ego decollavi quis autem est iste de quo audio ego talia et quaerebat videre eum

vul@Luke:9:10 @ et reversi apostoli narraverunt illi quaecumque fecerunt et adsumptis illis secessit seorsum in locum desertum qui est Bethsaida

vul@Luke:9:11 @ quod cum cognovissent turbae secutae sunt illum et excepit illos et loquebatur illis de regno Dei et eos qui cura indigebant sanabat

vul@Luke:9:12 @ dies autem coeperat declinare et accedentes duodecim dixerunt illi dimitte turbas ut euntes in castella villasque quae circa sunt devertant et inveniant escas quia hic in loco deserto sumus

vul@Luke:9:13 @ ait autem ad illos vos date illis manducare at illi dixerunt non sunt nobis plus quam quinque panes et duo pisces nisi forte nos eamus et emamus in omnem hanc turbam escas

vul@Luke:9:14 @ erant autem fere viri quinque milia ait autem ad discipulos suos facite illos discumbere per convivia quinquagenos

vul@Luke:9:15 @ et ita fecerunt et discumbere fecerunt omnes

vul@Luke:9:16 @ acceptis autem quinque panibus et duobus piscibus respexit in caelum et benedixit illis et fregit et distribuit discipulis suis ut ponerent ante turbas

vul@Luke:9:17 @ et manducaverunt omnes et saturati sunt et sublatum est quod superfuit illis fragmentorum cofini duodecim

vul@Luke:9:18 @ et factum est cum solus esset orans erant cum illo et discipuli et interrogavit illos dicens quem me dicunt esse turbae

vul@Luke:9:19 @ at illi responderunt et dixerunt Iohannem Baptistam alii autem Heliam alii quia propheta unus de prioribus surrexit

vul@Luke:9:20 @ dixit autem illis vos autem quem me esse dicitis respondens Simon Petrus dixit Christum Dei

vul@Luke:9:21 @ at ille increpans illos praecepit ne cui dicerent hoc

vul@Luke:9:22 @ dicens quia oportet Filium hominis multa pati et reprobari a senioribus et principibus sacerdotum et scribis et occidi et tertia die resurgere

vul@Luke:9:23 @ dicebat autem ad omnes si quis vult post me venire abneget se ipsum et tollat crucem suam cotidie et sequatur me

vul@Luke:9:24 @ qui enim voluerit animam suam salvam facere perdet illam nam qui perdiderit animam suam propter me salvam faciet illam

vul@Luke:9:25 @ quid enim proficit homo si lucretur universum mundum se autem ipsum perdat et detrimentum sui faciat

vul@Luke:9:26 @ nam qui me erubuerit et meos sermones hunc Filius hominis erubescet cum venerit in maiestate sua et Patris et sanctorum angelorum

vul@Luke:9:27 @ dico autem vobis vere sunt aliqui hic stantes qui non gustabunt mortem donec videant regnum Dei

vul@Luke:9:28 @ factum est autem post haec verba fere dies octo et adsumpsit Petrum et Iohannem et Iacobum et ascendit in montem ut oraret

vul@Luke:9:29 @ et factum est dum oraret species vultus eius altera et vestitus eius albus refulgens

vul@Luke:9:30 @ et ecce duo viri loquebantur cum illo erant autem Moses et Helias

vul@Luke:9:31 @ visi in maiestate et dicebant excessum eius quem conpleturus erat in Hierusalem

vul@Luke:9:32 @ Petrus vero et qui cum illo gravati erant somno et evigilantes viderunt maiestatem eius et duos viros qui stabant cum illo

vul@Luke:9:33 @ et factum est cum discederent ab illo ait Petrus ad Iesum praeceptor bonum est nos hic esse et faciamus tria tabernacula unum tibi et unum Mosi et unum Heliae nesciens quid diceret

vul@Luke:9:34 @ haec autem illo loquente facta est nubes et obumbravit eos et timuerunt intrantibus illis in nubem

vul@Luke:9:35 @ et vox facta est de nube dicens hic est Filius meus electus ipsum audite

vul@Luke:9:36 @ et dum fieret vox inventus est Iesus solus et ipsi tacuerunt et nemini dixerunt in illis diebus quicquam ex his quae viderant

vul@Luke:9:37 @ factum est autem in sequenti die descendentibus illis de monte occurrit illi turba multa

vul@Luke:9:38 @ et ecce vir de turba exclamavit dicens magister obsecro te respice in filium meum quia unicus est mihi

vul@Luke:9:39 @ et ecce spiritus adprehendit illum et subito clamat et elidit et dissipat eum cum spuma et vix discedit dilanians eum

vul@Luke:9:40 @ et rogavi discipulos tuos ut eicerent illum et non potuerunt

vul@Luke:9:41 @ respondens autem Iesus dixit o generatio infidelis et perversa usquequo ero apud vos et patiar vos adduc huc filium tuum

vul@Luke:9:42 @ et cum accederet elisit illum daemonium et dissipavit

vul@Luke:9:43 @ et increpavit Iesus spiritum inmundum et sanavit puerum et reddidit illum patri eius

vul@Luke:9:44 @ stupebant autem omnes in magnitudine Dei omnibusque mirantibus in omnibus quae faciebat dixit ad discipulos suos ponite vos in cordibus vestris sermones istos Filius enim hominis futurum est ut tradatur in manus hominum

vul@Luke:9:45 @ at illi ignorabant verbum istud et erat velatum ante eos ut non sentirent illud et timebant interrogare eum de hoc verbo

vul@Luke:9:46 @ intravit autem cogitatio in eos quis eorum maior esset

vul@Luke:9:47 @ at Iesus videns cogitationes cordis illorum adprehendens puerum statuit eum secus se

vul@Luke:9:48 @ et ait illis quicumque susceperit puerum istum in nomine meo me recipit et quicumque me recipit recipit eum qui me misit nam qui minor est inter omnes vos hic maior est

vul@Luke:9:49 @ respondens autem Iohannes dixit praeceptor vidimus quendam in nomine tuo eicientem daemonia et prohibuimus eum quia non sequitur nobiscum

vul@Luke:9:50 @ et ait ad illum Iesus nolite prohibere qui enim non est adversum vos pro vobis est

vul@Luke:9:51 @ factum est autem dum conplerentur dies adsumptionis eius et ipse faciem suam firmavit ut iret Hierusalem

vul@Luke:9:52 @ et misit nuntios ante conspectum suum et euntes intraverunt in civitatem Samaritanorum ut pararent illi

vul@Luke:9:53 @ et non receperunt eum quia facies eius erat euntis Hierusalem

vul@Luke:9:54 @ cum vidissent autem discipuli eius Iacobus et Iohannes dixerunt Domine vis dicimus ut ignis descendat de caelo et consumat illos

vul@Luke:9:55 @ et conversus increpavit illos

vul@Luke:9:56 @ et abierunt in aliud castellum

vul@Luke:9:57 @ factum est autem ambulantibus illis in via dixit quidam ad illum sequar te quocumque ieris

vul@Luke:9:58 @ et ait illi Iesus vulpes foveas habent et volucres caeli nidos Filius autem hominis non habet ubi caput reclinet

vul@Luke:9:59 @ ait autem ad alterum sequere me ille autem dixit Domine permitte mihi primum ire sepelire patrem meum

vul@Luke:9:60 @ dixitque ei Iesus sine ut mortui sepeliant mortuos suos tu autem vade adnuntia regnum Dei

vul@Luke:9:61 @ et ait alter sequar te Domine sed primum permitte mihi renuntiare his qui domi sunt

vul@Luke:9:62 @ ait ad illum Iesus nemo mittens manum suam in aratrum et aspiciens retro aptus est regno Dei

vul@Luke:10:1 @ post haec autem designavit Dominus et alios septuaginta duos et misit illos binos ante faciem suam in omnem civitatem et locum quo erat ipse venturus

vul@Luke:10:2 @ et dicebat illis messis quidem multa operarii autem pauci rogate ergo Dominum messis ut mittat operarios in messem

vul@Luke:10:3 @ ite ecce ego mitto vos sicut agnos inter lupos

vul@Luke:10:4 @ nolite portare sacculum neque peram neque calciamenta et neminem per viam salutaveritis

vul@Luke:10:5 @ in quamcumque domum intraveritis primum dicite pax huic domui

vul@Luke:10:6 @ et si ibi fuerit filius pacis requiescet super illam pax vestra sin autem ad vos revertetur

vul@Luke:10:7 @ in eadem autem domo manete edentes et bibentes quae apud illos sunt dignus enim est operarius mercede sua nolite transire de domo in domum

vul@Luke:10:8 @ et in quamcumque civitatem intraveritis et susceperint vos manducate quae adponuntur vobis

vul@Luke:10:9 @ et curate infirmos qui in illa sunt et dicite illis adpropinquavit in vos regnum Dei

vul@Luke:10:10 @ in quamcumque civitatem intraveritis et non receperint vos exeuntes in plateas eius dicite

vul@Luke:10:11 @ etiam pulverem qui adhesit nobis de civitate vestra extergimus in vos tamen hoc scitote quia adpropinquavit regnum Dei

vul@Luke:10:12 @ dico vobis quia Sodomis in die illa remissius erit quam illi civitati

vul@Luke:10:13 @ vae tibi Corazain vae tibi Bethsaida quia si in Tyro et Sidone factae fuissent virtutes quae in vobis factae sunt olim in cilicio et cinere sedentes paeniterent

vul@Luke:10:14 @ verumtamen Tyro et Sidoni remissius erit in iudicio quam vobis

vul@Luke:10:15 @ et tu Capharnaum usque in caelum exaltata usque ad infernum demergeris

vul@Luke:10:16 @ qui vos audit me audit et qui vos spernit me spernit qui autem me spernit spernit eum qui me misit

vul@Luke:10:17 @ reversi sunt autem septuaginta duo cum gaudio dicentes Domine etiam daemonia subiciuntur nobis in nomine tuo

vul@Luke:10:18 @ et ait illis videbam Satanan sicut fulgur de caelo cadentem

vul@Luke:10:19 @ ecce dedi vobis potestatem calcandi supra serpentes et scorpiones et supra omnem virtutem inimici et nihil vobis nocebit

vul@Luke:10:20 @ verumtamen in hoc nolite gaudere quia spiritus vobis subiciuntur gaudete autem quod nomina vestra scripta sunt in caelis

vul@Luke:10:21 @ in ipsa hora exultavit Spiritu Sancto et dixit confiteor tibi Pater Domine caeli et terrae quod abscondisti haec a sapientibus et prudentibus et revelasti ea parvulis etiam Pater quia sic placuit ante te

vul@Luke:10:22 @ omnia mihi tradita sunt a Patre meo et nemo scit qui sit Filius nisi Pater et qui sit Pater nisi Filius et cui voluerit Filius revelare

vul@Luke:10:23 @ et conversus ad discipulos suos dixit beati oculi qui vident quae videtis

vul@Luke:10:24 @ dico enim vobis quod multi prophetae et reges voluerunt videre quae vos videtis et non viderunt et audire quae auditis et non audierunt

vul@Luke:10:25 @ et ecce quidam legis peritus surrexit temptans illum et dicens magister quid faciendo vitam aeternam possidebo

vul@Luke:10:26 @ at ille dixit ad eum in lege quid scriptum est quomodo legis

vul@Luke:10:27 @ ille respondens dixit diliges Dominum Deum tuum ex toto corde tuo et ex tota anima tua et ex omnibus viribus tuis et ex omni mente tua et proximum tuum sicut te ipsum

vul@Luke:10:28 @ dixitque illi recte respondisti hoc fac et vives

vul@Luke:10:29 @ ille autem volens iustificare se ipsum dixit ad Iesum et quis est meus proximus

vul@Luke:10:30 @ suscipiens autem Iesus dixit homo quidam descendebat ab Hierusalem in Hiericho et incidit in latrones qui etiam despoliaverunt eum et plagis inpositis abierunt semivivo relicto

vul@Luke:10:31 @ accidit autem ut sacerdos quidam descenderet eadem via et viso illo praeterivit

vul@Luke:10:32 @ similiter et Levita cum esset secus locum et videret eum pertransiit

vul@Luke:10:33 @ Samaritanus autem quidam iter faciens venit secus eum et videns eum misericordia motus est

vul@Luke:10:34 @ et adpropians alligavit vulnera eius infundens oleum et vinum et inponens illum in iumentum suum duxit in stabulum et curam eius egit

vul@Luke:10:35 @ et altera die protulit duos denarios et dedit stabulario et ait curam illius habe et quodcumque supererogaveris ego cum rediero reddam tibi

vul@Luke:10:36 @ quis horum trium videtur tibi proximus fuisse illi qui incidit in latrones

vul@Luke:10:37 @ at ille dixit qui fecit misericordiam in illum et ait illi Iesus vade et tu fac similiter

vul@Luke:10:38 @ factum est autem dum irent et ipse intravit in quoddam castellum et mulier quaedam Martha nomine excepit illum in domum suam

vul@Luke:10:39 @ et huic erat soror nomine Maria quae etiam sedens secus pedes Domini audiebat verbum illius

vul@Luke:10:40 @ Martha autem satagebat circa frequens ministerium quae stetit et ait Domine non est tibi curae quod soror mea reliquit me solam ministrare dic ergo illi ut me adiuvet

vul@Luke:10:41 @ et respondens dixit illi Dominus Martha Martha sollicita es et turbaris erga plurima

vul@Luke:10:42 @ porro unum est necessarium Maria optimam partem elegit quae non auferetur ab ea

vul@Luke:11:1 @ et factum est cum esset in loco quodam orans ut cessavit dixit unus ex discipulis eius ad eum Domine doce nos orare sicut et Iohannes docuit discipulos suos

vul@Luke:11:2 @ et ait illis cum oratis dicite Pater sanctificetur nomen tuum adveniat regnum tuum

vul@Luke:11:3 @ panem nostrum cotidianum da nobis cotidie

vul@Luke:11:4 @ et dimitte nobis peccata nostra siquidem et ipsi dimittimus omni debenti nobis et ne nos inducas in temptationem

vul@Luke:11:5 @ et ait ad illos quis vestrum habebit amicum et ibit ad illum media nocte et dicit illi amice commoda mihi tres panes

vul@Luke:11:6 @ quoniam amicus meus venit de via ad me et non habeo quod ponam ante illum

vul@Luke:11:7 @ et ille de intus respondens dicat noli mihi molestus esse iam ostium clausum est et pueri mei mecum sunt in cubili non possum surgere et dare tibi

vul@Luke:11:8 @ dico vobis et si non dabit illi surgens eo quod amicus eius sit propter inprobitatem tamen eius surget et dabit illi quotquot habet necessarios

vul@Luke:11:9 @ et ego vobis dico petite et dabitur vobis quaerite et invenietis pulsate et aperietur vobis

vul@Luke:11:10 @ omnis enim qui petit accipit et qui quaerit invenit et pulsanti aperietur

vul@Luke:11:11 @ quis autem ex vobis patrem petet panem numquid lapidem dabit illi aut piscem numquid pro pisce serpentem dabit illi

vul@Luke:11:12 @ aut si petierit ovum numquid porriget illi scorpionem

vul@Luke:11:13 @ si ergo vos cum sitis mali nostis bona data dare filiis vestris quanto magis Pater vester de caelo dabit spiritum bonum petentibus se

vul@Luke:11:14 @ et erat eiciens daemonium et illud erat mutum et cum eiecisset daemonium locutus est mutus et admiratae sunt turbae

vul@Luke:11:15 @ quidam autem ex eis dixerunt in Beelzebub principe daemoniorum eicit daemonia

vul@Luke:11:16 @ et alii temptantes signum de caelo quaerebant ab eo

vul@Luke:11:17 @ ipse autem ut vidit cogitationes eorum dixit eis omne regnum in se ipsum divisum desolatur et domus supra domum cadet

vul@Luke:11:18 @ si autem et Satanas in se ipsum divisus est quomodo stabit regnum ipsius quia dicitis in Beelzebub eicere me daemonia

vul@Luke:11:19 @ si autem ego in Beelzebub eicio daemonia filii vestri in quo eiciunt ideo ipsi iudices vestri erunt

vul@Luke:11:20 @ porro si in digito Dei eicio daemonia profecto praevenit in vos regnum Dei

vul@Luke:11:21 @ cum fortis armatus custodit atrium suum in pace sunt ea quae possidet

vul@Luke:11:22 @ si autem fortior illo superveniens vicerit eum universa arma eius aufert in quibus confidebat et spolia eius distribuit

vul@Luke:11:23 @ qui non est mecum adversum me est et qui non colligit mecum dispergit

vul@Luke:11:24 @ cum inmundus spiritus exierit de homine perambulat per loca inaquosa quaerens requiem et non inveniens dicit revertar in domum meam unde exivi

vul@Luke:11:25 @ et cum venerit invenit scopis mundatam

vul@Luke:11:26 @ et tunc vadit et adsumit septem alios spiritus nequiores se et ingressi habitant ibi et sunt novissima hominis illius peiora prioribus

vul@Luke:11:27 @ factum est autem cum haec diceret extollens vocem quaedam mulier de turba dixit illi beatus venter qui te portavit et ubera quae suxisti

vul@Luke:11:28 @ at ille dixit quippini beati qui audiunt verbum Dei et custodiunt

vul@Luke:11:29 @ turbis autem concurrentibus coepit dicere generatio haec generatio nequam est signum quaerit et signum non dabitur illi nisi signum Ionae

vul@Luke:11:30 @ nam sicut Ionas fuit signum Ninevitis ita erit et Filius hominis generationi isti

vul@Luke:11:31 @ regina austri surget in iudicio cum viris generationis huius et condemnabit illos quia venit a finibus terrae audire sapientiam Salomonis et ecce plus Salomone hic

vul@Luke:11:32 @ viri ninevitae surgent in iudicio cum generatione hac et condemnabunt illam quia paenitentiam egerunt ad praedicationem Ionae et ecce plus Iona hic

vul@Luke:11:33 @ nemo lucernam accendit et in abscondito ponit neque sub modio sed supra candelabrum ut qui ingrediuntur lumen videant

vul@Luke:11:34 @ lucerna corporis tui est oculus tuus si oculus tuus fuerit simplex totum corpus tuum lucidum erit si autem nequam fuerit etiam corpus tuum tenebrosum erit

vul@Luke:11:35 @ vide ergo ne lumen quod in te est tenebrae sint

vul@Luke:11:36 @ si ergo corpus tuum totum lucidum fuerit non habens aliquam partem tenebrarum erit lucidum totum et sicut lucerna fulgoris inluminabit te

vul@Luke:11:37 @ et cum loqueretur rogavit illum quidam Pharisaeus ut pranderet apud se et ingressus recubuit

vul@Luke:11:38 @ Pharisaeus autem coepit intra se reputans dicere quare non baptizatus esset ante prandium

vul@Luke:11:39 @ et ait Dominus ad illum nunc vos Pharisaei quod de foris est calicis et catini mundatis quod autem intus est vestrum plenum est rapina et iniquitate

vul@Luke:11:40 @ stulti nonne qui fecit quod de foris est etiam id quod de intus est fecit

vul@Luke:11:41 @ verumtamen quod superest date elemosynam et ecce omnia munda sunt vobis

vul@Luke:11:42 @ sed vae vobis Pharisaeis quia decimatis mentam et rutam et omne holus et praeteritis iudicium et caritatem Dei haec autem oportuit facere et illa non omittere

vul@Luke:11:43 @ vae vobis Pharisaeis quia diligitis primas cathedras in synagogis et salutationes in foro

vul@Luke:11:44 @ vae vobis quia estis ut monumenta quae non parent et homines ambulantes supra nesciunt

vul@Luke:11:45 @ respondens autem quidam ex legis peritis ait illi magister haec dicens etiam nobis contumeliam facis

vul@Luke:11:46 @ at ille ait et vobis legis peritis vae quia oneratis homines oneribus quae portari non possunt et ipsi uno digito vestro non tangitis sarcinas

vul@Luke:11:47 @ vae vobis quia aedificatis monumenta prophetarum patres autem vestri occiderunt illos

vul@Luke:11:48 @ profecto testificamini quod consentitis operibus patrum vestrorum quoniam quidem ipsi eos occiderunt vos autem aedificatis eorum sepulchra

vul@Luke:11:49 @ propterea et sapientia Dei dixit mittam ad illos prophetas et apostolos et ex illis occident et persequentur

vul@Luke:11:50 @ ut inquiratur sanguis omnium prophetarum qui effusus est a constitutione mundi a generatione ista

vul@Luke:11:51 @ a sanguine Abel usque ad sanguinem Zacchariae qui periit inter altare et aedem ita dico vobis requiretur ab hac generatione

vul@Luke:11:52 @ vae vobis legis peritis quia tulistis clavem scientiae ipsi non introistis et eos qui introibant prohibuistis

vul@Luke:11:53 @ cum haec ad illos diceret coeperunt Pharisaei et legis periti graviter insistere et os eius opprimere de multis

vul@Luke:11:54 @ insidiantes et quaerentes capere aliquid ex ore eius ut accusarent eum

vul@Luke:12:1 @ multis autem turbis circumstantibus ita ut se invicem conculcarent coepit dicere ad discipulos suos adtendite a fermento Pharisaeorum quae est hypocrisis

vul@Luke:12:2 @ nihil autem opertum est quod non reveletur neque absconditum quod non sciatur

vul@Luke:12:3 @ quoniam quae in tenebris dixistis in lumine dicentur et quod in aurem locuti estis in cubiculis praedicabitur in tectis

vul@Luke:12:4 @ dico autem vobis amicis meis ne terreamini ab his qui occidunt corpus et post haec non habent amplius quod faciant

vul@Luke:12:5 @ ostendam autem vobis quem timeatis timete eum qui postquam occiderit habet potestatem mittere in gehennam ita dico vobis hunc timete

vul@Luke:12:6 @ nonne quinque passeres veneunt dipundio et unus ex illis non est in oblivione coram Deo

vul@Luke:12:7 @ sed et capilli capitis vestri omnes numerati sunt nolite ergo timere multis passeribus pluris estis

vul@Luke:12:8 @ dico autem vobis omnis quicumque confessus fuerit in me coram hominibus et Filius hominis confitebitur in illo coram angelis Dei

vul@Luke:12:9 @ qui autem negaverit me coram hominibus denegabitur coram angelis Dei

vul@Luke:12:10 @ et omnis qui dicit verbum in Filium hominis remittetur illi ei autem qui in Spiritum Sanctum blasphemaverit non remittetur

vul@Luke:12:11 @ cum autem inducent vos in synagogas et ad magistratus et potestates nolite solliciti esse qualiter aut quid respondeatis aut quid dicatis

vul@Luke:12:12 @ Spiritus enim Sanctus docebit vos in ipsa hora quae oporteat dicere

vul@Luke:12:13 @ ait autem quidam ei de turba magister dic fratri meo ut dividat mecum hereditatem

vul@Luke:12:14 @ at ille dixit ei homo quis me constituit iudicem aut divisorem super vos

vul@Luke:12:15 @ dixitque ad illos videte et cavete ab omni avaritia quia non in abundantia cuiusquam vita eius est ex his quae possidet

vul@Luke:12:16 @ dixit autem similitudinem ad illos dicens hominis cuiusdam divitis uberes fructus ager adtulit

vul@Luke:12:17 @ et cogitabat intra se dicens quid faciam quod non habeo quo congregem fructus meos

vul@Luke:12:18 @ et dixit hoc faciam destruam horrea mea et maiora faciam et illuc congregabo omnia quae nata sunt mihi et bona mea

vul@Luke:12:19 @ et dicam animae meae anima habes multa bona posita in annos plurimos requiesce comede bibe epulare

vul@Luke:12:20 @ dixit autem illi Deus stulte hac nocte animam tuam repetunt a te quae autem parasti cuius erunt

vul@Luke:12:21 @ sic est qui sibi thesaurizat et non est in Deum dives

vul@Luke:12:22 @ dixitque ad discipulos suos ideo dico vobis nolite solliciti esse animae quid manducetis neque corpori quid vestiamini

vul@Luke:12:23 @ anima plus est quam esca et corpus quam vestimentum

vul@Luke:12:24 @ considerate corvos quia non seminant neque metunt quibus non est cellarium neque horreum et Deus pascit illos quanto magis vos pluris estis illis

vul@Luke:12:25 @ quis autem vestrum cogitando potest adicere ad staturam suam cubitum unum

vul@Luke:12:26 @ si ergo neque quod minimum est potestis quid de ceteris solliciti estis

vul@Luke:12:27 @ considerate lilia quomodo crescunt non laborant non nent dico autem vobis nec Salomon in omni gloria sua vestiebatur sicut unum ex istis

vul@Luke:12:28 @ si autem faenum quod hodie in agro est et cras in clibanum mittitur Deus sic vestit quanto magis vos pusillae fidei

vul@Luke:12:29 @ et vos nolite quaerere quid manducetis aut quid bibatis et nolite in sublime tolli

vul@Luke:12:30 @ haec enim omnia gentes mundi quaerunt Pater autem vester scit quoniam his indigetis

vul@Luke:12:31 @ verumtamen quaerite regnum Dei et haec omnia adicientur vobis

vul@Luke:12:32 @ nolite timere pusillus grex quia conplacuit Patri vestro dare vobis regnum

vul@Luke:12:33 @ vendite quae possidetis et date elemosynam facite vobis sacculos qui non veterescunt thesaurum non deficientem in caelis quo fur non adpropiat neque tinea corrumpit

vul@Luke:12:34 @ ubi enim thesaurus vester est ibi et cor vestrum erit

vul@Luke:12:35 @ sint lumbi vestri praecincti et lucernae ardentes

vul@Luke:12:36 @ et vos similes hominibus expectantibus dominum suum quando revertatur a nuptiis ut cum venerit et pulsaverit confestim aperiant ei

vul@Luke:12:37 @ beati servi illi quos cum venerit dominus invenerit vigilantes amen dico vobis quod praecinget se et faciet illos discumbere et transiens ministrabit illis

vul@Luke:12:38 @ et si venerit in secunda vigilia et si in tertia vigilia venerit et ita invenerit beati sunt servi illi

vul@Luke:12:39 @ hoc autem scitote quia si sciret pater familias qua hora fur veniret vigilaret utique et non sineret perfodiri domum suam

vul@Luke:12:40 @ et vos estote parati quia qua hora non putatis Filius hominis venit

vul@Luke:12:41 @ ait autem ei Petrus Domine ad nos dicis hanc parabolam an et ad omnes

vul@Luke:12:42 @ dixit autem Dominus quis putas est fidelis dispensator et prudens quem constituet dominus super familiam suam ut det illis in tempore tritici mensuram

vul@Luke:12:43 @ beatus ille servus quem cum venerit dominus invenerit ita facientem

vul@Luke:12:44 @ vere dico vobis quia supra omnia quae possidet constituet illum

vul@Luke:12:45 @ quod si dixerit servus ille in corde suo moram facit dominus meus venire et coeperit percutere pueros et ancillas et edere et bibere et inebriari

vul@Luke:12:46 @ veniet dominus servi illius in die qua non sperat et hora qua nescit et dividet eum partemque eius cum infidelibus ponet

vul@Luke:12:47 @ ille autem servus qui cognovit voluntatem domini sui et non praeparavit et non fecit secundum voluntatem eius vapulabit multas

vul@Luke:12:48 @ qui autem non cognovit et fecit digna plagis vapulabit paucis omni autem cui multum datum est multum quaeretur ab eo et cui commendaverunt multum plus petent ab eo

vul@Luke:12:49 @ ignem veni mittere in terram et quid volo si accendatur

vul@Luke:12:50 @ baptisma autem habeo baptizari et quomodo coartor usque dum perficiatur

vul@Luke:12:51 @ putatis quia pacem veni dare in terram non dico vobis sed separationem

vul@Luke:12:52 @ erunt enim ex hoc quinque in domo una divisi tres in duo et duo in tres

vul@Luke:12:53 @ dividentur pater in filium et filius in patrem suum mater in filiam et filia in matrem socrus in nurum suam et nurus in socrum suam

vul@Luke:12:54 @ dicebat autem et ad turbas cum videritis nubem orientem ab occasu statim dicitis nimbus venit et ita fit

vul@Luke:12:55 @ et cum austrum flantem dicitis quia aestus erit et fit

vul@Luke:12:56 @ hypocritae faciem terrae et caeli nostis probare hoc autem tempus quomodo non probatis

vul@Luke:12:57 @ quid autem et a vobis ipsis non iudicatis quod iustum est

vul@Luke:12:58 @ cum autem vadis cum adversario tuo ad principem in via da operam liberari ab illo ne forte trahat te apud iudicem et iudex tradat te exactori et exactor mittat te in carcerem

vul@Luke:12:59 @ dico tibi non exies inde donec etiam novissimum minutum reddas

vul@Luke:13:1 @ aderant autem quidam ipso in tempore nuntiantes illi de Galilaeis quorum sanguinem Pilatus miscuit cum sacrificiis eorum

vul@Luke:13:2 @ et respondens dixit illis putatis quod hii Galilaei prae omnibus Galilaeis peccatores fuerunt quia talia passi sunt

vul@Luke:13:3 @ non dico vobis sed nisi paenitentiam habueritis omnes similiter peribitis

vul@Luke:13:4 @ sicut illi decem et octo supra quos cecidit turris in Siloam et occidit eos putatis quia et ipsi debitores fuerunt praeter omnes homines habitantes in Hierusalem

vul@Luke:13:5 @ non dico vobis sed si non paenitentiam egeritis omnes similiter peribitis

vul@Luke:13:6 @ dicebat autem hanc similitudinem arborem fici habebat quidam plantatam in vinea sua et venit quaerens fructum in illa et non invenit

vul@Luke:13:7 @ dixit autem ad cultorem vineae ecce anni tres sunt ex quo venio quaerens fructum in ficulnea hac et non invenio succide ergo illam ut quid etiam terram occupat

vul@Luke:13:8 @ at ille respondens dixit illi domine dimitte illam et hoc anno usque dum fodiam circa illam et mittam stercora

vul@Luke:13:9 @ et si quidem fecerit fructum sin autem in futurum succides eam

vul@Luke:13:10 @ erat autem docens in synagoga eorum sabbatis

vul@Luke:13:11 @ et ecce mulier quae habebat spiritum infirmitatis annis decem et octo et erat inclinata nec omnino poterat sursum respicere

vul@Luke:13:12 @ quam cum videret Iesus vocavit ad se et ait illi mulier dimissa es ab infirmitate tua

vul@Luke:13:13 @ et inposuit illi manus et confestim erecta est et glorificabat Deum

vul@Luke:13:14 @ respondens autem archisynagogus indignans quia sabbato curasset Iesus dicebat turbae sex dies sunt in quibus oportet operari in his ergo venite et curamini et non in die sabbati

vul@Luke:13:15 @ respondit autem ad illum Dominus et dixit hypocritae unusquisque vestrum sabbato non solvit bovem suum aut asinum a praesepio et ducit adaquare

vul@Luke:13:16 @ hanc autem filiam Abrahae quam alligavit Satanas ecce decem et octo annis non oportuit solvi a vinculo isto die sabbati

vul@Luke:13:17 @ et cum haec diceret erubescebant omnes adversarii eius et omnis populus gaudebat in universis quae gloriose fiebant ab eo

vul@Luke:13:18 @ dicebat ergo cui simile est regnum Dei et cui simile esse existimabo illud

vul@Luke:13:19 @ simile est grano sinapis quod acceptum homo misit in hortum suum et crevit et factum est in arborem magnam et volucres caeli requieverunt in ramis eius

vul@Luke:13:20 @ et iterum dixit cui simile aestimabo regnum Dei

vul@Luke:13:21 @ simile est fermento quod acceptum mulier abscondit in farinae sata tria donec fermentaretur totum

vul@Luke:13:22 @ et ibat per civitates et castella docens et iter faciens in Hierusalem

vul@Luke:13:23 @ ait autem illi quidam Domine si pauci sunt qui salvantur ipse autem dixit ad illos

vul@Luke:13:24 @ contendite intrare per angustam portam quia multi dico vobis quaerunt intrare et non poterunt

vul@Luke:13:25 @ cum autem intraverit pater familias et cluserit ostium et incipietis foris stare et pulsare ostium dicentes Domine aperi nobis et respondens dicet vobis nescio vos unde sitis

vul@Luke:13:26 @ tunc incipietis dicere manducavimus coram te et bibimus et in plateis nostris docuisti

vul@Luke:13:27 @ et dicet vobis nescio vos unde sitis discedite a me omnes operarii iniquitatis

vul@Luke:13:28 @ ibi erit fletus et stridor dentium cum videritis Abraham et Isaac et Iacob et omnes prophetas in regno Dei vos autem expelli foras

vul@Luke:13:29 @ et venient ab oriente et occidente et aquilone et austro et accumbent in regno Dei

vul@Luke:13:30 @ et ecce sunt novissimi qui erunt primi et sunt primi qui erunt novissimi

vul@Luke:13:31 @ in ipsa die accesserunt quidam Pharisaeorum dicentes illi exi et vade hinc quia Herodes vult te occidere

vul@Luke:13:32 @ et ait illis ite dicite vulpi illi ecce eicio daemonia et sanitates perficio hodie et cras et tertia consummor

vul@Luke:13:33 @ verumtamen oportet me hodie et cras et sequenti ambulare quia non capit prophetam perire extra Hierusalem

vul@Luke:13:34 @ Hierusalem Hierusalem quae occidis prophetas et lapidas eos qui mittuntur ad te quotiens volui congregare filios tuos quemadmodum avis nidum suum sub pinnis et noluisti

vul@Luke:13:35 @ ecce relinquitur vobis domus vestra dico autem vobis quia non videbitis me donec veniat cum dicetis benedictus qui venit in nomine Domini

vul@Luke:14:1 @ et factum est cum intraret in domum cuiusdam principis Pharisaeorum sabbato manducare panem et ipsi observabant eum

vul@Luke:14:2 @ et ecce homo quidam hydropicus erat ante illum

vul@Luke:14:3 @ et respondens Iesus dixit ad legis peritos et Pharisaeos dicens si licet sabbato curare

vul@Luke:14:4 @ at illi tacuerunt ipse vero adprehensum sanavit eum ac dimisit

vul@Luke:14:5 @ et respondens ad illos dixit cuius vestrum asinus aut bos in puteum cadet et non continuo extrahet illum die sabbati

vul@Luke:14:6 @ et non poterant ad haec respondere illi

vul@Luke:14:7 @ dicebat autem et ad invitatos parabolam intendens quomodo primos accubitus eligerent dicens ad illos

vul@Luke:14:8 @ cum invitatus fueris ad nuptias non discumbas in primo loco ne forte honoratior te sit invitatus ab eo

vul@Luke:14:9 @ et veniens is qui te et illum vocavit dicat tibi da huic locum et tunc incipias cum rubore novissimum locum tenere

vul@Luke:14:10 @ sed cum vocatus fueris vade recumbe in novissimo loco ut cum venerit qui te invitavit dicat tibi amice ascende superius tunc erit tibi gloria coram simul discumbentibus

vul@Luke:14:11 @ quia omnis qui se exaltat humiliabitur et qui se humiliat exaltabitur

vul@Luke:14:12 @ dicebat autem et ei qui se invitaverat cum facis prandium aut cenam noli vocare amicos tuos neque fratres tuos neque cognatos neque vicinos divites ne forte et ipsi te reinvitent et fiat tibi retributio

vul@Luke:14:13 @ sed cum facis convivium voca pauperes debiles claudos caecos

vul@Luke:14:14 @ et beatus eris quia non habent retribuere tibi retribuetur enim tibi in resurrectione iustorum

vul@Luke:14:15 @ haec cum audisset quidam de simul discumbentibus dixit illi beatus qui manducabit panem in regno Dei

vul@Luke:14:16 @ at ipse dixit ei homo quidam fecit cenam magnam et vocavit multos

vul@Luke:14:17 @ et misit servum suum hora cenae dicere invitatis ut venirent quia iam parata sunt omnia

vul@Luke:14:18 @ et coeperunt simul omnes excusare primus dixit ei villam emi et necesse habeo exire et videre illam rogo te habe me excusatum

vul@Luke:14:19 @ et alter dixit iuga boum emi quinque et eo probare illa rogo te habe me excusatum

vul@Luke:14:20 @ et alius dixit uxorem duxi et ideo non possum venire

vul@Luke:14:21 @ et reversus servus nuntiavit haec domino suo tunc iratus pater familias dixit servo suo exi cito in plateas et vicos civitatis et pauperes ac debiles et caecos et claudos introduc huc

vul@Luke:14:22 @ et ait servus domine factum est ut imperasti et adhuc locus est

vul@Luke:14:23 @ et ait dominus servo exi in vias et sepes et conpelle intrare ut impleatur domus mea

vul@Luke:14:24 @ dico autem vobis quod nemo virorum illorum qui vocati sunt gustabit cenam meam

vul@Luke:14:25 @ ibant autem turbae multae cum eo et conversus dixit ad illos

vul@Luke:14:26 @ si quis venit ad me et non odit patrem suum et matrem et uxorem et filios et fratres et sorores adhuc autem et animam suam non potest esse meus discipulus

vul@Luke:14:27 @ et qui non baiulat crucem suam et venit post me non potest esse meus discipulus

vul@Luke:14:28 @ quis enim ex vobis volens turrem aedificare non prius sedens conputat sumptus qui necessarii sunt si habet ad perficiendum

vul@Luke:14:29 @ ne posteaquam posuerit fundamentum et non potuerit perficere omnes qui vident incipiant inludere ei

vul@Luke:14:30 @ dicentes quia hic homo coepit aedificare et non potuit consummare

vul@Luke:14:31 @ aut qui rex iturus committere bellum adversus alium regem non sedens prius cogitat si possit cum decem milibus occurrere ei qui cum viginti milibus venit ad se

vul@Luke:14:32 @ alioquin adhuc illo longe agente legationem mittens rogat ea quae pacis sunt

vul@Luke:14:33 @ sic ergo omnis ex vobis qui non renuntiat omnibus quae possidet non potest meus esse discipulus

vul@Luke:14:34 @ bonum est sal si autem sal quoque evanuerit in quo condietur

vul@Luke:14:35 @ neque in terram neque in sterquilinium utile est sed foras mittetur qui habet aures audiendi audiat

vul@Luke:15:1 @ erant autem adpropinquantes ei publicani et peccatores ut audirent illum

vul@Luke:15:2 @ et murmurabant Pharisaei et scribae dicentes quia hic peccatores recipit et manducat cum illis

vul@Luke:15:3 @ et ait ad illos parabolam istam dicens

vul@Luke:15:4 @ quis ex vobis homo qui habet centum oves et si perdiderit unam ex illis nonne dimittit nonaginta novem in deserto et vadit ad illam quae perierat donec inveniat illam

vul@Luke:15:5 @ et cum invenerit eam inponit in umeros suos gaudens

vul@Luke:15:6 @ et veniens domum convocat amicos et vicinos dicens illis congratulamini mihi quia inveni ovem meam quae perierat

vul@Luke:15:7 @ dico vobis quod ita gaudium erit in caelo super uno peccatore paenitentiam habente quam super nonaginta novem iustis qui non indigent paenitentia

vul@Luke:15:8 @ aut quae mulier habens dragmas decem si perdiderit dragmam unam nonne accendit lucernam et everrit domum et quaerit diligenter donec inveniat

vul@Luke:15:9 @ et cum invenerit convocat amicas et vicinas dicens congratulamini mihi quia inveni dragmam quam perdideram

vul@Luke:15:10 @ ita dico vobis gaudium erit coram angelis Dei super uno peccatore paenitentiam agente

vul@Luke:15:11 @ ait autem homo quidam habuit duos filios

vul@Luke:15:12 @ et dixit adulescentior ex illis patri pater da mihi portionem substantiae quae me contingit et divisit illis substantiam

vul@Luke:15:13 @ et non post multos dies congregatis omnibus adulescentior filius peregre profectus est in regionem longinquam et ibi dissipavit substantiam suam vivendo luxuriose

vul@Luke:15:14 @ et postquam omnia consummasset facta est fames valida in regione illa et ipse coepit egere

vul@Luke:15:15 @ et abiit et adhesit uni civium regionis illius et misit illum in villam suam ut pasceret porcos

vul@Luke:15:16 @ et cupiebat implere ventrem suum de siliquis quas porci manducabant et nemo illi dabat

vul@Luke:15:17 @ in se autem reversus dixit quanti mercennarii patris mei abundant panibus ego autem hic fame pereo

vul@Luke:15:18 @ surgam et ibo ad patrem meum et dicam illi pater peccavi in caelum et coram te

vul@Luke:15:19 @ et iam non sum dignus vocari filius tuus fac me sicut unum de mercennariis tuis

vul@Luke:15:20 @ et surgens venit ad patrem suum cum autem adhuc longe esset vidit illum pater ipsius et misericordia motus est et adcurrens cecidit supra collum eius et osculatus est illum

vul@Luke:15:21 @ dixitque ei filius pater peccavi in caelum et coram te iam non sum dignus vocari filius tuus

vul@Luke:15:22 @ dixit autem pater ad servos suos cito proferte stolam primam et induite illum et date anulum in manum eius et calciamenta in pedes

vul@Luke:15:23 @ et adducite vitulum saginatum et occidite et manducemus et epulemur

vul@Luke:15:24 @ quia hic filius meus mortuus erat et revixit perierat et inventus est et coeperunt epulari

vul@Luke:15:25 @ erat autem filius eius senior in agro et cum veniret et adpropinquaret domui audivit symphoniam et chorum

vul@Luke:15:26 @ et vocavit unum de servis et interrogavit quae haec essent

vul@Luke:15:27 @ isque dixit illi frater tuus venit et occidit pater tuus vitulum saginatum quia salvum illum recepit

vul@Luke:15:28 @ indignatus est autem et nolebat introire pater ergo illius egressus coepit rogare illum

vul@Luke:15:29 @ at ille respondens dixit patri suo ecce tot annis servio tibi et numquam mandatum tuum praeterii et numquam dedisti mihi hedum ut cum amicis meis epularer

vul@Luke:15:30 @ sed postquam filius tuus hic qui devoravit substantiam suam cum meretricibus venit occidisti illi vitulum saginatum

vul@Luke:15:31 @ at ipse dixit illi fili tu semper mecum es et omnia mea tua sunt

vul@Luke:15:32 @ epulari autem et gaudere oportebat quia frater tuus hic mortuus erat et revixit perierat et inventus est

vul@Luke:16:1 @ dicebat autem et ad discipulos suos homo quidam erat dives qui habebat vilicum et hic diffamatus est apud illum quasi dissipasset bona ipsius

vul@Luke:16:2 @ et vocavit illum et ait illi quid hoc audio de te redde rationem vilicationis tuae iam enim non poteris vilicare

vul@Luke:16:3 @ ait autem vilicus intra se quid faciam quia dominus meus aufert a me vilicationem fodere non valeo mendicare erubesco

vul@Luke:16:4 @ scio quid faciam ut cum amotus fuero a vilicatione recipiant me in domos suas

vul@Luke:16:5 @ convocatis itaque singulis debitoribus domini sui dicebat primo quantum debes domino meo

vul@Luke:16:6 @ at ille dixit centum cados olei dixitque illi accipe cautionem tuam et sede cito scribe quinquaginta

vul@Luke:16:7 @ deinde alio dixit tu vero quantum debes qui ait centum choros tritici ait illi accipe litteras tuas et scribe octoginta

vul@Luke:16:8 @ et laudavit dominus vilicum iniquitatis quia prudenter fecisset quia filii huius saeculi prudentiores filiis lucis in generatione sua sunt

vul@Luke:16:9 @ et ego vobis dico facite vobis amicos de mamona iniquitatis ut cum defeceritis recipiant vos in aeterna tabernacula

vul@Luke:16:10 @ qui fidelis est in minimo et in maiori fidelis est et qui in modico iniquus est et in maiori iniquus est

vul@Luke:16:11 @ si ergo in iniquo mamona fideles non fuistis quod verum est quis credet vobis

vul@Luke:16:12 @ et si in alieno fideles non fuistis quod vestrum est quis dabit vobis

vul@Luke:16:13 @ nemo servus potest duobus dominis servire aut enim unum odiet et alterum diliget aut uni adherebit et alterum contemnet non potestis Deo servire et mamonae

vul@Luke:16:14 @ audiebant autem omnia haec Pharisaei qui erant avari et deridebant illum

vul@Luke:16:15 @ et ait illis vos estis qui iustificatis vos coram hominibus Deus autem novit corda vestra quia quod hominibus altum est abominatio est ante Deum

vul@Luke:16:16 @ lex et prophetae usque ad Iohannem ex eo regnum Dei evangelizatur et omnis in illud vim facit

vul@Luke:16:17 @ facilius est autem caelum et terram praeterire quam de lege unum apicem cadere

vul@Luke:16:18 @ omnis qui dimittit uxorem suam et ducit alteram moechatur et qui dimissam a viro ducit moechatur

vul@Luke:16:19 @ homo quidam erat dives et induebatur purpura et bysso et epulabatur cotidie splendide

vul@Luke:16:20 @ et erat quidam mendicus nomine Lazarus qui iacebat ad ianuam eius ulceribus plenus

vul@Luke:16:21 @ cupiens saturari de micis quae cadebant de mensa divitis sed et canes veniebant et lingebant ulcera eius

vul@Luke:16:22 @ factum est autem ut moreretur mendicus et portaretur ab angelis in sinum Abrahae mortuus est autem et dives et sepultus est in inferno

vul@Luke:16:23 @ elevans oculos suos cum esset in tormentis videbat Abraham a longe et Lazarum in sinu eius

vul@Luke:16:24 @ et ipse clamans dixit pater Abraham miserere mei et mitte Lazarum ut intinguat extremum digiti sui in aqua ut refrigeret linguam meam quia crucior in hac flamma

vul@Luke:16:25 @ et dixit illi Abraham fili recordare quia recepisti bona in vita tua et Lazarus similiter mala nunc autem hic consolatur tu vero cruciaris

vul@Luke:16:26 @ et in his omnibus inter nos et vos chasma magnum firmatum est ut hii qui volunt hinc transire ad vos non possint neque inde huc transmeare

vul@Luke:16:27 @ et ait rogo ergo te pater ut mittas eum in domum patris mei

vul@Luke:16:28 @ habeo enim quinque fratres ut testetur illis ne et ipsi veniant in locum hunc tormentorum

vul@Luke:16:29 @ et ait illi Abraham habent Mosen et prophetas audiant illos

vul@Luke:16:30 @ at ille dixit non pater Abraham sed si quis ex mortuis ierit ad eos paenitentiam agent

vul@Luke:16:31 @ ait autem illi si Mosen et prophetas non audiunt neque si quis ex mortuis resurrexerit credent

vul@Luke:17:1 @ et ad discipulos suos ait inpossibile est ut non veniant scandala vae autem illi per quem veniunt

vul@Luke:17:2 @ utilius est illi si lapis molaris inponatur circa collum eius et proiciatur in mare quam ut scandalizet unum de pusillis istis

vul@Luke:17:3 @ adtendite vobis si peccaverit frater tuus increpa illum et si paenitentiam egerit dimitte illi

vul@Luke:17:4 @ et si septies in die peccaverit in te et septies in die conversus fuerit ad te dicens paenitet me dimitte illi

vul@Luke:17:5 @ et dixerunt apostoli Domino adauge nobis fidem

vul@Luke:17:6 @ dixit autem Dominus si haberetis fidem sicut granum sinapis diceretis huic arbori moro eradicare et transplantare in mare et oboediret vobis

vul@Luke:17:7 @ quis autem vestrum habens servum arantem aut pascentem qui regresso de agro dicet illi statim transi recumbe

vul@Luke:17:8 @ et non dicet ei para quod cenem et praecinge te et ministra mihi donec manducem et bibam et post haec tu manducabis et bibes

vul@Luke:17:9 @ numquid gratiam habet servo illi quia fecit quae sibi imperaverat non puto

vul@Luke:17:10 @ sic et vos cum feceritis omnia quae praecepta sunt vobis dicite servi inutiles sumus quod debuimus facere fecimus

vul@Luke:17:11 @ et factum est dum iret in Hierusalem transiebat per mediam Samariam et Galilaeam

vul@Luke:17:12 @ et cum ingrederetur quoddam castellum occurrerunt ei decem viri leprosi qui steterunt a longe

vul@Luke:17:13 @ et levaverunt vocem dicentes Iesu praeceptor miserere nostri

vul@Luke:17:14 @ quos ut vidit dixit ite ostendite vos sacerdotibus et factum est dum irent mundati sunt

vul@Luke:17:15 @ unus autem ex illis ut vidit quia mundatus est regressus est cum magna voce magnificans Deum

vul@Luke:17:16 @ et cecidit in faciem ante pedes eius gratias agens et hic erat Samaritanus

vul@Luke:17:17 @ respondens autem Iesus dixit nonne decem mundati sunt et novem ubi sunt

vul@Luke:17:18 @ non est inventus qui rediret et daret gloriam Deo nisi hic alienigena

vul@Luke:17:19 @ et ait illi surge vade quia fides tua te salvum fecit

vul@Luke:17:20 @ interrogatus autem a Pharisaeis quando venit regnum Dei respondit eis et dixit non venit regnum Dei cum observatione

vul@Luke:17:21 @ neque dicent ecce hic aut ecce illic ecce enim regnum Dei intra vos est

vul@Luke:17:22 @ et ait ad discipulos venient dies quando desideretis videre unum diem Filii hominis et non videbitis

vul@Luke:17:23 @ et dicent vobis ecce hic ecce illic nolite ire neque sectemini

vul@Luke:17:24 @ nam sicut fulgur coruscans de sub caelo in ea quae sub caelo sunt fulget ita erit Filius hominis in die sua

vul@Luke:17:25 @ primum autem oportet illum multa pati et reprobari a generatione hac

vul@Luke:17:26 @ et sicut factum est in diebus Noe ita erit et in diebus Filii hominis

vul@Luke:17:27 @ edebant et bibebant uxores ducebant et dabantur ad nuptias usque in diem qua intravit Noe in arcam et venit diluvium et perdidit omnes

vul@Luke:17:28 @ similiter sicut factum est in diebus Loth edebant et bibebant emebant et vendebant plantabant aedificabant

vul@Luke:17:29 @ qua die autem exiit Loth a Sodomis pluit ignem et sulphur de caelo et omnes perdidit

vul@Luke:17:30 @ secundum haec erit qua die Filius hominis revelabitur

vul@Luke:17:31 @ in illa hora qui fuerit in tecto et vasa eius in domo ne descendat tollere illa et qui in agro similiter non redeat retro

vul@Luke:17:32 @ memores estote uxoris Loth

vul@Luke:17:33 @ quicumque quaesierit animam suam salvare perdet illam et qui perdiderit illam vivificabit eam

vul@Luke:17:34 @ dico vobis illa nocte erunt duo in lecto uno unus adsumetur et alter relinquetur

vul@Luke:17:35 @ duae erunt molentes in unum una adsumetur et altera relinquetur duo in agro unus adsumetur et alter relinquetur

vul@Luke:17:36 @ respondentes dicunt illi ubi Domine

vul@Luke:17:37 @ qui dixit eis ubicumque fuerit corpus illuc congregabuntur aquilae

vul@Luke:18:1 @ dicebat autem et parabolam ad illos quoniam oportet semper orare et non deficere

vul@Luke:18:2 @ dicens iudex quidam erat in quadam civitate qui Deum non timebat et hominem non verebatur

vul@Luke:18:3 @ vidua autem quaedam erat in civitate illa et veniebat ad eum dicens vindica me de adversario meo

vul@Luke:18:4 @ et nolebat per multum tempus post haec autem dixit intra se et si Deum non timeo nec hominem revereor

vul@Luke:18:5 @ tamen quia molesta est mihi haec vidua vindicabo illam ne in novissimo veniens suggillet me

vul@Luke:18:6 @ ait autem Dominus audite quid iudex iniquitatis dicit

vul@Luke:18:7 @ Deus autem non faciet vindictam electorum suorum clamantium ad se die ac nocte et patientiam habebit in illis

vul@Luke:18:8 @ dico vobis quia cito faciet vindictam illorum verumtamen Filius hominis veniens putas inveniet fidem in terra

vul@Luke:18:9 @ dixit autem et ad quosdam qui in se confidebant tamquam iusti et aspernabantur ceteros parabolam istam

vul@Luke:18:10 @ duo homines ascenderunt in templum ut orarent unus Pharisaeus et alter publicanus

vul@Luke:18:11 @ Pharisaeus stans haec apud se orabat Deus gratias ago tibi quia non sum sicut ceteri hominum raptores iniusti adulteri vel ut etiam hic publicanus

vul@Luke:18:12 @ ieiuno bis in sabbato decimas do omnium quae possideo

vul@Luke:18:13 @ et publicanus a longe stans nolebat nec oculos ad caelum levare sed percutiebat pectus suum dicens Deus propitius esto mihi peccatori

vul@Luke:18:14 @ dico vobis descendit hic iustificatus in domum suam ab illo quia omnis qui se exaltat humiliabitur et qui se humiliat exaltabitur

vul@Luke:18:15 @ adferebant autem ad illum et infantes ut eos tangeret quod cum viderent discipuli increpabant illos

vul@Luke:18:16 @ Iesus autem convocans illos dixit sinite pueros venire ad me et nolite eos vetare talium est enim regnum Dei

vul@Luke:18:17 @ amen dico vobis quicumque non acceperit regnum Dei sicut puer non intrabit in illud

vul@Luke:18:18 @ et interrogavit eum quidam princeps dicens magister bone quid faciens vitam aeternam possidebo

vul@Luke:18:19 @ dixit autem ei Iesus quid me dicis bonum nemo bonus nisi solus Deus

vul@Luke:18:20 @ mandata nosti non occides non moechaberis non furtum facies non falsum testimonium dices honora patrem tuum et matrem

vul@Luke:18:21 @ qui ait haec omnia custodivi a iuventute mea

vul@Luke:18:22 @ quo audito Iesus ait ei adhuc unum tibi deest omnia quaecumque habes vende et da pauperibus et habebis thesaurum in caelo et veni sequere me

vul@Luke:18:23 @ his ille auditis contristatus est quia dives erat valde

vul@Luke:18:24 @ videns autem illum Iesus tristem factum dixit quam difficile qui pecunias habent in regnum Dei intrabunt

vul@Luke:18:25 @ facilius est enim camelum per foramen acus transire quam divitem intrare in regnum Dei

vul@Luke:18:26 @ et dixerunt qui audiebant et quis potest salvus fieri

vul@Luke:18:27 @ ait illis quae inpossibilia sunt apud homines possibilia sunt apud Deum

vul@Luke:18:28 @ ait autem Petrus ecce nos dimisimus omnia et secuti sumus te

vul@Luke:18:29 @ qui dixit eis amen dico vobis nemo est qui reliquit domum aut parentes aut fratres aut uxorem aut filios propter regnum Dei

vul@Luke:18:30 @ et non recipiat multo plura in hoc tempore et in saeculo venturo vitam aeternam

vul@Luke:18:31 @ adsumpsit autem Iesus duodecim et ait illis ecce ascendimus Hierosolyma et consummabuntur omnia quae scripta sunt per prophetas de Filio hominis

vul@Luke:18:32 @ tradetur enim gentibus et inludetur et flagellabitur et conspuetur

vul@Luke:18:33 @ et postquam flagellaverint occident eum et die tertia resurget

vul@Luke:18:34 @ et ipsi nihil horum intellexerunt et erat verbum istud absconditum ab eis et non intellegebant quae dicebantur

vul@Luke:18:35 @ factum est autem cum adpropinquaret Hiericho caecus quidam sedebat secus viam mendicans

vul@Luke:18:36 @ et cum audiret turbam praetereuntem interrogabat quid hoc esset

vul@Luke:18:37 @ dixerunt autem ei quod Iesus Nazarenus transiret

vul@Luke:18:38 @ et clamavit dicens Iesu Fili David miserere mei

vul@Luke:18:39 @ et qui praeibant increpabant eum ut taceret ipse vero multo magis clamabat Fili David miserere mei

vul@Luke:18:40 @ stans autem Iesus iussit illum adduci ad se et cum adpropinquasset interrogavit illum

vul@Luke:18:41 @ dicens quid tibi vis faciam at ille dixit Domine ut videam

vul@Luke:18:42 @ et Iesus dixit illi respice fides tua te salvum fecit

vul@Luke:18:43 @ et confestim vidit et sequebatur illum magnificans Deum et omnis plebs ut vidit dedit laudem Deo

vul@Luke:19:1 @ et ingressus perambulabat Hiericho

vul@Luke:19:2 @ et ecce vir nomine Zaccheus et hic erat princeps publicanorum et ipse dives

vul@Luke:19:3 @ et quaerebat videre Iesum quis esset et non poterat prae turba quia statura pusillus erat

vul@Luke:19:4 @ et praecurrens ascendit in arborem sycomorum ut videret illum quia inde erat transiturus

vul@Luke:19:5 @ et cum venisset ad locum suspiciens Iesus vidit illum et dixit ad eum Zacchee festinans descende quia hodie in domo tua oportet me manere

vul@Luke:19:6 @ et festinans descendit et excepit illum gaudens

vul@Luke:19:7 @ et cum viderent omnes murmurabant dicentes quod ad hominem peccatorem devertisset

vul@Luke:19:8 @ stans autem Zaccheus dixit ad Dominum ecce dimidium bonorum meorum Domine do pauperibus et si quid aliquem defraudavi reddo quadruplum

vul@Luke:19:9 @ ait Iesus ad eum quia hodie salus domui huic facta est eo quod et ipse filius sit Abrahae

vul@Luke:19:10 @ venit enim Filius hominis quaerere et salvum facere quod perierat

vul@Luke:19:11 @ haec illis audientibus adiciens dixit parabolam eo quod esset prope Hierusalem et quia existimarent quod confestim regnum Dei manifestaretur

vul@Luke:19:12 @ dixit ergo homo quidam nobilis abiit in regionem longinquam accipere sibi regnum et reverti

vul@Luke:19:13 @ vocatis autem decem servis suis dedit illis decem mnas et ait ad illos negotiamini dum venio

vul@Luke:19:14 @ cives autem eius oderant illum et miserunt legationem post illum dicentes nolumus hunc regnare super nos

vul@Luke:19:15 @ et factum est ut rediret accepto regno et iussit vocari servos quibus dedit pecuniam ut sciret quantum quisque negotiatus esset

vul@Luke:19:16 @ venit autem primus dicens domine mna tua decem mnas adquisivit

vul@Luke:19:17 @ et ait illi euge bone serve quia in modico fidelis fuisti eris potestatem habens supra decem civitates

vul@Luke:19:18 @ et alter venit dicens domine mna tua fecit quinque mnas

vul@Luke:19:19 @ et huic ait et tu esto supra quinque civitates

vul@Luke:19:20 @ et alter venit dicens domine ecce mna tua quam habui repositam in sudario

vul@Luke:19:21 @ timui enim te quia homo austeris es tollis quod non posuisti et metis quod non seminasti

vul@Luke:19:22 @ dicit ei de ore tuo te iudico serve nequam sciebas quod ego austeris homo sum tollens quod non posui et metens quod non seminavi

vul@Luke:19:23 @ et quare non dedisti pecuniam meam ad mensam et ego veniens cum usuris utique exegissem illud

vul@Luke:19:24 @ et adstantibus dixit auferte ab illo mnam et date illi qui decem mnas habet

vul@Luke:19:25 @ et dixerunt ei domine habet decem mnas

vul@Luke:19:26 @ dico autem vobis quia omni habenti dabitur ab eo autem qui non habet et quod habet auferetur ab eo

vul@Luke:19:27 @ verumtamen inimicos meos illos qui noluerunt me regnare super se adducite huc et interficite ante me

vul@Luke:19:28 @ et his dictis praecedebat ascendens in Hierosolyma

vul@Luke:19:29 @ et factum est cum adpropinquasset ad Bethfage et Bethania ad montem qui vocatur Oliveti misit duos discipulos suos

vul@Luke:19:30 @ dicens ite in castellum quod contra est in quod introeuntes invenietis pullum asinae alligatum cui nemo umquam hominum sedit solvite illum et adducite

vul@Luke:19:31 @ et si quis vos interrogaverit quare solvitis sic dicetis ei quia Dominus operam eius desiderat

vul@Luke:19:32 @ abierunt autem qui missi erant et invenerunt sicut dixit illis stantem pullum

vul@Luke:19:33 @ solventibus autem illis pullum dixerunt domini eius ad illos quid solvitis pullum

vul@Luke:19:34 @ at illi dixerunt quia Dominus eum necessarium habet

vul@Luke:19:35 @ et duxerunt illum ad Iesum et iactantes vestimenta sua supra pullum inposuerunt Iesum

vul@Luke:19:36 @ eunte autem illo substernebant vestimenta sua in via

vul@Luke:19:37 @ et cum adpropinquaret iam ad descensum montis Oliveti coeperunt omnes turbae discentium gaudentes laudare Deum voce magna super omnibus quas viderant virtutibus

vul@Luke:19:38 @ dicentes benedictus qui venit rex in nomine Domini pax in caelo et gloria in excelsis

vul@Luke:19:39 @ et quidam Pharisaeorum de turbis dixerunt ad illum magister increpa discipulos tuos

vul@Luke:19:40 @ quibus ipse ait dico vobis quia si hii tacuerint lapides clamabunt

vul@Luke:19:41 @ et ut adpropinquavit videns civitatem flevit super illam dicens

vul@Luke:19:42 @ quia si cognovisses et tu et quidem in hac die tua quae ad pacem tibi nunc autem abscondita sunt ab oculis tuis

vul@Luke:19:43 @ quia venient dies in te et circumdabunt te inimici tui vallo et circumdabunt te et coangustabunt te undique

vul@Luke:19:44 @ ad terram prosternent te et filios qui in te sunt et non relinquent in te lapidem super lapidem eo quod non cognoveris tempus visitationis tuae

vul@Luke:19:45 @ et ingressus in templum coepit eicere vendentes in illo et ementes

vul@Luke:19:46 @ dicens illis scriptum est quia domus mea domus orationis est vos autem fecistis illam speluncam latronum

vul@Luke:19:47 @ et erat docens cotidie in templo principes autem sacerdotum et scribae et principes plebis quaerebant illum perdere

vul@Luke:19:48 @ et non inveniebant quid facerent illi omnis enim populus suspensus erat audiens illum

vul@Luke:20:1 @ et factum est in una dierum docente illo populum in templo et evangelizante convenerunt principes sacerdotum et scribae cum senioribus

vul@Luke:20:2 @ et aiunt dicentes ad illum dic nobis in qua potestate haec facis aut quis est qui dedit tibi hanc potestatem

vul@Luke:20:3 @ respondens autem dixit ad illos interrogabo vos et ego verbum respondete mihi

vul@Luke:20:4 @ baptismum Iohannis de caelo erat an ex hominibus

vul@Luke:20:5 @ at illi cogitabant inter se dicentes quia si dixerimus de caelo dicet quare ergo non credidistis illi

vul@Luke:20:6 @ si autem dixerimus ex hominibus plebs universa lapidabit nos certi sunt enim Iohannem prophetam esse

vul@Luke:20:7 @ et responderunt se nescire unde esset

vul@Luke:20:8 @ et Iesus ait illis neque ego dico vobis in qua potestate haec facio

vul@Luke:20:9 @ coepit autem dicere ad plebem parabolam hanc homo plantavit vineam et locavit eam colonis et ipse peregre fuit multis temporibus

vul@Luke:20:10 @ et in tempore misit ad cultores servum ut de fructu vineae darent illi qui caesum dimiserunt eum inanem

vul@Luke:20:11 @ et addidit alterum servum mittere illi autem hunc quoque caedentes et adficientes contumelia dimiserunt inanem

vul@Luke:20:12 @ et addidit tertium mittere qui et illum vulnerantes eiecerunt

vul@Luke:20:13 @ dixit autem dominus vineae quid faciam mittam filium meum dilectum forsitan cum hunc viderint verebuntur

vul@Luke:20:14 @ quem cum vidissent coloni cogitaverunt inter se dicentes hic est heres occidamus illum ut nostra fiat hereditas

vul@Luke:20:15 @ et eiectum illum extra vineam occiderunt quid ergo faciet illis dominus vineae

vul@Luke:20:16 @ veniet et perdet colonos istos et dabit vineam aliis quo audito dixerunt illi absit

vul@Luke:20:17 @ ille autem aspiciens eos ait quid est ergo hoc quod scriptum est lapidem quem reprobaverunt aedificantes hic factus est in caput anguli

vul@Luke:20:18 @ omnis qui ceciderit supra illum lapidem conquassabitur supra quem autem ceciderit comminuet illum

vul@Luke:20:19 @ et quaerebant principes sacerdotum et scribae mittere in illum manus illa hora et timuerunt populum cognoverunt enim quod ad ipsos dixerit similitudinem istam

vul@Luke:20:20 @ et observantes miserunt insidiatores qui se iustos simularent ut caperent eum in sermone et traderent illum principatui et potestati praesidis

vul@Luke:20:21 @ et interrogaverunt illum dicentes magister scimus quia recte dicis et doces et non accipis personam sed in veritate viam Dei doces

vul@Luke:20:22 @ licet nobis dare tributum Caesari an non

vul@Luke:20:23 @ considerans autem dolum illorum dixit ad eos quid me temptatis

vul@Luke:20:24 @ ostendite mihi denarium cuius habet imaginem et inscriptionem respondentes dixerunt Caesaris

vul@Luke:20:25 @ et ait illis reddite ergo quae Caesaris sunt Caesari et quae Dei sunt Deo

vul@Luke:20:26 @ et non potuerunt verbum eius reprehendere coram plebe et mirati in responso eius tacuerunt

vul@Luke:20:27 @ accesserunt autem quidam Sadducaeorum qui negant esse resurrectionem et interrogaverunt eum

vul@Luke:20:28 @ dicentes magister Moses scripsit nobis si frater alicuius mortuus fuerit habens uxorem et hic sine filiis fuerit ut accipiat eam frater eius uxorem et suscitet semen fratri suo

vul@Luke:20:29 @ septem ergo fratres erant et primus accepit uxorem et mortuus est sine filiis

vul@Luke:20:30 @ et sequens accepit illam et ipse mortuus est sine filio

vul@Luke:20:31 @ et tertius accepit illam similiter et omnes septem et non reliquerunt semen et mortui sunt

vul@Luke:20:32 @ novissima omnium mortua est et mulier

vul@Luke:20:33 @ in resurrectione ergo cuius eorum erit uxor siquidem septem habuerunt eam uxorem

vul@Luke:20:34 @ et ait illis Iesus filii saeculi huius nubunt et traduntur ad nuptias

vul@Luke:20:35 @ illi autem qui digni habebuntur saeculo illo et resurrectione ex mortuis neque nubunt neque ducunt uxores

vul@Luke:20:36 @ neque enim ultra mori poterunt aequales enim angelis sunt et filii sunt Dei cum sint filii resurrectionis

vul@Luke:20:37 @ quia vero resurgant mortui et Moses ostendit secus rubum sicut dicit Dominum Deum Abraham et Deum Isaac et Deum Iacob

vul@Luke:20:38 @ Deus autem non est mortuorum sed vivorum omnes enim vivunt ei

vul@Luke:20:39 @ respondentes autem quidam scribarum dixerunt magister bene dixisti

vul@Luke:20:40 @ et amplius non audebant eum quicquam interrogare

vul@Luke:20:41 @ dixit autem ad illos quomodo dicunt Christum Filium David esse

vul@Luke:20:42 @ et ipse David dicit in libro Psalmorum dixit Dominus Domino meo sede a dextris meis

vul@Luke:20:43 @ donec ponam inimicos tuos scabillum pedum tuorum

vul@Luke:20:44 @ David ergo Dominum illum vocat et quomodo filius eius est

vul@Luke:20:45 @ audiente autem omni populo dixit discipulis suis

vul@Luke:20:46 @ adtendite a scribis qui volunt ambulare in stolis et amant salutationes in foro et primas cathedras in synagogis et primos discubitus in conviviis

vul@Luke:20:47 @ qui devorant domos viduarum simulantes longam orationem hii accipient damnationem maiorem

vul@Luke:21:1 @ respiciens autem vidit eos qui mittebant munera sua in gazofilacium divites

vul@Luke:21:2 @ vidit autem et quandam viduam pauperculam mittentem aera minuta duo

vul@Luke:21:3 @ et dixit vere dico vobis quia vidua haec pauper plus quam omnes misit

vul@Luke:21:4 @ nam omnes hii ex abundanti sibi miserunt in munera Dei haec autem ex eo quod deest illi omnem victum suum quem habuit misit

vul@Luke:21:5 @ et quibusdam dicentibus de templo quod lapidibus bonis et donis ornatum esset dixit

vul@Luke:21:6 @ haec quae videtis venient dies in quibus non relinquetur lapis super lapidem qui non destruatur

vul@Luke:21:7 @ interrogaverunt autem illum dicentes praeceptor quando haec erunt et quod signum cum fieri incipient

vul@Luke:21:8 @ qui dixit videte ne seducamini multi enim venient in nomine meo dicentes quia ego sum et tempus adpropinquavit nolite ergo ire post illos

vul@Luke:21:9 @ cum autem audieritis proelia et seditiones nolite terreri oportet primum haec fieri sed non statim finis

vul@Luke:21:10 @ tunc dicebat illis surget gens contra gentem et regnum adversus regnum

vul@Luke:21:11 @ terraemotus magni erunt per loca et pestilentiae et fames terroresque de caelo et signa magna erunt

vul@Luke:21:12 @ sed ante haec omnia inicient vobis manus suas et persequentur tradentes in synagogas et custodias trahentes ad reges et praesides propter nomen meum

vul@Luke:21:13 @ continget autem vobis in testimonium

vul@Luke:21:14 @ ponite ergo in cordibus vestris non praemeditari quemadmodum respondeatis

vul@Luke:21:15 @ ego enim dabo vobis os et sapientiam cui non poterunt resistere et contradicere omnes adversarii vestri

vul@Luke:21:16 @ trademini autem a parentibus et fratribus et cognatis et amicis et morte adficient ex vobis

vul@Luke:21:17 @ et eritis odio omnibus propter nomen meum

vul@Luke:21:18 @ et capillus de capite vestro non peribit

vul@Luke:21:19 @ in patientia vestra possidebitis animas vestras

vul@Luke:21:20 @ cum autem videritis circumdari ab exercitu Hierusalem tunc scitote quia adpropinquavit desolatio eius

vul@Luke:21:21 @ tunc qui in Iudaea sunt fugiant in montes et qui in medio eius discedant et qui in regionibus non intrent in eam

vul@Luke:21:22 @ quia dies ultionis hii sunt ut impleantur omnia quae scripta sunt

vul@Luke:21:23 @ vae autem praegnatibus et nutrientibus in illis diebus erit enim pressura magna supra terram et ira populo huic

vul@Luke:21:24 @ et cadent in ore gladii et captivi ducentur in omnes gentes et Hierusalem calcabitur a gentibus donec impleantur tempora nationum

vul@Luke:21:25 @ et erunt signa in sole et luna et stellis et in terris pressura gentium prae confusione sonitus maris et fluctuum

vul@Luke:21:26 @ arescentibus hominibus prae timore et expectatione quae supervenient universo orbi nam virtutes caelorum movebuntur

vul@Luke:21:27 @ et tunc videbunt Filium hominis venientem in nube cum potestate magna et maiestate

vul@Luke:21:28 @ his autem fieri incipientibus respicite et levate capita vestra quoniam adpropinquat redemptio vestra

vul@Luke:21:29 @ et dixit illis similitudinem videte ficulneam et omnes arbores

vul@Luke:21:30 @ cum producunt iam ex se fructum scitis quoniam prope est aestas

vul@Luke:21:31 @ ita et vos cum videritis haec fieri scitote quoniam prope est regnum Dei

vul@Luke:21:32 @ amen dico vobis quia non praeteribit generatio haec donec omnia fiant

vul@Luke:21:33 @ caelum et terra transibunt verba autem mea non transient

vul@Luke:21:34 @ adtendite autem vobis ne forte graventur corda vestra in crapula et ebrietate et curis huius vitae et superveniat in vos repentina dies illa

vul@Luke:21:35 @ tamquam laqueus enim superveniet in omnes qui sedent super faciem omnis terrae

vul@Luke:21:36 @ vigilate itaque omni tempore orantes ut digni habeamini fugere ista omnia quae futura sunt et stare ante Filium hominis

vul@Luke:21:37 @ erat autem diebus docens in templo noctibus vero exiens morabatur in monte qui vocatur Oliveti

vul@Luke:21:38 @ et omnis populus manicabat ad eum in templo audire eum

vul@Luke:22:1 @ adpropinquabat autem dies festus azymorum qui dicitur pascha

vul@Luke:22:2 @ et quaerebant principes sacerdotum et scribae quomodo eum interficerent timebant vero plebem

vul@Luke:22:3 @ intravit autem Satanas in Iudam qui cognominatur Scarioth unum de duodecim

vul@Luke:22:4 @ et abiit et locutus est cum principibus sacerdotum et magistratibus quemadmodum illum traderet eis

vul@Luke:22:5 @ et gavisi sunt et pacti sunt pecuniam illi dare

vul@Luke:22:6 @ et spopondit et quaerebat oportunitatem ut traderet illum sine turbis

vul@Luke:22:7 @ venit autem dies azymorum in qua necesse erat occidi pascha

vul@Luke:22:8 @ et misit Petrum et Iohannem dicens euntes parate nobis pascha ut manducemus

vul@Luke:22:9 @ at illi dixerunt ubi vis paremus

vul@Luke:22:10 @ et dixit ad eos ecce introeuntibus vobis in civitatem occurret vobis homo amphoram aquae portans sequimini eum in domum in qua intrat

vul@Luke:22:11 @ et dicetis patri familias domus dicit tibi magister ubi est diversorium ubi pascha cum discipulis meis manducem

vul@Luke:22:12 @ et ipse vobis ostendet cenaculum magnum stratum et ibi parate

vul@Luke:22:13 @ euntes autem invenerunt sicut dixit illis et paraverunt pascha

vul@Luke:22:14 @ et cum facta esset hora discubuit et duodecim apostoli cum eo

vul@Luke:22:15 @ et ait illis desiderio desideravi hoc pascha manducare vobiscum antequam patiar

vul@Luke:22:16 @ dico enim vobis quia ex hoc non manducabo illud donec impleatur in regno Dei

vul@Luke:22:17 @ et accepto calice gratias egit et dixit accipite et dividite inter vos

vul@Luke:22:18 @ dico enim vobis quod non bibam de generatione vitis donec regnum Dei veniat

vul@Luke:22:19 @ et accepto pane gratias egit et fregit et dedit eis dicens hoc est corpus meum quod pro vobis datur hoc facite in meam commemorationem

vul@Luke:22:20 @ similiter et calicem postquam cenavit dicens hic est calix novum testamentum in sanguine meo quod pro vobis funditur

vul@Luke:22:21 @ verumtamen ecce manus tradentis me mecum est in mensa

vul@Luke:22:22 @ et quidem Filius hominis secundum quod definitum est vadit verumtamen vae illi homini per quem traditur

vul@Luke:22:23 @ et ipsi coeperunt quaerere inter se quis esset ex eis qui hoc facturus esset

vul@Luke:22:24 @ facta est autem et contentio inter eos quis eorum videretur esse maior

vul@Luke:22:25 @ dixit autem eis reges gentium dominantur eorum et qui potestatem habent super eos benefici vocantur

vul@Luke:22:26 @ vos autem non sic sed qui maior est in vobis fiat sicut iunior et qui praecessor est sicut ministrator

vul@Luke:22:27 @ nam quis maior est qui recumbit an qui ministrat nonne qui recumbit ego autem in medio vestrum sum sicut qui ministrat

vul@Luke:22:28 @ vos autem estis qui permansistis mecum in temptationibus meis

vul@Luke:22:29 @ et ego dispono vobis sicut disposuit mihi Pater meus regnum

vul@Luke:22:30 @ ut edatis et bibatis super mensam meam in regno et sedeatis super thronos iudicantes duodecim tribus Israhel

vul@Luke:22:31 @ ait autem Dominus Simon Simon ecce Satanas expetivit vos ut cribraret sicut triticum

vul@Luke:22:32 @ ego autem rogavi pro te ut non deficiat fides tua et tu aliquando conversus confirma fratres tuos

vul@Luke:22:33 @ qui dixit ei Domine tecum paratus sum et in carcerem et in mortem ire

vul@Luke:22:34 @ et ille dixit dico tibi Petre non cantabit hodie gallus donec ter abneges nosse me

vul@Luke:22:35 @ et dixit eis quando misi vos sine sacculo et pera et calciamentis numquid aliquid defuit vobis at illi dixerunt nihil

vul@Luke:22:36 @ dixit ergo eis sed nunc qui habet sacculum tollat similiter et peram et qui non habet vendat tunicam suam et emat gladium

vul@Luke:22:37 @ dico enim vobis quoniam adhuc hoc quod scriptum est oportet impleri in me et quod cum iniustis deputatus est etenim ea quae sunt de me finem habent

vul@Luke:22:38 @ at illi dixerunt Domine ecce gladii duo hic at ille dixit eis satis est

vul@Luke:22:39 @ et egressus ibat secundum consuetudinem in montem Olivarum secuti sunt autem illum et discipuli

vul@Luke:22:40 @ et cum pervenisset ad locum dixit illis orate ne intretis in temptationem

vul@Luke:22:41 @ et ipse avulsus est ab eis quantum iactus est lapidis et positis genibus orabat

vul@Luke:22:42 @ dicens Pater si vis transfer calicem istum a me verumtamen non mea voluntas sed tua fiat

vul@Luke:22:43 @ apparuit autem illi angelus de caelo confortans eum et factus in agonia prolixius orabat

vul@Luke:22:44 @ et factus est sudor eius sicut guttae sanguinis decurrentis in terram

vul@Luke:22:45 @ et cum surrexisset ab oratione et venisset ad discipulos suos invenit eos dormientes prae tristitia

vul@Luke:22:46 @ et ait illis quid dormitis surgite orate ne intretis in temptationem

vul@Luke:22:47 @ adhuc eo loquente ecce turba et qui vocabatur Iudas unus de duodecim antecedebat eos et adpropinquavit Iesu ut oscularetur eum

vul@Luke:22:48 @ Iesus autem dixit ei Iuda osculo Filium hominis tradis

vul@Luke:22:49 @ videntes autem hii qui circa ipsum erant quod futurum erat dixerunt ei Domine si percutimus in gladio

vul@Luke:22:50 @ et percussit unus ex illis servum principis sacerdotum et amputavit auriculam eius dextram

vul@Luke:22:51 @ respondens autem Iesus ait sinite usque huc et cum tetigisset auriculam eius sanavit eum

vul@Luke:22:52 @ dixit autem Iesus ad eos qui venerant ad se principes sacerdotum et magistratus templi et seniores quasi ad latronem existis cum gladiis et fustibus

vul@Luke:22:53 @ cum cotidie vobiscum fuerim in templo non extendistis manus in me sed haec est hora vestra et potestas tenebrarum

vul@Luke:22:54 @ conprehendentes autem eum duxerunt ad domum principis sacerdotum Petrus vero sequebatur a longe

vul@Luke:22:55 @ accenso autem igni in medio atrio et circumsedentibus illis erat Petrus in medio eorum

vul@Luke:22:56 @ quem cum vidisset ancilla quaedam sedentem ad lumen et eum fuisset intuita dixit et hic cum illo erat

vul@Luke:22:57 @ at ille negavit eum dicens mulier non novi illum

vul@Luke:22:58 @ et post pusillum alius videns eum dixit et tu de illis es Petrus vero ait o homo non sum

vul@Luke:22:59 @ et intervallo facto quasi horae unius alius quidam adfirmabat dicens vere et hic cum illo erat nam et Galilaeus est

vul@Luke:22:60 @ et ait Petrus homo nescio quod dicis et continuo adhuc illo loquente cantavit gallus

vul@Luke:22:61 @ et conversus Dominus respexit Petrum et recordatus est Petrus verbi Domini sicut dixit quia priusquam gallus cantet ter me negabis

vul@Luke:22:62 @ et egressus foras Petrus flevit amare

vul@Luke:22:63 @ et viri qui tenebant illum inludebant ei caedentes

vul@Luke:22:64 @ et velaverunt eum et percutiebant faciem eius et interrogabant eum dicentes prophetiza quis est qui te percussit

vul@Luke:22:65 @ et alia multa blasphemantes dicebant in eum

vul@Luke:22:66 @ et ut factus est dies convenerunt seniores plebis et principes sacerdotum et scribae et duxerunt illum in concilium suum dicentes si tu es Christus dic nobis

vul@Luke:22:67 @ et ait illis si vobis dixero non creditis mihi

vul@Luke:22:68 @ si autem et interrogavero non respondebitis mihi neque dimittetis

vul@Luke:22:69 @ ex hoc autem erit Filius hominis sedens a dextris virtutis Dei

vul@Luke:22:70 @ dixerunt autem omnes tu ergo es Filius Dei qui ait vos dicitis quia ego sum

vul@Luke:22:71 @ at illi dixerunt quid adhuc desideramus testimonium ipsi enim audivimus de ore eius

vul@Luke:23:1 @ et surgens omnis multitudo eorum duxerunt illum ad Pilatum

vul@Luke:23:2 @ coeperunt autem accusare illum dicentes hunc invenimus subvertentem gentem nostram et prohibentem tributa dari Caesari et dicentem se Christum regem esse

vul@Luke:23:3 @ Pilatus autem interrogavit eum dicens tu es rex Iudaeorum at ille respondens ait tu dicis

vul@Luke:23:4 @ ait autem Pilatus ad principes sacerdotum et turbas nihil invenio causae in hoc homine

vul@Luke:23:5 @ at illi invalescebant dicentes commovet populum docens per universam Iudaeam et incipiens a Galilaea usque huc

vul@Luke:23:6 @ Pilatus autem audiens Galilaeam interrogavit si homo Galilaeus esset

vul@Luke:23:7 @ et ut cognovit quod de Herodis potestate esset remisit eum ad Herodem qui et ipse Hierosolymis erat illis diebus

vul@Luke:23:8 @ Herodes autem viso Iesu gavisus est valde erat enim cupiens ex multo tempore videre eum eo quod audiret multa de illo et sperabat signum aliquod videre ab eo fieri

vul@Luke:23:9 @ interrogabat autem illum multis sermonibus at ipse nihil illi respondebat

vul@Luke:23:10 @ stabant etiam principes sacerdotum et scribae constanter accusantes eum

vul@Luke:23:11 @ sprevit autem illum Herodes cum exercitu suo et inlusit indutum veste alba et remisit ad Pilatum

vul@Luke:23:12 @ et facti sunt amici Herodes et Pilatus in ipsa die nam antea inimici erant ad invicem

vul@Luke:23:13 @ Pilatus autem convocatis principibus sacerdotum et magistratibus et plebe

vul@Luke:23:14 @ dixit ad illos obtulistis mihi hunc hominem quasi avertentem populum et ecce ego coram vobis interrogans nullam causam inveni in homine isto ex his in quibus eum accusatis

vul@Luke:23:15 @ sed neque Herodes nam remisi vos ad illum et ecce nihil dignum morte actum est ei

vul@Luke:23:16 @ emendatum ergo illum dimittam

vul@Luke:23:17 @ necesse autem habebat dimittere eis per diem festum unum

vul@Luke:23:18 @ exclamavit autem simul universa turba dicens tolle hunc et dimitte nobis Barabban

vul@Luke:23:19 @ qui erat propter seditionem quandam factam in civitate et homicidium missus in carcerem

vul@Luke:23:20 @ iterum autem Pilatus locutus est ad illos volens dimittere Iesum

vul@Luke:23:21 @ at illi succlamabant dicentes crucifige crucifige illum

vul@Luke:23:22 @ ille autem tertio dixit ad illos quid enim mali fecit iste nullam causam mortis invenio in eo corripiam ergo illum et dimittam

vul@Luke:23:23 @ at illi instabant vocibus magnis postulantes ut crucifigeretur et invalescebant voces eorum

vul@Luke:23:24 @ et Pilatus adiudicavit fieri petitionem eorum

vul@Luke:23:25 @ dimisit autem illis eum qui propter homicidium et seditionem missus fuerat in carcerem quem petebant Iesum vero tradidit voluntati eorum

vul@Luke:23:26 @ et cum ducerent eum adprehenderunt Simonem quendam Cyrenensem venientem de villa et inposuerunt illi crucem portare post Iesum

vul@Luke:23:27 @ sequebatur autem illum multa turba populi et mulierum quae plangebant et lamentabant eum

vul@Luke:23:28 @ conversus autem ad illas Iesus dixit filiae Hierusalem nolite flere super me sed super vos ipsas flete et super filios vestros

vul@Luke:23:29 @ quoniam ecce venient dies in quibus dicent beatae steriles et ventres qui non genuerunt et ubera quae non lactaverunt

vul@Luke:23:30 @ tunc incipient dicere montibus cadite super nos et collibus operite nos

vul@Luke:23:31 @ quia si in viridi ligno haec faciunt in arido quid fiet

vul@Luke:23:32 @ ducebantur autem et alii duo nequam cum eo ut interficerentur

vul@Luke:23:33 @ et postquam venerunt in locum qui vocatur Calvariae ibi crucifixerunt eum et latrones unum a dextris et alterum a sinistris

vul@Luke:23:34 @ Iesus autem dicebat Pater dimitte illis non enim sciunt quid faciunt dividentes vero vestimenta eius miserunt sortes

vul@Luke:23:35 @ et stabat populus expectans et deridebant illum principes cum eis dicentes alios salvos fecit se salvum faciat si hic est Christus Dei electus

vul@Luke:23:36 @ inludebant autem ei et milites accedentes et acetum offerentes illi

vul@Luke:23:37 @ dicentes si tu es rex Iudaeorum salvum te fac

vul@Luke:23:38 @ erat autem et superscriptio inscripta super illum litteris graecis et latinis et hebraicis hic est rex Iudaeorum

vul@Luke:23:39 @ unus autem de his qui pendebant latronibus blasphemabat eum dicens si tu es Christus salvum fac temet ipsum et nos

vul@Luke:23:40 @ respondens autem alter increpabat illum dicens neque tu times Deum quod in eadem damnatione es

vul@Luke:23:41 @ et nos quidem iuste nam digna factis recipimus hic vero nihil mali gessit

vul@Luke:23:42 @ et dicebat ad Iesum Domine memento mei cum veneris in regnum tuum

vul@Luke:23:43 @ et dixit illi Iesus amen dico tibi hodie mecum eris in paradiso

vul@Luke:23:44 @ erat autem fere hora sexta et tenebrae factae sunt in universa terra usque in nonam horam

vul@Luke:23:45 @ et obscuratus est sol et velum templi scissum est medium

vul@Luke:23:46 @ et clamans voce magna Iesus ait Pater in manus tuas commendo spiritum meum et haec dicens exspiravit

vul@Luke:23:47 @ videns autem centurio quod factum fuerat glorificavit Deum dicens vere hic homo iustus erat

vul@Luke:23:48 @ et omnis turba eorum qui simul aderant ad spectaculum istud et videbant quae fiebant percutientes pectora sua revertebantur

vul@Luke:23:49 @ stabant autem omnes noti eius a longe et mulieres quae secutae erant eum a Galilaea haec videntes

vul@Luke:23:50 @ et ecce vir nomine Ioseph qui erat decurio vir bonus et iustus

vul@Luke:23:51 @ hic non consenserat consilio et actibus eorum ab Arimathia civitate Iudaeae qui expectabat et ipse regnum Dei

vul@Luke:23:52 @ hic accessit ad Pilatum et petiit corpus Iesu

vul@Luke:23:53 @ et depositum involvit sindone et posuit eum in monumento exciso in quo nondum quisquam positus fuerat

vul@Luke:23:54 @ et dies erat parasceves et sabbatum inlucescebat

vul@Luke:23:55 @ subsecutae autem mulieres quae cum ipso venerant de Galilaea viderunt monumentum et quemadmodum positum erat corpus eius

vul@Luke:23:56 @ et revertentes paraverunt aromata et unguenta et sabbato quidem siluerunt secundum mandatum

vul@Luke:24:1 @ una autem sabbati valde diluculo venerunt ad monumentum portantes quae paraverant aromata

vul@Luke:24:2 @ et invenerunt lapidem revolutum a monumento

vul@Luke:24:3 @ et ingressae non invenerunt corpus Domini Iesu

vul@Luke:24:4 @ et factum est dum mente consternatae essent de isto ecce duo viri steterunt secus illas in veste fulgenti

vul@Luke:24:5 @ cum timerent autem et declinarent vultum in terram dixerunt ad illas quid quaeritis viventem cum mortuis

vul@Luke:24:6 @ non est hic sed surrexit recordamini qualiter locutus est vobis cum adhuc in Galilaea esset

vul@Luke:24:7 @ dicens quia oportet Filium hominis tradi in manus hominum peccatorum et crucifigi et die tertia resurgere

vul@Luke:24:8 @ et recordatae sunt verborum eius

vul@Luke:24:9 @ et regressae a monumento nuntiaverunt haec omnia illis undecim et ceteris omnibus

vul@Luke:24:10 @ erat autem Maria Magdalene et Iohanna et Maria Iacobi et ceterae quae cum eis erant quae dicebant ad apostolos haec

vul@Luke:24:11 @ et visa sunt ante illos sicut deliramentum verba ista et non credebant illis

vul@Luke:24:12 @ Petrus autem surgens cucurrit ad monumentum et procumbens videt linteamina sola posita et abiit secum mirans quod factum fuerat

vul@Luke:24:13 @ et ecce duo ex illis ibant ipsa die in castellum quod erat in spatio stadiorum sexaginta ab Hierusalem nomine Emmaus

vul@Luke:24:14 @ et ipsi loquebantur ad invicem de his omnibus quae acciderant

vul@Luke:24:15 @ et factum est dum fabularentur et secum quaererent et ipse Iesus adpropinquans ibat cum illis

vul@Luke:24:16 @ oculi autem illorum tenebantur ne eum agnoscerent

vul@Luke:24:17 @ et ait ad illos qui sunt hii sermones quos confertis ad invicem ambulantes et estis tristes

vul@Luke:24:18 @ et respondens unus cui nomen Cleopas dixit ei tu solus peregrinus es in Hierusalem et non cognovisti quae facta sunt in illa his diebus

vul@Luke:24:19 @ quibus ille dixit quae et dixerunt de Iesu Nazareno qui fuit vir propheta potens in opere et sermone coram Deo et omni populo

vul@Luke:24:20 @ et quomodo eum tradiderunt summi sacerdotum et principes nostri in damnationem mortis et crucifixerunt eum

vul@Luke:24:21 @ nos autem sperabamus quia ipse esset redempturus Israhel et nunc super haec omnia tertia dies hodie quod haec facta sunt

vul@Luke:24:22 @ sed et mulieres quaedam ex nostris terruerunt nos quae ante lucem fuerunt ad monumentum

vul@Luke:24:23 @ et non invento corpore eius venerunt dicentes se etiam visionem angelorum vidisse qui dicunt eum vivere

vul@Luke:24:24 @ et abierunt quidam ex nostris ad monumentum et ita invenerunt sicut mulieres dixerunt ipsum vero non viderunt

vul@Luke:24:25 @ et ipse dixit ad eos o stulti et tardi corde ad credendum in omnibus quae locuti sunt prophetae

vul@Luke:24:26 @ nonne haec oportuit pati Christum et ita intrare in gloriam suam

vul@Luke:24:27 @ et incipiens a Mose et omnibus prophetis interpretabatur illis in omnibus scripturis quae de ipso erant

vul@Luke:24:28 @ et adpropinquaverunt castello quo ibant et ipse se finxit longius ire

vul@Luke:24:29 @ et coegerunt illum dicentes mane nobiscum quoniam advesperascit et inclinata est iam dies et intravit cum illis

vul@Luke:24:30 @ et factum est dum recumberet cum illis accepit panem et benedixit ac fregit et porrigebat illis

vul@Luke:24:31 @ et aperti sunt oculi eorum et cognoverunt eum et ipse evanuit ex oculis eorum

vul@Luke:24:32 @ et dixerunt ad invicem nonne cor nostrum ardens erat in nobis dum loqueretur in via et aperiret nobis scripturas

vul@Luke:24:33 @ et surgentes eadem hora regressi sunt in Hierusalem et invenerunt congregatos undecim et eos qui cum ipsis erant

vul@Luke:24:34 @ dicentes quod surrexit Dominus vere et apparuit Simoni

vul@Luke:24:35 @ et ipsi narrabant quae gesta erant in via et quomodo cognoverunt eum in fractione panis

vul@Luke:24:36 @ dum haec autem loquuntur Iesus stetit in medio eorum et dicit eis pax vobis ego sum nolite timere

vul@Luke:24:37 @ conturbati vero et conterriti existimabant se spiritum videre

vul@Luke:24:38 @ et dixit eis quid turbati estis et cogitationes ascendunt in corda vestra

vul@Luke:24:39 @ videte manus meas et pedes quia ipse ego sum palpate et videte quia spiritus carnem et ossa non habet sicut me videtis habere

vul@Luke:24:40 @ et cum hoc dixisset ostendit eis manus et pedes

vul@Luke:24:41 @ adhuc autem illis non credentibus et mirantibus prae gaudio dixit habetis hic aliquid quod manducetur

vul@Luke:24:42 @ at illi obtulerunt ei partem piscis assi et favum mellis

vul@Luke:24:43 @ et cum manducasset coram eis sumens reliquias dedit eis

vul@Luke:24:44 @ et dixit ad eos haec sunt verba quae locutus sum ad vos cum adhuc essem vobiscum quoniam necesse est impleri omnia quae scripta sunt in lege Mosi et prophetis et psalmis de me

vul@Luke:24:45 @ tunc aperuit illis sensum ut intellegerent scripturas

vul@Luke:24:46 @ et dixit eis quoniam sic scriptum est et sic oportebat Christum pati et resurgere a mortuis die tertia

vul@Luke:24:47 @ et praedicari in nomine eius paenitentiam et remissionem peccatorum in omnes gentes incipientibus ab Hierosolyma

vul@Luke:24:48 @ vos autem estis testes horum

vul@Luke:24:49 @ et ego mitto promissum Patris mei in vos vos autem sedete in civitate quoadusque induamini virtutem ex alto

vul@Luke:24:50 @ eduxit autem eos foras in Bethaniam et elevatis manibus suis benedixit eis

vul@Luke:24:51 @ et factum est dum benediceret illis recessit ab eis et ferebatur in caelum

vul@Luke:24:52 @ et ipsi adorantes regressi sunt in Hierusalem cum gaudio magno

vul@John:1:1 @ in principio erat Verbum et Verbum erat apud Deum et Deus erat Verbum

vul@John:1:2 @ hoc erat in principio apud Deum

vul@John:1:3 @ omnia per ipsum facta sunt et sine ipso factum est nihil quod factum est

vul@John:1:4 @ in ipso vita erat et vita erat lux hominum

vul@John:1:5 @ et lux in tenebris lucet et tenebrae eam non conprehenderunt

vul@John:1:6 @ fuit homo missus a Deo cui nomen erat Iohannes

vul@John:1:7 @ hic venit in testimonium ut testimonium perhiberet de lumine ut omnes crederent per illum

vul@John:1:8 @ non erat ille lux sed ut testimonium perhiberet de lumine

vul@John:1:9 @ erat lux vera quae inluminat omnem hominem venientem in mundum

vul@John:1:10 @ in mundo erat et mundus per ipsum factus est et mundus eum non cognovit

vul@John:1:11 @ in propria venit et sui eum non receperunt

vul@John:1:12 @ quotquot autem receperunt eum dedit eis potestatem filios Dei fieri his qui credunt in nomine eius

vul@John:1:13 @ qui non ex sanguinibus neque ex voluntate carnis neque ex voluntate viri sed ex Deo nati sunt

vul@John:1:14 @ et Verbum caro factum est et habitavit in nobis et vidimus gloriam eius gloriam quasi unigeniti a Patre plenum gratiae et veritatis

vul@John:1:15 @ Iohannes testimonium perhibet de ipso et clamat dicens hic erat quem dixi vobis qui post me venturus est ante me factus est quia prior me erat

vul@John:1:16 @ et de plenitudine eius nos omnes accepimus et gratiam pro gratia

vul@John:1:17 @ quia lex per Mosen data est gratia et veritas per Iesum Christum facta est

vul@John:1:18 @ Deum nemo vidit umquam unigenitus Filius qui est in sinu Patris ipse enarravit

vul@John:1:19 @ et hoc est testimonium Iohannis quando miserunt Iudaei ab Hierosolymis sacerdotes et Levitas ad eum ut interrogarent eum tu quis es

vul@John:1:20 @ et confessus est et non negavit et confessus est quia non sum ego Christus

vul@John:1:21 @ et interrogaverunt eum quid ergo Helias es tu et dicit non sum propheta es tu et respondit non

vul@John:1:22 @ dixerunt ergo ei quis es ut responsum demus his qui miserunt nos quid dicis de te ipso

vul@John:1:23 @ ait ego vox clamantis in deserto dirigite viam Domini sicut dixit Esaias propheta

vul@John:1:24 @ et qui missi fuerant erant ex Pharisaeis

vul@John:1:25 @ et interrogaverunt eum et dixerunt ei quid ergo baptizas si tu non es Christus neque Helias neque propheta

vul@John:1:26 @ respondit eis Iohannes dicens ego baptizo in aqua medius autem vestrum stetit quem vos non scitis

vul@John:1:27 @ ipse est qui post me venturus est qui ante me factus est cuius ego non sum dignus ut solvam eius corrigiam calciamenti

vul@John:1:28 @ haec in Bethania facta sunt trans Iordanen ubi erat Iohannes baptizans

vul@John:1:29 @ altera die videt Iohannes Iesum venientem ad se et ait ecce agnus Dei qui tollit peccatum mundi

vul@John:1:30 @ hic est de quo dixi post me venit vir qui ante me factus est quia prior me erat

vul@John:1:31 @ et ego nesciebam eum sed ut manifestaretur Israhel propterea veni ego in aqua baptizans

vul@John:1:32 @ et testimonium perhibuit Iohannes dicens quia vidi Spiritum descendentem quasi columbam de caelo et mansit super eum

vul@John:1:33 @ et ego nesciebam eum sed qui misit me baptizare in aqua ille mihi dixit super quem videris Spiritum descendentem et manentem super eum hic est qui baptizat in Spiritu Sancto

vul@John:1:34 @ et ego vidi et testimonium perhibui quia hic est Filius Dei

vul@John:1:35 @ altera die iterum stabat Iohannes et ex discipulis eius duo

vul@John:1:36 @ et respiciens Iesum ambulantem dicit ecce agnus Dei

vul@John:1:37 @ et audierunt eum duo discipuli loquentem et secuti sunt Iesum

vul@John:1:38 @ conversus autem Iesus et videns eos sequentes dicit eis quid quaeritis qui dixerunt ei rabbi quod dicitur interpretatum magister ubi habitas

vul@John:1:39 @ dicit eis venite et videte venerunt et viderunt ubi maneret et apud eum manserunt die illo hora autem erat quasi decima

vul@John:1:40 @ erat autem Andreas frater Simonis Petri unus ex duobus qui audierant ab Iohanne et secuti fuerant eum

vul@John:1:41 @ invenit hic primum fratrem suum Simonem et dicit ei invenimus Messiam quod est interpretatum Christus

vul@John:1:42 @ et adduxit eum ad Iesum intuitus autem eum Iesus dixit tu es Simon filius Iohanna tu vocaberis Cephas quod interpretatur Petrus

vul@John:1:43 @ in crastinum voluit exire in Galilaeam et invenit Philippum et dicit ei Iesus sequere me

vul@John:1:44 @ erat autem Philippus a Bethsaida civitate Andreae et Petri

vul@John:1:45 @ invenit Philippus Nathanahel et dicit ei quem scripsit Moses in lege et prophetae invenimus Iesum filium Ioseph a Nazareth

vul@John:1:46 @ et dixit ei Nathanahel a Nazareth potest aliquid boni esse dicit ei Philippus veni et vide

vul@John:1:47 @ vidit Iesus Nathanahel venientem ad se et dicit de eo ecce vere Israhelita in quo dolus non est

vul@John:1:48 @ dicit ei Nathanahel unde me nosti respondit Iesus et dixit ei priusquam te Philippus vocaret cum esses sub ficu vidi te

vul@John:1:49 @ respondit ei Nathanahel et ait rabbi tu es Filius Dei tu es rex Israhel

vul@John:1:50 @ respondit Iesus et dixit ei quia dixi tibi vidi te sub ficu credis maius his videbis

vul@John:1:51 @ et dicit ei amen amen dico vobis videbitis caelum apertum et angelos Dei ascendentes et descendentes supra Filium hominis

vul@John:2:1 @ et die tertio nuptiae factae sunt in Cana Galilaeae et erat mater Iesu ibi

vul@John:2:2 @ vocatus est autem ibi et Iesus et discipuli eius ad nuptias

vul@John:2:3 @ et deficiente vino dicit mater Iesu ad eum vinum non habent

vul@John:2:4 @ et dicit ei Iesus quid mihi et tibi est mulier nondum venit hora mea

vul@John:2:5 @ dicit mater eius ministris quodcumque dixerit vobis facite

vul@John:2:6 @ erant autem ibi lapideae hydriae sex positae secundum purificationem Iudaeorum capientes singulae metretas binas vel ternas

vul@John:2:7 @ dicit eis Iesus implete hydrias aqua et impleverunt eas usque ad summum

vul@John:2:8 @ et dicit eis Iesus haurite nunc et ferte architriclino et tulerunt

vul@John:2:9 @ ut autem gustavit architriclinus aquam vinum factam et non sciebat unde esset ministri autem sciebant qui haurierant aquam vocat sponsum architriclinus

vul@John:2:10 @ et dicit ei omnis homo primum bonum vinum ponit et cum inebriati fuerint tunc id quod deterius est tu servasti bonum vinum usque adhuc

vul@John:2:11 @ hoc fecit initium signorum Iesus in Cana Galilaeae et manifestavit gloriam suam et crediderunt in eum discipuli eius

vul@John:2:12 @ post hoc descendit Capharnaum ipse et mater eius et fratres eius et discipuli eius et ibi manserunt non multis diebus

vul@John:2:13 @ et prope erat pascha Iudaeorum et ascendit Hierosolyma Iesus

vul@John:2:14 @ et invenit in templo vendentes boves et oves et columbas et nummularios sedentes

vul@John:2:15 @ et cum fecisset quasi flagellum de funiculis omnes eiecit de templo oves quoque et boves et nummulariorum effudit aes et mensas subvertit

vul@John:2:16 @ et his qui columbas vendebant dixit auferte ista hinc nolite facere domum Patris mei domum negotiationis

vul@John:2:17 @ recordati vero sunt discipuli eius quia scriptum est zelus domus tuae comedit me

vul@John:2:18 @ responderunt ergo Iudaei et dixerunt ei quod signum ostendis nobis quia haec facis

vul@John:2:19 @ respondit Iesus et dixit eis solvite templum hoc et in tribus diebus excitabo illud

vul@John:2:20 @ dixerunt ergo Iudaei quadraginta et sex annis aedificatum est templum hoc et tu tribus diebus excitabis illud

vul@John:2:21 @ ille autem dicebat de templo corporis sui

vul@John:2:22 @ cum ergo resurrexisset a mortuis recordati sunt discipuli eius quia hoc dicebat et crediderunt scripturae et sermoni quem dixit Iesus

vul@John:2:23 @ cum autem esset Hierosolymis in pascha in die festo multi crediderunt in nomine eius videntes signa eius quae faciebat

vul@John:2:24 @ ipse autem Iesus non credebat semet ipsum eis eo quod ipse nosset omnes

vul@John:2:25 @ et quia opus ei non erat ut quis testimonium perhiberet de homine ipse enim sciebat quid esset in homine

vul@John:3:1 @ erat autem homo ex Pharisaeis Nicodemus nomine princeps Iudaeorum

vul@John:3:2 @ hic venit ad eum nocte et dixit ei rabbi scimus quia a Deo venisti magister nemo enim potest haec signa facere quae tu facis nisi fuerit Deus cum eo

vul@John:3:3 @ respondit Iesus et dixit ei amen amen dico tibi nisi quis natus fuerit denuo non potest videre regnum Dei

vul@John:3:4 @ dicit ad eum Nicodemus quomodo potest homo nasci cum senex sit numquid potest in ventrem matris suae iterato introire et nasci

vul@John:3:5 @ respondit Iesus amen amen dico tibi nisi quis renatus fuerit ex aqua et Spiritu non potest introire in regnum Dei

vul@John:3:6 @ quod natum est ex carne caro est et quod natum est ex Spiritu spiritus est

vul@John:3:7 @ non mireris quia dixi tibi oportet vos nasci denuo

vul@John:3:8 @ Spiritus ubi vult spirat et vocem eius audis sed non scis unde veniat et quo vadat sic est omnis qui natus est ex Spiritu

vul@John:3:9 @ respondit Nicodemus et dixit ei quomodo possunt haec fieri

vul@John:3:10 @ respondit Iesus et dixit ei tu es magister Israhel et haec ignoras

vul@John:3:11 @ amen amen dico tibi quia quod scimus loquimur et quod vidimus testamur et testimonium nostrum non accipitis

vul@John:3:12 @ si terrena dixi vobis et non creditis quomodo si dixero vobis caelestia credetis

vul@John:3:13 @ et nemo ascendit in caelum nisi qui descendit de caelo Filius hominis qui est in caelo

vul@John:3:14 @ et sicut Moses exaltavit serpentem in deserto ita exaltari oportet Filium hominis

vul@John:3:15 @ ut omnis qui credit in ipso non pereat sed habeat vitam aeternam

vul@John:3:16 @ sic enim dilexit Deus mundum ut Filium suum unigenitum daret ut omnis qui credit in eum non pereat sed habeat vitam aeternam

vul@John:3:17 @ non enim misit Deus Filium suum in mundum ut iudicet mundum sed ut salvetur mundus per ipsum

vul@John:3:18 @ qui credit in eum non iudicatur qui autem non credit iam iudicatus est quia non credidit in nomine unigeniti Filii Dei

vul@John:3:19 @ hoc est autem iudicium quia lux venit in mundum et dilexerunt homines magis tenebras quam lucem erant enim eorum mala opera

vul@John:3:20 @ omnis enim qui mala agit odit lucem et non venit ad lucem ut non arguantur opera eius

vul@John:3:21 @ qui autem facit veritatem venit ad lucem ut manifestentur eius opera quia in Deo sunt facta

vul@John:3:22 @ post haec venit Iesus et discipuli eius in iudaeam terram et illic demorabatur cum eis et baptizabat

vul@John:3:23 @ erat autem et Iohannes baptizans in Aenon iuxta Salim quia aquae multae erant illic et adveniebant et baptizabantur

vul@John:3:24 @ nondum enim missus fuerat in carcerem Iohannes

vul@John:3:25 @ facta est ergo quaestio ex discipulis Iohannis cum Iudaeis de purificatione

vul@John:3:26 @ et venerunt ad Iohannem et dixerunt ei rabbi qui erat tecum trans Iordanen cui tu testimonium perhibuisti ecce hic baptizat et omnes veniunt ad eum

vul@John:3:27 @ respondit Iohannes et dixit non potest homo accipere quicquam nisi fuerit ei datum de caelo

vul@John:3:28 @ ipsi vos mihi testimonium perhibetis quod dixerim ego non sum Christus sed quia missus sum ante illum

vul@John:3:29 @ qui habet sponsam sponsus est amicus autem sponsi qui stat et audit eum gaudio gaudet propter vocem sponsi hoc ergo gaudium meum impletum est

vul@John:3:30 @ illum oportet crescere me autem minui

vul@John:3:31 @ qui desursum venit supra omnes est qui est de terra de terra est et de terra loquitur qui de caelo venit supra omnes est

vul@John:3:32 @ et quod vidit et audivit hoc testatur et testimonium eius nemo accipit

vul@John:3:33 @ qui accipit eius testimonium signavit quia Deus verax est

vul@John:3:34 @ quem enim misit Deus verba Dei loquitur non enim ad mensuram dat Deus Spiritum

vul@John:3:35 @ Pater diligit Filium et omnia dedit in manu eius

vul@John:3:36 @ qui credit in Filium habet vitam aeternam qui autem incredulus est Filio non videbit vitam sed ira Dei manet super eum

vul@John:4:1 @ ut ergo cognovit Iesus quia audierunt Pharisaei quia Iesus plures discipulos facit et baptizat quam Iohannes

vul@John:4:2 @ quamquam Iesus non baptizaret sed discipuli eius

vul@John:4:3 @ reliquit Iudaeam et abiit iterum in Galilaeam

vul@John:4:4 @ oportebat autem eum transire per Samariam

vul@John:4:5 @ venit ergo in civitatem Samariae quae dicitur Sychar iuxta praedium quod dedit Iacob Ioseph filio suo

vul@John:4:6 @ erat autem ibi fons Iacob Iesus ergo fatigatus ex itinere sedebat sic super fontem hora erat quasi sexta

vul@John:4:7 @ venit mulier de Samaria haurire aquam dicit ei Iesus da mihi bibere

vul@John:4:8 @ discipuli enim eius abierant in civitatem ut cibos emerent

vul@John:4:9 @ dicit ergo ei mulier illa samaritana quomodo tu Iudaeus cum sis bibere a me poscis quae sum mulier samaritana non enim coutuntur Iudaei Samaritanis

vul@John:4:10 @ respondit Iesus et dixit ei si scires donum Dei et quis est qui dicit tibi da mihi bibere tu forsitan petisses ab eo et dedisset tibi aquam vivam

vul@John:4:11 @ dicit ei mulier Domine neque in quo haurias habes et puteus altus est unde ergo habes aquam vivam

vul@John:4:12 @ numquid tu maior es patre nostro Iacob qui dedit nobis puteum et ipse ex eo bibit et filii eius et pecora eius

vul@John:4:13 @ respondit Iesus et dixit ei omnis qui bibit ex aqua hac sitiet iterum qui autem biberit ex aqua quam ego dabo ei non sitiet in aeternum

vul@John:4:14 @ sed aqua quam dabo ei fiet in eo fons aquae salientis in vitam aeternam

vul@John:4:15 @ dicit ad eum mulier Domine da mihi hanc aquam ut non sitiam neque veniam huc haurire

vul@John:4:16 @ dicit ei Iesus vade voca virum tuum et veni huc

vul@John:4:17 @ respondit mulier et dixit non habeo virum dicit ei Iesus bene dixisti quia non habeo virum

vul@John:4:18 @ quinque enim viros habuisti et nunc quem habes non est tuus vir hoc vere dixisti

vul@John:4:19 @ dicit ei mulier Domine video quia propheta es tu

vul@John:4:20 @ patres nostri in monte hoc adoraverunt et vos dicitis quia Hierosolymis est locus ubi adorare oportet

vul@John:4:21 @ dicit ei Iesus mulier crede mihi quia veniet hora quando neque in monte hoc neque in Hierosolymis adorabitis Patrem

vul@John:4:22 @ vos adoratis quod nescitis nos adoramus quod scimus quia salus ex Iudaeis est

vul@John:4:23 @ sed venit hora et nunc est quando veri adoratores adorabunt Patrem in spiritu et veritate nam et Pater tales quaerit qui adorent eum

vul@John:4:24 @ spiritus est Deus et eos qui adorant eum in spiritu et veritate oportet adorare

vul@John:4:25 @ dicit ei mulier scio quia Messias venit qui dicitur Christus cum ergo venerit ille nobis adnuntiabit omnia

vul@John:4:26 @ dicit ei Iesus ego sum qui loquor tecum

vul@John:4:27 @ et continuo venerunt discipuli eius et mirabantur quia cum muliere loquebatur nemo tamen dixit quid quaeris aut quid loqueris cum ea

vul@John:4:28 @ reliquit ergo hydriam suam mulier et abiit in civitatem et dicit illis hominibus

vul@John:4:29 @ venite videte hominem qui dixit mihi omnia quaecumque feci numquid ipse est Christus

vul@John:4:30 @ exierunt de civitate et veniebant ad eum

vul@John:4:31 @ interea rogabant eum discipuli dicentes rabbi manduca

vul@John:4:32 @ ille autem dixit eis ego cibum habeo manducare quem vos nescitis

vul@John:4:33 @ dicebant ergo discipuli ad invicem numquid aliquis adtulit ei manducare

vul@John:4:34 @ dicit eis Iesus meus cibus est ut faciam voluntatem eius qui misit me ut perficiam opus eius

vul@John:4:35 @ nonne vos dicitis quod adhuc quattuor menses sunt et messis venit ecce dico vobis levate oculos vestros et videte regiones quia albae sunt iam ad messem

vul@John:4:36 @ et qui metit mercedem accipit et congregat fructum in vitam aeternam ut et qui seminat simul gaudeat et qui metit

vul@John:4:37 @ in hoc enim est verbum verum quia alius est qui seminat et alius est qui metit

vul@John:4:38 @ ego misi vos metere quod vos non laborastis alii laboraverunt et vos in laborem eorum introistis

vul@John:4:39 @ ex civitate autem illa multi crediderunt in eum Samaritanorum propter verbum mulieris testimonium perhibentis quia dixit mihi omnia quaecumque feci

vul@John:4:40 @ cum venissent ergo ad illum Samaritani rogaverunt eum ut ibi maneret et mansit ibi duos dies

vul@John:4:41 @ et multo plures crediderunt propter sermonem eius

vul@John:4:42 @ et mulieri dicebant quia iam non propter tuam loquellam credimus ipsi enim audivimus et scimus quia hic est vere salvator mundi

vul@John:4:43 @ post duos autem dies exiit inde et abiit in Galilaeam

vul@John:4:44 @ ipse enim Iesus testimonium perhibuit quia propheta in sua patria honorem non habet

vul@John:4:45 @ cum ergo venisset in Galilaeam exceperunt eum Galilaei cum omnia vidissent quae fecerat Hierosolymis in die festo et ipsi enim venerant in diem festum

vul@John:4:46 @ venit ergo iterum in Cana Galilaeae ubi fecit aquam vinum et erat quidam regulus cuius filius infirmabatur Capharnaum

vul@John:4:47 @ hic cum audisset quia Iesus adveniret a Iudaea in Galilaeam abiit ad eum et rogabat eum ut descenderet et sanaret filium eius incipiebat enim mori

vul@John:4:48 @ dixit ergo Iesus ad eum nisi signa et prodigia videritis non creditis

vul@John:4:49 @ dicit ad eum regulus Domine descende priusquam moriatur filius meus

vul@John:4:50 @ dicit ei Iesus vade filius tuus vivit credidit homo sermoni quem dixit ei Iesus et ibat

vul@John:4:51 @ iam autem eo descendente servi occurrerunt ei et nuntiaverunt dicentes quia filius eius viveret

vul@John:4:52 @ interrogabat ergo horam ab eis in qua melius habuerit et dixerunt ei quia heri hora septima reliquit eum febris

vul@John:4:53 @ cognovit ergo pater quia illa hora erat in qua dixit ei Iesus filius tuus vivit et credidit ipse et domus eius tota

vul@John:4:54 @ hoc iterum secundum signum fecit Iesus cum venisset a Iudaea in Galilaeam

vul@John:5:1 @ post haec erat dies festus Iudaeorum et ascendit Iesus Hierosolymis

vul@John:5:2 @ est autem Hierosolymis super Probatica piscina quae cognominatur hebraice Bethsaida quinque porticus habens

vul@John:5:3 @ in his iacebat multitudo magna languentium caecorum claudorum aridorum expectantium aquae motum

vul@John:5:5 @ erat autem quidam homo ibi triginta et octo annos habens in infirmitate sua

vul@John:5:6 @ hunc cum vidisset Iesus iacentem et cognovisset quia multum iam tempus habet dicit ei vis sanus fieri

vul@John:5:7 @ respondit ei languidus Domine hominem non habeo ut cum turbata fuerit aqua mittat me in piscinam dum venio enim ego alius ante me descendit

vul@John:5:8 @ dicit ei Iesus surge tolle grabattum tuum et ambula

vul@John:5:9 @ et statim sanus factus est homo et sustulit grabattum suum et ambulabat erat autem sabbatum in illo die

vul@John:5:10 @ dicebant Iudaei illi qui sanatus fuerat sabbatum est non licet tibi tollere grabattum tuum

vul@John:5:11 @ respondit eis qui me fecit sanum ille mihi dixit tolle grabattum tuum et ambula

vul@John:5:12 @ interrogaverunt ergo eum quis est ille homo qui dixit tibi tolle grabattum tuum et ambula

vul@John:5:13 @ is autem qui sanus fuerat effectus nesciebat quis esset Iesus enim declinavit turba constituta in loco

vul@John:5:14 @ postea invenit eum Iesus in templo et dixit illi ecce sanus factus es iam noli peccare ne deterius tibi aliquid contingat

vul@John:5:15 @ abiit ille homo et nuntiavit Iudaeis quia Iesus esset qui fecit eum sanum

vul@John:5:16 @ propterea persequebantur Iudaei Iesum quia haec faciebat in sabbato

vul@John:5:17 @ Iesus autem respondit eis Pater meus usque modo operatur et ego operor

vul@John:5:18 @ propterea ergo magis quaerebant eum Iudaei interficere quia non solum solvebat sabbatum sed et Patrem suum dicebat Deum aequalem se faciens Deo respondit itaque Iesus et dixit eis

vul@John:5:19 @ amen amen dico vobis non potest Filius a se facere quicquam nisi quod viderit Patrem facientem quaecumque enim ille fecerit haec et Filius similiter facit

vul@John:5:20 @ Pater enim diligit Filium et omnia demonstrat ei quae ipse facit et maiora his demonstrabit ei opera ut vos miremini

vul@John:5:21 @ sicut enim Pater suscitat mortuos et vivificat sic et Filius quos vult vivificat

vul@John:5:22 @ neque enim Pater iudicat quemquam sed iudicium omne dedit Filio

vul@John:5:23 @ ut omnes honorificent Filium sicut honorificant Patrem qui non honorificat Filium non honorificat Patrem qui misit illum

vul@John:5:24 @ amen amen dico vobis quia qui verbum meum audit et credit ei qui misit me habet vitam aeternam et in iudicium non venit sed transit a morte in vitam

vul@John:5:25 @ amen amen dico vobis quia venit hora et nunc est quando mortui audient vocem Filii Dei et qui audierint vivent

vul@John:5:26 @ sicut enim Pater habet vitam in semet ipso sic dedit et Filio vitam habere in semet ipso

vul@John:5:27 @ et potestatem dedit ei et iudicium facere quia Filius hominis est

vul@John:5:28 @ nolite mirari hoc quia venit hora in qua omnes qui in monumentis sunt audient vocem eius

vul@John:5:29 @ et procedent qui bona fecerunt in resurrectionem vitae qui vero mala egerunt in resurrectionem iudicii

vul@John:5:30 @ non possum ego a me ipso facere quicquam sicut audio iudico et iudicium meum iustum est quia non quaero voluntatem meam sed voluntatem eius qui misit me

vul@John:5:31 @ si ego testimonium perhibeo de me testimonium meum non est verum

vul@John:5:32 @ alius est qui testimonium perhibet de me et scio quia verum est testimonium quod perhibet de me

vul@John:5:33 @ vos misistis ad Iohannem et testimonium perhibuit veritati

vul@John:5:34 @ ego autem non ab homine testimonium accipio sed haec dico ut vos salvi sitis

vul@John:5:35 @ ille erat lucerna ardens et lucens vos autem voluistis exultare ad horam in luce eius

vul@John:5:36 @ ego autem habeo testimonium maius Iohanne opera enim quae dedit mihi Pater ut perficiam ea ipsa opera quae ego facio testimonium perhibent de me quia Pater me misit

vul@John:5:37 @ et qui misit me Pater ipse testimonium perhibuit de me neque vocem eius umquam audistis neque speciem eius vidistis

vul@John:5:38 @ et verbum eius non habetis in vobis manens quia quem misit ille huic vos non creditis

vul@John:5:39 @ scrutamini scripturas quia vos putatis in ipsis vitam aeternam habere et illae sunt quae testimonium perhibent de me

vul@John:5:40 @ et non vultis venire ad me ut vitam habeatis

vul@John:5:41 @ claritatem ab hominibus non accipio

vul@John:5:42 @ sed cognovi vos quia dilectionem Dei non habetis in vobis

vul@John:5:43 @ ego veni in nomine Patris mei et non accipitis me si alius venerit in nomine suo illum accipietis

vul@John:5:44 @ quomodo potestis vos credere qui gloriam ab invicem accipitis et gloriam quae a solo est Deo non quaeritis

vul@John:5:45 @ nolite putare quia ego accusaturus sim vos apud Patrem est qui accuset vos Moses in quo vos speratis

vul@John:5:46 @ si enim crederetis Mosi crederetis forsitan et mihi de me enim ille scripsit

vul@John:5:47 @ si autem illius litteris non creditis quomodo meis verbis credetis

vul@John:6:1 @ post haec abiit Iesus trans mare Galilaeae quod est Tiberiadis

vul@John:6:2 @ et sequebatur eum multitudo magna quia videbant signa quae faciebat super his qui infirmabantur

vul@John:6:3 @ subiit ergo in montem Iesus et ibi sedebat cum discipulis suis

vul@John:6:4 @ erat autem proximum pascha dies festus Iudaeorum

vul@John:6:5 @ cum sublevasset ergo oculos Iesus et vidisset quia multitudo maxima venit ad eum dicit ad Philippum unde ememus panes ut manducent hii

vul@John:6:6 @ hoc autem dicebat temptans eum ipse enim sciebat quid esset facturus

vul@John:6:7 @ respondit ei Philippus ducentorum denariorum panes non sufficiunt eis ut unusquisque modicum quid accipiat

vul@John:6:8 @ dicit ei unus ex discipulis eius Andreas frater Simonis Petri

vul@John:6:9 @ est puer unus hic qui habet quinque panes hordiacios et duos pisces sed haec quid sunt inter tantos

vul@John:6:10 @ dixit ergo Iesus facite homines discumbere erat autem faenum multum in loco discubuerunt ergo viri numero quasi quinque milia

vul@John:6:11 @ accepit ergo panes Iesus et cum gratias egisset distribuit discumbentibus similiter et ex piscibus quantum volebant

vul@John:6:12 @ ut autem impleti sunt dixit discipulis suis colligite quae superaverunt fragmenta ne pereant

vul@John:6:13 @ collegerunt ergo et impleverunt duodecim cofinos fragmentorum ex quinque panibus hordiaciis quae superfuerunt his qui manducaverunt

vul@John:6:14 @ illi ergo homines cum vidissent quod fecerat signum dicebant quia hic est vere propheta qui venturus est in mundum

vul@John:6:15 @ Iesus ergo cum cognovisset quia venturi essent ut raperent eum et facerent eum regem fugit iterum in montem ipse solus

vul@John:6:16 @ ut autem sero factum est descenderunt discipuli eius ad mare

vul@John:6:17 @ et cum ascendissent navem venerunt trans mare in Capharnaum et tenebrae iam factae erant et non venerat ad eos Iesus

vul@John:6:18 @ mare autem vento magno flante exsurgebat

vul@John:6:19 @ cum remigassent ergo quasi stadia viginti quinque aut triginta vident Iesum ambulantem super mare et proximum navi fieri et timuerunt

vul@John:6:20 @ ille autem dicit eis ego sum nolite timere

vul@John:6:21 @ voluerunt ergo accipere eum in navi et statim fuit navis ad terram quam ibant

vul@John:6:22 @ altera die turba quae stabat trans mare vidit quia navicula alia non erat ibi nisi una et quia non introisset cum discipulis suis Iesus in navem sed soli discipuli eius abissent

vul@John:6:23 @ aliae vero supervenerunt naves a Tiberiade iuxta locum ubi manducaverant panem gratias agente Domino

vul@John:6:24 @ cum ergo vidisset turba quia Iesus non esset ibi neque discipuli eius ascenderunt naviculas et venerunt Capharnaum quaerentes Iesum

vul@John:6:25 @ et cum invenissent eum trans mare dixerunt ei rabbi quando huc venisti

vul@John:6:26 @ respondit eis Iesus et dixit amen amen dico vobis quaeritis me non quia vidistis signa sed quia manducastis ex panibus et saturati estis

vul@John:6:27 @ operamini non cibum qui perit sed qui permanet in vitam aeternam quem Filius hominis vobis dabit hunc enim Pater signavit Deus

vul@John:6:28 @ dixerunt ergo ad eum quid faciemus ut operemur opera Dei

vul@John:6:29 @ respondit Iesus et dixit eis hoc est opus Dei ut credatis in eum quem misit ille

vul@John:6:30 @ dixerunt ergo ei quod ergo tu facis signum ut videamus et credamus tibi quid operaris

vul@John:6:31 @ patres nostri manna manducaverunt in deserto sicut scriptum est panem de caelo dedit eis manducare

vul@John:6:32 @ dixit ergo eis Iesus amen amen dico vobis non Moses dedit vobis panem de caelo sed Pater meus dat vobis panem de caelo verum

vul@John:6:33 @ panis enim Dei est qui descendit de caelo et dat vitam mundo

vul@John:6:34 @ dixerunt ergo ad eum Domine semper da nobis panem hunc

vul@John:6:35 @ dixit autem eis Iesus ego sum panis vitae qui veniet ad me non esuriet et qui credit in me non sitiet umquam

vul@John:6:36 @ sed dixi vobis quia et vidistis me et non creditis

vul@John:6:37 @ omne quod dat mihi Pater ad me veniet et eum qui venit ad me non eiciam foras

vul@John:6:38 @ quia descendi de caelo non ut faciam voluntatem meam sed voluntatem eius qui misit me

vul@John:6:39 @ haec est autem voluntas eius qui misit me Patris ut omne quod dedit mihi non perdam ex eo sed resuscitem illum novissimo die

vul@John:6:40 @ haec est enim voluntas Patris mei qui misit me ut omnis qui videt Filium et credit in eum habeat vitam aeternam et resuscitabo ego eum in novissimo die

vul@John:6:41 @ murmurabant ergo Iudaei de illo quia dixisset ego sum panis qui de caelo descendi

vul@John:6:42 @ et dicebant nonne hic est Iesus filius Ioseph cuius nos novimus patrem et matrem quomodo ergo dicit hic quia de caelo descendi

vul@John:6:43 @ respondit ergo Iesus et dixit eis nolite murmurare in invicem

vul@John:6:44 @ nemo potest venire ad me nisi Pater qui misit me traxerit eum et ego resuscitabo eum novissimo die

vul@John:6:45 @ est scriptum in prophetis et erunt omnes docibiles Dei omnis qui audivit a Patre et didicit venit ad me

vul@John:6:46 @ non quia Patrem vidit quisquam nisi is qui est a Deo hic vidit Patrem

vul@John:6:47 @ amen amen dico vobis qui credit in me habet vitam aeternam

vul@John:6:48 @ ego sum panis vitae

vul@John:6:49 @ patres vestri manducaverunt in deserto manna et mortui sunt

vul@John:6:50 @ hic est panis de caelo descendens ut si quis ex ipso manducaverit non moriatur

vul@John:6:51 @ ego sum panis vivus qui de caelo descendi

vul@John:6:52 @ si quis manducaverit ex hoc pane vivet in aeternum et panis quem ego dabo caro mea est pro mundi vita

vul@John:6:53 @ litigabant ergo Iudaei ad invicem dicentes quomodo potest hic nobis carnem suam dare ad manducandum

vul@John:6:54 @ dixit ergo eis Iesus amen amen dico vobis nisi manducaveritis carnem Filii hominis et biberitis eius sanguinem non habetis vitam in vobis

vul@John:6:55 @ qui manducat meam carnem et bibit meum sanguinem habet vitam aeternam et ego resuscitabo eum in novissimo die

vul@John:6:56 @ caro enim mea vere est cibus et sanguis meus vere est potus

vul@John:6:57 @ qui manducat meam carnem et bibit meum sanguinem in me manet et ego in illo

vul@John:6:58 @ sicut misit me vivens Pater et ego vivo propter Patrem et qui manducat me et ipse vivet propter me

vul@John:6:59 @ hic est panis qui de caelo descendit non sicut manducaverunt patres vestri manna et mortui sunt qui manducat hunc panem vivet in aeternum

vul@John:6:60 @ haec dixit in synagoga docens in Capharnaum

vul@John:6:61 @ multi ergo audientes ex discipulis eius dixerunt durus est hic sermo quis potest eum audire

vul@John:6:62 @ sciens autem Iesus apud semet ipsum quia murmurarent de hoc discipuli eius dixit eis hoc vos scandalizat

vul@John:6:63 @ si ergo videritis Filium hominis ascendentem ubi erat prius

vul@John:6:64 @ spiritus est qui vivificat caro non prodest quicquam verba quae ego locutus sum vobis spiritus et vita sunt

vul@John:6:65 @ sed sunt quidam ex vobis qui non credunt sciebat enim ab initio Iesus qui essent credentes et quis traditurus esset eum

vul@John:6:66 @ et dicebat propterea dixi vobis quia nemo potest venire ad me nisi fuerit ei datum a Patre meo

vul@John:6:67 @ ex hoc multi discipulorum eius abierunt retro et iam non cum illo ambulabant

vul@John:6:68 @ dixit ergo Iesus ad duodecim numquid et vos vultis abire

vul@John:6:69 @ respondit ergo ei Simon Petrus Domine ad quem ibimus verba vitae aeternae habes

vul@John:6:70 @ et nos credidimus et cognovimus quia tu es Christus Filius Dei

vul@John:6:71 @ respondit eis Iesus nonne ego vos duodecim elegi et ex vobis unus diabolus est

vul@John:6:72 @ dicebat autem Iudam Simonis Scariotis hic enim erat traditurus eum cum esset unus ex duodecim

vul@John:7:1 @ post haec ambulabat Iesus in Galilaeam non enim volebat in Iudaeam ambulare quia quaerebant eum Iudaei interficere

vul@John:7:2 @ erat autem in proximo dies festus Iudaeorum scenopegia

vul@John:7:3 @ dixerunt autem ad eum fratres eius transi hinc et vade in Iudaeam ut et discipuli tui videant opera tua quae facis

vul@John:7:4 @ nemo quippe in occulto quid facit et quaerit ipse in palam esse si haec facis manifesta te ipsum mundo

vul@John:7:5 @ neque enim fratres eius credebant in eum

vul@John:7:6 @ dicit ergo eis Iesus tempus meum nondum advenit tempus autem vestrum semper est paratum

vul@John:7:7 @ non potest mundus odisse vos me autem odit quia ego testimonium perhibeo de illo quia opera eius mala sunt

vul@John:7:8 @ vos ascendite ad diem festum hunc ego non ascendo ad diem festum istum quia meum tempus nondum impletum est

vul@John:7:9 @ haec cum dixisset ipse mansit in Galilaea

vul@John:7:10 @ ut autem ascenderunt fratres eius tunc et ipse ascendit ad diem festum non manifeste sed quasi in occulto

vul@John:7:11 @ Iudaei ergo quaerebant eum in die festo et dicebant ubi est ille

vul@John:7:12 @ et murmur multus de eo erat in turba; quidam enim dicebant quia bonus est alii autem dicebant non sed seducit turbas

vul@John:7:13 @ nemo tamen palam loquebatur de illo propter metum Iudaeorum

vul@John:7:14 @ iam autem die festo mediante ascendit Iesus in templum et docebat

vul@John:7:15 @ et mirabantur Iudaei dicentes quomodo hic litteras scit cum non didicerit

vul@John:7:16 @ respondit eis Iesus et dixit mea doctrina non est mea sed eius qui misit me

vul@John:7:17 @ si quis voluerit voluntatem eius facere cognoscet de doctrina utrum ex Deo sit an ego a me ipso loquar

vul@John:7:18 @ qui a semet ipso loquitur gloriam propriam quaerit qui autem quaerit gloriam eius qui misit illum hic verax est et iniustitia in illo non est

vul@John:7:19 @ nonne Moses dedit vobis legem et nemo ex vobis facit legem

vul@John:7:20 @ quid me quaeritis interficere respondit turba et dixit daemonium habes quis te quaerit interficere

vul@John:7:21 @ respondit Iesus et dixit eis unum opus feci et omnes miramini

vul@John:7:22 @ propterea Moses dedit vobis circumcisionem non quia ex Mose est sed ex patribus et in sabbato circumciditis hominem

vul@John:7:23 @ si circumcisionem accipit homo in sabbato ut non solvatur lex Mosi mihi indignamini quia totum hominem sanum feci in sabbato

vul@John:7:24 @ nolite iudicare secundum faciem sed iustum iudicium iudicate

vul@John:7:25 @ dicebant ergo quidam ex Hierosolymis nonne hic est quem quaerunt interficere

vul@John:7:26 @ et ecce palam loquitur et nihil ei dicunt numquid vere cognoverunt principes quia hic est Christus

vul@John:7:27 @ sed hunc scimus unde sit Christus autem cum venerit nemo scit unde sit

vul@John:7:28 @ clamabat ergo docens in templo Iesus et dicens et me scitis et unde sim scitis et a me ipso non veni sed est verus qui misit me quem vos non scitis

vul@John:7:29 @ ego scio eum quia ab ipso sum et ipse me misit

vul@John:7:30 @ quaerebant ergo eum adprehendere et nemo misit in illum manus quia nondum venerat hora eius

vul@John:7:31 @ de turba autem multi crediderunt in eum et dicebant Christus cum venerit numquid plura signa faciet quam quae hic facit

vul@John:7:32 @ audierunt Pharisaei turbam murmurantem de illo haec et miserunt principes et Pharisaei ministros ut adprehenderent eum

vul@John:7:33 @ dixit ergo Iesus adhuc modicum tempus vobiscum sum et vado ad eum qui misit me

vul@John:7:34 @ quaeretis me et non invenietis et ubi sum ego vos non potestis venire

vul@John:7:35 @ dixerunt ergo Iudaei ad se ipsos quo hic iturus est quia non inveniemus eum numquid in dispersionem gentium iturus est et docturus gentes

vul@John:7:36 @ quis est hic sermo quem dixit quaeretis me et non invenietis et ubi sum ego non potestis venire

vul@John:7:37 @ in novissimo autem die magno festivitatis stabat Iesus et clamabat dicens si quis sitit veniat ad me et bibat

vul@John:7:38 @ qui credit in me sicut dixit scriptura flumina de ventre eius fluent aquae vivae

vul@John:7:39 @ hoc autem dixit de Spiritu quem accepturi erant credentes in eum non enim erat Spiritus quia Iesus nondum fuerat glorificatus

vul@John:7:40 @ ex illa ergo turba cum audissent hos sermones eius dicebant hic est vere propheta

vul@John:7:41 @ alii dicebant hic est Christus quidam autem dicebant numquid a Galilaea Christus venit

vul@John:7:42 @ nonne scriptura dicit quia ex semine David et Bethleem castello ubi erat David venit Christus

vul@John:7:43 @ dissensio itaque facta est in turba propter eum

vul@John:7:44 @ quidam autem ex ipsis volebant adprehendere eum sed nemo misit super illum manus

vul@John:7:45 @ venerunt ergo ministri ad pontifices et Pharisaeos et dixerunt eis illi quare non adduxistis eum

vul@John:7:46 @ responderunt ministri numquam sic locutus est homo sicut hic homo

vul@John:7:47 @ responderunt ergo eis Pharisaei numquid et vos seducti estis

vul@John:7:48 @ numquid aliquis ex principibus credidit in eum aut ex Pharisaeis

vul@John:7:49 @ sed turba haec quae non novit legem maledicti sunt

vul@John:7:50 @ dicit Nicodemus ad eos ille qui venit ad eum nocte qui unus erat ex ipsis

vul@John:7:51 @ numquid lex nostra iudicat hominem nisi audierit ab ipso prius et cognoverit quid faciat

vul@John:7:52 @ responderunt et dixerunt ei numquid et tu Galilaeus es scrutare et vide quia propheta a Galilaea non surgit

vul@John:7:53 @ et reversi sunt unusquisque in domum suam

vul@John:8:1 @ Iesus autem perrexit in montem Oliveti

vul@John:8:2 @ et diluculo iterum venit in templum et omnis populus venit ad eum et sedens docebat eos

vul@John:8:3 @ adducunt autem scribae et Pharisaei mulierem in adulterio deprehensam et statuerunt eam in medio

vul@John:8:4 @ et dixerunt ei magister haec mulier modo deprehensa est in adulterio

vul@John:8:5 @ in lege autem Moses mandavit nobis huiusmodi lapidare tu ergo quid dicis

vul@John:8:6 @ haec autem dicebant temptantes eum ut possent accusare eum Iesus autem inclinans se deorsum digito scribebat in terra

vul@John:8:7 @ cum autem perseverarent interrogantes eum erexit se et dixit eis qui sine peccato est vestrum primus in illam lapidem mittat

vul@John:8:8 @ et iterum se inclinans scribebat in terra

vul@John:8:9 @ audientes autem unus post unum exiebant incipientes a senioribus et remansit solus et mulier in medio stans

vul@John:8:10 @ erigens autem se Iesus dixit ei mulier ubi sunt nemo te condemnavit

vul@John:8:11 @ quae dixit nemo Domine dixit autem Iesus nec ego te condemnabo vade et amplius iam noli peccare

vul@John:8:12 @ iterum ergo locutus est eis Iesus dicens ego sum lux mundi qui sequitur me non ambulabit in tenebris sed habebit lucem vitae

vul@John:8:13 @ dixerunt ergo ei Pharisaei tu de te ipso testimonium perhibes testimonium tuum non est verum

vul@John:8:14 @ respondit Iesus et dixit eis et si ego testimonium perhibeo de me ipso verum est testimonium meum quia scio unde veni et quo vado vos autem nescitis unde venio aut quo vado

vul@John:8:15 @ vos secundum carnem iudicatis ego non iudico quemquam

vul@John:8:16 @ et si iudico ego iudicium meum verum est quia solus non sum sed ego et qui me misit Pater

vul@John:8:17 @ et in lege vestra scriptum est quia duorum hominum testimonium verum est

vul@John:8:18 @ ego sum qui testimonium perhibeo de me ipso et testimonium perhibet de me qui misit me Pater

vul@John:8:19 @ dicebant ergo ei ubi est Pater tuus respondit Iesus neque me scitis neque Patrem meum si me sciretis forsitan et Patrem meum sciretis

vul@John:8:20 @ haec verba locutus est in gazofilacio docens in templo et nemo adprehendit eum quia necdum venerat hora eius

vul@John:8:21 @ dixit ergo iterum eis Iesus ego vado et quaeretis me et in peccato vestro moriemini quo ego vado vos non potestis venire

vul@John:8:22 @ dicebant ergo Iudaei numquid interficiet semet ipsum quia dicit quo ego vado vos non potestis venire

vul@John:8:23 @ et dicebat eis vos de deorsum estis ego de supernis sum vos de mundo hoc estis ego non sum de hoc mundo

vul@John:8:24 @ dixi ergo vobis quia moriemini in peccatis vestris si enim non credideritis quia ego sum moriemini in peccato vestro

vul@John:8:25 @ dicebant ergo ei tu quis es dixit eis Iesus principium quia et loquor vobis

vul@John:8:26 @ multa habeo de vobis loqui et iudicare sed qui misit me verax est et ego quae audivi ab eo haec loquor in mundo

vul@John:8:27 @ et non cognoverunt quia Patrem eis dicebat

vul@John:8:28 @ dixit ergo eis Iesus cum exaltaveritis Filium hominis tunc cognoscetis quia ego sum et a me ipso facio nihil sed sicut docuit me Pater haec loquor

vul@John:8:29 @ et qui me misit mecum est non reliquit me solum quia ego quae placita sunt ei facio semper

vul@John:8:30 @ haec illo loquente multi crediderunt in eum

vul@John:8:31 @ dicebat ergo Iesus ad eos qui crediderunt ei Iudaeos si vos manseritis in sermone meo vere discipuli mei eritis

vul@John:8:32 @ et cognoscetis veritatem et veritas liberabit vos

vul@John:8:33 @ responderunt ei semen Abrahae sumus et nemini servivimus umquam quomodo tu dicis liberi eritis

vul@John:8:34 @ respondit eis Iesus amen amen dico vobis quia omnis qui facit peccatum servus est peccati

vul@John:8:35 @ servus autem non manet in domo in aeternum filius manet in aeternum

vul@John:8:36 @ si ergo Filius vos liberaverit vere liberi eritis

vul@John:8:37 @ scio quia filii Abrahae estis sed quaeritis me interficere quia sermo meus non capit in vobis

vul@John:8:38 @ ego quod vidi apud Patrem loquor et vos quae vidistis apud patrem vestrum facitis

vul@John:8:39 @ responderunt et dixerunt ei pater noster Abraham est dicit eis Iesus si filii Abrahae estis opera Abrahae facite

vul@John:8:40 @ nunc autem quaeritis me interficere hominem qui veritatem vobis locutus sum quam audivi a Deo hoc Abraham non fecit

vul@John:8:41 @ vos facitis opera patris vestri dixerunt itaque ei nos ex fornicatione non sumus nati unum patrem habemus Deum

vul@John:8:42 @ dixit ergo eis Iesus si Deus pater vester esset diligeretis utique me ego enim ex Deo processi et veni neque enim a me ipso veni sed ille me misit

vul@John:8:43 @ quare loquellam meam non cognoscitis quia non potestis audire sermonem meum

vul@John:8:44 @ vos ex patre diabolo estis et desideria patris vestri vultis facere ille homicida erat ab initio et in veritate non stetit quia non est veritas in eo cum loquitur mendacium ex propriis loquitur quia mendax est et pater eius

vul@John:8:45 @ ego autem quia veritatem dico non creditis mihi

vul@John:8:46 @ quis ex vobis arguit me de peccato si veritatem dico quare vos non creditis mihi

vul@John:8:47 @ qui est ex Deo verba Dei audit propterea vos non auditis quia ex Deo non estis

vul@John:8:48 @ responderunt igitur Iudaei et dixerunt ei nonne bene dicimus nos quia Samaritanus es tu et daemonium habes

vul@John:8:49 @ respondit Iesus ego daemonium non habeo sed honorifico Patrem meum et vos inhonoratis me

vul@John:8:50 @ ego autem non quaero gloriam meam est qui quaerit et iudicat

vul@John:8:51 @ amen amen dico vobis si quis sermonem meum servaverit mortem non videbit in aeternum

vul@John:8:52 @ dixerunt ergo Iudaei nunc cognovimus quia daemonium habes Abraham mortuus est et prophetae et tu dicis si quis sermonem meum servaverit non gustabit mortem in aeternum

vul@John:8:53 @ numquid tu maior es patre nostro Abraham qui mortuus est et prophetae mortui sunt quem te ipsum facis

vul@John:8:54 @ respondit Iesus si ego glorifico me ipsum gloria mea nihil est est Pater meus qui glorificat me quem vos dicitis quia Deus noster est

vul@John:8:55 @ et non cognovistis eum ego autem novi eum et si dixero quia non scio eum ero similis vobis mendax sed scio eum et sermonem eius servo

vul@John:8:56 @ Abraham pater vester exultavit ut videret diem meum et vidit et gavisus est

vul@John:8:57 @ dixerunt ergo Iudaei ad eum quinquaginta annos nondum habes et Abraham vidisti

vul@John:8:58 @ dixit eis Iesus amen amen dico vobis antequam Abraham fieret ego sum

vul@John:8:59 @ tulerunt ergo lapides ut iacerent in eum Iesus autem abscondit se et exivit de templo

vul@John:9:1 @ et praeteriens vidit hominem caecum a nativitate

vul@John:9:2 @ et interrogaverunt eum discipuli sui rabbi quis peccavit hic aut parentes eius ut caecus nasceretur

vul@John:9:3 @ respondit Iesus neque hic peccavit neque parentes eius sed ut manifestetur opera Dei in illo

vul@John:9:4 @ me oportet operari opera eius qui misit me donec dies est venit nox quando nemo potest operari

vul@John:9:6 @ haec cum dixisset expuit in terram et fecit lutum ex sputo et linuit lutum super oculos eius

vul@John:9:7 @ et dixit ei vade lava in natatoria Siloae quod interpretatur Missus abiit ergo et lavit et venit videns

vul@John:9:8 @ itaque vicini et qui videbant eum prius quia mendicus erat dicebant nonne hic est qui sedebat et mendicabat alii dicebant quia hic est

vul@John:9:9 @ alii autem nequaquam sed similis est eius ille dicebat quia ego sum

vul@John:9:10 @ dicebant ergo ei quomodo aperti sunt oculi tibi

vul@John:9:11 @ respondit ille homo qui dicitur Iesus lutum fecit et unxit oculos meos et dixit mihi vade ad natatoriam Siloae et lava et abii et lavi et vidi

vul@John:9:12 @ dixerunt ei ubi est ille ait nescio

vul@John:9:13 @ adducunt eum ad Pharisaeos qui caecus fuerat

vul@John:9:14 @ erat autem sabbatum quando lutum fecit Iesus et aperuit oculos eius

vul@John:9:15 @ iterum ergo interrogabant eum Pharisaei quomodo vidisset ille autem dixit eis lutum posuit mihi super oculos et lavi et video

vul@John:9:16 @ dicebant ergo ex Pharisaeis quidam non est hic homo a Deo quia sabbatum non custodit alii dicebant quomodo potest homo peccator haec signa facere et scisma erat in eis

vul@John:9:17 @ dicunt ergo caeco iterum tu quid dicis de eo qui aperuit oculos tuos ille autem dixit quia propheta est

vul@John:9:18 @ non crediderunt ergo Iudaei de illo quia caecus fuisset et vidisset donec vocaverunt parentes eius qui viderat

vul@John:9:19 @ et interrogaverunt eos dicentes hic est filius vester quem vos dicitis quia caecus natus est quomodo ergo nunc videt

vul@John:9:20 @ responderunt eis parentes eius et dixerunt scimus quia hic est filius noster et quia caecus natus est

vul@John:9:21 @ quomodo autem nunc videat nescimus aut quis eius aperuit oculos nos nescimus ipsum interrogate aetatem habet ipse de se loquatur

vul@John:9:22 @ haec dixerunt parentes eius quia timebant Iudaeos iam enim conspiraverant Iudaei ut si quis eum confiteretur Christum extra synagogam fieret

vul@John:9:23 @ propterea parentes eius dixerunt quia aetatem habet ipsum interrogate

vul@John:9:24 @ vocaverunt ergo rursum hominem qui fuerat caecus et dixerunt ei da gloriam Deo nos scimus quia hic homo peccator est

vul@John:9:25 @ dixit ergo ille si peccator est nescio unum scio quia caecus cum essem modo video

vul@John:9:26 @ dixerunt ergo illi quid fecit tibi quomodo aperuit tibi oculos

vul@John:9:27 @ respondit eis dixi vobis iam et audistis quid iterum vultis audire numquid et vos vultis discipuli eius fieri

vul@John:9:28 @ maledixerunt ei et dixerunt tu discipulus illius es nos autem Mosi discipuli sumus

vul@John:9:29 @ nos scimus quia Mosi locutus est Deus hunc autem nescimus unde sit

vul@John:9:30 @ respondit ille homo et dixit eis in hoc enim mirabile est quia vos nescitis unde sit et aperuit meos oculos

vul@John:9:31 @ scimus autem quia peccatores Deus non audit sed si quis Dei cultor est et voluntatem eius facit hunc exaudit

vul@John:9:32 @ a saeculo non est auditum quia aperuit quis oculos caeci nati

vul@John:9:33 @ nisi esset hic a Deo non poterat facere quicquam

vul@John:9:34 @ responderunt et dixerunt ei in peccatis natus es totus et tu doces nos et eiecerunt eum foras

vul@John:9:35 @ audivit Iesus quia eiecerunt eum foras et cum invenisset eum dixit ei tu credis in Filium Dei

vul@John:9:36 @ respondit ille et dixit quis est Domine ut credam in eum

vul@John:9:37 @ et dixit ei Iesus et vidisti eum et qui loquitur tecum ipse est

vul@John:9:38 @ at ille ait credo Domine et procidens adoravit eum

vul@John:9:39 @ dixit ei Iesus in iudicium ego in hunc mundum veni ut qui non vident videant et qui vident caeci fiant

vul@John:9:40 @ et audierunt ex Pharisaeis qui cum ipso erant et dixerunt ei numquid et nos caeci sumus

vul@John:9:41 @ dixit eis Iesus si caeci essetis non haberetis peccatum nunc vero dicitis quia videmus peccatum vestrum manet

vul@John:10:1 @ amen amen dico vobis qui non intrat per ostium in ovile ovium sed ascendit aliunde ille fur est et latro

vul@John:10:2 @ qui autem intrat per ostium pastor est ovium

vul@John:10:3 @ huic ostiarius aperit et oves vocem eius audiunt et proprias oves vocat nominatim et educit eas

vul@John:10:4 @ et cum proprias oves emiserit ante eas vadit et oves illum sequuntur quia sciunt vocem eius

vul@John:10:5 @ alienum autem non sequuntur sed fugient ab eo quia non noverunt vocem alienorum

vul@John:10:6 @ hoc proverbium dixit eis Iesus illi autem non cognoverunt quid loqueretur eis

vul@John:10:7 @ dixit ergo eis iterum Iesus amen amen dico vobis quia ego sum ostium ovium

vul@John:10:8 @ omnes quotquot venerunt fures sunt et latrones sed non audierunt eos oves

vul@John:10:9 @ ego sum ostium per me si quis introierit salvabitur et ingredietur et egredietur et pascua inveniet

vul@John:10:10 @ fur non venit nisi ut furetur et mactet et perdat ego veni ut vitam habeant et abundantius habeant

vul@John:10:11 @ ego sum pastor bonus bonus pastor animam suam dat pro ovibus

vul@John:10:12 @ mercennarius et qui non est pastor cuius non sunt oves propriae videt lupum venientem et dimittit oves et fugit et lupus rapit et dispergit oves

vul@John:10:13 @ mercennarius autem fugit quia mercennarius est et non pertinet ad eum de ovibus

vul@John:10:14 @ ego sum pastor bonus et cognosco meas et cognoscunt me meae

vul@John:10:15 @ sicut novit me Pater et ego agnosco Patrem et animam meam pono pro ovibus

vul@John:10:16 @ et alias oves habeo quae non sunt ex hoc ovili et illas oportet me adducere et vocem meam audient et fiet unum ovile unus pastor

vul@John:10:17 @ propterea me Pater diligit quia ego pono animam meam ut iterum sumam eam

vul@John:10:18 @ nemo tollit eam a me sed ego pono eam a me ipso potestatem habeo ponendi eam et potestatem habeo iterum sumendi eam hoc mandatum accepi a Patre meo

vul@John:10:19 @ dissensio iterum facta est inter Iudaeos propter sermones hos

vul@John:10:20 @ dicebant autem multi ex ipsis daemonium habet et insanit quid eum auditis

vul@John:10:21 @ alii dicebant haec verba non sunt daemonium habentis numquid daemonium potest caecorum oculos aperire

vul@John:10:22 @ facta sunt autem encenia in Hierosolymis et hiemps erat

vul@John:10:23 @ et ambulabat Iesus in templo in porticu Salomonis

vul@John:10:24 @ circumdederunt ergo eum Iudaei et dicebant ei quousque animam nostram tollis si tu es Christus dic nobis palam

vul@John:10:25 @ respondit eis Iesus loquor vobis et non creditis opera quae ego facio in nomine Patris mei haec testimonium perhibent de me

vul@John:10:26 @ sed vos non creditis quia non estis ex ovibus meis

vul@John:10:27 @ oves meae vocem meam audiunt et ego cognosco eas et sequuntur me

vul@John:10:28 @ et ego vitam aeternam do eis et non peribunt in aeternum et non rapiet eas quisquam de manu mea

vul@John:10:29 @ Pater meus quod dedit mihi maius omnibus est et nemo potest rapere de manu Patris mei

vul@John:10:30 @ ego et Pater unum sumus

vul@John:10:31 @ sustulerunt lapides Iudaei ut lapidarent eum

vul@John:10:32 @ respondit eis Iesus multa opera bona ostendi vobis ex Patre meo propter quod eorum opus me lapidatis

vul@John:10:33 @ responderunt ei Iudaei de bono opere non lapidamus te sed de blasphemia et quia tu homo cum sis facis te ipsum Deum

vul@John:10:34 @ respondit eis Iesus nonne scriptum est in lege vestra quia ego dixi dii estis

vul@John:10:35 @ si illos dixit deos ad quos sermo Dei factus est et non potest solvi scriptura

vul@John:10:36 @ quem Pater sanctificavit et misit in mundum vos dicitis quia blasphemas quia dixi Filius Dei sum

vul@John:10:37 @ si non facio opera Patris mei nolite credere mihi

vul@John:10:38 @ si autem facio et si mihi non vultis credere operibus credite ut cognoscatis et credatis quia in me est Pater et ego in Patre

vul@John:10:39 @ quaerebant ergo eum prendere et exivit de manibus eorum

vul@John:10:40 @ et abiit iterum trans Iordanen in eum locum ubi erat Iohannes baptizans primum et mansit illic

vul@John:10:41 @ et multi venerunt ad eum et dicebant quia Iohannes quidem signum fecit nullum

vul@John:10:42 @ omnia autem quaecumque dixit Iohannes de hoc vera erant et multi crediderunt in eum

vul@John:11:1 @ erat autem quidam languens Lazarus a Bethania de castello Mariae et Marthae sororis eius

vul@John:11:2 @ Maria autem erat quae unxit Dominum unguento et extersit pedes eius capillis suis cuius frater Lazarus infirmabatur

vul@John:11:3 @ miserunt ergo sorores ad eum dicentes Domine ecce quem amas infirmatur

vul@John:11:4 @ audiens autem Iesus dixit eis infirmitas haec non est ad mortem sed pro gloria Dei ut glorificetur Filius Dei per eam

vul@John:11:5 @ diligebat autem Iesus Martham et sororem eius Mariam et Lazarum

vul@John:11:6 @ ut ergo audivit quia infirmabatur tunc quidem mansit in eodem loco duobus diebus

vul@John:11:7 @ deinde post haec dicit discipulis suis eamus in Iudaeam iterum

vul@John:11:8 @ dicunt ei discipuli rabbi nunc quaerebant te Iudaei lapidare et iterum vadis illuc

vul@John:11:9 @ respondit Iesus nonne duodecim horae sunt diei si quis ambulaverit in die non offendit quia lucem huius mundi videt

vul@John:11:10 @ si autem ambulaverit nocte offendit quia lux non est in eo

vul@John:11:11 @ haec ait et post hoc dicit eis Lazarus amicus noster dormit sed vado ut a somno exsuscitem eum

vul@John:11:12 @ dixerunt ergo discipuli eius Domine si dormit salvus erit

vul@John:11:13 @ dixerat autem Iesus de morte eius illi autem putaverunt quia de dormitione somni diceret

vul@John:11:14 @ tunc ergo dixit eis Iesus manifeste Lazarus mortuus est

vul@John:11:15 @ et gaudeo propter vos ut credatis quoniam non eram ibi sed eamus ad eum

vul@John:11:16 @ dixit ergo Thomas qui dicitur Didymus ad condiscipulos eamus et nos ut moriamur cum eo

vul@John:11:17 @ venit itaque Iesus et invenit eum quattuor dies iam in monumento habentem

vul@John:11:18 @ erat autem Bethania iuxta Hierosolyma quasi stadiis quindecim

vul@John:11:19 @ multi autem ex Iudaeis venerant ad Martham et Mariam ut consolarentur eas de fratre suo

vul@John:11:20 @ Martha ergo ut audivit quia Iesus venit occurrit illi Maria autem domi sedebat

vul@John:11:21 @ dixit ergo Martha ad Iesum Domine si fuisses hic frater meus non fuisset mortuus

vul@John:11:22 @ sed et nunc scio quia quaecumque poposceris a Deo dabit tibi Deus

vul@John:11:23 @ dicit illi Iesus resurget frater tuus

vul@John:11:24 @ dicit ei Martha scio quia resurget in resurrectione in novissima die

vul@John:11:25 @ dixit ei Iesus ego sum resurrectio et vita qui credit in me et si mortuus fuerit vivet

vul@John:11:26 @ et omnis qui vivit et credit in me non morietur in aeternum credis hoc

vul@John:11:27 @ ait illi utique Domine ego credidi quia tu es Christus Filius Dei qui in mundum venisti

vul@John:11:28 @ et cum haec dixisset abiit et vocavit Mariam sororem suam silentio dicens magister adest et vocat te

vul@John:11:29 @ illa ut audivit surgit cito et venit ad eum

vul@John:11:30 @ nondum enim venerat Iesus in castellum sed erat adhuc in illo loco ubi occurrerat ei Martha

vul@John:11:31 @ Iudaei igitur qui erant cum ea in domo et consolabantur eam cum vidissent Mariam quia cito surrexit et exiit secuti sunt eam dicentes quia vadit ad monumentum ut ploret ibi

vul@John:11:32 @ Maria ergo cum venisset ubi erat Iesus videns eum cecidit ad pedes eius et dixit ei Domine si fuisses hic non esset mortuus frater meus

vul@John:11:33 @ Iesus ergo ut vidit eam plorantem et Iudaeos qui venerant cum ea plorantes fremuit spiritu et turbavit se ipsum

vul@John:11:34 @ et dixit ubi posuistis eum dicunt ei Domine veni et vide

vul@John:11:35 @ et lacrimatus est Iesus

vul@John:11:36 @ dixerunt ergo Iudaei ecce quomodo amabat eum

vul@John:11:37 @ quidam autem dixerunt ex ipsis non poterat hic qui aperuit oculos caeci facere ut et hic non moreretur

vul@John:11:38 @ Iesus ergo rursum fremens in semet ipso venit ad monumentum erat autem spelunca et lapis superpositus erat ei

vul@John:11:39 @ ait Iesus tollite lapidem dicit ei Martha soror eius qui mortuus fuerat Domine iam fetet quadriduanus enim est

vul@John:11:40 @ dicit ei Iesus nonne dixi tibi quoniam si credideris videbis gloriam Dei

vul@John:11:41 @ tulerunt ergo lapidem Iesus autem elevatis sursum oculis dixit Pater gratias ago tibi quoniam audisti me

vul@John:11:42 @ ego autem sciebam quia semper me audis sed propter populum qui circumstat dixi ut credant quia tu me misisti

vul@John:11:43 @ haec cum dixisset voce magna clamavit Lazare veni foras

vul@John:11:44 @ et statim prodiit qui fuerat mortuus ligatus pedes et manus institis et facies illius sudario erat ligata dicit Iesus eis solvite eum et sinite abire

vul@John:11:45 @ multi ergo ex Iudaeis qui venerant ad Mariam et viderant quae fecit crediderunt in eum

vul@John:11:46 @ quidam autem ex ipsis abierunt ad Pharisaeos et dixerunt eis quae fecit Iesus

vul@John:11:47 @ collegerunt ergo pontifices et Pharisaei concilium et dicebant quid facimus quia hic homo multa signa facit

vul@John:11:48 @ si dimittimus eum sic omnes credent in eum et venient Romani et tollent nostrum et locum et gentem

vul@John:11:49 @ unus autem ex ipsis Caiaphas cum esset pontifex anni illius dixit eis vos nescitis quicquam

vul@John:11:50 @ nec cogitatis quia expedit nobis ut unus moriatur homo pro populo et non tota gens pereat

vul@John:11:51 @ hoc autem a semet ipso non dixit sed cum esset pontifex anni illius prophetavit quia Iesus moriturus erat pro gente

vul@John:11:52 @ et non tantum pro gente sed et ut filios Dei qui erant dispersi congregaret in unum

vul@John:11:53 @ ab illo ergo die cogitaverunt ut interficerent eum

vul@John:11:54 @ Iesus ergo iam non in palam ambulabat apud Iudaeos sed abiit in regionem iuxta desertum in civitatem quae dicitur Efrem et ibi morabatur cum discipulis

vul@John:11:55 @ proximum autem erat pascha Iudaeorum et ascenderunt multi Hierosolyma de regione ante pascha ut sanctificarent se ipsos

vul@John:11:56 @ quaerebant ergo Iesum et conloquebantur ad invicem in templo stantes quid putatis quia non veniat ad diem festum

vul@John:11:57 @ dederant autem pontifices et Pharisaei mandatum ut si quis cognoverit ubi sit indicet ut adprehendant eum

vul@John:12:1 @ Iesus ergo ante sex dies paschae venit Bethaniam ubi fuerat Lazarus mortuus quem suscitavit Iesus

vul@John:12:2 @ fecerunt autem ei cenam ibi et Martha ministrabat Lazarus vero unus erat ex discumbentibus cum eo

vul@John:12:3 @ Maria ergo accepit libram unguenti nardi pistici pretiosi unxit pedes Iesu et extersit capillis suis pedes eius et domus impleta est ex odore unguenti

vul@John:12:4 @ dicit ergo unus ex discipulis eius Iudas Scariotis qui erat eum traditurus

vul@John:12:5 @ quare hoc unguentum non veniit trecentis denariis et datum est egenis

vul@John:12:6 @ dixit autem hoc non quia de egenis pertinebat ad eum sed quia fur erat et loculos habens ea quae mittebantur portabat

vul@John:12:7 @ dixit ergo Iesus sine illam ut in die sepulturae meae servet illud

vul@John:12:8 @ pauperes enim semper habetis vobiscum me autem non semper habetis

vul@John:12:9 @ cognovit ergo turba multa ex Iudaeis quia illic est et venerunt non propter Iesum tantum sed ut Lazarum viderent quem suscitavit a mortuis

vul@John:12:10 @ cogitaverunt autem principes sacerdotum ut et Lazarum interficerent

vul@John:12:11 @ quia multi propter illum abibant ex Iudaeis et credebant in Iesum

vul@John:12:12 @ in crastinum autem turba multa quae venerat ad diem festum cum audissent quia venit Iesus Hierosolyma

vul@John:12:13 @ acceperunt ramos palmarum et processerunt obviam ei et clamabant osanna benedictus qui venit in nomine Domini rex Israhel

vul@John:12:14 @ et invenit Iesus asellum et sedit super eum sicut scriptum est

vul@John:12:15 @ noli timere filia Sion ecce rex tuus venit sedens super pullum asinae

vul@John:12:16 @ haec non cognoverunt discipuli eius primum sed quando glorificatus est Iesus tunc recordati sunt quia haec erant scripta de eo et haec fecerunt ei

vul@John:12:17 @ testimonium ergo perhibebat turba quae erat cum eo quando Lazarum vocavit de monumento et suscitavit eum a mortuis

vul@John:12:18 @ propterea et obviam venit ei turba quia audierunt eum fecisse hoc signum

vul@John:12:19 @ Pharisaei ergo dixerunt ad semet ipsos videtis quia nihil proficimus ecce mundus totus post eum abiit

vul@John:12:20 @ erant autem gentiles quidam ex his qui ascenderant ut adorarent in die festo

vul@John:12:21 @ hii ergo accesserunt ad Philippum qui erat a Bethsaida Galilaeae et rogabant eum dicentes domine volumus Iesum videre

vul@John:12:22 @ venit Philippus et dicit Andreae Andreas rursum et Philippus dixerunt Iesu

vul@John:12:23 @ Iesus autem respondit eis dicens venit hora ut clarificetur Filius hominis

vul@John:12:24 @ amen amen dico vobis nisi granum frumenti cadens in terram mortuum fuerit

vul@John:12:25 @ ipsum solum manet si autem mortuum fuerit multum fructum adfert qui amat animam suam perdet eam et qui odit animam suam in hoc mundo in vitam aeternam custodit eam

vul@John:12:26 @ si quis mihi ministrat me sequatur et ubi sum ego illic et minister meus erit si quis mihi ministraverit honorificabit eum Pater meus

vul@John:12:27 @ nunc anima mea turbata est et quid dicam Pater salvifica me ex hora hac sed propterea veni in horam hanc

vul@John:12:28 @ Pater clarifica tuum nomen venit ergo vox de caelo et clarificavi et iterum clarificabo

vul@John:12:29 @ turba ergo quae stabat et audierat dicebant tonitruum factum esse alii dicebant angelus ei locutus est

vul@John:12:30 @ respondit Iesus et dixit non propter me vox haec venit sed propter vos

vul@John:12:31 @ nunc iudicium est mundi nunc princeps huius mundi eicietur foras

vul@John:12:32 @ et ego si exaltatus fuero a terra omnia traham ad me ipsum

vul@John:12:33 @ hoc autem dicebat significans qua morte esset moriturus

vul@John:12:34 @ respondit ei turba nos audivimus ex lege quia Christus manet in aeternum et quomodo tu dicis oportet exaltari Filium hominis quis est iste Filius hominis

vul@John:12:35 @ dixit ergo eis Iesus adhuc modicum lumen in vobis est ambulate dum lucem habetis ut non tenebrae vos conprehendant et qui ambulat in tenebris nescit quo vadat

vul@John:12:36 @ dum lucem habetis credite in lucem ut filii lucis sitis haec locutus est Iesus et abiit et abscondit se ab eis

vul@John:12:37 @ cum autem tanta signa fecisset coram eis non credebant in eum

vul@John:12:38 @ ut sermo Esaiae prophetae impleretur quem dixit Domine quis credidit auditui nostro et brachium Domini cui revelatum est

vul@John:12:39 @ propterea non poterant credere quia iterum dixit Esaias

vul@John:12:40 @ excaecavit oculos eorum et induravit eorum cor ut non videant oculis et intellegant corde et convertantur et sanem eos

vul@John:12:41 @ haec dixit Esaias quando vidit gloriam eius et locutus est de eo

vul@John:12:42 @ verumtamen et ex principibus multi crediderunt in eum sed propter Pharisaeos non confitebantur ut de synagoga non eicerentur

vul@John:12:43 @ dilexerunt enim gloriam hominum magis quam gloriam Dei

vul@John:12:44 @ Iesus autem clamavit et dixit qui credit in me non credit in me sed in eum qui misit me

vul@John:12:45 @ et qui videt me videt eum qui misit me

vul@John:12:46 @ ego lux in mundum veni ut omnis qui credit in me in tenebris non maneat

vul@John:12:47 @ et si quis audierit verba mea et non custodierit ego non iudico eum non enim veni ut iudicem mundum sed ut salvificem mundum

vul@John:12:48 @ qui spernit me et non accipit verba mea habet qui iudicet eum sermo quem locutus sum ille iudicabit eum in novissimo die

vul@John:12:49 @ quia ego ex me ipso non sum locutus sed qui misit me Pater ipse mihi mandatum dedit quid dicam et quid loquar

vul@John:12:50 @ et scio quia mandatum eius vita aeterna est quae ergo ego loquor sicut dixit mihi Pater sic loquor

vul@John:13:1 @ ante diem autem festum paschae sciens Iesus quia venit eius hora ut transeat ex hoc mundo ad Patrem cum dilexisset suos qui erant in mundo in finem dilexit eos

vul@John:13:2 @ et cena facta cum diabolus iam misisset in corde ut traderet eum Iudas Simonis Scariotis

vul@John:13:3 @ sciens quia omnia dedit ei Pater in manus et quia a Deo exivit et ad Deum vadit

vul@John:13:4 @ surgit a cena et ponit vestimenta sua et cum accepisset linteum praecinxit se

vul@John:13:5 @ deinde mittit aquam in pelvem et coepit lavare pedes discipulorum et extergere linteo quo erat praecinctus

vul@John:13:6 @ venit ergo ad Simonem Petrum et dicit ei Petrus Domine tu mihi lavas pedes

vul@John:13:7 @ respondit Iesus et dicit ei quod ego facio tu nescis modo scies autem postea

vul@John:13:8 @ dicit ei Petrus non lavabis mihi pedes in aeternum respondit Iesus ei si non lavero te non habes partem mecum

vul@John:13:9 @ dicit ei Simon Petrus Domine non tantum pedes meos sed et manus et caput

vul@John:13:10 @ dicit ei Iesus qui lotus est non indiget ut lavet sed est mundus totus et vos mundi estis sed non omnes

vul@John:13:11 @ sciebat enim quisnam esset qui traderet eum propterea dixit non estis mundi omnes

vul@John:13:12 @ postquam ergo lavit pedes eorum et accepit vestimenta sua cum recubuisset iterum dixit eis scitis quid fecerim vobis

vul@John:13:13 @ vos vocatis me magister et Domine et bene dicitis sum etenim

vul@John:13:14 @ si ergo ego lavi vestros pedes Dominus et magister et vos debetis alter alterius lavare pedes

vul@John:13:15 @ exemplum enim dedi vobis ut quemadmodum ego feci vobis ita et vos faciatis

vul@John:13:16 @ amen amen dico vobis non est servus maior domino suo neque apostolus maior eo qui misit illum

vul@John:13:17 @ si haec scitis beati eritis si feceritis ea

vul@John:13:18 @ non de omnibus vobis dico ego scio quos elegerim sed ut impleatur scriptura qui manducat mecum panem levavit contra me calcaneum suum

vul@John:13:19 @ amodo dico vobis priusquam fiat ut credatis cum factum fuerit quia ego sum

vul@John:13:20 @ amen amen dico vobis qui accipit si quem misero me accipit qui autem me accipit accipit eum qui me misit

vul@John:13:21 @ cum haec dixisset Iesus turbatus est spiritu et protestatus est et dixit amen amen dico vobis quia unus ex vobis tradet me

vul@John:13:22 @ aspiciebant ergo ad invicem discipuli haesitantes de quo diceret

vul@John:13:23 @ erat ergo recumbens unus ex discipulis eius in sinu Iesu quem diligebat Iesus

vul@John:13:24 @ innuit ergo huic Simon Petrus et dicit ei quis est de quo dicit

vul@John:13:25 @ itaque cum recubuisset ille supra pectus Iesu dicit ei Domine quis est

vul@John:13:26 @ respondit Iesus ille est cui ego intinctum panem porrexero et cum intinxisset panem dedit Iudae Simonis Scariotis

vul@John:13:27 @ et post buccellam tunc introivit in illum Satanas dicit ei Iesus quod facis fac citius

vul@John:13:28 @ hoc autem nemo scivit discumbentium ad quid dixerit ei

vul@John:13:29 @ quidam enim putabant quia loculos habebat Iudas quia dicit ei Iesus eme ea quae opus sunt nobis ad diem festum aut egenis ut aliquid daret

vul@John:13:30 @ cum ergo accepisset ille buccellam exivit continuo erat autem nox

vul@John:13:31 @ cum ergo exisset dicit Iesus nunc clarificatus est Filius hominis et Deus clarificatus est in eo

vul@John:13:32 @ si Deus clarificatus est in eo et Deus clarificabit eum in semet ipso et continuo clarificabit eum

vul@John:13:33 @ filioli adhuc modicum vobiscum sum quaeretis me et sicut dixi Iudaeis quo ego vado vos non potestis venire et vobis dico modo

vul@John:13:34 @ mandatum novum do vobis ut diligatis invicem sicut dilexi vos ut et vos diligatis invicem

vul@John:13:35 @ in hoc cognoscent omnes quia mei discipuli estis si dilectionem habueritis ad invicem

vul@John:13:36 @ dicit ei Simon Petrus Domine quo vadis respondit Iesus quo ego vado non potes me modo sequi sequeris autem postea

vul@John:13:37 @ dicit ei Petrus quare non possum sequi te modo animam meam pro te ponam

vul@John:13:38 @ respondit Iesus animam tuam pro me ponis amen amen dico tibi non cantabit gallus donec me ter neges

vul@John:14:1 @ non turbetur cor vestrum creditis in Deum et in me credite

vul@John:14:2 @ in domo Patris mei mansiones multae sunt si quo minus dixissem vobis quia vado parare vobis locum

vul@John:14:3 @ et si abiero et praeparavero vobis locum iterum venio et accipiam vos ad me ipsum ut ubi sum ego et vos sitis

vul@John:14:4 @ et quo ego vado scitis et viam scitis

vul@John:14:5 @ dicit ei Thomas Domine nescimus quo vadis et quomodo possumus viam scire

vul@John:14:6 @ dicit ei Iesus ego sum via et veritas et vita nemo venit ad Patrem nisi per me

vul@John:14:7 @ si cognovissetis me et Patrem meum utique cognovissetis et amodo cognoscitis eum et vidistis eum

vul@John:14:8 @ dicit ei Philippus Domine ostende nobis Patrem et sufficit nobis

vul@John:14:9 @ dicit ei Iesus tanto tempore vobiscum sum et non cognovistis me Philippe qui vidit me vidit et Patrem quomodo tu dicis ostende nobis Patrem

vul@John:14:10 @ non credis quia ego in Patre et Pater in me est verba quae ego loquor vobis a me ipso non loquor Pater autem in me manens ipse facit opera

vul@John:14:11 @ non creditis quia ego in Patre et Pater in me est

vul@John:14:12 @ alioquin propter opera ipsa credite amen amen dico vobis qui credit in me opera quae ego facio et ipse faciet et maiora horum faciet quia ego ad Patrem vado

vul@John:14:13 @ et quodcumque petieritis in nomine meo hoc faciam ut glorificetur Pater in Filio

vul@John:14:14 @ si quid petieritis me in nomine meo hoc faciam

vul@John:14:15 @ si diligitis me mandata mea servate

vul@John:14:16 @ et ego rogabo Patrem et alium paracletum dabit vobis ut maneat vobiscum in aeternum

vul@John:14:17 @ Spiritum veritatis quem mundus non potest accipere quia non videt eum nec scit eum vos autem cognoscitis eum quia apud vos manebit et in vobis erit

vul@John:14:18 @ non relinquam vos orfanos veniam ad vos

vul@John:14:19 @ adhuc modicum et mundus me iam non videt vos autem videtis me quia ego vivo et vos vivetis

vul@John:14:20 @ in illo die vos cognoscetis quia ego sum in Patre meo et vos in me et ego in vobis

vul@John:14:21 @ qui habet mandata mea et servat ea ille est qui diligit me qui autem diligit me diligetur a Patre meo et ego diligam eum et manifestabo ei me ipsum

vul@John:14:22 @ dicit ei Iudas non ille Scariotis Domine quid factum est quia nobis manifestaturus es te ipsum et non mundo

vul@John:14:23 @ respondit Iesus et dixit ei si quis diligit me sermonem meum servabit et Pater meus diliget eum et ad eum veniemus et mansiones apud eum faciemus

vul@John:14:24 @ qui non diligit me sermones meos non servat et sermonem quem audistis non est meus sed eius qui misit me Patris

vul@John:14:25 @ haec locutus sum vobis apud vos manens

vul@John:14:26 @ paracletus autem Spiritus Sanctus quem mittet Pater in nomine meo ille vos docebit omnia et suggeret vobis omnia quaecumque dixero vobis

vul@John:14:27 @ pacem relinquo vobis pacem meam do vobis non quomodo mundus dat ego do vobis non turbetur cor vestrum neque formidet

vul@John:14:28 @ audistis quia ego dixi vobis vado et venio ad vos si diligeretis me gauderetis utique quia vado ad Patrem quia Pater maior me est

vul@John:14:29 @ et nunc dixi vobis priusquam fiat ut cum factum fuerit credatis

vul@John:14:30 @ iam non multa loquar vobiscum venit enim princeps mundi huius et in me non habet quicquam

vul@John:14:31 @ sed ut cognoscat mundus quia diligo Patrem et sicut mandatum dedit mihi Pater sic facio surgite eamus hinc

vul@John:15:1 @ ego sum vitis vera et Pater meus agricola est

vul@John:15:2 @ omnem palmitem in me non ferentem fructum tollet eum et omnem qui fert fructum purgabit eum ut fructum plus adferat

vul@John:15:3 @ iam vos mundi estis propter sermonem quem locutus sum vobis

vul@John:15:4 @ manete in me et ego in vobis sicut palmes non potest ferre fructum a semet ipso nisi manserit in vite sic nec vos nisi in me manseritis

vul@John:15:5 @ ego sum vitis vos palmites qui manet in me et ego in eo hic fert fructum multum quia sine me nihil potestis facere

vul@John:15:6 @ si quis in me non manserit mittetur foras sicut palmes et aruit et colligent eos et in ignem mittunt et ardent

vul@John:15:7 @ si manseritis in me et verba mea in vobis manserint quodcumque volueritis petetis et fiet vobis

vul@John:15:8 @ in hoc clarificatus est Pater meus ut fructum plurimum adferatis et efficiamini mei discipuli

vul@John:15:9 @ sicut dilexit me Pater et ego dilexi vos manete in dilectione mea

vul@John:15:10 @ si praecepta mea servaveritis manebitis in dilectione mea sicut et ego Patris mei praecepta servavi et maneo in eius dilectione

vul@John:15:11 @ haec locutus sum vobis ut gaudium meum in vobis sit et gaudium vestrum impleatur

vul@John:15:12 @ hoc est praeceptum meum ut diligatis invicem sicut dilexi vos

vul@John:15:13 @ maiorem hac dilectionem nemo habet ut animam suam quis ponat pro amicis suis

vul@John:15:14 @ vos amici mei estis si feceritis quae ego praecipio vobis

vul@John:15:15 @ iam non dico vos servos quia servus nescit quid facit dominus eius vos autem dixi amicos quia omnia quaecumque audivi a Patre meo nota feci vobis

vul@John:15:16 @ non vos me elegistis sed ego elegi vos et posui vos ut eatis et fructum adferatis et fructus vester maneat ut quodcumque petieritis Patrem in nomine meo det vobis

vul@John:15:17 @ haec mando vobis ut diligatis invicem

vul@John:15:18 @ si mundus vos odit scitote quia me priorem vobis odio habuit

vul@John:15:19 @ si de mundo fuissetis mundus quod suum erat diligeret quia vero de mundo non estis sed ego elegi vos de mundo propterea odit vos mundus

vul@John:15:20 @ mementote sermonis mei quem ego dixi vobis non est servus maior domino suo si me persecuti sunt et vos persequentur si sermonem meum servaverunt et vestrum servabunt

vul@John:15:21 @ sed haec omnia facient vobis propter nomen meum quia nesciunt eum qui misit me

vul@John:15:22 @ si non venissem et locutus fuissem eis peccatum non haberent nunc autem excusationem non habent de peccato suo

vul@John:15:23 @ qui me odit et Patrem meum odit

vul@John:15:24 @ si opera non fecissem in eis quae nemo alius fecit peccatum non haberent nunc autem et viderunt et oderunt et me et Patrem meum

vul@John:15:25 @ sed ut impleatur sermo qui in lege eorum scriptus est quia odio me habuerunt gratis

vul@John:15:26 @ cum autem venerit paracletus quem ego mittam vobis a Patre Spiritum veritatis qui a Patre procedit ille testimonium perhibebit de me

vul@John:15:27 @ et vos testimonium perhibetis quia ab initio mecum estis

vul@John:16:1 @ haec locutus sum vobis ut non scandalizemini

vul@John:16:2 @ absque synagogis facient vos sed venit hora ut omnis qui interficit vos arbitretur obsequium se praestare Deo

vul@John:16:3 @ et haec facient quia non noverunt Patrem neque me

vul@John:16:4 @ sed haec locutus sum vobis ut cum venerit hora eorum reminiscamini quia ego dixi vobis

vul@John:16:5 @ haec autem vobis ab initio non dixi quia vobiscum eram at nunc vado ad eum qui me misit et nemo ex vobis interrogat me quo vadis

vul@John:16:6 @ sed quia haec locutus sum vobis tristitia implevit cor vestrum

vul@John:16:7 @ sed ego veritatem dico vobis expedit vobis ut ego vadam si enim non abiero paracletus non veniet ad vos si autem abiero mittam eum ad vos

vul@John:16:8 @ et cum venerit ille arguet mundum de peccato et de iustitia et de iudicio

vul@John:16:9 @ de peccato quidem quia non credunt in me

vul@John:16:10 @ de iustitia vero quia ad Patrem vado et iam non videbitis me

vul@John:16:11 @ de iudicio autem quia princeps mundi huius iudicatus est

vul@John:16:12 @ adhuc multa habeo vobis dicere sed non potestis portare modo

vul@John:16:13 @ cum autem venerit ille Spiritus veritatis docebit vos in omnem veritatem non enim loquetur a semet ipso sed quaecumque audiet loquetur et quae ventura sunt adnuntiabit vobis

vul@John:16:14 @ ille me clarificabit quia de meo accipiet et adnuntiabit vobis

vul@John:16:15 @ omnia quaecumque habet Pater mea sunt propterea dixi quia de meo accipit et adnuntiabit vobis

vul@John:16:16 @ modicum et iam non videbitis me et iterum modicum et videbitis me quia vado ad Patrem

vul@John:16:17 @ dixerunt ergo ex discipulis eius ad invicem quid est hoc quod dicit nobis modicum et non videbitis me et iterum modicum et videbitis me et quia vado ad Patrem

vul@John:16:18 @ dicebant ergo quid est hoc quod dicit modicum nescimus quid loquitur

vul@John:16:19 @ cognovit autem Iesus quia volebant eum interrogare et dixit eis de hoc quaeritis inter vos quia dixi modicum et non videbitis me et iterum modicum et videbitis me

vul@John:16:20 @ amen amen dico vobis quia plorabitis et flebitis vos mundus autem gaudebit vos autem contristabimini sed tristitia vestra vertetur in gaudium

vul@John:16:21 @ mulier cum parit tristitiam habet quia venit hora eius cum autem pepererit puerum iam non meminit pressurae propter gaudium quia natus est homo in mundum

vul@John:16:22 @ et vos igitur nunc quidem tristitiam habetis iterum autem videbo vos et gaudebit cor vestrum et gaudium vestrum nemo tollit a vobis

vul@John:16:23 @ et in illo die me non rogabitis quicquam amen amen dico vobis si quid petieritis Patrem in nomine meo dabit vobis

vul@John:16:24 @ usque modo non petistis quicquam in nomine meo petite et accipietis ut gaudium vestrum sit plenum

vul@John:16:25 @ haec in proverbiis locutus sum vobis venit hora cum iam non in proverbiis loquar vobis sed palam de Patre adnuntiabo vobis

vul@John:16:26 @ illo die in nomine meo petetis et non dico vobis quia ego rogabo Patrem de vobis

vul@John:16:27 @ ipse enim Pater amat vos quia vos me amastis et credidistis quia ego a Deo exivi

vul@John:16:28 @ exivi a Patre et veni in mundum iterum relinquo mundum et vado ad Patrem

vul@John:16:29 @ dicunt ei discipuli eius ecce nunc palam loqueris et proverbium nullum dicis

vul@John:16:30 @ nunc scimus quia scis omnia et non opus est tibi ut quis te interroget in hoc credimus quia a Deo existi

vul@John:16:31 @ respondit eis Iesus modo creditis

vul@John:16:32 @ ecce venit hora et iam venit ut dispergamini unusquisque in propria et me solum relinquatis et non sum solus quia Pater mecum est

vul@John:16:33 @ haec locutus sum vobis ut in me pacem habeatis in mundo pressuram habetis sed confidite ego vici mundum

vul@John:17:1 @ haec locutus est Iesus et sublevatis oculis in caelum dixit Pater venit hora clarifica Filium tuum ut Filius tuus clarificet te

vul@John:17:2 @ sicut dedisti ei potestatem omnis carnis ut omne quod dedisti ei det eis vitam aeternam

vul@John:17:3 @ haec est autem vita aeterna ut cognoscant te solum verum Deum et quem misisti Iesum Christum

vul@John:17:4 @ ego te clarificavi super terram opus consummavi quod dedisti mihi ut faciam

vul@John:17:5 @ et nunc clarifica me tu Pater apud temet ipsum claritatem quam habui priusquam mundus esset apud te

vul@John:17:6 @ manifestavi nomen tuum hominibus quos dedisti mihi de mundo tui erant et mihi eos dedisti et sermonem tuum servaverunt

vul@John:17:7 @ nunc cognoverunt quia omnia quae dedisti mihi abs te sunt

vul@John:17:8 @ quia verba quae dedisti mihi dedi eis et ipsi acceperunt et cognoverunt vere quia a te exivi et crediderunt quia tu me misisti

vul@John:17:9 @ ego pro eis rogo non pro mundo rogo sed pro his quos dedisti mihi quia tui sunt

vul@John:17:10 @ et mea omnia tua sunt et tua mea sunt et clarificatus sum in eis

vul@John:17:11 @ et iam non sum in mundo et hii in mundo sunt et ego ad te venio Pater sancte serva eos in nomine tuo quos dedisti mihi ut sint unum sicut et nos

vul@John:17:12 @ cum essem cum eis ego servabam eos in nomine tuo quos dedisti mihi custodivi et nemo ex his perivit nisi filius perditionis ut scriptura impleatur

vul@John:17:13 @ nunc autem ad te venio et haec loquor in mundo ut habeant gaudium meum impletum in semet ipsis

vul@John:17:14 @ ego dedi eis sermonem tuum et mundus odio eos habuit quia non sunt de mundo sicut et ego non sum de mundo

vul@John:17:15 @ non rogo ut tollas eos de mundo sed ut serves eos ex malo

vul@John:17:16 @ de mundo non sunt sicut et ego non sum de mundo

vul@John:17:17 @ sanctifica eos in veritate sermo tuus veritas est

vul@John:17:18 @ sicut me misisti in mundum et ego misi eos in mundum

vul@John:17:19 @ et pro eis ego sanctifico me ipsum ut sint et ipsi sanctificati in veritate

vul@John:17:20 @ non pro his autem rogo tantum sed et pro eis qui credituri sunt per verbum eorum in me

vul@John:17:21 @ ut omnes unum sint sicut tu Pater in me et ego in te ut et ipsi in nobis unum sint ut mundus credat quia tu me misisti

vul@John:17:22 @ et ego claritatem quam dedisti mihi dedi eis ut sint unum sicut nos unum sumus

vul@John:17:23 @ ego in eis et tu in me ut sint consummati in unum et cognoscat mundus quia tu me misisti et dilexisti eos sicut me dilexisti

vul@John:17:24 @ Pater quos dedisti mihi volo ut ubi ego sum et illi sint mecum ut videant claritatem meam quam dedisti mihi quia dilexisti me ante constitutionem mundi

vul@John:17:25 @ Pater iuste et mundus te non cognovit ego autem te cognovi et hii cognoverunt quia tu me misisti

vul@John:17:26 @ et notum feci eis nomen tuum et notum faciam ut dilectio qua dilexisti me in ipsis sit et ego in ipsis

vul@John:18:1 @ haec cum dixisset Iesus egressus est cum discipulis suis trans torrentem Cedron ubi erat hortus in quem introivit ipse et discipuli eius

vul@John:18:2 @ sciebat autem et Iudas qui tradebat eum ipsum locum quia frequenter Iesus convenerat illuc cum discipulis suis

vul@John:18:3 @ Iudas ergo cum accepisset cohortem et a pontificibus et Pharisaeis ministros venit illuc cum lanternis et facibus et armis

vul@John:18:4 @ Iesus itaque sciens omnia quae ventura erant super eum processit et dicit eis quem quaeritis

vul@John:18:5 @ responderunt ei Iesum Nazarenum dicit eis Iesus ego sum stabat autem et Iudas qui tradebat eum cum ipsis

vul@John:18:6 @ ut ergo dixit eis ego sum abierunt retrorsum et ceciderunt in terram

vul@John:18:7 @ iterum ergo eos interrogavit quem quaeritis illi autem dixerunt Iesum Nazarenum

vul@John:18:8 @ respondit Iesus dixi vobis quia ego sum si ergo me quaeritis sinite hos abire

vul@John:18:9 @ ut impleretur sermo quem dixit quia quos dedisti mihi non perdidi ex ipsis quemquam

vul@John:18:10 @ Simon ergo Petrus habens gladium eduxit eum et percussit pontificis servum et abscidit eius auriculam dextram erat autem nomen servo Malchus

vul@John:18:11 @ dixit ergo Iesus Petro mitte gladium in vaginam calicem quem dedit mihi Pater non bibam illum

vul@John:18:12 @ cohors ergo et tribunus et ministri Iudaeorum conprehenderunt Iesum et ligaverunt eum

vul@John:18:13 @ et adduxerunt eum ad Annam primum erat enim socer Caiaphae qui erat pontifex anni illius

vul@John:18:14 @ erat autem Caiaphas qui consilium dederat Iudaeis quia expedit unum hominem mori pro populo

vul@John:18:15 @ sequebatur autem Iesum Simon Petrus et alius discipulus discipulus autem ille erat notus pontifici et introivit cum Iesu in atrium pontificis

vul@John:18:16 @ Petrus autem stabat ad ostium foris exivit ergo discipulus alius qui erat notus pontifici et dixit ostiariae et introduxit Petrum

vul@John:18:17 @ dicit ergo Petro ancilla ostiaria numquid et tu ex discipulis es hominis istius dicit ille non sum

vul@John:18:18 @ stabant autem servi et ministri ad prunas quia frigus erat et calefiebant erat autem cum eis et Petrus stans et calefaciens se

vul@John:18:19 @ pontifex ergo interrogavit Iesum de discipulis suis et de doctrina eius

vul@John:18:20 @ respondit ei Iesus ego palam locutus sum mundo ego semper docui in synagoga et in templo quo omnes Iudaei conveniunt et in occulto locutus sum nihil

vul@John:18:21 @ quid me interrogas interroga eos qui audierunt quid locutus sum ipsis ecce hii sciunt quae dixerim ego

vul@John:18:22 @ haec autem cum dixisset unus adsistens ministrorum dedit alapam Iesu dicens sic respondes pontifici

vul@John:18:23 @ respondit ei Iesus si male locutus sum testimonium perhibe de malo si autem bene quid me caedis

vul@John:18:24 @ et misit eum Annas ligatum ad Caiaphan pontificem

vul@John:18:25 @ erat autem Simon Petrus stans et calefaciens se dixerunt ergo ei numquid et tu ex discipulis eius es negavit ille et dixit non sum

vul@John:18:26 @ dicit unus ex servis pontificis cognatus eius cuius abscidit Petrus auriculam nonne ego te vidi in horto cum illo

vul@John:18:27 @ iterum ergo negavit Petrus et statim gallus cantavit

vul@John:18:28 @ adducunt ergo Iesum a Caiapha in praetorium erat autem mane et ipsi non introierunt in praetorium ut non contaminarentur sed manducarent pascha

vul@John:18:29 @ exivit ergo Pilatus ad eos foras et dixit quam accusationem adfertis adversus hominem hunc

vul@John:18:30 @ responderunt et dixerunt ei si non esset hic malefactor non tibi tradidissemus eum

vul@John:18:31 @ dixit ergo eis Pilatus accipite eum vos et secundum legem vestram iudicate eum dixerunt ergo ei Iudaei nobis non licet interficere quemquam

vul@John:18:32 @ ut sermo Iesu impleretur quem dixit significans qua esset morte moriturus

vul@John:18:33 @ introivit ergo iterum in praetorium Pilatus et vocavit Iesum et dixit ei tu es rex Iudaeorum

vul@John:18:34 @ et respondit Iesus a temet ipso hoc dicis an alii tibi dixerunt de me

vul@John:18:35 @ respondit Pilatus numquid ego Iudaeus sum gens tua et pontifices tradiderunt te mihi quid fecisti

vul@John:18:36 @ respondit Iesus regnum meum non est de mundo hoc si ex hoc mundo esset regnum meum ministri mei decertarent ut non traderer Iudaeis nunc autem meum regnum non est hinc

vul@John:18:37 @ dixit itaque ei Pilatus ergo rex es tu respondit Iesus tu dicis quia rex sum ego ego in hoc natus sum et ad hoc veni in mundum ut testimonium perhibeam veritati omnis qui est ex veritate audit meam vocem

vul@John:18:38 @ dicit ei Pilatus quid est veritas et cum hoc dixisset iterum exivit ad Iudaeos et dicit eis ego nullam invenio in eo causam

vul@John:18:39 @ est autem consuetudo vobis ut unum dimittam vobis in pascha vultis ergo dimittam vobis regem Iudaeorum

vul@John:18:40 @ clamaverunt rursum omnes dicentes non hunc sed Barabban erat autem Barabbas latro

vul@John:19:1 @ tunc ergo adprehendit Pilatus Iesum et flagellavit

vul@John:19:2 @ et milites plectentes coronam de spinis inposuerunt capiti eius et veste purpurea circumdederunt eum

vul@John:19:3 @ et veniebant ad eum et dicebant have rex Iudaeorum et dabant ei alapas

vul@John:19:4 @ exiit iterum Pilatus foras et dicit eis ecce adduco vobis eum foras

vul@John:19:5 @ ut cognoscatis quia in eo nullam causam invenio et purpureum vestimentum et dicit eis ecce homo

vul@John:19:6 @ cum ergo vidissent eum pontifices et ministri clamabant dicentes crucifige crucifige dicit eis Pilatus accipite eum vos et crucifigite ego enim non invenio in eo causam

vul@John:19:7 @ responderunt ei Iudaei nos legem habemus et secundum legem debet mori quia Filium Dei se fecit

vul@John:19:8 @ cum ergo audisset Pilatus hunc sermonem magis timuit

vul@John:19:9 @ et ingressus est praetorium iterum et dicit ad Iesum unde es tu Iesus autem responsum non dedit ei

vul@John:19:10 @ dicit ergo ei Pilatus mihi non loqueris nescis quia potestatem habeo crucifigere te et potestatem habeo dimittere te

vul@John:19:11 @ respondit Iesus non haberes potestatem adversum me ullam nisi tibi esset datum desuper propterea qui tradidit me tibi maius peccatum habet

vul@John:19:12 @ exinde quaerebat Pilatus dimittere eum Iudaei autem clamabant dicentes si hunc dimittis non es amicus Caesaris omnis qui se regem facit contradicit Caesari

vul@John:19:13 @ Pilatus ergo cum audisset hos sermones adduxit foras Iesum et sedit pro tribunali in locum qui dicitur Lithostrotus hebraice autem Gabbatha

vul@John:19:14 @ erat autem parasceve paschae hora quasi sexta et dicit Iudaeis ecce rex vester

vul@John:19:15 @ illi autem clamabant tolle tolle crucifige eum dixit eis Pilatus regem vestrum crucifigam responderunt pontifices non habemus regem nisi Caesarem

vul@John:19:16 @ tunc ergo tradidit eis illum ut crucifigeretur susceperunt autem Iesum et eduxerunt

vul@John:19:17 @ et baiulans sibi crucem exivit in eum qui dicitur Calvariae locum hebraice Golgotha

vul@John:19:18 @ ubi eum crucifixerunt et cum eo alios duos hinc et hinc medium autem Iesum

vul@John:19:19 @ scripsit autem et titulum Pilatus et posuit super crucem erat autem scriptum Iesus Nazarenus rex Iudaeorum

vul@John:19:20 @ hunc ergo titulum multi legerunt Iudaeorum quia prope civitatem erat locus ubi crucifixus est Iesus et erat scriptum hebraice graece et latine

vul@John:19:21 @ dicebant ergo Pilato pontifices Iudaeorum noli scribere rex Iudaeorum sed quia ipse dixit rex sum Iudaeorum

vul@John:19:22 @ respondit Pilatus quod scripsi scripsi

vul@John:19:23 @ milites ergo cum crucifixissent eum acceperunt vestimenta eius et fecerunt quattuor partes unicuique militi partem et tunicam erat autem tunica inconsutilis desuper contexta per totum

vul@John:19:24 @ dixerunt ergo ad invicem non scindamus eam sed sortiamur de illa cuius sit ut scriptura impleatur dicens partiti sunt vestimenta mea sibi et in vestem meam miserunt sortem et milites quidem haec fecerunt

vul@John:19:25 @ stabant autem iuxta crucem Iesu mater eius et soror matris eius Maria Cleopae et Maria Magdalene

vul@John:19:26 @ cum vidisset ergo Iesus matrem et discipulum stantem quem diligebat dicit matri suae mulier ecce filius tuus

vul@John:19:27 @ deinde dicit discipulo ecce mater tua et ex illa hora accepit eam discipulus in sua

vul@John:19:28 @ postea sciens Iesus quia iam omnia consummata sunt ut consummaretur scriptura dicit sitio

vul@John:19:29 @ vas ergo positum erat aceto plenum illi autem spongiam plenam aceto hysopo circumponentes obtulerunt ori eius

vul@John:19:30 @ cum ergo accepisset Iesus acetum dixit consummatum est et inclinato capite tradidit spiritum

vul@John:19:31 @ Iudaei ergo quoniam parasceve erat ut non remanerent in cruce corpora sabbato erat enim magnus dies ille sabbati rogaverunt Pilatum ut frangerentur eorum crura et tollerentur

vul@John:19:32 @ venerunt ergo milites et primi quidem fregerunt crura et alterius qui crucifixus est cum eo

vul@John:19:33 @ ad Iesum autem cum venissent ut viderunt eum iam mortuum non fregerunt eius crura

vul@John:19:34 @ sed unus militum lancea latus eius aperuit et continuo exivit sanguis et aqua

vul@John:19:35 @ et qui vidit testimonium perhibuit et verum est eius testimonium et ille scit quia vera dicit ut et vos credatis

vul@John:19:36 @ facta sunt enim haec ut scriptura impleatur os non comminuetis ex eo

vul@John:19:37 @ et iterum alia scriptura dicit videbunt in quem transfixerunt

vul@John:19:38 @ post haec autem rogavit Pilatum Ioseph ab Arimathia eo quod esset discipulus Iesu occultus autem propter metum Iudaeorum ut tolleret corpus Iesu et permisit Pilatus venit ergo et tulit corpus Iesu

vul@John:19:39 @ venit autem et Nicodemus qui venerat ad Iesum nocte primum ferens mixturam murrae et aloes quasi libras centum

vul@John:19:40 @ acceperunt ergo corpus Iesu et ligaverunt eum linteis cum aromatibus sicut mos Iudaeis est sepelire

vul@John:19:41 @ erat autem in loco ubi crucifixus est hortus et in horto monumentum novum in quo nondum quisquam positus erat

vul@John:19:42 @ ibi ergo propter parasceven Iudaeorum quia iuxta erat monumentum posuerunt Iesum

vul@John:20:1 @ una autem sabbati Maria Magdalene venit mane cum adhuc tenebrae essent ad monumentum et videt lapidem sublatum a monumento

vul@John:20:2 @ cucurrit ergo et venit ad Simonem Petrum et ad alium discipulum quem amabat Iesus et dicit eis tulerunt Dominum de monumento et nescimus ubi posuerunt eum

vul@John:20:3 @ exiit ergo Petrus et ille alius discipulus et venerunt ad monumentum

vul@John:20:4 @ currebant autem duo simul et ille alius discipulus praecucurrit citius Petro et venit primus ad monumentum

vul@John:20:5 @ et cum se inclinasset videt posita linteamina non tamen introivit

vul@John:20:6 @ venit ergo Simon Petrus sequens eum et introivit in monumentum et videt linteamina posita

vul@John:20:7 @ et sudarium quod fuerat super caput eius non cum linteaminibus positum sed separatim involutum in unum locum

vul@John:20:8 @ tunc ergo introivit et ille discipulus qui venerat primus ad monumentum et vidit et credidit

vul@John:20:9 @ nondum enim sciebant scripturam quia oportet eum a mortuis resurgere

vul@John:20:10 @ abierunt ergo iterum ad semet ipsos discipuli

vul@John:20:11 @ Maria autem stabat ad monumentum foris plorans dum ergo fleret inclinavit se et prospexit in monumentum

vul@John:20:12 @ et vidit duos angelos in albis sedentes unum ad caput et unum ad pedes ubi positum fuerat corpus Iesu

vul@John:20:13 @ dicunt ei illi mulier quid ploras dicit eis quia tulerunt Dominum meum et nescio ubi posuerunt eum

vul@John:20:14 @ haec cum dixisset conversa est retrorsum et videt Iesum stantem et non sciebat quia Iesus est

vul@John:20:15 @ dicit ei Iesus mulier quid ploras quem quaeris illa existimans quia hortulanus esset dicit ei domine si tu sustulisti eum dicito mihi ubi posuisti eum et ego eum tollam

vul@John:20:16 @ dicit ei Iesus Maria conversa illa dicit ei rabboni quod dicitur magister

vul@John:20:17 @ dicit ei Iesus noli me tangere nondum enim ascendi ad Patrem meum vade autem ad fratres meos et dic eis ascendo ad Patrem meum et Patrem vestrum et Deum meum et Deum vestrum

vul@John:20:18 @ venit Maria Magdalene adnuntians discipulis quia vidi Dominum et haec dixit mihi

vul@John:20:19 @ cum esset ergo sero die illo una sabbatorum et fores essent clausae ubi erant discipuli propter metum Iudaeorum venit Iesus et stetit in medio et dicit eis pax vobis

vul@John:20:20 @ et hoc cum dixisset ostendit eis manus et latus gavisi sunt ergo discipuli viso Domino

vul@John:20:21 @ dixit ergo eis iterum pax vobis sicut misit me Pater et ego mitto vos

vul@John:20:22 @ hoc cum dixisset insuflavit et dicit eis accipite Spiritum Sanctum

vul@John:20:23 @ quorum remiseritis peccata remittuntur eis quorum retinueritis detenta sunt

vul@John:20:24 @ Thomas autem unus ex duodecim qui dicitur Didymus non erat cum eis quando venit Iesus

vul@John:20:25 @ dixerunt ergo ei alii discipuli vidimus Dominum ille autem dixit eis nisi videro in manibus eius figuram clavorum et mittam digitum meum in locum clavorum et mittam manum meam in latus eius non credam

vul@John:20:26 @ et post dies octo iterum erant discipuli eius intus et Thomas cum eis venit Iesus ianuis clausis et stetit in medio et dixit pax vobis

vul@John:20:27 @ deinde dicit Thomae infer digitum tuum huc et vide manus meas et adfer manum tuam et mitte in latus meum et noli esse incredulus sed fidelis

vul@John:20:28 @ respondit Thomas et dixit ei Dominus meus et Deus meus

vul@John:20:29 @ dicit ei Iesus quia vidisti me credidisti beati qui non viderunt et crediderunt

vul@John:20:30 @ multa quidem et alia signa fecit Iesus in conspectu discipulorum suorum quae non sunt scripta in libro hoc

vul@John:20:31 @ haec autem scripta sunt ut credatis quia Iesus est Christus Filius Dei et ut credentes vitam habeatis in nomine eius

vul@John:21:1 @ postea manifestavit se iterum Iesus ad mare Tiberiadis manifestavit autem sic

vul@John:21:2 @ erant simul Simon Petrus et Thomas qui dicitur Didymus et Nathanahel qui erat a Cana Galilaeae et filii Zebedaei et alii ex discipulis eius duo

vul@John:21:3 @ dicit eis Simon Petrus vado piscari dicunt ei venimus et nos tecum et exierunt et ascenderunt in navem et illa nocte nihil prendiderunt

vul@John:21:4 @ mane autem iam facto stetit Iesus in litore non tamen cognoverunt discipuli quia Iesus est

vul@John:21:5 @ dicit ergo eis Iesus pueri numquid pulmentarium habetis responderunt ei non

vul@John:21:6 @ dixit eis mittite in dexteram navigii rete et invenietis miserunt ergo et iam non valebant illud trahere a multitudine piscium

vul@John:21:7 @ dicit ergo discipulus ille quem diligebat Iesus Petro Dominus est Simon Petrus cum audisset quia Dominus est tunicam succinxit se erat enim nudus et misit se in mare

vul@John:21:8 @ alii autem discipuli navigio venerunt non enim longe erant a terra sed quasi a cubitis ducentis trahentes rete piscium

vul@John:21:9 @ ut ergo descenderunt in terram viderunt prunas positas et piscem superpositum et panem

vul@John:21:10 @ dicit eis Iesus adferte de piscibus quos prendidistis nunc

vul@John:21:11 @ ascendit Simon Petrus et traxit rete in terram plenum magnis piscibus centum quinquaginta tribus et cum tanti essent non est scissum rete

vul@John:21:12 @ dicit eis Iesus venite prandete et nemo audebat discentium interrogare eum tu quis es scientes quia Dominus esset

vul@John:21:13 @ et venit Iesus et accepit panem et dat eis et piscem similiter

vul@John:21:14 @ hoc iam tertio manifestatus est Iesus discipulis cum surrexisset a mortuis

vul@John:21:15 @ cum ergo prandissent dicit Simoni Petro Iesus Simon Iohannis diligis me plus his dicit ei etiam Domine tu scis quia amo te dicit ei pasce agnos meos

vul@John:21:16 @ dicit ei iterum Simon Iohannis diligis me ait illi etiam Domine tu scis quia amo te dicit ei pasce agnos meos

vul@John:21:17 @ dicit ei tertio Simon Iohannis amas me contristatus est Petrus quia dixit ei tertio amas me et dicit ei Domine tu omnia scis tu scis quia amo te dicit ei pasce oves meas

vul@John:21:18 @ amen amen dico tibi cum esses iunior cingebas te et ambulabas ubi volebas cum autem senueris extendes manus tuas et alius te cinget et ducet quo non vis

vul@John:21:19 @ hoc autem dixit significans qua morte clarificaturus esset Deum et hoc cum dixisset dicit ei sequere me

vul@John:21:20 @ conversus Petrus vidit illum discipulum quem diligebat Iesus sequentem qui et recubuit in cena super pectus eius et dixit Domine quis est qui tradit te

vul@John:21:21 @ hunc ergo cum vidisset Petrus dicit Iesu Domine hic autem quid

vul@John:21:22 @ dicit ei Iesus si sic eum volo manere donec veniam quid ad te tu me sequere

vul@John:21:23 @ exivit ergo sermo iste in fratres quia discipulus ille non moritur et non dixit ei Iesus non moritur sed si sic eum volo manere donec venio quid ad te

vul@John:21:24 @ hic est discipulus qui testimonium perhibet de his et scripsit haec et scimus quia verum est testimonium eius

vul@Acts:1:1 @ primum quidem sermonem feci de omnibus o Theophile quae coepit Iesus facere et docere

Bible:
Filter: String:

[pBiblx2]
Sat Jul 6 14:37:50 2024
pBiblx2 Field Wise Bible System Version 2.1.9 - GPL3 2009-2020