Bible:
Filter: String:

OT-LAW.filter - vul ne:


vul@Genesis:1:1 @ in principio creavit Deus caelum et terram

vul@Genesis:1:2 @ terra autem erat inanis et vacua et tenebrae super faciem abyssi et spiritus Dei ferebatur super aquas

vul@Genesis:1:3 @ dixitque Deus fiat lux et facta est lux

vul@Genesis:1:4 @ et vidit Deus lucem quod esset bona et divisit lucem ac tenebras

vul@Genesis:1:5 @ appellavitque lucem diem et tenebras noctem factumque est vespere et mane dies unus

vul@Genesis:1:6 @ dixit quoque Deus fiat firmamentum in medio aquarum et dividat aquas ab aquis

vul@Genesis:1:7 @ et fecit Deus firmamentum divisitque aquas quae erant sub firmamento ab his quae erant super firmamentum et factum est ita

vul@Genesis:1:8 @ vocavitque Deus firmamentum caelum et factum est vespere et mane dies secundus

vul@Genesis:1:9 @ dixit vero Deus congregentur aquae quae sub caelo sunt in locum unum et appareat arida factumque est ita

vul@Genesis:1:10 @ et vocavit Deus aridam terram congregationesque aquarum appellavit maria et vidit Deus quod esset bonum

vul@Genesis:1:11 @ et ait germinet terra herbam virentem et facientem semen et lignum pomiferum faciens fructum iuxta genus suum cuius semen in semet ipso sit super terram et factum est ita

vul@Genesis:1:12 @ et protulit terra herbam virentem et adferentem semen iuxta genus suum lignumque faciens fructum et habens unumquodque sementem secundum speciem suam et vidit Deus quod esset bonum

vul@Genesis:1:13 @ factumque est vespere et mane dies tertius

vul@Genesis:1:14 @ dixit autem Deus fiant luminaria in firmamento caeli ut dividant diem ac noctem et sint in signa et tempora et dies et annos

vul@Genesis:1:15 @ ut luceant in firmamento caeli et inluminent terram et factum est ita

vul@Genesis:1:16 @ fecitque Deus duo magna luminaria luminare maius ut praeesset diei et luminare minus ut praeesset nocti et stellas

vul@Genesis:1:17 @ et posuit eas in firmamento caeli ut lucerent super terram

vul@Genesis:1:18 @ et praeessent diei ac nocti et dividerent lucem ac tenebras et vidit Deus quod esset bonum

vul@Genesis:1:19 @ et factum est vespere et mane dies quartus

vul@Genesis:1:20 @ dixit etiam Deus producant aquae reptile animae viventis et volatile super terram sub firmamento caeli

vul@Genesis:1:21 @ creavitque Deus cete grandia et omnem animam viventem atque motabilem quam produxerant aquae in species suas et omne volatile secundum genus suum et vidit Deus quod esset bonum

vul@Genesis:1:22 @ benedixitque eis dicens crescite et multiplicamini et replete aquas maris avesque multiplicentur super terram

vul@Genesis:1:23 @ et factum est vespere et mane dies quintus

vul@Genesis:1:24 @ dixit quoque Deus producat terra animam viventem in genere suo iumenta et reptilia et bestias terrae secundum species suas factumque est ita

vul@Genesis:1:25 @ et fecit Deus bestias terrae iuxta species suas et iumenta et omne reptile terrae in genere suo et vidit Deus quod esset bonum

vul@Genesis:1:26 @ et ait faciamus hominem ad imaginem et similitudinem nostram et praesit piscibus maris et volatilibus caeli et bestiis universaeque terrae omnique reptili quod movetur in terra

vul@Genesis:1:27 @ et creavit Deus hominem ad imaginem suam ad imaginem Dei creavit illum masculum et feminam creavit eos

vul@Genesis:1:28 @ benedixitque illis Deus et ait crescite et multiplicamini et replete terram et subicite eam et dominamini piscibus maris et volatilibus caeli et universis animantibus quae moventur super terram

vul@Genesis:1:29 @ dixitque Deus ecce dedi vobis omnem herbam adferentem semen super terram et universa ligna quae habent in semet ipsis sementem generis sui ut sint vobis in escam

vul@Genesis:1:30 @ et cunctis animantibus terrae omnique volucri caeli et universis quae moventur in terra et in quibus est anima vivens ut habeant ad vescendum et factum est ita

vul@Genesis:1:31 @ viditque Deus cuncta quae fecit et erant valde bona et factum est vespere et mane dies sextus

vul@Genesis:2:1 @ igitur perfecti sunt caeli et terra et omnis ornatus eorum

vul@Genesis:2:2 @ conplevitque Deus die septimo opus suum quod fecerat et requievit die septimo ab universo opere quod patrarat

vul@Genesis:2:3 @ et benedixit diei septimo et sanctificavit illum quia in ipso cessaverat ab omni opere suo quod creavit Deus ut faceret

vul@Genesis:2:4 @ istae generationes caeli et terrae quando creatae sunt in die quo fecit Dominus Deus caelum et terram

vul@Genesis:2:5 @ et omne virgultum agri antequam oreretur in terra omnemque herbam regionis priusquam germinaret non enim pluerat Dominus Deus super terram et homo non erat qui operaretur terram

vul@Genesis:2:6 @ sed fons ascendebat e terra inrigans universam superficiem terrae

vul@Genesis:2:7 @ formavit igitur Dominus Deus hominem de limo terrae et inspiravit in faciem eius spiraculum vitae et factus est homo in animam viventem

vul@Genesis:2:8 @ plantaverat autem Dominus Deus paradisum voluptatis a principio in quo posuit hominem quem formaverat

vul@Genesis:2:9 @ produxitque Dominus Deus de humo omne lignum pulchrum visu et ad vescendum suave lignum etiam vitae in medio paradisi lignumque scientiae boni et mali

vul@Genesis:2:10 @ et fluvius egrediebatur de loco voluptatis ad inrigandum paradisum qui inde dividitur in quattuor capita

vul@Genesis:2:11 @ nomen uni Phison ipse est qui circuit omnem terram Evilat ubi nascitur aurum

vul@Genesis:2:12 @ et aurum terrae illius optimum est ibique invenitur bdellium et lapis onychinus

vul@Genesis:2:13 @ et nomen fluvio secundo Geon ipse est qui circuit omnem terram Aethiopiae

vul@Genesis:2:14 @ nomen vero fluminis tertii Tigris ipse vadit contra Assyrios fluvius autem quartus ipse est Eufrates

vul@Genesis:2:15 @ tulit ergo Dominus Deus hominem et posuit eum in paradiso voluptatis ut operaretur et custodiret illum

vul@Genesis:2:16 @ praecepitque ei dicens ex omni ligno paradisi comede

vul@Genesis:2:17 @ de ligno autem scientiae boni et mali ne comedas in quocumque enim die comederis ex eo morte morieris

vul@Genesis:2:18 @ dixit quoque Dominus Deus non est bonum esse hominem solum faciamus ei adiutorium similem sui

vul@Genesis:2:19 @ formatis igitur Dominus Deus de humo cunctis animantibus terrae et universis volatilibus caeli adduxit ea ad Adam ut videret quid vocaret ea omne enim quod vocavit Adam animae viventis ipsum est nomen eius

vul@Genesis:2:20 @ appellavitque Adam nominibus suis cuncta animantia et universa volatilia caeli et omnes bestias terrae Adam vero non inveniebatur adiutor similis eius

vul@Genesis:2:21 @ inmisit ergo Dominus Deus soporem in Adam cumque obdormisset tulit unam de costis eius et replevit carnem pro ea

vul@Genesis:2:22 @ et aedificavit Dominus Deus costam quam tulerat de Adam in mulierem et adduxit eam ad Adam

vul@Genesis:2:23 @ dixitque Adam hoc nunc os ex ossibus meis et caro de carne mea haec vocabitur virago quoniam de viro sumpta est

vul@Genesis:2:24 @ quam ob rem relinquet homo patrem suum et matrem et adherebit uxori suae et erunt duo in carne una

vul@Genesis:2:25 @ erant autem uterque nudi Adam scilicet et uxor eius et non erubescebant

vul@Genesis:3:1 @ sed et serpens erat callidior cunctis animantibus terrae quae fecerat Dominus Deus qui dixit ad mulierem cur praecepit vobis Deus ut non comederetis de omni ligno paradisi

vul@Genesis:3:2 @ cui respondit mulier de fructu lignorum quae sunt in paradiso vescemur

vul@Genesis:3:3 @ de fructu vero ligni quod est in medio paradisi praecepit nobis Deus ne comederemus et ne tangeremus illud ne forte moriamur

vul@Genesis:3:4 @ dixit autem serpens ad mulierem nequaquam morte moriemini

vul@Genesis:3:5 @ scit enim Deus quod in quocumque die comederitis ex eo aperientur oculi vestri et eritis sicut dii scientes bonum et malum

vul@Genesis:3:6 @ vidit igitur mulier quod bonum esset lignum ad vescendum et pulchrum oculis aspectuque delectabile et tulit de fructu illius et comedit deditque viro suo qui comedit

vul@Genesis:3:7 @ et aperti sunt oculi amborum cumque cognovissent esse se nudos consuerunt folia ficus et fecerunt sibi perizomata

vul@Genesis:3:8 @ et cum audissent vocem Domini Dei deambulantis in paradiso ad auram post meridiem abscondit se Adam et uxor eius a facie Domini Dei in medio ligni paradisi

vul@Genesis:3:9 @ vocavitque Dominus Deus Adam et dixit ei ubi es

vul@Genesis:3:10 @ qui ait vocem tuam audivi in paradiso et timui eo quod nudus essem et abscondi me

vul@Genesis:3:11 @ cui dixit quis enim indicavit tibi quod nudus esses nisi quod ex ligno de quo tibi praeceperam ne comederes comedisti

vul@Genesis:3:12 @ dixitque Adam mulier quam dedisti sociam mihi dedit mihi de ligno et comedi

vul@Genesis:3:13 @ et dixit Dominus Deus ad mulierem quare hoc fecisti quae respondit serpens decepit me et comedi

vul@Genesis:3:14 @ et ait Dominus Deus ad serpentem quia fecisti hoc maledictus es inter omnia animantia et bestias terrae super pectus tuum gradieris et terram comedes cunctis diebus vitae tuae

vul@Genesis:3:15 @ inimicitias ponam inter te et mulierem et semen tuum et semen illius ipsa conteret caput tuum et tu insidiaberis calcaneo eius

vul@Genesis:3:16 @ mulieri quoque dixit multiplicabo aerumnas tuas et conceptus tuos in dolore paries filios et sub viri potestate eris et ipse dominabitur tui

vul@Genesis:3:17 @ ad Adam vero dixit quia audisti vocem uxoris tuae et comedisti de ligno ex quo praeceperam tibi ne comederes maledicta terra in opere tuo in laboribus comedes eam cunctis diebus vitae tuae

vul@Genesis:3:18 @ spinas et tribulos germinabit tibi et comedes herbas terrae

vul@Genesis:3:19 @ in sudore vultus tui vesceris pane donec revertaris in terram de qua sumptus es quia pulvis es et in pulverem reverteris

vul@Genesis:3:20 @ et vocavit Adam nomen uxoris suae Hava eo quod mater esset cunctorum viventium

vul@Genesis:3:21 @ fecit quoque Dominus Deus Adam et uxori eius tunicas pellicias et induit eos

vul@Genesis:3:22 @ et ait ecce Adam factus est quasi unus ex nobis sciens bonum et malum nunc ergo ne forte mittat manum suam et sumat etiam de ligno vitae et comedat et vivat in aeternum

vul@Genesis:3:23 @ emisit eum Dominus Deus de paradiso voluptatis ut operaretur terram de qua sumptus est

vul@Genesis:3:24 @ eiecitque Adam et conlocavit ante paradisum voluptatis cherubin et flammeum gladium atque versatilem ad custodiendam viam ligni vitae

vul@Genesis:4:1 @ Adam vero cognovit Havam uxorem suam quae concepit et peperit Cain dicens possedi hominem per Dominum

vul@Genesis:4:2 @ rursusque peperit fratrem eius Abel fuit autem Abel pastor ovium et Cain agricola

vul@Genesis:4:3 @ factum est autem post multos dies ut offerret Cain de fructibus terrae munera Domino

vul@Genesis:4:4 @ Abel quoque obtulit de primogenitis gregis sui et de adipibus eorum et respexit Dominus ad Abel et ad munera eius

vul@Genesis:4:5 @ ad Cain vero et ad munera illius non respexit iratusque est Cain vehementer et concidit vultus eius

vul@Genesis:4:6 @ dixitque Dominus ad eum quare maestus es et cur concidit facies tua

vul@Genesis:4:7 @ nonne si bene egeris recipies sin autem male statim in foribus peccatum aderit sed sub te erit appetitus eius et tu dominaberis illius

vul@Genesis:4:8 @ dixitque Cain ad Abel fratrem suum egrediamur foras cumque essent in agro consurrexit Cain adversus Abel fratrem suum et interfecit eum

vul@Genesis:4:9 @ et ait Dominus ad Cain ubi est Abel frater tuus qui respondit nescio num custos fratris mei sum

vul@Genesis:4:10 @ dixitque ad eum quid fecisti vox sanguinis fratris tui clamat ad me de terra

vul@Genesis:4:11 @ nunc igitur maledictus eris super terram quae aperuit os suum et suscepit sanguinem fratris tui de manu tua

vul@Genesis:4:12 @ cum operatus fueris eam non dabit tibi fructus suos vagus et profugus eris super terram

vul@Genesis:4:13 @ dixitque Cain ad Dominum maior est iniquitas mea quam ut veniam merear

vul@Genesis:4:14 @ ecce eicis me hodie a facie terrae et a facie tua abscondar et ero vagus et profugus in terra omnis igitur qui invenerit me occidet me

vul@Genesis:4:15 @ dixitque ei Dominus nequaquam ita fiet sed omnis qui occiderit Cain septuplum punietur posuitque Dominus Cain signum ut non eum interficeret omnis qui invenisset eum

vul@Genesis:4:16 @ egressusque Cain a facie Domini habitavit in terra profugus ad orientalem plagam Eden

vul@Genesis:4:17 @ cognovit autem Cain uxorem suam quae concepit et peperit Enoch et aedificavit civitatem vocavitque nomen eius ex nomine filii sui Enoch

vul@Genesis:4:18 @ porro Enoch genuit Irad et Irad genuit Maviahel et Maviahel genuit Matusahel et Matusahel genuit Lamech

vul@Genesis:4:19 @ qui accepit uxores duas nomen uni Ada et nomen alteri Sella

vul@Genesis:4:20 @ genuitque Ada Iabel qui fuit pater habitantium in tentoriis atque pastorum

vul@Genesis:4:21 @ et nomen fratris eius Iubal ipse fuit pater canentium cithara et organo

vul@Genesis:4:22 @ Sella quoque genuit Thubalcain qui fuit malleator et faber in cuncta opera aeris et ferri soror vero Thubalcain Noemma

vul@Genesis:4:23 @ dixitque Lamech uxoribus suis Adae et Sellae audite vocem meam uxores Lamech auscultate sermonem meum quoniam occidi virum in vulnus meum et adulescentulum in livorem meum

vul@Genesis:4:24 @ septuplum ultio dabitur de Cain de Lamech vero septuagies septies

vul@Genesis:4:25 @ cognovit quoque adhuc Adam uxorem suam et peperit filium vocavitque nomen eius Seth dicens posuit mihi Deus semen aliud pro Abel quem occidit Cain

vul@Genesis:4:26 @ sed et Seth natus est filius quem vocavit Enos iste coepit invocare nomen Domini

vul@Genesis:5:1 @ hic est liber generationis Adam in die qua creavit Deus hominem ad similitudinem Dei fecit illum

vul@Genesis:5:2 @ masculum et feminam creavit eos et benedixit illis et vocavit nomen eorum Adam in die qua creati sunt

vul@Genesis:5:3 @ vixit autem Adam centum triginta annis et genuit ad similitudinem et imaginem suam vocavitque nomen eius Seth

vul@Genesis:5:4 @ et facti sunt dies Adam postquam genuit Seth octingenti anni genuitque filios et filias

vul@Genesis:5:5 @ et factum est omne tempus quod vixit Adam anni nongenti triginta et mortuus est

vul@Genesis:5:6 @ vixit quoque Seth centum quinque annos et genuit Enos

vul@Genesis:5:7 @ vixitque Seth postquam genuit Enos octingentis septem annis genuitque filios et filias

vul@Genesis:5:8 @ et facti sunt omnes dies Seth nongentorum duodecim annorum et mortuus est

vul@Genesis:5:9 @ vixit vero Enos nonaginta annis et genuit Cainan

vul@Genesis:5:10 @ post cuius ortum vixit octingentis quindecim annis et genuit filios et filias

vul@Genesis:5:11 @ factique sunt omnes dies Enos nongentorum quinque annorum et mortuus est

vul@Genesis:5:12 @ vixit quoque Cainan septuaginta annis et genuit Malalehel

vul@Genesis:5:13 @ et vixit Cainan postquam genuit Malalehel octingentos quadraginta annos genuitque filios et filias

vul@Genesis:5:14 @ et facti sunt omnes dies Cainan nongenti decem anni et mortuus est

vul@Genesis:5:15 @ vixit autem Malalehel sexaginta quinque annos et genuit Iared

vul@Genesis:5:16 @ et vixit Malalehel postquam genuit Iared octingentis triginta annis et genuit filios et filias

vul@Genesis:5:17 @ et facti sunt omnes dies Malalehel octingenti nonaginta quinque anni et mortuus est

vul@Genesis:5:18 @ vixitque Iared centum sexaginta duobus annis et genuit Enoch

vul@Genesis:5:19 @ et vixit Iared postquam genuit Enoch octingentos annos et genuit filios et filias

vul@Genesis:5:20 @ et facti sunt omnes dies Iared nongenti sexaginta duo anni et mortuus est

vul@Genesis:5:21 @ porro Enoch vixit sexaginta quinque annis et genuit Mathusalam

vul@Genesis:5:22 @ et ambulavit Enoch cum Deo postquam genuit Mathusalam trecentis annis et genuit filios et filias

vul@Genesis:5:23 @ et facti sunt omnes dies Enoch trecenti sexaginta quinque anni

vul@Genesis:5:24 @ ambulavitque cum Deo et non apparuit quia tulit eum Deus

vul@Genesis:5:25 @ vixit quoque Mathusalam centum octoginta septem annos et genuit Lamech

vul@Genesis:5:26 @ et vixit Mathusalam postquam genuit Lamech septingentos octoginta duos annos et genuit filios et filias

vul@Genesis:5:27 @ et facti sunt omnes dies Mathusalae nongenti sexaginta novem anni et mortuus est

vul@Genesis:5:28 @ vixit autem Lamech centum octoginta duobus annis et genuit filium

vul@Genesis:5:29 @ vocavitque nomen eius Noe dicens iste consolabitur nos ab operibus et laboribus manuum nostrarum in terra cui maledixit Dominus

vul@Genesis:5:30 @ vixitque Lamech postquam genuit Noe quingentos nonaginta quinque annos et genuit filios et filias

vul@Genesis:5:31 @ et facti sunt omnes dies Lamech septingenti septuaginta septem anni et mortuus est

vul@Genesis:5:32 @ Noe vero cum quingentorum esset annorum genuit Sem et Ham et Iafeth

vul@Genesis:6:1 @ cumque coepissent homines multiplicari super terram et filias procreassent

vul@Genesis:6:2 @ videntes filii Dei filias eorum quod essent pulchrae acceperunt uxores sibi ex omnibus quas elegerant

vul@Genesis:6:3 @ dixitque Deus non permanebit spiritus meus in homine in aeternum quia caro est eruntque dies illius centum viginti annorum

vul@Genesis:6:4 @ gigantes autem erant super terram in diebus illis postquam enim ingressi sunt filii Dei ad filias hominum illaeque genuerunt isti sunt potentes a saeculo viri famosi

vul@Genesis:6:5 @ videns autem Deus quod multa malitia hominum esset in terra et cuncta cogitatio cordis intenta esset ad malum omni tempore

vul@Genesis:6:6 @ paenituit eum quod hominem fecisset in terra et tactus dolore cordis intrinsecus

vul@Genesis:6:7 @ delebo inquit hominem quem creavi a facie terrae ab homine usque ad animantia a reptili usque ad volucres caeli paenitet enim me fecisse eos

vul@Genesis:6:8 @ Noe vero invenit gratiam coram Domino

vul@Genesis:6:9 @ hae generationes Noe Noe vir iustus atque perfectus fuit in generationibus suis cum Deo ambulavit

vul@Genesis:6:10 @ et genuit tres filios Sem Ham et Iafeth

vul@Genesis:6:11 @ corrupta est autem terra coram Deo et repleta est iniquitate

vul@Genesis:6:12 @ cumque vidisset Deus terram esse corruptam omnis quippe caro corruperat viam suam super terram

vul@Genesis:6:13 @ dixit ad Noe finis universae carnis venit coram me repleta est terra iniquitate a facie eorum et ego disperdam eos cum terra

vul@Genesis:6:14 @ fac tibi arcam de lignis levigatis mansiunculas in arca facies et bitumine linies intrinsecus et extrinsecus

vul@Genesis:6:15 @ et sic facies eam trecentorum cubitorum erit longitudo arcae quinquaginta cubitorum latitudo et triginta cubitorum altitudo illius

vul@Genesis:6:16 @ fenestram in arca facies et in cubito consummabis summitatem ostium autem arcae pones ex latere deorsum cenacula et tristega facies in ea

vul@Genesis:6:17 @ ecce ego adducam diluvii aquas super terram ut interficiam omnem carnem in qua spiritus vitae est subter caelum universa quae in terra sunt consumentur

vul@Genesis:6:18 @ ponamque foedus meum tecum et ingredieris arcam tu et filii tui uxor tua et uxores filiorum tuorum tecum

vul@Genesis:6:19 @ et ex cunctis animantibus universae carnis bina induces in arcam ut vivant tecum masculini sexus et feminini

vul@Genesis:6:20 @ de volucribus iuxta genus suum et de iumentis in genere suo et ex omni reptili terrae secundum genus suum bina de omnibus ingredientur tecum ut possint vivere

vul@Genesis:6:21 @ tolles igitur tecum ex omnibus escis quae mandi possunt et conportabis apud te et erunt tam tibi quam illis in cibum

vul@Genesis:6:22 @ fecit ergo Noe omnia quae praeceperat illi Deus

vul@Genesis:7:1 @ dixitque Dominus ad eum ingredere tu et omnis domus tua arcam te enim vidi iustum coram me in generatione hac

vul@Genesis:7:2 @ ex omnibus animantibus mundis tolle septena septena masculum et feminam de animantibus vero non mundis duo duo masculum et feminam

vul@Genesis:7:3 @ sed et de volatilibus caeli septena septena masculum et feminam ut salvetur semen super faciem universae terrae

vul@Genesis:7:4 @ adhuc enim et post dies septem ego pluam super terram quadraginta diebus et quadraginta noctibus et delebo omnem substantiam quam feci de superficie terrae

vul@Genesis:7:5 @ fecit ergo Noe omnia quae mandaverat ei Dominus

vul@Genesis:7:6 @ eratque sescentorum annorum quando diluvii aquae inundaverunt super terram

vul@Genesis:7:7 @ et ingressus est Noe et filii eius uxor eius et uxores filiorum eius cum eo in arcam propter aquas diluvii

vul@Genesis:7:8 @ de animantibus quoque mundis et inmundis et de volucribus et ex omni quod movetur super terram

vul@Genesis:7:9 @ duo et duo ingressa sunt ad Noe in arcam masculus et femina sicut praeceperat Deus Noe

vul@Genesis:7:10 @ cumque transissent septem dies aquae diluvii inundaverunt super terram

vul@Genesis:7:11 @ anno sescentesimo vitae Noe mense secundo septimodecimo die mensis rupti sunt omnes fontes abyssi magnae et cataractae caeli apertae sunt

vul@Genesis:7:12 @ et facta est pluvia super terram quadraginta diebus et quadraginta noctibus

vul@Genesis:7:13 @ in articulo diei illius ingressus est Noe et Sem et Ham et Iafeth filii eius uxor illius et tres uxores filiorum eius cum eis in arcam

vul@Genesis:7:14 @ ipsi et omne animal secundum genus suum universaque iumenta in genus suum et omne quod movetur super terram in genere suo cunctumque volatile secundum genus suum universae aves omnesque volucres

vul@Genesis:7:15 @ ingressae sunt ad Noe in arcam bina et bina ex omni carne in qua erat spiritus vitae

vul@Genesis:7:16 @ et quae ingressa sunt masculus et femina ex omni carne introierunt sicut praeceperat ei Deus et inclusit eum Dominus de foris

vul@Genesis:7:17 @ factumque est diluvium quadraginta diebus super terram et multiplicatae sunt aquae et elevaverunt arcam in sublime a terra

vul@Genesis:7:18 @ vehementer inundaverunt et omnia repleverunt in superficie terrae porro arca ferebatur super aquas

vul@Genesis:7:19 @ et aquae praevaluerunt nimis super terram opertique sunt omnes montes excelsi sub universo caelo

vul@Genesis:7:20 @ quindecim cubitis altior fuit aqua super montes quos operuerat

vul@Genesis:7:21 @ consumptaque est omnis caro quae movebatur super terram volucrum animantium bestiarum omniumque reptilium quae reptant super terram universi homines

vul@Genesis:7:22 @ et cuncta in quibus spiraculum vitae est in terra mortua sunt

vul@Genesis:7:23 @ et delevit omnem substantiam quae erat super terram ab homine usque ad pecus tam reptile quam volucres caeli et deleta sunt de terra remansit autem solus Noe et qui cum eo erant in arca

vul@Genesis:7:24 @ obtinueruntque aquae terras centum quinquaginta diebus

vul@Genesis:8:1 @ recordatus autem Deus Noe cunctarumque animantium et omnium iumentorum quae erant cum eo in arca adduxit spiritum super terram et inminutae sunt aquae

vul@Genesis:8:2 @ et clausi sunt fontes abyssi et cataractae caeli et prohibitae sunt pluviae de caelo

vul@Genesis:8:3 @ reversaeque aquae de terra euntes et redeuntes et coeperunt minui post centum quinquaginta dies

vul@Genesis:8:4 @ requievitque arca mense septimo vicesima septima die mensis super montes Armeniae

vul@Genesis:8:5 @ at vero aquae ibant et decrescebant usque ad decimum mensem decimo enim mense prima die mensis apparuerunt cacumina montium

vul@Genesis:8:6 @ cumque transissent quadraginta dies aperiens Noe fenestram arcae quam fecerat dimisit corvum

vul@Genesis:8:7 @ qui egrediebatur et revertebatur donec siccarentur aquae super terram

vul@Genesis:8:8 @ emisit quoque columbam post eum ut videret si iam cessassent aquae super faciem terrae

vul@Genesis:8:9 @ quae cum non invenisset ubi requiesceret pes eius reversa est ad eum in arcam aquae enim erant super universam terram extenditque manum et adprehensam intulit in arcam

vul@Genesis:8:10 @ expectatis autem ultra septem diebus aliis rursum dimisit columbam ex arca

vul@Genesis:8:11 @ at illa venit ad eum ad vesperam portans ramum olivae virentibus foliis in ore suo intellexit ergo Noe quod cessassent aquae super terram

vul@Genesis:8:12 @ expectavitque nihilominus septem alios dies et emisit columbam quae non est reversa ultra ad eum

vul@Genesis:8:13 @ igitur sescentesimo primo anno primo mense prima die mensis inminutae sunt aquae super terram et aperiens Noe tectum arcae aspexit viditque quod exsiccata esset superficies terrae

vul@Genesis:8:14 @ mense secundo septima et vicesima die mensis arefacta est terra

vul@Genesis:8:15 @ locutus est autem Deus ad Noe dicens

vul@Genesis:8:16 @ egredere de arca tu et uxor tua filii tui et uxores filiorum tuorum tecum

vul@Genesis:8:17 @ cuncta animantia quae sunt apud te ex omni carne tam in volatilibus quam in bestiis et in universis reptilibus quae reptant super terram educ tecum et ingredimini super terram crescite et multiplicamini super eam

vul@Genesis:8:18 @ egressus est ergo Noe et filii eius uxor illius et uxores filiorum eius cum eo

vul@Genesis:8:19 @ sed et omnia animantia iumenta et reptilia quae repunt super terram secundum genus suum arcam egressa sunt

vul@Genesis:8:20 @ aedificavit autem Noe altare Domino et tollens de cunctis pecoribus et volucribus mundis obtulit holocausta super altare

vul@Genesis:8:21 @ odoratusque est Dominus odorem suavitatis et ait ad eum nequaquam ultra maledicam terrae propter homines sensus enim et cogitatio humani cordis in malum prona sunt ab adulescentia sua non igitur ultra percutiam omnem animantem sicut feci

vul@Genesis:8:22 @ cunctis diebus terrae sementis et messis frigus et aestus aestas et hiemps nox et dies non requiescent

vul@Genesis:9:1 @ benedixitque Deus Noe et filiis eius et dixit ad eos crescite et multiplicamini et implete terram

vul@Genesis:9:2 @ et terror vester ac tremor sit super cuncta animalia terrae et super omnes volucres caeli cum universis quae moventur in terra omnes pisces maris manui vestrae traditi sunt

vul@Genesis:9:3 @ et omne quod movetur et vivit erit vobis in cibum quasi holera virentia tradidi vobis omnia

vul@Genesis:9:4 @ excepto quod carnem cum sanguine non comedetis

vul@Genesis:9:5 @ sanguinem enim animarum vestrarum requiram de manu cunctarum bestiarum et de manu hominis de manu viri et fratris eius requiram animam hominis

vul@Genesis:9:6 @ quicumque effuderit humanum sanguinem fundetur sanguis illius ad imaginem quippe Dei factus est homo

vul@Genesis:9:7 @ vos autem crescite et multiplicamini et ingredimini super terram et implete eam

vul@Genesis:9:8 @ haec quoque dixit Deus ad Noe et ad filios eius cum eo

vul@Genesis:9:9 @ ecce ego statuam pactum meum vobiscum et cum semine vestro post vos

vul@Genesis:9:10 @ et ad omnem animam viventem quae est vobiscum tam in volucribus quam in iumentis et pecudibus terrae cunctis quae egressa sunt de arca et universis bestiis terrae

vul@Genesis:9:11 @ statuam pactum meum vobiscum et nequaquam ultra interficietur omnis caro aquis diluvii neque erit deinceps diluvium dissipans terram

vul@Genesis:9:12 @ dixitque Deus hoc signum foederis quod do inter me et vos et ad omnem animam viventem quae est vobiscum in generationes sempiternas

vul@Genesis:9:13 @ arcum meum ponam in nubibus et erit signum foederis inter me et inter terram

vul@Genesis:9:14 @ cumque obduxero nubibus caelum apparebit arcus meus in nubibus

vul@Genesis:9:15 @ et recordabor foederis mei vobiscum et cum omni anima vivente quae carnem vegetat et non erunt ultra aquae diluvii ad delendam universam carnem

vul@Genesis:9:16 @ eritque arcus in nubibus et videbo illum et recordabor foederis sempiterni quod pactum est inter Deum et inter omnem animam viventem universae carnis quae est super terram

vul@Genesis:9:17 @ dixitque Deus Noe hoc erit signum foederis quod constitui inter me et inter omnem carnem super terram

vul@Genesis:9:18 @ erant igitur filii Noe qui egressi sunt de arca Sem Ham et Iafeth porro Ham ipse est pater Chanaan

vul@Genesis:9:19 @ tres isti sunt filii Noe et ab his disseminatum est omne hominum genus super universam terram

vul@Genesis:9:20 @ coepitque Noe vir agricola exercere terram et plantavit vineam

vul@Genesis:9:21 @ bibensque vinum inebriatus est et nudatus in tabernaculo suo

vul@Genesis:9:22 @ quod cum vidisset Ham pater Chanaan verenda scilicet patris sui esse nuda nuntiavit duobus fratribus suis foras

vul@Genesis:9:23 @ at vero Sem et Iafeth pallium inposuerunt umeris suis et incedentes retrorsum operuerunt verecunda patris sui faciesque eorum aversae erant et patris virilia non viderunt

vul@Genesis:9:24 @ evigilans autem Noe ex vino cum didicisset quae fecerat ei filius suus minor

vul@Genesis:9:25 @ ait maledictus Chanaan servus servorum erit fratribus suis

vul@Genesis:9:26 @ dixitque benedictus Dominus Deus Sem sit Chanaan servus eius

vul@Genesis:9:27 @ dilatet Deus Iafeth et habitet in tabernaculis Sem sitque Chanaan servus eius

vul@Genesis:9:28 @ vixit autem Noe post diluvium trecentis quinquaginta annis

vul@Genesis:9:29 @ et impleti sunt omnes dies eius nongentorum quinquaginta annorum et mortuus est

vul@Genesis:10:1 @ hae generationes filiorum Noe Sem Ham Iafeth natique sunt eis filii post diluvium

vul@Genesis:10:2 @ filii Iafeth Gomer Magog et Madai Iavan et Thubal et Mosoch et Thiras

vul@Genesis:10:3 @ porro filii Gomer Aschenez et Rifath et Thogorma

vul@Genesis:10:4 @ filii autem Iavan Elisa et Tharsis Cetthim et Dodanim

vul@Genesis:10:5 @ ab his divisae sunt insulae gentium in regionibus suis unusquisque secundum linguam et familias in nationibus suis

vul@Genesis:10:6 @ filii autem Ham Chus et Mesraim et Fut et Chanaan

vul@Genesis:10:7 @ filii Chus Saba et Hevila et Sabatha et Regma et Sabathaca filii Regma Saba et Dadan

vul@Genesis:10:8 @ porro Chus genuit Nemrod ipse coepit esse potens in terra

vul@Genesis:10:9 @ et erat robustus venator coram Domino ab hoc exivit proverbium quasi Nemrod robustus venator coram Domino

vul@Genesis:10:10 @ fuit autem principium regni eius Babylon et Arach et Archad et Chalanne in terra Sennaar

vul@Genesis:10:11 @ de terra illa egressus est Assur et aedificavit Nineven et plateas civitatis et Chale

vul@Genesis:10:12 @ Resen quoque inter Nineven et Chale haec est civitas magna

vul@Genesis:10:13 @ at vero Mesraim genuit Ludim et Anamim et Laabim Nepthuim

vul@Genesis:10:14 @ et Phetrusim et Cesluim de quibus egressi sunt Philisthim et Capthurim

vul@Genesis:10:15 @ Chanaan autem genuit Sidonem primogenitum suum Ettheum

vul@Genesis:10:16 @ et Iebuseum et Amorreum Gergeseum

vul@Genesis:10:17 @ Eveum et Araceum Sineum

vul@Genesis:10:18 @ et Aradium Samariten et Amatheum et post haec disseminati sunt populi Chananeorum

vul@Genesis:10:19 @ factique sunt termini Chanaan venientibus a Sidone Geraram usque Gazam donec ingrediaris Sodomam et Gomorram et Adama et Seboim usque Lesa

vul@Genesis:10:20 @ hii filii Ham in cognationibus et linguis et generationibus terrisque et gentibus suis

vul@Genesis:10:21 @ de Sem quoque nati sunt patre omnium filiorum Eber fratre Iafeth maiore

vul@Genesis:10:22 @ filii Sem Aelam et Assur et Arfaxad et Lud et Aram

vul@Genesis:10:23 @ filii Aram Us et Hul et Gether et Mes

vul@Genesis:10:24 @ at vero Arfaxad genuit Sala de quo ortus est Eber

vul@Genesis:10:25 @ natique sunt Eber filii duo nomen uni Faleg eo quod in diebus eius divisa sit terra et nomen fratris eius Iectan

vul@Genesis:10:26 @ qui Iectan genuit Helmodad et Saleph et Asarmoth Iare

vul@Genesis:10:27 @ et Aduram et Uzal Decla

vul@Genesis:10:28 @ et Ebal et Abimahel Saba

vul@Genesis:10:29 @ et Ophir et Evila et Iobab omnes isti filii Iectan

vul@Genesis:10:30 @ et facta est habitatio eorum de Messa pergentibus usque Sephar montem orientalem

vul@Genesis:10:31 @ isti filii Sem secundum cognationes et linguas et regiones in gentibus suis

vul@Genesis:10:32 @ hae familiae Noe iuxta populos et nationes suas ab his divisae sunt gentes in terra post diluvium

vul@Genesis:11:1 @ erat autem terra labii unius et sermonum eorundem

vul@Genesis:11:2 @ cumque proficiscerentur de oriente invenerunt campum in terra Sennaar et habitaverunt in eo

vul@Genesis:11:3 @ dixitque alter ad proximum suum venite faciamus lateres et coquamus eos igni habueruntque lateres pro saxis et bitumen pro cemento

vul@Genesis:11:4 @ et dixerunt venite faciamus nobis civitatem et turrem cuius culmen pertingat ad caelum et celebremus nomen nostrum antequam dividamur in universas terras

vul@Genesis:11:5 @ descendit autem Dominus ut videret civitatem et turrem quam aedificabant filii Adam

vul@Genesis:11:6 @ et dixit ecce unus est populus et unum labium omnibus coeperuntque hoc facere nec desistent a cogitationibus suis donec eas opere conpleant

vul@Genesis:11:7 @ venite igitur descendamus et confundamus ibi linguam eorum ut non audiat unusquisque vocem proximi sui

vul@Genesis:11:8 @ atque ita divisit eos Dominus ex illo loco in universas terras et cessaverunt aedificare civitatem

vul@Genesis:11:9 @ et idcirco vocatum est nomen eius Babel quia ibi confusum est labium universae terrae et inde dispersit eos Dominus super faciem cunctarum regionum

vul@Genesis:11:10 @ hae generationes Sem Sem centum erat annorum quando genuit Arfaxad biennio post diluvium

vul@Genesis:11:11 @ vixitque Sem postquam genuit Arfaxad quingentos annos et genuit filios et filias

vul@Genesis:11:12 @ porro Arfaxad vixit triginta quinque annos et genuit Sale

vul@Genesis:11:13 @ vixitque Arfaxad postquam genuit Sale trecentis tribus annis et genuit filios et filias

vul@Genesis:11:14 @ Sale quoque vixit triginta annis et genuit Eber

vul@Genesis:11:15 @ vixitque Sale postquam genuit Eber quadringentis tribus annis et genuit filios et filias

vul@Genesis:11:16 @ vixit autem Eber triginta quattuor annis et genuit Faleg

vul@Genesis:11:17 @ et vixit Eber postquam genuit Faleg quadringentis triginta annis et genuit filios et filias

vul@Genesis:11:18 @ vixit quoque Faleg triginta annis et genuit Reu

vul@Genesis:11:19 @ vixitque Faleg postquam genuit Reu ducentis novem annis et genuit filios et filias

vul@Genesis:11:20 @ vixit autem Reu triginta duobus annis et genuit Sarug

vul@Genesis:11:21 @ vixitque Reu postquam genuit Sarug ducentis septem annis et genuit filios et filias

vul@Genesis:11:22 @ vixit vero Sarug triginta annis et genuit Nahor

vul@Genesis:11:23 @ vixitque Sarug postquam genuit Nahor ducentos annos et genuit filios et filias

vul@Genesis:11:24 @ vixit autem Nahor viginti novem annis et genuit Thare

vul@Genesis:11:25 @ vixitque Nahor postquam genuit Thare centum decem et novem annos et genuit filios et filias

vul@Genesis:11:26 @ vixitque Thare septuaginta annis et genuit Abram et Nahor et Aran

vul@Genesis:11:27 @ hae sunt autem generationes Thare Thare genuit Abram et Nahor et Aran porro Aran genuit Loth

vul@Genesis:11:28 @ mortuusque est Aran ante Thare patrem suum in terra nativitatis suae in Ur Chaldeorum

vul@Genesis:11:29 @ duxerunt autem Abram et Nahor uxores nomen autem uxoris Abram Sarai et nomen uxoris Nahor Melcha filia Aran patris Melchae et patris Ieschae

vul@Genesis:11:30 @ erat autem Sarai sterilis nec habebat liberos

vul@Genesis:11:31 @ tulit itaque Thare Abram filium suum et Loth filium Aran filium filii sui et Sarai nurum suam uxorem Abram filii sui et eduxit eos de Ur Chaldeorum ut irent in terram Chanaan veneruntque usque Haran et habitaverunt ibi

vul@Genesis:11:32 @ et facti sunt dies Thare ducentorum quinque annorum et mortuus est in Haran

vul@Genesis:12:1 @ dixit autem Dominus ad Abram egredere de terra tua et de cognatione tua et de domo patris tui in terram quam monstrabo tibi

vul@Genesis:12:2 @ faciamque te in gentem magnam et benedicam tibi et magnificabo nomen tuum erisque benedictus

vul@Genesis:12:3 @ benedicam benedicentibus tibi et maledicam maledicentibus tibi atque in te benedicentur universae cognationes terrae

vul@Genesis:12:4 @ egressus est itaque Abram sicut praeceperat ei Dominus et ivit cum eo Loth septuaginta quinque annorum erat Abram cum egrederetur de Haran

vul@Genesis:12:5 @ tulitque Sarai uxorem suam et Loth filium fratris sui universamque substantiam quam possederant et animas quas fecerant in Haran et egressi sunt ut irent in terram Chanaan cumque venissent in eam

vul@Genesis:12:6 @ pertransivit Abram terram usque ad locum Sychem usque ad convallem Inlustrem Chananeus autem tunc erat in terra

vul@Genesis:12:7 @ apparuitque Dominus Abram et dixit ei semini tuo dabo terram hanc qui aedificavit ibi altare Domino qui apparuerat ei

vul@Genesis:12:8 @ et inde transgrediens ad montem qui erat contra orientem Bethel tetendit ibi tabernaculum suum ab occidente habens Bethel et ab oriente Ai aedificavit quoque ibi altare Domino et invocavit nomen eius

vul@Genesis:12:9 @ perrexitque Abram vadens et ultra progrediens ad meridiem

vul@Genesis:12:10 @ facta est autem fames in terra descenditque Abram in Aegyptum ut peregrinaretur ibi praevaluerat enim fames in terra

vul@Genesis:12:11 @ cumque prope esset ut ingrederetur Aegyptum dixit Sarai uxori suae novi quod pulchra sis mulier

vul@Genesis:12:12 @ et quod cum viderint te Aegyptii dicturi sunt uxor ipsius est et interficient me et te reservabunt

vul@Genesis:12:13 @ dic ergo obsecro te quod soror mea sis ut bene sit mihi propter te et vivat anima mea ob gratiam tui

vul@Genesis:12:14 @ cum itaque ingressus esset Abram Aegyptum viderunt Aegyptii mulierem quod esset pulchra nimis

vul@Genesis:12:15 @ et nuntiaverunt principes Pharaoni et laudaverunt eam apud illum et sublata est mulier in domum Pharaonis

vul@Genesis:12:16 @ Abram vero bene usi sunt propter illam fueruntque ei oves et boves et asini et servi et famulae et asinae et cameli

vul@Genesis:12:17 @ flagellavit autem Dominus Pharaonem plagis maximis et domum eius propter Sarai uxorem Abram

vul@Genesis:12:18 @ vocavitque Pharao Abram et dixit ei quidnam est quod fecisti mihi quare non indicasti quod uxor tua esset

vul@Genesis:12:19 @ quam ob causam dixisti esse sororem tuam ut tollerem eam mihi in uxorem nunc igitur ecce coniux tua accipe eam et vade

vul@Genesis:12:20 @ praecepitque Pharao super Abram viris et deduxerunt eum et uxorem illius et omnia quae habebat

vul@Genesis:13:1 @ ascendit ergo Abram de Aegypto ipse et uxor eius et omnia quae habebat et Loth cum eo ad australem plagam

vul@Genesis:13:2 @ erat autem dives valde in possessione argenti et auri

vul@Genesis:13:3 @ reversusque est per iter quo venerat a meridie in Bethel usque ad locum ubi prius fixerat tabernaculum inter Bethel et Ai

vul@Genesis:13:4 @ in loco altaris quod fecerat prius et invocavit ibi nomen Domini

vul@Genesis:13:5 @ sed et Loth qui erat cum Abram fuerunt greges ovium et armenta et tabernacula

vul@Genesis:13:6 @ nec poterat eos capere terra ut habitarent simul erat quippe substantia eorum multa et non quibant habitare communiter

vul@Genesis:13:7 @ unde et facta est rixa inter pastores gregum Abram et Loth eo autem tempore Chananeus et Ferezeus habitabant in illa terra

vul@Genesis:13:8 @ dixit ergo Abram ad Loth ne quaeso sit iurgium inter me et te et inter pastores meos et pastores tuos fratres enim sumus

vul@Genesis:13:9 @ ecce universa terra coram te est recede a me obsecro si ad sinistram ieris ego ad dexteram tenebo si tu dexteram elegeris ego ad sinistram pergam

vul@Genesis:13:10 @ elevatis itaque Loth oculis vidit omnem circa regionem Iordanis quae universa inrigabatur antequam subverteret Dominus Sodomam et Gomorram sicut paradisus Domini et sicut Aegyptus venientibus in Segor

vul@Genesis:13:11 @ elegitque sibi Loth regionem circa Iordanem et recessit ab oriente divisique sunt alterutrum a fratre suo

vul@Genesis:13:12 @ Abram habitavit in terra Chanaan Loth moratus est in oppidis quae erant circa Iordanem et habitavit in Sodomis

vul@Genesis:13:13 @ homines autem Sodomitae pessimi erant et peccatores coram Domino nimis

vul@Genesis:13:14 @ dixitque Dominus ad Abram postquam divisus est Loth ab eo leva oculos tuos et vide a loco in quo nunc es ad aquilonem et ad meridiem ad orientem et ad occidentem

vul@Genesis:13:15 @ omnem terram quam conspicis tibi dabo et semini tuo usque in sempiternum

vul@Genesis:13:16 @ faciamque semen tuum sicut pulverem terrae si quis potest hominum numerare pulverem semen quoque tuum numerare poterit

vul@Genesis:13:17 @ surge et perambula terram in longitudine et in latitudine sua quia tibi daturus sum eam

vul@Genesis:13:18 @ movens igitur Abram tabernaculum suum venit et habitavit iuxta convallem Mambre quod est in Hebron aedificavitque ibi altare Domino

vul@Genesis:14:1 @ factum est autem in illo tempore ut Amrafel rex Sennaar et Arioch rex Ponti et Chodorlahomor rex Aelamitarum et Thadal rex Gentium

vul@Genesis:14:2 @ inirent bellum contra Bara regem Sodomorum et contra Bersa regem Gomorrae et contra Sennaab regem Adamae et contra Semeber regem Seboim contraque regem Balae ipsa est Segor

vul@Genesis:14:3 @ omnes hii convenerunt in vallem Silvestrem quae nunc est mare Salis

vul@Genesis:14:4 @ duodecim enim annis servierant Chodorlahomor et tertiodecimo anno recesserunt ab eo

vul@Genesis:14:5 @ igitur anno quartodecimo venit Chodorlahomor et reges qui erant cum eo percusseruntque Rafaim in Astharothcarnaim et Zuzim cum eis et Emim in Savecariathaim

vul@Genesis:14:6 @ et Chorreos in montibus Seir usque ad campestria Pharan quae est in solitudine

vul@Genesis:14:7 @ reversique sunt et venerunt ad fontem Mesfat ipsa est Cades et percusserunt omnem regionem Amalechitarum et Amorreum qui habitabat in Asasonthamar

vul@Genesis:14:8 @ et egressi sunt rex Sodomorum et rex Gomorrae rexque Adamae et rex Seboim necnon et rex Balae quae est Segor et direxerunt contra eos aciem in valle Silvestri

vul@Genesis:14:9 @ scilicet adversum Chodorlahomor regem Aelamitarum et Thadal regem Gentium et Amrafel regem Sennaar et Arioch regem Ponti quattuor reges adversus quinque

vul@Genesis:14:10 @ vallis autem Silvestris habebat puteos multos bituminis itaque rex Sodomorum et Gomorrae terga verterunt cecideruntque ibi et qui remanserant fugerunt ad montem

vul@Genesis:14:11 @ tulerunt autem omnem substantiam Sodomorum et Gomorrae et universa quae ad cibum pertinent et abierunt

vul@Genesis:14:12 @ necnon et Loth et substantiam eius filium fratris Abram qui habitabat in Sodomis

vul@Genesis:14:13 @ et ecce unus qui evaserat nuntiavit Abram Hebraeo qui habitabat in convalle Mambre Amorrei fratris Eschol et fratris Aner hii enim pepigerant foedus cum Abram

vul@Genesis:14:14 @ quod cum audisset Abram captum videlicet Loth fratrem suum numeravit expeditos vernaculos suos trecentos decem et octo et persecutus est eos usque Dan

vul@Genesis:14:15 @ et divisis sociis inruit super eos nocte percussitque eos et persecutus est usque Hoba quae est ad levam Damasci

vul@Genesis:14:16 @ reduxitque omnem substantiam et Loth fratrem suum cum substantia illius mulieres quoque et populum

vul@Genesis:14:17 @ egressus est autem rex Sodomorum in occursum eius postquam reversus est a caede Chodorlahomor et regum qui cum eo erant in valle Save quae est vallis Regis

vul@Genesis:14:18 @ at vero Melchisedech rex Salem proferens panem et vinum erat enim sacerdos Dei altissimi

vul@Genesis:14:19 @ benedixit ei et ait benedictus Abram Deo excelso qui creavit caelum et terram

vul@Genesis:14:20 @ et benedictus Deus excelsus quo protegente hostes in manibus tuis sunt et dedit ei decimas ex omnibus

vul@Genesis:14:21 @ dixit autem rex Sodomorum ad Abram da mihi animas cetera tolle tibi

vul@Genesis:14:22 @ qui respondit ei levo manum meam ad Dominum Deum excelsum possessorem caeli et terrae

vul@Genesis:14:23 @ quod a filo subteminis usque ad corrigiam caligae non accipiam ex omnibus quae tua sunt ne dicas ego ditavi Abram

vul@Genesis:14:24 @ exceptis his quae comederunt iuvenes et partibus virorum qui venerunt mecum Aner Eschol et Mambre isti accipient partes suas

vul@Genesis:15:1 @ his itaque transactis factus est sermo Domini ad Abram per visionem dicens noli timere Abram ego protector tuus sum et merces tua magna nimis

vul@Genesis:15:2 @ dixitque Abram Domine Deus quid dabis mihi ego vadam absque liberis et filius procuratoris domus meae iste Damascus Eliezer

vul@Genesis:15:3 @ addiditque Abram mihi autem non dedisti semen et ecce vernaculus meus heres meus erit

vul@Genesis:15:4 @ statimque sermo Domini factus est ad eum dicens non erit hic heres tuus sed qui egredietur de utero tuo ipsum habebis heredem

vul@Genesis:15:5 @ eduxitque eum foras et ait illi suspice caelum et numera stellas si potes et dixit ei sic erit semen tuum

vul@Genesis:15:6 @ credidit Domino et reputatum est ei ad iustitiam

vul@Genesis:15:7 @ dixitque ad eum ego Dominus qui eduxi te de Ur Chaldeorum ut darem tibi terram istam et possideres eam

vul@Genesis:15:8 @ at ille ait Domine Deus unde scire possum quod possessurus sim eam

vul@Genesis:15:9 @ respondens Dominus sume inquit mihi vaccam triennem et capram trimam et arietem annorum trium turturem quoque et columbam

vul@Genesis:15:10 @ qui tollens universa haec divisit per medium et utrasque partes contra se altrinsecus posuit aves autem non divisit

vul@Genesis:15:11 @ descenderuntque volucres super cadavera et abigebat eas Abram

vul@Genesis:15:12 @ cumque sol occumberet sopor inruit super Abram et horror magnus et tenebrosus invasit eum

vul@Genesis:15:13 @ dictumque est ad eum scito praenoscens quod peregrinum futurum sit semen tuum in terra non sua et subicient eos servituti et adfligent quadringentis annis

vul@Genesis:15:14 @ verumtamen gentem cui servituri sunt ego iudicabo et post haec egredientur cum magna substantia

vul@Genesis:15:15 @ tu autem ibis ad patres tuos in pace sepultus in senectute bona

vul@Genesis:15:16 @ generatione autem quarta revertentur huc necdum enim conpletae sunt iniquitates Amorreorum usque ad praesens tempus

vul@Genesis:15:17 @ cum ergo occubuisset sol facta est caligo tenebrosa et apparuit clibanus fumans et lampas ignis transiens inter divisiones illas

vul@Genesis:15:18 @ in die illo pepigit Dominus cum Abram foedus dicens semini tuo dabo terram hanc a fluvio Aegypti usque ad fluvium magnum flumen Eufraten

vul@Genesis:15:19 @ Cineos et Cenezeos et Cedmoneos

vul@Genesis:15:20 @ et Hettheos et Ferezeos Rafaim quoque

vul@Genesis:15:21 @ et Amorreos et Chananeos et Gergeseos et Iebuseos

vul@Genesis:16:1 @ igitur Sarai uxor Abram non genuerat liberos sed habens ancillam aegyptiam nomine Agar

vul@Genesis:16:2 @ dixit marito suo ecce conclusit me Dominus ne parerem ingredere ad ancillam meam si forte saltem ex illa suscipiam filios cumque ille adquiesceret deprecanti

vul@Genesis:16:3 @ tulit Agar Aegyptiam ancillam suam post annos decem quam habitare coeperant in terra Chanaan et dedit eam viro suo uxorem

vul@Genesis:16:4 @ qui ingressus est ad eam at illa concepisse se videns despexit dominam suam

vul@Genesis:16:5 @ dixitque Sarai ad Abram inique agis contra me ego dedi ancillam meam in sinum tuum quae videns quod conceperit despectui me habet iudicet Dominus inter me et te

vul@Genesis:16:6 @ cui respondens Abram ecce ait ancilla tua in manu tua est utere ea ut libet adfligente igitur eam Sarai fugam iniit

vul@Genesis:16:7 @ cumque invenisset illam angelus Domini iuxta fontem aquae in solitudine qui est in via Sur

vul@Genesis:16:8 @ dixit ad eam Agar ancilla Sarai unde venis et quo vadis quae respondit a facie Sarai dominae meae ego fugio

vul@Genesis:16:9 @ dixitque ei angelus Domini revertere ad dominam tuam et humiliare sub manibus ipsius

vul@Genesis:16:10 @ et rursum multiplicans inquit multiplicabo semen tuum et non numerabitur prae multitudine

vul@Genesis:16:11 @ ac deinceps ecce ait concepisti et paries filium vocabisque nomen eius Ismahel eo quod audierit Dominus adflictionem tuam

vul@Genesis:16:12 @ hic erit ferus homo manus eius contra omnes et manus omnium contra eum et e regione universorum fratrum suorum figet tabernacula

vul@Genesis:16:13 @ vocavit autem nomen Domini qui loquebatur ad eam Tu Deus qui vidisti me dixit enim profecto hic vidi posteriora videntis me

vul@Genesis:16:14 @ propterea appellavit puteum illum puteum Viventis et videntis me ipse est inter Cades et Barad

vul@Genesis:16:15 @ peperitque Abrae filium qui vocavit nomen eius Ismahel

vul@Genesis:16:16 @ octoginta et sex annorum erat quando peperit ei Agar Ismahelem

vul@Genesis:17:1 @ postquam vero nonaginta et novem annorum esse coeperat apparuit ei Dominus dixitque ad eum ego Deus omnipotens ambula coram me et esto perfectus

vul@Genesis:17:2 @ ponamque foedus meum inter me et te et multiplicabo te vehementer nimis

vul@Genesis:17:3 @ cecidit Abram pronus in faciem

vul@Genesis:17:4 @ dixitque ei Deus ego sum et pactum meum tecum erisque pater multarum gentium

vul@Genesis:17:5 @ nec ultra vocabitur nomen tuum Abram sed appellaberis Abraham quia patrem multarum gentium constitui te

vul@Genesis:17:6 @ faciamque te crescere vehementissime et ponam in gentibus regesque ex te egredientur

vul@Genesis:17:7 @ et statuam pactum meum inter me et te et inter semen tuum post te in generationibus suis foedere sempiterno ut sim Deus tuus et seminis tui post te

vul@Genesis:17:8 @ daboque tibi et semini tuo terram peregrinationis tuae omnem terram Chanaan in possessionem aeternam eroque Deus eorum

vul@Genesis:17:9 @ dixit iterum Deus ad Abraham et tu ergo custodies pactum meum et semen tuum post te in generationibus suis

vul@Genesis:17:10 @ hoc est pactum quod observabitis inter me et vos et semen tuum post te circumcidetur ex vobis omne masculinum

vul@Genesis:17:11 @ et circumcidetis carnem praeputii vestri ut sit in signum foederis inter me et vos

vul@Genesis:17:12 @ infans octo dierum circumcidetur in vobis omne masculinum in generationibus vestris tam vernaculus quam empticius circumcidetur et quicumque non fuerit de stirpe vestra

vul@Genesis:17:13 @ eritque pactum meum in carne vestra in foedus aeternum

vul@Genesis:17:14 @ masculus cuius praeputii caro circumcisa non fuerit delebitur anima illa de populo suo quia pactum meum irritum fecit

vul@Genesis:17:15 @ dixit quoque Deus ad Abraham Sarai uxorem tuam non vocabis Sarai sed Sarram

vul@Genesis:17:16 @ et benedicam ei et ex illa dabo tibi filium cui benedicturus sum eritque in nationes et reges populorum orientur ex eo

vul@Genesis:17:17 @ cecidit Abraham in faciem et risit dicens in corde suo putasne centenario nascetur filius et Sarra nonagenaria pariet

vul@Genesis:17:18 @ dixitque ad Deum utinam Ismahel vivat coram te

vul@Genesis:17:19 @ et ait Deus ad Abraham Sarra uxor tua pariet tibi filium vocabisque nomen eius Isaac et constituam pactum meum illi in foedus sempiternum et semini eius post eum

vul@Genesis:17:20 @ super Ismahel quoque exaudivi te ecce benedicam ei et augebo et multiplicabo eum valde duodecim duces generabit et faciam illum in gentem magnam

vul@Genesis:17:21 @ pactum vero meum statuam ad Isaac quem pariet tibi Sarra tempore isto in anno altero

vul@Genesis:17:22 @ cumque finitus esset sermo loquentis cum eo ascendit Deus ab Abraham

vul@Genesis:17:23 @ tulit autem Abraham Ismahelem filium suum et omnes vernaculos domus suae universosque quos emerat cunctos mares ex omnibus viris domus suae et circumcidit carnem praeputii eorum statim in ipsa die sicut praeceperat ei Deus

vul@Genesis:17:24 @ nonaginta novem erat annorum quando circumcidit carnem praeputii sui

vul@Genesis:17:25 @ et Ismahel filius eius tredecim annos impleverat tempore circumcisionis suae

vul@Genesis:17:26 @ eadem die circumcisus est Abraham et Ismahel filius eius

vul@Genesis:17:27 @ et omnes viri domus illius tam vernaculi quam empticii et alienigenae pariter circumcisi sunt

vul@Genesis:18:1 @ apparuit autem ei Dominus in convalle Mambre sedenti in ostio tabernaculi sui in ipso fervore diei

vul@Genesis:18:2 @ cumque elevasset oculos apparuerunt ei tres viri stantes propter eum quos cum vidisset cucurrit in occursum eorum de ostio tabernaculi et adoravit in terra

vul@Genesis:18:3 @ et dixit Domine si inveni gratiam in oculis tuis ne transeas servum tuum

vul@Genesis:18:4 @ sed adferam pauxillum aquae et lavate pedes vestros et requiescite sub arbore

vul@Genesis:18:5 @ ponam buccellam panis et confortate cor vestrum postea transibitis idcirco enim declinastis ad servum vestrum qui dixerunt fac ut locutus es

vul@Genesis:18:6 @ festinavit Abraham in tabernaculum ad Sarram dixitque ei adcelera tria sata similae commisce et fac subcinericios panes

vul@Genesis:18:7 @ ipse vero ad armentum cucurrit et tulit inde vitulum tenerrimum et optimum deditque puero qui festinavit et coxit illum

vul@Genesis:18:8 @ tulit quoque butyrum et lac et vitulum quem coxerat et posuit coram eis ipse vero stabat iuxta eos sub arbore

vul@Genesis:18:9 @ cumque comedissent dixerunt ad eum ubi est Sarra uxor tua ille respondit ecce in tabernaculo est

vul@Genesis:18:10 @ cui dixit revertens veniam ad te tempore isto vita comite et habebit filium Sarra uxor tua quo audito Sarra risit post ostium tabernaculi

vul@Genesis:18:11 @ erant autem ambo senes provectaeque aetatis et desierant Sarrae fieri muliebria

vul@Genesis:18:12 @ quae risit occulte dicens postquam consenui et dominus meus vetulus est voluptati operam dabo

vul@Genesis:18:13 @ dixit autem Dominus ad Abraham quare risit Sarra dicens num vere paritura sum anus

vul@Genesis:18:14 @ numquid Deo est quicquam difficile iuxta condictum revertar ad te hoc eodem tempore vita comite et habebit Sarra filium

vul@Genesis:18:15 @ negavit Sarra dicens non risi timore perterrita Dominus autem non est inquit ita sed risisti

vul@Genesis:18:16 @ cum ergo surrexissent inde viri direxerunt oculos suos contra Sodomam et Abraham simul gradiebatur deducens eos

vul@Genesis:18:17 @ dixitque Dominus num celare potero Abraham quae gesturus sum

vul@Genesis:18:18 @ cum futurus sit in gentem magnam ac robustissimam et benedicendae sint in illo omnes nationes terrae

vul@Genesis:18:19 @ scio enim quod praecepturus sit filiis suis et domui suae post se ut custodiant viam Domini et faciant iustitiam et iudicium ut adducat Dominus propter Abraham omnia quae locutus est ad eum

vul@Genesis:18:20 @ dixit itaque Dominus clamor Sodomorum et Gomorrae multiplicatus est et peccatum earum adgravatum est nimis

vul@Genesis:18:21 @ descendam et videbo utrum clamorem qui venit ad me opere conpleverint an non est ita ut sciam

vul@Genesis:18:22 @ converteruntque se inde et abierunt Sodomam Abraham vero adhuc stabat coram Domino

vul@Genesis:18:23 @ et adpropinquans ait numquid perdes iustum cum impio

vul@Genesis:18:24 @ si fuerint quinquaginta iusti in civitate peribunt simul et non parces loco illi propter quinquaginta iustos si fuerint in eo

vul@Genesis:18:25 @ absit a te ut rem hanc facias et occidas iustum cum impio fiatque iustus sicut impius non est hoc tuum qui iudicas omnem terram nequaquam facies iudicium

vul@Genesis:18:26 @ dixitque Dominus ad eum si invenero Sodomis quinquaginta iustos in medio civitatis dimittam omni loco propter eos

vul@Genesis:18:27 @ respondens Abraham ait quia semel coepi loquar ad Dominum meum cum sim pulvis et cinis

vul@Genesis:18:28 @ quid si minus quinquaginta iustis quinque fuerint delebis propter quinque universam urbem et ait non delebo si invenero ibi quadraginta quinque

vul@Genesis:18:29 @ rursumque locutus est ad eum sin autem quadraginta inventi fuerint quid facies ait non percutiam propter quadraginta

vul@Genesis:18:30 @ ne quaeso inquit indigneris Domine si loquar quid si inventi fuerint ibi triginta respondit non faciam si invenero ibi triginta

vul@Genesis:18:31 @ quia semel ait coepi loquar ad Dominum meum quid si inventi fuerint ibi viginti dixit non interficiam propter viginti

vul@Genesis:18:32 @ obsecro inquit ne irascaris Domine si loquar adhuc semel quid si inventi fuerint ibi decem dixit non delebo propter decem

vul@Genesis:18:33 @ abiit Dominus postquam cessavit loqui ad Abraham et ille reversus est in locum suum

vul@Genesis:19:1 @ veneruntque duo angeli Sodomam vespere sedente Loth in foribus civitatis qui cum vidisset surrexit et ivit obviam eis adoravitque pronus in terra

vul@Genesis:19:2 @ et dixit obsecro domini declinate in domum pueri vestri et manete ibi lavate pedes vestros et mane proficiscimini in viam vestram qui dixerunt minime sed in platea manebimus

vul@Genesis:19:3 @ conpulit illos oppido ut deverterent ad eum ingressisque domum illius fecit convivium coxit azyma et comederunt

vul@Genesis:19:4 @ prius autem quam irent cubitum viri civitatis vallaverunt domum a puero usque ad senem omnis populus simul

vul@Genesis:19:5 @ vocaveruntque Loth et dixerunt ei ubi sunt viri qui introierunt ad te nocte educ illos huc ut cognoscamus eos

vul@Genesis:19:6 @ egressus ad eos Loth post tergum adcludens ostium ait

vul@Genesis:19:7 @ nolite quaeso fratres mei nolite malum hoc facere

vul@Genesis:19:8 @ habeo duas filias quae necdum cognoverunt virum educam eas ad vos et abutimini eis sicut placuerit vobis dummodo viris istis nihil faciatis mali quia ingressi sunt sub umbraculum tegminis mei

vul@Genesis:19:9 @ at illi dixerunt recede illuc et rursus ingressus es inquiunt ut advena numquid ut iudices te ergo ipsum magis quam hos adfligemus vimque faciebant Loth vehementissime iam prope erat ut refringerent fores

vul@Genesis:19:10 @ et ecce miserunt manum viri et introduxerunt ad se Loth cluseruntque ostium

vul@Genesis:19:11 @ et eos qui erant foris percusserunt caecitate a minimo usque ad maximum ita ut ostium invenire non possent

vul@Genesis:19:12 @ dixerunt autem ad Loth habes hic tuorum quempiam generum aut filios aut filias omnes qui tui sunt educ de urbe hac

vul@Genesis:19:13 @ delebimus enim locum istum eo quod increverit clamor eorum coram Domino qui misit nos ut perdamus illos

vul@Genesis:19:14 @ egressus itaque Loth locutus est ad generos suos qui accepturi erant filias eius et dixit surgite egredimini de loco isto quia delebit Dominus civitatem hanc et visus est eis quasi ludens loqui

vul@Genesis:19:15 @ cumque esset mane cogebant eum angeli dicentes surge et tolle uxorem tuam et duas filias quas habes ne et tu pariter pereas in scelere civitatis

vul@Genesis:19:16 @ dissimulante illo adprehenderunt manum eius et manum uxoris ac duarum filiarum eius eo quod parceret Dominus illi

vul@Genesis:19:17 @ et eduxerunt eum posueruntque extra civitatem ibi locutus est ad eum salva animam tuam noli respicere post tergum nec stes in omni circa regione sed in monte salvum te fac ne et tu simul pereas

vul@Genesis:19:18 @ dixitque Loth ad eos quaeso Domine mi

vul@Genesis:19:19 @ quia invenit servus tuus gratiam coram te et magnificasti misericordiam tuam quam fecisti mecum ut salvares animam meam nec possum in monte salvari ne forte adprehendat me malum et moriar

vul@Genesis:19:20 @ est civitas haec iuxta ad quam possum fugere parva et salvabor in ea numquid non modica est et vivet anima mea

vul@Genesis:19:21 @ dixitque ad eum ecce etiam in hoc suscepi preces tuas ut non subvertam urbem pro qua locutus es

vul@Genesis:19:22 @ festina et salvare ibi quia non potero facere quicquam donec ingrediaris illuc idcirco vocatum est nomen urbis illius Segor

vul@Genesis:19:23 @ sol egressus est super terram et Loth ingressus est in Segor

vul@Genesis:19:24 @ igitur Dominus pluit super Sodomam et Gomorram sulphur et ignem a Domino de caelo

vul@Genesis:19:25 @ et subvertit civitates has et omnem circa regionem universos habitatores urbium et cuncta terrae virentia

vul@Genesis:19:26 @ respiciensque uxor eius post se versa est in statuam salis

vul@Genesis:19:27 @ Abraham autem consurgens mane ubi steterat prius cum Domino

vul@Genesis:19:28 @ intuitus est Sodomam et Gomorram et universam terram regionis illius viditque ascendentem favillam de terra quasi fornacis fumum

vul@Genesis:19:29 @ cum enim subverteret Deus civitates regionis illius recordatus est Abrahae et liberavit Loth de subversione urbium in quibus habitaverat

vul@Genesis:19:30 @ ascenditque Loth de Segor et mansit in monte duae quoque filiae eius cum eo timuerat enim manere in Segor et mansit in spelunca ipse et duae filiae eius

vul@Genesis:19:31 @ dixitque maior ad minorem pater noster senex est et nullus virorum remansit in terra qui possit ingredi ad nos iuxta morem universae terrae

vul@Genesis:19:32 @ veni inebriemus eum vino dormiamusque cum eo ut servare possimus ex patre nostro semen

vul@Genesis:19:33 @ dederunt itaque patri suo bibere vinum nocte illa et ingressa est maior dormivitque cum patre at ille non sensit nec quando accubuit filia nec quando surrexit

vul@Genesis:19:34 @ altera quoque die dixit maior ad minorem ecce dormivi heri cum patre meo demus ei bibere vinum etiam hac nocte et dormies cum eo ut salvemus semen de patre nostro

vul@Genesis:19:35 @ dederunt et illa nocte patri vinum ingressaque minor filia dormivit cum eo et nec tunc quidem sensit quando concubuerit vel quando illa surrexerit

vul@Genesis:19:36 @ conceperunt ergo duae filiae Loth de patre suo

vul@Genesis:19:37 @ peperitque maior filium et vocavit nomen eius Moab ipse est pater Moabitarum usque in praesentem diem

vul@Genesis:19:38 @ minor quoque peperit filium et vocavit nomen eius Ammon id est filius populi mei ipse est pater Ammanitarum usque hodie

vul@Genesis:20:1 @ profectus inde Abraham in terram australem habitavit inter Cades et Sur et peregrinatus est in Geraris

vul@Genesis:20:2 @ dixitque de Sarra uxore sua soror mea est misit ergo Abimelech rex Gerarae et tulit eam

vul@Genesis:20:3 @ venit autem Deus ad Abimelech per somnium noctis et ait ei en morieris propter mulierem quam tulisti habet enim virum

vul@Genesis:20:4 @ Abimelech vero non tetigerat eam et ait Domine num gentem ignorantem et iustam interficies

vul@Genesis:20:5 @ nonne ipse dixit mihi soror mea est et ipsa ait frater meus est in simplicitate cordis mei et munditia manuum mearum feci hoc

vul@Genesis:20:6 @ dixitque ad eum Deus et ego scio quod simplici corde feceris et ideo custodivi te ne peccares in me et non dimisi ut tangeres eam

vul@Genesis:20:7 @ nunc igitur redde uxorem viro suo quia propheta est et orabit pro te et vives si autem nolueris reddere scito quod morte morieris tu et omnia quae tua sunt

vul@Genesis:20:8 @ statimque de nocte consurgens Abimelech vocavit omnes servos suos et locutus est universa verba haec in auribus eorum timueruntque omnes viri valde

vul@Genesis:20:9 @ vocavit autem Abimelech etiam Abraham et dixit ei quid fecisti nobis quid peccavimus in te quia induxisti super me et super regnum meum peccatum grande quae non debuisti facere fecisti nobis

vul@Genesis:20:10 @ rursusque expostulans ait quid vidisti ut hoc faceres

vul@Genesis:20:11 @ respondit Abraham cogitavi mecum dicens forsitan non est timor Dei in loco isto et interficient me propter uxorem meam

vul@Genesis:20:12 @ alias autem et vere soror mea est filia patris mei et non filia matris meae et duxi eam uxorem

vul@Genesis:20:13 @ postquam autem eduxit me Deus de domo patris mei dixi ad eam hanc misericordiam facies mecum in omni loco ad quem ingrediemur dices quod frater tuus sim

vul@Genesis:20:14 @ tulit igitur Abimelech oves et boves et servos et ancillas et dedit Abraham reddiditque illi Sarram uxorem suam

vul@Genesis:20:15 @ et ait terra coram vobis est ubicumque tibi placuerit habita

vul@Genesis:20:16 @ Sarrae autem dixit ecce mille argenteos dedi fratri tuo hoc erit tibi in velamen oculorum ad omnes qui tecum sunt et quocumque perrexeris mementoque te deprehensam

vul@Genesis:20:17 @ orante autem Abraham sanavit Deus Abimelech et uxorem ancillasque eius et pepererunt

vul@Genesis:20:18 @ concluserat enim Deus omnem vulvam domus Abimelech propter Sarram uxorem Abraham

vul@Genesis:21:1 @ visitavit autem Dominus Sarram sicut promiserat et implevit quae locutus est

vul@Genesis:21:2 @ concepitque et peperit filium in senectute sua tempore quo praedixerat ei Deus

vul@Genesis:21:3 @ vocavitque Abraham nomen filii sui quem genuit ei Sarra Isaac

vul@Genesis:21:4 @ et circumcidit eum octavo die sicut praeceperat ei Deus

vul@Genesis:21:5 @ cum centum esset annorum hac quippe aetate patris natus est Isaac

vul@Genesis:21:6 @ dixitque Sarra risum fecit mihi Deus quicumque audierit conridebit mihi

vul@Genesis:21:7 @ rursumque ait quis auditurum crederet Abraham quod Sarra lactaret filium quem peperit ei iam seni

vul@Genesis:21:8 @ crevit igitur puer et ablactatus est fecitque Abraham grande convivium in die ablactationis eius

vul@Genesis:21:9 @ cumque vidisset Sarra filium Agar Aegyptiae ludentem dixit ad Abraham

vul@Genesis:21:10 @ eice ancillam hanc et filium eius non enim erit heres filius ancillae cum filio meo Isaac

vul@Genesis:21:11 @ dure accepit hoc Abraham pro filio suo

vul@Genesis:21:12 @ cui dixit Deus non tibi videatur asperum super puero et super ancilla tua omnia quae dixerit tibi Sarra audi vocem eius quia in Isaac vocabitur tibi semen

vul@Genesis:21:13 @ sed et filium ancillae faciam in gentem magnam quia semen tuum est

vul@Genesis:21:14 @ surrexit itaque Abraham mane et tollens panem et utrem aquae inposuit scapulae eius tradiditque puerum et dimisit eam quae cum abisset errabat in solitudine Bersabee

vul@Genesis:21:15 @ cumque consumpta esset aqua in utre abiecit puerum subter unam arborum quae ibi erant

vul@Genesis:21:16 @ et abiit seditque e regione procul quantum potest arcus iacere dixit enim non videbo morientem puerum et sedens contra levavit vocem suam et flevit

vul@Genesis:21:17 @ exaudivit autem Deus vocem pueri vocavitque angelus Domini Agar de caelo dicens quid agis Agar noli timere exaudivit enim Deus vocem pueri de loco in quo est

vul@Genesis:21:18 @ surge tolle puerum et tene manum illius quia in gentem magnam faciam eum

vul@Genesis:21:19 @ aperuitque oculos eius Deus quae videns puteum aquae abiit et implevit utrem deditque puero bibere

vul@Genesis:21:20 @ et fuit cum eo qui crevit et moratus est in solitudine et factus est iuvenis sagittarius

vul@Genesis:21:21 @ habitavitque in deserto Pharan et accepit illi mater sua uxorem de terra Aegypti

vul@Genesis:21:22 @ eodem tempore dixit Abimelech et Fichol princeps exercitus eius ad Abraham Deus tecum est in universis quae agis

vul@Genesis:21:23 @ iura ergo per Dominum ne noceas mihi et posteris meis stirpique meae sed iuxta misericordiam quam feci tibi facies mihi et terrae in qua versatus es advena

vul@Genesis:21:24 @ dixitque Abraham ego iurabo

vul@Genesis:21:25 @ et increpavit Abimelech propter puteum aquae quem vi abstulerant servi illius

vul@Genesis:21:26 @ respondit Abimelech nescivi quis fecerit hanc rem sed et tu non indicasti mihi et ego non audivi praeter hodie

vul@Genesis:21:27 @ tulit itaque Abraham oves et boves et dedit Abimelech percusseruntque ambo foedus

vul@Genesis:21:28 @ et statuit Abraham septem agnas gregis seorsum

vul@Genesis:21:29 @ cui dixit Abimelech quid sibi volunt septem agnae istae quas stare fecisti seorsum

vul@Genesis:21:30 @ at ille septem inquit agnas accipies de manu mea ut sint in testimonium mihi quoniam ego fodi puteum istum

vul@Genesis:21:31 @ idcirco vocatus est locus ille Bersabee quia ibi uterque iuraverunt

vul@Genesis:21:32 @ et inierunt foedus pro puteo Iuramenti

vul@Genesis:21:33 @ surrexit autem Abimelech et Fichol princeps militiae eius reversique sunt in terram Palestinorum Abraham vero plantavit nemus in Bersabee et invocavit ibi nomen Domini Dei aeterni

vul@Genesis:21:34 @ et fuit colonus terrae Philisthinorum diebus multis

vul@Genesis:22:1 @ quae postquam gesta sunt temptavit Deus Abraham et dixit ad eum Abraham ille respondit adsum

vul@Genesis:22:2 @ ait ei tolle filium tuum unigenitum quem diligis Isaac et vade in terram Visionis atque offer eum ibi holocaustum super unum montium quem monstravero tibi

vul@Genesis:22:3 @ igitur Abraham de nocte consurgens stravit asinum suum ducens secum duos iuvenes et Isaac filium suum cumque concidisset ligna in holocaustum abiit ad locum quem praeceperat ei Deus

vul@Genesis:22:4 @ die autem tertio elevatis oculis vidit locum procul

vul@Genesis:22:5 @ dixitque ad pueros suos expectate hic cum asino ego et puer illuc usque properantes postquam adoraverimus revertemur ad vos

vul@Genesis:22:6 @ tulit quoque ligna holocausti et inposuit super Isaac filium suum ipse vero portabat in manibus ignem et gladium cumque duo pergerent simul

vul@Genesis:22:7 @ dixit Isaac patri suo pater mi at ille respondit quid vis fili ecce inquit ignis et ligna ubi est victima holocausti

vul@Genesis:22:8 @ dixit Abraham Deus providebit sibi victimam holocausti fili mi pergebant ergo pariter

vul@Genesis:22:9 @ veneruntque ad locum quem ostenderat ei Deus in quo aedificavit altare et desuper ligna conposuit cumque conligasset Isaac filium suum posuit eum in altari super struem lignorum

vul@Genesis:22:10 @ extenditque manum et arripuit gladium ut immolaret filium

vul@Genesis:22:11 @ et ecce angelus Domini de caelo clamavit dicens Abraham Abraham qui respondit adsum

vul@Genesis:22:12 @ dixitque ei non extendas manum tuam super puerum neque facias illi quicquam nunc cognovi quod timeas Dominum et non peperceris filio tuo unigenito propter me

vul@Genesis:22:13 @ levavit Abraham oculos viditque post tergum arietem inter vepres herentem cornibus quem adsumens obtulit holocaustum pro filio

vul@Genesis:22:14 @ appellavitque nomen loci illius Dominus videt unde usque hodie dicitur in monte Dominus videbit

vul@Genesis:22:15 @ vocavit autem angelus Domini Abraham secundo de caelo dicens

vul@Genesis:22:16 @ per memet ipsum iuravi dicit Dominus quia fecisti rem hanc et non pepercisti filio tuo unigenito

vul@Genesis:22:17 @ benedicam tibi et multiplicabo semen tuum sicut stellas caeli et velut harenam quae est in litore maris possidebit semen tuum portas inimicorum suorum

vul@Genesis:22:18 @ et benedicentur in semine tuo omnes gentes terrae quia oboedisti voci meae

vul@Genesis:22:19 @ reversus est Abraham ad pueros suos abieruntque Bersabee simul et habitavit ibi

vul@Genesis:22:20 @ his itaque gestis nuntiatum est Abraham quod Melcha quoque genuisset filios Nahor fratri suo

vul@Genesis:22:21 @ Hus primogenitum et Buz fratrem eius Camuhel patrem Syrorum

vul@Genesis:22:22 @ et Chased et Azau Pheldas quoque et Iedlaph

vul@Genesis:22:23 @ ac Bathuel de quo nata est Rebecca octo istos genuit Melcha Nahor fratri Abraham

vul@Genesis:22:24 @ concubina vero illius nomine Roma peperit Tabee et Gaom et Thaas et Maacha

vul@Genesis:23:1 @ vixit autem Sarra centum viginti septem annis

vul@Genesis:23:2 @ et mortua est in civitate Arbee quae est Hebron in terra Chanaan venitque Abraham ut plangeret et fleret eam

vul@Genesis:23:3 @ cumque surrexisset ab officio funeris locutus est ad filios Heth dicens

vul@Genesis:23:4 @ advena sum et peregrinus apud vos date mihi ius sepulchri vobiscum ut sepeliam mortuum meum

vul@Genesis:23:5 @ responderuntque filii Heth

vul@Genesis:23:6 @ audi nos domine princeps Dei es apud nos in electis sepulchris nostris sepeli mortuum tuum nullusque prohibere te poterit quin in monumento eius sepelias mortuum tuum

vul@Genesis:23:7 @ surrexit Abraham et adoravit populum terrae filios videlicet Heth

vul@Genesis:23:8 @ dixitque ad eos si placet animae vestrae ut sepeliam mortuum meum audite me et intercedite apud Ephron filium Soor

vul@Genesis:23:9 @ ut det mihi speluncam duplicem quam habet in extrema parte agri sui pecunia digna tradat mihi eam coram vobis in possessionem sepulchri

vul@Genesis:23:10 @ habitabat autem Ephron in medio filiorum Heth responditque ad Abraham cunctis audientibus qui ingrediebantur portam civitatis illius dicens

vul@Genesis:23:11 @ nequaquam ita fiat domine mi sed magis ausculta quod loquor agrum trado tibi et speluncam quae in eo est praesentibus filiis populi mei sepeli mortuum tuum

vul@Genesis:23:12 @ adoravit Abraham coram populo terrae

vul@Genesis:23:13 @ et locutus est ad Ephron circumstante plebe quaeso ut audias me dabo pecuniam pro agro suscipe eam et sic sepeliam mortuum meum in eo

vul@Genesis:23:14 @ respondit Ephron

vul@Genesis:23:15 @ domine mi audi terram quam postulas quadringentis argenti siclis valet istud est pretium inter me et te sed quantum est hoc sepeli mortuum tuum

vul@Genesis:23:16 @ quod cum audisset Abraham adpendit pecuniam quam Ephron postulaverat audientibus filiis Heth quadringentos siclos argenti et probati monetae publicae

vul@Genesis:23:17 @ confirmatusque est ager quondam Ephronis in quo erat spelunca duplex respiciens Mambre tam ipse quam spelunca et omnes arbores eius in cunctis terminis per circuitum

vul@Genesis:23:18 @ Abrahae in possessionem videntibus filiis Heth et cunctis qui intrabant portam civitatis illius

vul@Genesis:23:19 @ atque ita sepelivit Abraham Sarram uxorem suam in spelunca agri duplici qui respiciebat Mambre haec est Hebron in terra Chanaan

vul@Genesis:23:20 @ et confirmatus est ager et antrum quod erat in eo Abrahae in possessionem monumenti a filiis Heth

vul@Genesis:24:1 @ erat autem Abraham senex dierumque multorum et Dominus in cunctis benedixerat ei

vul@Genesis:24:2 @ dixitque ad servum seniorem domus suae qui praeerat omnibus quae habebat pone manum tuam subter femur meum

vul@Genesis:24:3 @ ut adiurem te per Dominum Deum caeli et terrae ut non accipias uxorem filio meo de filiabus Chananeorum inter quos habito

vul@Genesis:24:4 @ sed ad terram et ad cognationem meam proficiscaris et inde accipias uxorem filio meo Isaac

vul@Genesis:24:5 @ respondit servus si noluerit mulier venire mecum in terram hanc num reducere debeo filium tuum ad locum de quo egressus es

vul@Genesis:24:6 @ dixit Abraham cave nequando reducas illuc filium meum

vul@Genesis:24:7 @ Dominus Deus caeli qui tulit me de domo patris mei et de terra nativitatis meae qui locutus est mihi et iuravit dicens semini tuo dabo terram hanc ipse mittet angelum suum coram te et accipies inde uxorem filio meo

vul@Genesis:24:8 @ sin autem noluerit mulier sequi te non teneberis iuramento filium tantum meum ne reducas illuc

vul@Genesis:24:9 @ posuit ergo servus manum sub femore Abraham domini sui et iuravit illi super sermone hoc

vul@Genesis:24:10 @ tulitque decem camelos de grege domini sui et abiit ex omnibus bonis eius portans secum profectusque perrexit Mesopotamiam ad urbem Nahor

vul@Genesis:24:11 @ cumque camelos fecisset accumbere extra oppidum iuxta puteum aquae vespere eo tempore quo solent mulieres egredi ad hauriendam aquam dixit

vul@Genesis:24:12 @ Domine Deus domini mei Abraham occurre obsecro hodie mihi et fac misericordiam cum domino meo Abraham

vul@Genesis:24:13 @ ecce ego sto propter fontem aquae et filiae habitatorum huius civitatis egredientur ad hauriendam aquam

vul@Genesis:24:14 @ igitur puella cui ego dixero inclina hydriam tuam ut bibam et illa responderit bibe quin et camelis tuis dabo potum ipsa est quam praeparasti servo tuo Isaac et per hoc intellegam quod feceris misericordiam cum domino meo

vul@Genesis:24:15 @ necdum intra se verba conpleverat et ecce Rebecca egrediebatur filia Bathuel filii Melchae uxoris Nahor fratris Abraham habens hydriam in scapula

vul@Genesis:24:16 @ puella decora nimis virgoque pulcherrima et incognita viro descenderat autem ad fontem et impleverat hydriam ac revertebatur

vul@Genesis:24:17 @ occurritque ei servus et ait pauxillum mihi ad sorbendum praebe aquae de hydria tua

vul@Genesis:24:18 @ quae respondit bibe domine mi celeriterque deposuit hydriam super ulnam suam et dedit ei potum

vul@Genesis:24:19 @ cumque ille bibisset adiecit quin et camelis tuis hauriam aquam donec cuncti bibant

vul@Genesis:24:20 @ effundensque hydriam in canalibus recurrit ad puteum ut hauriret aquam et haustam omnibus camelis dedit

vul@Genesis:24:21 @ ille autem contemplabatur eam tacitus scire volens utrum prosperum fecisset iter suum Dominus an non

vul@Genesis:24:22 @ postquam ergo biberunt cameli protulit vir inaures aureas adpendentes siclos duos et armillas totidem pondo siclorum decem

vul@Genesis:24:23 @ dixitque ad eam cuius es filia indica mihi est in domo patris tui locus ad manendum

vul@Genesis:24:24 @ quae respondit filia Bathuelis sum filii Melchae quem peperit Nahor

vul@Genesis:24:25 @ et addidit dicens palearum quoque et faeni plurimum est apud nos et locus spatiosus ad manendum

vul@Genesis:24:26 @ inclinavit se homo et adoravit Dominum

vul@Genesis:24:27 @ dicens benedictus Dominus Deus domini mei Abraham qui non abstulit misericordiam et veritatem suam a domino meo et recto me itinere perduxit in domum fratris domini mei

vul@Genesis:24:28 @ cucurrit itaque puella et nuntiavit in domum matris suae omnia quae audierat

vul@Genesis:24:29 @ habebat autem Rebecca fratrem nomine Laban qui festinus egressus est ad hominem ubi erat fons

vul@Genesis:24:30 @ cumque vidisset inaures et armillas in manibus sororis suae et audisset cuncta verba referentis haec locutus est mihi homo venit ad virum qui stabat iuxta camelos et propter fontem aquae

vul@Genesis:24:31 @ dixitque ad eum ingredere benedicte Domini cur foris stas praeparavi domum et locum camelis

vul@Genesis:24:32 @ et introduxit eum hospitium ac destravit camelos deditque paleas et faenum et aquam ad lavandos pedes camelorum et virorum qui venerant cum eo

vul@Genesis:24:33 @ et adpositus est in conspectu eius panis qui ait non comedam donec loquar sermones meos respondit ei loquere

vul@Genesis:24:34 @ at ille servus inquit Abraham sum

vul@Genesis:24:35 @ et Dominus benedixit domino meo valde magnificatusque est et dedit ei oves et boves argentum et aurum servos et ancillas camelos et asinos

vul@Genesis:24:36 @ et peperit Sarra uxor domini mei filium domino meo in senectute sua deditque illi omnia quae habuerat

vul@Genesis:24:37 @ et adiuravit me dominus meus dicens non accipies uxorem filio meo de filiabus Chananeorum in quorum terra habito

vul@Genesis:24:38 @ sed ad domum patris mei perges et de cognatione mea accipies uxorem filio meo

vul@Genesis:24:39 @ ego vero respondi domino meo quid si noluerit venire mecum mulier

vul@Genesis:24:40 @ Dominus ait in cuius conspectu ambulo mittet angelum suum tecum et diriget viam tuam accipiesque uxorem filio meo de cognatione mea et de domo patris mei

vul@Genesis:24:41 @ innocens eris a maledictione mea cum veneris ad propinquos meos et non dederint tibi

vul@Genesis:24:42 @ veni ergo hodie ad fontem et dixi Domine Deus domini mei Abraham si direxisti viam meam in qua nunc ambulo

vul@Genesis:24:43 @ ecce sto iuxta fontem aquae et virgo quae egredietur ad hauriendam aquam audierit a me da mihi pauxillum aquae ad bibendum ex hydria tua

vul@Genesis:24:44 @ et dixerit mihi et tu bibe et camelis tuis hauriam ipsa est mulier quam praeparavit Dominus filio domini mei

vul@Genesis:24:45 @ dum haec mecum tacitus volverem apparuit Rebecca veniens cum hydria quam portabat in scapula descenditque ad fontem et hausit aquam et aio ad eam da mihi paululum bibere

vul@Genesis:24:46 @ quae festina deposuit hydriam de umero et dixit mihi et tu bibe et camelis tuis potum tribuam bibi et adaquavit camelos

vul@Genesis:24:47 @ interrogavique eam et dixi cuius es filia quae respondit filia Bathuelis sum filii Nahor quem peperit illi Melcha suspendi itaque inaures ad ornandam faciem eius et armillas posui in manibus

vul@Genesis:24:48 @ pronusque adoravi Dominum benedicens Domino Deo domini mei Abraham qui perduxisset me recto itinere ut sumerem filiam fratris domini mei filio eius

vul@Genesis:24:49 @ quam ob rem si facitis misericordiam et veritatem cum domino meo indicate mihi sin autem aliud placet et hoc dicite ut vadam ad dextram sive ad sinistram

vul@Genesis:24:50 @ responderunt Laban et Bathuel a Domino egressus est sermo non possumus extra placitum eius quicquam aliud tecum loqui

vul@Genesis:24:51 @ en Rebecca coram te est tolle eam et proficiscere et sit uxor filii domini tui sicut locutus est Dominus

vul@Genesis:24:52 @ quod cum audisset puer Abraham adoravit in terra Dominum

vul@Genesis:24:53 @ prolatisque vasis argenteis et aureis ac vestibus dedit ea Rebeccae pro munere fratribus quoque eius et matri dona obtulit

vul@Genesis:24:54 @ initoque convivio vescentes pariter et bibentes manserunt ibi surgens autem mane locutus est puer dimittite me ut vadam ad dominum meum

vul@Genesis:24:55 @ responderunt fratres eius et mater maneat puella saltem decem dies apud nos et postea proficiscetur

vul@Genesis:24:56 @ nolite ait me retinere quia Dominus direxit viam meam dimittite me ut pergam ad dominum meum

vul@Genesis:24:57 @ dixerunt vocemus puellam et quaeramus ipsius voluntatem

vul@Genesis:24:58 @ cumque vocata venisset sciscitati sunt vis ire cum homine isto quae ait vadam

vul@Genesis:24:59 @ dimiserunt ergo eam et nutricem illius servumque Abraham et comites eius

vul@Genesis:24:60 @ inprecantes prospera sorori suae atque dicentes soror nostra es crescas in mille milia et possideat semen tuum portas inimicorum suorum

vul@Genesis:24:61 @ igitur Rebecca et puellae illius ascensis camelis secutae sunt virum qui festinus revertebatur ad dominum suum

vul@Genesis:24:62 @ eo tempore Isaac deambulabat per viam quae ducit ad puteum cuius nomen est Viventis et videntis habitabat enim in terra australi

vul@Genesis:24:63 @ et egressus fuerat ad meditandum in agro inclinata iam die cumque levasset oculos vidit camelos venientes procul

vul@Genesis:24:64 @ Rebecca quoque conspecto Isaac descendit de camelo

vul@Genesis:24:65 @ et ait ad puerum quis est ille homo qui venit per agrum in occursum nobis dixit ei ipse est dominus meus at illa tollens cito pallium operuit se

vul@Genesis:24:66 @ servus autem cuncta quae gesserat narravit Isaac

vul@Genesis:24:67 @ qui introduxit eam in tabernaculum Sarrae matris suae et accepit uxorem et in tantum dilexit ut dolorem qui ex morte matris acciderat temperaret

vul@Genesis:25:1 @ Abraham vero aliam duxit uxorem nomine Cetthuram

vul@Genesis:25:2 @ quae peperit ei Zamram et Iexan et Madan et Madian et Iesboch et Sue

vul@Genesis:25:3 @ Iexan quoque genuit Saba et Dadan filii Dadan fuerunt Assurim et Lathusim et Loommim

vul@Genesis:25:4 @ at vero ex Madian ortus est Epha et Opher et Enoch et Abida et Eldaa omnes hii filii Cetthurae

vul@Genesis:25:5 @ deditque Abraham cuncta quae possederat Isaac

vul@Genesis:25:6 @ filiis autem concubinarum largitus est munera et separavit eos ab Isaac filio suo dum adhuc ipse viveret ad plagam orientalem

vul@Genesis:25:7 @ fuerunt autem dies vitae eius centum septuaginta quinque anni

vul@Genesis:25:8 @ et deficiens mortuus est in senectute bona provectaeque aetatis et plenus dierum congregatusque est ad populum suum

vul@Genesis:25:9 @ et sepelierunt eum Isaac et Ismahel filii sui in spelunca duplici quae sita est in agro Ephron filii Soor Hetthei e regione Mambre

vul@Genesis:25:10 @ quem emerat a filiis Heth ibi sepultus est ipse et Sarra uxor eius

vul@Genesis:25:11 @ et post obitum illius benedixit Deus Isaac filio eius qui habitabat iuxta puteum nomine Viventis et videntis

vul@Genesis:25:12 @ hae sunt generationes Ismahel filii Abraham quem peperit ei Agar Aegyptia famula Sarrae

vul@Genesis:25:13 @ et haec nomina filiorum eius in vocabulis et generationibus suis primogenitus Ismahelis Nabaioth dein Cedar et Abdeel et Mabsam

vul@Genesis:25:14 @ Masma quoque et Duma et Massa

vul@Genesis:25:15 @ Adad et Thema Itur et Naphis et Cedma

vul@Genesis:25:16 @ isti sunt filii Ismahel et haec nomina per castella et oppida eorum duodecim principes tribuum suarum

vul@Genesis:25:17 @ anni vitae Ismahel centum triginta septem deficiens mortuus est et adpositus ad populum suum

vul@Genesis:25:18 @ habitavit autem ab Evila usque Sur quae respicit Aegyptum introeuntibus Assyrios coram cunctis fratribus suis obiit

vul@Genesis:25:19 @ hae quoque sunt generationes Isaac filii Abraham Abraham genuit Isaac

vul@Genesis:25:20 @ qui cum quadraginta esset annorum duxit uxorem Rebeccam filiam Bathuel Syri de Mesopotamiam sororem Laban

vul@Genesis:25:21 @ deprecatusque est Dominum pro uxore sua eo quod esset sterilis qui exaudivit eum et dedit conceptum Rebeccae

vul@Genesis:25:22 @ sed conlidebantur in utero eius parvuli quae ait si sic mihi futurum erat quid necesse fuit concipere perrexitque ut consuleret Dominum

vul@Genesis:25:23 @ qui respondens ait duae gentes in utero tuo sunt et duo populi ex ventre tuo dividentur populusque populum superabit et maior minori serviet

vul@Genesis:25:24 @ iam tempus pariendi venerat et ecce gemini in utero repperti sunt

vul@Genesis:25:25 @ qui primus egressus est rufus erat et totus in morem pellis hispidus vocatumque est nomen eius Esau protinus alter egrediens plantam fratris tenebat manu et idcirco appellavit eum Iacob

vul@Genesis:25:26 @ sexagenarius erat Isaac quando nati sunt parvuli

vul@Genesis:25:27 @ quibus adultis factus est Esau vir gnarus venandi et homo agricola Iacob autem vir simplex habitabat in tabernaculis

vul@Genesis:25:28 @ Isaac amabat Esau eo quod de venationibus illius vesceretur et Rebecca diligebat Iacob

vul@Genesis:25:29 @ coxit autem Iacob pulmentum ad quem cum venisset Esau de agro lassus

vul@Genesis:25:30 @ ait da mihi de coctione hac rufa quia oppido lassus sum quam ob causam vocatum est nomen eius Edom

vul@Genesis:25:31 @ cui dixit Iacob vende mihi primogenita tua

vul@Genesis:25:32 @ ille respondit en morior quid mihi proderunt primogenita

vul@Genesis:25:33 @ ait Iacob iura ergo mihi iuravit Esau et vendidit primogenita

vul@Genesis:25:34 @ et sic accepto pane et lentis edulio comedit et bibit et abiit parvipendens quod primogenita vendidisset

vul@Genesis:26:1 @ orta autem fame super terram post eam sterilitatem quae acciderat in diebus Abraham abiit Isaac ad Abimelech regem Palestinorum in Gerara

vul@Genesis:26:2 @ apparuitque ei Dominus et ait ne descendas in Aegyptum sed quiesce in terra quam dixero tibi

vul@Genesis:26:3 @ et peregrinare in ea eroque tecum et benedicam tibi tibi enim et semini tuo dabo universas regiones has conplens iuramentum quod spopondi Abraham patri tuo

vul@Genesis:26:4 @ et multiplicabo semen tuum sicut stellas caeli daboque posteris tuis universas regiones has et benedicentur in semine tuo omnes gentes terrae

vul@Genesis:26:5 @ eo quod oboedierit Abraham voci meae et custodierit praecepta et mandata mea et caerimonias legesque servaverit

vul@Genesis:26:6 @ mansit itaque Isaac in Geraris

vul@Genesis:26:7 @ qui cum interrogaretur a viris loci illius super uxore sua respondit soror mea est timuerat enim confiteri quod sibi esset sociata coniugio reputans ne forte interficerent eum propter illius pulchritudinem

vul@Genesis:26:8 @ cumque pertransissent dies plurimi et ibi demoraretur prospiciens Abimelech Palestinorum rex per fenestram vidit eum iocantem cum Rebecca uxore sua

vul@Genesis:26:9 @ et accersito ait perspicuum est quod uxor tua sit cur mentitus es sororem tuam esse respondit timui ne morerer propter eam

vul@Genesis:26:10 @ dixitque Abimelech quare inposuisti nobis potuit coire quispiam de populo cum uxore tua et induxeras super nos grande peccatum praecepitque omni populo dicens

vul@Genesis:26:11 @ qui tetigerit hominis huius uxorem morte morietur

vul@Genesis:26:12 @ seruit autem Isaac in terra illa et invenit in ipso anno centuplum benedixitque ei Dominus

vul@Genesis:26:13 @ et locupletatus est homo et ibat proficiens atque succrescens donec magnus vehementer effectus est

vul@Genesis:26:14 @ habuit quoque possessionem ovium et armentorum et familiae plurimum ob haec invidentes ei Palestini

vul@Genesis:26:15 @ omnes puteos quos foderant servi patris illius Abraham illo tempore obstruxerunt implentes humo

vul@Genesis:26:16 @ in tantum ut ipse Abimelech diceret ad Isaac recede a nobis quoniam potentior nostri factus es valde

vul@Genesis:26:17 @ et ille discedens veniret ad torrentem Gerarae habitaretque ibi

vul@Genesis:26:18 @ rursum fodit alios puteos quos foderant servi patris sui Abraham et quos illo mortuo olim obstruxerant Philisthim appellavitque eos hisdem nominibus quibus ante pater vocaverat

vul@Genesis:26:19 @ foderunt in torrente et reppererunt aquam vivam

vul@Genesis:26:20 @ sed et ibi iurgium fuit pastorum Gerarae adversum pastores Isaac dicentium nostra est aqua quam ob rem nomen putei ex eo quod acciderat vocavit Calumniam

vul@Genesis:26:21 @ foderunt et alium et pro illo quoque rixati sunt appellavitque eum Inimicitias

vul@Genesis:26:22 @ profectus inde fodit alium puteum pro quo non contenderunt itaque vocavit nomen illius Latitudo dicens nunc dilatavit nos Dominus et fecit crescere super terram

vul@Genesis:26:23 @ ascendit autem ex illo loco in Bersabee

vul@Genesis:26:24 @ ubi apparuit ei Dominus in ipsa nocte dicens ego sum Deus Abraham patris tui noli metuere quia tecum sum benedicam tibi et multiplicabo semen tuum propter servum meum Abraham

vul@Genesis:26:25 @ itaque aedificavit ibi altare et invocato nomine Domini extendit tabernaculum praecepitque servis suis ut foderent puteum

vul@Genesis:26:26 @ ad quem locum cum venissent de Geraris Abimelech et Ochozath amicus illius et Fichol dux militum

vul@Genesis:26:27 @ locutus est eis Isaac quid venistis ad me hominem quem odistis et expulistis a vobis

vul@Genesis:26:28 @ qui responderunt vidimus tecum esse Dominum et idcirco nunc diximus sit iuramentum inter nos et ineamus foedus

vul@Genesis:26:29 @ ut non facias nobis quicquam mali sicut et nos nihil tuorum adtigimus nec fecimus quod te laederet sed cum pace dimisimus auctum benedictione Domini

vul@Genesis:26:30 @ fecit ergo eis convivium et post cibum et potum

vul@Genesis:26:31 @ surgentes mane iuraverunt sibi mutuo dimisitque eos Isaac pacifice in locum suum

vul@Genesis:26:32 @ ecce autem venerunt in ipso die servi Isaac adnuntiantes ei de puteo quem foderant atque dicentes invenimus aquam

vul@Genesis:26:33 @ unde appellavit eum Abundantiam et nomen urbi inpositum est Bersabee usque in praesentem diem

vul@Genesis:26:34 @ Esau vero quadragenarius duxit uxores Iudith filiam Beeri Hetthei et Basemath filiam Helon eiusdem loci

vul@Genesis:26:35 @ quae ambae offenderant animum Isaac et Rebeccae

vul@Genesis:27:1 @ senuit autem Isaac et caligaverunt oculi eius et videre non poterat vocavitque Esau filium suum maiorem et dixit ei fili mi qui respondit adsum

vul@Genesis:27:2 @ cui pater vides inquit quod senuerim et ignorem diem mortis meae

vul@Genesis:27:3 @ sume arma tua faretram et arcum et egredere foras cumque venatu aliquid adprehenderis

vul@Genesis:27:4 @ fac mihi inde pulmentum sicut velle me nosti et adfer ut comedam et benedicat tibi anima mea antequam moriar

vul@Genesis:27:5 @ quod cum audisset Rebecca et ille abisset in agrum ut iussionem patris expleret

vul@Genesis:27:6 @ dixit filio suo Iacob audivi patrem tuum loquentem cum Esau fratre tuo et dicentem ei

vul@Genesis:27:7 @ adfer mihi venationem tuam et fac cibos ut comedam et benedicam tibi coram Domino antequam moriar

vul@Genesis:27:8 @ nunc ergo fili mi adquiesce consiliis meis

vul@Genesis:27:9 @ et pergens ad gregem adfer mihi duos hedos optimos ut faciam ex eis escas patri tuo quibus libenter vescitur

vul@Genesis:27:10 @ quas cum intuleris et comederit benedicat tibi priusquam moriatur

vul@Genesis:27:11 @ cui ille respondit nosti quod Esau frater meus homo pilosus sit et ego lenis

vul@Genesis:27:12 @ si adtractaverit me pater meus et senserit timeo ne putet sibi voluisse inludere et inducat super me maledictionem pro benedictione

vul@Genesis:27:13 @ ad quem mater in me sit ait ista maledictio fili mi tantum audi vocem meam et perge adferque quae dixi

vul@Genesis:27:14 @ abiit et adtulit deditque matri paravit illa cibos sicut noverat velle patrem illius

vul@Genesis:27:15 @ et vestibus Esau valde bonis quas apud se habebat domi induit eum

vul@Genesis:27:16 @ pelliculasque hedorum circumdedit manibus et colli nuda protexit

vul@Genesis:27:17 @ dedit pulmentum et panes quos coxerat tradidit

vul@Genesis:27:18 @ quibus inlatis dixit pater mi et ille respondit audio quis tu es fili mi

vul@Genesis:27:19 @ dixitque Iacob ego sum Esau primogenitus tuus feci sicut praecepisti mihi surge sede et comede de venatione mea ut benedicat mihi anima tua

vul@Genesis:27:20 @ rursum Isaac ad filium suum quomodo inquit tam cito invenire potuisti fili mi qui respondit voluntatis Dei fuit ut cito mihi occurreret quod volebam

vul@Genesis:27:21 @ dixitque Isaac accede huc ut tangam te fili mi et probem utrum tu sis filius meus Esau an non

vul@Genesis:27:22 @ accessit ille ad patrem et palpato eo dixit Isaac vox quidem vox Iacob est sed manus manus sunt Esau

vul@Genesis:27:23 @ et non cognovit eum quia pilosae manus similitudinem maioris expresserant benedicens ergo illi

vul@Genesis:27:24 @ ait tu es filius meus Esau respondit ego sum

vul@Genesis:27:25 @ at ille offer inquit mihi cibos de venatione tua fili mi ut benedicat tibi anima mea quos cum oblatos comedisset obtulit ei etiam vinum quo hausto

vul@Genesis:27:26 @ dixit ad eum accede ad me et da mihi osculum fili mi

vul@Genesis:27:27 @ accessit et osculatus est eum statimque ut sensit vestimentorum illius flagrantiam benedicens ait ecce odor filii mei sicut odor agri cui benedixit Dominus

vul@Genesis:27:28 @ det tibi Deus de rore caeli et de pinguedine terrae abundantiam frumenti et vini

vul@Genesis:27:29 @ et serviant tibi populi et adorent te tribus esto dominus fratrum tuorum et incurventur ante te filii matris tuae qui maledixerit tibi sit maledictus et qui benedixerit benedictionibus repleatur

vul@Genesis:27:30 @ vix Isaac sermonem impleverat et egresso Iacob foras venit Esau

vul@Genesis:27:31 @ coctosque de venatione cibos intulit patri dicens surge pater mi et comede de venatione filii tui ut benedicat mihi anima tua

vul@Genesis:27:32 @ dixitque illi Isaac quis enim es tu qui respondit ego sum primogenitus filius tuus Esau

vul@Genesis:27:33 @ expavit Isaac stupore vehementi et ultra quam credi potest admirans ait quis igitur ille est qui dudum captam venationem adtulit mihi et comedi ex omnibus priusquam tu venires benedixique ei et erit benedictus

vul@Genesis:27:34 @ auditis Esau sermonibus patris inrugiit clamore magno et consternatus ait benedic etiam mihi pater mi

vul@Genesis:27:35 @ qui ait venit germanus tuus fraudulenter et accepit benedictionem tuam

vul@Genesis:27:36 @ at ille subiunxit iuste vocatum est nomen eius Iacob subplantavit enim me en altera vice primogenita mea ante tulit et nunc secundo subripuit benedictionem meam rursumque ad patrem numquid non reservasti ait et mihi benedictionem

vul@Genesis:27:37 @ respondit Isaac dominum tuum illum constitui et omnes fratres eius servituti illius subiugavi frumento et vino stabilivi eum tibi post haec fili mi ultra quid faciam

vul@Genesis:27:38 @ cui Esau num unam inquit tantum benedictionem habes pater mihi quoque obsecro ut benedicas cumque heiulatu magno fleret

vul@Genesis:27:39 @ motus Isaac dixit ad eum in pinguedine terrae et in rore caeli desuper

vul@Genesis:27:40 @ erit benedictio tua vives gladio et fratri tuo servies tempusque veniet cum excutias et solvas iugum eius de cervicibus tuis

vul@Genesis:27:41 @ oderat ergo semper Esau Iacob pro benedictione qua benedixerat ei pater dixitque in corde suo veniant dies luctus patris mei ut occidam Iacob fratrem meum

vul@Genesis:27:42 @ nuntiata sunt haec Rebeccae quae mittens et vocans Iacob filium suum dixit ad eum ecce Esau frater tuus minatur ut occidat te

vul@Genesis:27:43 @ nunc ergo fili audi vocem meam et consurgens fuge ad Laban fratrem meum in Haran

vul@Genesis:27:44 @ habitabisque cum eo dies paucos donec requiescat furor fratris tui

vul@Genesis:27:45 @ et cesset indignatio eius obliviscaturque eorum quae fecisti in eum postea mittam et adducam te inde huc cur utroque orbabor filio in una die

vul@Genesis:27:46 @ dixit quoque Rebecca ad Isaac taedet me vitae meae propter filias Heth si acceperit Iacob uxorem de stirpe huius terrae nolo vivere

vul@Genesis:28:1 @ vocavit itaque Isaac Iacob et benedixit praecepitque ei dicens noli accipere coniugem de genere Chanaan

vul@Genesis:28:2 @ sed vade et proficiscere in Mesopotamiam Syriae ad domum Bathuel patrem matris tuae et accipe tibi inde uxorem de filiabus Laban avunculi tui

vul@Genesis:28:3 @ Deus autem omnipotens benedicat tibi et crescere te faciat atque multiplicet ut sis in turbas populorum

vul@Genesis:28:4 @ et det tibi benedictiones Abraham et semini tuo post te ut possideas terram peregrinationis tuae quam pollicitus est avo tuo

vul@Genesis:28:5 @ cumque dimisisset eum Isaac profectus venit in Mesopotamiam Syriae ad Laban filium Bathuel Syri fratrem Rebeccae matris suae

vul@Genesis:28:6 @ videns autem Esau quod benedixisset pater suus Iacob et misisset eum in Mesopotamiam Syriae ut inde uxorem duceret et quod post benedictionem praecepisset ei dicens non accipies coniugem de filiabus Chanaan

vul@Genesis:28:7 @ quodque oboediens Iacob parentibus isset in Syriam

vul@Genesis:28:8 @ probans quoque quod non libenter aspiceret filias Chanaan pater suus

vul@Genesis:28:9 @ ivit ad Ismahelem et duxit uxorem absque his quas prius habebat Maeleth filiam Ismahel filii Abraham sororem Nabaioth

vul@Genesis:28:10 @ igitur egressus Iacob de Bersabee pergebat Haran

vul@Genesis:28:11 @ cumque venisset ad quendam locum et vellet in eo requiescere post solis occubitum tulit de lapidibus qui iacebant et subponens capiti suo dormivit in eodem loco

vul@Genesis:28:12 @ viditque in somnis scalam stantem super terram et cacumen illius tangens caelum angelos quoque Dei ascendentes et descendentes per eam

vul@Genesis:28:13 @ et Dominum innixum scalae dicentem sibi ego sum Dominus Deus Abraham patris tui et Deus Isaac terram in qua dormis tibi dabo et semini tuo

vul@Genesis:28:14 @ eritque germen tuum quasi pulvis terrae dilataberis ad occidentem et orientem septentrionem et meridiem et benedicentur in te et in semine tuo cunctae tribus terrae

vul@Genesis:28:15 @ et ero custos tuus quocumque perrexeris et reducam te in terram hanc nec dimittam nisi conplevero universa quae dixi

vul@Genesis:28:16 @ cumque evigilasset Iacob de somno ait vere Dominus est in loco isto et ego nesciebam

vul@Genesis:28:17 @ pavensque quam terribilis inquit est locus iste non est hic aliud nisi domus Dei et porta caeli

vul@Genesis:28:18 @ surgens ergo mane tulit lapidem quem subposuerat capiti suo et erexit in titulum fundens oleum desuper

vul@Genesis:28:19 @ appellavitque nomen urbis Bethel quae prius Luza vocabatur

vul@Genesis:28:20 @ vovit etiam votum dicens si fuerit Deus mecum et custodierit me in via per quam ambulo et dederit mihi panem ad vescendum et vestem ad induendum

vul@Genesis:28:21 @ reversusque fuero prospere ad domum patris mei erit mihi Dominus in Deum

vul@Genesis:28:22 @ et lapis iste quem erexi in titulum vocabitur Domus Dei cunctorumque quae dederis mihi decimas offeram tibi

vul@Genesis:29:1 @ profectus ergo Iacob venit ad terram orientalem

vul@Genesis:29:2 @ et vidit puteum in agro tresque greges ovium accubantes iuxta eum nam ex illo adaquabantur pecora et os eius grandi lapide claudebatur

vul@Genesis:29:3 @ morisque erat ut cunctis ovibus congregatis devolverent lapidem et refectis gregibus rursum super os putei ponerent

vul@Genesis:29:4 @ dixitque ad pastores fratres unde estis qui responderunt de Haran

vul@Genesis:29:5 @ quos interrogans numquid ait nostis Laban filium Nahor dixerunt novimus

vul@Genesis:29:6 @ sanusne est inquit valet inquiunt et ecce Rahel filia eius venit cum grege suo

vul@Genesis:29:7 @ dixitque Iacob adhuc multum diei superest nec est tempus ut reducantur ad caulas greges date ante potum ovibus et sic ad pastum eas reducite

vul@Genesis:29:8 @ qui responderunt non possumus donec omnia pecora congregentur et amoveamus lapidem de ore putei ut adaquemus greges

vul@Genesis:29:9 @ adhuc loquebantur et ecce Rahel veniebat cum ovibus patris sui nam gregem ipsa pascebat

vul@Genesis:29:10 @ quam cum vidisset Iacob et sciret consobrinam suam ovesque Laban avunculi sui amovit lapidem quo puteus claudebatur

vul@Genesis:29:11 @ et adaquato grege osculatus est eam elevataque voce flevit

vul@Genesis:29:12 @ et indicavit ei quod frater esset patris eius et filius Rebeccae at illa festinans nuntiavit patri suo

vul@Genesis:29:13 @ qui cum audisset venisse Iacob filium sororis suae cucurrit obviam conplexusque eum et in oscula ruens duxit in domum suam auditis autem causis itineris

vul@Genesis:29:14 @ respondit os meum es et caro mea et postquam expleti sunt dies mensis unius

vul@Genesis:29:15 @ dixit ei num quia frater meus es gratis servies mihi dic quid mercedis accipias

vul@Genesis:29:16 @ habebat vero filias duas nomen maioris Lia minor appellabatur Rahel

vul@Genesis:29:17 @ sed Lia lippis erat oculis Rahel decora facie et venusto aspectu

vul@Genesis:29:18 @ quam diligens Iacob ait serviam tibi pro Rahel filia tua minore septem annis

vul@Genesis:29:19 @ respondit Laban melius est ut tibi eam dem quam viro alteri mane apud me

vul@Genesis:29:20 @ servivit igitur Iacob pro Rahel septem annis et videbantur illi pauci dies prae amoris magnitudine

vul@Genesis:29:21 @ dixitque ad Laban da mihi uxorem meam quia iam tempus expletum est ut ingrediar ad eam

vul@Genesis:29:22 @ qui vocatis multis amicorum turbis ad convivium fecit nuptias

vul@Genesis:29:23 @ et vespere filiam suam Liam introduxit ad eum

vul@Genesis:29:24 @ dans ancillam filiae Zelpham nomine ad quam cum ex more Iacob fuisset ingressus facto mane vidit Liam

vul@Genesis:29:25 @ et dixit ad socerum quid est quod facere voluisti nonne pro Rahel servivi tibi quare inposuisti mihi

vul@Genesis:29:26 @ respondit Laban non est in loco nostro consuetudinis ut minores ante tradamus ad nuptias

vul@Genesis:29:27 @ imple ebdomadem dierum huius copulae et hanc quoque dabo tibi pro opere quo serviturus es mihi septem annis aliis

vul@Genesis:29:28 @ adquievit placito et ebdomade transacta Rahel duxit uxorem

vul@Genesis:29:29 @ cui pater servam Balam dederat

vul@Genesis:29:30 @ tandemque potitus optatis nuptiis amorem sequentis priori praetulit serviens apud eum septem annis aliis

vul@Genesis:29:31 @ videns autem Dominus quod despiceret Liam aperuit vulvam eius sorore sterili permanente

vul@Genesis:29:32 @ quae conceptum genuit filium vocavitque nomen eius Ruben dicens vidit Dominus humilitatem meam nunc amabit me vir meus

vul@Genesis:29:33 @ rursumque concepit et peperit filium et ait quoniam audivit Dominus haberi me contemptui dedit etiam istum mihi vocavitque nomen illius Symeon

vul@Genesis:29:34 @ concepit tertio et genuit alium dixitque nunc quoque copulabitur mihi maritus meus eo quod pepererim illi tres filios et idcirco appellavit nomen eius Levi

vul@Genesis:29:35 @ quarto concepit et peperit filium et ait modo confitebor Domino et ob hoc vocavit eum Iudam cessavitque parere

vul@Genesis:30:1 @ cernens autem Rahel quod infecunda esset invidit sorori et ait marito suo da mihi liberos alioquin moriar

vul@Genesis:30:2 @ cui iratus respondit Iacob num pro Deo ego sum qui privavit te fructu ventris tui

vul@Genesis:30:3 @ at illa habeo inquit famulam Balam ingredere ad eam ut pariat super genua mea et habeam ex ea filios

vul@Genesis:30:4 @ deditque illi Balam in coniugium quae

vul@Genesis:30:5 @ ingresso ad se viro concepit et peperit filium

vul@Genesis:30:6 @ dixitque Rahel iudicavit mihi Dominus et exaudivit vocem meam dans mihi filium et idcirco appellavit nomen illius Dan

vul@Genesis:30:7 @ rursumque Bala concipiens peperit alterum

vul@Genesis:30:8 @ pro quo ait Rahel conparavit me Deus cum sorore mea et invalui vocavitque eum Nepthalim

vul@Genesis:30:9 @ sentiens Lia quod parere desisset Zelpham ancillam suam marito tradidit

vul@Genesis:30:10 @ qua post conceptum edente filium

vul@Genesis:30:11 @ dixit feliciter et idcirco vocavit nomen eius Gad

vul@Genesis:30:12 @ peperit quoque Zelpha alterum

vul@Genesis:30:13 @ dixitque Lia hoc pro beatitudine mea beatam quippe me dicent mulieres propterea appellavit eum Aser

vul@Genesis:30:14 @ egressus autem Ruben tempore messis triticeae in agro repperit mandragoras quos matri Liae detulit dixitque Rahel da mihi partem de mandragoris filii tui

vul@Genesis:30:15 @ illa respondit parumne tibi videtur quod praeripueris maritum mihi nisi etiam mandragoras filii mei tuleris ait Rahel dormiat tecum hac nocte pro mandragoris filii tui

vul@Genesis:30:16 @ redeuntique ad vesperam de agro Iacob egressa est in occursum Lia et ad me inquit intrabis quia mercede conduxi te pro mandragoris filii mei dormivit cum ea nocte illa

vul@Genesis:30:17 @ et exaudivit Deus preces eius concepitque et peperit filium quintum

vul@Genesis:30:18 @ et ait dedit Deus mercedem mihi quia dedi ancillam meam viro meo appellavitque nomen illius Isachar

vul@Genesis:30:19 @ rursum Lia concipiens peperit sextum filium

vul@Genesis:30:20 @ et ait ditavit me Deus dote bona etiam hac vice mecum erit maritus meus eo quod genuerim ei sex filios et idcirco appellavit nomen eius Zabulon

vul@Genesis:30:21 @ post quem peperit filiam nomine Dinam

vul@Genesis:30:22 @ recordatus quoque Dominus Rahelis exaudivit eam et aperuit vulvam illius

vul@Genesis:30:23 @ quae concepit et peperit filium dicens abstulit Deus obprobrium meum

vul@Genesis:30:24 @ et vocavit nomen illius Ioseph dicens addat mihi Dominus filium alterum

vul@Genesis:30:25 @ nato autem Ioseph dixit Iacob socero suo dimitte me ut revertar in patriam et ad terram meam

vul@Genesis:30:26 @ da mihi uxores et liberos meos pro quibus servivi tibi ut abeam tu nosti servitutem qua servivi tibi

vul@Genesis:30:27 @ ait ei Laban inveniam gratiam in conspectu tuo experimento didici quod benedixerit mihi Deus propter te

vul@Genesis:30:28 @ constitue mercedem tuam quam dem tibi

vul@Genesis:30:29 @ at ille respondit tu nosti quomodo servierim tibi et quanta in manibus meis fuerit possessio tua

vul@Genesis:30:30 @ modicum habuisti antequam venirem et nunc dives effectus es benedixitque tibi Dominus ad introitum meum iustum est igitur ut aliquando provideam etiam domui meae

vul@Genesis:30:31 @ dixitque Laban quid dabo tibi at ille ait nihil volo sed si feceris quod postulo iterum pascam et custodiam pecora tua

vul@Genesis:30:32 @ gyra omnes greges tuos et separa cunctas oves varias et sparso vellere et quodcumque furvum et maculosum variumque fuerit tam in ovibus quam in capris erit merces mea

vul@Genesis:30:33 @ respondebitque mihi cras iustitia mea quando placiti tempus advenerit coram te et omnia quae non fuerint varia et maculosa et furva tam in ovibus quam in capris furti me arguent

vul@Genesis:30:34 @ dixit Laban gratum habeo quod petis

vul@Genesis:30:35 @ et separavit in die illo capras et oves hircos et arietes varios atque maculosos cunctum autem gregem unicolorem id est albi et nigri velleris tradidit in manu filiorum suorum

vul@Genesis:30:36 @ et posuit spatium itineris inter se et generum dierum trium qui pascebat reliquos greges eius

vul@Genesis:30:37 @ tollens ergo Iacob virgas populeas virides et amigdalinas et ex platanis ex parte decorticavit eas detractisque corticibus in his quae spoliata fuerant candor apparuit illa vero quae integra erant viridia permanserunt atque in hunc modum color effectus est varius

vul@Genesis:30:38 @ posuitque eas in canalibus ubi effundebatur aqua ut cum venissent greges ad bibendum ante oculos haberent virgas et in aspectu earum conciperent

vul@Genesis:30:39 @ factumque est ut in ipso calore coitus oves intuerentur virgas et parerent maculosa et varia et diverso colore respersa

vul@Genesis:30:40 @ divisitque gregem Iacob et posuit virgas ante oculos arietum erant autem alba quaeque et nigra Laban cetera vero Iacob separatis inter se gregibus

vul@Genesis:30:41 @ igitur quando primo tempore ascendebantur oves ponebat Iacob virgas in canalibus aquarum ante oculos arietum et ovium ut in earum contemplatione conciperent

vul@Genesis:30:42 @ quando vero serotina admissura erat et conceptus extremus non ponebat eas factaque sunt ea quae erant serotina Laban et quae primi temporis Iacob

vul@Genesis:30:43 @ ditatusque est homo ultra modum et habuit greges multos ancillas et servos camelos et asinos

vul@Genesis:31:1 @ postquam autem audivit verba filiorum Laban dicentium tulit Iacob omnia quae fuerunt patris nostri et de illius facultate ditatus factus est inclitus

vul@Genesis:31:2 @ animadvertit quoque faciem Laban quod non esset erga se sicut heri et nudius tertius

vul@Genesis:31:3 @ maxime dicente sibi Domino revertere in terram patrum tuorum et ad generationem tuam eroque tecum

vul@Genesis:31:4 @ misit et vocavit Rahel et Liam in agrum ubi pascebat greges

vul@Genesis:31:5 @ dixitque eis video faciem patris vestri quod non sit erga me sicut heri et nudius tertius Deus autem patris mei fuit mecum

vul@Genesis:31:6 @ et ipsae nostis quod totis viribus meis servierim patri vestro

vul@Genesis:31:7 @ sed pater vester circumvenit me et mutavit mercedem meam decem vicibus et tamen non dimisit eum Deus ut noceret mihi

vul@Genesis:31:8 @ si quando dixit variae erunt mercedes tuae pariebant omnes oves varios fetus quando vero e contrario ait alba quaeque accipies pro mercede omnes greges alba pepererunt

vul@Genesis:31:9 @ tulitque Deus substantiam patris vestri et dedit mihi

vul@Genesis:31:10 @ postquam enim conceptus ovium tempus advenerat levavi oculos meos et vidi in somnis ascendentes mares super feminas varios et maculosos et diversorum colorum

vul@Genesis:31:11 @ dixitque angelus Dei ad me in somnis Iacob et ego respondi adsum

vul@Genesis:31:12 @ qui ait leva oculos tuos et vide universos masculos ascendentes super feminas varios respersos atque maculosos vidi enim omnia quae fecit tibi Laban

vul@Genesis:31:13 @ ego sum Deus Bethel ubi unxisti lapidem et votum vovisti mihi nunc ergo surge et egredere de terra hac revertens in terram nativitatis tuae

vul@Genesis:31:14 @ responderunt Rahel et Lia numquid habemus residui quicquam in facultatibus et hereditate domus patris nostri

vul@Genesis:31:15 @ nonne quasi alienas reputavit nos et vendidit comeditque pretium nostrum

vul@Genesis:31:16 @ sed Deus tulit opes patris nostri et nobis eas tradidit ac filiis nostris unde omnia quae praecepit fac

vul@Genesis:31:17 @ surrexit itaque Iacob et inpositis liberis et coniugibus suis super camelos abiit

vul@Genesis:31:18 @ tulitque omnem substantiam et greges et quicquid in Mesopotamiam quaesierat pergens ad Isaac patrem suum in terram Chanaan

vul@Genesis:31:19 @ eo tempore Laban ierat ad tondendas oves et Rahel furata est idola patris sui

vul@Genesis:31:20 @ noluitque Iacob confiteri socero quod fugeret

vul@Genesis:31:21 @ cumque abisset tam ipse quam omnia quae iuris eius erant et amne transmisso pergeret contra montem Galaad

vul@Genesis:31:22 @ nuntiatum est Laban die tertio quod fugeret Iacob

vul@Genesis:31:23 @ qui adsumptis fratribus suis persecutus est eum diebus septem et conprehendit in monte Galaad

vul@Genesis:31:24 @ viditque in somnis dicentem sibi Dominum cave ne quicquam aspere loquaris contra Iacob

vul@Genesis:31:25 @ iamque Iacob extenderat in monte tabernaculum cum ille consecutus eum cum fratribus suis in eodem monte Galaad fixit tentorium

vul@Genesis:31:26 @ et dixit ad Iacob quare ita egisti ut clam me abigeres filias meas quasi captivas gladio

vul@Genesis:31:27 @ cur ignorante me fugere voluisti nec indicare mihi ut prosequerer te cum gaudio et canticis et tympanis et cithara

vul@Genesis:31:28 @ non es passus ut oscularer filios meos ac filias stulte operatus es et nunc

vul@Genesis:31:29 @ valet quidem manus mea reddere tibi malum sed Deus patris vestri heri dixit mihi cave ne loquaris cum Iacob quicquam durius

vul@Genesis:31:30 @ esto ad tuos ire cupiebas et desiderio tibi erat domus patris tui cur furatus es deos meos

vul@Genesis:31:31 @ respondit Iacob quod inscio te profectus sum timui ne violenter auferres filias tuas

vul@Genesis:31:32 @ quod autem furti arguis apud quemcumque inveneris deos tuos necetur coram fratribus nostris scrutare quicquid tuorum apud me inveneris et aufer haec dicens ignorabat quod Rahel furata esset idola

vul@Genesis:31:33 @ ingressus itaque Laban tabernaculum Iacob et Liae et utriusque famulae non invenit cumque intrasset tentorium Rahelis

vul@Genesis:31:34 @ illa festinans abscondit idola subter stramen cameli et sedit desuper scrutantique omne tentorium et nihil invenienti

vul@Genesis:31:35 @ ait ne irascatur dominus meus quod coram te adsurgere nequeo quia iuxta consuetudinem feminarum nunc accidit mihi sic delusa sollicitudo quaerentis est

vul@Genesis:31:36 @ tumensque Iacob cum iurgio ait quam ob culpam meam et ob quod peccatum sic exarsisti post me

vul@Genesis:31:37 @ et scrutatus es omnem supellectilem meam quid invenisti de cuncta substantia domus tuae pone hic coram fratribus meis et fratribus tuis et iudicent inter me et te

vul@Genesis:31:38 @ idcirco viginti annis fui tecum oves tuae et caprae steriles non fuerunt arietes gregis tui non comedi

vul@Genesis:31:39 @ nec captum a bestia ostendi tibi ego damnum omne reddebam quicquid furto perierat a me exigebas

vul@Genesis:31:40 @ die noctuque aestu urebar et gelu fugiebat somnus ab oculis meis

vul@Genesis:31:41 @ sic per viginti annos in domo tua servivi tibi quattuordecim pro filiabus et sex pro gregibus tuis inmutasti quoque mercedem meam decem vicibus

vul@Genesis:31:42 @ nisi Deus patris mei Abraham et Timor Isaac adfuisset mihi forsitan modo nudum me dimisisses adflictionem meam et laborem manuum mearum respexit Deus et arguit te heri

vul@Genesis:31:43 @ respondit ei Laban filiae et filii et greges tui et omnia quae cernis mea sunt quid possum facere filiis et nepotibus meis

vul@Genesis:31:44 @ veni ergo et ineamus foedus ut sit testimonium inter me et te

vul@Genesis:31:45 @ tulit itaque Iacob lapidem et erexit illum in titulum

vul@Genesis:31:46 @ dixitque fratribus suis adferte lapides qui congregantes fecerunt tumulum comederuntque super eum

vul@Genesis:31:47 @ quem vocavit Laban tumulus Testis et Iacob acervum Testimonii uterque iuxta proprietatem linguae suae

vul@Genesis:31:48 @ dixitque Laban tumulus iste testis erit inter me et te hodie et idcirco appellatum est nomen eius Galaad id est tumulus Testis

vul@Genesis:31:49 @ intueatur Dominus et iudicet inter nos quando recesserimus a nobis

vul@Genesis:31:50 @ si adflixeris filias meas et si introduxeris uxores alias super eas nullus sermonis nostri testis est absque Deo qui praesens respicit

vul@Genesis:31:51 @ dixitque rursus ad Iacob en tumulus hic et lapis quem erexi inter me et te

vul@Genesis:31:52 @ testis erit tumulus inquam iste et lapis sint in testimonio si aut ego transiero illum pergens ad te aut tu praeterieris malum mihi cogitans

vul@Genesis:31:53 @ Deus Abraham et Deus Nahor iudicet inter nos Deus patris eorum iuravit Iacob per Timorem patris sui Isaac

vul@Genesis:31:54 @ immolatisque victimis in monte vocavit fratres suos ut ederent panem qui cum comedissent manserunt ibi

vul@Genesis:31:55 @ Laban vero de nocte consurgens osculatus est filios et filias suas et benedixit illis reversus in locum suum

vul@Genesis:32:1 @ Iacob quoque abiit itinere quo coeperat fueruntque ei obviam angeli Dei

vul@Genesis:32:2 @ quos cum vidisset ait castra Dei sunt haec et appellavit nomen loci illius Manaim id est Castra

vul@Genesis:32:3 @ misit autem et nuntios ante se ad Esau fratrem suum in terram Seir regionis Edom

vul@Genesis:32:4 @ praecepitque eis dicens sic loquimini domino meo Esau haec dicit frater tuus Iacob apud Laban peregrinatus sum et fui usque in praesentem diem

vul@Genesis:32:5 @ habeo boves et asinos oves et servos atque ancillas mittoque nunc legationem ad dominum meum ut inveniam gratiam in conspectu tuo

vul@Genesis:32:6 @ reversi sunt nuntii ad Iacob dicentes venimus ad Esau fratrem tuum et ecce properat in occursum tibi cum quadringentis viris

vul@Genesis:32:7 @ timuit Iacob valde et perterritus divisit populum qui secum erat greges quoque et oves et boves et camelos in duas turmas

vul@Genesis:32:8 @ dicens si venerit Esau ad unam turmam et percusserit eam alia turma quae reliqua est salvabitur

vul@Genesis:32:9 @ dixitque Iacob Deus patris mei Abraham et Deus patris mei Isaac Domine qui dixisti mihi revertere in terram tuam et in locum nativitatis tuae et benefaciam tibi

vul@Genesis:32:10 @ minor sum cunctis miserationibus et veritate quam explesti servo tuo in baculo meo transivi Iordanem istum et nunc cum duabus turmis regredior

vul@Genesis:32:11 @ erue me de manu fratris mei de manu Esau quia valde eum timeo ne forte veniens percutiat matrem cum filiis

vul@Genesis:32:12 @ tu locutus es quod bene mihi faceres et dilatares semen meum sicut harenam maris quae prae multitudine numerari non potest

vul@Genesis:32:13 @ cumque dormisset ibi nocte illa separavit de his quae habebat munera Esau fratri suo

vul@Genesis:32:14 @ capras ducentas hircos viginti oves ducentas arietes viginti

vul@Genesis:32:15 @ camelos fetas cum pullis suis triginta vaccas quadraginta et tauros viginti asinas viginti et pullos earum decem

vul@Genesis:32:16 @ et misit per manus servorum suorum singulos seorsum greges dixitque pueris suis antecedite me et sit spatium inter gregem et gregem

vul@Genesis:32:17 @ et praecepit priori dicens si obvium habueris Esau fratrem meum et interrogaverit te cuius es et quo vadis et cuius sunt ista quae sequeris

vul@Genesis:32:18 @ respondebis servi tui Iacob munera misit domino meo Esau ipse quoque post nos venit

vul@Genesis:32:19 @ similiter mandata dedit secundo ac tertio et cunctis qui sequebantur greges dicens hisdem verbis loquimini ad Esau cum inveneritis eum

vul@Genesis:32:20 @ et addetis ipse quoque servus tuus Iacob iter nostrum insequitur dixit enim placabo illum muneribus quae praecedunt et postea videbo forsitan propitiabitur mihi

vul@Genesis:32:21 @ praecesserunt itaque munera ante eum ipse vero mansit nocte illa in Castris

vul@Genesis:32:22 @ cumque mature surrexisset tulit duas uxores suas et totidem famulas cum undecim filiis et transivit vadum Iaboc

vul@Genesis:32:23 @ transductisque omnibus quae ad se pertinebant

vul@Genesis:32:24 @ remansit solus et ecce vir luctabatur cum eo usque mane

vul@Genesis:32:25 @ qui cum videret quod eum superare non posset tetigit nervum femoris eius et statim emarcuit

vul@Genesis:32:26 @ dixitque ad eum dimitte me iam enim ascendit aurora respondit non dimittam te nisi benedixeris mihi

vul@Genesis:32:27 @ ait ergo quod nomen est tibi respondit Iacob

vul@Genesis:32:28 @ at ille nequaquam inquit Iacob appellabitur nomen tuum sed Israhel quoniam si contra Deum fortis fuisti quanto magis contra homines praevalebis

vul@Genesis:32:29 @ interrogavit eum Iacob dic mihi quo appellaris nomine respondit cur quaeris nomen meum et benedixit ei in eodem loco

vul@Genesis:32:30 @ vocavitque Iacob nomen loci illius Phanuhel dicens vidi Deum facie ad faciem et salva facta est anima mea

vul@Genesis:32:31 @ ortusque est ei statim sol postquam transgressus est Phanuhel ipse vero claudicabat pede

vul@Genesis:32:32 @ quam ob causam non comedunt filii Israhel nervum qui emarcuit in femore Iacob usque in praesentem diem eo quod tetigerit nervum femoris eius et obstipuerit

vul@Genesis:33:1 @ levans autem Iacob oculos suos vidit venientem Esau et cum eo quadringentos viros divisitque filios Liae et Rahel ambarumque famularum

vul@Genesis:33:2 @ et posuit utramque ancillam et liberos earum in principio Liam vero et filios eius in secundo loco Rahel autem et Ioseph novissimos

vul@Genesis:33:3 @ et ipse praegrediens adoravit pronus in terram septies donec adpropinquaret frater eius

vul@Genesis:33:4 @ currens itaque Esau obviam fratri suo amplexatus est eum stringensque collum et osculans flevit

vul@Genesis:33:5 @ levatisque oculis vidit mulieres et parvulos earum et ait quid sibi volunt isti et si ad te pertinent respondit parvuli sunt quos donavit mihi Deus servo tuo

vul@Genesis:33:6 @ et adpropinquantes ancillae et filii earum incurvati sunt

vul@Genesis:33:7 @ accessitque Lia cum liberis suis et cum similiter adorassent extremi Ioseph et Rahel adoraverunt

vul@Genesis:33:8 @ quaenam sunt inquit istae turmae quas obvias habui respondit ut invenirem gratiam coram domino meo

vul@Genesis:33:9 @ et ille habeo ait plurima frater mi sint tua tibi

vul@Genesis:33:10 @ dixit Iacob noli ita obsecro sed si inveni gratiam in oculis tuis accipe munusculum de manibus meis sic enim vidi faciem tuam quasi viderim vultum Dei esto mihi propitius

vul@Genesis:33:11 @ et suscipe benedictionem quam adtuli tibi et quam donavit mihi Deus tribuens omnia vix fratre conpellente suscipiens

vul@Genesis:33:12 @ ait gradiamur simul eroque socius itineris tui

vul@Genesis:33:13 @ dixit Iacob nosti domine mi quod parvulos habeam teneros et oves ac boves fetas mecum quas si plus in ambulando fecero laborare morientur una die cuncti greges

vul@Genesis:33:14 @ praecedat dominus meus ante servum suum et ego sequar paulatim vestigia eius sicut videro posse parvulos meos donec veniam ad dominum meum in Seir

vul@Genesis:33:15 @ respondit Esau oro te ut de populo qui mecum est saltem socii remaneant viae tuae non est inquit necesse hoc uno indigeo ut inveniam gratiam in conspectu domini mei

vul@Genesis:33:16 @ reversus est itaque illo die Esau itinere quo venerat in Seir

vul@Genesis:33:17 @ et Iacob venit in Soccoth ubi aedificata domo et fixis tentoriis appellavit nomen loci illius Soccoth id est Tabernacula

vul@Genesis:33:18 @ transivitque in Salem urbem Sycimorum quae est in terra Chanaan postquam regressus est de Mesopotamiam Syriae et habitavit iuxta oppidum

vul@Genesis:33:19 @ emitque partem agri in qua fixerat tabernaculum a filiis Emor patris Sychem centum agnis

vul@Genesis:33:20 @ et erecto ibi altari invocavit super illud Fortissimum Deum Israhel

vul@Genesis:34:1 @ egressa est autem Dina filia Liae ut videret mulieres regionis illius

vul@Genesis:34:2 @ quam cum vidisset Sychem filius Emor Evei princeps terrae illius adamavit et rapuit et dormivit cum illa vi opprimens virginem

vul@Genesis:34:3 @ et conglutinata est anima eius cum ea tristemque blanditiis delinivit

vul@Genesis:34:4 @ et pergens ad Emor patrem suum accipe mihi inquit puellam hanc coniugem

vul@Genesis:34:5 @ quod cum audisset Iacob absentibus filiis et in pastu occupatis pecorum siluit donec redirent

vul@Genesis:34:6 @ egresso autem Emor patre Sychem ut loqueretur ad Iacob

vul@Genesis:34:7 @ ecce filii eius veniebant de agro auditoque quod acciderat irati sunt valde eo quod foedam rem esset operatus in Israhel et violata filia Iacob rem inlicitam perpetrasset

vul@Genesis:34:8 @ locutus est itaque Emor ad eos Sychem filii mei adhesit anima filiae vestrae date eam illi uxorem

vul@Genesis:34:9 @ et iungamus vicissim conubia filias vestras tradite nobis et filias nostras accipite

vul@Genesis:34:10 @ et habitate nobiscum terra in potestate vestra est exercete negotiamini et possidete eam

vul@Genesis:34:11 @ sed et Sychem ad patrem et ad fratres eius ait inveniam gratiam coram vobis et quaecumque statueritis dabo

vul@Genesis:34:12 @ augete dotem munera postulate libens tribuam quod petieritis tantum date mihi puellam hanc uxorem

vul@Genesis:34:13 @ responderunt filii Iacob Sychem et patri eius in dolo saevientes ob stuprum sororis

vul@Genesis:34:14 @ non possumus facere quod petitis nec dare sororem nostram homini incircumciso quod inlicitum et nefarium est apud nos

vul@Genesis:34:15 @ sed in hoc valebimus foederari si esse volueritis nostri similes et circumcidatur in vobis omne masculini sexus

vul@Genesis:34:16 @ tunc dabimus et accipiemus mutuo filias nostras ac vestras et habitabimus vobiscum erimusque unus populus

vul@Genesis:34:17 @ sin autem circumcidi nolueritis tollemus filiam nostram et recedemus

vul@Genesis:34:18 @ placuit oblatio eorum Emor et Sychem filio eius

vul@Genesis:34:19 @ nec distulit adulescens quin statim quod petebatur expleret amabat enim puellam valde et ipse erat inclitus in omni domo patris sui

vul@Genesis:34:20 @ ingressique portam urbis locuti sunt populo

vul@Genesis:34:21 @ viri isti pacifici sunt et volunt habitare nobiscum negotientur in terra et exerceant eam quae spatiosa et lata cultoribus indiget filias eorum accipiemus uxores et nostras illis dabimus

vul@Genesis:34:22 @ unum est quod differtur tantum bonum si circumcidamus masculos nostros ritum gentis imitantes

vul@Genesis:34:23 @ et substantia eorum et pecora et cuncta quae possident nostra erunt tantum in hoc adquiescamus et habitantes simul unum efficiemus populum

vul@Genesis:34:24 @ adsensi sunt omnes circumcisis cunctis maribus

vul@Genesis:34:25 @ et ecce die tertio quando gravissimus vulnerum dolor est arreptis duo Iacob filii Symeon et Levi fratres Dinae gladiis ingressi sunt urbem confidenter interfectisque omnibus masculis

vul@Genesis:34:26 @ Emor et Sychem pariter necaverunt tollentes Dinam de domo Sychem sororem suam

vul@Genesis:34:27 @ quibus egressis inruerunt super occisos ceteri filii Iacob et depopulati sunt urbem in ultionem stupri

vul@Genesis:34:28 @ oves eorum et armenta et asinos cunctaque vastantes quae in domibus et in agris erant

vul@Genesis:34:29 @ parvulos quoque et uxores eorum duxere captivas

vul@Genesis:34:30 @ quibus patratis audacter Iacob dixit ad Symeon et Levi turbastis me et odiosum fecistis Chananeis et Ferezeis habitatoribus terrae huius nos pauci sumus illi congregati percutient me et delebor ego et domus mea

vul@Genesis:34:31 @ responderunt numquid ut scorto abuti debuere sorore nostra

vul@Genesis:35:1 @ interea locutus est Deus ad Iacob surge et ascende Bethel et habita ibi facque altare Deo qui apparuit tibi quando fugiebas Esau fratrem tuum

vul@Genesis:35:2 @ Iacob vero convocata omni domo sua ait abicite deos alienos qui in medio vestri sunt et mundamini ac mutate vestimenta vestra

vul@Genesis:35:3 @ surgite et ascendamus in Bethel ut faciamus ibi altare Deo qui exaudivit me in die tribulationis meae et fuit socius itineris mei

vul@Genesis:35:4 @ dederunt ergo ei omnes deos alienos quos habebant et inaures quae erant in auribus eorum at ille infodit ea subter terebinthum quae est post urbem Sychem

vul@Genesis:35:5 @ cumque profecti essent terror Dei invasit omnes per circuitum civitates et non sunt ausi persequi recedentes

vul@Genesis:35:6 @ venit igitur Iacob Luzam quae est in terra Chanaan cognomento Bethel ipse et omnis populus cum eo

vul@Genesis:35:7 @ aedificavitque ibi altare et appellavit nomen loci Domus Dei ibi enim apparuit ei Deus cum fugeret fratrem suum

vul@Genesis:35:8 @ eodem tempore mortua est Debbora nutrix Rebeccae et sepulta ad radices Bethel subter quercum vocatumque est nomen loci quercus Fletus

vul@Genesis:35:9 @ apparuit autem iterum Deus Iacob postquam reversus est de Mesopotamiam Syriae benedixitque ei

vul@Genesis:35:10 @ dicens non vocaberis ultra Iacob sed Israhel erit nomen tuum et appellavit eum Israhel

vul@Genesis:35:11 @ dixitque ei ego Deus omnipotens cresce et multiplicare gentes et populi nationum erunt ex te reges de lumbis tuis egredientur

vul@Genesis:35:12 @ terramque quam dedi Abraham et Isaac dabo tibi et semini tuo post te

vul@Genesis:35:13 @ et recessit ab eo

vul@Genesis:35:14 @ ille vero erexit titulum lapideum in loco quo locutus ei fuerat Deus libans super eum libamina et effundens oleum

vul@Genesis:35:15 @ vocansque nomen loci Bethel

vul@Genesis:35:16 @ egressus inde venit verno tempore ad terram quae ducit Efratham in qua cum parturiret Rahel

vul@Genesis:35:17 @ ob difficultatem partus periclitari coepit dixitque ei obsetrix noli timere quia et hunc habebis filium

vul@Genesis:35:18 @ egrediente autem anima prae dolore et inminente iam morte vocavit nomen filii sui Benoni id est filius doloris mei pater vero appellavit eum Beniamin id est filius dexterae

vul@Genesis:35:19 @ mortua est ergo Rahel et sepulta in via quae ducit Efratham haec est Bethleem

vul@Genesis:35:20 @ erexitque Iacob titulum super sepulchrum eius hic est titulus monumenti Rahel usque in praesentem diem

vul@Genesis:35:21 @ egressus inde fixit tabernaculum trans turrem Gregis

vul@Genesis:35:22 @ cumque habitaret in illa regione abiit Ruben et dormivit cum Bala concubina patris sui quod illum minime latuit erant autem filii Iacob duodecim

vul@Genesis:35:23 @ filii Liae primogenitus Ruben et Symeon et Levi et Iudas et Isachar et Zabulon

vul@Genesis:35:24 @ filii Rahel Ioseph et Beniamin

vul@Genesis:35:25 @ filii Balae ancillae Rahelis Dan et Nepthalim

vul@Genesis:35:26 @ filii Zelphae ancillae Liae Gad et Aser hii filii Iacob qui nati sunt ei in Mesopotamiam Syriae

vul@Genesis:35:27 @ venit etiam ad Isaac patrem suum in Mambre civitatem Arbee haec est Hebron in qua peregrinatus est Abraham et Isaac

vul@Genesis:35:28 @ et conpleti sunt dies Isaac centum octoginta annorum

vul@Genesis:35:29 @ consumptusque aetate mortuus est et adpositus populo suo senex et plenus dierum et sepelierunt eum Esau et Iacob filii sui

vul@Genesis:36:1 @ hae sunt autem generationes Esau ipse est Edom

vul@Genesis:36:2 @ Esau accepit uxores de filiabus Chanaan Ada filiam Elom Hetthei et Oolibama filiam Anae filiae Sebeon Evei

vul@Genesis:36:3 @ Basemath quoque filiam Ismahel sororem Nabaioth

vul@Genesis:36:4 @ peperit autem Ada Eliphaz Basemath genuit Rauhel

vul@Genesis:36:5 @ Oolibama edidit Hieus et Hielom et Core hii filii Esau qui nati sunt ei in terra Chanaan

vul@Genesis:36:6 @ tulit autem Esau uxores suas et filios et filias et omnem animam domus suae et substantiam et pecora et cuncta quae habere poterat in terra Chanaan et abiit in alteram regionem recessitque a fratre suo Iacob

vul@Genesis:36:7 @ divites enim erant valde et simul habitare non poterant nec sustinebat eos terra peregrinationis eorum prae multitudine gregum

vul@Genesis:36:8 @ habitavitque Esau in monte Seir ipse est Edom

vul@Genesis:36:9 @ hae sunt generationes Esau patris Edom in monte Seir

vul@Genesis:36:10 @ et haec nomina filiorum eius Eliphaz filius Ada uxoris Esau Rauhel quoque filius Basemath uxoris eius

vul@Genesis:36:11 @ fueruntque filii Eliphaz Theman Omar Sephu et Gatham et Cenez

vul@Genesis:36:12 @ erat autem Thamna concubina Eliphaz filii Esau quae peperit ei Amalech hii sunt filii Adae uxoris Esau

vul@Genesis:36:13 @ filii autem Rauhel Naath et Zara Semma et Meza hii filii Basemath uxoris Esau

vul@Genesis:36:14 @ isti quoque erant filii Oolibama filiae Ana filiae Sebeon uxoris Esau quos genuit ei Hieus et Hielom et Core

vul@Genesis:36:15 @ hii duces filiorum Esau filii Eliphaz primogeniti Esau dux Theman dux Omar dux Sephu dux Cenez

vul@Genesis:36:16 @ dux Core dux Gatham dux Amalech hii filii Eliphaz in terra Edom et hii filii Adae

vul@Genesis:36:17 @ hii quoque filii Rauhel filii Esau dux Naath dux Zara dux Semma dux Meza hii duces Rauhel in terra Edom isti filii Basemath uxoris Esau

vul@Genesis:36:18 @ hii autem filii Oolibama uxoris Esau dux Hieus dux Hielom dux Core hii duces Oolibama filiae Ana uxoris Esau

vul@Genesis:36:19 @ isti filii Esau et hii duces eorum ipse est Edom

vul@Genesis:36:20 @ isti filii Seir Horrei habitatores terrae Lotham et Sobal et Sebeon et Anan

vul@Genesis:36:21 @ Dison et Eser et Disan hii duces Horrei filii Seir in terra Edom

vul@Genesis:36:22 @ facti sunt autem filii Lotham Horrei et Heman erat autem soror Lotham Thamna

vul@Genesis:36:23 @ et isti filii Sobal Alvam et Maneeth et Hebal Sephi et Onam

vul@Genesis:36:24 @ et hii filii Sebeon Ahaia et Anam iste est Ana qui invenit aquas calidas in solitudine cum pasceret asinos Sebeon patris sui

vul@Genesis:36:25 @ habuitque filium Disan et filiam Oolibama

vul@Genesis:36:26 @ et isti filii Disan Amdan et Esban et Iethran et Charan

vul@Genesis:36:27 @ hii quoque filii Eser Balaan et Zevan et Acham

vul@Genesis:36:28 @ habuit autem filios Disan Hus et Aran

vul@Genesis:36:29 @ isti duces Horreorum dux Lothan dux Sobal dux Sebeon dux Ana

vul@Genesis:36:30 @ dux Dison dux Eser dux Disan isti duces Horreorum qui imperaverunt in terra Seir

vul@Genesis:36:31 @ reges autem qui regnaverunt in terra Edom antequam haberent regem filii Israhel fuerunt hii

vul@Genesis:36:32 @ Bale filius Beor nomenque urbis eius Denaba

vul@Genesis:36:33 @ mortuus est autem Bale et regnavit pro eo Iobab filius Zare de Bosra

vul@Genesis:36:34 @ cumque mortuus esset Iobab regnavit pro eo Husan de terra Themanorum

vul@Genesis:36:35 @ hoc quoque mortuo regnavit pro eo Adad filius Badadi qui percussit Madian in regione Moab et nomen urbis eius Ahuith

vul@Genesis:36:36 @ cumque mortuus esset Adad regnavit pro eo Semla de Maserecha

vul@Genesis:36:37 @ hoc quoque mortuo regnavit pro eo Saul de fluvio Rooboth

vul@Genesis:36:38 @ cumque et hic obisset successit in regnum Baalanam filius Achobor

vul@Genesis:36:39 @ isto quoque mortuo regnavit pro eo Adad nomenque urbis eius Phau et appellabatur uxor illius Meezabel filia Matred filiae Mizaab

vul@Genesis:36:40 @ haec ergo nomina Esau in cognationibus et locis et vocabulis suis dux Thamna dux Alva dux Ietheth

vul@Genesis:36:41 @ dux Oolibama dux Ela dux Phinon

vul@Genesis:36:42 @ dux Cenez dux Theman dux Mabsar

vul@Genesis:36:43 @ dux Mabdiel dux Iram hii duces Edom habitantes in terra imperii sui ipse est Esau pater Idumeorum

vul@Genesis:37:1 @ habitavit autem Iacob in terra Chanaan in qua peregrinatus est pater suus

vul@Genesis:37:2 @ et hae sunt generationes eius Ioseph cum sedecim esset annorum pascebat gregem cum fratribus suis adhuc puer et erat cum filiis Balae et Zelphae uxorum patris sui accusavitque fratres suos apud patrem crimine pessimo

vul@Genesis:37:3 @ Israhel autem diligebat Ioseph super omnes filios suos eo quod in senectute genuisset eum fecitque ei tunicam polymitam

vul@Genesis:37:4 @ videntes autem fratres eius quod a patre plus cunctis filiis amaretur oderant eum nec poterant ei quicquam pacificum loqui

vul@Genesis:37:5 @ accidit quoque ut visum somnium referret fratribus quae causa maioris odii seminarium fuit

vul@Genesis:37:6 @ dixitque ad eos audite somnium meum quod vidi

vul@Genesis:37:7 @ putabam ligare nos manipulos in agro et quasi consurgere manipulum meum et stare vestrosque manipulos circumstantes adorare manipulum meum

vul@Genesis:37:8 @ responderunt fratres eius numquid rex noster eris aut subiciemur dicioni tuae haec ergo causa somniorum atque sermonum invidiae et odii fomitem ministravit

vul@Genesis:37:9 @ aliud quoque vidit somnium quod narrans fratribus ait vidi per somnium quasi solem et lunam et stellas undecim adorare me

vul@Genesis:37:10 @ quod cum patri suo et fratribus rettulisset increpavit eum pater et dixit quid sibi vult hoc somnium quod vidisti num ego et mater tua et fratres adorabimus te super terram

vul@Genesis:37:11 @ invidebant igitur ei fratres sui pater vero rem tacitus considerabat

vul@Genesis:37:12 @ cumque fratres illius in pascendis gregibus patris morarentur in Sychem

vul@Genesis:37:13 @ dixit ad eum Israhel fratres tui pascunt oves in Sycimis veni mittam te ad eos quo respondente

vul@Genesis:37:14 @ praesto sum ait vade et vide si cuncta prospera sint erga fratres tuos et pecora et renuntia mihi quid agatur missus de valle Hebron venit in Sychem

vul@Genesis:37:15 @ invenitque eum vir errantem in agro et interrogavit quid quaereret

vul@Genesis:37:16 @ at ille respondit fratres meos quaero indica mihi ubi pascant greges

vul@Genesis:37:17 @ dixitque ei vir recesserunt de loco isto audivi autem eos dicentes eamus in Dothain perrexit ergo Ioseph post fratres suos et invenit eos in Dothain

vul@Genesis:37:18 @ qui cum vidissent eum procul antequam accederet ad eos cogitaverunt illum occidere

vul@Genesis:37:19 @ et mutuo loquebantur ecce somniator venit

vul@Genesis:37:20 @ venite occidamus eum et mittamus in cisternam veterem dicemusque fera pessima devoravit eum et tunc apparebit quid illi prosint somnia sua

vul@Genesis:37:21 @ audiens hoc Ruben nitebatur liberare eum de manibus eorum et dicebat

vul@Genesis:37:22 @ non interficiamus animam eius nec effundatis sanguinem sed proicite eum in cisternam hanc quae est in solitudine manusque vestras servate innoxias hoc autem dicebat volens eripere eum de manibus eorum et reddere patri suo

vul@Genesis:37:23 @ confestim igitur ut pervenit ad fratres nudaverunt eum tunica talari et polymita

vul@Genesis:37:24 @ miseruntque in cisternam quae non habebat aquam

vul@Genesis:37:25 @ et sedentes ut comederent panem viderunt viatores Ismahelitas venire de Galaad et camelos eorum portare aromata et resinam et stacten in Aegyptum

vul@Genesis:37:26 @ dixit ergo Iudas fratribus suis quid nobis prodest si occiderimus fratrem nostrum et celaverimus sanguinem ipsius

vul@Genesis:37:27 @ melius est ut vendatur Ismahelitis et manus nostrae non polluantur frater enim et caro nostra est adquieverunt fratres sermonibus eius

vul@Genesis:37:28 @ et praetereuntibus Madianitis negotiatoribus extrahentes eum de cisterna vendiderunt Ismahelitis viginti argenteis qui duxerunt eum in Aegyptum

vul@Genesis:37:29 @ reversusque Ruben ad cisternam non invenit puerum

vul@Genesis:37:30 @ et scissis vestibus pergens ad fratres ait puer non conparet et ego quo ibo

vul@Genesis:37:31 @ tulerunt autem tunicam eius et in sanguinem hedi quem occiderant tinxerunt

vul@Genesis:37:32 @ mittentes qui ferrent ad patrem et dicerent hanc invenimus vide utrum tunica filii tui sit an non

vul@Genesis:37:33 @ quam cum agnovisset pater ait tunica filii mei est fera pessima comedit eum bestia devoravit Ioseph

vul@Genesis:37:34 @ scissisque vestibus indutus est cilicio lugens filium multo tempore

vul@Genesis:37:35 @ congregatis autem cunctis liberis eius ut lenirent dolorem patris noluit consolationem recipere et ait descendam ad filium meum lugens in infernum et illo perseverante in fletu

vul@Genesis:37:36 @ Madianei vendiderunt Ioseph in Aegypto Putiphar eunucho Pharaonis magistro militiae

vul@Genesis:38:1 @ eo tempore descendens Iudas a fratribus suis divertit ad virum odollamitem nomine Hiram

vul@Genesis:38:2 @ viditque ibi filiam hominis chananei vocabulo Suae et uxore accepta ingressus est ad eam

vul@Genesis:38:3 @ quae concepit et peperit filium vocavitque nomen eius Her

vul@Genesis:38:4 @ rursum concepto fetu natum filium nominavit Onam

vul@Genesis:38:5 @ tertium quoque peperit quem appellavit Sela quo nato parere ultra cessavit

vul@Genesis:38:6 @ dedit autem Iudas uxorem primogenito suo Her nomine Thamar

vul@Genesis:38:7 @ fuitque Her primogenitus Iudae nequam in conspectu Domini et ab eo occisus est

vul@Genesis:38:8 @ dixit ergo Iudas ad Onam filium suum ingredere ad uxorem fratris tui et sociare illi ut suscites semen fratri tuo

vul@Genesis:38:9 @ ille sciens non sibi nasci filios introiens ad uxorem fratris sui semen fundebat in terram ne liberi fratris nomine nascerentur

vul@Genesis:38:10 @ et idcirco percussit eum Dominus quod rem detestabilem faceret

vul@Genesis:38:11 @ quam ob rem dixit Iudas Thamar nurui suae esto vidua in domo patris tui donec crescat Sela filius meus timebat enim ne et ipse moreretur sicut fratres eius quae abiit et habitavit in domo patris sui

vul@Genesis:38:12 @ evolutis autem multis diebus mortua est filia Suae uxor Iudae qui post luctum consolatione suscepta ascendebat ad tonsores ovium suarum ipse et Hiras opilio gregis Odollamita in Thamnas

vul@Genesis:38:13 @ nuntiatumque est Thamar quod socer illius ascenderet in Thamnas ad tondendas oves

vul@Genesis:38:14 @ quae depositis viduitatis vestibus adsumpsit theristrum et mutato habitu sedit in bivio itineris quod ducit Thamnam eo quod crevisset Sela et non eum accepisset maritum

vul@Genesis:38:15 @ quam cum vidisset Iudas suspicatus est esse meretricem operuerat enim vultum suum ne cognosceretur

vul@Genesis:38:16 @ ingrediensque ad eam ait dimitte me ut coeam tecum nesciebat enim quod nurus sua esset qua respondente quid mihi dabis ut fruaris concubitu meo

vul@Genesis:38:17 @ dixit mittam tibi hedum de gregibus rursum illa dicente patiar quod vis si dederis mihi arrabonem donec mittas quod polliceris

vul@Genesis:38:18 @ ait Iudas quid vis tibi pro arrabone dari respondit anulum tuum et armillam et baculum quem manu tenes ad unum igitur coitum concepit mulier

vul@Genesis:38:19 @ et surgens abiit depositoque habitu quem adsumpserat induta est viduitatis vestibus

vul@Genesis:38:20 @ misit autem Iudas hedum per pastorem suum Odollamitem ut reciperet pignus quod dederat mulieri qui cum non invenisset eam

vul@Genesis:38:21 @ interrogavit homines loci illius ubi est mulier quae sedebat in bivio respondentibus cunctis non fuit in loco isto meretrix

vul@Genesis:38:22 @ reversus est ad Iudam et dixit ei non inveni eam sed et homines loci illius dixerunt mihi numquam ibi sedisse scortum

vul@Genesis:38:23 @ ait Iudas habeat sibi certe mendacii nos arguere non poterit ego misi hedum quem promiseram et tu non invenisti eam

vul@Genesis:38:24 @ ecce autem post tres menses nuntiaverunt Iudae dicentes fornicata est Thamar nurus tua et videtur uterus illius intumescere dixit Iudas producite eam ut conburatur

vul@Genesis:38:25 @ quae cum educeretur ad poenam misit ad socerum suum dicens de viro cuius haec sunt concepi cognosce cuius sit anulus et armilla et baculus

vul@Genesis:38:26 @ qui agnitis muneribus ait iustior me est quia non tradidi eam Sela filio meo attamen ultra non cognovit illam

vul@Genesis:38:27 @ instante autem partu apparuerunt gemini in utero atque in ipsa effusione infantum unus protulit manum in qua obsetrix ligavit coccinum dicens

vul@Genesis:38:28 @ iste egreditur prior

vul@Genesis:38:29 @ illo vero retrahente manum egressus est alter dixitque mulier quare divisa est propter te maceria et ob hanc causam vocavit nomen eius Phares

vul@Genesis:38:30 @ postea egressus est frater in cuius manu erat coccinum quem appellavit Zara

vul@Genesis:39:1 @ igitur Ioseph ductus est in Aegyptum emitque eum Putiphar eunuchus Pharaonis princeps exercitus vir aegyptius de manu Ismahelitarum a quibus perductus erat

vul@Genesis:39:2 @ fuitque Dominus cum eo et erat vir in cunctis prospere agens habitabatque in domo domini sui

vul@Genesis:39:3 @ qui optime noverat esse Dominum cum eo et omnia quae gereret ab eo dirigi in manu illius

vul@Genesis:39:4 @ invenitque Ioseph gratiam coram domino suo et ministrabat ei a quo praepositus omnibus gubernabat creditam sibi domum et universa quae tradita fuerant

vul@Genesis:39:5 @ benedixitque Dominus domui Aegyptii propter Ioseph et multiplicavit tam in aedibus quam in agris cunctam eius substantiam

vul@Genesis:39:6 @ nec quicquam aliud noverat nisi panem quo vescebatur erat autem Ioseph pulchra facie et decorus aspectu

vul@Genesis:39:7 @ post multos itaque dies iecit domina oculos suos in Ioseph et ait dormi mecum

vul@Genesis:39:8 @ qui nequaquam adquiescens operi nefario dixit ad eam ecce dominus meus omnibus mihi traditis ignorat quid habeat in domo sua

vul@Genesis:39:9 @ nec quicquam est quod non in mea sit potestate vel non tradiderit mihi praeter te quae uxor eius es quomodo ergo possum malum hoc facere et peccare in Deum meum

vul@Genesis:39:10 @ huiuscemodi verbis per singulos dies et mulier molesta erat adulescenti et ille recusabat stuprum

vul@Genesis:39:11 @ accidit autem ut quadam die intraret Ioseph domum et operis quippiam absque arbitris faceret

vul@Genesis:39:12 @ et illa adprehensa lacinia vestimenti eius diceret dormi mecum qui relicto in manu illius pallio fugit et egressus est foras

vul@Genesis:39:13 @ cumque vidisset mulier vestem in manibus suis et se esse contemptam

vul@Genesis:39:14 @ vocavit homines domus suae et ait ad eos en introduxit virum hebraeum ut inluderet nobis ingressus est ad me ut coiret mecum cumque ego succlamassem

vul@Genesis:39:15 @ et audisset vocem meam reliquit pallium quod tenebam et fugit foras

vul@Genesis:39:16 @ in argumentum ergo fidei retentum pallium ostendit marito revertenti domum

vul@Genesis:39:17 @ et ait ingressus est ad me servus hebraeus quem adduxisti ut inluderet mihi

vul@Genesis:39:18 @ cumque vidisset me clamare reliquit pallium et fugit foras

vul@Genesis:39:19 @ his auditis dominus et nimium credulus verbis coniugis iratus est valde

vul@Genesis:39:20 @ tradiditque Ioseph in carcerem ubi vincti regis custodiebantur et erat ibi clausus

vul@Genesis:39:21 @ fuit autem Dominus cum Ioseph et misertus illius dedit ei gratiam in conspectu principis carceris

vul@Genesis:39:22 @ qui tradidit in manu ipsius universos vinctos qui in custodia tenebantur et quicquid fiebat sub ipso erat

vul@Genesis:39:23 @ nec noverat aliquid cunctis ei creditis Dominus enim erat cum illo et omnia eius opera dirigebat

vul@Genesis:40:1 @ his ita gestis accidit ut peccarent duo eunuchi pincerna regis Aegypti et pistor domino suo

vul@Genesis:40:2 @ iratusque Pharao contra eos nam alter pincernis praeerat alter pistoribus

vul@Genesis:40:3 @ misit eos in carcerem principis militum in quo erat vinctus et Ioseph

vul@Genesis:40:4 @ at custos carceris tradidit eos Ioseph qui et ministrabat eis aliquantum temporis fluxerat et illi in custodia tenebantur

vul@Genesis:40:5 @ videruntque ambo somnium nocte una iuxta interpretationem congruam sibi

vul@Genesis:40:6 @ ad quos cum introisset Ioseph mane et vidisset eos tristes

vul@Genesis:40:7 @ sciscitatus est dicens cur tristior est hodie solito facies vestra

vul@Genesis:40:8 @ qui responderunt somnium vidimus et non est qui interpretetur nobis dixitque ad eos Ioseph numquid non Dei est interpretatio referte mihi quid videritis

vul@Genesis:40:9 @ narravit prior praepositus pincernarum somnium videbam coram me vitem

vul@Genesis:40:10 @ in qua erant tres propagines crescere paulatim gemmas et post flores uvas maturescere

vul@Genesis:40:11 @ calicemque Pharaonis in manu mea tuli ergo uvas et expressi in calicem quem tenebam et tradidi poculum Pharaoni

vul@Genesis:40:12 @ respondit Ioseph haec est interpretatio somnii tres propagines tres adhuc dies sunt

vul@Genesis:40:13 @ post quos recordabitur Pharao magisterii tui et restituet te in gradum pristinum dabisque ei calicem iuxta officium tuum sicut facere ante consueveras

vul@Genesis:40:14 @ tantum memento mei cum tibi bene fuerit et facies mecum misericordiam ut suggeras Pharaoni et educat me de isto carcere

vul@Genesis:40:15 @ quia furto sublatus sum de terra Hebraeorum et hic innocens in lacum missus sum

vul@Genesis:40:16 @ videns pistorum magister quod prudenter somnium dissolvisset ait et ego vidi somnium quod haberem tria canistra farinae super caput meum

vul@Genesis:40:17 @ et in uno canistro quod erat excelsius portare me omnes cibos qui fiunt arte pistoria avesque comedere ex eo

vul@Genesis:40:18 @ respondit Ioseph haec est interpretatio somnii tria canistra tres adhuc dies sunt

vul@Genesis:40:19 @ post quos auferet Pharao caput tuum ac suspendet te in cruce et lacerabunt volucres carnes tuas

vul@Genesis:40:20 @ exin dies tertius natalicius Pharaonis erat qui faciens grande convivium pueris suis recordatus est inter epulas magistri pincernarum et pistorum principis

vul@Genesis:40:21 @ restituitque alterum in locum suum ut porrigeret regi poculum

vul@Genesis:40:22 @ alterum suspendit in patibulo ut coniectoris veritas probaretur

vul@Genesis:40:23 @ et tamen succedentibus prosperis praepositus pincernarum oblitus est interpretis sui

vul@Genesis:41:1 @ post duos annos vidit Pharao somnium putabat se stare super fluvium

vul@Genesis:41:2 @ de quo ascendebant septem boves pulchrae et crassae nimis et pascebantur in locis palustribus

vul@Genesis:41:3 @ aliae quoque septem emergebant de flumine foedae confectaeque macie et pascebantur in ipsa amnis ripa in locis virentibus

vul@Genesis:41:4 @ devoraveruntque eas quarum mira species et habitudo corporum erat expergefactus Pharao

vul@Genesis:41:5 @ rursum dormivit et vidit alterum somnium septem spicae pullulabant in culmo uno plenae atque formonsae

vul@Genesis:41:6 @ aliae quoque totidem spicae tenues et percussae uredine oriebantur

vul@Genesis:41:7 @ devorantes omnem priorum pulchritudinem evigilans post quietem

vul@Genesis:41:8 @ et facto mane pavore perterritus misit ad coniectores Aegypti cunctosque sapientes et accersitis narravit somnium nec erat qui interpretaretur

vul@Genesis:41:9 @ tunc demum reminiscens pincernarum magister ait confiteor peccatum meum

vul@Genesis:41:10 @ iratus rex servis suis me et magistrum pistorum retrudi iussit in carcerem principis militum

vul@Genesis:41:11 @ ubi una nocte uterque vidimus somnium praesagum futurorum

vul@Genesis:41:12 @ erat ibi puer hebraeus eiusdem ducis militum famulus cui narrantes somnia

vul@Genesis:41:13 @ audivimus quicquid postea rei probavit eventus ego enim redditus sum officio meo et ille suspensus est in cruce

vul@Genesis:41:14 @ protinus ad regis imperium eductum de carcere Ioseph totonderunt ac veste mutata obtulerunt ei

vul@Genesis:41:15 @ cui ille ait vidi somnia nec est qui edisserat quae audivi te prudentissime conicere

vul@Genesis:41:16 @ respondit Ioseph absque me Deus respondebit prospera Pharaoni

vul@Genesis:41:17 @ narravit ergo ille quod viderat putabam me stare super ripam fluminis

vul@Genesis:41:18 @ et septem boves de amne conscendere pulchras nimis et obesis carnibus quae in pastu paludis virecta carpebant

vul@Genesis:41:19 @ et ecce has sequebantur aliae septem boves in tantum deformes et macilentae ut numquam tales in terra Aegypti viderim

vul@Genesis:41:20 @ quae devoratis et consumptis prioribus

vul@Genesis:41:21 @ nullum saturitatis dedere vestigium sed simili macie et squalore torpebant evigilans rursum sopore depressus

vul@Genesis:41:22 @ vidi somnium septem spicae pullulabant in culmo uno plenae atque pulcherrimae

vul@Genesis:41:23 @ aliae quoque septem tenues et percussae uredine oriebantur stipula

vul@Genesis:41:24 @ quae priorum pulchritudinem devorarunt narravi coniectoribus somnium et nemo est qui edisserat

vul@Genesis:41:25 @ respondit Ioseph somnium regis unum est quae facturus est Deus ostendit Pharaoni

vul@Genesis:41:26 @ septem boves pulchrae et septem spicae plenae septem ubertatis anni sunt eandemque vim somnii conprehendunt

vul@Genesis:41:27 @ septem quoque boves tenues atque macilentae quae ascenderunt post eas et septem spicae tenues et vento urente percussae septem anni sunt venturae famis

vul@Genesis:41:28 @ qui hoc ordine conplebuntur

vul@Genesis:41:29 @ ecce septem anni venient fertilitatis magnae in universa terra Aegypti

vul@Genesis:41:30 @ quos sequentur septem anni alii tantae sterilitatis ut oblivioni tradatur cuncta retro abundantia consumptura est enim fames omnem terram

vul@Genesis:41:31 @ et ubertatis magnitudinem perditura inopiae magnitudo

vul@Genesis:41:32 @ quod autem vidisti secundo ad eandem rem pertinens somnium firmitatis indicium est eo quod fiat sermo Dei et velocius impleatur

vul@Genesis:41:33 @ nunc ergo provideat rex virum sapientem et industrium et praeficiat eum terrae Aegypti

vul@Genesis:41:34 @ qui constituat praepositos per singulas regiones et quintam partem fructuum per septem annos fertilitatis

vul@Genesis:41:35 @ qui iam nunc futuri sunt congreget in horrea et omne frumentum sub Pharaonis potestate condatur serveturque in urbibus

vul@Genesis:41:36 @ et paretur futurae septem annorum fami quae pressura est Aegyptum et non consumetur terra inopia

vul@Genesis:41:37 @ placuit Pharaoni consilium et cunctis ministris eius

vul@Genesis:41:38 @ locutusque est ad eos num invenire poterimus talem virum qui spiritu Dei plenus sit

vul@Genesis:41:39 @ dixit ergo ad Ioseph quia ostendit Deus tibi omnia quae locutus es numquid sapientiorem et similem tui invenire potero

vul@Genesis:41:40 @ tu eris super domum meam et ad tui oris imperium cunctus populus oboediet uno tantum regni solio te praecedam

vul@Genesis:41:41 @ dicens quoque rursum Pharao ad Ioseph ecce constitui te super universam terram Aegypti

vul@Genesis:41:42 @ tulit anulum de manu sua et dedit in manu eius vestivitque eum stola byssina et collo torquem auream circumposuit

vul@Genesis:41:43 @ fecitque ascendere super currum suum secundum clamante praecone ut omnes coram eo genuflecterent et praepositum esse scirent universae terrae Aegypti

vul@Genesis:41:44 @ dixit quoque rex ad Ioseph ego sum Pharao absque tuo imperio non movebit quisquam manum aut pedem in omni terra Aegypti

vul@Genesis:41:45 @ vertitque nomen illius et vocavit eum lingua aegyptiaca Salvatorem mundi dedit quoque illi uxorem Aseneth filiam Putiphare sacerdotis Heliopoleos egressus itaque Ioseph ad terram Aegypti

vul@Genesis:41:46 @ triginta autem erat annorum quando stetit in conspectu regis Pharaonis circuivit omnes regiones Aegypti

vul@Genesis:41:47 @ venitque fertilitas septem annorum et in manipulos redactae segetes congregatae sunt in horrea Aegypti

vul@Genesis:41:48 @ omnis etiam frugum abundantia in singulis urbibus condita est

vul@Genesis:41:49 @ tantaque fuit multitudo tritici ut harenae maris coaequaretur et copia mensuram excederet

vul@Genesis:41:50 @ nati sunt autem Ioseph filii duo antequam veniret fames quos ei peperit Aseneth filia Putiphare sacerdotis Heliopoleos

vul@Genesis:41:51 @ vocavitque nomen primogeniti Manasse dicens oblivisci me fecit Deus omnium laborum meorum et domum patris mei

vul@Genesis:41:52 @ nomen quoque secundi appellavit Ephraim dicens crescere me fecit Deus in terra paupertatis meae

vul@Genesis:41:53 @ igitur transactis septem annis ubertatis qui fuerant in Aegypto

vul@Genesis:41:54 @ coeperunt venire septem anni inopiae quos praedixerat Ioseph et in universo orbe fames praevaluit in cuncta autem terra Aegypti erat panis

vul@Genesis:41:55 @ qua esuriente clamavit populus ad Pharaonem alimenta petens quibus ille respondit ite ad Ioseph et quicquid vobis dixerit facite

vul@Genesis:41:56 @ crescebat autem cotidie fames in omni terra aperuitque Ioseph universa horrea et vendebat Aegyptiis nam et illos oppresserat fames

vul@Genesis:41:57 @ omnesque provinciae veniebant in Aegyptum ut emerent escas et malum inopiae temperarent

vul@Genesis:42:1 @ audiens autem Iacob quod alimenta venderentur in Aegypto dixit filiis suis quare neglegitis

vul@Genesis:42:2 @ audivi quod triticum venundetur in Aegypto descendite et emite nobis necessaria ut possimus vivere et non consumamur inopia

vul@Genesis:42:3 @ descendentes igitur fratres Ioseph decem ut emerent frumenta in Aegypto

vul@Genesis:42:4 @ Beniamin domi retento ab Iacob qui dixerat fratribus eius ne forte in itinere quicquam patiatur mali

vul@Genesis:42:5 @ ingressi sunt terram Aegypti cum aliis qui pergebant ad emendum erat autem fames in terra Chanaan

vul@Genesis:42:6 @ et Ioseph princeps Aegypti atque ad illius nutum frumenta populis vendebantur cumque adorassent eum fratres sui

vul@Genesis:42:7 @ et agnovisset eos quasi ad alienos durius loquebatur interrogans eos unde venistis qui responderunt de terra Chanaan ut emamus victui necessaria

vul@Genesis:42:8 @ et tamen fratres ipse cognoscens non est agnitus ab eis

vul@Genesis:42:9 @ recordatusque somniorum quae aliquando viderat ait exploratores estis ut videatis infirmiora terrae venistis

vul@Genesis:42:10 @ qui dixerunt non est ita domine sed servi tui venerunt ut emerent cibos

vul@Genesis:42:11 @ omnes filii unius viri sumus pacifici venimus nec quicquam famuli tui machinantur mali

vul@Genesis:42:12 @ quibus ille respondit aliter est inmunita terrae huius considerare venistis

vul@Genesis:42:13 @ et illi duodecim inquiunt servi tui fratres sumus filii viri unius in terra Chanaan minimus cum patre nostro est alius non est super

vul@Genesis:42:14 @ hoc est ait quod locutus sum exploratores estis

vul@Genesis:42:15 @ iam nunc experimentum vestri capiam per salutem Pharaonis non egrediemini hinc donec veniat frater vester minimus

vul@Genesis:42:16 @ mittite e vobis unum et adducat eum vos autem eritis in vinculis donec probentur quae dixistis utrum falsa an vera sint alioquin per salutem Pharaonis exploratores estis

vul@Genesis:42:17 @ tradidit ergo eos custodiae tribus diebus

vul@Genesis:42:18 @ die autem tertio eductis de carcere ait facite quod dixi et vivetis Deum enim timeo

vul@Genesis:42:19 @ si pacifici estis frater vester unus ligetur in carcere vos autem abite et ferte frumenta quae emistis in domos vestras

vul@Genesis:42:20 @ et fratrem vestrum minimum ad me adducite ut possim vestros probare sermones et non moriamini fecerunt ut dixerat

vul@Genesis:42:21 @ et locuti sunt invicem merito haec patimur quia peccavimus in fratrem nostrum videntes angustiam animae illius cum deprecaretur nos et non audivimus idcirco venit super nos ista tribulatio

vul@Genesis:42:22 @ e quibus unus Ruben ait numquid non dixi vobis nolite peccare in puerum et non audistis me en sanguis eius exquiritur

vul@Genesis:42:23 @ nesciebant autem quod intellegeret Ioseph eo quod per interpretem loquebatur ad eos

vul@Genesis:42:24 @ avertitque se parumper et flevit et reversus locutus est ad eos

vul@Genesis:42:25 @ tollens Symeon et ligans illis praesentibus iussitque ministris ut implerent saccos eorum tritico et reponerent pecunias singulorum in sacculis suis datis supra cibariis in via qui fecerunt ita

vul@Genesis:42:26 @ at illi portantes frumenta in asinis profecti sunt

vul@Genesis:42:27 @ apertoque unus sacco ut daret iumento pabulum in diversorio contemplatus pecuniam in ore sacculi

vul@Genesis:42:28 @ dixit fratribus suis reddita est mihi pecunia en habetur in sacco et obstupefacti turbatique dixerunt mutuo quidnam est hoc quod fecit nobis Deus

vul@Genesis:42:29 @ veneruntque ad Iacob patrem suum in terra Chanaan et narraverunt ei omnia quae accidissent sibi dicentes

vul@Genesis:42:30 @ locutus est nobis dominus terrae dure et putavit nos exploratores provinciae

vul@Genesis:42:31 @ cui respondimus pacifici sumus nec ullas molimur insidias

vul@Genesis:42:32 @ duodecim fratres uno patre geniti sumus unus non est super minimus cum patre versatur in terra Chanaan

vul@Genesis:42:33 @ qui ait nobis sic probabo quod pacifici sitis fratrem vestrum unum dimittite apud me et cibaria domibus vestris necessaria sumite et abite

vul@Genesis:42:34 @ fratremque vestrum minimum adducite ad me ut sciam quod non sitis exploratores et istum qui tenetur in vinculis recipere possitis ac deinceps emendi quae vultis habeatis licentiam

vul@Genesis:42:35 @ his dictis cum frumenta effunderent singuli reppererunt in ore saccorum ligatas pecunias exterritisque simul omnibus

vul@Genesis:42:36 @ dixit pater Iacob absque liberis me esse fecistis Ioseph non est super Symeon tenetur in vinculis Beniamin auferetis in me haec mala omnia reciderunt

vul@Genesis:42:37 @ cui respondit Ruben duos filios meos interfice si non reduxero illum tibi trade in manu mea et ego eum restituam

vul@Genesis:42:38 @ at ille non descendet inquit filius meus vobiscum frater eius mortuus est ipse solus remansit si quid ei adversi acciderit in terra ad quam pergitis deducetis canos meos cum dolore ad inferos

vul@Genesis:43:1 @ interim fames omnem terram vehementer premebat

vul@Genesis:43:2 @ consumptisque cibis quos ex Aegypto detulerant dixit Iacob ad filios suos revertimini et emite pauxillum escarum

vul@Genesis:43:3 @ respondit Iudas denuntiavit nobis vir ille sub testificatione iurandi dicens non videbitis faciem meam nisi fratrem vestrum minimum adduxeritis vobiscum

vul@Genesis:43:4 @ si ergo vis mittere eum nobiscum pergemus pariter et ememus tibi necessaria

vul@Genesis:43:5 @ si autem non vis non ibimus vir enim ut saepe diximus denuntiavit nobis dicens non videbitis faciem meam absque fratre vestro minimo

vul@Genesis:43:6 @ dixit eis Israhel in meam hoc fecistis miseriam ut indicaretis ei et alium habere vos fratrem

vul@Genesis:43:7 @ at illi responderunt interrogavit nos homo per ordinem nostram progeniem si pater viveret si haberemus fratrem et nos respondimus ei consequenter iuxta id quod fuerat sciscitatus numquid scire poteramus quod dicturus esset adducite vobiscum fratrem vestrum

vul@Genesis:43:8 @ Iudas quoque dixit patri suo mitte puerum mecum ut proficiscamur et possimus vivere ne moriamur nos et parvuli nostri

vul@Genesis:43:9 @ ego suscipio puerum de manu mea require illum nisi reduxero et tradidero eum tibi ero peccati in te reus omni tempore

vul@Genesis:43:10 @ si non intercessisset dilatio iam vice altera venissemus

vul@Genesis:43:11 @ igitur Israhel pater eorum dixit ad eos si sic necesse est facite quod vultis sumite de optimis terrae fructibus in vasis vestris et deferte viro munera modicum resinae et mellis et styracis et stactes et terebinthi et amigdalarum

vul@Genesis:43:12 @ pecuniamque duplicem ferte vobiscum et illam quam invenistis in sacculis reportate ne forte errore factum sit

vul@Genesis:43:13 @ sed et fratrem vestrum tollite et ite ad virum

vul@Genesis:43:14 @ Deus autem meus omnipotens faciat vobis eum placabilem et remittat vobiscum fratrem vestrum quem tenet et hunc Beniamin ego autem quasi orbatus absque liberis ero

vul@Genesis:43:15 @ tulerunt ergo viri munera et pecuniam duplicem et Beniamin descenderuntque in Aegyptum et steterunt coram Ioseph

vul@Genesis:43:16 @ quos cum ille vidisset et Beniamin simul praecepit dispensatori domus suae dicens introduc viros domum et occide victimas et instrue convivium quoniam mecum sunt comesuri meridie

vul@Genesis:43:17 @ fecit ille sicut fuerat imperatum et introduxit viros domum

vul@Genesis:43:18 @ ibique exterriti dixerunt mutuo propter pecuniam quam rettulimus prius in saccis nostris introducti sumus ut devolvat in nos calumniam et violenter subiciat servituti et nos et asinos nostros

vul@Genesis:43:19 @ quam ob rem in ipsis foribus accedentes ad dispensatorem

vul@Genesis:43:20 @ locuti sunt oramus domine ut audias iam ante descendimus ut emeremus escas

vul@Genesis:43:21 @ quibus emptis cum venissemus ad diversorium aperuimus sacculos nostros et invenimus pecuniam in ore saccorum quam nunc eodem pondere reportamus

vul@Genesis:43:22 @ sed et aliud adtulimus argentum ut emamus quae necessaria sunt non est in nostra conscientia quis eam posuerit in marsuppiis nostris

vul@Genesis:43:23 @ at ille respondit pax vobiscum nolite timere Deus vester et Deus patris vestri dedit vobis thesauros in sacculis vestris nam pecuniam quam dedistis mihi probatam ego habeo eduxitque ad eos Symeon

vul@Genesis:43:24 @ et introductis domum adtulit aquam et laverunt pedes suos deditque pabula asinis eorum

vul@Genesis:43:25 @ illi vero parabant munera donec ingrederetur Ioseph meridie audierant enim quod ibi comesuri essent panem

vul@Genesis:43:26 @ igitur ingressus est Ioseph domum suam obtuleruntque ei munera tenentes in manibus et adoraverunt proni in terram

vul@Genesis:43:27 @ at ille clementer resalutatis eis interrogavit dicens salvusne est pater vester senex de quo dixeratis mihi adhuc vivit

vul@Genesis:43:28 @ qui responderunt sospes est servus tuus pater noster adhuc vivit et incurvati adoraverunt eum

vul@Genesis:43:29 @ adtollens autem oculos Ioseph vidit Beniamin fratrem suum uterinum et ait iste est frater vester parvulus de quo dixeratis mihi et rursum Deus inquit misereatur tui fili mi

vul@Genesis:43:30 @ festinavitque quia commota fuerant viscera eius super fratre suo et erumpebant lacrimae et introiens cubiculum flevit

vul@Genesis:43:31 @ rursusque lota facie egressus continuit se et ait ponite panes

vul@Genesis:43:32 @ quibus adpositis seorsum Ioseph et seorsum fratribus Aegyptiis quoque qui vescebantur simul seorsum inlicitum est enim Aegyptiis comedere cum Hebraeis et profanum putant huiuscemodi convivium

vul@Genesis:43:33 @ sederunt coram eo primogenitus iuxta primogenita sua et minimus iuxta aetatem suam et mirabantur nimis

vul@Genesis:43:34 @ sumptis partibus quas ab eo acceperant maiorque pars venit Beniamin ita ut quinque partibus excederet biberuntque et inebriati sunt cum eo

vul@Genesis:44:1 @ praecepit autem Ioseph dispensatori domus suae dicens imple saccos eorum frumento quantum possunt capere et pone pecuniam singulorum in summitate sacci

vul@Genesis:44:2 @ scyphum autem meum argenteum et pretium quod dedit tritici pone in ore sacci iunioris factumque est ita

vul@Genesis:44:3 @ et orto mane dimissi sunt cum asinis suis

vul@Genesis:44:4 @ iamque urbem exierant et processerant paululum tum Ioseph arcessito dispensatore domus surge inquit persequere viros et adprehensis dicito quare reddidistis malum pro bono

vul@Genesis:44:5 @ scyphum quem furati estis ipse est in quo bibit dominus meus et in quo augurari solet pessimam rem fecistis

vul@Genesis:44:6 @ fecit ille ut iusserat et adprehensis per ordinem locutus est

vul@Genesis:44:7 @ qui responderunt quare sic loquitur dominus noster ut servi tui tantum flagitii commiserint

vul@Genesis:44:8 @ pecuniam quam invenimus in summitate saccorum reportavimus ad te de terra Chanaan et quomodo consequens est ut furati simus de domo domini tui aurum vel argentum

vul@Genesis:44:9 @ apud quemcumque fuerit inventum servorum tuorum quod quaeris moriatur et nos servi erimus domini nostri

vul@Genesis:44:10 @ qui dixit fiat iuxta vestram sententiam apud quem fuerit inventum ipse sit servus meus vos autem eritis innoxii

vul@Genesis:44:11 @ itaque festinato deponentes in terram saccos aperuerunt singuli

vul@Genesis:44:12 @ quos scrutatus incipiens a maiore usque ad minimum invenit scyphum in sacco Beniamin

vul@Genesis:44:13 @ at illi scissis vestibus oneratisque rursum asinis reversi sunt in oppidum

vul@Genesis:44:14 @ primusque Iudas cum fratribus ingressus est ad Ioseph necdum enim de loco abierat omnesque ante eum in terra pariter corruerunt

vul@Genesis:44:15 @ quibus ille ait cur sic agere voluistis an ignoratis quod non sit similis mei in augurandi scientia

vul@Genesis:44:16 @ cui Iudas quid respondebimus inquit domino meo vel quid loquemur aut iusti poterimus obtendere Deus invenit iniquitatem servorum tuorum en omnes servi sumus domini mei et nos et apud quem inventus est scyphus

vul@Genesis:44:17 @ respondit Ioseph absit a me ut sic agam qui furatus est scyphum ipse sit servus meus vos autem abite liberi ad patrem vestrum

vul@Genesis:44:18 @ accedens propius Iudas confidenter ait oro domine mi loquatur servus tuus verbum in auribus tuis et ne irascaris famulo tuo tu es enim post Pharaonem

vul@Genesis:44:19 @ dominus meus interrogasti prius servos tuos habetis patrem aut fratrem

vul@Genesis:44:20 @ et nos respondimus tibi domino meo est nobis pater senex et puer parvulus qui in senecta illius natus est cuius uterinus frater est mortuus et ipsum solum habet mater sua pater vero tenere diligit eum

vul@Genesis:44:21 @ dixistique servis tuis adducite eum ad me et ponam oculos meos super illum

vul@Genesis:44:22 @ suggessimus domino meo non potest puer relinquere patrem suum si enim illum dimiserit morietur

vul@Genesis:44:23 @ et dixisti servis tuis nisi venerit frater vester minimus vobiscum non videbitis amplius faciem meam

vul@Genesis:44:24 @ cum ergo ascendissemus ad famulum tuum patrem nostrum narravimus ei omnia quae locutus est dominus meus

vul@Genesis:44:25 @ et dixit pater noster revertimini et emite nobis parum tritici

vul@Genesis:44:26 @ cui diximus ire non possumus si frater noster minimus descendet nobiscum proficiscemur simul alioquin illo absente non audemus videre faciem viri

vul@Genesis:44:27 @ atque ille respondit vos scitis quod duos genuerit mihi uxor mea

vul@Genesis:44:28 @ egressus est unus et dixistis bestia devoravit eum et hucusque non conparet

vul@Genesis:44:29 @ si tuleritis et istum et aliquid ei in via contigerit deducetis canos meos cum maerore ad inferos

vul@Genesis:44:30 @ igitur si intravero ad servum tuum patrem nostrum et puer defuerit cum anima illius ex huius anima pendeat

vul@Genesis:44:31 @ videritque eum non esse nobiscum morietur et deducent famuli tui canos eius cum dolore ad inferos

vul@Genesis:44:32 @ ego proprie servus tuus qui in meam hunc recepi fidem et spopondi dicens nisi reduxero eum peccati reus ero in patrem meum omni tempore

vul@Genesis:44:33 @ manebo itaque servus tuus pro puero in ministerium domini mei et puer ascendat cum fratribus suis

vul@Genesis:44:34 @ non enim possum redire ad patrem absente puero ne calamitatis quae oppressura est patrem meum testis adsistam

vul@Genesis:45:1 @ non se poterat ultra cohibere Ioseph multis coram adstantibus unde praecepit ut egrederentur cuncti foras et nullus interesset alienus agnitioni mutuae

vul@Genesis:45:2 @ elevavitque vocem cum fletu quam audierunt Aegyptii omnisque domus Pharaonis

vul@Genesis:45:3 @ et dixit fratribus suis ego sum Ioseph adhuc pater meus vivit nec poterant respondere fratres nimio timore perterriti

vul@Genesis:45:4 @ ad quos ille clementer accedite inquit ad me et cum accessissent prope ego sum ait Ioseph frater vester quem vendidistis in Aegypto

vul@Genesis:45:5 @ nolite pavere nec vobis durum esse videatur quod vendidistis me in his regionibus pro salute enim vestra misit me Deus ante vos in Aegyptum

vul@Genesis:45:6 @ biennium est quod fames esse coepit in terra et adhuc quinque anni restant quibus nec arari poterit nec meti

vul@Genesis:45:7 @ praemisitque me Deus ut reservemini super terram et escas ad vivendum habere possitis

vul@Genesis:45:8 @ non vestro consilio sed Dei huc voluntate missus sum qui fecit me quasi patrem Pharaonis et dominum universae domus eius ac principem in omni terra Aegypti

vul@Genesis:45:9 @ festinate et ascendite ad patrem meum et dicetis ei haec mandat filius tuus Ioseph Deus me fecit dominum universae terrae Aegypti descende ad me ne moreris

vul@Genesis:45:10 @ et habita in terra Gessen erisque iuxta me tu et filii tui et filii filiorum tuorum oves tuae et armenta tua et universa quae possides

vul@Genesis:45:11 @ ibique te pascam adhuc enim quinque anni residui sunt famis ne et tu pereas et domus tua et omnia quae possides

vul@Genesis:45:12 @ en oculi vestri et oculi fratris mei Beniamin vident quod os meum loquatur ad vos

vul@Genesis:45:13 @ nuntiate patri meo universam gloriam meam et cuncta quae vidistis in Aegypto festinate et adducite eum ad me

vul@Genesis:45:14 @ cumque amplexatus recidisset in collum Beniamin fratris sui flevit illo quoque flente similiter super collum eius

vul@Genesis:45:15 @ osculatusque est Ioseph omnes fratres suos et ploravit super singulos post quae ausi sunt loqui ad eum

vul@Genesis:45:16 @ auditumque est et celebri sermone vulgatum in aula regis venerunt fratres Ioseph et gavisus est Pharao atque omnis familia eius

vul@Genesis:45:17 @ dixitque ad Ioseph ut imperaret fratribus suis dicens onerantes iumenta ite in terram Chanaan

vul@Genesis:45:18 @ et tollite inde patrem vestrum et cognationem et venite ad me et ego dabo vobis omnia bona Aegypti ut comedatis medullam terrae

vul@Genesis:45:19 @ praecipe etiam ut tollant plaustra de terra Aegypti ad subvectionem parvulorum suorum et coniugum ac dicito tollite patrem vestrum et properate quantocius venientes

vul@Genesis:45:20 @ ne dimittatis quicquam de supellectili vestra quia omnes opes Aegypti vestrae erunt

vul@Genesis:45:21 @ fecerunt filii Israhel ut eis mandatum fuerat quibus dedit Ioseph plaustra secundum Pharaonis imperium et cibaria in itinere

vul@Genesis:45:22 @ singulisque proferri iussit binas stolas Beniamin vero dedit trecentos argenteos cum quinque stolis optimis

vul@Genesis:45:23 @ tantundem pecuniae et vestium mittens patri suo addens eis asinos decem qui subveherent ex omnibus divitiis Aegypti et totidem asinas triticum in itinere panesque portantes

vul@Genesis:45:24 @ dimisit ergo fratres suos et proficiscentibus ait ne irascamini in via

vul@Genesis:45:25 @ qui ascendentes ex Aegypto venerunt in terram Chanaan ad patrem suum Iacob

vul@Genesis:45:26 @ et nuntiaverunt ei dicentes Ioseph vivit et ipse dominatur in omni terra Aegypti quo audito quasi de gravi somno evigilans tamen non credebat eis

vul@Genesis:45:27 @ illi contra referebant omnem ordinem rei cumque vidisset plaustra et universa quae miserat revixit spiritus eius

vul@Genesis:45:28 @ et ait sufficit mihi si adhuc Ioseph filius meus vivit vadam et videbo illum antequam moriar

vul@Genesis:46:1 @ profectusque Israhel cum omnibus quae habebat venit ad puteum Iuramenti et mactatis ibi victimis Deo patris sui Isaac

vul@Genesis:46:2 @ audivit eum per visionem nocte vocantem se et dicentem sibi Iacob Iacob cui respondit ecce adsum

vul@Genesis:46:3 @ ait illi Deus ego sum Fortissimus Deus patris tui noli timere et descende in Aegyptum quia in gentem magnam faciam te ibi

vul@Genesis:46:4 @ ego descendam tecum illuc et ego inde adducam te revertentem Ioseph quoque ponet manum suam super oculos tuos

vul@Genesis:46:5 @ surrexit Iacob a puteo Iuramenti tuleruntque eum filii cum parvulis et uxoribus suis in plaustris quae miserat Pharao ad portandum senem

vul@Genesis:46:6 @ et omnia quae possederat in terra Chanaan venitque in Aegyptum cum omni semine suo

vul@Genesis:46:7 @ filii eius et nepotes filiae et cuncta simul progenies

vul@Genesis:46:8 @ haec sunt autem nomina filiorum Israhel qui ingressi sunt in Aegyptum ipse cum liberis suis primogenitus Ruben

vul@Genesis:46:9 @ filii Ruben Enoch et Phallu et Esrom et Charmi

vul@Genesis:46:10 @ filii Symeon Iemuhel et Iamin et Ahod et Iachin et Saher et Saul filius Chananitidis

vul@Genesis:46:11 @ filii Levi Gerson Caath et Merari

vul@Genesis:46:12 @ filii Iuda Her et Onan et Sela et Phares et Zara mortui sunt autem Her et Onan in terra Chanaan natique sunt filii Phares Esrom et Amul

vul@Genesis:46:13 @ filii Isachar Thola et Phua et Iob et Semron

vul@Genesis:46:14 @ filii Zabulon Sared et Helon et Iahelel

vul@Genesis:46:15 @ hii filii Liae quos genuit in Mesopotamiam Syriae cum Dina filia sua omnes animae filiorum eius et filiarum triginta tres

vul@Genesis:46:16 @ filii Gad Sephion et Haggi Suni et Esebon Heri et Arodi et Areli

vul@Genesis:46:17 @ filii Aser Iamne et Iesua et Iesui et Beria Sara quoque soror eorum filii Beria Heber et Melchihel

vul@Genesis:46:18 @ hii filii Zelphae quam dedit Laban Liae filiae suae et hos genuit Iacob sedecim animas

vul@Genesis:46:19 @ filii Rahel uxoris Iacob Ioseph et Beniamin

vul@Genesis:46:20 @ natique sunt Ioseph filii in terra Aegypti quos genuit ei Aseneth filia Putiphare sacerdotis Heliopoleos Manasses et Ephraim

vul@Genesis:46:21 @ filii Beniamin Bela et Bechor et Asbel Gera et Naaman et Ehi et Ros Mophim et Opphim et Ared

vul@Genesis:46:22 @ hii filii Rahel quos genuit Iacob omnes animae quattuordecim

vul@Genesis:46:23 @ filii Dan Usim

vul@Genesis:46:24 @ filii Nepthalim Iasihel et Guni et Hieser et Sallem

vul@Genesis:46:25 @ hii filii Balae quam dedit Laban Raheli filiae suae et hos genuit Iacob omnes animae septem

vul@Genesis:46:26 @ cunctae animae quae ingressae sunt cum Iacob in Aegyptum et egressae de femore illius absque uxoribus filiorum sexaginta sex

vul@Genesis:46:27 @ filii autem Ioseph qui nati sunt ei in terra Aegypti animae duae omnis anima domus Iacob quae ingressa est Aegyptum fuere septuaginta

vul@Genesis:46:28 @ misit autem Iudam ante se ad Ioseph ut nuntiaret ei et ille occurreret in Gessen

vul@Genesis:46:29 @ quo cum pervenisset iuncto Ioseph curru suo ascendit obviam patri ad eundem locum vidensque eum inruit super collum eius et inter amplexus flevit

vul@Genesis:46:30 @ dixitque pater ad Ioseph iam laetus moriar quia vidi faciem tuam et superstitem te relinquo

vul@Genesis:46:31 @ et ille locutus est ad fratres et ad omnem domum patris sui ascendam et nuntiabo Pharaoni dicamque ei fratres mei et domus patris mei qui erant in terra Chanaan venerunt ad me

vul@Genesis:46:32 @ et sunt viri pastores ovium curamque habent alendorum gregum pecora sua et armenta et omnia quae habere potuerunt adduxerunt secum

vul@Genesis:46:33 @ cumque vocaverit vos et dixerit quod est opus vestrum

vul@Genesis:46:34 @ respondebitis viri pastores sumus servi tui ab infantia nostra usque in praesens et nos et patres nostri haec autem dicetis ut habitare possitis in terra Gessen quia detestantur Aegyptii omnes pastores ovium

vul@Genesis:47:1 @ ingressus ergo Ioseph nuntiavit Pharaoni dicens pater meus et fratres oves eorum et armenta et cuncta quae possident venerunt de terra Chanaan et ecce consistunt in terra Gessen

vul@Genesis:47:2 @ extremos quoque fratrum suorum quinque viros statuit coram rege

vul@Genesis:47:3 @ quos ille interrogavit quid habetis operis responderunt pastores ovium sumus servi tui et nos et patres nostri

vul@Genesis:47:4 @ ad peregrinandum in terra tua venimus quoniam non est herba gregibus servorum tuorum ingravescente fame in regione Chanaan petimusque ut esse nos iubeas servos tuos in terra Gessen

vul@Genesis:47:5 @ dixit itaque rex ad Ioseph pater tuus et fratres tui venerunt ad te

vul@Genesis:47:6 @ terra Aegypti in conspectu tuo est in optimo loco fac habitare eos et trade eis terram Gessen quod si nosti esse in eis viros industrios constitue illos magistros pecorum meorum

vul@Genesis:47:7 @ post haec introduxit Ioseph patrem suum ad regem et statuit eum coram eo qui benedicens illi

vul@Genesis:47:8 @ et interrogatus ab eo quot sunt dies annorum vitae tuae

vul@Genesis:47:9 @ respondit dies peregrinationis vitae meae centum triginta annorum sunt parvi et mali et non pervenerunt usque ad dies patrum meorum quibus peregrinati sunt

vul@Genesis:47:10 @ et benedicto rege egressus est foras

vul@Genesis:47:11 @ Ioseph vero patri et fratribus suis dedit possessionem in Aegypto in optimo loco terrae solo Ramesses ut praeceperat Pharao

vul@Genesis:47:12 @ et alebat eos omnemque domum patris sui praebens cibaria singulis

vul@Genesis:47:13 @ in toto enim orbe panis deerat et oppresserat fames terram maxime Aegypti et Chanaan

vul@Genesis:47:14 @ e quibus omnem pecuniam congregavit pro venditione frumenti et intulit eam in aerarium regis

vul@Genesis:47:15 @ cumque defecisset emptoris pretium venit cuncta Aegyptus ad Ioseph dicens da nobis panes quare morimur coram te deficiente pecunia

vul@Genesis:47:16 @ quibus ille respondit adducite pecora vestra et dabo vobis pro eis cibos si pretium non habetis

vul@Genesis:47:17 @ quae cum adduxissent dedit eis alimenta pro equis et ovibus et bubus et asinis sustentavitque eos illo anno pro commutatione pecorum

vul@Genesis:47:18 @ veneruntque anno secundo et dixerunt ei non celamus dominum nostrum quod deficiente pecunia pecora simul defecerint nec clam te est quod absque corporibus et terra nihil habeamus

vul@Genesis:47:19 @ cur ergo morimur te vidente et nos et terra nostra tui erimus eme nos in servitutem regiam et praebe semina ne pereunte cultore redigatur terra in solitudinem

vul@Genesis:47:20 @ emit igitur Ioseph omnem terram Aegypti vendentibus singulis possessiones suas prae magnitudine famis subiecitque eam Pharaoni

vul@Genesis:47:21 @ et cunctos populos eius a novissimis terminis Aegypti usque ad extremos fines eius

vul@Genesis:47:22 @ praeter terram sacerdotum quae a rege tradita fuerat eis quibus et statuta cibaria ex horreis publicis praebebantur et idcirco non sunt conpulsi vendere possessiones suas

vul@Genesis:47:23 @ dixit ergo Ioseph ad populos en ut cernitis et vos et terram vestram Pharao possidet accipite semina et serite agros

vul@Genesis:47:24 @ ut fruges habere possitis quintam partem regi dabitis quattuor reliquas permitto vobis in sementem et in cibos famulis et liberis vestris

vul@Genesis:47:25 @ qui responderunt salus nostra in manu tua est respiciat nos tantum dominus noster et laeti serviemus regi

vul@Genesis:47:26 @ ex eo tempore usque in praesentem diem in universa terra Aegypti regibus quinta pars solvitur et factum est quasi in legem absque terra sacerdotali quae libera ab hac condicione fuit

vul@Genesis:47:27 @ habitavit ergo Israhel in Aegypto id est in terra Gessen et possedit eam auctusque est et multiplicatus nimis

vul@Genesis:47:28 @ et vixit in ea decem et septem annis factique sunt omnes dies vitae illius centum quadraginta septem annorum

vul@Genesis:47:29 @ cumque adpropinquare cerneret mortis diem vocavit filium suum Ioseph et dixit ad eum si inveni gratiam in conspectu tuo pone manum sub femore meo et facies mihi misericordiam et veritatem ut non sepelias me in Aegypto

vul@Genesis:47:30 @ sed dormiam cum patribus meis et auferas me de hac terra condasque in sepulchro maiorum cui respondit Ioseph ego faciam quod iussisti

vul@Genesis:47:31 @ et ille iura ergo inquit mihi quo iurante adoravit Israhel Deum conversus ad lectuli caput

vul@Genesis:48:1 @ his ita transactis nuntiatum est Ioseph quod aegrotaret pater eius qui adsumptis duobus filiis Manasse et Ephraim ire perrexit

vul@Genesis:48:2 @ dictumque est seni ecce filius tuus Ioseph venit ad te qui confortatus sedit in lectulo

vul@Genesis:48:3 @ et ingresso ad se ait Deus omnipotens apparuit mihi in Luza quae est in terra Chanaan benedixitque mihi

vul@Genesis:48:4 @ et ait ego te augebo et multiplicabo et faciam in turbas populorum daboque tibi terram hanc et semini tuo post te in possessionem sempiternam

vul@Genesis:48:5 @ duo igitur filii tui qui nati sunt tibi in terra Aegypti antequam huc venirem ad te mei erunt Ephraim et Manasses sicut Ruben et Symeon reputabuntur mihi

vul@Genesis:48:6 @ reliquos autem quos genueris post eos tui erunt et nomine fratrum suorum vocabuntur in possessionibus suis

vul@Genesis:48:7 @ mihi enim quando veniebam de Mesopotamiam mortua est Rahel in terra Chanaan in ipso itinere eratque vernum tempus et ingrediebar Ephratam et sepelivi eam iuxta viam Ephratae quae alio nomine appellatur Bethleem

vul@Genesis:48:8 @ videns autem filios eius dixit ad eum qui sunt isti

vul@Genesis:48:9 @ respondit filii mei sunt quos dedit mihi Deus in hoc loco adduc inquit eos ad me ut benedicam illis

vul@Genesis:48:10 @ oculi enim Israhel caligabant prae nimia senectute et clare videre non poterat adplicitosque ad se deosculatus et circumplexus

vul@Genesis:48:11 @ dixit ad filium non sum fraudatus aspectu tuo insuper ostendit mihi Deus semen tuum

vul@Genesis:48:12 @ cumque tulisset eos Ioseph de gremio patris adoravit pronus in terram

vul@Genesis:48:13 @ et posuit Ephraim ad dexteram suam id est ad sinistram Israhel Manassen vero in sinistra sua ad dexteram scilicet patris adplicuitque ambos ad eum

vul@Genesis:48:14 @ qui extendens manum dextram posuit super caput Ephraim iunioris fratris sinistram autem super caput Manasse qui maior natu erat commutans manus

vul@Genesis:48:15 @ benedixitque Ioseph filio suo et ait Deus in cuius conspectu ambulaverunt patres mei Abraham et Isaac Deus qui pascit me ab adulescentia mea usque in praesentem diem

vul@Genesis:48:16 @ angelus qui eruit me de cunctis malis benedicat pueris et invocetur super eos nomen meum nomina quoque patrum meorum Abraham et Isaac et crescant in multitudinem super terram

vul@Genesis:48:17 @ videns autem Ioseph quod posuisset pater suus dexteram manum super caput Ephraim graviter accepit et adprehensam patris manum levare conatus est de capite Ephraim et transferre super caput Manasse

vul@Genesis:48:18 @ dixitque ad patrem non ita convenit pater quia hic est primogenitus pone dexteram tuam super caput eius

vul@Genesis:48:19 @ qui rennuens ait scio fili mi scio et iste quidem erit in populos et multiplicabitur sed frater eius iunior maior illo erit et semen illius crescet in gentes

vul@Genesis:48:20 @ benedixitque eis in ipso tempore dicens in te benedicetur Israhel atque dicetur faciat tibi Deus sicut Ephraim et sicut Manasse constituitque Ephraim ante Manassen

vul@Genesis:48:21 @ et ait ad Ioseph filium suum en ego morior et erit Deus vobiscum reducetque vos ad terram patrum vestrorum

vul@Genesis:48:22 @ do tibi partem unam extra fratres tuos quam tuli de manu Amorrei in gladio et arcu meo

vul@Genesis:49:1 @ vocavit autem Iacob filios suos et ait eis congregamini ut adnuntiem quae ventura sunt vobis diebus novissimis

vul@Genesis:49:2 @ congregamini et audite filii Iacob audite Israhel patrem vestrum

vul@Genesis:49:3 @ Ruben primogenitus meus tu fortitudo mea et principium doloris mei prior in donis maior imperio

vul@Genesis:49:4 @ effusus es sicut aqua non crescas quia ascendisti cubile patris tui et maculasti stratum eius

vul@Genesis:49:5 @ Symeon et Levi fratres vasa iniquitatis bellantia

vul@Genesis:49:6 @ in consilio eorum ne veniat anima mea et in coetu illorum non sit gloria mea quia in furore suo occiderunt virum et in voluntate sua suffoderunt murum

vul@Genesis:49:7 @ maledictus furor eorum quia pertinax et indignatio illorum quia dura dividam eos in Iacob et dispergam illos in Israhel

vul@Genesis:49:8 @ Iuda te laudabunt fratres tui manus tua in cervicibus inimicorum tuorum adorabunt te filii patris tui

vul@Genesis:49:9 @ catulus leonis Iuda a praeda fili mi ascendisti requiescens accubuisti ut leo et quasi leaena quis suscitabit eum

vul@Genesis:49:10 @ non auferetur sceptrum de Iuda et dux de femoribus eius donec veniat qui mittendus est et ipse erit expectatio gentium

vul@Genesis:49:11 @ ligans ad vineam pullum suum et ad vitem o fili mi asinam suam lavabit vino stolam suam et sanguine uvae pallium suum

vul@Genesis:49:12 @ pulchriores oculi eius vino et dentes lacte candidiores

vul@Genesis:49:13 @ Zabulon in litore maris habitabit et in statione navium pertingens usque ad Sidonem

vul@Genesis:49:14 @ Isachar asinus fortis accubans inter terminos

vul@Genesis:49:15 @ vidit requiem quod esset bona et terram quod optima et subposuit umerum suum ad portandum factusque est tributis serviens

vul@Genesis:49:16 @ Dan iudicabit populum suum sicut et alia tribus Israhel

vul@Genesis:49:17 @ fiat Dan coluber in via cerastes in semita mordens ungulas equi ut cadat ascensor eius retro

vul@Genesis:49:18 @ salutare tuum expectabo Domine

vul@Genesis:49:19 @ Gad accinctus proeliabitur ante eum et ipse accingetur retrorsum

vul@Genesis:49:20 @ Aser pinguis panis eius et praebebit delicias regibus

vul@Genesis:49:21 @ Nepthalim cervus emissus et dans eloquia pulchritudinis

vul@Genesis:49:22 @ filius adcrescens Ioseph filius adcrescens et decorus aspectu filiae discurrerunt super murum

vul@Genesis:49:23 @ sed exasperaverunt eum et iurgati sunt invideruntque illi habentes iacula

vul@Genesis:49:24 @ sedit in forti arcus eius et dissoluta sunt vincula brachiorum et manuum illius per manus potentis Iacob inde pastor egressus est lapis Israhel

vul@Genesis:49:25 @ Deus patris tui erit adiutor tuus et Omnipotens benedicet tibi benedictionibus caeli desuper benedictionibus abyssi iacentis deorsum benedictionibus uberum et vulvae

vul@Genesis:49:26 @ benedictiones patris tui confortatae sunt benedictionibus patrum eius donec veniret desiderium collium aeternorum fiant in capite Ioseph et in vertice nazarei inter fratres suos

vul@Genesis:49:27 @ Beniamin lupus rapax mane comedet praedam et vespere dividet spolia

vul@Genesis:49:28 @ omnes hii in tribubus Israhel duodecim haec locutus est eis pater suus benedixitque singulis benedictionibus propriis

vul@Genesis:49:29 @ et praecepit eis dicens ego congregor ad populum meum sepelite me cum patribus meis in spelunca duplici quae est in agro Ephron Hetthei

vul@Genesis:49:30 @ contra Mambre in terra Chanaan quam emit Abraham cum agro ab Ephron Hettheo in possessionem sepulchri

vul@Genesis:49:31 @ ibi sepelierunt eum et Sarram uxorem eius ibi sepultus est Isaac cum Rebecca coniuge ibi et Lia condita iacet

vul@Genesis:49:32 @ finitisque mandatis quibus filios instruebat collegit pedes suos super lectulum et obiit adpositusque est ad populum suum

vul@Genesis:50:1 @ quod cernens Ioseph ruit super faciem patris flens et deosculans eum

vul@Genesis:50:2 @ praecepitque servis suis medicis ut aromatibus condirent patrem

vul@Genesis:50:3 @ quibus iussa explentibus transierunt quadraginta dies iste quippe mos erat cadaverum conditorum flevitque eum Aegyptus septuaginta diebus

vul@Genesis:50:4 @ et expleto planctus tempore locutus est Ioseph ad familiam Pharaonis si inveni gratiam in conspectu vestro loquimini in auribus Pharaonis

vul@Genesis:50:5 @ eo quod pater meus adiuraverit me dicens en morior in sepulchro meo quod fodi mihi in terra Chanaan sepelies me ascendam igitur et sepeliam patrem meum ac revertar

vul@Genesis:50:6 @ dixitque ei Pharao ascende et sepeli patrem tuum sicut adiuratus es

vul@Genesis:50:7 @ quo ascendente ierunt cum eo omnes senes domus Pharaonis cunctique maiores natu terrae Aegypti

vul@Genesis:50:8 @ domus Ioseph cum fratribus suis absque parvulis et gregibus atque armentis quae dereliquerant in terra Gessen

vul@Genesis:50:9 @ habuit quoque in comitatu currus et equites et facta est turba non modica

vul@Genesis:50:10 @ veneruntque ad aream Atad quae sita est trans Iordanem ubi celebrantes exequias planctu magno atque vehementi impleverunt septem dies

vul@Genesis:50:11 @ quod cum vidissent habitatores terrae Chanaan dixerunt planctus magnus est iste Aegyptiis et idcirco appellaverunt nomen loci illius Planctus Aegypti

vul@Genesis:50:12 @ fecerunt ergo filii Iacob sicut praeceperat eis

vul@Genesis:50:13 @ et portantes eum in terram Chanaan sepelierunt in spelunca duplici quam emerat Abraham cum agro in possessionem sepulchri ab Ephron Hettheo contra faciem Mambre

vul@Genesis:50:14 @ reversusque est Ioseph in Aegyptum cum fratribus suis et omni comitatu sepulto patre

vul@Genesis:50:15 @ quo mortuo timentes fratres eius et mutuo conloquentes ne forte memor sit iniuriae quam passus est et reddat nobis malum omne quod fecimus

vul@Genesis:50:16 @ mandaverunt ei pater tuus praecepit nobis antequam moreretur

vul@Genesis:50:17 @ ut haec tibi verbis illius diceremus obsecro ut obliviscaris sceleris fratrum tuorum et peccati atque malitiae quam exercuerunt in te nos quoque oramus ut servis Dei patris tui dimittas iniquitatem hanc quibus auditis flevit Ioseph

vul@Genesis:50:18 @ veneruntque ad eum fratres sui et proni in terram dixerunt servi tui sumus

vul@Genesis:50:19 @ quibus ille respondit nolite timere num Dei possumus rennuere voluntatem

vul@Genesis:50:20 @ vos cogitastis de me malum et Deus vertit illud in bonum ut exaltaret me sicut inpraesentiarum cernitis et salvos faceret multos populos

vul@Genesis:50:21 @ nolite metuere ego pascam vos et parvulos vestros consolatusque est eos et blande ac leniter est locutus

vul@Genesis:50:22 @ et habitavit in Aegypto cum omni domo patris sui vixitque centum decem annis et vidit Ephraim filios usque ad tertiam generationem filii quoque Machir filii Manasse nati sunt in genibus Ioseph

vul@Genesis:50:23 @ quibus transactis locutus est fratribus suis post mortem meam Deus visitabit vos et ascendere faciet de terra ista ad terram quam iuravit Abraham Isaac et Iacob

vul@Genesis:50:24 @ cumque adiurasset eos atque dixisset Deus visitabit vos asportate vobiscum ossa mea de loco isto

vul@Exodus:1:4 @ Dan et Nepthalim Gad et Aser

vul@Exodus:1:5 @ erant igitur omnes animae eorum qui egressi sunt de femore Iacob septuaginta Ioseph autem in Aegypto erat

vul@Exodus:1:6 @ quo mortuo et universis fratribus eius omnique cognatione illa

vul@Exodus:1:10 @ venite sapienter opprimamus eum ne forte multiplicetur et si ingruerit contra nos bellum addatur inimicis nostris expugnatisque nobis egrediatur e terra

vul@Exodus:1:11 @ praeposuit itaque eis magistros operum ut adfligerent eos oneribus aedificaveruntque urbes tabernaculorum Pharaoni Phiton et Ramesses

vul@Exodus:1:14 @ atque ad amaritudinem perducebant vitam eorum operibus duris luti et lateris omnique famulatu quo in terrae operibus premebantur

vul@Exodus:1:16 @ praecipiens eis quando obsetricabitis Hebraeas et partus tempus advenerit si masculus fuerit interficite illum si femina reservate

vul@Exodus:1:20 @ bene ergo fecit Deus obsetricibus et crevit populus confortatusque est nimis

vul@Exodus:1:22 @ praecepit autem Pharao omni populo suo dicens quicquid masculini sexus natum fuerit in flumen proicite quicquid feminei reservate

vul@Exodus:2:3 @ cumque iam celare non posset sumpsit fiscellam scirpeam et linivit eam bitumine ac pice posuitque intus infantulum et exposuit eum in carecto ripae fluminis

vul@Exodus:2:5 @ ecce autem descendebat filia Pharaonis ut lavaretur in flumine et puellae eius gradiebantur per crepidinem alvei quae cum vidisset fiscellam in papyrione misit unam e famulis suis et adlatam

vul@Exodus:2:6 @ aperiens cernensque in ea parvulum vagientem miserta eius ait de infantibus Hebraeorum est

vul@Exodus:2:11 @ in diebus illis postquam creverat Moses egressus ad fratres suos vidit adflictionem eorum et virum aegyptium percutientem quendam de Hebraeis fratribus suis

vul@Exodus:2:15 @ audivitque Pharao sermonem hunc et quaerebat occidere Mosen qui fugiens de conspectu eius moratus est in terra Madian et sedit iuxta puteum

vul@Exodus:2:16 @ erant sacerdoti Madian septem filiae quae venerunt ad hauriendas aquas et impletis canalibus adaquare cupiebant greges patris sui

vul@Exodus:2:17 @ supervenere pastores et eiecerunt eas surrexitque Moses et defensis puellis adaquavit oves earum

vul@Exodus:2:20 @ at ille ubi est inquit quare dimisistis hominem vocate eum ut comedat panem

vul@Exodus:3:3 @ dixit ergo Moses vadam et videbo visionem hanc magnam quare non conburatur rubus

vul@Exodus:3:4 @ cernens autem Dominus quod pergeret ad videndum vocavit eum de medio rubi et ait Moses Moses qui respondit adsum

vul@Exodus:3:5 @ at ille ne adpropies inquit huc solve calciamentum de pedibus tuis locus enim in quo stas terra sancta est

vul@Exodus:3:7 @ cui ait Dominus vidi adflictionem populi mei in Aegypto et clamorem eius audivi propter duritiam eorum qui praesunt operibus

vul@Exodus:3:8 @ et sciens dolorem eius descendi ut liberarem eum de manibus Aegyptiorum et educerem de terra illa in terram bonam et spatiosam in terram quae fluit lacte et melle ad loca Chananei et Hetthei et Amorrei Ferezei et Evei et Iebusei

vul@Exodus:3:9 @ clamor ergo filiorum Israhel venit ad me vidique adflictionem eorum qua ab Aegyptiis opprimuntur

vul@Exodus:3:10 @ sed veni mittam te ad Pharaonem ut educas populum meum filios Israhel de Aegypto

vul@Exodus:3:11 @ dixit Moses ad Deum quis ego sum ut vadam ad Pharaonem et educam filios Israhel de Aegypto

vul@Exodus:3:15 @ dixitque iterum Deus ad Mosen haec dices filiis Israhel Dominus Deus patrum vestrorum Deus Abraham Deus Isaac et Deus Iacob misit me ad vos hoc nomen mihi est in aeternum et hoc memoriale meum in generationem et generatione

vul@Exodus:3:17 @ et dixi ut educam vos de adflictione Aegypti in terram Chananei et Hetthei et Amorrei Ferezei et Evei et Iebusei ad terram fluentem lacte et melle

vul@Exodus:3:18 @ et audient vocem tuam ingredierisque tu et seniores Israhel ad regem Aegypti et dices ad eum Dominus Deus Hebraeorum vocavit nos ibimus viam trium dierum per solitudinem ut immolemus Domino Deo nostro

vul@Exodus:3:22 @ sed postulabit mulier a vicina sua et ab hospita vasa argentea et aurea ac vestes ponetisque eas super filios et filias vestras et spoliabitis Aegyptum

vul@Exodus:4:1 @ respondens Moses ait non credent mihi neque audient vocem meam sed dicent non apparuit tibi Dominus

vul@Exodus:4:2 @ dixit ergo ad eum quid est hoc quod tenes in manu tua respondit virga

vul@Exodus:4:8 @ si non crediderint inquit tibi neque audierint sermonem signi prioris credent verbo signi sequentis

vul@Exodus:4:9 @ quod si nec duobus quidem his signis crediderint neque audierint vocem tuam sume aquam fluminis et effunde eam super aridam et quicquid hauseris de fluvio vertetur in sanguinem

vul@Exodus:4:10 @ ait Moses obsecro Domine non sum eloquens ab heri et nudius tertius et ex quo locutus es ad servum tuum inpeditioris et tardioris linguae sum

vul@Exodus:4:11 @ dixit Dominus ad eum quis fecit os hominis aut quis fabricatus est mutum et surdum videntem et caecum nonne ego

vul@Exodus:4:13 @ at ille obsecro inquit Domine mitte quem missurus es

vul@Exodus:4:15 @ loquere ad eum et pone verba mea in ore eius ego ero in ore tuo et in ore illius et ostendam vobis quid agere debeatis

vul@Exodus:4:16 @ ipse loquetur pro te ad populum et erit os tuum tu autem eris ei in his quae ad Deum pertinent

vul@Exodus:4:19 @ dixit ergo Dominus ad Mosen in Madian vade revertere in Aegyptum mortui sunt omnes qui quaerebant animam tuam

vul@Exodus:4:21 @ dixitque ei Dominus revertenti in Aegyptum vide ut omnia ostenta quae posui in manu tua facias coram Pharaone ego indurabo cor eius et non dimittet populum

vul@Exodus:4:24 @ cumque esset in itinere in diversorio occurrit ei Dominus et volebat occidere eum

vul@Exodus:4:26 @ et dimisit eum postquam dixerat sponsus sanguinum ob circumcisionem

vul@Exodus:4:29 @ veneruntque simul et congregaverunt cunctos seniores filiorum Israhel

vul@Exodus:4:31 @ et credidit populus audieruntque quod visitasset Dominus filios Israhel et quod respexisset adflictionem eorum et proni adoraverunt

vul@Exodus:5:2 @ at ille respondit quis est Dominus ut audiam vocem eius et dimittam Israhel nescio Dominum et Israhel non dimittam

vul@Exodus:5:3 @ dixerunt Deus Hebraeorum vocavit nos ut eamus viam trium dierum in solitudinem et sacrificemus Domino Deo nostro ne forte accidat nobis pestis aut gladius

vul@Exodus:5:4 @ ait ad eos rex Aegypti quare Moses et Aaron sollicitatis populum ab operibus suis ite ad onera vestra

vul@Exodus:5:7 @ nequaquam ultra dabitis paleas populo ad conficiendos lateres sicut prius sed ipsi vadant et colligant stipulam

vul@Exodus:5:8 @ et mensuram laterum quos prius faciebant inponetis super eos nec minuetis quicquam vacant enim et idcirco vociferantur dicentes eamus et sacrificemus Deo nostro

vul@Exodus:5:11 @ ite et colligite sicubi invenire potueritis nec minuetur quicquam de opere vestro

vul@Exodus:5:12 @ dispersusque est populus per omnem terram Aegypti ad colligendas paleas

vul@Exodus:5:14 @ flagellatique sunt qui praeerant operibus filiorum Israhel ab exactoribus Pharaonis dicentibus quare non impletis mensuram laterum sicut prius nec heri nec hodie

vul@Exodus:5:15 @ veneruntque praepositi filiorum Israhel et vociferati sunt ad Pharaonem dicentes cur ita agis contra servos tuos

vul@Exodus:5:20 @ occurreruntque Mosi et Aaron qui stabant ex adverso egredientes a Pharaone

vul@Exodus:5:22 @ reversusque Moses ad Dominum ait Domine cur adflixisti populum istum quare misisti me

vul@Exodus:5:23 @ ex eo enim quo ingressus sum ad Pharaonem ut loquerer nomine tuo adflixit populum tuum et non liberasti eos

vul@Exodus:6:15 @ hae cognationes Ruben filii Symeon Iamuhel et Iamin et Aod Iachin et Soer et Saul filius Chananitidis hae progenies Symeon

vul@Exodus:6:16 @ et haec nomina filiorum Levi per cognationes suas Gerson et Caath et Merari anni autem vitae Levi fuerunt centum triginta septem

vul@Exodus:6:17 @ filii Gerson Lobeni et Semei per cognationes suas

vul@Exodus:6:19 @ filii Merari Mooli et Musi hae cognationes Levi per familias suas

vul@Exodus:6:24 @ filii quoque Core Asir et Helcana et Abiasab hae sunt cognationes Coritarum

vul@Exodus:6:25 @ at vero Eleazar filius Aaron accepit uxorem de filiabus Phutihel quae peperit ei Finees hii sunt principes familiarum leviticarum per cognationes suas

vul@Exodus:7:2 @ tu loqueris omnia quae mando tibi ille loquetur ad Pharaonem ut dimittat filios Israhel de terra sua

vul@Exodus:7:7 @ erat autem Moses octoginta annorum et Aaron octoginta trium quando locuti sunt ad Pharaonem

vul@Exodus:7:10 @ ingressi itaque Moses et Aaron ad Pharaonem fecerunt sicut praeceperat Dominus tulitque Aaron virgam coram Pharao et servis eius quae versa est in colubrum

vul@Exodus:7:11 @ vocavit autem Pharao sapientes et maleficos et fecerunt etiam ipsi per incantationes aegyptias et arcana quaedam similiter

vul@Exodus:7:12 @ proieceruntque singuli virgas suas quae versae sunt in dracones sed devoravit virga Aaron virgas eorum

vul@Exodus:7:15 @ vade ad eum mane ecce egredietur ad aquas et stabis in occursum eius super ripam fluminis et virgam quae conversa est in draconem tolles in manu tua

vul@Exodus:7:17 @ haec igitur dicit Dominus in hoc scies quod Dominus sim ecce percutiam virga quae in manu mea est aquam fluminis et vertetur in sanguinem

vul@Exodus:7:19 @ dixit quoque Dominus ad Mosen dic ad Aaron tolle virgam tuam et extende manum tuam super aquas Aegypti et super fluvios eorum et rivos ac paludes et omnes lacus aquarum ut vertantur in sanguinem et sit cruor in omni terra Aegypti tam in ligneis vasis quam in saxeis

vul@Exodus:7:20 @ feceruntque ita Moses et Aaron sicut praeceperat Dominus et elevans virgam percussit aquam fluminis coram Pharao et servis eius quae versa est in sanguinem

vul@Exodus:7:21 @ et pisces qui erant in flumine mortui sunt conputruitque fluvius et non poterant Aegyptii bibere aquam fluminis et fuit sanguis in tota terra Aegypti

vul@Exodus:7:22 @ feceruntque similiter malefici Aegyptiorum incantationibus suis et induratum est cor Pharaonis nec audivit eos sicut praeceperat Dominus

vul@Exodus:7:23 @ avertitque se et ingressus est domum suam nec adposuit cor etiam hac vice

vul@Exodus:7:24 @ foderunt autem omnes Aegyptii per circuitum fluminis aquam ut biberent non enim poterant bibere de aqua fluminis

vul@Exodus:8:2 @ sin autem nolueris dimittere ecce ego percutiam omnes terminos tuos ranis

vul@Exodus:8:4 @ et ad te et ad populum tuum et ad omnes servos tuos intrabunt ranae

vul@Exodus:8:7 @ fecerunt autem et malefici per incantationes suas similiter eduxeruntque ranas super terram Aegypti

vul@Exodus:8:9 @ dixitque Moses Pharaoni constitue mihi quando deprecer pro te et pro servis tuis et pro populo tuo ut abigantur ranae a te et a domo tua et tantum in flumine remaneant

vul@Exodus:8:11 @ et recedent ranae a te et a domo tua et a servis tuis et a populo tuo tantum in flumine remanebunt

vul@Exodus:8:12 @ egressique sunt Moses et Aaron a Pharaone et clamavit Moses ad Dominum pro sponsione ranarum quam condixerat Pharaoni

vul@Exodus:8:17 @ feceruntque ita et extendit Aaron manu virgam tenens percussitque pulverem terrae et facti sunt scinifes in hominibus et in iumentis omnis pulvis terrae versus est in scinifes per totam terram Aegypti

vul@Exodus:8:20 @ dixit quoque Dominus ad Mosen consurge diluculo et sta coram Pharaone egreditur enim ad aquas et dices ad eum haec dicit Dominus dimitte populum meum ut sacrificet mihi

vul@Exodus:8:21 @ quod si non dimiseris eum ecce ego inmittam in te et in servos tuos et in populum tuum et in domos tuas omne genus muscarum et implebuntur domus Aegyptiorum muscis diversi generis et in universa terra in qua fuerint

vul@Exodus:8:23 @ ponamque divisionem inter populum meum et populum tuum cras erit signum istud

vul@Exodus:8:24 @ fecitque Dominus ita et venit musca gravissima in domos Pharaonis et servorum eius et in omnem terram Aegypti corruptaque est terra ab huiuscemodi muscis

vul@Exodus:8:26 @ et ait Moses non potest ita fieri abominationes enim Aegyptiorum immolabimus Domino Deo nostro quod si mactaverimus ea quae colunt Aegyptii coram eis lapidibus nos obruent

vul@Exodus:8:27 @ via trium dierum pergemus in solitudine et sacrificabimus Domino Deo nostro sicut praeceperit nobis

vul@Exodus:8:28 @ dixitque Pharao ego dimittam vos ut sacrificetis Domino Deo vestro in deserto verumtamen longius ne abeatis rogate pro me

vul@Exodus:8:29 @ et ait Moses egressus a te orabo Dominum et recedet musca a Pharaone et a servis et a populo eius cras verumtamen noli ultra fallere ut non dimittas populum sacrificare Domino

vul@Exodus:8:31 @ qui fecit iuxta verbum illius et abstulit muscas a Pharao et a servis et a populo eius non superfuit ne una quidem

vul@Exodus:8:32 @ et ingravatum est cor Pharaonis ita ut ne hac quidem vice dimitteret populum

vul@Exodus:9:1 @ dixit autem Dominus ad Mosen ingredere ad Pharaonem et loquere ad eum haec dicit Dominus Deus Hebraeorum dimitte populum meum ut sacrificet mihi

vul@Exodus:9:2 @ quod si adhuc rennuis et retines eos

vul@Exodus:9:4 @ et faciet Dominus mirabile inter possessiones Israhel et possessiones Aegyptiorum ut nihil omnino intereat ex his quae pertinent ad filios Israhel

vul@Exodus:9:7 @ et misit Pharao ad videndum nec erat quicquam mortuum de his quae possidebat Israhel ingravatumque est cor Pharaonis et non dimisit populum

vul@Exodus:9:8 @ et dixit Dominus ad Mosen et Aaron tollite plenas manus cineris de camino et spargat illud Moses in caelum coram Pharao

vul@Exodus:9:9 @ sitque pulvis super omnem terram Aegypti erunt enim in hominibus et in iumentis vulnera et vesicae turgentes in universa terra Aegypti

vul@Exodus:9:10 @ tuleruntque cinerem de camino et steterunt contra Pharao et sparsit illud Moses in caelum factaque sunt vulnera vesicarum turgentium in hominibus et in iumentis

vul@Exodus:9:11 @ nec poterant malefici stare coram Mosen propter vulnera quae in illis erant et in omni terra Aegypti

vul@Exodus:9:13 @ dixit quoque Dominus ad Mosen mane consurge et sta coram Pharao et dices ad eum haec dicit Dominus Deus Hebraeorum dimitte populum meum ut sacrificet mihi

vul@Exodus:9:14 @ quia in hac vice mittam omnes plagas meas super cor tuum super servos tuos et super populum tuum ut scias quod non sit similis mei in omni terra

vul@Exodus:9:16 @ idcirco autem posui te ut ostendam in te fortitudinem meam et narretur nomen meum in omni terra

vul@Exodus:9:17 @ adhuc retines populum meum et non vis eum dimittere

vul@Exodus:9:18 @ en pluam hac ipsa hora cras grandinem multam nimis qualis non fuit in Aegypto a die qua fundata est usque in praesens tempus

vul@Exodus:9:19 @ mitte ergo iam nunc et congrega iumenta tua et omnia quae habes in agro homines enim et iumenta et universa quae inventa fuerint foris nec congregata de agris cecideritque super ea grando morientur

vul@Exodus:9:21 @ qui autem neglexit sermonem Domini dimisit servos suos et iumenta in agris

vul@Exodus:9:22 @ et dixit Dominus ad Mosen extende manum tuam in caelum ut fiat grando in universa terra Aegypti super homines et super iumenta et super omnem herbam agri in terra Aegypti

vul@Exodus:9:23 @ extenditque Moses virgam in caelum et Dominus dedit tonitrua et grandinem ac discurrentia fulgura super terram pluitque Dominus grandinem super terram Aegypti

vul@Exodus:9:25 @ et percussit grando in omni terra Aegypti cuncta quae fuerunt in agris ab homine usque ad iumentum cunctam herbam agri percussit grando et omne lignum regionis confregit

vul@Exodus:9:28 @ orate Dominum et desinant tonitrua Dei et grando ut dimittam vos et nequaquam hic ultra maneatis

vul@Exodus:9:30 @ novi autem quod et tu et servi tui necdum timeatis Dominum Deum

vul@Exodus:9:33 @ egressusque Moses a Pharaone et ex urbe tetendit manus ad Dominum et cessaverunt tonitrua et grando nec ultra stillavit pluvia super terram

vul@Exodus:9:35 @ et ingravatum est cor eius et servorum illius et induratum nimis nec dimisit filios Israhel sicut praeceperat Dominus per manum Mosi

vul@Exodus:10:2 @ et narres in auribus filii tui et nepotum tuorum quotiens contriverim Aegyptios et signa mea fecerim in eis et sciatis quia ego Dominus

vul@Exodus:10:3 @ introierunt ergo Moses et Aaron ad Pharaonem et dixerunt ad eum haec dicit Dominus Deus Hebraeorum usquequo non vis subici mihi dimitte populum meum ut sacrificet mihi

vul@Exodus:10:4 @ sin autem resistis et non vis dimittere eum ecce ego inducam cras lucustam in fines tuos

vul@Exodus:10:5 @ quae operiat superficiem terrae nec quicquam eius appareat sed comedatur quod residuum fuit grandini conrodet enim omnia ligna quae germinant in agris

vul@Exodus:10:6 @ et implebunt domos tuas et servorum tuorum et omnium Aegyptiorum quantam non viderunt patres tui et avi ex quo orti sunt super terram usque in praesentem diem avertitque se et egressus est a Pharaone

vul@Exodus:10:7 @ dixerunt autem servi Pharaonis ad eum usquequo patiemur hoc scandalum dimitte homines ut sacrificent Domino Deo suo nonne vides quod perierit Aegyptus

vul@Exodus:10:8 @ revocaveruntque Mosen et Aaron ad Pharaonem qui dixit eis ite sacrificate Domino Deo vestro quinam sunt qui ituri sunt

vul@Exodus:10:12 @ dixit autem Dominus ad Mosen extende manum tuam super terram Aegypti ad lucustam ut ascendat super eam et devoret omnem herbam quae residua fuit grandini

vul@Exodus:10:13 @ extendit Moses virgam super terram Aegypti et Dominus induxit ventum urentem tota illa die ac nocte et mane facto ventus urens levavit lucustas

vul@Exodus:10:14 @ quae ascenderunt super universam terram Aegypti et sederunt in cunctis finibus Aegyptiorum innumerabiles quales ante illud tempus non fuerant nec postea futurae sunt

vul@Exodus:10:19 @ qui flare fecit ventum ab occidente vehementissimum et arreptam lucustam proiecit in mare Rubrum non remansit ne una quidem in cunctis finibus Aegypti

vul@Exodus:10:20 @ et induravit Dominus cor Pharaonis nec dimisit filios Israhel

vul@Exodus:10:21 @ dixit autem Dominus ad Mosen extende manum tuam in caelum et sint tenebrae super terram Aegypti tam densae ut palpari queant

vul@Exodus:10:22 @ extendit Moses manum in caelum et factae sunt tenebrae horribiles in universa terra Aegypti tribus diebus

vul@Exodus:10:23 @ nemo vidit fratrem suum nec movit se de loco in quo erat ubicumque autem habitabant filii Israhel lux erat

vul@Exodus:10:24 @ vocavitque Pharao Mosen et Aaron et dixit eis ite sacrificate Domino oves tantum vestrae et armenta remaneant parvuli vestri eant vobiscum

vul@Exodus:10:26 @ cuncti greges pergent nobiscum non remanebit ex eis ungula quae necessaria sunt in cultum Domini Dei nostri praesertim cum ignoremus quid debeat immolari donec ad ipsum locum perveniamus

vul@Exodus:10:28 @ dixitque Pharao ad eum recede a me cave ne ultra videas faciem meam quocumque die apparueris mihi morieris

vul@Exodus:11:1 @ et dixit Dominus ad Mosen adhuc una plaga tangam Pharaonem et Aegyptum et post haec dimittet vos et exire conpellet

vul@Exodus:11:5 @ et morietur omne primogenitum in terra Aegyptiorum a primogenito Pharaonis qui sedet in solio eius usque ad primogenitum ancillae quae est ad molam et omnia primogenita iumentorum

vul@Exodus:11:6 @ eritque clamor magnus in universa terra Aegypti qualis nec ante fuit nec postea futurus est

vul@Exodus:11:7 @ apud omnes autem filios Israhel non muttiet canis ab homine usque ad pecus ut sciatis quanto miraculo dividat Dominus Aegyptios et Israhel

vul@Exodus:11:8 @ descendentque omnes servi tui isti ad me et adorabunt me dicentes egredere tu et omnis populus qui subiectus est tibi post haec egrediemur

vul@Exodus:11:9 @ et exivit a Pharaone iratus nimis dixit autem Dominus ad Mosen non audiet vos Pharao ut multa signa fiant in terra Aegypti

vul@Exodus:11:10 @ Moses autem et Aaron fecerunt omnia ostenta quae scripta sunt coram Pharaone et induravit Dominus cor Pharaonis nec dimisit filios Israhel de terra sua

vul@Exodus:12:7 @ et sument de sanguine ac ponent super utrumque postem et in superliminaribus domorum in quibus comedent illum

vul@Exodus:12:8 @ et edent carnes nocte illa assas igni et azymos panes cum lactucis agrestibus

vul@Exodus:12:9 @ non comedetis ex eo crudum quid nec coctum aqua sed assum tantum igni caput cum pedibus eius et intestinis vorabitis

vul@Exodus:12:10 @ nec remanebit ex eo quicquam usque mane si quid residui fuerit igne conburetis

vul@Exodus:12:11 @ sic autem comedetis illum renes vestros accingetis calciamenta habebitis in pedibus tenentes baculos in manibus et comedetis festinantes est enim phase id est transitus Domini

vul@Exodus:12:12 @ et transibo per terram Aegypti nocte illa percutiamque omne primogenitum in terra Aegypti ab homine usque ad pecus et in cunctis diis Aegypti faciam iudicia ego Dominus

vul@Exodus:12:13 @ erit autem sanguis vobis in signum in aedibus in quibus eritis et videbo sanguinem ac transibo vos nec erit in vobis plaga disperdens quando percussero terram Aegypti

vul@Exodus:12:14 @ habebitis autem hanc diem in monumentum et celebrabitis eam sollemnem Domino in generationibus vestris cultu sempiterno

vul@Exodus:12:16 @ dies prima erit sancta atque sollemnis et dies septima eadem festivitate venerabilis nihil operis facietis in eis exceptis his quae ad vescendum pertinent

vul@Exodus:12:17 @ et observabitis azyma in eadem enim ipsa die educam exercitum vestrum de terra Aegypti et custodietis diem istum in generationes vestras ritu perpetuo

vul@Exodus:12:20 @ omne fermentatum non comedetis in cunctis habitaculis vestris edetis azyma

vul@Exodus:12:21 @ vocavit autem Moses omnes seniores filiorum Israhel et dixit ad eos ite tollentes animal per familias vestras immolate phase

vul@Exodus:12:22 @ fasciculumque hysopi tinguite sanguine qui est in limine et aspergite ex eo superliminare et utrumque postem nullus vestrum egrediatur ostium domus suae usque mane

vul@Exodus:12:23 @ transibit enim Dominus percutiens Aegyptios cumque viderit sanguinem in superliminari et in utroque poste transcendet ostium et non sinet percussorem ingredi domos vestras et laedere

vul@Exodus:12:29 @ factum est autem in noctis medio percussit Dominus omne primogenitum in terra Aegypti a primogenito Pharaonis qui sedebat in solio eius usque ad primogenitum captivae quae erat in carcere et omne primogenitum iumentorum

vul@Exodus:12:30 @ surrexitque Pharao nocte et omnes servi eius cunctaque Aegyptus et ortus est clamor magnus in Aegypto neque enim erat domus in qua non iaceret mortuus

vul@Exodus:12:32 @ oves vestras et armenta adsumite ut petieratis et abeuntes benedicite mihi

vul@Exodus:12:33 @ urguebantque Aegyptii populum de terra exire velociter dicentes omnes moriemur

vul@Exodus:12:38 @ sed et vulgus promiscuum innumerabile ascendit cum eis oves et armenta et animantia diversi generis multa nimis

vul@Exodus:12:39 @ coxeruntque farinam quam dudum conspersam de Aegypto tulerant et fecerunt subcinericios panes azymos neque enim poterant fermentari cogentibus exire Aegyptiis et nullam facere sinentibus moram nec pulmenti quicquam occurrerant praeparare

vul@Exodus:12:42 @ nox est ista observabilis Domini quando eduxit eos de terra Aegypti hanc observare debent omnes filii Israhel in generationibus suis

vul@Exodus:12:46 @ in una domo comedetur nec efferetis de carnibus eius foras nec os illius confringetis

vul@Exodus:12:48 @ quod si quis peregrinorum in vestram voluerit transire coloniam et facere phase Domini circumcidetur prius omne masculinum eius et tunc rite celebrabit eritque sicut indigena terrae si quis autem circumcisus non fuerit non vescetur ex eo

vul@Exodus:12:50 @ fecerunt omnes filii Israhel sicut praeceperat Dominus Mosi et Aaron

vul@Exodus:13:2 @ sanctifica mihi omne primogenitum quod aperit vulvam in filiis Israhel tam de hominibus quam de iumentis mea sunt enim omnia

vul@Exodus:13:3 @ et ait Moses ad populum mementote diei huius in qua egressi estis de Aegypto et de domo servitutis quoniam in manu forti eduxit vos Dominus de loco isto ut non comedatis fermentatum panem

vul@Exodus:13:5 @ cumque te introduxerit Dominus in terram Chananei et Hetthei et Amorrei et Evei et Iebusei quam iuravit patribus tuis ut daret tibi terram fluentem lacte et melle celebrabis hunc morem sacrorum mense isto

vul@Exodus:13:7 @ azyma comedetis septem diebus non apparebit apud te aliquid fermentatum nec in cunctis finibus tuis

vul@Exodus:13:11 @ cumque introduxerit te in terram Chananei sicut iuravit tibi et patribus tuis et dederit eam tibi

vul@Exodus:13:12 @ separabis omne quod aperit vulvam Domino et quod primitivum est in pecoribus tuis quicquid habueris masculini sexus consecrabis Domino

vul@Exodus:13:13 @ primogenitum asini mutabis ove quod si non redemeris interficies omne autem primogenitum hominis de filiis tuis pretio redimes

vul@Exodus:13:15 @ nam cum induratus esset Pharao et nollet nos dimittere occidit Dominus omne primogenitum in terra Aegypti a primogenito hominis usque ad primogenitum iumentorum idcirco immolo Domino omne quod aperit vulvam masculini sexus et omnia primogenita filiorum meorum redimo

vul@Exodus:13:16 @ erit igitur quasi signum in manu tua et quasi adpensum quid ob recordationem inter oculos tuos eo quod in manu forti eduxerit nos Dominus de Aegypto

vul@Exodus:13:17 @ igitur cum emisisset Pharao populum non eos duxit Dominus per viam terrae Philisthim quae vicina est reputans ne forte paeniteret eum si vidisset adversum se bella consurgere et reverteretur in Aegyptum

vul@Exodus:13:21 @ Dominus autem praecedebat eos ad ostendendam viam per diem in columna nubis et per noctem in columna ignis ut dux esset itineris utroque tempore

vul@Exodus:13:22 @ numquam defuit columna nubis per diem nec columna ignis per noctem coram populo

vul@Exodus:14:2 @ loquere filiis Israhel reversi castrametentur e regione Phiahiroth quae est inter Magdolum et mare contra Beelsephon in conspectu eius castra ponetis super mare

vul@Exodus:14:5 @ et nuntiatum est regi Aegyptiorum quod fugisset populus inmutatumque est cor Pharaonis et servorum eius super populo et dixerunt quid voluimus facere ut dimitteremus Israhel ne serviret nobis

vul@Exodus:14:6 @ iunxit ergo currum et omnem populum suum adsumpsit secum

vul@Exodus:14:11 @ et dixerunt ad Mosen forsitan non erant sepulchra in Aegypto ideo tulisti nos ut moreremur in solitudine quid hoc facere voluisti ut educeres nos ex Aegypto

vul@Exodus:14:12 @ nonne iste est sermo quem loquebamur ad te in Aegypto dicentes recede a nobis ut serviamus Aegyptiis multo enim melius est servire eis quam mori in solitudine

vul@Exodus:14:13 @ et ait Moses ad populum nolite timere state et videte magnalia Domini quae facturus est hodie Aegyptios enim quos nunc videtis nequaquam ultra videbitis usque in sempiternum

vul@Exodus:14:17 @ ego autem indurabo cor Aegyptiorum ut persequantur vos et glorificabor in Pharaone et in omni exercitu eius in curribus et in equitibus illius

vul@Exodus:14:18 @ et scient Aegyptii quia ego sum Dominus cum glorificatus fuero in Pharaone et in curribus atque in equitibus eius

vul@Exodus:14:20 @ stetit inter castra Aegyptiorum et castra Israhel et erat nubes tenebrosa et inluminans noctem ut ad se invicem toto noctis tempore accedere non valerent

vul@Exodus:14:24 @ iamque advenerat vigilia matutina et ecce respiciens Dominus super castra Aegyptiorum per columnam ignis et nubis interfecit exercitum eorum

vul@Exodus:14:28 @ reversaeque sunt aquae et operuerunt currus et equites cuncti exercitus Pharaonis qui sequentes ingressi fuerant mare ne unus quidem superfuit ex eis

vul@Exodus:15:6 @ dextera tua Domine magnifice in fortitudine dextera tua Domine percussit inimicum

vul@Exodus:15:7 @ et in multitudine gloriae tuae deposuisti adversarios meos misisti iram tuam quae devoravit eos ut stipulam

vul@Exodus:15:11 @ quis similis tui in fortibus Domine quis similis tui magnificus in sanctitate terribilis atque laudabilis et faciens mirabilia

vul@Exodus:15:13 @ dux fuisti in misericordia tua populo quem redemisti et portasti eum in fortitudine tua ad habitaculum sanctum tuum

vul@Exodus:15:15 @ tunc conturbati sunt principes Edom robustos Moab obtinuit tremor obriguerunt omnes habitatores Chanaan

vul@Exodus:15:16 @ inruat super eos formido et pavor in magnitudine brachii tui fiant inmobiles quasi lapis donec pertranseat populus tuus Domine donec pertranseat populus tuus iste quem possedisti

vul@Exodus:15:17 @ introduces eos et plantabis in monte hereditatis tuae firmissimo habitaculo tuo quod operatus es Domine sanctuarium Domine quod firmaverunt manus tuae

vul@Exodus:15:20 @ sumpsit ergo Maria prophetis soror Aaron tympanum in manu egressaeque sunt omnes mulieres post eam cum tympanis et choris

vul@Exodus:15:21 @ quibus praecinebat dicens cantemus Domino gloriose enim magnificatus est equum et ascensorem eius deiecit in mare

vul@Exodus:15:22 @ tulit autem Moses Israhel de mari Rubro et egressi sunt in desertum Sur ambulaveruntque tribus diebus per solitudinem et non inveniebant aquam

vul@Exodus:15:23 @ et venerunt in Marath nec poterant bibere aquas de Mara eo quod essent amarae unde et congruum loco nomen inposuit vocans illud Mara id est amaritudinem

vul@Exodus:15:25 @ at ille clamavit ad Dominum qui ostendit ei lignum quod cum misisset in aquas in dulcedinem versae sunt ibi constituit ei praecepta atque iudicia et ibi temptavit eum

vul@Exodus:15:27 @ venerunt autem in Helim ubi erant duodecim fontes aquarum et septuaginta palmae et castrametati sunt iuxta aquas

vul@Exodus:16:2 @ et murmuravit omnis congregatio filiorum Israhel contra Mosen et contra Aaron in solitudine

vul@Exodus:16:3 @ dixeruntque ad eos filii Israhel utinam mortui essemus per manum Domini in terra Aegypti quando sedebamus super ollas carnium et comedebamus panes in saturitate cur eduxistis nos in desertum istud ut occideretis omnem multitudinem fame

vul@Exodus:16:4 @ dixit autem Dominus ad Mosen ecce ego pluam vobis panes de caelo egrediatur populus et colligat quae sufficiunt per singulos dies ut temptem eum utrum ambulet in lege mea an non

vul@Exodus:16:6 @ dixeruntque Moses et Aaron ad omnes filios Israhel vespere scietis quod Dominus eduxerit vos de terra Aegypti

vul@Exodus:16:7 @ et mane videbitis gloriam Domini audivit enim murmur vestrum contra Dominum nos vero quid sumus quia mussitatis contra nos

vul@Exodus:16:8 @ et ait Moses dabit Dominus vobis vespere carnes edere et mane panes in saturitate eo quod audierit murmurationes vestras quibus murmurati estis contra eum nos enim quid sumus nec contra nos est murmur vestrum sed contra Dominum

vul@Exodus:16:10 @ cumque loqueretur Aaron ad omnem coetum filiorum Israhel respexerunt ad solitudinem et ecce gloria Domini apparuit in nube

vul@Exodus:16:12 @ audivi murmurationes filiorum Israhel loquere ad eos vespere comedetis carnes et mane saturabimini panibus scietisque quod sim Dominus Deus vester

vul@Exodus:16:13 @ factum est ergo vespere et ascendens coturnix operuit castra mane quoque ros iacuit per circuitum castrorum

vul@Exodus:16:14 @ cumque operuisset superficiem terrae apparuit in solitudine minutum et quasi pilo tunsum in similitudinem pruinae super terram

vul@Exodus:16:18 @ et mensi sunt ad mensuram gomor nec qui plus collegerat habuit amplius nec qui minus paraverat repperit minus sed singuli iuxta id quod edere poterant congregarunt

vul@Exodus:16:19 @ dixitque Moses ad eos nullus relinquat ex eo in mane

vul@Exodus:16:20 @ qui non audierunt eum sed dimiserunt quidam ex eis usque mane et scatere coepit vermibus atque conputruit et iratus est contra eos Moses

vul@Exodus:16:21 @ colligebant autem mane singuli quantum sufficere poterat ad vescendum cumque incaluisset sol liquefiebat

vul@Exodus:16:22 @ in die vero sexta collegerunt cibos duplices id est duo gomor per singulos homines venerunt autem omnes principes multitudinis et narraverunt Mosi

vul@Exodus:16:23 @ qui ait eis hoc est quod locutus est Dominus requies sabbati sanctificata erit Domino cras quodcumque operandum est facite et quae coquenda sunt coquite quicquid autem reliquum fuerit reponite usque in mane

vul@Exodus:16:24 @ feceruntque ita ut praeceperat Moses et non conputruit neque vermis inventus est in eo

vul@Exodus:16:27 @ venit septima dies et egressi de populo ut colligerent non invenerunt

vul@Exodus:16:29 @ videte quod Dominus dederit vobis sabbatum et propter hoc tribuerit vobis die sexto cibos duplices maneat unusquisque apud semet ipsum nullus egrediatur de loco suo die septimo

vul@Exodus:16:32 @ dixit autem Moses iste est sermo quem praecepit Dominus imple gomor ex eo et custodiatur in futuras retro generationes ut noverint panem quo alui vos in solitudine quando educti estis de terra Aegypti

vul@Exodus:16:33 @ dixitque Moses ad Aaron sume vas unum et mitte ibi man quantum potest capere gomor et repone coram Domino ad servandum in generationes vestras

vul@Exodus:16:35 @ filii autem Israhel comederunt man quadraginta annis donec venirent in terram habitabilem hoc cibo aliti sunt usquequo tangerent fines terrae Chanaan

vul@Exodus:17:1 @ igitur profecta omnis multitudo filiorum Israhel de deserto Sin per mansiones suas iuxta sermonem Domini castrametata est in Raphidim ubi non erat aqua ad bibendum populo

vul@Exodus:17:7 @ et vocavit nomen loci illius Temptatio propter iurgium filiorum Israhel et quia temptaverunt Dominum dicentes estne Dominus in nobis an non

vul@Exodus:17:16 @ quia manus solii Domini et bellum Dei erit contra Amalech a generatione in generationem

vul@Exodus:18:8 @ narravit Moses cognato suo cuncta quae fecerat Deus Pharaoni et Aegyptiis propter Israhel universum laborem qui accidisset eis in itinere quo liberarat eos Dominus

vul@Exodus:18:10 @ et ait benedictus Dominus qui liberavit vos de manu Aegyptiorum et de manu Pharaonis qui eruit populum suum de manu Aegypti

vul@Exodus:18:11 @ nunc cognovi quia magnus Dominus super omnes deos eo quod superbe egerint contra illos

vul@Exodus:18:12 @ obtulit ergo Iethro cognatus Mosi holocausta et hostias Deo veneruntque Aaron et omnes senes Israhel ut comederent panem cum eo coram Domino

vul@Exodus:18:13 @ altero autem die sedit Moses ut iudicaret populum qui adsistebat Mosi de mane usque ad vesperam

vul@Exodus:18:14 @ quod cum vidisset cognatus eius omnia scilicet quae agebat in populo ait quid est hoc quod facis in plebe cur solus sedes et omnis populus praestolatur de mane usque ad vesperam

vul@Exodus:18:18 @ stulto labore consumeris et tu et populus iste qui tecum est ultra vires tuas est negotium solus illud non poteris sustinere

vul@Exodus:18:19 @ sed audi verba mea atque consilia et erit Deus tecum esto tu populo in his quae ad Deum pertinent ut referas quae dicuntur ad eum

vul@Exodus:18:21 @ provide autem de omni plebe viros potentes et timentes Deum in quibus sit veritas et qui oderint avaritiam et constitue ex eis tribunos et centuriones et quinquagenarios et decanos

vul@Exodus:18:22 @ qui iudicent populum omni tempore quicquid autem maius fuerit referant ad te et ipsi minora tantummodo iudicent leviusque tibi sit partito in alios onere

vul@Exodus:18:25 @ et electis viris strenuis de cuncto Israhel constituit eos principes populi tribunos et centuriones et quinquagenarios et decanos

vul@Exodus:19:1 @ mense tertio egressionis Israhel de terra Aegypti in die hac venerunt in solitudinem Sinai

vul@Exodus:19:2 @ nam profecti de Raphidim et pervenientes usque in desertum Sinai castrametati sunt in eodem loco ibique Israhel fixit tentoria e regione montis

vul@Exodus:19:7 @ venit Moses et convocatis maioribus natu populi exposuit omnes sermones quos mandaverat Dominus

vul@Exodus:19:9 @ ait ei Dominus iam nunc veniam ad te in caligine nubis ut audiat me populus loquentem ad te et credat tibi in perpetuum nuntiavit ergo Moses verba populi ad Dominum

vul@Exodus:19:12 @ constituesque terminos populo per circuitum et dices cavete ne ascendatis in montem nec tangatis fines illius omnis qui tetigerit montem morte morietur

vul@Exodus:19:15 @ ait ad eos estote parati in diem tertium ne adpropinquetis uxoribus vestris

vul@Exodus:19:16 @ iam advenerat tertius dies et mane inclaruerat et ecce coeperunt audiri tonitrua ac micare fulgura et nubes densissima operire montem clangorque bucinae vehementius perstrepebat timuit populus qui erat in castris

vul@Exodus:19:18 @ totus autem mons Sinai fumabat eo quod descendisset Dominus super eum in igne et ascenderet fumus ex eo quasi de fornace eratque mons omnis terribilis

vul@Exodus:19:21 @ dixit ad eum descende et contestare populum ne forte velint transcendere terminos ad videndum Dominum et pereat ex eis plurima multitudo

vul@Exodus:19:22 @ sacerdotes quoque qui accedunt ad Dominum sanctificentur ne percutiat eos

vul@Exodus:19:23 @ dixitque Moses ad Dominum non poterit vulgus ascendere in montem Sinai tu enim testificatus es et iussisti dicens pone terminos circa montem et sanctifica illum

vul@Exodus:19:24 @ cui ait Dominus vade descende ascendesque tu et Aaron tecum sacerdotes autem et populus ne transeant terminos nec ascendant ad Dominum ne forte interficiat illos

vul@Exodus:20:1 @ locutus quoque est Dominus cunctos sermones hos

vul@Exodus:20:4 @ non facies tibi sculptile neque omnem similitudinem quae est in caelo desuper et quae in terra deorsum nec eorum quae sunt in aquis sub terra

vul@Exodus:20:5 @ non adorabis ea neque coles ego sum Dominus Deus tuus fortis zelotes visitans iniquitatem patrum in filiis in tertiam et quartam generationem eorum qui oderunt me

vul@Exodus:20:7 @ non adsumes nomen Domini Dei tui in vanum nec enim habebit insontem Dominus eum qui adsumpserit nomen Domini Dei sui frustra

vul@Exodus:20:10 @ septimo autem die sabbati Domini Dei tui non facies omne opus tu et filius tuus et filia tua servus tuus et ancilla tua iumentum tuum et advena qui est intra portas tuas

vul@Exodus:20:11 @ sex enim diebus fecit Dominus caelum et terram et mare et omnia quae in eis sunt et requievit in die septimo idcirco benedixit Dominus diei sabbati et sanctificavit eum

vul@Exodus:20:17 @ non concupisces domum proximi tui nec desiderabis uxorem eius non servum non ancillam non bovem non asinum nec omnia quae illius sunt

vul@Exodus:20:19 @ dicentes Mosi loquere tu nobis et audiemus non loquatur nobis Dominus ne forte moriamur

vul@Exodus:20:21 @ stetitque populus de longe Moses autem accessit ad caliginem in qua erat Deus

vul@Exodus:20:23 @ non facietis mecum deos argenteos nec deos aureos facietis vobis

vul@Exodus:20:24 @ altare de terra facietis mihi et offeretis super eo holocausta et pacifica vestra oves vestras et boves in omni loco in quo memoria fuerit nominis mei veniam ad te et benedicam tibi

vul@Exodus:20:26 @ non ascendes per gradus ad altare meum ne reveletur turpitudo tua

vul@Exodus:21:1 @ haec sunt iudicia quae propones eis

vul@Exodus:21:10 @ quod si alteram ei acceperit providebit puellae nuptias et vestimenta et pretium pudicitiae non negabit

vul@Exodus:21:12 @ qui percusserit hominem volens occidere morte moriatur

vul@Exodus:21:16 @ qui furatus fuerit hominem et vendiderit eum convictus noxae morte moriatur

vul@Exodus:21:25 @ adustionem pro adustione vulnus pro vulnere livorem pro livore

vul@Exodus:21:28 @ si bos cornu petierit virum aut mulierem et mortui fuerint lapidibus obruetur et non comedentur carnes eius dominusque bovis innocens erit

vul@Exodus:21:29 @ quod si bos cornipeta fuerit ab heri et nudius tertius et contestati sunt dominum eius nec reclusit eum occideritque virum aut mulierem et bos lapidibus obruetur et dominum illius occident

vul@Exodus:21:35 @ si bos alienus bovem alterius vulnerarit et ille mortuus fuerit vendent bovem vivum et divident pretium cadaver autem mortui inter se dispertient

vul@Exodus:22:2 @ si effringens fur domum sive suffodiens fuerit inventus et accepto vulnere mortuus fuerit percussor non erit reus sanguinis

vul@Exodus:22:5 @ si laeserit quispiam agrum vel vineam et dimiserit iumentum suum ut depascatur aliena quicquid optimum habuerit in agro suo vel in vinea pro damni aestimatione restituet

vul@Exodus:22:6 @ si egressus ignis invenerit spinas et conprehenderit acervos frugum sive stantes segetes in agris reddet damnum qui ignem succenderit

vul@Exodus:22:10 @ si quis commendaverit proximo suo asinum bovem ovem et omne iumentum ad custodiam et mortuum fuerit aut debilitatum vel captum ab hostibus nullusque hoc viderit

vul@Exodus:22:15 @ quod si inpraesentiarum fuit dominus non restituet maxime si conductum venerat pro mercede operis sui

vul@Exodus:22:16 @ si seduxerit quis virginem necdum desponsatam et dormierit cum ea dotabit eam et habebit uxorem

vul@Exodus:22:17 @ si pater virginis dare noluerit reddet pecuniam iuxta modum dotis quam virgines accipere consuerunt

vul@Exodus:22:21 @ advenam non contristabis neque adfliges eum advenae enim et ipsi fuistis in terra Aegypti

vul@Exodus:22:25 @ si pecuniam mutuam dederis populo meo pauperi qui habitat tecum non urgues eum quasi exactor nec usuris opprimes

vul@Exodus:22:27 @ ipsum enim est solum quo operitur indumentum carnis eius nec habet aliud in quo dormiat si clamaverit ad me exaudiam eum quia misericors sum

vul@Exodus:22:31 @ viri sancti eritis mihi carnem quae a bestiis fuerit praegustata non comedetis sed proicietis canibus

vul@Exodus:23:1 @ non suscipies vocem mendacii nec iunges manum tuam ut pro impio dicas falsum testimonium

vul@Exodus:23:2 @ non sequeris turbam ad faciendum malum nec in iudicio plurimorum adquiesces sententiae ut a vero devies

vul@Exodus:23:3 @ pauperis quoque non misereberis in negotio

vul@Exodus:23:5 @ si videris asinum odientis te iacere sub onere non pertransibis sed sublevabis cum eo

vul@Exodus:23:8 @ nec accipias munera quae excaecant etiam prudentes et subvertunt verba iustorum

vul@Exodus:23:11 @ anno autem septimo dimittes eam et requiescere facies ut comedant pauperes populi tui et quicquid reliqui fuerit edant bestiae agri ita facies in vinea et in oliveto tuo

vul@Exodus:23:13 @ omnia quae dixi vobis custodite et per nomen externorum deorum non iurabitis neque audietur ex ore vestro

vul@Exodus:23:16 @ et sollemnitatem messis primitivorum operis tui quaecumque serueris in agro sollemnitatem quoque in exitu anni quando congregaveris omnes fruges tuas de agro

vul@Exodus:23:17 @ ter in anno apparebit omne masculinum tuum coram Domino Deo

vul@Exodus:23:18 @ non immolabis super fermento sanguinem victimae meae nec remanebit adeps sollemnitatis meae usque mane

vul@Exodus:23:19 @ primitias frugum terrae tuae deferes in domum Domini Dei tui nec coques hedum in lacte matris suae

vul@Exodus:23:21 @ observa eum et audi vocem eius nec contemnendum putes quia non dimittet cum peccaveritis et est nomen meum in illo

vul@Exodus:23:23 @ praecedetque te angelus meus et introducet te ad Amorreum et Hettheum et Ferezeum Chananeumque et Eveum et Iebuseum quos ego contribo

vul@Exodus:23:24 @ non adorabis deos eorum nec coles eos non facies opera eorum sed destrues eos et confringes statuas eorum

vul@Exodus:23:25 @ servietisque Domino Deo vestro ut benedicam panibus tuis et aquis et auferam infirmitatem de medio tui

vul@Exodus:23:26 @ non erit infecunda nec sterilis in terra tua numerum dierum tuorum implebo

vul@Exodus:23:27 @ terrorem meum mittam in praecursum tuum et occidam omnem populum ad quem ingredieris cunctorumque inimicorum tuorum coram te terga vertam

vul@Exodus:23:28 @ emittens crabrones prius qui fugabunt Eveum et Chananeum et Hettheum antequam introeas

vul@Exodus:23:29 @ non eiciam eos a facie tua anno uno ne terra in solitudinem redigatur et crescant contra te bestiae

vul@Exodus:23:30 @ paulatim expellam eos de conspectu tuo donec augearis et possideas terram

vul@Exodus:23:32 @ non inibis cum eis foedus nec cum diis eorum

vul@Exodus:23:33 @ non habitent in terra tua ne forte peccare te faciant in me si servieris diis eorum quod tibi certo erit in scandalum

vul@Exodus:24:1 @ Mosi quoque dixit ascende ad Dominum tu et Aaron Nadab et Abiu et septuaginta senes ex Israhel et adorabitis procul

vul@Exodus:24:2 @ solusque Moses ascendet ad Dominum et illi non adpropinquabunt nec populus ascendet cum eo

vul@Exodus:24:4 @ scripsit autem Moses universos sermones Domini et mane consurgens aedificavit altare ad radices montis et duodecim titulos per duodecim tribus Israhel

vul@Exodus:24:5 @ misitque iuvenes de filiis Israhel et obtulerunt holocausta immolaveruntque victimas pacificas Domino vitulos

vul@Exodus:24:8 @ ille vero sumptum sanguinem respersit in populum et ait hic est sanguis foederis quod pepigit Dominus vobiscum super cunctis sermonibus his

vul@Exodus:24:11 @ nec super eos qui procul recesserant de filiis Israhel misit manum suam videruntque Deum et comederunt ac biberunt

vul@Exodus:24:14 @ senioribus ait expectate hic donec revertamur ad vos habetis Aaron et Hur vobiscum si quid natum fuerit quaestionis referetis ad eos

vul@Exodus:24:18 @ ingressusque Moses medium nebulae ascendit in montem et fuit ibi quadraginta diebus et quadraginta noctibus

vul@Exodus:25:2 @ loquere filiis Israhel ut tollant mihi primitias ab omni homine qui offert ultroneus accipietis eas

vul@Exodus:25:9 @ iuxta omnem similitudinem tabernaculi quod ostendam tibi et omnium vasorum in cultum eius sicque facietis illud

vul@Exodus:25:12 @ et quattuor circulos aureos quos pones per quattuor arcae angulos duo circuli sint in latere uno et duo in altero

vul@Exodus:25:15 @ qui semper erunt in circulis nec umquam extrahentur ab eis

vul@Exodus:25:16 @ ponesque in arcam testificationem quam dabo tibi

vul@Exodus:25:17 @ facies et propitiatorium de auro mundissimo duos cubitos et dimidium tenebit longitudo eius cubitum ac semissem latitudo

vul@Exodus:25:21 @ in qua pones testimonium quod dabo tibi

vul@Exodus:25:23 @ facies et mensam de lignis setthim habentem duos cubitos longitudinis et in latitudine cubitum et in altitudine cubitum ac semissem

vul@Exodus:25:26 @ quattuor quoque circulos aureos praeparabis et pones eos in quattuor angulis eiusdem mensae per singulos pedes

vul@Exodus:25:30 @ et pones super mensam panes propositionis in conspectu meo semper

vul@Exodus:25:37 @ facies et lucernas septem et pones eas super candelabrum ut luceant ex adverso

vul@Exodus:25:39 @ omne pondus candelabri cum universis vasis suis habebit talentum auri mundissimi

vul@Exodus:26:3 @ quinque cortinae sibi iungentur mutuo et aliae quinque nexu simili coherebunt

vul@Exodus:26:11 @ quinquaginta fibulas aeneas quibus iungantur ansae et unum ex omnibus operimentum fiat

vul@Exodus:26:13 @ et cubitus ex una parte pendebit et alter ex altera qui plus est in sagorum longitudine utrumque latus tabernaculi protegens

vul@Exodus:26:16 @ quae singulae denos cubitos in longitudine habeant et in latitudine singulos ac semissem

vul@Exodus:26:17 @ in lateribus tabulae duae incastraturae fient quibus tabula alteri tabulae conectatur atque in hunc modum cunctae tabulae parabuntur

vul@Exodus:26:20 @ in latere quoque secundo tabernaculi quod vergit ad aquilonem viginti tabulae erunt

vul@Exodus:26:21 @ quadraginta habentes bases argenteas binae bases singulis tabulis subponentur

vul@Exodus:26:24 @ eruntque coniunctae a deorsum usque sursum et una omnes conpago retinebit duabus quoque tabulis quae in angulis ponendae sunt similis iunctura servabitur

vul@Exodus:26:26 @ facies et vectes de lignis setthim quinque ad continendas tabulas in uno latere tabernaculi

vul@Exodus:26:29 @ ipsasque tabulas deaurabis et fundes eis anulos aureos per quos vectes tabulata contineant quos operies lamminis aureis

vul@Exodus:26:33 @ inseretur autem velum per circulos intra quod pones arcam testimonii et quo sanctuarium et sanctuarii sanctuaria dividentur

vul@Exodus:26:34 @ pones et propitiatorium super arcam testimonii in sancta sanctorum

vul@Exodus:26:37 @ et quinque columnas deaurabis lignorum setthim ante quas ducetur tentorium quarum erunt capita aurea et bases aeneae

vul@Exodus:27:1 @ facies et altare de lignis setthim quod habebit quinque cubitos in longitudine et totidem in latitudine id est quadrum et tres cubitos in altitudine

vul@Exodus:27:3 @ faciesque in usus eius lebetas ad suscipiendos cineres et forcipes atque fuscinulas et ignium receptacula omnia vasa ex aere fabricabis

vul@Exodus:27:4 @ craticulamque in modum retis aeneam per cuius quattuor angulos erunt quattuor anuli aenei

vul@Exodus:27:5 @ quos pones subter arulam altaris eritque craticula usque ad altaris medium

vul@Exodus:27:6 @ facies et vectes altaris de lignis setthim duos quos operies lamminis aeneis

vul@Exodus:27:8 @ non solidum sed inane et cavum intrinsecus facies illud sicut tibi in monte monstratum est

vul@Exodus:27:9 @ facies et atrium tabernaculi in cuius plaga australi contra meridiem erunt tentoria de bysso retorta centum cubitos unum latus tenebit in longitudine

vul@Exodus:27:10 @ et columnas viginti cum basibus totidem aeneis quae capita cum celaturis suis habebunt argentea

vul@Exodus:27:11 @ similiter in latere aquilonis per longum erunt tentoria centum cubitorum columnae viginti et bases aeneae eiusdem numeri et capita earum cum celaturis suis argentea

vul@Exodus:27:12 @ in latitudine vero atrii quod respicit ad occidentem erunt tentoria per quinquaginta cubitos et columnae decem basesque totidem

vul@Exodus:27:13 @ in ea quoque atrii latitudine quae respicit ad orientem quinquaginta cubiti erunt

vul@Exodus:27:15 @ et in latere altero erunt tentoria cubitos obtinentia quindecim columnas tres et bases totidem

vul@Exodus:27:17 @ omnes columnae atrii per circuitum vestitae erunt argenti lamminis capitibus argenteis et basibus aeneis

vul@Exodus:27:18 @ in longitudine occupabit atrium cubitos centum in latitudine quinquaginta altitudo quinque cubitorum erit fietque de bysso retorta et habebit bases aeneas

vul@Exodus:27:19 @ cuncta vasa tabernaculi in omnes usus et caerimonias tam paxillos eius quam atrii ex aere facies

vul@Exodus:27:21 @ in tabernaculo testimonii extra velum quod oppansum est testimonio et conlocabunt eam Aaron et filii eius ut usque mane luceat coram Domino perpetuus erit cultus per successiones eorum a filiis Israhel

vul@Exodus:28:4 @ haec autem erunt vestimenta quae facient rationale et superumerale tunicam et lineam strictam cidarim et balteum facient vestimenta sancta Aaron fratri tuo et filiis eius ut sacerdotio fungantur mihi

vul@Exodus:28:10 @ sex nomina in lapide uno et sex reliqua in altero iuxta ordinem nativitatis eorum

vul@Exodus:28:12 @ et pones in utroque latere superumeralis memoriale filiis Israhel portabitque Aaron nomina eorum coram Domino super utrumque umerum ob recordationem

vul@Exodus:28:16 @ quadrangulum erit et duplex mensuram palmi habebit tam in longitudine quam in latitudine

vul@Exodus:28:17 @ ponesque in eo quattuor ordines lapidum in primo versu erit lapis sardius et topazius et zmaragdus

vul@Exodus:28:20 @ in quarto chrysolitus onychinus et berillus inclusi auro erunt per ordines suos

vul@Exodus:28:23 @ et duos anulos aureos quos pones in utraque rationalis summitate

vul@Exodus:28:26 @ facies et duos anulos aureos quos pones in summitatibus rationalis et in oris quae e regione sunt superumeralis et posteriora eius aspiciunt

vul@Exodus:28:27 @ nec non et alios duos anulos aureos qui ponendi sunt in utroque latere superumeralis deorsum quod respicit contra faciem iuncturae inferioris ut aptari possit cum superumerali

vul@Exodus:28:28 @ et stringatur rationale anulis suis cum anulis superumeralis vitta hyacinthina ut maneat iunctura fabrefacta et a se invicem rationale et superumerale nequeant separari

vul@Exodus:28:30 @ pones autem in rationali iudicii doctrinam et veritatem quae erunt in pectore Aaron quando ingreditur coram Domino et gestabit iudicium filiorum Israhel in pectore suo in conspectu Domini semper

vul@Exodus:28:32 @ in cuius medio supra erit capitium et ora per gyrum eius textilis sicut fieri solet in extremis vestium partibus ne facile rumpatur

vul@Exodus:28:38 @ inminens fronti pontificis portabitque Aaron iniquitates eorum quae obtulerint et sanctificaverint filii Israhel in cunctis muneribus et donariis suis erit autem lammina semper in fronte eius ut placatus eis sit Dominus

vul@Exodus:28:40 @ porro filiis Aaron tunicas lineas parabis et balteos ac tiaras in gloriam et decorem

vul@Exodus:28:42 @ facies et feminalia linea ut operiant carnem turpitudinis suae a renibus usque ad femina

vul@Exodus:28:43 @ et utentur eis Aaron et filii eius quando ingredientur tabernaculum testimonii vel quando adpropinquant ad altare ut ministrent in sanctuario ne iniquitatis rei moriantur legitimum sempiternum erit Aaron et semini eius post eum

vul@Exodus:29:2 @ panesque azymos et crustula absque fermento quae conspersa sint oleo lagana quoque azyma oleo lita de simila triticea cuncta facies

vul@Exodus:29:5 @ indues Aaron vestimentis suis id est linea et tunica et superumerali et rationali quod constringes balteo

vul@Exodus:29:6 @ et pones tiaram in capite eius et lamminam sanctam super tiaram

vul@Exodus:29:8 @ filios quoque illius adplicabis et indues tunicis lineis cingesque balteo

vul@Exodus:29:9 @ Aaron scilicet et liberos eius et inpones eis mitras eruntque sacerdotes mei in religione perpetua postquam initiaveris manus eorum

vul@Exodus:29:10 @ adplicabis et vitulum coram tabernaculo testimonii inponentque Aaron et filii eius manus super caput illius

vul@Exodus:29:12 @ sumptumque de sanguine vituli pones super cornua altaris digito tuo reliquum autem sanguinem fundes iuxta basim eius

vul@Exodus:29:13 @ sumes et adipem totum qui operit intestina et reticulum iecoris ac duos renes et adipem qui super eos est et offeres incensum super altare

vul@Exodus:29:14 @ carnes vero vituli et corium et fimum conbures foris extra castra eo quod pro peccato sit

vul@Exodus:29:15 @ unum quoque arietum sumes super cuius caput ponent Aaron et filii eius manus

vul@Exodus:29:16 @ quem cum mactaveris tolles de sanguine eius et fundes circa altare

vul@Exodus:29:17 @ ipsum autem arietem secabis in frusta lotaque intestina eius ac pedes pones super concisas carnes et super caput illius

vul@Exodus:29:19 @ tolles quoque arietem alterum super cuius caput Aaron et filii eius ponent manus

vul@Exodus:29:20 @ quem cum immolaveris sumes de sanguine ipsius et pones super extremum dextrae auriculae Aaron et filiorum eius et super pollices manus eorum et pedis dextri fundesque sanguinem super altare per circuitum

vul@Exodus:29:21 @ cumque tuleris de sanguine qui est super altare et de oleo unctionis asperges Aaron et vestes eius filios et vestimenta eorum consecratisque et ipsis et vestibus

vul@Exodus:29:22 @ tolles adipem de ariete et caudam et arvinam quae operit vitalia ac reticulum iecoris et duos renes atque adipem qui super eos est armumque dextrum eo quod sit aries consecrationum

vul@Exodus:29:24 @ ponesque omnia super manus Aaron et filiorum eius et sanctificabis eos elevans coram Domino

vul@Exodus:29:31 @ arietem autem consecrationum tolles et coques carnes eius in loco sancto

vul@Exodus:29:32 @ quibus vescetur Aaron et filii eius panes quoque qui sunt in canistro in vestibulo tabernaculi testimonii comedent

vul@Exodus:29:34 @ quod si remanserit de carnibus consecratis sive de panibus usque mane conbures reliquias igni non comedentur quia sanctificata sunt

vul@Exodus:29:36 @ et vitulum pro peccato offeres per singulos dies ad expiandum mundabisque altare cum immolaris expiationis hostiam et ungues illud in sanctificationem

vul@Exodus:29:39 @ unum agnum mane et alterum vespere

vul@Exodus:29:42 @ sacrificium Domino oblatione perpetua in generationes vestras ad ostium tabernaculi testimonii coram Domino ubi constituam ut loquar ad te

vul@Exodus:29:46 @ et scient quia ego Dominus Deus eorum qui eduxi eos de terra Aegypti ut manerem inter illos ego Dominus Deus ipsorum

vul@Exodus:30:2 @ habens cubitum longitudinis et alterum latitudinis id est quadrangulum et duos cubitos in altitudine cornua ex ipso procedent

vul@Exodus:30:6 @ ponesque altare contra velum quod ante arcam pendet testimonii coram propitiatorio quo tegitur testimonium ubi loquar tibi

vul@Exodus:30:7 @ et adolebit incensum super eo Aaron suave fraglans mane quando conponet lucernas incendet illud

vul@Exodus:30:8 @ et quando conlocat eas ad vesperum uret thymiama sempiternum coram Domino in generationes vestras

vul@Exodus:30:9 @ non offeretis super eo thymiama conpositionis alterius nec oblationem et victimam nec liba libabitis

vul@Exodus:30:10 @ et deprecabitur Aaron super cornua eius semel per annum in sanguine quod oblatum est pro peccato et placabit super eo in generationibus vestris sanctum sanctorum erit Domino

vul@Exodus:30:18 @ facies et labium aeneum cum basi sua ad lavandum ponesque illud inter tabernaculum testimonii et altare et missa aqua

vul@Exodus:30:21 @ ne forte moriantur legitimum sempiternum erit ipsi et semini eius per successiones

vul@Exodus:30:28 @ et holocausti et universam supellectilem quae ad cultum eorum pertinent

vul@Exodus:30:31 @ filiis quoque Israhel dices hoc oleum unctionis sanctum erit mihi in generationes vestras

vul@Exodus:30:32 @ caro hominis non unguetur ex eo et iuxta conpositionem eius non facietis aliud quia sanctificatum est et sanctum erit vobis

vul@Exodus:30:34 @ dixitque Dominus ad Mosen sume tibi aromata stacten et onycha galbanen boni odoris et tus lucidissimum aequalis ponderis erunt omnia

vul@Exodus:30:35 @ faciesque thymiama conpositum opere unguentarii mixtum diligenter et purum et sanctificatione dignissimum

vul@Exodus:30:36 @ cumque in tenuissimum pulverem universa contuderis pones ex eo coram testimonio tabernaculi in quo loco apparebo tibi sanctum sanctorum erit vobis thymiama

vul@Exodus:30:37 @ talem conpositionem non facietis in usus vestros quia sanctum est Domino

vul@Exodus:31:2 @ ecce vocavi ex nomine Beselehel filium Uri filii Hur de tribu Iuda

vul@Exodus:31:13 @ loquere filiis Israhel et dices ad eos videte ut sabbatum meum custodiatis quia signum est inter me et vos in generationibus vestris ut sciatis quia ego Dominus qui sanctifico vos

vul@Exodus:31:16 @ custodiant filii Israhel sabbatum et celebrent illud in generationibus suis pactum est sempiternum

vul@Exodus:32:6 @ surgentesque mane obtulerunt holocausta et hostias pacificas et sedit populus comedere ac bibere et surrexerunt ludere

vul@Exodus:32:11 @ Moses autem orabat Dominum Deum suum dicens cur Domine irascitur furor tuus contra populum tuum quem eduxisti de terra Aegypti in fortitudine magna et in manu robusta

vul@Exodus:32:12 @ ne quaeso dicant Aegyptii callide eduxit eos ut interficeret in montibus et deleret e terra quiescat ira tua et esto placabilis super nequitia populi tui

vul@Exodus:32:14 @ placatusque est Dominus ne faceret malum quod locutus fuerat adversus populum suum

vul@Exodus:32:18 @ qui respondit non est clamor adhortantium ad pugnam neque vociferatio conpellentium ad fugam sed vocem cantantium ego audio

vul@Exodus:32:22 @ cui ille respondit ne indignetur dominus meus tu enim nosti populum istum quod pronus sit ad malum

vul@Exodus:32:23 @ dixerunt mihi fac nobis deos qui praecedant nos huic enim Mosi qui nos eduxit de terra Aegypti nescimus quid acciderit

vul@Exodus:32:24 @ quibus ego dixi quis vestrum habet aurum tulerunt et dederunt mihi et proieci illud in ignem egressusque est hic vitulus

vul@Exodus:32:26 @ et stans in porta castrorum ait si quis est Domini iungatur mihi congregatique sunt ad eum omnes filii Levi

vul@Exodus:32:28 @ fecerunt filii Levi iuxta sermonem Mosi cecideruntque in die illo quasi tria milia hominum

vul@Exodus:32:29 @ et ait Moses consecrastis manus vestras hodie Domino unusquisque in filio et fratre suo ut detur vobis benedictio

vul@Exodus:33:2 @ et mittam praecursorem tui angelum ut eiciam Chananeum et Amorreum et Hettheum et Ferezeum et Eveum et Iebuseum

vul@Exodus:33:3 @ et intres in terram fluentem lacte et melle non enim ascendam tecum quia populus durae cervicis est ne forte disperdam te in via

vul@Exodus:33:4 @ audiens populus sermonem hunc pessimum luxit et nullus ex more indutus est cultu suo

vul@Exodus:33:5 @ dixitque Dominus ad Mosen loquere filiis Israhel populus durae cervicis es semel ascendam in medio tui et delebo te iam nunc depone ornatum tuum ut sciam quid faciam tibi

vul@Exodus:33:7 @ Moses quoque tollens tabernaculum tetendit extra castra procul vocavitque nomen eius tabernaculum foederis et omnis populus qui habebat aliquam quaestionem egrediebatur ad tabernaculum foederis extra castra

vul@Exodus:33:8 @ cumque egrederetur Moses ad tabernaculum surgebat universa plebs et stabat unusquisque in ostio papilionis sui aspiciebantque tergum Mosi donec ingrederetur tentorium

vul@Exodus:33:10 @ cernentibus universis quod columna nubis staret ad ostium tabernaculi stabantque ipsi et adorabant per fores tabernaculorum suorum

vul@Exodus:33:12 @ dixit autem Moses ad Dominum praecipis ut educam populum istum et non indicas mihi quem missurus es mecum praesertim cum dixeris novi te ex nomine et invenisti gratiam coram me

vul@Exodus:33:15 @ et ait Moses si non tu ipse praecedes ne educas nos de loco isto

vul@Exodus:33:17 @ dixit autem Dominus ad Mosen et verbum istud quod locutus es faciam invenisti enim gratiam coram me et te ipsum novi ex nomine

vul@Exodus:33:19 @ respondit ego ostendam omne bonum tibi et vocabo in nomine Domini coram te et miserebor cui voluero et clemens ero in quem mihi placuerit

vul@Exodus:33:22 @ cumque transibit gloria mea ponam te in foramine petrae et protegam dextera mea donec transeam

vul@Exodus:34:2 @ esto paratus mane ut ascendas statim in montem Sinai stabisque mecum super verticem montis

vul@Exodus:34:3 @ nullus ascendat tecum nec videatur quispiam per totum montem boves quoque et oves non pascantur e contra

vul@Exodus:34:6 @ quo transeunte coram eo ait Dominator Domine Deus misericors et clemens patiens et multae miserationis ac verus

vul@Exodus:34:7 @ qui custodis misericordiam in milia qui aufers iniquitatem et scelera atque peccata nullusque apud te per se innocens est qui reddis iniquitatem patrum in filiis ac nepotibus in tertiam et quartam progeniem

vul@Exodus:34:9 @ ait si inveni gratiam in conspectu tuo Domine obsecro ut gradiaris nobiscum populus enim durae cervicis est et auferas iniquitates nostras atque peccata nosque possideas

vul@Exodus:34:10 @ respondit Dominus ego inibo pactum videntibus cunctis signa faciam quae numquam sunt visa super terram nec in ullis gentibus ut cernat populus in cuius es medio opus Domini terribile quod facturus sum

vul@Exodus:34:11 @ observa cuncta quae hodie mando tibi ego ipse eiciam ante faciem tuam Amorreum et Chananeum et Hettheum Ferezeum quoque et Eveum et Iebuseum

vul@Exodus:34:12 @ cave ne umquam cum habitatoribus terrae illius iungas amicitias quae tibi sint in ruinam

vul@Exodus:34:15 @ ne ineas pactum cum hominibus illarum regionum ne cum fornicati fuerint cum diis suis et adoraverint simulacra eorum vocet te quispiam ut comedas de immolatis

vul@Exodus:34:16 @ nec uxorem de filiabus eorum accipies filiis tuis ne postquam ipsae fuerint fornicatae fornicari faciant et filios tuos in deos suos

vul@Exodus:34:19 @ omne quod aperit vulvam generis masculini meum erit de cunctis animantibus tam de bubus quam de ovibus meum erit

vul@Exodus:34:20 @ primogenitum asini redimes ove sin autem nec pretium pro eo dederis occidetur primogenitum filiorum tuorum redimes nec apparebis in conspectu meo vacuus

vul@Exodus:34:23 @ tribus temporibus anni apparebit omne masculinum tuum in conspectu omnipotentis Domini Dei Israhel

vul@Exodus:34:25 @ non immolabis super fermento sanguinem hostiae meae neque residebit mane de victima sollemnitatis phase

vul@Exodus:34:28 @ fecit ergo ibi cum Domino quadraginta dies et quadraginta noctes panem non comedit et aquam non bibit et scripsit in tabulis verba foederis decem

vul@Exodus:34:29 @ cumque descenderet Moses de monte Sinai tenebat duas tabulas testimonii et ignorabat quod cornuta esset facies sua ex consortio sermonis Dei

vul@Exodus:34:32 @ venerunt ad eum etiam omnes filii Israhel quibus praecepit cuncta quae audierat a Domino in monte Sinai

vul@Exodus:34:34 @ quod ingressus ad Dominum et loquens cum eo auferebat donec exiret et tunc loquebatur ad filios Israhel omnia quae sibi fuerant imperata

vul@Exodus:35:3 @ non succendetis ignem in omnibus habitaculis vestris per diem sabbati

vul@Exodus:35:4 @ et ait Moses ad omnem catervam filiorum Israhel iste est sermo quem praecepit Dominus dicens

vul@Exodus:35:17 @ altare holocausti et craticulam eius aeneam cum vectibus et vasis suis labrum et basim eius

vul@Exodus:35:22 @ obtulit mente promptissima atque devota primitias Domino ad faciendum opus tabernaculi testimonii quicquid in cultum et ad vestes sanctas necessarium erat

vul@Exodus:35:23 @ viri cum mulieribus praebuerunt armillas et inaures anulos et dextralia omne vas aureum in donaria Domini separatum est

vul@Exodus:35:26 @ sed et mulieres doctae dederunt quae neverant hyacinthum purpuram et vermiculum ac byssum

vul@Exodus:35:29 @ aromataque et oleum ad luminaria concinnanda et ad praeparandum unguentum ac thymiama odoris suavissimi conponendum

vul@Exodus:35:30 @ omnes viri et mulieres mente devota obtulerunt donaria ut fierent opera quae iusserat Dominus per manum Mosi cuncti filii Israhel voluntaria Domino dedicaverunt

vul@Exodus:35:31 @ dixitque Moses ad filios Israhel ecce vocavit Dominus ex nomine Beselehel filium Uri filii Hur de tribu Iuda

vul@Exodus:36:1 @ fecit ergo Beselehel et Hooliab et omnis vir sapiens quibus dedit Dominus sapientiam et intellectum ut scirent fabre operari quae in usus sanctuarii necessaria sunt et quae praecepit Dominus

vul@Exodus:36:2 @ cumque vocasset eos Moses et omnem eruditum virum cui dederat Deus sapientiam et qui sponte sua obtulerant se ad faciendum opus

vul@Exodus:36:3 @ tradidit eis universa donaria filiorum Israhel qui cum instarent operi cotidie mane vota populus offerebat

vul@Exodus:36:5 @ dixerunt Mosi plus offert populus quam necessarium est

vul@Exodus:36:6 @ iussit ergo Moses praeconis voce cantari nec vir nec mulier quicquam ultra offerat in opere sanctuarii sicque cessatum est a muneribus offerendis

vul@Exodus:36:8 @ feceruntque omnes corde sapientes ad explendum opus tabernaculi cortinas decem de bysso retorta et hyacintho et purpura coccoque bis tincto opere vario et arte polymita

vul@Exodus:36:9 @ quarum una habebat in longitudine viginti octo cubitos et in latitudine quattuor una mensura erat omnium cortinarum

vul@Exodus:36:15 @ unum sagum habebat in longitudine cubitos triginta et in latitudine cubitos quattuor unius mensurae erant omnia saga

vul@Exodus:36:18 @ et fibulas aeneas quinquaginta quibus necteretur tectum et unum pallium ex omnibus sagis fieret

vul@Exodus:36:21 @ decem cubitorum erat longitudo tabulae unius et unum ac semis cubitum latitudo retinebat

vul@Exodus:36:24 @ cum quadraginta basibus argenteis duae bases sub una tabula ponebantur ex utraque angulorum parte ubi incastraturae laterum in angulis terminantur

vul@Exodus:36:25 @ ad plagam quoque tabernaculi quae respicit ad aquilonem fecit viginti tabulas

vul@Exodus:36:31 @ fecit et vectes de lignis setthim quinque ad continendas tabulas unius lateris tabernaculi

vul@Exodus:36:38 @ et columnas quinque cum capitibus suis quas operuit auro basesque earum fudit aeneas

vul@Exodus:37:1 @ fecit autem Beselehel et arcam de lignis setthim habentem duos semis cubitos in longitudinem et cubitum ac semissem in latitudinem altitudo quoque uno cubito fuit et dimidio vestivitque eam auro purissimo intus ac foris

vul@Exodus:37:6 @ fecit et propitiatorium id est oraculum de auro mundissimo duorum cubitorum et dimidio in longitudine et cubito ac semisse in latitudine

vul@Exodus:37:10 @ fecit et mensam de lignis setthim in longitudine duorum cubitorum et in latitudine unius cubiti quae habebat in altitudine cubitum ac semissem

vul@Exodus:37:25 @ fecit et altare thymiamatis de lignis setthim habens per quadrum singulos cubitos et in altitudine duos e cuius angulis procedebant cornua

vul@Exodus:38:1 @ fecit et altare holocausti de lignis setthim quinque cubitorum per quadrum et trium in altitudine

vul@Exodus:38:2 @ cuius cornua de angulis procedebant operuitque illud aeneis lamminis

vul@Exodus:38:4 @ craticulamque eius in modum retis fecit aeneam et subter eam in altaris medio arulam

vul@Exodus:38:6 @ quos et ipsos fecit de lignis setthim et operuit lamminis aeneis

vul@Exodus:38:7 @ induxitque in circulos qui in altaris lateribus eminebant ipsum autem altare non erat solidum sed cavum ex tabulis et intus vacuum

vul@Exodus:38:8 @ fecit et labrum aeneum cum base sua de speculis mulierum quae excubabant in ostio tabernaculi

vul@Exodus:38:10 @ columnae aeneae viginti cum basibus suis capita columnarum et tota operis celatura argentea

vul@Exodus:38:12 @ in ea vero plaga quae occidentem respicit fuere tentoria cubitorum quinquaginta columnae decem cum basibus suis aeneae et capita columnarum celata argentea

vul@Exodus:38:14 @ e quibus quindecim cubitos columnarum trium cum basibus suis unum tenebat latus

vul@Exodus:38:17 @ bases columnarum fuere aeneae capita autem earum cum celaturis suis argentea sed et ipsas columnas atrii vestivit argento

vul@Exodus:38:18 @ et in introitu eius opere plumario fecit tentorium ex hyacintho purpura vermiculo ac bysso retorta quod habebat viginti cubitos in longitudine altitudo vero quinque cubitorum erat iuxta mensuram quam cuncta atrii habebant tentoria

vul@Exodus:38:19 @ columnae autem ingressus fuere quattuor cum basibus aeneis capitaque earum et celaturae argenteae

vul@Exodus:38:20 @ paxillos quoque tabernaculi et atrii per gyrum fecit aeneos

vul@Exodus:38:24 @ omne aurum quod expensum est in opere sanctuarii et quod oblatum in donariis viginti novem talentorum fuit et septingentorum triginta siclorum ad mensuram sanctuarii

vul@Exodus:38:30 @ ex quibus fusae sunt bases in introitu tabernaculi testimonii et altare aeneum cum craticula sua omniaque vasa quae ad usum eius pertinent

vul@Exodus:39:3 @ opere polymitario inciditque bratteas aureas et extenuavit in fila ut possint torqueri cum priorum colorum subtemine

vul@Exodus:39:10 @ et posuit in eo gemmarum ordines quattuor in primo versu erat sardius topazius zmaragdus

vul@Exodus:39:13 @ in quarto chrysolitus onychinus berillus circumdati et inclusi auro per ordines suos

vul@Exodus:39:17 @ e quibus penderent duae catenae aureae quas inseruerunt uncinis qui in superumeralis angulis eminebant

vul@Exodus:39:18 @ haec et ante et retro ita conveniebant sibi ut superumerale et rationale mutuo necterentur

vul@Exodus:39:19 @ stricta ad balteum et anulis fortius copulata quos iungebat vitta hyacinthina ne laxe fluerent et a se invicem moverentur sicut praecepit Dominus Mosi

vul@Exodus:39:27 @ feminalia quoque linea byssina

vul@Exodus:39:29 @ fecerunt et lamminam sacrae venerationis de auro purissimo scripseruntque in ea opere gemmario Sanctum Domini

vul@Exodus:39:31 @ perfectum est igitur omne opus tabernaculi et tecti testimonii feceruntque filii Israhel cuncta quae praeceperat Dominus Mosi

vul@Exodus:39:39 @ altare aeneum retiaculum vectes et vasa eius omnia labrum cum basi sua tentoria atrii et columnas cum basibus suis

vul@Exodus:39:43 @ quae postquam Moses cuncta vidit expleta benedixit eis

vul@Exodus:40:3 @ et pones in eo arcam dimittesque ante illam velum

vul@Exodus:40:4 @ et inlata mensa pones super eam quae rite praecepta sunt candelabrum stabit cum lucernis suis

vul@Exodus:40:5 @ et altare aureum in quo adoletur incensum coram arca testimonii tentorium in introitu tabernaculi pones

vul@Exodus:40:19 @ cumque intulisset arcam in tabernaculum adpendit ante eam velum ut expleret Domini iussionem

vul@Exodus:40:22 @ posuit et candelabrum in tabernaculum testimonii e regione mensae in parte australi

vul@Exodus:40:23 @ locatis per ordinem lucernis iuxta praeceptum Domini

vul@Exodus:40:33 @ nec poterat Moses ingredi tectum foederis nube operiente omnia et maiestate Domini coruscante quia cuncta nubes operuerat

vul@Exodus:40:35 @ si pendebat desuper manebant in eodem loco

vul@Leviticus:1:4 @ ponetque manus super caput hostiae et acceptabilis erit atque in expiationem eius proficiens

vul@Leviticus:1:5 @ immolabitque vitulum coram Domino et offerent filii Aaron sacerdotes sanguinem eius fundentes super altaris circuitum quod est ante ostium tabernaculi

vul@Leviticus:1:7 @ et subicient in altari ignem strue lignorum ante conposita

vul@Leviticus:1:11 @ immolabitque ad latus altaris quod respicit ad aquilonem coram Domino sanguinem vero illius fundent super altare filii Aaron per circuitum

vul@Leviticus:1:12 @ dividentque membra caput et omnia quae adherent iecori et inponent super ligna quibus subiciendus est ignis

vul@Leviticus:1:15 @ offeret eam sacerdos ad altare et retorto ad collum capite ac rupto vulneris loco decurrere faciet sanguinem super crepidinem altaris

vul@Leviticus:1:16 @ vesiculam vero gutturis et plumas proiciet propter altare ad orientalem plagam in loco in quo cineres effundi solent

vul@Leviticus:1:17 @ confringetque ascellas eius et non secabit nec ferro dividet eam et adolebit super altare lignis igne subposito holocaustum est et oblatio suavissimi odoris Domino

vul@Leviticus:2:1 @ anima cum obtulerit oblationem sacrificii Domino simila erit eius oblatio fundetque super eam oleum et ponet tus

vul@Leviticus:2:2 @ ac deferet ad filios Aaron sacerdotes quorum unus tollet pugillum plenum similae et olei ac totum tus et ponet memoriale super altare in odorem suavissimum Domino

vul@Leviticus:2:4 @ cum autem obtuleris sacrificium coctum in clibano de simila panes scilicet absque fermento conspersos oleo et lagana azyma oleo lita

vul@Leviticus:2:5 @ si oblatio tua fuerit de sartagine similae conspersae oleo et absque fermento

vul@Leviticus:2:11 @ omnis oblatio quae offertur Domino absque fermento fiet nec quicquam fermenti ac mellis adolebitur in sacrificio Domini

vul@Leviticus:2:12 @ primitias tantum eorum offeretis et munera super altare vero non ponentur in odorem suavitatis

vul@Leviticus:2:13 @ quicquid obtuleris sacrificii sale condies nec auferes sal foederis Dei tui de sacrificio tuo in omni oblatione offeres sal

vul@Leviticus:2:15 @ fundens supra oleum et tus inponens quia oblatio Domini est

vul@Leviticus:2:16 @ de qua adolebit sacerdos in memoriam muneris partem farris fracti et olei ac totum tus

vul@Leviticus:3:2 @ ponetque manum super caput victimae suae quae immolabitur in introitu tabernaculi fundentque filii Aaron sacerdotes sanguinem per circuitum altaris

vul@Leviticus:3:3 @ et offerent de hostia pacificorum in oblationem Domini adipem qui operit vitalia et quicquid pinguedinis intrinsecus est

vul@Leviticus:3:4 @ duos renes cum adipe quo teguntur ilia et reticulum iecoris cum renunculis

vul@Leviticus:3:5 @ adolebuntque ea super altare in holocaustum lignis igne subposito in oblationem suavissimi odoris Domino

vul@Leviticus:3:8 @ ponet manum super caput victimae suae quae immolabitur in vestibulo tabernaculi testimonii fundentque filii Aaron sanguinem eius per altaris circuitum

vul@Leviticus:3:10 @ cum renibus et pinguedinem quae operit ventrem atque universa vitalia et utrumque renunculum cum adipe qui est iuxta ilia reticulumque iecoris cum renunculis

vul@Leviticus:3:13 @ ponet manum suam super caput eius immolabitque eam in introitu tabernaculi testimonii et fundent filii Aaron sanguinem eius per altaris circuitum

vul@Leviticus:3:17 @ iure perpetuo in generationibus et cunctis habitaculis vestris nec adipes nec sanguinem omnino comedetis

vul@Leviticus:4:4 @ et adducet illum ad ostium tabernaculi testimonii coram Domino ponetque manum super caput eius et immolabit eum Domino

vul@Leviticus:4:5 @ hauriet quoque de sanguine vituli inferens illud in tabernaculum testimonii

vul@Leviticus:4:6 @ cumque intinxerit digitum in sanguinem asperget eo septies coram Domino contra velum sanctuarii

vul@Leviticus:4:7 @ ponetque de eodem sanguine super cornua altaris thymiamatis gratissimi Domino quod est in tabernaculo testimonii omnem autem reliquum sanguinem fundet in basim altaris holocausti in introitu tabernaculi

vul@Leviticus:4:11 @ pellem vero et omnes carnes cum capite et pedibus et intestinis et fimo

vul@Leviticus:4:12 @ et reliquo corpore efferet extra castra in locum mundum ubi cineres effundi solent incendetque ea super lignorum struem quae in loco effusorum cinerum cremabuntur

vul@Leviticus:4:15 @ et ponent seniores populi manus super caput eius coram Domino immolatoque vitulo in conspectu Domini

vul@Leviticus:4:16 @ inferet sacerdos qui unctus est de sanguine eius in tabernaculum testimonii

vul@Leviticus:4:18 @ ponetque de eodem sanguine in cornibus altaris quod est coram Domino in tabernaculo testimonii reliquum autem sanguinem fundet iuxta basim altaris holocaustorum quod est in ostio tabernaculi testimonii

vul@Leviticus:4:19 @ omnemque eius adipem tollet et adolebit super altare

vul@Leviticus:4:24 @ ponetque manum suam super caput eius cumque immolaverit eum in loco ubi solet mactari holocaustum coram Domino quia pro peccato est

vul@Leviticus:4:25 @ tinguet sacerdos digitum in sanguine hostiae pro peccato tangens cornua altaris holocausti et reliquum fundens ad basim eius

vul@Leviticus:4:29 @ ponetque manum super caput hostiae quae pro peccato est et immolabit eam in loco holocausti

vul@Leviticus:4:30 @ tolletque sacerdos de sanguine in digito suo et tangens cornua altaris holocausti reliquum fundet ad basim eius

vul@Leviticus:4:31 @ omnem autem auferens adipem sicut auferri solet de victimis pacificorum adolebit super altare in odorem suavitatis Domino rogabitque pro eo et dimittetur ei

vul@Leviticus:4:33 @ ponet manum super caput eius et immolabit eam in loco ubi solent holocaustorum caedi hostiae

vul@Leviticus:4:34 @ sumetque sacerdos de sanguine eius digito suo et tangens cornua altaris holocausti reliquum fundet ad basim eius

vul@Leviticus:4:35 @ omnem quoque auferens adipem sicut auferri solet adeps arietis qui immolatur pro pacificis et cremabit super altare in incensum Domini rogabitque pro eo et pro peccato eius et dimittetur illi

vul@Leviticus:5:3 @ et si tetigerit quicquam de inmunditia hominis iuxta omnem inpuritatem qua pollui solet oblitaque cognoverit postea subiacebit delicto

vul@Leviticus:5:4 @ anima quae iuraverit et protulerit labiis suis ut vel male quid faceret vel bene et id ipsum iuramento et sermone firmaverit oblitaque postea intellexerit delictum suum

vul@Leviticus:5:9 @ et asperget de sanguine eius parietem altaris quicquid autem reliquum fuerit faciet destillare ad fundamentum eius quia pro peccato est

vul@Leviticus:5:11 @ quod si non quiverit manus eius offerre duos turtures vel duos pullos columbae offeret pro peccato similam partem oephi decimam non mittet in eam oleum nec turis aliquid inponet quia pro peccato est

vul@Leviticus:5:13 @ rogans pro illo et expians reliquam vero partem ipse habebit in munere

vul@Leviticus:5:16 @ ipsumque quod intulit damni restituet et quintam partem ponet supra tradens sacerdoti qui rogabit pro eo offerens arietem et dimittetur ei

vul@Leviticus:5:18 @ offeret arietem inmaculatum de gregibus sacerdoti iuxta mensuram aestimationemque peccati qui orabit pro eo quod nesciens fecerit et dimittetur ei

vul@Leviticus:6:2 @ anima quae peccaverit et contempto Domino negaverit depositum proximo suo quod fidei eius creditum fuerat vel vi aliquid extorserit aut calumniam fecerit

vul@Leviticus:6:3 @ sive rem perditam invenerit et infitians insuper peierarit et quodlibet aliud ex pluribus fecerit in quibus peccare solent homines

vul@Leviticus:6:5 @ omnia quae per fraudem voluit obtinere integra et quintam insuper partem domino cui damnum intulerat

vul@Leviticus:6:6 @ pro peccato autem suo offeret arietem inmaculatum de grege et dabit eum sacerdoti iuxta aestimationem mensuramque delicti

vul@Leviticus:6:9 @ praecipe Aaron et filiis eius haec est lex holocausti cremabitur in altari tota nocte usque mane ignis ex eodem altari erit

vul@Leviticus:6:10 @ vestietur sacerdos tunica et feminalibus lineis tolletque cineres quos vorans ignis exusit et ponens iuxta altare

vul@Leviticus:6:12 @ ignis autem in altari semper ardebit quem nutriet sacerdos subiciens ligna mane per singulos dies et inposito holocausto desuper adolebit adipes pacificorum

vul@Leviticus:6:18 @ mares tantum stirpis Aaron comedent illud legitimum ac sempiternum est in generationibus vestris de sacrificiis Domini omnis qui tetigerit illa sanctificabitur

vul@Leviticus:6:20 @ haec est oblatio Aaron et filiorum eius quam offerre debent Domino in die unctionis suae decimam partem oephi offerent similae in sacrificio sempiterno medium eius mane et medium vespere

vul@Leviticus:6:21 @ quae in sartagine oleo conspersa frigetur offeret autem eam calidam in odorem suavissimum Domino

vul@Leviticus:6:23 @ omne enim sacrificium sacerdotum igne consumetur nec quisquam comedet ex eo

vul@Leviticus:6:27 @ quicquid tetigerit carnes eius sanctificabitur si de sanguine illius vestis fuerit aspersa lavabitur in loco sancto

vul@Leviticus:6:28 @ vas autem fictile in quo cocta est confringetur quod si vas aeneum fuerit defricabitur et lavabitur aqua

vul@Leviticus:6:29 @ omnis masculus de genere sacerdotali vescetur carnibus eius quia sanctum sanctorum est

vul@Leviticus:7:4 @ duos renunculos et pinguedinem quae iuxta ilia est reticulumque iecoris cum renunculis

vul@Leviticus:7:6 @ omnis masculus de sacerdotali genere in loco sancto vescetur his carnibus quia sanctum sanctorum est

vul@Leviticus:7:7 @ sicut pro peccato offertur hostia ita et pro delicto utriusque hostiae lex una erit ad sacerdotem qui eam obtulerit pertinebit

vul@Leviticus:7:9 @ et omne sacrificium similae quod coquitur in clibano et quicquid in craticula vel in sartagine praeparatur eius erit sacerdotis a quo offertur

vul@Leviticus:7:12 @ si pro gratiarum actione fuerit oblatio offerent panes absque fermento conspersos oleo et lagana azyma uncta oleo coctamque similam et collyridas olei admixtione conspersas

vul@Leviticus:7:13 @ panes quoque fermentatos cum hostia gratiarum quae immolatur pro pacificis

vul@Leviticus:7:14 @ ex quibus unus pro primitiis offeretur Domino et erit sacerdotis qui fundet hostiae sanguinem

vul@Leviticus:7:15 @ cuius carnes eadem comedentur die nec remanebit ex eis quicquam usque mane

vul@Leviticus:7:17 @ quicquid autem tertius invenerit dies ignis absumet

vul@Leviticus:7:18 @ si quis de carnibus victimae pacificorum die tertio comederit irrita fiet oblatio nec proderit offerenti quin potius quaecumque anima tali se edulio contaminarit praevaricationis rea erit

vul@Leviticus:7:26 @ sanguinem quoque omnis animalis non sumetis in cibo tam de avibus quam de pecoribus

vul@Leviticus:7:27 @ omnis anima quae ederit sanguinem peribit de populis suis

vul@Leviticus:7:30 @ tenebit manibus adipem hostiae et pectusculum cumque ambo oblata Domino consecrarit tradet sacerdoti

vul@Leviticus:7:33 @ qui obtulerit sanguinem et adipem filiorum Aaron ipse habebit et armum dextrum in portione sua

vul@Leviticus:7:36 @ et quae praecepit dari eis Dominus a filiis Israhel religione perpetua in generationibus suis

vul@Leviticus:7:37 @ ista est lex holocausti et sacrificii pro peccato atque delicto et pro consecratione et pacificorum victimis

vul@Leviticus:7:38 @ quas constituit Dominus Mosi in monte Sinai quando mandavit filiis Israhel ut offerrent oblationes suas Domino in deserto Sinai

vul@Leviticus:8:3 @ et congregabis omnem coetum ad ostium tabernaculi

vul@Leviticus:8:7 @ vestivit pontificem subucula linea accingens eum balteo et induens tunica hyacinthina et desuper umerale inposuit

vul@Leviticus:8:9 @ cidarim quoque texit caput et super eam contra frontem posuit lamminam auream consecratam in sanctificationem sicut praeceperat ei Dominus

vul@Leviticus:8:13 @ filios quoque eius oblatos vestivit tunicis lineis et cinxit balteo inposuitque mitras ut iusserat Dominus

vul@Leviticus:8:15 @ immolavit eum hauriens sanguinem et tincto digito tetigit cornua altaris per gyrum quo expiato et sanctificato fudit reliquum sanguinem ad fundamenta eius

vul@Leviticus:8:19 @ immolavit eum et fudit sanguinem eius per altaris circuitum

vul@Leviticus:8:22 @ obtulit et arietem secundum in consecrationem sacerdotum posueruntque super caput illius Aaron et filii eius manus suas

vul@Leviticus:8:23 @ quem cum immolasset Moses sumens de sanguine tetigit extremum auriculae dextrae Aaron et pollicem manus eius dextrae similiter et pedis

vul@Leviticus:8:24 @ obtulit et filios Aaron cumque de sanguine arietis immolati tetigisset extremum auriculae singulorum dextrae et pollices manus ac pedis dextri reliquum fudit super altare per circuitum

vul@Leviticus:8:25 @ adipem vero et caudam omnemque pinguedinem quae operit intestina reticulumque iecoris et duos renes cum adipibus suis et armo dextro separavit

vul@Leviticus:8:26 @ tollens autem de canistro azymorum quod erat coram Domino panem absque fermento et collyridam conspersam oleo laganumque posuit super adipes et armum dextrum

vul@Leviticus:8:30 @ adsumensque unguentum et sanguinem qui erat in altari aspersit super Aaron et vestimenta eius et super filios illius ac vestes eorum

vul@Leviticus:8:31 @ cumque sanctificasset eos in vestitu suo praecepit eis dicens coquite carnes ante fores tabernaculi et ibi comedite eas panes quoque consecrationis edite qui positi sunt in canistro sicut praecepit mihi dicens Aaron et filii eius comedent eos

vul@Leviticus:8:32 @ quicquid autem reliquum fuerit de carne et panibus ignis absumet

vul@Leviticus:8:35 @ die ac nocte manebitis in tabernaculo observantes custodias Domini ne moriamini sic enim mihi praeceptum est

vul@Leviticus:9:3 @ et ad filios Israhel loqueris tollite hircum pro peccato et vitulum atque agnum anniculos et sine macula in holocaustum

vul@Leviticus:9:9 @ cuius sanguinem obtulerunt ei filii sui in quo tinguens digitum tetigit cornua altaris et fudit residuum ad basim eius

vul@Leviticus:9:11 @ carnes vero et pellem eius extra castra conbusit igni

vul@Leviticus:9:12 @ immolavit et holocausti victimam obtuleruntque ei filii sui sanguinem eius quem fudit per altaris circuitum

vul@Leviticus:9:18 @ immolavit et bovem atque arietem hostias pacificas populi obtuleruntque ei filii sui sanguinem quem fudit super altare in circuitu

vul@Leviticus:9:22 @ et tendens manum contra populum benedixit eis sicque conpletis hostiis pro peccato et holocaustis et pacificis descendit

vul@Leviticus:9:23 @ ingressi autem Moses et Aaron tabernaculum testimonii et deinceps egressi benedixerunt populo apparuitque gloria Domini omni multitudini

vul@Leviticus:10:1 @ arreptisque Nadab et Abiu filii Aaron turibulis posuerunt ignem et incensum desuper offerentes coram Domino ignem alienum quod eis praeceptum non erat

vul@Leviticus:10:5 @ confestimque pergentes tulerunt eos sicut iacebant vestitos lineis tunicis et eiecerunt foras ut sibi fuerat imperatum

vul@Leviticus:10:6 @ locutus est Moses ad Aaron et ad Eleazar atque Ithamar filios eius capita vestra nolite nudare et vestimenta nolite scindere ne forte moriamini et super omnem coetum oriatur indignatio fratres vestri et omnis domus Israhel plangant incendium quod Dominus suscitavit

vul@Leviticus:10:9 @ vinum et omne quod inebriare potest non bibetis tu et filii tui quando intratis tabernaculum testimonii ne moriamini quia praeceptum est sempiternum in generationes vestras

vul@Leviticus:10:10 @ et ut habeatis scientiam discernendi inter sanctum et profanum inter pollutum et mundum

vul@Leviticus:10:12 @ locutusque est Moses ad Aaron et ad Eleazar atque Ithamar filios eius qui residui erant tollite sacrificium quod remansit de oblatione Domini et comedite illud absque fermento iuxta altare quia sanctum sanctorum est

vul@Leviticus:10:15 @ eo quod armum et pectus et adipes qui cremantur in altari elevaverint coram Domino et pertineant ad te et ad filios tuos lege perpetua sicut praecepit Dominus

vul@Leviticus:10:18 @ praesertim cum de sanguine illius non sit inlatum intra sancta et comedere eam debueritis in sanctuario sicut praeceptum est mihi

vul@Leviticus:10:20 @ quod cum audisset Moses recepit satisfactionem

vul@Leviticus:11:3 @ omne quod habet divisam ungulam et ruminat in pecoribus comedetis

vul@Leviticus:11:8 @ horum carnibus non vescemini nec cadavera contingetis quia inmunda sunt vobis

vul@Leviticus:11:9 @ haec sunt quae gignuntur in aquis et vesci licitum est omne quod habet pinnulas et squamas tam in mari quam in fluminibus et stagnis comedetis

vul@Leviticus:11:11 @ et execrandum erit carnes eorum non comedetis et morticina vitabitis

vul@Leviticus:11:15 @ et omne corvini generis in similitudinem suam

vul@Leviticus:11:16 @ strutionem et noctuam et larum et accipitrem iuxta genus suum

vul@Leviticus:11:17 @ bubonem et mergulum et ibin

vul@Leviticus:11:18 @ cycnum et onocrotalum et porphirionem

vul@Leviticus:11:19 @ erodionem et charadrion iuxta genus suum opupam quoque et vespertilionem

vul@Leviticus:11:20 @ omne de volucribus quod graditur super quattuor pedes abominabile erit vobis

vul@Leviticus:11:22 @ comedere debetis ut est brucus in genere suo et attacus atque ophiomachus ac lucusta singula iuxta genus suum

vul@Leviticus:11:25 @ et si necesse fuerit ut portet quippiam horum mortuum lavabit vestimenta sua et inmundus erit usque ad solis occasum

vul@Leviticus:11:26 @ omne animal quod habet quidem ungulam sed non dividit eam nec ruminat inmundum erit et quicquid tetigerit illud contaminabitur

vul@Leviticus:11:32 @ et super quod ceciderit quicquam de morticinis eorum polluetur tam vas ligneum et vestimentum quam pelles et cilicia et in quocumque fit opus tinguentur aqua et polluta erunt usque ad vesperum et sic postea mundabuntur

vul@Leviticus:11:34 @ omnis cibus quem comeditis si fusa fuerit super eum aqua inmundus erit et omne liquens quod bibitur de universo vase inmundum erit

vul@Leviticus:11:41 @ omne quod reptat super terram abominabile erit nec adsumetur in cibum

vul@Leviticus:11:43 @ nolite contaminare animas vestras nec tangatis quicquam eorum ne inmundi sitis

vul@Leviticus:11:44 @ ego enim sum Dominus Deus vester sancti estote quoniam et ego sanctus sum ne polluatis animas vestras in omni reptili quod movetur super terram

vul@Leviticus:12:2 @ loquere filiis Israhel et dices ad eos mulier si suscepto semine pepererit masculum inmunda erit septem diebus iuxta dies separationis menstruae

vul@Leviticus:12:4 @ ipsa vero triginta tribus diebus manebit in sanguine purificationis suae omne sanctum non tanget nec ingredietur sanctuarium donec impleantur dies purificationis eius

vul@Leviticus:12:5 @ sin autem feminam pepererit inmunda erit duabus ebdomadibus iuxta ritum fluxus menstrui et sexaginta ac sex diebus manebit in sanguine purificationis suae

vul@Leviticus:12:8 @ quod si non invenerit manus eius nec potuerit offerre agnum sumet duos turtures vel duos pullos columbae unum in holocaustum et alterum pro peccato orabitque pro ea sacerdos et sic mundabitur

vul@Leviticus:13:2 @ homo in cuius carne et cute ortus fuerit diversus color sive pustula aut quasi lucens quippiam id est plaga leprae adducetur ad Aaron sacerdotem vel ad unum quemlibet filiorum eius

vul@Leviticus:13:3 @ qui cum viderit lepram in cute et pilos in album mutatos colorem ipsamque speciem leprae humiliorem cute et carne reliqua plaga leprae est et ad arbitrium eius separabitur

vul@Leviticus:13:4 @ sin autem lucens candor fuerit in cute nec humilior carne reliqua et pili coloris pristini recludet eum sacerdos septem diebus

vul@Leviticus:13:5 @ et considerabit die septimo et siquidem lepra ultra non creverit nec transierit in cute priores terminos rursum includet eum septem diebus aliis

vul@Leviticus:13:9 @ plaga leprae si fuerit in homine adducetur ad sacerdotem

vul@Leviticus:13:12 @ sin autem effloruerit discurrens lepra in cute et operuerit omnem carnem a capite usque ad pedes quicquid sub aspectu oculorum cadit

vul@Leviticus:13:13 @ considerabit eum sacerdos et teneri lepra mundissima iudicabit eo quod omnis in candorem versa sit et idcirco homo mundus erit

vul@Leviticus:13:16 @ quod si rursum versa fuerit in alborem et totum hominem operuerit

vul@Leviticus:13:17 @ considerabit eum sacerdos et mundum esse decernet

vul@Leviticus:13:20 @ qui cum viderit locum leprae humiliorem carne reliqua et pilos versos in candorem contaminabit eum plaga enim leprae orta est in ulcere

vul@Leviticus:13:21 @ quod si pilus coloris est pristini et cicatrix subobscura et vicina carne non est humilior recludet eum septem diebus

vul@Leviticus:13:26 @ quod si pilorum color non fuerit inmutatus nec humilior plaga carne reliqua et ipsa leprae species fuerit subobscura recludet eum septem diebus

vul@Leviticus:13:30 @ et siquidem humilior fuerit locus carne reliqua et capillus flavus solitoque subtilior contaminabit eos quia lepra capitis ac barbae est

vul@Leviticus:13:34 @ si die septimo visa fuerit stetisse plaga in loco suo nec humilior carne reliqua mundabit eum lotisque vestibus mundus erit

vul@Leviticus:13:35 @ sin autem post emundationem rursus creverit macula in cute

vul@Leviticus:13:37 @ porro si steterit macula et capilli nigri fuerint noverit hominem esse sanatum et confidenter eum pronuntiet mundum

vul@Leviticus:13:39 @ intuebitur eos sacerdos si deprehenderit subobscurum alborem lucere in cute sciat non esse lepram sed maculam coloris candidi et hominem mundum

vul@Leviticus:13:42 @ sin autem in calvitio sive in recalvatione albus vel rufus color fuerit exortus

vul@Leviticus:13:47 @ vestis lanea sive linea quae lepram habuerit

vul@Leviticus:13:48 @ in stamine atque subtemine aut certe pellis vel quicquid ex pelle confectum est

vul@Leviticus:13:51 @ et die septimo rursus aspiciens si crevisse deprehenderit lepra perseverans est pollutum iudicabit vestimentum et omne in quo fuerit inventa

vul@Leviticus:13:55 @ et cum viderit faciem quidem pristinam non reversam nec tamen crevisse lepram inmundum iudicabit et igne conburet eo quod infusa sit in superficie vestimenti vel per totum lepra

vul@Leviticus:13:57 @ quod si ultra apparuerit in his locis quae prius inmaculata erant lepra volatilis et vaga debet igne conburi

vul@Leviticus:13:59 @ ista est lex leprae vestimenti lanei et linei staminis atque subteminis omnisque supellectilis pelliciae quomodo mundari debeat vel contaminari

vul@Leviticus:14:3 @ qui egressus e castris cum invenerit lepram esse mundatam

vul@Leviticus:14:6 @ alium autem vivum cum ligno cedrino et cocco et hysopo tinguet in sanguine passeris immolati

vul@Leviticus:14:8 @ cumque laverit homo vestimenta sua radet omnes pilos corporis et lavabitur aqua purificatusque ingredietur castra ita dumtaxat ut maneat extra tabernaculum suum septem diebus

vul@Leviticus:14:11 @ cumque sacerdos purificans hominem statuerit eum et haec omnia coram Domino in ostio tabernaculi testimonii

vul@Leviticus:14:13 @ immolabit agnum ubi immolari solet hostia pro peccato et holocaustum id est in loco sancto sicut enim pro peccato ita et pro delicto ad sacerdotem pertinet hostia sancta sanctorum est

vul@Leviticus:14:14 @ adsumensque sacerdos de sanguine hostiae quae immolata est pro delicto ponet super extremum auriculae dextrae eius qui mundatur et super pollices manus dextrae et pedis

vul@Leviticus:14:17 @ quod autem reliquum est olei in leva manu fundet super extremum auriculae dextrae eius qui mundatur et super pollices manus ac pedis dextri et super sanguinem qui fusus est pro delicto

vul@Leviticus:14:20 @ et ponet illud in altari cum libamentis suis et homo rite mundabitur

vul@Leviticus:14:21 @ quod si pauper est et non potest manus eius invenire quae dicta sunt adsumet agnum pro delicto ad oblationem ut roget pro eo sacerdos decimamque partem similae conspersae oleo in sacrificium et olei sextarium

vul@Leviticus:14:25 @ immolatoque agno de sanguine eius ponet super extremum auriculae dextrae illius qui mundatur et super pollices manus eius ac pedis dextri

vul@Leviticus:14:32 @ hoc est sacrificium leprosi qui habere non potest omnia in emundationem sui

vul@Leviticus:14:34 @ cum ingressi fueritis terram Chanaan quam ego dabo vobis in possessionem si fuerit plaga leprae in aedibus

vul@Leviticus:14:36 @ at ille praecipiet ut efferant universa de domo priusquam ingrediatur eam et videat utrum lepra sit ne inmunda fiant omnia quae in domo sunt intrabitque postea ut consideret domus lepram

vul@Leviticus:14:39 @ reversusque die septimo considerabit eam si invenerit crevisse lepram

vul@Leviticus:14:49 @ et in purificationem eius sumet duos passeres lignumque cedrinum et vermiculum atque hysopum

vul@Leviticus:14:51 @ tollet lignum cedrinum et hysopum et coccum et passerem vivum et intinguet omnia in sanguine passeris immolati atque in aquis viventibus et asperget domum septies

vul@Leviticus:14:52 @ purificabitque eam tam in sanguine passeris quam in aquis viventibus et in passere vivo lignoque cedrino et hysopo atque vermiculo

vul@Leviticus:15:4 @ omne stratum in quo dormierit inmundum erit et ubicumque sederit

vul@Leviticus:15:7 @ qui tetigerit carnem eius lavabit vestimenta sua et ipse lotus aqua inmundus erit usque ad vesperum

vul@Leviticus:15:12 @ vas fictile quod tetigerit confringetur vas autem ligneum lavabitur aqua

vul@Leviticus:15:13 @ si sanatus fuerit qui huiuscemodi sustinet passionem numerabit septem dies post emundationem sui et lotis vestibus ac toto corpore in aquis viventibus erit mundus

vul@Leviticus:15:16 @ vir de quo egreditur semen coitus lavabit aqua omne corpus suum et inmundus erit usque ad vesperum

vul@Leviticus:15:23 @ omne vas super quo illa sederit quisquis adtigerit lavabit vestimenta sua et lotus aqua pollutus erit usque ad vesperum

vul@Leviticus:15:24 @ si coierit cum ea vir tempore sanguinis menstrualis inmundus erit septem diebus et omne stratum in quo dormierit polluetur

vul@Leviticus:15:25 @ mulier quae patitur multis diebus fluxum sanguinis non in tempore menstruali vel quae post menstruum sanguinem fluere non cessat quamdiu huic subiacet passioni inmunda erit quasi sit in tempore menstruo

vul@Leviticus:15:26 @ omne stratum in quo dormierit et vas in quo sederit pollutum erit

vul@Leviticus:15:33 @ et quae menstruis temporibus separatur vel quae iugi fluit sanguine et hominis qui dormierit cum ea

vul@Leviticus:16:1 @ locutusque est Dominus ad Mosen post mortem duum filiorum Aaron quando offerentes ignem alienum interfecti sunt

vul@Leviticus:16:2 @ et praecepit ei dicens loquere ad Aaron fratrem tuum ne omni tempore ingrediatur sanctuarium quod est intra velum coram propitiatorio quo tegitur arca ut non moriatur quia in nube apparebo super oraculum

vul@Leviticus:16:4 @ tunica linea vestietur feminalibus lineis verecunda celabit accingetur zona linea cidarim lineam inponet capiti haec enim vestimenta sunt sancta quibus cunctis cum lotus fuerit induetur

vul@Leviticus:16:5 @ suscipietque ab universa multitudine filiorum Israhel duos hircos pro peccato et unum arietem in holocaustum

vul@Leviticus:16:10 @ cuius autem in caprum emissarium statuet eum vivum coram Domino ut fundat preces super eo et emittat illum in solitudinem

vul@Leviticus:16:13 @ ut positis super ignem aromatibus nebula eorum et vapor operiat oraculum quod est super testimonium et non moriatur

vul@Leviticus:16:14 @ tollet quoque de sanguine vituli et asperget digito septies contra propitiatorium ad orientem

vul@Leviticus:16:15 @ cumque mactaverit hircum pro peccato populi inferet sanguinem eius intra velum sicut praeceptum est de sanguine vituli ut aspergat e regione oraculi

vul@Leviticus:16:17 @ nullus hominum sit in tabernaculo quando pontifex ingreditur sanctuarium ut roget pro se et pro domo sua et pro universo coetu Israhel donec egrediatur

vul@Leviticus:16:18 @ cum autem exierit ad altare quod coram Domino est oret pro se et sumptum sanguinem vituli atque hirci fundat super cornua eius per gyrum

vul@Leviticus:16:21 @ et posita utraque manu super caput eius confiteatur omnes iniquitates filiorum Israhel et universa delicta atque peccata eorum quae inprecans capiti eius emittet illum per hominem paratum in desertum

vul@Leviticus:16:22 @ cumque portaverit hircus omnes iniquitates eorum in terram solitariam et dimissus fuerit in deserto

vul@Leviticus:16:24 @ lavabit carnem suam in loco sancto indueturque vestimentis suis et postquam egressus obtulerit holocaustum suum ac plebis rogabit tam pro se quam pro populo

vul@Leviticus:16:27 @ vitulum autem et hircum qui pro peccato fuerant immolati et quorum sanguis inlatus est ut in sanctuario expiatio conpleretur asportabunt foras castra et conburent igni tam pelles quam carnes eorum et fimum

vul@Leviticus:16:28 @ et quicumque conbuserit ea lavabit vestimenta sua et carnem aqua et sic ingredietur in castra

vul@Leviticus:16:31 @ sabbatum enim requietionis est et adfligetis animas vestras religione perpetua

vul@Leviticus:16:32 @ expiabit autem sacerdos qui unctus fuerit et cuius initiatae manus ut sacerdotio fungatur pro patre suo indueturque stola linea et vestibus sanctis

vul@Leviticus:17:4 @ et non obtulerit ad ostium tabernaculi oblationem Domino sanguinis reus erit quasi sanguinem fuderit sic peribit de medio populi sui

vul@Leviticus:17:6 @ fundetque sacerdos sanguinem super altare Domini ad ostium tabernaculi testimonii et adolebit adipem in odorem suavitatis Domino

vul@Leviticus:17:7 @ et nequaquam ultra immolabunt hostias suas daemonibus cum quibus fornicati sunt legitimum sempiternum erit illis et posteris eorum

vul@Leviticus:17:10 @ homo quilibet de domo Israhel et de advenis qui peregrinantur inter eos si comederit sanguinem obfirmabo faciem meam contra animam illius et disperdam eam de populo suo

vul@Leviticus:17:11 @ quia anima carnis in sanguine est et ego dedi illum vobis ut super altare in eo expietis pro animabus vestris et sanguis pro animae piaculo sit

vul@Leviticus:17:12 @ idcirco dixi filiis Israhel omnis anima ex vobis non comedet sanguinem nec ex advenis qui peregrinantur inter vos

vul@Leviticus:17:13 @ homo quicumque de filiis Israhel et de advenis qui peregrinantur apud vos si venatione atque aucupio ceperit feram vel avem quibus vesci licitum est fundat sanguinem eius et operiat illum terra

vul@Leviticus:17:14 @ anima enim omnis carnis in sanguine est unde dixi filiis Israhel sanguinem universae carnis non comedetis quia anima carnis in sanguine est et quicumque comederit illum interibit

vul@Leviticus:17:15 @ anima quae comederit morticinum vel captum a bestia tam de indigenis quam de advenis lavabit vestes suas et semet ipsum aqua et contaminatus erit usque ad vesperum et hoc ordine mundus fiet

vul@Leviticus:17:16 @ quod si non laverit vestimenta sua nec corpus portabit iniquitatem suam

vul@Leviticus:18:3 @ iuxta consuetudinem terrae Aegypti in qua habitastis non facietis et iuxta morem regionis Chanaan ad quam ego introducturus sum vos non agetis nec in legitimis eorum ambulabitis

vul@Leviticus:18:6 @ omnis homo ad proximam sanguinis sui non accedet ut revelet turpitudinem eius ego Dominus

vul@Leviticus:18:7 @ turpitudinem patris et turpitudinem matris tuae non discoperies mater tua est non revelabis turpitudinem eius

vul@Leviticus:18:8 @ turpitudinem uxoris patris tui non discoperies turpitudo enim patris tui est

vul@Leviticus:18:9 @ turpitudinem sororis tuae ex patre sive ex matre quae domi vel foris genita est non revelabis

vul@Leviticus:18:10 @ turpitudinem filiae filii tui vel neptis ex filia non revelabis quia turpitudo tua est

vul@Leviticus:18:11 @ turpitudinem filiae uxoris patris tui quam peperit patri tuo et est soror tua non revelabis

vul@Leviticus:18:12 @ turpitudinem sororis patris tui non discoperies quia caro est patris tui

vul@Leviticus:18:13 @ turpitudinem sororis matris tuae non revelabis eo quod caro sit matris tuae

vul@Leviticus:18:14 @ turpitudinem patrui tui non revelabis nec accedes ad uxorem eius quae tibi adfinitate coniungitur

vul@Leviticus:18:15 @ turpitudinem nurus tuae non revelabis quia uxor filii tui est nec discoperies ignominiam eius

vul@Leviticus:18:16 @ turpitudinem uxoris fratris tui non revelabis quia turpitudo fratris tui est

vul@Leviticus:18:17 @ turpitudinem uxoris tuae et filiae eius non revelabis filiam filii eius et filiam filiae illius non sumes ut reveles ignominiam eius quia caro illius sunt et talis coitus incestus est

vul@Leviticus:18:18 @ sororem uxoris tuae in pelicatum illius non accipies nec revelabis turpitudinem eius adhuc illa vivente

vul@Leviticus:18:19 @ ad mulierem quae patitur menstrua non accedes nec revelabis foeditatem eius

vul@Leviticus:18:20 @ cum uxore proximi tui non coibis nec seminis commixtione maculaberis

vul@Leviticus:18:21 @ de semine tuo non dabis ut consecretur idolo Moloch nec pollues nomen Dei tui ego Dominus

vul@Leviticus:18:22 @ cum masculo non commisceberis coitu femineo quia abominatio est

vul@Leviticus:18:23 @ cum omni pecore non coibis nec maculaberis cum eo mulier non subcumbet iumento nec miscebitur ei quia scelus est

vul@Leviticus:18:24 @ ne polluamini in omnibus his quibus contaminatae sunt universae gentes quas ego eiciam ante conspectum vestrum

vul@Leviticus:18:27 @ omnes enim execrationes istas fecerunt accolae terrae qui fuerunt ante vos et polluerunt eam

vul@Leviticus:18:28 @ cavete ergo ne et vos similiter evomat cum paria feceritis sicut evomuit gentem quae fuit ante vos

vul@Leviticus:18:30 @ custodite mandata mea nolite facere quae fecerunt hii qui fuerunt ante vos et ne polluamini in eis ego Dominus Deus vester

vul@Leviticus:19:2 @ loquere ad omnem coetum filiorum Israhel et dices ad eos sancti estote quia ego sanctus sum Dominus Deus vester

vul@Leviticus:19:4 @ nolite converti ad idola nec deos conflatiles faciatis vobis ego Dominus Deus vester

vul@Leviticus:19:6 @ eo die quo fuerit immolata comedetis eam et die altero quicquid autem residuum fuerit in diem tertium igne conburetis

vul@Leviticus:19:9 @ cum messueris segetes terrae tuae non tondebis usque ad solum superficiem terrae nec remanentes spicas colliges

vul@Leviticus:19:10 @ neque in vinea tua racemos et grana decidentia congregabis sed pauperibus et peregrinis carpenda dimittes ego Dominus Deus vester

vul@Leviticus:19:11 @ non facietis furtum non mentiemini nec decipiet unusquisque proximum suum

vul@Leviticus:19:12 @ non peierabis in nomine meo nec pollues nomen Dei tui ego Dominus

vul@Leviticus:19:13 @ non facies calumniam proximo tuo nec vi opprimes eum non morabitur opus mercennarii apud te usque mane

vul@Leviticus:19:14 @ non maledices surdo nec coram caeco pones offendiculum sed timebis Deum tuum quia ego sum Dominus

vul@Leviticus:19:15 @ non facies quod iniquum est nec iniuste iudicabis nec consideres personam pauperis nec honores vultum potentis iuste iudica proximo tuo

vul@Leviticus:19:16 @ non eris criminator et susurro in populis non stabis contra sanguinem proximi tui ego Dominus

vul@Leviticus:19:17 @ ne oderis fratrem tuum in corde tuo sed publice argue eum ne habeas super illo peccatum

vul@Leviticus:19:18 @ non quaeres ultionem nec memor eris iniuriae civium tuorum diliges amicum tuum sicut temet ipsum ego Dominus

vul@Leviticus:19:19 @ leges meas custodite iumenta tua non facies coire cum alterius generis animantibus agrum non seres diverso semine veste quae ex duobus texta est non indueris

vul@Leviticus:19:20 @ homo si dormierit cum muliere coitu seminis quae sit ancilla etiam nubilis et tamen pretio non redempta nec libertate donata vapulabunt ambo et non morientur quia non fuit libera

vul@Leviticus:19:23 @ quando ingressi fueritis terram et plantaveritis in ea ligna pomifera auferetis praeputia eorum poma quae germinant inmunda erunt vobis nec edetis ex eis

vul@Leviticus:19:26 @ non comedetis cum sanguine non augurabimini nec observabitis somnia

vul@Leviticus:19:27 @ neque in rotundum adtondebitis comam nec radatis barbam

vul@Leviticus:19:28 @ et super mortuo non incidetis carnem vestram neque figuras aliquas et stigmata facietis vobis ego Dominus

vul@Leviticus:19:29 @ ne prostituas filiam tuam et contaminetur terra et impleatur piaculo

vul@Leviticus:19:31 @ ne declinetis ad magos nec ab ariolis aliquid sciscitemini ut polluamini per eos ego Dominus Deus vester

vul@Leviticus:19:33 @ si habitaverit advena in terra vestra et moratus fuerit inter vos ne exprobretis ei

vul@Leviticus:20:2 @ haec loqueris filiis Israhel homo de filiis Israhel et de advenis qui habitant in Israhel si quis dederit de semine suo idolo Moloch morte moriatur populus terrae lapidabit eum

vul@Leviticus:20:3 @ et ego ponam faciem meam contra illum succidamque eum de medio populi sui eo quod dederit de semine suo Moloch et contaminaverit sanctuarium meum ac polluerit nomen sanctum meum

vul@Leviticus:20:4 @ quod si neglegens populus terrae et quasi parvipendens imperium meum dimiserit hominem qui dederit de semine suo Moloch nec voluerit eum occidere

vul@Leviticus:20:5 @ ponam faciem meam super hominem illum et cognationem eius succidamque et ipsum et omnes qui consenserunt ei ut fornicarentur cum Moloch de medio populi sui

vul@Leviticus:20:13 @ qui dormierit cum masculo coitu femineo uterque operati sunt nefas morte moriantur sit sanguis eorum super eos

vul@Leviticus:20:14 @ qui supra uxorem filiam duxerit matrem eius scelus operatus est vivus ardebit cum eis nec permanebit tantum nefas in medio vestri

vul@Leviticus:20:17 @ qui acceperit sororem suam filiam patris sui vel filiam matris suae et viderit turpitudinem eius illaque conspexerit fratris ignominiam nefariam rem operati sunt occidentur in conspectu populi sui eo quod turpitudinem suam mutuo revelarint et portabunt iniquitatem suam

vul@Leviticus:20:18 @ qui coierit cum muliere in fluxu menstruo et revelaverit turpitudinem eius ipsaque aperuerit fontem sanguinis sui interficientur ambo de medio populi sui

vul@Leviticus:20:19 @ turpitudinem materterae tuae et amitae tuae non discoperies qui hoc fecerit ignominiam carnis suae nudavit portabunt ambo iniquitatem suam

vul@Leviticus:20:21 @ qui duxerit uxorem fratris sui rem facit inlicitam turpitudinem fratris sui revelavit absque filiis erunt

vul@Leviticus:20:22 @ custodite leges meas atque iudicia et facite ea ne et vos evomat terra quam intraturi estis et habitaturi

vul@Leviticus:20:25 @ separate ergo et vos iumentum mundum ab inmundo et avem mundam ab inmunda ne polluatis animas vestras in pecore et in avibus et cunctis quae moventur in terra et quae vobis ostendi esse polluta

vul@Leviticus:21:1 @ dixit quoque Dominus ad Mosen loquere ad sacerdotes filios Aaron et dices eis ne contaminetur sacerdos in mortibus civium suorum

vul@Leviticus:21:2 @ nisi tantum in consanguineis ac propinquis id est super matre et patre et filio ac filia fratre quoque

vul@Leviticus:21:3 @ et sorore virgine quae non est nupta viro

vul@Leviticus:21:4 @ sed nec in principe populi sui contaminabitur

vul@Leviticus:21:5 @ non radent caput nec barbam neque in carnibus suis facient incisuras

vul@Leviticus:21:6 @ sancti erunt Deo suo et non polluent nomen eius incensum enim Domini et panes Dei sui offerunt et ideo sancti erunt

vul@Leviticus:21:7 @ scortum et vile prostibulum non ducet uxorem nec eam quae repudiata est a marito quia consecratus est Deo suo

vul@Leviticus:21:8 @ et panes propositionis offert sit ergo sanctus quia et ego sanctus sum Dominus qui sanctifico vos

vul@Leviticus:21:11 @ et ad omnem mortuum non ingredietur omnino super patre quoque suo et matre non contaminabitur

vul@Leviticus:21:12 @ nec egredietur de sanctis ne polluat sanctuarium Domini quia oleum sanctae unctionis Dei sui super eum est ego Dominus

vul@Leviticus:21:13 @ virginem ducet uxorem

vul@Leviticus:21:15 @ ne commisceat stirpem generis sui vulgo gentis suae quia ego Dominus qui sanctifico eum

vul@Leviticus:21:17 @ loquere ad Aaron homo de semine tuo per familias qui habuerit maculam non offeret panes Deo suo

vul@Leviticus:21:18 @ nec accedet ad ministerium eius si caecus fuerit si claudus si vel parvo vel grandi et torto naso

vul@Leviticus:21:20 @ si gibbus si lippus si albuginem habens in oculo si iugem scabiem si inpetiginem in corpore vel hirniosus

vul@Leviticus:21:21 @ omnis qui habuerit maculam de semine Aaron sacerdotis non accedet offerre hostias Domino nec panes Deo suo

vul@Leviticus:21:23 @ ita dumtaxat ut intra velum non ingrediatur nec accedat ad altare quia maculam habet et contaminare non debet sanctuarium meum ego Dominus qui sanctifico eos

vul@Leviticus:21:24 @ locutus est ergo Moses ad Aaron et filios eius et ad omnem Israhel cuncta quae sibi fuerant imperata

vul@Leviticus:22:2 @ loquere ad Aaron et ad filios eius ut caveant ab his quae consecrata sunt filiorum Israhel et non contaminent nomen sanctificatorum mihi quae ipsi offerunt ego Dominus

vul@Leviticus:22:4 @ homo de semine Aaron qui fuerit leprosus aut patiens fluxum seminis non vescetur de his quae sanctificata sunt mihi donec sanetur qui tetigerit inmundum super mortuo et ex quo egreditur semen quasi coitus

vul@Leviticus:22:6 @ inmundus erit usque ad vesperum et non vescetur his quae sanctificata sunt sed cum laverit carnem suam aqua

vul@Leviticus:22:8 @ morticinum et captum a bestia non comedent nec polluentur in eis ego sum Dominus

vul@Leviticus:22:15 @ nec contaminabunt sanctificata filiorum Israhel quae offerunt Domino

vul@Leviticus:22:16 @ ne forte sustineant iniquitatem delicti sui cum sanctificata comederint ego Dominus qui sanctifico eos

vul@Leviticus:22:18 @ loquere ad Aaron et filios eius et ad omnes filios Israhel dicesque ad eos homo de domo Israhel et de advenis qui habitant apud vos qui obtulerit oblationem suam vel vota solvens vel sponte offerens quicquid illud obtulerit in holocaustum Domini

vul@Leviticus:22:20 @ si maculam habuerit non offeretis neque erit acceptabile

vul@Leviticus:22:22 @ si caecum fuerit si fractum si cicatricem habens si papulas aut scabiem vel inpetiginem non offeretis ea Domino neque adolebitis ex eis super altare Domini

vul@Leviticus:22:24 @ omne animal quod vel contritis vel tunsis vel sectis ablatisque testiculis est non offeretis Domino et in terra vestra hoc omnino ne faciatis

vul@Leviticus:22:25 @ de manu alienigenae non offeretis panes Deo vestro et quicquid aliud dare voluerint quia corrupta et maculata sunt omnia non suscipietis ea

vul@Leviticus:22:29 @ si immolaveritis hostiam pro gratiarum actione Domino ut possit esse placabilis

vul@Leviticus:22:30 @ eodem die comedetis eam non remanebit quicquam in mane alterius diei ego Dominus

vul@Leviticus:22:32 @ ne polluatis nomen meum sanctum ut sanctificer in medio filiorum Israhel ego Dominus qui sanctifico vos

vul@Leviticus:23:3 @ sex diebus facietis opus dies septimus quia sabbati requies est vocabitur sanctus omne opus non facietis in eo sabbatum Domini est in cunctis habitationibus vestris

vul@Leviticus:23:7 @ dies primus erit vobis celeberrimus sanctusque omne opus servile non facietis in eo

vul@Leviticus:23:8 @ sed offeretis sacrificium in igne Domino septem diebus dies autem septimus erit celebrior et sanctior nullumque servile opus fiet in eo

vul@Leviticus:23:14 @ panem et pulentam et pultes non comedetis ex segete usque ad diem qua offeratis ex ea Deo vestro praeceptum est sempiternum in generationibus cunctisque habitaculis vestris

vul@Leviticus:23:17 @ ex omnibus habitaculis vestris panes primitiarum duos de duabus decimis similae fermentatae quos coquetis in primitias Domini

vul@Leviticus:23:21 @ et vocabitis hunc diem celeberrimum atque sanctissimum omne opus servile non facietis in eo legitimum sempiternum erit in cunctis habitaculis et generationibus vestris

vul@Leviticus:23:22 @ postquam autem messueritis segetem terrae vestrae non secabitis eam usque ad solum nec remanentes spicas colligetis sed pauperibus et peregrinis dimittetis eas ego Dominus Deus vester

vul@Leviticus:23:25 @ omne opus servile non facietis in eo et offeretis holocaustum Domino

vul@Leviticus:23:28 @ omne opus non facietis in tempore diei huius quia dies propitiationis est ut propitietur vobis Dominus Deus vester

vul@Leviticus:23:31 @ nihil ergo operis facietis in eo legitimum sempiternum erit vobis in cunctis generationibus et habitationibus vestris

vul@Leviticus:23:35 @ dies primus vocabitur celeberrimus atque sanctissimus omne opus servile non facietis

vul@Leviticus:23:36 @ et septem diebus offeretis holocausta Domino dies quoque octavus erit celeberrimus atque sanctissimus et offeretis holocaustum Domino est enim coetus atque collectae omne opus servile non facietis in eo

vul@Leviticus:23:37 @ hae sunt feriae Domini quas vocabitis celeberrimas et sanctissimas offeretisque in eis oblationes Domino holocausta et libamenta iuxta ritum uniuscuiusque diei

vul@Leviticus:23:39 @ a quintodecimo ergo die mensis septimi quando congregaveritis omnes fructus terrae vestrae celebrabitis ferias Domini septem diebus die primo et die octavo erit sabbatum id est requies

vul@Leviticus:23:41 @ celebrabitisque sollemnitatem eius septem diebus per annum legitimum sempiternum erit in generationibus vestris mense septimo festa celebrabitis

vul@Leviticus:23:42 @ et habitabitis in umbraculis septem diebus omnis qui de genere est Israhel manebit in tabernaculis

vul@Leviticus:24:3 @ extra velum testimonii in tabernaculo foederis ponetque eas Aaron a vespere usque in mane coram Domino cultu rituque perpetuo in generationibus vestris

vul@Leviticus:24:4 @ super candelabro mundissimo ponentur semper in conspectu Domini

vul@Leviticus:24:5 @ accipies quoque similam et coques ex ea duodecim panes qui singuli habebunt duas decimas

vul@Leviticus:24:7 @ et pones super eos tus lucidissimum ut sit panis in monumentum oblationis Domini

vul@Leviticus:24:12 @ miseruntque eum in carcerem donec nossent quid iuberet Dominus

vul@Leviticus:24:14 @ dicens educ blasphemum extra castra et ponant omnes qui audierunt manus suas super caput eius et lapidet eum populus universus

vul@Leviticus:24:17 @ qui percusserit et occiderit hominem morte moriatur

vul@Leviticus:24:20 @ fracturam pro fractura oculum pro oculo dentem pro dente restituet qualem inflixerit maculam talem sustinere cogetur

vul@Leviticus:24:21 @ qui percusserit iumentum reddet aliud qui percusserit hominem punietur

vul@Leviticus:25:3 @ sex annis seres agrum tuum et sex annis putabis vineam tuam colligesque fructus eius

vul@Leviticus:25:4 @ septimo autem anno sabbatum erit terrae requietionis Domini agrum non seres et vineam non putabis

vul@Leviticus:25:10 @ sanctificabisque annum quinquagesimum et vocabis remissionem cunctis habitatoribus terrae tuae ipse est enim iobeleus revertetur homo ad possessionem suam et unusquisque rediet ad familiam pristinam

vul@Leviticus:25:11 @ quia iobeleus est et quinquagesimus annus non seretis neque metetis sponte in agro nascentia et primitias vindemiae non colligetis

vul@Leviticus:25:12 @ ob sanctificationem iobelei sed statim ablata comedetis

vul@Leviticus:25:13 @ anno iobelei redient omnes ad possessiones suas

vul@Leviticus:25:14 @ quando vendes quippiam civi tuo vel emes ab eo ne contristes fratrem tuum sed iuxta numerum annorum iobelei emes ab eo

vul@Leviticus:25:15 @ et iuxta supputationem frugum vendet tibi

vul@Leviticus:25:20 @ quod si dixeritis quid comedemus anno septimo si non seruerimus neque collegerimus fruges nostras

vul@Leviticus:25:21 @ dabo benedictionem meam vobis anno sexto et faciet fructus trium annorum

vul@Leviticus:25:22 @ seretisque anno octavo et comedetis veteres fruges usque ad nonum annum donec nova nascantur edetis vetera

vul@Leviticus:25:24 @ unde cuncta regio possessionis vestrae sub redemptionis condicione vendetur

vul@Leviticus:25:27 @ conputabuntur fructus ex eo tempore quo vendidit et quod reliquum est reddet emptori sicque recipiet possessionem suam

vul@Leviticus:25:28 @ quod si non invenerit manus eius ut reddat pretium habebit emptor quod emerat usque ad annum iobeleum in ipso enim omnis venditio redit ad dominum et ad possessorem pristinum

vul@Leviticus:25:29 @ qui vendiderit domum intra urbis muros habebit licentiam redimendi donec unus impleatur annus

vul@Leviticus:25:36 @ ne accipias usuras ab eo nec amplius quam dedisti time Deum tuum ut vivere possit frater tuus apud te

vul@Leviticus:25:41 @ et postea egredietur cum liberis suis et revertetur ad cognationem et ad possessionem patrum suorum

vul@Leviticus:25:42 @ mei enim servi sunt et ego eduxi eos de terra Aegypti non venient condicione servorum

vul@Leviticus:25:43 @ ne adfligas eum per potentiam sed metuito Deum tuum

vul@Leviticus:25:46 @ et hereditario iure transmittetis ad posteros ac possidebitis in aeternum fratres autem vestros filios Israhel ne opprimatis per potentiam

vul@Leviticus:25:48 @ post venditionem potest redimi qui voluerit ex fratribus suis redimet eum

vul@Leviticus:25:49 @ et patruus et patruelis et consanguineus et adfinis sin autem et ipse potuerit redimet se

vul@Leviticus:25:50 @ supputatis dumtaxat annis a tempore venditionis suae usque ad annum iobeleum et pecunia qua venditus fuerat iuxta annorum numerum et rationem mercennarii supputata

vul@Leviticus:25:51 @ si plures fuerint anni qui remanent usque ad iobeleum secundum hos reddet et pretium

vul@Leviticus:25:52 @ si pauci ponet rationem cum eo iuxta annorum numerum et reddet emptori quod reliquum est annorum

vul@Leviticus:26:1 @ ego Dominus Deus vester non facietis vobis idolum et sculptile nec titulos erigetis nec insignem lapidem ponetis in terra vestra ut adoretis eum ego enim sum Dominus Deus vester

vul@Leviticus:26:4 @ et terra gignet germen suum et pomis arbores replebuntur

vul@Leviticus:26:5 @ adprehendet messium tritura vindemiam et vindemia occupabit sementem et comedetis panem vestrum in saturitatem et absque pavore habitabitis in terra vestra

vul@Leviticus:26:13 @ ego Dominus Deus vester qui eduxi vos de terra Aegyptiorum ne serviretis eis et qui confregi catenas cervicum vestrarum ut incederetis erecti

vul@Leviticus:26:14 @ quod si non audieritis me nec feceritis omnia mandata mea

vul@Leviticus:26:17 @ ponam faciem meam contra vos et corruetis coram hostibus vestris et subiciemini his qui oderunt vos fugietis nemine persequente

vul@Leviticus:26:18 @ sin autem nec sic oboedieritis mihi addam correptiones vestras septuplum propter peccata vestra

vul@Leviticus:26:19 @ et conteram superbiam duritiae vestrae daboque caelum vobis desuper sicut ferrum et terram aeneam

vul@Leviticus:26:20 @ consumetur in cassum labor vester non proferet terra germen nec arbores poma praebebunt

vul@Leviticus:26:21 @ si ambulaveritis ex adverso mihi nec volueritis audire me addam plagas vestras usque in septuplum propter peccata vestra

vul@Leviticus:26:23 @ quod si nec sic volueritis recipere disciplinam sed ambulaveritis ex adverso mihi

vul@Leviticus:26:26 @ postquam confregero baculum panis vestri ita ut decem mulieres in uno clibano coquant panes et reddant eos ad pondus et comedetis et non saturabimini

vul@Leviticus:26:27 @ sin autem nec per haec audieritis me sed ambulaveritis contra me

vul@Leviticus:26:29 @ ita ut comedatis carnes filiorum et filiarum vestrarum

vul@Leviticus:26:31 @ in tantum ut urbes vestras redigam in solitudinem et deserta faciam sanctuaria vestra nec recipiam ultra odorem suavissimum

vul@Leviticus:26:37 @ et corruent singuli super fratres suos quasi bella fugientes nemo vestrum inimicis audebit resistere

vul@Leviticus:26:40 @ donec confiteantur iniquitates suas et maiorum suorum quibus praevaricati sunt in me et ambulaverunt ex adverso mihi

vul@Leviticus:26:41 @ ambulabo igitur et ego contra eos et inducam illos in terram hostilem donec erubescat incircumcisa mens eorum tunc orabunt pro impietatibus suis

vul@Leviticus:26:43 @ quae cum relicta fuerit ab eis conplacebit sibi in sabbatis suis patiens solitudinem propter illos ipsi vero rogabunt pro peccatis suis eo quod abiecerint iudicia mea et leges meas despexerint

vul@Leviticus:26:44 @ et tamen etiam cum essent in terra hostili non penitus abieci eos neque sic despexi ut consumerentur et irritum facerem pactum meum cum eis ego enim sum Dominus Deus eorum

vul@Leviticus:27:2 @ loquere filiis Israhel et dices ad eos homo qui votum fecerit et spoponderit Deo animam suam sub aestimatione dabit pretium

vul@Leviticus:27:8 @ si pauper fuerit et aestimationem reddere non valebit stabit coram sacerdote et quantum ille aestimaverit et viderit eum posse reddere tantum dabit

vul@Leviticus:27:10 @ et mutari non poterit id est nec melius malo nec peius bono quod si mutaverit et ipsum quod mutatum est et illud pro quo mutatum est consecratum erit Domino

vul@Leviticus:27:21 @ quia cum iobelei venerit dies sanctificatus erit Domino et possessio consecrata ad ius pertinet sacerdotum

vul@Leviticus:27:22 @ si ager emptus et non de possessione maiorum sanctificatus fuerit Domino

vul@Leviticus:27:26 @ primogenita quae ad Dominum pertinent nemo sanctificare poterit et vovere sive bos sive ovis fuerit Domini sunt

vul@Leviticus:27:27 @ quod si inmundum est animal redimet qui obtulit iuxta aestimationem tuam et addet quintam partem pretii si redimere noluerit vendetur alteri quantocumque a te fuerit aestimatum

vul@Leviticus:27:28 @ omne quod Domino consecratur sive homo fuerit sive animal sive ager non veniet nec redimi poterit quicquid semel fuerit consecratum sanctum sanctorum erit Domino

vul@Leviticus:27:29 @ et omnis consecratio quae offertur ab homine non redimetur sed morte morietur

vul@Leviticus:27:30 @ omnes decimae terrae sive de frugibus sive de pomis arborum Domini sunt et illi sanctificantur

vul@Leviticus:27:32 @ omnium decimarum boves et oves et caprae quae sub pastoris virga transeunt quicquid decimum venerit sanctificabitur Domino

vul@Leviticus:27:33 @ non eligetur nec bonum nec malum nec altero commutabitur si quis mutaverit et quod mutatum est et pro quo mutatum est sanctificabitur Domino et non redimetur

vul@Numbers:1:2 @ tollite summam universae congregationis filiorum Israhel per cognationes et domos suas et nomina singulorum quicquid sexus est masculini

vul@Numbers:1:15 @ de Nepthali Ahira filius Henan

vul@Numbers:1:16 @ hii nobilissimi principes multitudinis per tribus et cognationes suas et capita exercitus Israhel

vul@Numbers:1:17 @ quos tulerunt Moses et Aaron cum omni vulgi multitudine

vul@Numbers:1:18 @ et congregaverunt primo die mensis secundi recensentes eos per cognationes et domos ac familias et capita et nomina singulorum a vicesimo anno et supra

vul@Numbers:1:20 @ de Ruben primogenito Israhelis per generationes et familias ac domos suas et nomina capitum singulorum omne quod sexus est masculini a vicesimo anno et supra procedentium ad bellum

vul@Numbers:1:22 @ de filiis Symeon per generationes et familias ac domos cognationum suarum recensiti sunt per nomina et capita singulorum omne quod sexus est masculini a vicesimo anno et supra procedentium ad bellum

vul@Numbers:1:24 @ de filiis Gad per generationes et familias ac domos cognationum suarum recensiti sunt per nomina singulorum a viginti annis et supra omnes qui ad bella procederent

vul@Numbers:1:26 @ de filiis Iuda per generationes et familias ac domos cognationum suarum per nomina singulorum a vicesimo anno et supra omnes qui poterant ad bella procedere

vul@Numbers:1:28 @ de filiis Isachar per generationes et familias ac domos cognationum suarum per nomina singulorum a vicesimo anno et supra omnes qui ad bella procederent

vul@Numbers:1:30 @ de filiis Zabulon per generationes et familias ac domos cognationum suarum recensiti sunt per nomina singulorum a vicesimo anno et supra omnes qui poterant ad bella procedere

vul@Numbers:1:32 @ de filiis Ioseph filiorum Ephraim per generationes et familias ac domos cognationum suarum recensiti sunt per nomina singulorum a vicesimo anno et supra omnes qui poterant ad bella procedere

vul@Numbers:1:34 @ porro filiorum Manasse per generationes et familias ac domos cognationum suarum recensiti sunt per nomina singulorum a viginti annis et supra omnes qui poterant ad bella procedere

vul@Numbers:1:36 @ de filiis Beniamin per generationes et familias ac domos cognationum suarum recensiti sunt nominibus singulorum a vicesimo anno et supra omnes qui poterant ad bella procedere

vul@Numbers:1:38 @ de filiis Dan per generationes et familias ac domos cognationum suarum recensiti sunt nominibus singulorum a vicesimo anno et supra omnes qui poterant ad bella procedere

vul@Numbers:1:40 @ de filiis Aser per generationes et familias ac domos cognationum suarum recensiti sunt per nomina singulorum a vicesimo anno et supra omnes qui poterant ad bella procedere

vul@Numbers:1:42 @ de filiis Nepthali per generationes et familias ac domos cognationum suarum recensiti sunt nominibus singulorum a vicesimo anno et supra omnes qui poterant ad bella procedere

vul@Numbers:1:45 @ fueruntque omnes filiorum Israhel per domos et familias suas a vicesimo anno et supra qui poterant ad bella procedere

vul@Numbers:1:49 @ tribum Levi noli numerare neque ponas summam eorum cum filiis Israhel

vul@Numbers:1:50 @ sed constitue eos super tabernaculum testimonii cuncta vasa eius et quicquid ad caerimonias pertinet ipsi portabunt tabernaculum et omnia utensilia eius et erunt in ministerio ac per gyrum tabernaculi metabuntur

vul@Numbers:1:51 @ cum proficiscendum fuerit deponent Levitae tabernaculum cum castra metanda erigent quisquis externorum accesserit occidetur

vul@Numbers:1:52 @ metabuntur autem castra filii Israhel unusquisque per turmas et cuneos atque exercitum suum

vul@Numbers:1:53 @ porro Levitae per gyrum tabernaculi figent tentoria ne fiat indignatio super multitudinem filiorum Israhel et excubabunt in custodiis tabernaculi testimonii

vul@Numbers:2:16 @ omnes qui recensiti sunt in castris Ruben centum quinquaginta milia et mille quadringenti quinquaginta per turmas suas in secundo loco proficiscentur

vul@Numbers:2:17 @ levabitur autem tabernaculum testimonii per officia Levitarum et turmas eorum quomodo erigetur ita et deponetur singuli per loca et ordines suos proficiscentur

vul@Numbers:2:24 @ omnes qui numerati sunt in castris Ephraim centum octo milia centum per turmas suas tertii proficiscentur

vul@Numbers:2:29 @ de tribu filiorum Nepthalim princeps fuit Ahira filius Henan

vul@Numbers:2:31 @ omnes qui numerati sunt in castris Dan fuerunt centum quinquaginta septem milia sescenti et novissimi proficiscentur

vul@Numbers:3:1 @ haec sunt generationes Aaron et Mosi in die qua locutus est Dominus ad Mosen in monte Sinai

vul@Numbers:3:4 @ mortui sunt Nadab et Abiu cum offerrent ignem alienum in conspectu Domini in deserto Sinai absque liberis functique sunt sacerdotio Eleazar et Ithamar coram Aaron patre suo

vul@Numbers:3:7 @ et observent quicquid ad cultum pertinet multitudinis coram tabernaculo testimonii

vul@Numbers:3:13 @ meum est enim omne primogenitum ex quo percussi primogenitos in terra Aegypti sanctificavi mihi quicquid primum nascitur in Israhel ab homine usque ad pecus mei sunt ego Dominus

vul@Numbers:3:15 @ numera filios Levi per domos patrum suorum et familias omnem masculum ab uno mense et supra

vul@Numbers:3:26 @ ipsum tabernaculum et operimentum eius tentorium quod trahitur ante fores tecti foederis et cortinas atrii tentorium quoque quod adpenditur in introitu atrii tabernaculi et quicquid ad ritum altaris pertinet funes tabernaculi et omnia utensilia eius

vul@Numbers:3:28 @ omnes generis masculini ab uno mense et supra octo milia sescenti habebunt excubias sanctuarii

vul@Numbers:3:34 @ omnes generis masculini ab uno mense et supra sex milia ducenti

vul@Numbers:3:36 @ erunt sub custodia eorum tabulae tabernaculi et vectes et columnae ac bases earum et omnia quae ad cultum huiuscemodi pertinent

vul@Numbers:3:39 @ omnes Levitae quos numeraverunt Moses et Aaron iuxta praeceptum Domini per familias suas in genere masculino a mense uno et supra fuerunt viginti duo milia

vul@Numbers:4:5 @ ingredientur Aaron et filii eius quando movenda sunt castra et deponent velum quod pendet ante fores involventque eo arcam testimonii

vul@Numbers:4:6 @ et operient rursum velamine ianthinarum pellium extendentque desuper pallium totum hyacinthinum et inducent vectes

vul@Numbers:4:7 @ mensam quoque propositionis involvent hyacinthino pallio et ponent cum ea turibula et mortariola cyatos et crateras ad liba fundenda panes semper in ea erunt

vul@Numbers:4:8 @ extendentque desuper pallium coccineum quod rursum operient velamento ianthinarum pellium et inducent vectes

vul@Numbers:4:9 @ sument et pallium hyacinthinum quo operient candelabrum cum lucernis et forcipibus suis et emunctoriis et cunctis vasis olei quae ad concinnandas lucernas necessaria sunt

vul@Numbers:4:10 @ et super omnia ponent operimentum ianthinarum pellium et inducent vectes

vul@Numbers:4:11 @ nec non et altare aureum involvent hyacinthino vestimento et extendent desuper operimentum ianthinarum pellium inducentque vectes

vul@Numbers:4:13 @ sed et altare mundabunt cinere et involvent illud purpureo vestimento

vul@Numbers:4:14 @ ponentque cum eo omnia vasa quibus in ministerio eius utuntur id est ignium receptacula fuscinulas ac tridentes uncinos et vatilla cuncta vasa altaris operient simul velamine ianthinarum pellium et inducent vectes

vul@Numbers:4:15 @ cumque involverint Aaron et filii eius sanctuarium et omnia vasa eius in commotione castrorum tunc intrabunt filii Caath ut portent involuta et non tangant vasa sanctuarii ne moriantur ista sunt onera filiorum Caath in tabernaculo foederis

vul@Numbers:4:16 @ super quos erit Eleazar filius Aaron sacerdotis ad cuius pertinet curam oleum ad concinnandas lucernas et conpositionis incensum et sacrificium quod semper offertur et oleum unctionis et quicquid ad cultum tabernaculi pertinet omniumque vasorum quae in sanctuario sunt

vul@Numbers:4:19 @ sed hoc facite eis ut vivant et non moriantur si tetigerint sancta sanctorum Aaron et filii eius intrabunt ipsique disponent opera singulorum et divident quid portare quis debeat

vul@Numbers:4:22 @ tolle summam etiam filiorum Gerson per domos ac familias et cognationes suas

vul@Numbers:4:23 @ a triginta annis et supra usque ad annos quinquaginta numera omnes qui ingrediuntur et ministrant in tabernaculo foederis

vul@Numbers:4:26 @ cortinas atrii et velum in introitu quod est ante tabernaculum omnia quae ad altare pertinent funiculos et vasa ministerii

vul@Numbers:4:27 @ iubente Aaron et filiis eius portabunt filii Gerson et scient singuli cui debeant oneri mancipari

vul@Numbers:4:30 @ a triginta annis et supra usque ad annos quinquaginta omnes qui ingrediuntur ad officium ministerii sui et cultum foederis testimonii

vul@Numbers:4:31 @ haec sunt onera eorum portabunt tabulas tabernaculi et vectes eius columnas et bases earum

vul@Numbers:4:34 @ recensuerunt igitur Moses et Aaron et principes synagogae filios Caath per cognationes et domos patrum suorum

vul@Numbers:4:35 @ a triginta annis et supra usque ad annum quinquagesimum omnes qui ingrediuntur ad ministerium tabernaculi foederis

vul@Numbers:4:37 @ hic est numerus populi Caath qui intrat tabernaculum foederis hos numeravit Moses et Aaron iuxta sermonem Domini per manum Mosi

vul@Numbers:4:38 @ numerati sunt et filii Gerson per cognationes et domos patrum suorum

vul@Numbers:4:39 @ a triginta annis et supra usque ad annum quinquagesimum omnes qui ingrediuntur ut ministrent in tabernaculo foederis

vul@Numbers:4:42 @ numerati sunt et filii Merari per cognationes et domos patrum suorum

vul@Numbers:4:43 @ a triginta annis et supra usque ad annum quinquagesimum omnes qui ingrediuntur ad explendos ritus tabernaculi foederis

vul@Numbers:4:46 @ omnes qui recensiti sunt de Levitis et quos fecit ad nomen Moses et Aaron et principes Israhel per cognationes et domos patrum suorum

vul@Numbers:4:47 @ a triginta annis et supra usque ad annum quinquagesimum ingredientes ad ministerium tabernaculi et onera portanda

vul@Numbers:4:49 @ iuxta verbum Domini recensuit eos Moses unumquemque iuxta officium et onera sua sicut praeceperat ei Dominus

vul@Numbers:5:2 @ praecipe filiis Israhel ut eiciant de castris omnem leprosum et qui semine fluit pollutusque est super mortuo

vul@Numbers:5:3 @ tam masculum quam feminam eicite de castris ne contaminent ea cum habitaverim vobiscum

vul@Numbers:5:6 @ loquere ad filios Israhel vir sive mulier cum fecerint ex omnibus peccatis quae solent hominibus accidere et per neglegentiam transgressi fuerint mandatum Domini atque deliquerint

vul@Numbers:5:8 @ sin autem non fuerit qui recipiat dabunt Domino et erit sacerdotis excepto ariete qui offertur pro expiatione ut sit placabilis hostia

vul@Numbers:5:9 @ omnes quoque primitiae quas offerunt filii Israhel ad sacerdotem pertinent

vul@Numbers:5:12 @ loquere ad filios Israhel et dices ad eos vir cuius uxor erraverit maritumque contemnens

vul@Numbers:5:14 @ si spiritus zelotypiae concitaverit virum contra uxorem suam quae vel polluta est vel falsa suspicione appetitur

vul@Numbers:5:15 @ adducet eam ad sacerdotem et offeret oblationem pro illa decimam partem sati farinae hordiaciae non fundet super eam oleum nec inponet tus quia sacrificium zelotypiae est et oblatio investigans adulterium

vul@Numbers:5:18 @ cumque steterit mulier in conspectu Domini discoperiet caput eius et ponet super manus illius sacrificium recordationis et oblationem zelotypiae ipse autem tenebit aquas amarissimas in quibus cum execratione maledicta congessit

vul@Numbers:5:21 @ his maledictionibus subiacebis det te Dominus in maledictionem exemplumque cunctorum in populo suo putrescere faciat femur tuum et tumens uterus disrumpatur

vul@Numbers:5:25 @ tollet sacerdos de manu eius sacrificium zelotypiae et elevabit illud coram Domino inponetque super altare ita dumtaxat ut prius

vul@Numbers:5:27 @ quas cum biberit si polluta est et contempto viro adulterii rea pertransibunt eam aquae maledictionis et inflato ventre conputrescet femur eritque mulier in maledictionem et in exemplum omni populo

vul@Numbers:6:3 @ vino et omni quod inebriare potest abstinebunt acetum ex vino et ex qualibet alia potione et quicquid de uva exprimitur non bibent uvas recentes siccasque non comedent

vul@Numbers:6:4 @ cunctis diebus quibus ex voto Domino consecrantur quicquid ex vinea esse potest ab uva passa usque ad acinum non comedent

vul@Numbers:6:7 @ nec super patris quidem et matris et fratris sororisque funere contaminabitur quia consecratio Dei sui super caput eius est

vul@Numbers:6:8 @ omnes dies separationis suae sanctus erit Domino

vul@Numbers:6:14 @ et offeret oblationem eius Domino agnum anniculum inmaculatum in holocaustum et ovem anniculam inmaculatam pro peccato et arietem inmaculatum hostiam pacificam

vul@Numbers:6:18 @ tunc radetur nazareus ante ostium tabernaculi foederis caesarie consecrationis suae tolletque capillos eius et ponet super ignem qui est subpositus sacrificio pacificorum

vul@Numbers:6:21 @ ista est lex nazarei cum voverit oblationem suam Domino tempore consecrationis suae exceptis his quae invenerit manus eius iuxta quod mente devoverat ita faciet ad perfectionem sanctificationis suae

vul@Numbers:6:23 @ loquere Aaron et filiis eius sic benedicetis filiis Israhel et dicetis eis

vul@Numbers:6:24 @ benedicat tibi Dominus et custodiat te

vul@Numbers:6:27 @ invocabunt nomen meum super filios Israhel et ego benedicam eis

vul@Numbers:7:3 @ munera coram Domino sex plaustra tecta cum duodecim bubus unum plaustrum obtulere duo duces et unum bovem singuli obtuleruntque ea in conspectu tabernaculi

vul@Numbers:7:5 @ suscipe ab eis ut serviant in ministerio tabernaculi et tradas ea Levitis iuxta ordinem ministerii sui

vul@Numbers:7:7 @ duo plaustra et quattuor boves dedit filiis Gerson iuxta id quod habebant necessarium

vul@Numbers:7:9 @ filiis autem Caath non dedit plaustra et boves quia in sanctuario serviunt et onera propriis portant umeris

vul@Numbers:7:10 @ igitur obtulerunt duces in dedicationem altaris die qua unctum est oblationem suam ante altare

vul@Numbers:7:11 @ dixitque Dominus ad Mosen singuli duces per singulos dies offerant munera in dedicationem altaris

vul@Numbers:7:12 @ primo die obtulit oblationem suam Naasson filius Aminadab de tribu Iuda

vul@Numbers:7:78 @ die duodecimo princeps filiorum Nepthalim Achira filius Henan

vul@Numbers:7:84 @ haec in dedicatione altaris oblata sunt a principibus Israhel in die qua consecratum est acetabula argentea duodecim fialae argenteae duodecim mortariola aurea duodecim

vul@Numbers:7:85 @ ita ut centum triginta argenti siclos haberet unum acetabulum et septuaginta siclos una fiala id est in commune vasorum omnium ex argento sicli duo milia quadringenti pondere sanctuarii

vul@Numbers:7:88 @ hostiae pacificorum boves viginti quattuor arietes sexaginta hirci sexaginta agni anniculi sexaginta haec oblata sunt in dedicatione altaris quando unctum est

vul@Numbers:8:7 @ iuxta hunc ritum aspergantur aqua lustrationis et radant omnes pilos carnis suae cumque laverint vestimenta sua et mundati fuerint

vul@Numbers:8:9 @ et adplicabis Levitas coram tabernaculo foederis convocata omni multitudine filiorum Israhel

vul@Numbers:8:10 @ cumque Levitae fuerint coram Domino ponent filii Israhel manus suas super eos

vul@Numbers:8:12 @ Levitae quoque ponent manus suas super capita boum e quibus unum facies pro peccato et alterum in holocaustum Domini ut depreceris pro eis

vul@Numbers:8:15 @ et postea ingrediantur tabernaculum foederis ut serviant mihi sicque purificabis et consecrabis eos in oblationem Domini quoniam dono donati sunt mihi a filiis Israhel

vul@Numbers:8:16 @ pro primogenitis quae aperiunt omnem vulvam in Israhel accepi eos

vul@Numbers:8:17 @ mea sunt omnia primogenita filiorum Israhel tam ex hominibus quam ex iumentis ex die quo percussi omnem primogenitum in terra Aegypti sanctificavi eos mihi

vul@Numbers:8:19 @ tradidique eos dono Aaroni et filiis eius de medio populi ut serviant mihi pro Israhel in tabernaculo foederis et orent pro eis ne sit in populo plaga si ausi fuerint accedere ad sanctuarium

vul@Numbers:8:26 @ eruntque ministri fratrum suorum in tabernaculo foederis ut custodiant quae sibi fuerint commendata opera autem ipsa non faciant sic dispones Levitas in custodiis suis

vul@Numbers:9:3 @ quartadecima die mensis huius ad vesperam iuxta omnes caerimonias et iustificationes eius

vul@Numbers:9:7 @ dixerunt eis inmundi sumus super animam hominis quare fraudamur ut non valeamus offerre oblationem Domino in tempore suo inter filios Israhel

vul@Numbers:9:12 @ non relinquent ex eo quippiam usque mane et os eius non confringent omnem ritum phase observabunt

vul@Numbers:9:13 @ si quis autem et mundus est et in itinere non fuit et tamen non fecit phase exterminabitur anima illa de populis suis quia sacrificium Domino non obtulit tempore suo peccatum suum ipse portabit

vul@Numbers:9:14 @ peregrinus quoque et advena si fuerit apud vos faciet phase Domini iuxta caerimonias et iustificationes eius praeceptum idem erit apud vos tam advenae quam indigenae

vul@Numbers:9:15 @ igitur die qua erectum est tabernaculum operuit illud nubes a vespere autem super tentorium erat quasi species ignis usque mane

vul@Numbers:9:18 @ ad imperium Domini proficiscebantur et ad imperium illius figebant tabernaculum cunctis diebus quibus stabat nubes super tabernaculum manebant in eodem loco

vul@Numbers:9:19 @ et si evenisset ut multo tempore maneret super illud erant filii Israhel in excubiis Domini et non proficiscebantur

vul@Numbers:9:20 @ quotquot diebus fuisset nubes super tabernaculum ad imperium Domini erigebant tentoria et ad imperium illius deponebant

vul@Numbers:9:21 @ si fuisset nubes a vespere usque mane et statim diluculo tabernaculum reliquisset proficiscebantur et si post diem et noctem recessisset dissipabant tentoria

vul@Numbers:9:22 @ si biduo aut uno mense vel longiori tempore fuisset super tabernaculum manebant filii Israhel in eodem loco et non proficiscebantur statim autem ut recessisset movebant castra

vul@Numbers:10:2 @ fac tibi duas tubas argenteas ductiles quibus convocare possis multitudinem quando movenda sunt castra

vul@Numbers:10:6 @ in secundo autem sonitu et pari ululatu tubae levabunt tentoria qui habitant ad meridiem et iuxta hunc modum reliqui facient ululantibus tubis in profectione

vul@Numbers:10:8 @ filii Aaron sacerdotes clangent tubis eritque hoc legitimum sempiternum in generationibus vestris

vul@Numbers:10:10 @ si quando habebitis epulum et dies festos et kalendas canetis tubis super holocaustis et pacificis victimis ut sint vobis in recordationem Dei vestri ego Dominus Deus vester

vul@Numbers:10:12 @ profectique sunt filii Israhel per turmas suas de deserto Sinai et recubuit nubes in solitudine Pharan

vul@Numbers:10:18 @ profectique sunt et filii Ruben per turmas et ordinem suum quorum princeps erat Helisur filius Sedeur

vul@Numbers:10:21 @ profectique sunt et Caathitae portantes sanctuarium tamdiu tabernaculum portabatur donec venirent ad erectionis locum

vul@Numbers:10:27 @ et in tribu filiorum Nepthalim princeps Achira filius Henan

vul@Numbers:10:28 @ haec sunt castra et profectiones filiorum Israhel per turmas suas quando egrediebantur

vul@Numbers:10:29 @ dixitque Moses Hobab filio Rahuhel Madianiti cognato suo proficiscimur ad locum quem Dominus daturus est nobis veni nobiscum ut benefaciamus tibi quia Dominus bona promisit Israheli

vul@Numbers:10:31 @ et ille noli inquit nos relinquere tu enim nosti in quibus locis per desertum castra ponere debeamus et eris ductor noster

vul@Numbers:10:32 @ cumque nobiscum veneris quicquid optimum fuerit ex opibus quas nobis traditurus est Dominus dabimus tibi

vul@Numbers:10:35 @ cumque elevaretur arca dicebat Moses surge Domine et dissipentur inimici tui et fugiant qui oderunt te a facie tua

vul@Numbers:10:36 @ cum autem deponeretur aiebat revertere Domine ad multitudinem exercitus Israhel

vul@Numbers:11:4 @ vulgus quippe promiscuum quod ascenderat cum eis flagravit desiderio sedens et flens iunctis sibi pariter filiis Israhel et ait quis dabit nobis ad vescendum carnes

vul@Numbers:11:5 @ recordamur piscium quos comedebamus in Aegypto gratis in mentem nobis veniunt cucumeres et pepones porrique et cepae et alia

vul@Numbers:11:12 @ numquid ego concepi omnem hanc multitudinem vel genui eam ut dicas mihi porta eos in sinu tuo sicut portare solet nutrix infantulum et defer in terram pro qua iurasti patribus eorum

vul@Numbers:11:13 @ unde mihi carnes ut dem tantae multitudini flent contra me dicentes da nobis carnes ut comedamus

vul@Numbers:11:14 @ non possum solus sustinere omnem hunc populum quia gravis mihi est

vul@Numbers:11:15 @ sin aliter tibi videtur obsecro ut interficias me et inveniam gratiam in oculis tuis ne tantis adficiar malis

vul@Numbers:11:16 @ et dixit Dominus ad Mosen congrega mihi septuaginta viros de senibus Israhel quos tu nosti quod senes populi sint ac magistri et duces eos ad ostium tabernaculi foederis faciesque ibi stare tecum

vul@Numbers:11:18 @ populo quoque dices sanctificamini cras comedetis carnes ego enim audivi vos dicere quis dabit nobis escas carnium bene nobis erat in Aegypto ut det vobis Dominus carnes et comedatis

vul@Numbers:11:19 @ non uno die nec duobus vel quinque aut decem nec viginti quidem

vul@Numbers:11:20 @ sed usque ad mensem dierum donec exeat per nares vestras et vertatur in nausiam eo quod reppuleritis Dominum qui in medio vestri est et fleveritis coram eo dicentes quare egressi sumus ex Aegypto

vul@Numbers:11:22 @ numquid ovium et boum multitudo caedetur ut possit sufficere ad cibum vel omnes pisces maris in unum congregabuntur ut eos satient

vul@Numbers:11:25 @ descenditque Dominus per nubem et locutus est ad eum auferens de spiritu qui erat in Mosen et dans septuaginta viris cumque requievisset in eis spiritus prophetaverunt nec ultra cessarunt

vul@Numbers:11:28 @ statim Iosue filius Nun minister Mosi et electus e pluribus ait domine mi Moses prohibe eos

vul@Numbers:11:31 @ ventus autem egrediens a Domino arreptas trans mare coturnices detulit et dimisit in castra itinere quantum uno die confici potest ex omni parte castrorum per circuitum volabantque in aere duobus cubitis altitudine super terram

vul@Numbers:11:33 @ adhuc carnes erant in dentibus eorum nec defecerat huiuscemodi cibus et ecce furor Domini concitatus in populum percussit eum plaga magna nimis

vul@Numbers:11:34 @ vocatusque est ille locus sepulchra Concupiscentiae ibi enim sepelierunt populum qui desideraverat egressi autem de sepulchris Concupiscentiae venerunt in Aseroth et manserunt ibi

vul@Numbers:12:2 @ et dixerunt num per solum Mosen locutus est Dominus nonne et nobis similiter est locutus quod cum audisset Dominus

vul@Numbers:12:3 @ erat enim Moses vir mitissimus super omnes homines qui morabantur in terra

vul@Numbers:12:6 @ dixit ad eos audite sermones meos si quis fuerit inter vos propheta Domini in visione apparebo ei vel per somnium loquar ad illum

vul@Numbers:12:11 @ ait ad Mosen obsecro domine mi ne inponas nobis hoc peccatum quod stulte commisimus

vul@Numbers:12:12 @ ne fiat haec quasi mortua et ut abortivum quod proicitur de vulva matris suae ecce iam medium carnis eius devoratum est lepra

vul@Numbers:12:14 @ cui respondit Dominus si pater eius spuisset in faciem illius nonne debuerat saltem septem dierum rubore suffundi separetur septem diebus extra castra et postea revocabitur

vul@Numbers:12:15 @ exclusa est itaque Maria extra castra septem diebus et populus non est motus de loco illo donec revocata est Maria

vul@Numbers:13:7 @ de tribu Iuda Chaleb filium Iepphonne

vul@Numbers:13:15 @ de tribu Nepthali Naabbi filium Vaphsi

vul@Numbers:13:18 @ misit ergo eos Moses ad considerandam terram Chanaan et dixit ad eos ascendite per meridianam plagam cumque veneritis ad montes

vul@Numbers:13:21 @ humus pinguis an sterilis nemorosa an absque arboribus confortamini et adferte nobis de fructibus terrae erat autem tempus quando iam praecoquae uvae vesci possunt

vul@Numbers:13:23 @ ascenderuntque ad meridiem et venerunt in Hebron ubi erant Ahiman et Sisai et Tholmai filii Enach nam Hebron septem annis ante Tanim urbem Aegypti condita est

vul@Numbers:13:25 @ qui appellatus est Neelescol id est torrens Botri eo quod botrum inde portassent filii Israhel

vul@Numbers:13:26 @ reversique exploratores terrae post quadraginta dies omni regione circuita

vul@Numbers:13:27 @ venerunt ad Mosen et Aaron et ad omnem coetum filiorum Israhel in desertum Pharan quod est in Cades locutique eis et omni multitudini ostenderunt fructus terrae

vul@Numbers:13:30 @ Amalech habitat in meridie Hettheus et Iebuseus et Amorreus in montanis Chananeus vero moratur iuxta mare et circa fluenta Iordanis

vul@Numbers:13:31 @ inter haec Chaleb conpescens murmur populi qui oriebatur contra Mosen ait ascendamus et possideamus terram quoniam poterimus obtinere eam

vul@Numbers:13:32 @ alii vero qui fuerant cum eo dicebant nequaquam ad hunc populum valemus ascendere quia fortior nobis est

vul@Numbers:13:34 @ ibi vidimus monstra quaedam filiorum Enach de genere giganteo quibus conparati quasi lucustae videbamur

vul@Numbers:14:3 @ utinam mortui essemus in Aegypto et non in hac vasta solitudine utinam pereamus et non inducat nos Dominus in terram istam ne cadamus gladio et uxores ac liberi nostri ducantur captivi nonne melius est reverti in Aegyptum

vul@Numbers:14:5 @ quo audito Moses et Aaron ceciderunt proni in terram coram omni multitudine filiorum Israhel

vul@Numbers:14:6 @ at vero Iosue filius Nun et Chaleb filius Iepphonne qui et ipsi lustraverant terram sciderunt vestimenta sua

vul@Numbers:14:7 @ et ad omnem multitudinem filiorum Israhel locuti sunt terram quam circuivimus valde bona est

vul@Numbers:14:9 @ nolite rebelles esse contra Dominum neque timeatis populum terrae huius quia sicut panem ita eos possumus devorare recessit ab illis omne praesidium Dominus nobiscum est nolite metuere

vul@Numbers:14:14 @ et habitatores terrae huius qui audierunt quod tu Domine in populo isto sis et facie videaris ad faciem et nubes tua protegat illos et in columna nubis praecedas eos per diem et in columna ignis per noctem

vul@Numbers:14:15 @ quod occideris tantam multitudinem quasi unum hominem et dicant

vul@Numbers:14:16 @ non poterat introducere populum in terram pro qua iuraverat idcirco occidit eos in solitudine

vul@Numbers:14:18 @ Dominus patiens et multae misericordiae auferens iniquitatem et scelera nullumque innoxium derelinquens qui visitas peccata patrum in filios in tertiam et quartam generationem

vul@Numbers:14:19 @ dimitte obsecro peccatum populi tui huius secundum magnitudinem misericordiae tuae sicut propitius fuisti egredientibus de Aegypto usque ad locum istum

vul@Numbers:14:22 @ attamen omnes homines qui viderunt maiestatem meam et signa quae feci in Aegypto et in solitudine et temptaverunt me iam per decem vices nec oboedierunt voci meae

vul@Numbers:14:23 @ non videbunt terram pro qua iuravi patribus eorum nec quisquam ex illis qui detraxit mihi intuebitur eam

vul@Numbers:14:25 @ quoniam Amalechites et Chananeus habitant in vallibus cras movete castra et revertimini in solitudinem per viam maris Rubri

vul@Numbers:14:29 @ in solitudine hac iacebunt cadavera vestra omnes qui numerati estis a viginti annis et supra et murmurastis contra me

vul@Numbers:14:30 @ non intrabitis terram super quam levavi manum meam ut habitare vos facerem praeter Chaleb filium Iepphonne et Iosue filium Nun

vul@Numbers:14:32 @ vestra cadavera iacebunt in solitudine

vul@Numbers:14:33 @ filii vestri erunt vagi in deserto annis quadraginta et portabunt fornicationem vestram donec consumantur cadavera patrum in deserto

vul@Numbers:14:34 @ iuxta numerum quadraginta dierum quibus considerastis terram annus pro die inputabitur et quadraginta annis recipietis iniquitates vestras et scietis ultionem meam

vul@Numbers:14:35 @ quoniam sicut locutus sum ita faciam omni multitudini huic pessimae quae consurrexit adversum me in solitudine hac deficiet et morietur

vul@Numbers:14:36 @ igitur omnes viri quos miserat Moses ad contemplandam terram et qui reversi murmurare fecerant contra eum omnem multitudinem detrahentes terrae quod esset mala

vul@Numbers:14:38 @ Iosue autem filius Nun et Chaleb filius Iepphonne vixerunt ex omnibus qui perrexerant ad considerandam terram

vul@Numbers:14:39 @ locutusque est Moses universa verba haec ad omnes filios Israhel et luxit populus nimis

vul@Numbers:14:40 @ et ecce mane primo surgentes ascenderunt verticem montis atque dixerunt parati sumus ascendere ad locum de quo Dominus locutus est quia peccavimus

vul@Numbers:14:42 @ nolite ascendere non enim est Dominus vobiscum ne corruatis coram inimicis vestris

vul@Numbers:14:43 @ Amalechites et Chananeus ante vos sunt quorum gladio corruetis eo quod nolueritis adquiescere Domino nec erit Dominus vobiscum

vul@Numbers:14:44 @ at illi contenebrati ascenderunt in verticem montis arca autem testamenti Domini et Moses non recesserunt de castris

vul@Numbers:14:45 @ descenditque Amalechites et Chananeus qui habitabant in monte et percutiens eos atque concidens persecutus est usque Horma

vul@Numbers:15:3 @ et feceritis oblationem Domino in holocaustum aut victimam vota solventes vel sponte offerentes munera aut in sollemnitatibus vestris adolentes odorem suavitatis Domino de bubus sive de ovibus

vul@Numbers:15:10 @ et vinum ad liba fundenda eiusdem mensurae in oblationem suavissimi odoris Domino

vul@Numbers:15:18 @ cum veneritis in terram quam dabo vobis

vul@Numbers:15:25 @ et rogabit sacerdos pro omni multitudine filiorum Israhel et dimittetur eis quoniam non sponte peccaverunt nihilominus offerentes incensum Domino pro se et pro peccato atque errore suo

vul@Numbers:15:27 @ quod si anima una nesciens peccaverit offeret capram anniculam pro peccato suo

vul@Numbers:15:32 @ factum est autem cum essent filii Israhel in solitudine et invenissent hominem colligentem ligna in die sabbati

vul@Numbers:15:34 @ qui recluserunt eum in carcerem nescientes quid super eo facere deberent

vul@Numbers:15:38 @ loquere filiis Israhel et dices ad eos ut faciant sibi fimbrias per angulos palliorum ponentes in eis vittas hyacinthinas

vul@Numbers:15:39 @ quas cum viderint recordentur omnium mandatorum Domini nec sequantur cogitationes suas et oculos per res varias fornicantes

vul@Numbers:16:5 @ locutusque ad Core et ad omnem multitudinem mane inquit notum faciet Dominus qui ad se pertineant et sanctos adplicabit sibi et quos elegerit adpropinquabunt ei

vul@Numbers:16:6 @ hoc igitur facite tollat unusquisque turibula sua tu Core et omne concilium tuum

vul@Numbers:16:7 @ et hausto cras igne ponite desuper thymiama coram Domino et quemcumque elegerit ipse erit sanctus multum erigimini filii Levi

vul@Numbers:16:10 @ idcirco ad se fecit accedere te et omnes fratres tuos filios Levi ut vobis etiam sacerdotium vindicetis

vul@Numbers:16:14 @ re vera induxisti nos in terram quae fluit rivis lactis et mellis et dedisti nobis possessiones agrorum et vinearum an et oculos nostros vis eruere non venimus

vul@Numbers:16:15 @ iratusque Moses valde ait ad Dominum ne respicias sacrificia eorum tu scis quod ne asellum quidem umquam acceperim ab eis nec adflixerim quempiam eorum

vul@Numbers:16:17 @ tollite singuli turibula vestra et ponite super ea incensum offerentes Domino ducenta quinquaginta turibula Aaron quoque teneat turibulum suum

vul@Numbers:16:19 @ et coacervassent adversum eos omnem multitudinem ad ostium tabernaculi apparuit cunctis gloria Domini

vul@Numbers:16:22 @ qui ceciderunt proni in faciem atque dixerunt fortissime Deus spirituum universae carnis num uno peccante contra omnes tua ira desaeviet

vul@Numbers:16:26 @ dixit ad turbam recedite a tabernaculis hominum impiorum et nolite tangere quae ad eos pertinent ne involvamini in peccatis eorum

vul@Numbers:16:30 @ sin autem novam rem fecerit Dominus ut aperiens terra os suum degluttiat eos et omnia quae ad illos pertinent descenderintque viventes in infernum scietis quod blasphemaverint Dominum

vul@Numbers:16:34 @ at vero omnis Israhel qui stabat per gyrum fugit ad clamorem pereuntium dicens ne forte et nos terra degluttiat

vul@Numbers:16:37 @ praecipe Eleazaro filio Aaron sacerdotis ut tollat turibula quae iacent in incendio et ignem huc illucque dispergat quoniam sanctificata sunt

vul@Numbers:16:39 @ tulit ergo Eleazar sacerdos turibula aenea in quibus obtulerant hii quos incendium devoravit et produxit ea in lamminas adfigens altari

vul@Numbers:16:40 @ ut haberent postea filii Israhel quibus commonerentur ne quis accedat alienigena et qui non est de semine Aaron ad offerendum incensum Domino ne patiatur sicut passus est Core et omnis congregatio eius loquente Domino ad Mosen

vul@Numbers:16:46 @ dixit Moses ad Aaron tolle turibulum et hausto igne de altari mitte incensum desuper pergens cito ad populum ut roges pro eis iam enim egressa est ira a Domino et plaga desaevit

vul@Numbers:16:47 @ quod cum fecisset Aaron et cucurrisset ad mediam multitudinem quam iam vastabat incendium obtulit thymiama

vul@Numbers:16:49 @ fuerunt autem qui percussi sunt quattuordecim milia hominum et septingenti absque his qui perierant in seditione Core

vul@Numbers:17:2 @ loquere ad filios Israhel et accipe ab eis virgas singulas per cognationes suas a cunctis principibus tribuum virgas duodecim et uniuscuiusque nomen superscribes virgae suae

vul@Numbers:17:3 @ nomen autem Aaron erit in tribu Levi et una virga cunctas eorum familias continebit

vul@Numbers:17:4 @ ponesque eas in tabernaculo foederis coram testimonio ubi loquar ad te

vul@Numbers:17:6 @ locutusque est Moses ad filios Israhel et dederunt ei omnes principes virgas per singulas tribus fueruntque virgae duodecim absque virga Aaron

vul@Numbers:17:9 @ protulit ergo Moses omnes virgas de conspectu Domini ad cunctos filios Israhel videruntque et receperunt singuli virgas suas

vul@Numbers:17:10 @ dixitque Dominus ad Mosen refer virgam Aaron in tabernaculum testimonii ut servetur ibi in signum rebellium filiorum et quiescant querellae eorum a me ne moriantur

vul@Numbers:17:12 @ dixerunt autem filii Israhel ad Mosen ecce consumpti sumus omnes perivimus

vul@Numbers:17:13 @ quicumque accedit ad tabernaculum Domini moritur num usque ad internicionem cuncti delendi sumus

vul@Numbers:18:1 @ dixitque Dominus ad Aaron tu et filii tui et domus patris tui tecum portabitis iniquitatem sanctuarii et tu et filii tui simul sustinebitis peccata sacerdotii vestri

vul@Numbers:18:3 @ excubabuntque Levitae ad praecepta tua et ad cuncta opera tabernaculi ita dumtaxat ut ad vasa sanctuarii et altare non accedant ne et illi moriantur et vos pereatis simul

vul@Numbers:18:5 @ excubate in custodia sanctuarii et in ministerio altaris ne oriatur indignatio super filios Israhel

vul@Numbers:18:7 @ tu autem et filii tui custodite sacerdotium vestrum et omnia quae ad cultum altaris pertinent et intra velum sunt per sacerdotes administrabuntur si quis externus accesserit occidetur

vul@Numbers:18:12 @ omnem medullam olei et vini ac frumenti quicquid offerunt primitiarum Domino tibi dedi

vul@Numbers:18:14 @ omne quod ex voto reddiderint filii Israhel tuum erit

vul@Numbers:18:15 @ quicquid primum erumpet e vulva cunctae carnis quam offerunt Domino sive ex hominibus sive de pecoribus fuerit tui iuris erit ita dumtaxat ut pro hominis primogenito pretium accipias et omne animal quod inmundum est redimi facias

vul@Numbers:18:17 @ primogenitum autem bovis et ovis et caprae non facies redimi quia sanctificata sunt Domino sanguinem tantum eorum fundes super altare et adipes adolebis in suavissimum odorem Domino

vul@Numbers:18:18 @ carnes vero in usum tuum cedent sicut pectusculum consecratum et armus dexter tua erunt

vul@Numbers:18:19 @ omnes primitias sanctuarii quas offerunt filii Israhel Domino tibi dedi et filiis ac filiabus tuis iure perpetuo pactum salis est sempiternum coram Domino tibi ac filiis tuis

vul@Numbers:18:20 @ dixitque Dominus ad Aaron in terra eorum nihil possidebitis nec habebitis partem inter eos ego pars et hereditas tua in medio filiorum Israhel

vul@Numbers:18:21 @ filiis autem Levi dedi omnes decimas Israhelis in possessionem pro ministerio quo serviunt mihi in tabernaculo foederis

vul@Numbers:18:22 @ ut non accedant ultra filii Israhel ad tabernaculum nec committant peccatum mortiferum

vul@Numbers:18:23 @ solis filiis Levi mihi in tabernaculo servientibus et portantibus peccata populi legitimum sempiternum erit in generationibus vestris nihil aliud possidebunt

vul@Numbers:18:24 @ decimarum oblatione contenti quas in usus eorum et necessaria separavi

vul@Numbers:18:27 @ ut reputetur vobis in oblationem primitivorum tam de areis quam de torcularibus

vul@Numbers:18:32 @ et non peccabitis super hoc egregia vobis et pinguia reservantes ne polluatis oblationes filiorum Israhel et moriamini

vul@Numbers:19:2 @ ista est religio victimae quam constituit Dominus praecipe filiis Israhel ut adducant ad te vaccam rufam aetatis integrae in qua nulla sit macula nec portaverit iugum

vul@Numbers:19:4 @ et tinguens digitum in sanguine eius asperget contra fores tabernaculi septem vicibus

vul@Numbers:19:5 @ conburetque eam cunctis videntibus tam pelle et carnibus eius quam sanguine et fimo flammae traditis

vul@Numbers:19:9 @ colliget autem vir mundus cineres vaccae et effundet eos extra castra in loco purissimo ut sint multitudini filiorum Israhel in custodiam et in aquam aspersionis quia pro peccato vacca conbusta est

vul@Numbers:19:10 @ cumque laverit qui vaccae portaverat cineres vestimenta sua inmundus erit usque ad vesperum habebunt hoc filii Israhel et advenae qui habitant inter eos sanctum iure perpetuo

vul@Numbers:19:13 @ omnis qui tetigerit humanae animae morticinum et aspersus hac commixtione non fuerit polluet tabernaculum Domini et peribit ex Israhel quia aqua expiationis non est aspersus inmundus erit et manebit spurcitia eius super eum

vul@Numbers:19:14 @ ista est lex hominis qui moritur in tabernaculo omnes qui ingrediuntur tentorium illius et universa vasa quae ibi sunt polluta erunt septem diebus

vul@Numbers:19:15 @ vas quod non habuerit operculum nec ligaturam desuper inmundum erit

vul@Numbers:19:17 @ tollent de cineribus conbustionis atque peccati et mittent aquas vivas super eos in vas

vul@Numbers:19:18 @ in quibus cum homo mundus tinxerit hysopum asperget eo omne tentorium et cunctam supellectilem et homines huiuscemodi contagione pollutos

vul@Numbers:20:1 @ veneruntque filii Israhel et omnis multitudo in desertum Sin mense primo et mansit populus in Cades mortuaque est ibi Maria et sepulta in eodem loco

vul@Numbers:20:3 @ et versi in seditionem dixerunt utinam perissemus inter fratres nostros coram Domino

vul@Numbers:20:4 @ cur eduxistis ecclesiam Domini in solitudinem ut et nos et nostra iumenta moriantur

vul@Numbers:20:5 @ quare nos fecistis ascendere de Aegypto et adduxistis in locum istum pessimum qui seri non potest qui nec ficum gignit nec vineas nec mala granata insuper et aquam non habet ad bibendum

vul@Numbers:20:6 @ ingressusque Moses et Aaron dimissa multitudine tabernaculum foederis corruerunt proni in terram et apparuit gloria Domini super eos

vul@Numbers:20:10 @ congregata multitudine ante petram dixitque eis audite rebelles et increduli num de petra hac vobis aquam poterimus eicere

vul@Numbers:20:14 @ misit interea nuntios Moses de Cades ad regem Edom qui dicerent haec mandat frater tuus Israhel nosti omnem laborem qui adprehendit nos

vul@Numbers:20:17 @ obsecramus ut nobis transire liceat per terram tuam non ibimus per agros nec per vineas non bibemus aquas de puteis tuis sed gradiemur via publica nec ad dextram nec ad sinistram declinantes donec transeamus terminos tuos

vul@Numbers:20:20 @ at ille respondit non transibis statimque egressus est obvius cum infinita multitudine et manu forti

vul@Numbers:20:21 @ nec voluit adquiescere deprecanti ut concederet transitum per fines suos quam ob rem devertit ab eo Israhel

vul@Numbers:20:22 @ cumque castra movissent de Cades venerunt in montem Or qui est in finibus terrae Edom

vul@Numbers:20:27 @ fecit Moses ut praeceperat Dominus et ascenderunt in montem Or coram omni multitudine

vul@Numbers:21:1 @ quod cum audisset Chananeus rex Arad qui habitabat ad meridiem venisse scilicet Israhel per exploratorum viam pugnavit contra illum et victor existens duxit ex eo praedam

vul@Numbers:21:3 @ exaudivitque Dominus preces Israhel et tradidit Chananeum quem ille interfecit subversis urbibus eius et vocavit nomen loci illius Horma id est anathema

vul@Numbers:21:4 @ profecti sunt autem et de monte Or per viam quae ducit ad mare Rubrum ut circumirent terram Edom et taedere coepit populum itineris ac laboris

vul@Numbers:21:5 @ locutusque contra Deum et Mosen ait cur eduxisti nos de Aegypto ut moreremur in solitudine deest panis non sunt aquae anima nostra iam nausiat super cibo isto levissimo

vul@Numbers:21:7 @ venerunt ad Mosen atque dixerunt peccavimus quia locuti sumus contra Dominum et te ora ut tollat a nobis serpentes oravit Moses pro populo

vul@Numbers:21:8 @ et locutus est Dominus ad eum fac serpentem et pone eum pro signo qui percussus aspexerit eum vivet

vul@Numbers:21:9 @ fecit ergo Moses serpentem aeneum et posuit pro signo quem cum percussi aspicerent sanabantur

vul@Numbers:21:11 @ unde egressi fixere tentoria in Hieabarim in solitudine quae respicit Moab contra orientalem plagam

vul@Numbers:21:12 @ et inde moventes venerunt ad torrentem Zared

vul@Numbers:21:13 @ quem relinquentes castrametati sunt contra Arnon quae est in deserto et prominet in finibus Amorrei siquidem Arnon terminus est Moab dividens Moabitas et Amorreos

vul@Numbers:21:17 @ tunc cecinit Israhel carmen istud ascendat puteus concinebant

vul@Numbers:21:18 @ puteus quem foderunt principes et paraverunt duces multitudinis in datore legis et in baculis suis de solitudine Matthana

vul@Numbers:21:20 @ de Bamoth vallis est in regione Moab in vertice Phasga et quod respicit contra desertum

vul@Numbers:21:22 @ obsecro ut transire mihi liceat per terram tuam non declinabimus in agros et vineas non bibemus aquas ex puteis via regia gradiemur donec transeamus terminos tuos

vul@Numbers:21:23 @ qui concedere noluit ut transiret Israhel per fines suos quin potius exercitu congregato egressus est obviam in desertum et venit in Iasa pugnavitque contra eum

vul@Numbers:21:24 @ a quo percussus est in ore gladii et possessa est terra eius ab Arnon usque Iebboc et filios Ammon quia forti praesidio tenebantur termini Ammanitarum

vul@Numbers:21:25 @ tulit ergo Israhel omnes civitates eius et habitavit in urbibus Amorrei in Esebon scilicet et viculis eius

vul@Numbers:21:26 @ urbs Esebon fuit regis Seon Amorrei qui pugnavit contra regem Moab et tulit omnem terram quae dicionis illius fuerat usque Arnon

vul@Numbers:21:30 @ iugum ipsorum disperiit ab Esebon usque Dibon lassi pervenerunt in Nophe et usque Medaba

vul@Numbers:21:34 @ dixitque Dominus ad Mosen ne timeas eum quia in manu tua tradidi illum et omnem populum ac terram eius faciesque illi sicut fecisti Seon regi Amorreorum habitatori Esebon

vul@Numbers:21:35 @ percusserunt igitur et hunc cum filiis suis universumque populum eius usque ad internicionem et possederunt terram illius

vul@Numbers:22:1 @ profectique castrametati sunt in campestribus Moab ubi trans Iordanem Hierichus sita est

vul@Numbers:22:4 @ dixit ad maiores natu Madian ita delebit hic populus omnes qui in nostris finibus commorantur quomodo solet bos herbas usque ad radices carpere ipse erat eo tempore rex in Moab

vul@Numbers:22:6 @ veni igitur et maledic populo huic quia fortior me est si quo modo possim percutere et eicere eum de terra mea novi enim quod benedictus sit cui benedixeris et maledictus in quem maledicta congesseris

vul@Numbers:22:8 @ ille respondit manete hic nocte et respondebo quicquid mihi dixerit Dominus manentibus illis apud Balaam venit Deus et ait ad eum

vul@Numbers:22:9 @ quid sibi volunt homines isti apud te

vul@Numbers:22:12 @ dixitque Deus ad Balaam noli ire cum eis neque maledicas populo quia benedictus est

vul@Numbers:22:13 @ qui mane consurgens dixit ad principes ite in terram vestram quia prohibuit me Deus venire vobiscum

vul@Numbers:22:16 @ qui cum venissent ad Balaam dixerunt sic dicit Balac filius Sepphor ne cuncteris venire ad me

vul@Numbers:22:19 @ obsecro ut hic maneatis etiam hac nocte et scire queam quid mihi rursum respondeat Dominus

vul@Numbers:22:20 @ venit ergo Deus ad Balaam nocte et ait ei si vocare te venerunt homines isti surge et vade cum eis ita dumtaxat ut quod tibi praecepero facias

vul@Numbers:22:21 @ surrexit Balaam mane et strata asina profectus est cum eis

vul@Numbers:22:23 @ cernens asina angelum stantem in via evaginato gladio avertit se de itinere et ibat per agrum quam cum verberaret Balaam et vellet ad semitam reducere

vul@Numbers:22:24 @ stetit angelus in angustiis duarum maceriarum quibus vineae cingebantur

vul@Numbers:22:26 @ et nihilominus angelus ad locum angustum transiens ubi nec ad dextram nec ad sinistram poterat deviari obvius stetit

vul@Numbers:22:30 @ dixit asina nonne animal tuum sum cui semper sedere consuesti usque in praesentem diem dic quid simile umquam fecerim tibi at ille ait numquam

vul@Numbers:22:34 @ dixit Balaam peccavi nesciens quod tu stares contra me et nunc si displicet tibi ut vadam revertar

vul@Numbers:22:35 @ ait angelus vade cum istis et cave ne aliud quam praecepero tibi loquaris ivit igitur cum principibus

vul@Numbers:22:37 @ dixitque ad Balaam misi nuntios ut vocarent te cur non statim venisti ad me an quia mercedem adventui tuo reddere nequeo

vul@Numbers:22:39 @ perrexerunt ergo simul et venerunt in urbem quae in extremis regni eius finibus erat

vul@Numbers:22:40 @ cumque occidisset Balac boves et oves misit ad Balaam et principes qui cum eo erant munera

vul@Numbers:22:41 @ mane autem facto duxit eum ad excelsa Baal et intuitus est extremam partem populi

vul@Numbers:23:2 @ cumque fecisset iuxta sermonem Balaam inposuerunt simul vitulum et arietem super aram

vul@Numbers:23:3 @ dixitque Balaam ad Balac sta paulisper iuxta holocaustum tuum donec vadam si forte occurrat mihi Dominus et quodcumque imperaverit loquar tibi

vul@Numbers:23:6 @ reversus invenit stantem Balac iuxta holocaustum suum et omnes principes Moabitarum

vul@Numbers:23:8 @ quomodo maledicam cui non maledixit Deus qua ratione detester quem Dominus non detestatur

vul@Numbers:23:11 @ dixitque Balac ad Balaam quid est hoc quod agis ut malediceres inimicis vocavi te et tu e contrario benedicis eis

vul@Numbers:23:15 @ dixit ad Balac sta hic iuxta holocaustum tuum donec ego pergam obvius

vul@Numbers:23:19 @ non est Deus quasi homo ut mentiatur nec ut filius hominis ut mutetur dixit ergo et non faciet locutus est et non implebit

vul@Numbers:23:20 @ ad benedicendum adductus sum benedictionem prohibere non valeo

vul@Numbers:23:21 @ non est idolum in Iacob nec videtur simulacrum in Israhel Dominus Deus eius cum eo est et clangor victoriae regis in illo

vul@Numbers:23:23 @ non est augurium in Iacob nec divinatio in Israhel temporibus suis dicetur Iacob et Israheli quid operatus sit Deus

vul@Numbers:23:24 @ ecce populus ut leaena consurget et quasi leo erigetur non accubabit donec devoret praedam et occisorum sanguinem bibat

vul@Numbers:23:25 @ dixitque Balac ad Balaam nec maledicas ei nec benedicas

vul@Numbers:23:26 @ et ille nonne ait dixi tibi quod quicquid mihi Deus imperaret hoc facerem

vul@Numbers:23:28 @ cumque duxisset eum super verticem montis Phogor qui respicit solitudinem

vul@Numbers:24:1 @ cumque vidisset Balaam quod placeret Domino ut benediceret Israheli nequaquam abiit ut ante perrexerat ut augurium quaereret sed dirigens contra desertum vultum suum

vul@Numbers:24:4 @ dixit auditor sermonum Dei qui visionem Omnipotentis intuitus est qui cadit et sic aperiuntur oculi eius

vul@Numbers:24:6 @ ut valles nemorosae ut horti iuxta fluvios inrigui ut tabernacula quae fixit Dominus quasi cedri propter aquas

vul@Numbers:24:9 @ accubans dormivit ut leo et quasi leaena quam suscitare nullus audebit qui benedixerit tibi erit ipse benedictus qui maledixerit in maledictione reputabitur

vul@Numbers:24:10 @ iratusque Balac contra Balaam conplosis manibus ait ad maledicendum inimicis meis vocavi te quibus e contrario tertio benedixisti

vul@Numbers:24:12 @ respondit Balaam ad Balac nonne nuntiis tuis quos misisti ad me dixi

vul@Numbers:24:13 @ si dederit mihi Balac plenam domum suam argenti et auri non potero praeterire sermonem Domini Dei mei ut vel boni quid vel mali proferam ex corde meo sed quicquid Dominus dixerit hoc loquar

vul@Numbers:24:16 @ dixit auditor sermonum Dei qui novit doctrinam Altissimi et visiones Omnipotentis videt qui cadens apertos habet oculos

vul@Numbers:24:17 @ videbo eum sed non modo intuebor illum sed non prope orietur stella ex Iacob et consurget virga de Israhel et percutiet duces Moab vastabitque omnes filios Seth

vul@Numbers:24:19 @ de Iacob erit qui dominetur et perdat reliquias civitatis

vul@Numbers:24:21 @ vidit quoque Cineum et adsumpta parabola ait robustum est quidem habitaculum tuum sed si in petra posueris nidum tuum

vul@Numbers:24:22 @ et fueris electus de stirpe Cain quamdiu poteris permanere Assur enim capiet te

vul@Numbers:24:25 @ surrexitque Balaam et reversus est in locum suum Balac quoque via qua venerat rediit

vul@Numbers:25:7 @ quod cum vidisset Finees filius Eleazari filii Aaron sacerdotis surrexit de medio multitudinis et arrepto pugione

vul@Numbers:25:9 @ et occisi sunt viginti quattuor milia homines

vul@Numbers:25:11 @ Finees filius Eleazari filii Aaron sacerdotis avertit iram meam a filiis Israhel quia zelo meo commotus est contra eos ut non ipse delerem filios Israhel in zelo meo

vul@Numbers:25:14 @ erat autem nomen viri israhelitae qui occisus est cum Madianitide Zambri filius Salu dux de cognatione et tribu Symeonis

vul@Numbers:26:2 @ numerate omnem summam filiorum Israhel a viginti annis et supra per domos et cognationes suas cunctos qui possunt ad bella procedere

vul@Numbers:26:3 @ locuti sunt itaque Moses et Eleazar sacerdos in campestribus Moab super Iordanem contra Hierichum ad eos qui erant

vul@Numbers:26:9 @ huius filii Namuhel et Dathan et Abiram isti sunt Dathan et Abiram principes populi qui surrexerunt contra Mosen et Aaron in seditione Core quando adversum Dominum rebellaverunt

vul@Numbers:26:12 @ filii Symeon per cognationes suas Namuhel ab hoc familia Namuhelitarum Iamin ab hoc familia Iaminitarum Iachin ab hoc familia Iachinitarum

vul@Numbers:26:15 @ filii Gad per cognationes suas Sephon ab hoc familia Sephonitarum Aggi ab hoc familia Aggitarum Suni ab hoc familia Sunitarum

vul@Numbers:26:20 @ fueruntque filii Iuda per cognationes suas Sela a quo familia Selanitarum Phares a quo familia Pharesitarum Zare a quo familia Zareitarum

vul@Numbers:26:23 @ filii Isachar per cognationes suas Thola a quo familia Tholaitarum Phua a quo familia Phuaitarum

vul@Numbers:26:25 @ hae sunt cognationes Isachar quarum numerus fuit sexaginta quattuor milia trecentorum

vul@Numbers:26:26 @ filii Zabulon per cognationes suas Sared a quo familia Sareditarum Helon a quo familia Helonitarum Ialel a quo familia Ialelitarum

vul@Numbers:26:27 @ hae sunt cognationes Zabulon quarum numerus fuit sexaginta milia quingentorum

vul@Numbers:26:28 @ filii Ioseph per cognationes suas Manasse et Ephraim

vul@Numbers:26:35 @ filii autem Ephraim per cognationes suas fuerunt hii Suthala a quo familia Suthalitarum Becher a quo familia Becheritarum Tehen a quo familia Tehenitarum

vul@Numbers:26:37 @ hae sunt cognationes filiorum Ephraim quarum numerus triginta duo milia quingentorum

vul@Numbers:26:41 @ hii sunt filii Beniamin per cognationes suas quorum numerus quadraginta quinque milia sescentorum

vul@Numbers:26:42 @ filii Dan per cognationes suas Suham a quo familia Suhamitarum hae cognationes Dan per familias suas

vul@Numbers:26:43 @ omnes fuere Suhamitae quorum numerus erat sexaginta quattuor milia quadringentorum

vul@Numbers:26:44 @ filii Aser per cognationes suas Iemna a quo familia Iemnaitarum Iessui a quo familia Iessuitarum Brie a quo familia Brieitarum

vul@Numbers:26:47 @ hae cognationes filiorum Aser et numerus eorum quinquaginta tria milia quadringentorum

vul@Numbers:26:48 @ filii Nepthalim per cognationes suas Iessihel a quo familia Iessihelitarum Guni a quo familia Gunitarum

vul@Numbers:26:50 @ hae sunt cognationes filiorum Nepthalim per familias suas quorum numerus quadraginta quinque milia quadringentorum

vul@Numbers:26:53 @ istis dividetur terra iuxta numerum vocabulorum in possessiones suas

vul@Numbers:26:61 @ quorum Nadab et Abiu mortui sunt cum obtulissent ignem alienum coram Domino

vul@Numbers:26:62 @ fueruntque omnes qui numerati sunt viginti tria milia generis masculini ab uno mense et supra quia non sunt recensiti inter filios Israhel nec eis cum ceteris data possessio

vul@Numbers:26:63 @ hic est numerus filiorum Israhel qui descripti sunt a Mosen et Eleazaro sacerdote in campestribus Moab supra Iordanem contra Hiericho

vul@Numbers:26:65 @ praedixerat enim Dominus quod omnes morerentur in solitudine nullusque remansit ex eis nisi Chaleb filius Iepphonne et Iosue filius Nun

vul@Numbers:27:3 @ pater noster mortuus est in deserto nec fuit in seditione quae concitata est contra Dominum sub Core sed in peccato suo mortuus est hic non habuit mares filios cur tollitur nomen illius de familia sua quia non habet filium date nobis possessionem inter cognatos patris nostri

vul@Numbers:27:6 @ iustam rem postulant filiae Salphaad da eis possessionem inter cognatos patris sui et ei in hereditate succedant

vul@Numbers:27:11 @ sin autem nec patruos habuerit dabitur hereditas his qui ei proximi sunt eritque hoc filiis Israhel sanctum lege perpetua sicut praecepit Dominus Mosi

vul@Numbers:27:14 @ quia offendistis me in deserto Sin in contradictione multitudinis nec sanctificare me voluistis coram ea super aquas hae sunt aquae Contradictionis in Cades deserti Sin

vul@Numbers:27:16 @ provideat Dominus Deus spirituum omnis carnis hominem qui sit super multitudinem hanc

vul@Numbers:27:17 @ et possit exire et intrare ante eos et educere illos vel introducere ne sit populus Domini sicut oves absque pastore

vul@Numbers:27:18 @ dixitque Dominus ad eum tolle Iosue filium Nun virum in quo est spiritus et pone manum tuam super eum

vul@Numbers:27:19 @ qui stabit coram Eleazaro sacerdote et omni multitudine

vul@Numbers:27:21 @ pro hoc si quid agendum erit Eleazar sacerdos consulet Dominum ad verbum eius egredietur et ingredietur ipse et omnes filii Israhel cum eo et cetera multitudo

vul@Numbers:28:2 @ praecipe filiis Israhel et dices ad eos oblationem meam et panes et incensum odoris suavissimi offerte per tempora sua

vul@Numbers:28:4 @ unum offeretis mane et alterum ad vesperam

vul@Numbers:28:8 @ alterumque agnum similiter offeretis ad vesperam iuxta omnem ritum sacrificii matutini et libamentorum eius oblationem suavissimi odoris Domino

vul@Numbers:28:14 @ libamenta autem vini quae per singulas fundenda sunt victimas ista erunt media pars hin per vitulos singulos tertia per arietem quarta per agnum hoc erit holocaustum per omnes menses qui sibi anno vertente succedunt

vul@Numbers:28:18 @ quarum dies prima venerabilis et sancta erit omne opus servile non facietis in ea

vul@Numbers:28:25 @ dies quoque septimus celeberrimus et sanctus erit vobis omne opus servile non facietis in eo

vul@Numbers:28:26 @ dies etiam primitivorum quando offertis novas fruges Domino expletis ebdomadibus venerabilis et sancta erit omne opus servile non facietis in ea

vul@Numbers:28:30 @ qui mactatur pro expiatione praeter holocaustum sempiternum et liba eius

vul@Numbers:29:1 @ mensis etiam septimi prima dies venerabilis et sancta erit vobis omne opus servile non facietis in ea quia dies clangoris est et tubarum

vul@Numbers:29:5 @ et hircum pro peccato qui offertur in expiationem populi

vul@Numbers:29:7 @ decima quoque dies mensis huius septimi erit vobis sancta atque venerabilis et adfligetis animas vestras omne opus servile non facietis in ea

vul@Numbers:29:11 @ et hircum pro peccato absque his quae offerri pro delicto solent in expiationem et holocaustum sempiternum in sacrificio et libaminibus eorum

vul@Numbers:29:12 @ quintadecima vero die mensis septimi quae vobis erit sancta atque venerabilis omne opus servile non facietis in ea sed celebrabitis sollemnitatem Domino septem diebus

vul@Numbers:29:16 @ et hircum pro peccato absque holocausto sempiterno et sacrificio et libamine eius

vul@Numbers:29:19 @ et hircum pro peccato absque holocausto sempiterno sacrificioque eius et libamine

vul@Numbers:29:22 @ et hircum pro peccato absque holocausto sempiterno et sacrificio et libamine eius

vul@Numbers:29:25 @ et hircum pro peccato absque holocausto sempiterno sacrificioque eius et libamine

vul@Numbers:29:28 @ et hircum pro peccato absque holocausto sempiterno sacrificioque eius et libamine

vul@Numbers:29:31 @ et hircum pro peccato absque holocausto sempiterno sacrificioque eius et libamine

vul@Numbers:29:34 @ et hircum pro peccato absque holocausto sempiterno sacrificioque eius et libamine

vul@Numbers:29:35 @ die octavo qui est celeberrimus omne opus servile non facietis

vul@Numbers:29:38 @ et hircum pro peccato absque holocausto sempiterno sacrificioque eius et libamine

vul@Numbers:29:39 @ haec offeretis Domino in sollemnitatibus vestris praeter vota et oblationes spontaneas in holocausto in sacrificio in libamine et in hostiis pacificis

vul@Numbers:30:3 @ si quis virorum votum Domino voverit aut se constrinxerit iuramento non faciet irritum verbum suum sed omne quod promisit implebit

vul@Numbers:30:6 @ sin autem statim ut audierit contradixerit pater et vota et iuramenta eius irrita erunt nec obnoxia tenebitur sponsioni eo quod contradixerit pater

vul@Numbers:30:9 @ sin autem audiens statim contradixerit et irritas fecerit pollicitationes eius verbaque quibus obstrinxerat animam suam propitius ei erit Dominus

vul@Numbers:30:12 @ si audierit vir et tacuerit nec contradixerit sponsioni reddet quodcumque promiserat

vul@Numbers:30:13 @ sin autem extemplo contradixerit non tenebitur promissionis rea quia maritus contradixit et Dominus ei propitius erit

vul@Numbers:30:14 @ si voverit et iuramento se constrinxerit ut per ieiunium vel ceterarum rerum abstinentiam adfligat animam suam in arbitrio viri erit ut faciat sive non faciat

vul@Numbers:30:17 @ istae sunt leges quas constituit Dominus Mosi inter virum et uxorem inter patrem et filiam quae in puellari adhuc aetate est vel quae manet in parentis domo

vul@Numbers:31:3 @ statimque Moses armate inquit ex vobis viros ad pugnam qui possint ultionem Domini expetere de Madianitis

vul@Numbers:31:6 @ quos misit Moses cum Finees filio Eleazari sacerdotis vasa quoque sancta et tubas ad clangendum tradidit ei

vul@Numbers:31:7 @ cumque pugnassent contra Madianitas atque vicissent omnes mares occiderunt

vul@Numbers:31:12 @ et adduxerunt ad Mosen et Eleazarum sacerdotem et ad omnem multitudinem filiorum Israhel reliqua etiam utensilia portaverunt ad castra in campestribus Moab iuxta Iordanem contra Hiericho

vul@Numbers:31:13 @ egressi sunt autem Moses et Eleazar sacerdos et omnes principes synagogae in occursum eorum extra castra

vul@Numbers:31:14 @ iratusque Moses principibus exercitus tribunis et centurionibus qui venerant de bello

vul@Numbers:31:16 @ nonne istae sunt quae deceperunt filios Israhel ad suggestionem Balaam et praevaricari vos fecerunt in Domino super peccato Phogor unde et percussus est populus

vul@Numbers:31:17 @ ergo cunctos interficite quicquid est generis masculini etiam in parvulis et mulieres quae noverunt viros in coitu iugulate

vul@Numbers:31:18 @ puellas autem et omnes feminas virgines reservate vobis

vul@Numbers:31:19 @ et manete extra castra septem diebus qui occiderit hominem vel occisum tetigerit lustrabitur die tertio et septimo

vul@Numbers:31:23 @ et omne quod potest transire per flammas igne purgabitur quicquid autem ignem non potest sustinere aqua expiationis sanctificabitur

vul@Numbers:31:26 @ tollite summam eorum quae capta sunt ab homine usque ad pecus tu et Eleazar sacerdos et principes vulgi

vul@Numbers:31:27 @ dividesque ex aequo praedam inter eos qui pugnaverunt et egressi sunt ad bellum et inter omnem reliquam multitudinem

vul@Numbers:31:35 @ animae hominum sexus feminei quae non cognoverant viros triginta duo milia

vul@Numbers:31:48 @ cumque accessissent principes exercitus ad Mosen et tribuni centurionesque dixerunt

vul@Numbers:31:49 @ nos servi tui recensuimus numerum pugnatorum quos habuimus sub manu nostra et ne unus quidem defuit

vul@Numbers:31:51 @ susceperuntque Moses et Eleazar sacerdos omne aurum in diversis speciebus

vul@Numbers:32:2 @ venerunt ad Mosen et ad Eleazarum sacerdotem et principes multitudinis atque dixerunt

vul@Numbers:32:3 @ Atharoth et Dibon et Iazer et Nemra Esbon et Eleale et Sabam et Nebo et Beon

vul@Numbers:32:5 @ precamurque si invenimus gratiam coram te ut des nobis famulis tuis eam in possessionem ne facias nos transire Iordanem

vul@Numbers:32:7 @ cur subvertitis mentes filiorum Israhel ne transire audeant in locum quem eis daturus est Dominus

vul@Numbers:32:8 @ nonne ita egerunt patres vestri quando misi de Cadesbarne ad explorandam terram

vul@Numbers:32:9 @ cumque venissent usque ad vallem Botri lustrata omni regione subverterunt cor filiorum Israhel ut non intrarent fines quos eis Dominus dedit

vul@Numbers:32:11 @ si videbunt homines isti qui ascenderunt ex Aegypto a viginti annis et supra terram quam sub iuramento pollicitus sum Abraham Isaac et Iacob et noluerunt sequi me

vul@Numbers:32:12 @ praeter Chaleb filium Iepphonne Cenezeum et Iosue filium Nun isti impleverunt voluntatem meam

vul@Numbers:32:13 @ iratusque Dominus adversum Israhel circumduxit eum per desertum quadraginta annis donec consumeretur universa generatio quae fecerat malum in conspectu eius

vul@Numbers:32:15 @ qui si nolueritis sequi eum in solitudine populum derelinquet et vos causa eritis necis omnium

vul@Numbers:32:17 @ nos autem ipsi armati et accincti pergemus ad proelium ante filios Israhel donec introducamus eos ad loca sua parvuli nostri et quicquid habere possumus erunt in urbibus muratis propter habitatorum insidias

vul@Numbers:32:19 @ nec quicquam quaeremus trans Iordanem quia iam habemus possessionem nostram in orientali eius plaga

vul@Numbers:32:21 @ et omnis vir bellator armatus Iordanem transeat donec subvertat Dominus inimicos suos

vul@Numbers:32:22 @ et subiciatur ei omnis terra tunc eritis inculpabiles et apud Dominum et apud Israhel et obtinebitis regiones quas vultis coram Domino

vul@Numbers:32:27 @ nos autem famuli tui omnes expediti pergemus ad bellum sicut tu domine loqueris

vul@Numbers:32:29 @ si transierint filii Gad et filii Ruben vobiscum Iordanem omnes armati ad bellum coram Domino et vobis fuerit terra subiecta date eis Galaad in possessionem

vul@Numbers:32:32 @ ipsi armati pergemus coram Domino in terram Chanaan et possessionem iam suscepisse nos confitemur trans Iordanem

vul@Numbers:32:36 @ et Bethnemra et Betharan urbes munitas et caulas pecoribus suis

vul@Numbers:32:38 @ et Nabo et Baalmeon versis nominibus Sabama quoque inponentes vocabula urbibus quas extruxerant

vul@Numbers:32:42 @ Nobe quoque perrexit et adprehendit Canath cum viculis suis vocavitque eam ex nomine suo Nobe

vul@Numbers:33:1 @ hae sunt mansiones filiorum Israhel qui egressi sunt de Aegypto per turmas suas in manu Mosi et Aaron

vul@Numbers:33:2 @ quas descripsit Moses iuxta castrorum loca quae Domini iussione mutabant

vul@Numbers:33:4 @ et sepelientibus primogenitos quos percusserat Dominus nam et in diis eorum exercuerat ultionem

vul@Numbers:33:6 @ et de Soccoth venerunt in Aetham quae est in extremis finibus solitudinis

vul@Numbers:33:7 @ inde egressi venerunt contra Phiahiroth quae respicit Beelsephon et castrametati sunt ante Magdolum

vul@Numbers:33:8 @ profectique de Phiahiroth transierunt per medium mare in solitudinem et ambulantes tribus diebus per desertum Aetham castrametati sunt in Mara

vul@Numbers:33:9 @ profectique de Mara venerunt in Helim ubi erant duodecim fontes aquarum et palmae septuaginta ibique castrametati sunt

vul@Numbers:33:12 @ unde egressi venerunt in Dephca

vul@Numbers:33:16 @ sed et de solitudine Sinai egressi venerunt ad sepulchra Concupiscentiae

vul@Numbers:33:18 @ et de Aseroth venerunt in Rethma

vul@Numbers:33:20 @ unde egressi venerunt in Lebna

vul@Numbers:33:22 @ egressi de Ressa venerunt in Ceelatha

vul@Numbers:33:24 @ egressi de monte Sepher venerunt in Arada

vul@Numbers:33:26 @ profectique de Maceloth venerunt in Thaath

vul@Numbers:33:30 @ profectique de Esmona venerunt in Moseroth

vul@Numbers:33:31 @ et de Moseroth castrametati sunt in Baneiacan

vul@Numbers:33:32 @ egressique de Baneiacan venerunt in montem Gadgad

vul@Numbers:33:34 @ et de Hietebatha venerunt in Ebrona

vul@Numbers:33:36 @ inde profecti venerunt in desertum Sin haec est Cades

vul@Numbers:33:40 @ audivitque Chananeus rex Arad qui habitabat ad meridiem in terra Chanaan venisse filios Israhel

vul@Numbers:33:42 @ unde egressi venerunt in Phinon

vul@Numbers:33:44 @ et de Oboth venerunt in Ieabarim quae est in finibus Moabitarum

vul@Numbers:33:47 @ egressi de Elmondeblathaim venerunt ad montes Abarim contra Nabo

vul@Numbers:33:48 @ profectique de montibus Abarim transierunt ad campestria Moab super Iordanem contra Hiericho

vul@Numbers:33:51 @ praecipe filiis Israhel et dic ad eos quando transieritis Iordanem intrantes terram Chanaan

vul@Numbers:33:53 @ mundantes terram et habitantes in ea ego enim dedi vobis illam in possessionem

vul@Numbers:34:2 @ praecipe filiis Israhel et dices ad eos cum ingressi fueritis terram Chanaan et in possessionem vobis sorte ceciderit his finibus terminabitur

vul@Numbers:34:3 @ pars meridiana incipiet a solitudine Sin quae est iuxta Edom et habebit terminos contra orientem mare Salsissimum

vul@Numbers:34:4 @ qui circumibunt australem plagam per ascensum Scorpionis ita ut transeant Senna et perveniant in meridiem usque ad Cadesbarne unde egredientur confinia ad villam nomine Addar et tendent usque Asemona

vul@Numbers:34:6 @ plaga autem occidentalis a mari Magno incipiet et ipso fine cludetur

vul@Numbers:34:10 @ inde metabuntur fines contra orientalem plagam de villa Henan usque Sephama

vul@Numbers:34:11 @ et de Sephama descendent termini in Rebla contra fontem inde pervenient contra orientem ad mare Chenereth

vul@Numbers:34:12 @ et tendent usque Iordanem et ad ultimum Salsissimo cludentur mari hanc habebitis terram per fines suos in circuitu

vul@Numbers:34:15 @ id est duae semis tribus acceperunt partem suam trans Iordanem contra Hiericho ad orientalem plagam

vul@Numbers:34:19 @ quorum ista sunt vocabula de tribu Iuda Chaleb filius Iepphonne

vul@Numbers:34:28 @ de tribu Nepthali Phedahel filius Ameiud

vul@Numbers:35:1 @ haec quoque locutus est Dominus ad Mosen in campestribus Moab super Iordanem contra Hiericho

vul@Numbers:35:3 @ urbes ad habitandum et suburbana earum per circuitum ut ipsi in oppidis maneant et suburbana sint pecoribus ac iumentis

vul@Numbers:35:6 @ de ipsis autem oppidis quae Levitis dabitis sex erunt in fugitivorum auxilia separata ut fugiat ad ea qui fuderit sanguinem exceptis his alia quadraginta duo oppida

vul@Numbers:35:10 @ loquere filiis Israhel et dices ad eos quando transgressi fueritis Iordanem in terram Chanaan

vul@Numbers:35:11 @ decernite quae urbes esse debeant in praesidia fugitivorum qui nolentes sanguinem fuderint

vul@Numbers:35:12 @ in quibus cum fuerit profugus cognatus occisi eum non poterit occidere donec stet in conspectu multitudinis et causa illius iudicetur

vul@Numbers:35:14 @ tres erunt trans Iordanem et tres in terra Chanaan

vul@Numbers:35:15 @ tam filiis Israhel quam advenis atque peregrinis ut confugiat ad eas qui nolens sanguinem fuderit

vul@Numbers:35:18 @ si ligno percussus interierit percussoris sanguine vindicabitur

vul@Numbers:35:20 @ si per odium quis hominem inpulerit vel iecerit quippiam in eum per insidias

vul@Numbers:35:21 @ aut cum esset inimicus manu percusserit et ille mortuus fuerit percussor homicidii reus erit cognatus occisi statim ut invenerit eum iugulabit

vul@Numbers:35:25 @ liberabitur innocens de ultoris manu et reducetur per sententiam in urbem ad quam confugerat manebitque ibi donec sacerdos magnus qui oleo sancto unctus est moriatur

vul@Numbers:35:26 @ si interfector extra fines urbium quae exulibus deputatae sunt

vul@Numbers:35:33 @ ne polluatis terram habitationis vestrae quae insontium cruore maculatur nec aliter expiari potest nisi per eius sanguinem qui alterius sanguinem fuderit

vul@Numbers:36:2 @ tibi domino nostro praecepit Dominus ut terram sorte divideres filiis Israhel et ut filiabus Salphaad fratris nostri dares possessionem debitam patri

vul@Numbers:36:3 @ quas si alterius tribus homines uxores acceperint sequetur possessio sua et translata ad aliam tribum de nostra hereditate minuetur

vul@Numbers:36:4 @ atque ita fiet ut cum iobeleus id est quinquagesimus annus remissionis advenerit confundatur sortium distributio et aliorum possessio ad alios transeat

vul@Numbers:36:7 @ ne commisceatur possessio filiorum Israhel de tribu in tribum omnes enim viri ducent uxores de tribu et cognatione sua

vul@Numbers:36:8 @ et cunctae feminae maritos de eadem tribu accipient ut hereditas permaneat in familiis

vul@Numbers:36:9 @ nec sibi misceantur tribus sed ita maneant

vul@Deuteronomy:1:1 @ haec sunt verba quae locutus est Moses ad omnem Israhel trans Iordanem in solitudine campestri contra mare Rubrum inter Pharan et Thophel et Laban et Aseroth ubi auri est plurimum

vul@Deuteronomy:1:2 @ undecim diebus de Horeb per viam montis Seir usque Cadesbarne

vul@Deuteronomy:1:5 @ trans Iordanem in terra Moab coepitque Moses explanare legem et dicere

vul@Deuteronomy:1:7 @ revertimini et venite ad montem Amorreorum et ad cetera quae ei proxima sunt campestria atque montana et humiliora loca contra meridiem et iuxta litus maris terram Chananeorum et Libani usque ad flumen magnum Eufraten

vul@Deuteronomy:1:10 @ non possum solus sustinere vos quia Dominus Deus vester multiplicavit vos et estis hodie sicut stellae caeli plurimae

vul@Deuteronomy:1:11 @ Dominus Deus patrum vestrorum addat ad hunc numerum multa milia et benedicat vobis sicut locutus est

vul@Deuteronomy:1:12 @ non valeo solus vestra negotia sustinere et pondus ac iurgia

vul@Deuteronomy:1:15 @ tulique de tribubus vestris viros sapientes et nobiles et constitui eos principes tribunos et centuriones et quinquagenarios ac decanos qui docerent vos singula

vul@Deuteronomy:1:17 @ nulla erit distantia personarum ita parvum audietis ut magnum nec accipietis cuiusquam personam quia Dei iudicium est quod si difficile vobis aliquid visum fuerit referte ad me et ego audiam

vul@Deuteronomy:1:19 @ profecti autem de Horeb transivimus per heremum terribilem et maximam quam vidistis per viam montis Amorrei sicut praeceperat Dominus Deus noster nobis cumque venissemus in Cadesbarne

vul@Deuteronomy:1:21 @ vide terram quam Dominus Deus tuus dat tibi ascende et posside eam sicut locutus est Dominus Deus patribus tuis noli metuere nec quicquam paveas

vul@Deuteronomy:1:22 @ et accessistis ad me omnes atque dixistis mittamus viros qui considerent terram et renuntient per quod iter debeamus ascendere et ad quas pergere civitates

vul@Deuteronomy:1:24 @ qui cum perrexissent et ascendissent in montana venerunt usque ad vallem Botri et considerata terra

vul@Deuteronomy:1:26 @ et noluistis ascendere sed increduli ad sermonem Domini Dei nostri

vul@Deuteronomy:1:29 @ et dixi vobis nolite metuere nec timeatis eos

vul@Deuteronomy:1:31 @ et in solitudine ipse vidisti portavit te Dominus Deus tuus ut solet homo gestare parvulum filium suum in omni via per quam ambulasti donec veniretis ad locum istum

vul@Deuteronomy:1:32 @ et nec sic quidem credidistis Domino Deo vestro

vul@Deuteronomy:1:33 @ qui praecessit vos in via et metatus est locum in quo tentoria figere deberetis nocte ostendens vobis iter per ignem et die per columnam nubis

vul@Deuteronomy:1:35 @ non videbit quispiam de hominibus generationis huius pessimae terram bonam quam sub iuramento pollicitus sum patribus vestris

vul@Deuteronomy:1:36 @ praeter Chaleb filium Iepphonne ipse enim videbit eam et ipsi dabo terram quam calcavit et filiis eius quia secutus est Dominum

vul@Deuteronomy:1:37 @ nec miranda indignatio in populum cum mihi quoque iratus Dominus propter vos dixerit nec tu ingredieris illuc

vul@Deuteronomy:1:40 @ vos autem revertimini et abite in solitudinem per viam maris Rubri

vul@Deuteronomy:1:42 @ ait mihi Dominus dic ad eos nolite ascendere neque pugnetis non enim sum vobiscum ne cadatis coram inimicis vestris

vul@Deuteronomy:1:45 @ cumque reversi ploraretis coram Domino non audivit vos nec voci vestrae voluit adquiescere

vul@Deuteronomy:1:46 @ sedistis ergo in Cadesbarne multo tempore

vul@Deuteronomy:2:1 @ profectique inde venimus in solitudinem quae ducit ad mare Rubrum sicut mihi dixerat Dominus et circumivimus montem Seir longo tempore

vul@Deuteronomy:2:3 @ sufficit vobis circumire montem istum ite contra aquilonem

vul@Deuteronomy:2:5 @ videte ergo diligenter ne moveamini contra eos neque enim dabo vobis de terra eorum quantum potest unius pedis calcare vestigium quia in possessionem Esau dedi montem Seir

vul@Deuteronomy:2:7 @ Dominus Deus tuus benedixit tibi in omni opere manuum tuarum novit iter tuum quomodo transieris solitudinem hanc magnam per quadraginta annos habitans tecum Dominus Deus tuus et nihil tibi defuit

vul@Deuteronomy:2:9 @ dixitque Dominus ad me non pugnes contra Moabitas nec ineas adversum eos proelium non enim dabo tibi quicquam de terra eorum quia filiis Loth tradidi Ar in possessionem

vul@Deuteronomy:2:14 @ tempus autem quo ambulavimus de Cadesbarne usque ad transitum torrentis Zared triginta octo annorum fuit donec consumeretur omnis generatio hominum bellatorum de castris sicut iuraverat Dominus

vul@Deuteronomy:2:18 @ tu transibis hodie terminos Moab urbem nomine Ar

vul@Deuteronomy:2:19 @ et accedens in vicina filiorum Ammon cave ne pugnes contra eos nec movearis ad proelium non enim dabo tibi de terra filiorum Ammon quia filiis Loth dedi eam in possessionem

vul@Deuteronomy:2:25 @ hodie incipiam mittere terrorem atque formidinem tuam in populos qui habitant sub omni caelo ut audito nomine tuo paveant et in morem parturientium contremescant et dolore teneantur

vul@Deuteronomy:2:26 @ misi ergo nuntios de solitudine Cademoth ad Seon regem Esebon verbis pacificis dicens

vul@Deuteronomy:2:27 @ transibimus per terram tuam publica gradiemur via non declinabimus neque ad dextram neque ad sinistram

vul@Deuteronomy:2:29 @ sicut fecerunt filii Esau qui habitant in Seir et Moabitae qui morantur in Ar donec veniamus ad Iordanem et transeamus in terram quam Dominus Deus noster daturus est nobis

vul@Deuteronomy:2:35 @ absque iumentis quae in partem venere praedantium et spoliis urbium quas cepimus

vul@Deuteronomy:2:36 @ ab Aroer quae est super ripam torrentis Arnon oppido quod in valle situm est usque Galaad non fuit vicus et civitas quae nostras effugeret manus omnes tradidit Dominus Deus noster nobis

vul@Deuteronomy:3:2 @ dixitque Dominus ad me ne timeas eum quia in manu tua traditus est cum omni populo ac terra sua faciesque ei sicut fecisti Seon regi Amorreorum qui habitavit in Esebon

vul@Deuteronomy:3:3 @ tradidit ergo Dominus Deus noster in manibus nostris etiam Og regem Basan et universum populum eius percussimusque eos usque ad internicionem

vul@Deuteronomy:3:4 @ vastantes cunctas civitates illius uno tempore non fuit oppidum quod nos effugeret sexaginta urbes omnem regionem Argob regni Og in Basan

vul@Deuteronomy:3:6 @ et delevimus eos sicut feceramus Seon regi Esebon disperdentes omnem civitatem virosque ac mulieres et parvulos

vul@Deuteronomy:3:8 @ tulimusque illo in tempore terram de manu duorum regum Amorreorum qui erant trans Iordanem a torrente Arnon usque ad montem Hermon

vul@Deuteronomy:3:10 @ omnes civitates quae sitae sunt in planitie et universam terram Galaad et Basan usque Selcha et Edrai civitates regni Og in Basan

vul@Deuteronomy:3:13 @ reliquam autem partem Galaad et omnem Basan regni Og tradidi mediae tribui Manasse omnem regionem Argob cuncta Basan vocatur terra gigantum

vul@Deuteronomy:3:14 @ Iair filius Manasse possedit omnem regionem Argob usque ad terminos Gesuri et Machathi vocavitque ex nomine suo Basan Avothiair id est villas Iair usque in praesentem diem

vul@Deuteronomy:3:17 @ et planitiem solitudinis atque Iordanem et terminos Chenereth usque ad mare Deserti quod est Salsissimum ad radices montis Phasga contra orientem

vul@Deuteronomy:3:18 @ praecepique vobis in tempore illo dicens Dominus Deus vester dat vobis terram hanc in hereditatem expediti praecedite fratres vestros filios Israhel omnes viri robusti

vul@Deuteronomy:3:19 @ absque uxoribus et parvulis ac iumentis novi enim quod plura habeatis pecora et in urbibus remanere debebunt quas tradidi vobis

vul@Deuteronomy:3:20 @ donec requiem tribuat Dominus fratribus vestris sicut vobis tribuit et possideant etiam ipsi terram quam daturus est eis trans Iordanem tunc revertetur unusquisque in possessionem suam quam dedi vobis

vul@Deuteronomy:3:22 @ ne timeas eos Dominus enim Deus vester pugnabit pro vobis

vul@Deuteronomy:3:24 @ Domine Deus tu coepisti ostendere servo tuo magnitudinem tuam manumque fortissimam neque enim est alius Deus vel in caelo vel in terra qui possit facere opera tua et conparari fortitudini tuae

vul@Deuteronomy:3:25 @ transibo igitur et videbo terram hanc optimam trans Iordanem et montem istum egregium et Libanum

vul@Deuteronomy:3:26 @ iratusque est Dominus mihi propter vos nec exaudivit me sed dixit mihi sufficit tibi nequaquam ultra loquaris de hac re ad me

vul@Deuteronomy:3:27 @ ascende cacumen Phasgae et oculos tuos circumfer ad occidentem et aquilonem austrumque et orientem et aspice nec enim transibis Iordanem istum

vul@Deuteronomy:4:2 @ non addetis ad verbum quod vobis loquor neque auferetis ex eo custodite mandata Domini Dei vestri quae ego praecipio vobis

vul@Deuteronomy:4:3 @ oculi vestri viderunt omnia quae fecit Dominus contra Beelphegor quomodo contriverit omnes cultores eius de medio vestri

vul@Deuteronomy:4:7 @ nec est alia natio tam grandis quae habeat deos adpropinquantes sibi sicut Dominus Deus noster adest cunctis obsecrationibus nostris

vul@Deuteronomy:4:9 @ custodi igitur temet ipsum et animam tuam sollicite ne obliviscaris verborum quae viderunt oculi tui et ne excedant de corde tuo cunctis diebus vitae tuae docebis ea filios ac nepotes tuos

vul@Deuteronomy:4:10 @ diem in quo stetisti coram Domino Deo tuo in Horeb quando Dominus locutus est mihi dicens congrega ad me populum ut audiat sermones meos et discat timere me omni tempore quo vivit in terra doceantque filios suos

vul@Deuteronomy:4:11 @ et accessistis ad radices montis qui ardebat usque ad caelum erantque in eo tenebrae nubes et caligo

vul@Deuteronomy:4:15 @ custodite igitur sollicite animas vestras non vidistis aliquam similitudinem in die qua locutus est Dominus vobis in Horeb de medio ignis

vul@Deuteronomy:4:16 @ ne forte decepti faciatis vobis sculptam similitudinem aut imaginem masculi vel feminae

vul@Deuteronomy:4:17 @ similitudinem omnium iumentorum quae sunt super terram vel avium sub caelo volantium

vul@Deuteronomy:4:19 @ ne forte oculis elevatis ad caelum videas solem et lunam et omnia astra caeli et errore deceptus adores ea et colas quae creavit Dominus Deus tuus in ministerium cunctis gentibus quae sub caelo sunt

vul@Deuteronomy:4:21 @ iratusque est Dominus contra me propter sermones vestros et iuravit ut non transirem Iordanem nec ingrederer terram optimam quam daturus est vobis

vul@Deuteronomy:4:22 @ ecce morior in hac humo non transibo Iordanem vos transibitis et possidebitis terram egregiam

vul@Deuteronomy:4:23 @ cave nequando obliviscaris pacti Domini Dei tui quod pepigit tecum et facias tibi sculptam similitudinem eorum quae fieri Dominus prohibuit

vul@Deuteronomy:4:25 @ si genueritis filios ac nepotes et morati fueritis in terra deceptique feceritis vobis aliquam similitudinem patrantes malum coram Domino Deo vestro ut eum ad iracundiam provocetis

vul@Deuteronomy:4:26 @ testes invoco hodie caelum et terram cito perituros vos esse de terra quam transito Iordane possessuri estis non habitabitis in ea longo tempore sed delebit vos Dominus

vul@Deuteronomy:4:27 @ atque disperget in omnes gentes et remanebitis pauci in nationibus ad quas vos ducturus est Dominus

vul@Deuteronomy:4:29 @ cumque quaesieris ibi Dominum Deum tuum invenies eum si tamen toto corde quaesieris et tota tribulatione animae tuae

vul@Deuteronomy:4:30 @ postquam te invenerint omnia quae praedicta sunt novissimo tempore reverteris ad Dominum Deum tuum et audies vocem eius

vul@Deuteronomy:4:31 @ quia Deus misericors Dominus Deus tuus est non dimittet te nec omnino delebit neque obliviscetur pacti in quo iuravit patribus tuis

vul@Deuteronomy:4:32 @ interroga de diebus antiquis qui fuerunt ante te ex die quo creavit Deus hominem super terram a summo caeli usque ad summum eius si facta est aliquando huiuscemodi res aut umquam cognitum est

vul@Deuteronomy:4:34 @ si fecit Deus ut ingrederetur et tolleret sibi gentem de medio nationum per temptationes signa atque portenta per pugnam et robustam manum extentumque brachium et horribiles visiones iuxta omnia quae fecit pro vobis Dominus Deus vester in Aegypto videntibus oculis tuis

vul@Deuteronomy:4:36 @ de caelo te fecit audire vocem suam ut doceret te et in terra ostendit tibi ignem suum maximum et audisti verba illius de medio ignis

vul@Deuteronomy:4:38 @ ut deleret nationes maximas et fortiores te in introitu tuo et introduceret te daretque tibi terram earum in possessionem sicut cernis in praesenti die

vul@Deuteronomy:4:40 @ custodi praecepta eius atque mandata quae ego praecipio tibi ut bene sit tibi et filiis tuis post te et permaneas multo tempore super terram quam Dominus Deus tuus daturus est tibi

vul@Deuteronomy:4:41 @ tunc separavit Moses tres civitates trans Iordanem ad orientalem plagam

vul@Deuteronomy:4:42 @ ut confugiat ad eas qui occiderit nolens proximum suum nec fuerit inimicus ante unum et alterum diem et ad harum aliquam urbium possit evadere

vul@Deuteronomy:4:43 @ Bosor in solitudine quae sita est in terra campestri de tribu Ruben et Ramoth in Galaad quae est in tribu Gad et Golam in Basan quae est in tribu Manasse

vul@Deuteronomy:4:46 @ trans Iordanem in valle contra fanum Phogor in terra Seon regis Amorrei qui habitavit in Esebon quem percussit Moses filii quoque Israhel egressi ex Aegypto

vul@Deuteronomy:4:47 @ possederunt terram eius et terram Og regis Basan duorum regum Amorreorum qui erant trans Iordanem ad solis ortum

vul@Deuteronomy:4:49 @ omnem planitiem trans Iordanem ad orientalem plagam usque ad mare Solitudinis et usque ad radices montis Phasga

vul@Deuteronomy:5:1 @ vocavitque Moses omnem Israhelem et dixit ad eum audi Israhel caerimonias atque iudicia quae ego loquor in auribus vestris hodie discite ea et opere conplete

vul@Deuteronomy:5:5 @ ego sequester et medius fui inter Dominum et vos in tempore illo ut adnuntiarem vobis verba eius timuistis enim ignem et non ascendistis in montem et ait

vul@Deuteronomy:5:8 @ non facies tibi sculptile nec similitudinem omnium quae in caelo sunt desuper et quae in terra deorsum et quae versantur in aquis sub terra

vul@Deuteronomy:5:9 @ non adorabis ea et non coles ego enim sum Dominus Deus tuus Deus aemulator reddens iniquitatem patrum super filios in tertiam et quartam generationem his qui oderunt me

vul@Deuteronomy:5:14 @ septimus dies sabbati est id est requies Domini Dei tui non facies in eo quicquam operis tu et filius tuus et filia servus et ancilla et bos et asinus et omne iumentum tuum et peregrinus qui est intra portas tuas ut requiescat servus et ancilla tua sicut et tu

vul@Deuteronomy:5:16 @ honora patrem tuum et matrem sicut praecepit tibi Dominus Deus tuus ut longo vivas tempore et bene sit tibi in terra quam Dominus Deus tuus daturus est tibi

vul@Deuteronomy:5:18 @ neque moechaberis

vul@Deuteronomy:5:20 @ nec loqueris contra proximum tuum falsum testimonium

vul@Deuteronomy:5:22 @ haec verba locutus est Dominus ad omnem multitudinem vestram in monte de medio ignis et nubis et caliginis voce magna nihil addens amplius et scripsit ea in duabus tabulis lapideis quas tradidit mihi

vul@Deuteronomy:5:23 @ vos autem postquam audistis vocem de medio tenebrarum et montem ardere vidistis accessistis ad me omnes principes tribuum et maiores natu atque dixistis

vul@Deuteronomy:5:24 @ ecce ostendit nobis Dominus Deus noster maiestatem et magnitudinem suam vocem eius audivimus de medio ignis et probavimus hodie quod loquente Deo cum homine vixerit homo

vul@Deuteronomy:5:28 @ quod cum audisset Dominus ait ad me audivi vocem verborum populi huius quae locuti sunt tibi bene omnia sunt locuti

vul@Deuteronomy:5:29 @ quis det talem eos habere mentem ut timeant me et custodiant universa mandata mea in omni tempore ut bene sit eis et filiis eorum in sempiternum

vul@Deuteronomy:5:31 @ tu vero hic sta mecum et loquar tibi omnia mandata et caerimonias atque iudicia quae docebis eos ut faciant ea in terra quam dabo illis in possessionem

vul@Deuteronomy:5:32 @ custodite igitur et facite quae praecepit Dominus Deus vobis non declinabitis neque ad dextram neque ad sinistram

vul@Deuteronomy:5:33 @ sed per viam quam praecepit Dominus Deus vester ambulabitis ut vivatis et bene sit vobis et protelentur dies in terra possessionis vestrae

vul@Deuteronomy:6:2 @ ut timeas Dominum Deum tuum et custodias omnia mandata et praecepta eius quae ego praecipio tibi et filiis ac nepotibus tuis cunctis diebus vitae tuae ut prolongentur dies tui

vul@Deuteronomy:6:3 @ audi Israhel et observa ut facias et bene sit tibi et multipliceris amplius sicut pollicitus est Dominus Deus patrum tuorum tibi terram lacte et melle manantem

vul@Deuteronomy:6:5 @ diliges Dominum Deum tuum ex toto corde tuo et ex tota anima tua et ex tota fortitudine tua

vul@Deuteronomy:6:7 @ et narrabis ea filiis tuis et meditaberis sedens in domo tua et ambulans in itinere dormiens atque consurgens

vul@Deuteronomy:6:9 @ scribesque ea in limine et ostiis domus tuae

vul@Deuteronomy:6:11 @ domos plenas cunctarum opum quas non extruxisti cisternas quas non fodisti vineta et oliveta quae non plantasti

vul@Deuteronomy:6:13 @ cave diligenter ne obliviscaris Domini qui eduxit te de terra Aegypti de domo servitutis Dominum Deum tuum timebis et ipsi servies ac per nomen illius iurabis

vul@Deuteronomy:6:15 @ quoniam Deus aemulator Dominus Deus tuus in medio tui nequando irascatur furor Domini Dei tui contra te et auferat te de superficie terrae

vul@Deuteronomy:6:18 @ et fac quod placitum est et bonum in conspectu Domini ut bene sit tibi et ingressus possideas terram optimam de qua iuravit Dominus patribus tuis

vul@Deuteronomy:6:19 @ ut deleret omnes inimicos tuos coram te sicut locutus est

vul@Deuteronomy:6:22 @ fecitque signa atque prodigia magna et pessima in Aegypto contra Pharaonem et omnem domum illius in conspectu nostro

vul@Deuteronomy:6:24 @ praecepitque nobis Dominus ut faciamus omnia legitima haec et timeamus Dominum Deum nostrum et bene sit nobis cunctis diebus vitae nostrae sicut est hodie

vul@Deuteronomy:7:1 @ cum introduxerit te Dominus Deus tuus in terram quam possessurus ingredieris et deleverit gentes multas coram te Hettheum et Gergeseum et Amorreum Chananeum et Ferezeum et Eveum et Iebuseum septem gentes multo maioris numeri quam tu es et robustiores te

vul@Deuteronomy:7:2 @ tradideritque eas Dominus Deus tuus tibi percuties eas usque ad internicionem non inibis cum eis foedus nec misereberis earum

vul@Deuteronomy:7:3 @ neque sociabis cum eis coniugia filiam tuam non dabis filio eius nec filiam illius accipies filio tuo

vul@Deuteronomy:7:4 @ quia seducet filium tuum ne sequatur me et ut magis serviat diis alienis irasceturque furor Domini et delebit te cito

vul@Deuteronomy:7:9 @ et scies quia Dominus Deus tuus ipse est Deus fortis et fidelis custodiens pactum et misericordiam diligentibus se et his qui custodiunt praecepta eius in mille generationes

vul@Deuteronomy:7:13 @ et diliget te ac multiplicabit benedicetque fructui ventris tui et fructui terrae tuae frumento tuo atque vindemiae oleo et armentis gregibus ovium tuarum super terram pro qua iuravit patribus tuis ut daret eam tibi

vul@Deuteronomy:7:14 @ benedictus eris inter omnes populos non erit apud te sterilis utriusque sexus tam in hominibus quam in gregibus tuis

vul@Deuteronomy:7:15 @ auferet Dominus a te omnem languorem et infirmitates Aegypti pessimas quas novisti non inferet tibi sed cunctis hostibus tuis

vul@Deuteronomy:7:16 @ devorabis omnes populos quos Dominus Deus tuus daturus est tibi non parcet eis oculus tuus nec servies diis eorum ne sint in ruinam tui

vul@Deuteronomy:7:20 @ insuper et crabrones mittet Dominus Deus tuus in eos donec deleat omnes atque disperdat qui te fugerint et latere potuerint

vul@Deuteronomy:7:22 @ ipse consumet nationes has in conspectu tuo paulatim atque per partes non poteris delere eas pariter ne forte multiplicentur contra te bestiae terrae

vul@Deuteronomy:7:23 @ dabitque eos Dominus Deus tuus in conspectu tuo et interficiet illos donec penitus deleantur

vul@Deuteronomy:7:24 @ tradet reges eorum in manus tuas et disperdes nomina eorum sub caelo nullus poterit resistere tibi donec conteras eos

vul@Deuteronomy:7:25 @ sculptilia eorum igne conbures non concupisces argentum et aurum de quibus facta sunt neque adsumes ex eis tibi quicquam ne offendas propter ea quia abominatio est Domini Dei tui

vul@Deuteronomy:7:26 @ nec inferes quippiam ex idolo in domum tuam ne fias anathema sicut et illud est quasi spurcitiam detestaberis et velut inquinamentum ac sordes abominationi habebis quia anathema est

vul@Deuteronomy:8:1 @ omne mandatum quod ego praecipio tibi hodie cave diligenter ut facias ut possitis vivere et multiplicemini ingressique possideatis terram pro qua iuravit Dominus patribus vestris

vul@Deuteronomy:8:2 @ et recordaberis cuncti itineris per quod adduxit te Dominus Deus tuus quadraginta annis per desertum ut adfligeret te atque temptaret et nota fierent quae in tuo animo versabantur utrum custodires mandata illius an non

vul@Deuteronomy:8:3 @ adflixit te penuria et dedit tibi cibum manna quem ignorabas tu et patres tui ut ostenderet tibi quod non in solo pane vivat homo sed in omni verbo quod egreditur ex ore Domini

vul@Deuteronomy:8:4 @ vestimentum tuum quo operiebaris nequaquam vetustate defecit et pes tuus non est subtritus en quadragesimus annus est

vul@Deuteronomy:8:8 @ terram frumenti hordei vinearum in qua ficus et mala granata et oliveta nascuntur terram olei ac mellis

vul@Deuteronomy:8:9 @ ubi absque ulla penuria comedes panem tuum et rerum omnium abundantia perfrueris cuius lapides ferrum sunt et de montibus eius aeris metalla fodiuntur

vul@Deuteronomy:8:10 @ ut cum comederis et satiatus fueris benedicas Domino Deo tuo pro terra optima quam dedit tibi

vul@Deuteronomy:8:11 @ observa et cave nequando obliviscaris Domini Dei tui et neglegas mandata eius atque iudicia et caerimonias quas ego praecipio tibi hodie

vul@Deuteronomy:8:12 @ ne postquam comederis et satiatus domos pulchras aedificaveris et habitaveris in eis

vul@Deuteronomy:8:15 @ et ductor tuus fuit in solitudine magna atque terribili in qua erat serpens flatu adurens et scorpio ac dipsas et nullae omnino aquae qui eduxit rivos de petra durissima

vul@Deuteronomy:8:16 @ et cibavit te manna in solitudine quod nescierunt patres tui et postquam adflixit ac probavit ad extremum misertus est tui

vul@Deuteronomy:8:17 @ ne diceres in corde tuo fortitudo mea et robur manus meae haec mihi omnia praestiterunt

vul@Deuteronomy:9:1 @ audi Israhel tu transgredieris hodie Iordanem ut possideas nationes maximas et fortiores te civitates ingentes et ad caelum usque muratas

vul@Deuteronomy:9:4 @ ne dicas in corde tuo cum deleverit eos Dominus Deus tuus in conspectu tuo propter iustitiam meam introduxit me Dominus ut terram hanc possiderem cum propter impietates suas istae deletae sint nationes

vul@Deuteronomy:9:5 @ neque enim propter iustitias tuas et aequitatem cordis tui ingredieris ut possideas terras eorum sed quia illae egerunt impie te introeunte deletae sunt et ut conpleret verbum suum Dominus quod sub iuramento pollicitus est patribus tuis Abraham Isaac et Iacob

vul@Deuteronomy:9:6 @ scito igitur quod non propter iustitias tuas Dominus Deus tuus dederit tibi terram hanc optimam in possessionem cum durissimae cervicis sis populus

vul@Deuteronomy:9:7 @ memento et ne obliviscaris quomodo ad iracundiam provocaveris Dominum Deum tuum in solitudine ex eo die quo es egressus ex Aegypto usque ad locum istum semper adversum Dominum contendisti

vul@Deuteronomy:9:9 @ quando ascendi in montem ut acciperem tabulas lapideas tabulas pacti quod pepigit vobiscum Dominus et perseveravi in monte quadraginta diebus ac noctibus panem non comedens et aquam non bibens

vul@Deuteronomy:9:10 @ deditque mihi Dominus duas tabulas lapideas scriptas digito Dei et continentes omnia verba quae vobis in monte locutus est de medio ignis quando contio populi congregata est

vul@Deuteronomy:9:15 @ cumque de monte ardente descenderem et duas tabulas foederis utraque tenerem manu

vul@Deuteronomy:9:18 @ et procidi ante Dominum sicut prius quadraginta diebus et noctibus panem non comedens et aquam non bibens propter omnia peccata vestra quae gessistis contra Dominum et eum ad iracundiam provocastis

vul@Deuteronomy:9:19 @ timui enim indignationem et iram illius qua adversum vos concitatus delere vos voluit et exaudivit me Dominus etiam hac vice

vul@Deuteronomy:9:21 @ peccatum autem vestrum quod feceratis id est vitulum arripiens igne conbusi et in frusta comminuens omninoque in pulverem redigens proieci in torrentem qui de monte descendit

vul@Deuteronomy:9:22 @ in Incendio quoque et in Temptatione et in sepulchris Concupiscentiae provocastis Dominum

vul@Deuteronomy:9:23 @ et quando misit vos de Cadesbarne dicens ascendite et possidete terram quam dedi vobis et contempsistis imperium Domini Dei vestri et non credidistis ei neque vocem eius audire voluistis

vul@Deuteronomy:9:25 @ et iacui coram Domino quadraginta diebus ac noctibus quibus eum suppliciter deprecabar ne deleret vos ut fuerat comminatus

vul@Deuteronomy:9:26 @ et orans dixi Domine Deus ne disperdas populum tuum et hereditatem tuam quam redemisti in magnitudine tua quos eduxisti de Aegypto in manu forti

vul@Deuteronomy:9:27 @ recordare servorum tuorum Abraham Isaac et Iacob ne aspicias duritiam populi huius et impietatem atque peccatum

vul@Deuteronomy:9:28 @ ne forte dicant habitatores terrae de qua eduxisti nos non poterat Dominus introducere eos in terram quam pollicitus est eis et oderat illos idcirco eduxit ut interficeret eos in solitudine

vul@Deuteronomy:9:29 @ qui sunt populus tuus et hereditas tua quos eduxisti in fortitudine tua magna et in brachio tuo extento

vul@Deuteronomy:10:1 @ in tempore illo dixit Dominus ad me dola tibi duas tabulas lapideas sicut priores fuerunt et ascende ad me in montem faciesque arcam ligneam

vul@Deuteronomy:10:2 @ et scribam in tabulis verba quae fuerunt in his quas ante confregisti ponesque eas in arca

vul@Deuteronomy:10:7 @ inde venerunt in Gadgad de quo loco profecti castrametati sunt in Ietabatha in terra aquarum atque torrentium

vul@Deuteronomy:10:8 @ eo tempore separavit tribum Levi ut portaret arcam foederis Domini et staret coram eo in ministerio ac benediceret in nomine illius usque in praesentem diem

vul@Deuteronomy:10:9 @ quam ob rem non habuit Levi partem neque possessionem cum fratribus suis quia ipse Dominus possessio eius est sicut promisit ei Dominus Deus tuus

vul@Deuteronomy:10:13 @ custodiasque mandata Domini et caerimonias eius quas ego hodie praecipio ut bene sit tibi

vul@Deuteronomy:10:16 @ circumcidite igitur praeputium cordis vestri et cervicem vestram ne induretis amplius

vul@Deuteronomy:10:17 @ quia Dominus Deus vester ipse est Deus deorum et Dominus dominantium Deus magnus et potens et terribilis qui personam non accipit nec munera

vul@Deuteronomy:10:20 @ Dominum Deum tuum timebis et ei servies ipsi adherebis iurabisque in nomine illius

vul@Deuteronomy:11:5 @ vobisque quae fecerit in solitudine donec veniretis ad hunc locum

vul@Deuteronomy:11:10 @ terra enim ad quam ingredieris possidendam non est sicut terra Aegypti de qua existi ubi iacto semine in hortorum morem aquae ducuntur inriguae

vul@Deuteronomy:11:12 @ quam Dominus Deus tuus semper invisit et oculi illius in ea sunt a principio anni usque ad finem eius

vul@Deuteronomy:11:16 @ cavete ne forte decipiatur cor vestrum et recedatis a Domino serviatisque diis alienis et adoretis eos

vul@Deuteronomy:11:17 @ iratusque Dominus claudat caelum et pluviae non descendant nec terra det germen suum pereatisque velociter de terra optima quam Dominus daturus est vobis

vul@Deuteronomy:11:21 @ ut multiplicentur dies tui et filiorum tuorum in terra quam iuravit Dominus patribus tuis ut daret eis quamdiu caelum inminet terrae

vul@Deuteronomy:11:23 @ disperdet Dominus omnes gentes istas ante faciem vestram et possidebitis eas quae maiores et fortiores vobis sunt

vul@Deuteronomy:11:24 @ omnis locus quem calcaverit pes vester vester erit a deserto et Libano a flumine magno Eufraten usque ad mare occidentale erunt termini vestri

vul@Deuteronomy:11:25 @ nullus stabit contra vos terrorem vestrum et formidinem dabit Dominus Deus vester super omnem terram quam calcaturi estis sicut locutus est vobis

vul@Deuteronomy:11:26 @ en propono in conspectu vestro hodie benedictionem et maledictionem

vul@Deuteronomy:11:27 @ benedictionem si oboedieritis mandatis Domini Dei vestri quae ego praecipio vobis

vul@Deuteronomy:11:28 @ maledictionem si non audieritis mandata Domini Dei vestri sed recesseritis de via quam ego nunc ostendo vobis et ambulaveritis post deos alienos quos ignoratis

vul@Deuteronomy:11:29 @ cum introduxerit te Dominus Deus tuus in terram ad quam pergis habitandam pones benedictionem super montem Garizim maledictionem super montem Hebal

vul@Deuteronomy:11:30 @ qui sunt trans Iordanem post viam quae vergit ad solis occubitum in terra Chananei qui habitat in campestribus contra Galgalam quae est iuxta vallem tendentem et intrantem procul

vul@Deuteronomy:11:31 @ vos enim transibitis Iordanem ut possideatis terram quam Dominus Deus vester daturus est vobis et habeatis ac possideatis illam

vul@Deuteronomy:12:2 @ subvertite omnia loca in quibus coluerunt gentes quas possessuri estis deos suos super montes excelsos et colles et subter omne lignum frondosum

vul@Deuteronomy:12:3 @ dissipate aras earum et confringite statuas lucos igne conburite et idola comminuite disperdite nomina eorum de locis illis

vul@Deuteronomy:12:7 @ et comedetis ibi in conspectu Domini Dei vestri ac laetabimini in cunctis ad quae miseritis manum vos et domus vestrae in quibus benedixerit vobis Dominus Deus vester

vul@Deuteronomy:12:9 @ neque enim usque in praesens tempus venistis ad requiem et possessionem quam Dominus Deus daturus est vobis

vul@Deuteronomy:12:10 @ transibitis Iordanem et habitabitis in terram quam Dominus Deus vester daturus est vobis ut requiescatis a cunctis hostibus per circuitum et absque ullo timore habitetis

vul@Deuteronomy:12:11 @ in loco quem elegerit Dominus Deus vester ut sit nomen eius in eo illuc omnia quae praecipio conferetis holocausta et hostias ac decimas et primitias manuum vestrarum et quicquid praecipuum est in muneribus quae vovistis Domino

vul@Deuteronomy:12:12 @ ibi epulabimini coram Domino Deo vestro vos filii ac filiae vestrae famuli et famulae atque Levites qui in vestris urbibus commorantur neque enim habet aliam partem et possessionem inter vos

vul@Deuteronomy:12:13 @ cave ne offeras holocausta tua in omni loco quem videris

vul@Deuteronomy:12:15 @ sin autem comedere volueris et te esus carnium delectarit occide et comede iuxta benedictionem Domini Dei tui quam dedit tibi in urbibus tuis sive inmundum fuerit hoc est maculatum et debile sive mundum hoc est integrum et sine macula quod offerri licet sicut capream et cervum comedes

vul@Deuteronomy:12:18 @ sed coram Domino Deo tuo comedes ea in loco quem elegerit Dominus Deus tuus tu et filius tuus ac filia servus et famula atque Levites qui manet in urbibus tuis et laetaberis et reficieris coram Domino Deo tuo in cunctis ad quae extenderis manum tuam

vul@Deuteronomy:12:19 @ cave ne derelinquas Leviten omni tempore quo versaris in terra

vul@Deuteronomy:12:22 @ sicut comeditur caprea et cervus ita vesceris eis et mundus et inmundus in commune vescentur

vul@Deuteronomy:12:23 @ hoc solum cave ne sanguinem comedas sanguis enim eorum pro anima est et idcirco non debes animam comedere cum carnibus

vul@Deuteronomy:12:25 @ ut sit tibi bene et filiis tuis post te cum feceris quod placet in conspectu Domini

vul@Deuteronomy:12:27 @ et offeres oblationes tuas carnem et sanguinem super altare Domini Dei tui sanguinem hostiarum fundes in altari carnibus autem ipse vesceris

vul@Deuteronomy:12:28 @ observa et audi omnia quae ego praecipio tibi ut bene sit tibi et filiis tuis post te in sempiternum cum feceris quod bonum est et placitum in conspectu Domini Dei tui

vul@Deuteronomy:12:30 @ cave ne imiteris eas postquam te fuerint introeunte subversae et requiras caerimonias earum dicens sicut coluerunt gentes istae deos suos ita et ego colam

vul@Deuteronomy:12:31 @ non facies similiter Domino Deo tuo omnes enim abominationes quas aversatur Dominus fecerunt diis suis offerentes filios et filias et conburentes igne

vul@Deuteronomy:12:32 @ quod praecipio tibi hoc tantum facito Domino nec addas quicquam nec minuas

vul@Deuteronomy:13:2 @ et evenerit quod locutus est et dixerit tibi eamus et sequamur deos alienos quos ignoras et serviamus eis

vul@Deuteronomy:13:7 @ cunctarum in circuitu gentium quae iuxta vel procul sunt ab initio usque ad finem terrae

vul@Deuteronomy:13:8 @ non adquiescas ei nec audias neque parcat ei oculus tuus ut miserearis et occultes eum

vul@Deuteronomy:13:10 @ lapidibus obrutus necabitur quia voluit te abstrahere a Domino Deo tuo qui eduxit te de terra Aegypti de domo servitutis

vul@Deuteronomy:13:11 @ ut omnis Israhel audiens timeat et nequaquam ultra faciat quippiam huius rei simile

vul@Deuteronomy:13:14 @ quaere sollicite et diligenter rei veritate perspecta si inveneris certum esse quod dicitur et abominationem hanc opere perpetratam

vul@Deuteronomy:14:1 @ filii estote Domini Dei vestri non vos incidetis nec facietis calvitium super mortuo

vul@Deuteronomy:14:3 @ ne comedatis quae inmunda sunt

vul@Deuteronomy:14:6 @ omne animal quod in duas partes ungulam findit et ruminat comedetis

vul@Deuteronomy:14:10 @ quae absque pinnulis et squamis sunt ne comedatis quia inmunda sunt

vul@Deuteronomy:14:11 @ omnes aves mundas comedite

vul@Deuteronomy:14:12 @ inmundas ne comedatis aquilam scilicet et grypem et alietum

vul@Deuteronomy:14:14 @ et omne corvini generis

vul@Deuteronomy:14:15 @ strutionem ac noctuam et larum atque accipitrem iuxta genus suum

vul@Deuteronomy:14:17 @ ac mergulum porphirionem et nycticoracem

vul@Deuteronomy:14:18 @ onocrotalum et charadrium singula in genere suo upupam quoque et vespertilionem

vul@Deuteronomy:14:19 @ et omne quod reptat et pinnulas habet inmundum erit nec comedetur

vul@Deuteronomy:14:20 @ omne quod mundum est comedite

vul@Deuteronomy:14:21 @ quicquid morticinum est ne vescamini ex eo peregrino qui intra portas tuas est da ut comedat aut vende ei quia tu populus sanctus Domini Dei tui es non coques hedum in lacte matris suae

vul@Deuteronomy:14:24 @ cum autem longior fuerit via et locus quem elegerit Dominus Deus tuus tibique benedixerit nec potueris ad eum haec cuncta portare

vul@Deuteronomy:14:26 @ et emes ex eadem pecunia quicquid tibi placuerit sive ex armentis sive ex ovibus vinum quoque et siceram et omne quod desiderat anima tua et comedes coram Domino Deo tuo et epulaberis tu et domus tua

vul@Deuteronomy:14:27 @ et Levita qui intra portas tuas est cave ne derelinquas eum quia non habet aliam partem in possessione tua

vul@Deuteronomy:14:28 @ anno tertio separabis aliam decimam ex omnibus quae nascuntur tibi eo tempore et repones intra ianuas tuas

vul@Deuteronomy:14:29 @ venietque Levites qui aliam non habet partem nec possessionem tecum et peregrinus et pupillus ac vidua qui intra portas tuas sunt et comedent et saturabuntur ut benedicat tibi Dominus Deus tuus in cunctis operibus manuum tuarum quae feceris

vul@Deuteronomy:15:1 @ septimo anno facies remissionem

vul@Deuteronomy:15:2 @ quae hoc ordine celebrabitur cui debetur aliquid ab amico vel proximo ac fratre suo repetere non poterit quia annus remissionis est Domini

vul@Deuteronomy:15:4 @ et omnino indigens et mendicus non erit inter vos ut benedicat tibi Dominus in terra quam traditurus est tibi in possessionem

vul@Deuteronomy:15:5 @ si tamen audieris vocem Domini Dei tui et custodieris universa quae iussit et quae ego hodie praecipio tibi benedicet tibi ut pollicitus est

vul@Deuteronomy:15:6 @ fenerabis gentibus multis et ipse a nullo accipies mutuum dominaberis nationibus plurimis et tui nemo dominabitur

vul@Deuteronomy:15:7 @ si unus de fratribus tuis qui morantur intra portas civitatis tuae in terra quam Dominus Deus tuus daturus est tibi ad paupertatem venerit non obdurabis cor tuum nec contrahes manum

vul@Deuteronomy:15:9 @ cave ne forte subripiat tibi impia cogitatio et dicas in corde tuo adpropinquat septimus annus remissionis et avertas oculos a paupere fratre tuo nolens ei quod postulat mutuum commodare ne clamet contra te ad Dominum et fiat tibi in peccatum

vul@Deuteronomy:15:10 @ sed dabis ei nec ages quippiam callide in eius necessitatibus sublevandis ut benedicat tibi Dominus Deus tuus in omni tempore et in cunctis ad quae manum miseris

vul@Deuteronomy:15:13 @ et quem libertate donaveris nequaquam vacuum abire patieris

vul@Deuteronomy:15:14 @ sed dabis viaticum de gregibus et de area et torculari tuo quibus Dominus Deus tuus benedixerit tibi

vul@Deuteronomy:15:16 @ sin autem dixerit nolo egredi eo quod diligat te et domum tuam et bene sibi apud te esse sentiat

vul@Deuteronomy:15:18 @ non avertes ab eis oculos tuos quando dimiseris eos liberos quoniam iuxta mercedem mercennarii per sex annos servivit tibi ut benedicat tibi Dominus Deus tuus in cunctis operibus quae agis

vul@Deuteronomy:15:23 @ hoc solum observabis ut sanguinem eorum non comedas sed effundas in terram quasi aquam

vul@Deuteronomy:16:3 @ non comedes in eo panem fermentatum septem diebus comedes absque fermento adflictionis panem quoniam in pavore egressus es de Aegypto ut memineris diei egressionis tuae de Aegypto omnibus diebus vitae tuae

vul@Deuteronomy:16:4 @ non apparebit fermentum in omnibus terminis tuis septem diebus et non manebit de carnibus eius quod immolatum est vesperi in die primo mane

vul@Deuteronomy:16:7 @ et coques et comedes in loco quem elegerit Dominus Deus tuus maneque consurgens vades in tabernacula tua

vul@Deuteronomy:16:10 @ et celebrabis diem festum ebdomadarum Domino Deo tuo oblationem spontaneam manus tuae quam offeres iuxta benedictionem Domini Dei tui

vul@Deuteronomy:16:15 @ septem diebus Domino Deo tuo festa celebrabis in loco quem elegerit Dominus benedicetque tibi Dominus Deus tuus in cunctis frugibus tuis et in omni opere manuum tuarum erisque in laetitia

vul@Deuteronomy:16:16 @ tribus vicibus per annum apparebit omne masculinum tuum in conspectu Domini Dei tui in loco quem elegerit in sollemnitate azymorum et in sollemnitate ebdomadarum et in sollemnitate tabernaculorum non apparebit ante Dominum vacuus

vul@Deuteronomy:16:17 @ sed offeret unusquisque secundum quod habuerit iuxta benedictionem Domini Dei sui quam dederit ei

vul@Deuteronomy:16:19 @ nec in alteram partem declinent non accipies personam nec munera quia munera excaecant oculos sapientium et mutant verba iustorum

vul@Deuteronomy:16:21 @ non plantabis lucum et omnem arborem iuxta altare Domini Dei tui

vul@Deuteronomy:16:22 @ nec facies tibi atque constitues statuam quae odit Dominus Deus tuus

vul@Deuteronomy:17:3 @ ut vadant et serviant diis alienis et adorent eos solem et lunam et omnem militiam caeli quae non praecepi

vul@Deuteronomy:17:6 @ in ore duorum aut trium testium peribit qui interficietur nemo occidatur uno contra se dicente testimonium

vul@Deuteronomy:17:8 @ si difficile et ambiguum apud te iudicium esse perspexeris inter sanguinem et sanguinem causam et causam lepram et non lepram et iudicum intra portas tuas videris verba variari surge et ascende ad locum quem elegerit Dominus Deus tuus

vul@Deuteronomy:17:9 @ veniesque ad sacerdotes levitici generis et ad iudicem qui fuerit illo tempore quaeresque ab eis qui indicabunt tibi iudicii veritatem

vul@Deuteronomy:17:11 @ iuxta legem eius sequeris sententiam eorum nec declinabis ad dextram vel ad sinistram

vul@Deuteronomy:17:14 @ cum ingressus fueris terram quam Dominus Deus tuus dabit tibi et possederis eam habitaverisque in illa et dixeris constituam super me regem sicut habent omnes per circuitum nationes

vul@Deuteronomy:17:15 @ eum constitues quem Dominus Deus tuus elegerit de numero fratrum tuorum non poteris alterius gentis hominem regem facere qui non sit frater tuus

vul@Deuteronomy:17:16 @ cumque fuerit constitutus non multiplicabit sibi equos nec reducet populum in Aegyptum equitatus numero sublevatus praesertim cum Dominus praeceperit vobis ut nequaquam amplius per eandem viam revertamini

vul@Deuteronomy:17:17 @ non habebit uxores plurimas quae inliciant animum eius neque argenti et auri inmensa pondera

vul@Deuteronomy:17:18 @ postquam autem sederit in solio regni sui describet sibi deuteronomium legis huius in volumine accipiens exemplar a sacerdotibus leviticae tribus

vul@Deuteronomy:17:20 @ nec elevetur cor eius in superbiam super fratres suos neque declinet in partem dextram vel sinistram ut longo tempore regnet ipse et filii eius super Israhel

vul@Deuteronomy:18:1 @ non habebunt sacerdotes et Levitae et omnes qui de eadem tribu sunt partem et hereditatem cum reliquo Israhel quia sacrificia Domini et oblationes eius comedent

vul@Deuteronomy:18:2 @ et nihil aliud accipient de possessione fratrum suorum Dominus enim ipse est hereditas eorum sicut locutus est illis

vul@Deuteronomy:18:4 @ primitias frumenti vini et olei et lanarum partem ex ovium tonsione

vul@Deuteronomy:18:7 @ ministrabit in nomine Dei sui sicut omnes fratres eius Levitae qui stabunt eo tempore coram Domino

vul@Deuteronomy:18:8 @ partem ciborum eandem accipiet quam et ceteri excepto eo quod in urbe sua ex paterna ei successione debetur

vul@Deuteronomy:18:9 @ quando ingressus fueris terram quam Dominus Deus tuus dabit tibi cave ne imitari velis abominationes illarum gentium

vul@Deuteronomy:18:10 @ nec inveniatur in te qui lustret filium suum aut filiam ducens per ignem aut qui ariolos sciscitetur et observet somnia atque auguria ne sit maleficus

vul@Deuteronomy:18:11 @ ne incantator ne pythones consulat ne divinos et quaerat a mortuis veritatem

vul@Deuteronomy:18:16 @ ut petisti a Domino Deo tuo in Horeb quando contio congregata est atque dixisti ultra non audiam vocem Domini Dei mei et ignem hunc maximum amplius non videbo ne moriar

vul@Deuteronomy:18:17 @ et ait Dominus mihi bene omnia sunt locuti

vul@Deuteronomy:18:19 @ qui autem verba eius quae loquetur in nomine meo audire noluerit ego ultor existam

vul@Deuteronomy:18:20 @ propheta autem qui arrogantia depravatus voluerit loqui in nomine meo quae ego non praecepi illi ut diceret aut ex nomine alienorum deorum interficietur

vul@Deuteronomy:18:21 @ quod si tacita cogitatione responderis quomodo possum intellegere verbum quod non est locutus Dominus

vul@Deuteronomy:18:22 @ hoc habebis signum quod in nomine Domini propheta ille praedixerit et non evenerit hoc Dominus non locutus est sed per tumorem animi sui propheta confinxit et idcirco non timebis eum

vul@Deuteronomy:19:2 @ tres civitates separabis tibi in medio terrae quam Dominus Deus tuus dabit tibi in possessionem

vul@Deuteronomy:19:3 @ sternens diligenter viam et in tres aequaliter partes totam terrae tuae provinciam divides ut habeat e vicino qui propter homicidium profugus est quo possit evadere

vul@Deuteronomy:19:4 @ haec erit lex homicidae fugientis cuius vita servanda est qui percusserit proximum suum nesciens et qui heri et nudius tertius nullum contra eum habuisse odium conprobatur

vul@Deuteronomy:19:5 @ sed abisse simpliciter cum eo in silvam ad ligna caedenda et in succisione lignorum securis fugerit manu ferrumque lapsum de manubrio amicum eius percusserit et occiderit hic ad unam supradictarum urbium confugiet et vivet

vul@Deuteronomy:19:6 @ ne forsitan proximus eius cuius effusus est sanguis dolore stimulatus persequatur et adprehendat eum si longior via fuerit et percutiat animam eius qui non est reus mortis quia nullum contra eum qui occisus est odium prius habuisse monstratur

vul@Deuteronomy:19:10 @ ut non effundatur sanguis innoxius in medio terrae quam Dominus Deus tuus dabit tibi possidendam nec sis sanguinis reus

vul@Deuteronomy:19:13 @ nec misereberis eius et auferes innoxium sanguinem de Israhel ut bene sit tibi

vul@Deuteronomy:19:14 @ non adsumes et transferes terminos proximi tui quos fixerunt priores in possessione tua quam Dominus Deus tuus dabit tibi in terra quam acceperis possidendam

vul@Deuteronomy:19:15 @ non stabit testis unus contra aliquem quicquid illud peccati et facinoris fuerit sed in ore duorum aut trium testium stabit omne verbum

vul@Deuteronomy:19:16 @ si steterit testis mendax contra hominem accusans eum praevaricationis

vul@Deuteronomy:19:18 @ cumque diligentissime perscrutantes invenerint falsum testem dixisse contra fratrem suum mendacium

vul@Deuteronomy:19:20 @ ut audientes ceteri timorem habeant et nequaquam talia audeant facere

vul@Deuteronomy:20:1 @ si exieris ad bellum contra hostes tuos et videris equitatum et currus et maiorem quam tu habes adversarii exercitus multitudinem non timebis eos quia Dominus Deus tuus tecum est qui eduxit te de terra Aegypti

vul@Deuteronomy:20:3 @ audi Israhel vos hodie contra inimicos vestros pugnam committitis non pertimescat cor vestrum nolite metuere nolite cedere nec formidetis eos

vul@Deuteronomy:20:5 @ duces quoque per singulas turmas audiente exercitu proclamabunt quis est homo qui aedificavit domum novam et non dedicavit eam vadat et revertatur in domum suam ne forte moriatur in bello et alius dedicet illam

vul@Deuteronomy:20:6 @ quis est homo qui plantavit vineam et necdum eam fecit esse communem et de qua vesci omnibus liceat vadat et revertatur in domum suam ne forte moriatur in bello et alius homo eius fungatur officio

vul@Deuteronomy:20:7 @ quis est homo qui despondit uxorem et non accepit eam vadat et revertatur in domum suam ne forte moriatur in bello et alius homo accipiat eam

vul@Deuteronomy:20:8 @ his dictis addent reliqua et loquentur ad populum quis est homo formidolosus et corde pavido vadat et revertatur in domum suam ne pavere faciat corda fratrum suorum sicut ipse timore perterritus est

vul@Deuteronomy:20:9 @ cumque siluerint exercitus duces et finem loquendi fecerint unusquisque suos ad bellandum cuneos praeparabit

vul@Deuteronomy:20:13 @ cumque tradiderit Dominus Deus tuus illam in manu tua percuties omne quod in ea generis masculini est in ore gladii

vul@Deuteronomy:20:14 @ absque mulieribus et infantibus iumentis et ceteris quae in civitate sunt omnem praedam exercitui divides et comedes de spoliis hostium tuorum quae Dominus Deus tuus dederit tibi

vul@Deuteronomy:20:15 @ sic facies cunctis civitatibus quae a te procul valde sunt et non sunt de his urbibus quas in possessionem accepturus es

vul@Deuteronomy:20:17 @ sed interficies in ore gladii Hettheum videlicet et Amorreum et Chananeum Ferezeum et Eveum et Iebuseum sicut praecepit tibi Dominus Deus tuus

vul@Deuteronomy:20:18 @ ne forte doceant vos facere cunctas abominationes quas ipsi operati sunt diis suis et peccetis in Dominum Deum vestrum

vul@Deuteronomy:20:19 @ quando obsederis civitatem multo tempore et munitionibus circumdederis ut expugnes eam non succides arbores de quibus vesci potest nec securibus per circuitum debes vastare regionem quoniam lignum est et non homo nec potest bellantium contra te augere numerum

vul@Deuteronomy:20:20 @ si qua autem ligna non sunt pomifera sed agrestia et in ceteros apta usus succide et extrue machinas donec capias civitatem quae contra te dimicat

vul@Deuteronomy:21:3 @ et quam viciniorem ceteris esse perspexerint seniores civitatis eius tollent vitulam de armento quae non traxit iugum nec terram scidit vomere

vul@Deuteronomy:21:4 @ et ducent eam ad vallem asperam atque saxosam quae numquam arata est nec sementem recepit et caedent in ea cervices vitulae

vul@Deuteronomy:21:5 @ accedentque sacerdotes filii Levi quos elegerit Dominus Deus tuus ut ministrent ei et benedicant in nomine eius et ad verbum eorum omne negotium et quicquid mundum vel inmundum est iudicetur

vul@Deuteronomy:21:7 @ et dicent manus nostrae non effuderunt hunc sanguinem nec oculi viderunt

vul@Deuteronomy:21:8 @ propitius esto populo tuo Israhel quem redemisti Domine et non reputes sanguinem innocentem in medio populi tui Israhel et auferetur ab eis reatus sanguinis

vul@Deuteronomy:21:13 @ et deponet vestem in qua capta est sedensque in domo tua flebit patrem et matrem suam uno mense et postea intrabis ad eam dormiesque cum illa et erit uxor tua

vul@Deuteronomy:21:14 @ sin autem postea non sederit animo tuo dimittes eam liberam nec vendere poteris pecunia nec opprimere per potentiam quia humiliasti eam

vul@Deuteronomy:21:23 @ non permanebit cadaver eius in ligno sed in eadem die sepelietur quia maledictus a Deo est qui pendet in ligno et nequaquam contaminabis terram tuam quam Dominus Deus tuus dederit tibi in possessionem

vul@Deuteronomy:22:2 @ etiam si non est propinquus tuus frater nec nosti eum duces in domum tuam et erunt apud te quamdiu quaerat ea frater tuus et recipiat

vul@Deuteronomy:22:3 @ similiter facies de asino et de vestimento et de omni re fratris tui quae perierit si inveneris eam ne neglegas quasi alienam

vul@Deuteronomy:22:5 @ non induetur mulier veste virili nec vir utetur veste feminea abominabilis enim apud Deum est qui facit haec

vul@Deuteronomy:22:6 @ si ambulans per viam in arbore vel in terra nidum avis inveneris et matrem pullis vel ovis desuper incubantem non tenebis eam cum filiis

vul@Deuteronomy:22:7 @ sed abire patieris captos tenens filios ut bene sit tibi et longo vivas tempore

vul@Deuteronomy:22:8 @ cum aedificaveris domum novam facies murum tecti per circuitum ne effundatur sanguis in domo tua et sis reus labente alio et in praeceps ruente

vul@Deuteronomy:22:9 @ non seres vineam tuam altero semine ne et sementis quam sevisti et quae nascuntur ex vinea pariter sanctificentur

vul@Deuteronomy:22:14 @ quaesieritque occasiones quibus dimittat eam obiciens ei nomen pessimum et dixerit uxorem hanc accepi et ingressus ad eam non inveni virginem

vul@Deuteronomy:22:17 @ inponet ei nomen pessimum ut dicat non inveni filiam tuam virginem et ecce haec sunt signa virginitatis filiae meae expandent vestimentum coram senibus civitatis

vul@Deuteronomy:22:18 @ adprehendentque senes urbis illius virum et verberabunt illum

vul@Deuteronomy:22:19 @ condemnantes insuper centum siclis argenti quos dabit patri puellae quoniam diffamavit nomen pessimum super virginem Israhel habebitque eam uxorem et non poterit dimittere omni tempore vitae suae

vul@Deuteronomy:22:21 @ eicient eam extra fores domus patris sui et lapidibus obruent viri civitatis eius et morietur quoniam fecit nefas in Israhel ut fornicaretur in domo patris sui et auferes malum de medio tui

vul@Deuteronomy:22:23 @ si puellam virginem desponderit vir et invenerit eam aliquis in civitate et concubuerit cum illa

vul@Deuteronomy:22:26 @ puella nihil patietur nec est rea mortis quoniam sicut latro consurgit contra fratrem suum et occidit animam eius ita et puella perpessa est

vul@Deuteronomy:22:28 @ si invenerit vir puellam virginem quae non habet sponsum et adprehendens concubuerit cum ea et res ad iudicium venerit

vul@Deuteronomy:22:30 @ non accipiet homo uxorem patris sui nec revelabit operimentum eius

vul@Deuteronomy:23:2 @ non ingredietur mamzer hoc est de scorto natus in ecclesiam Domini usque ad decimam generationem

vul@Deuteronomy:23:3 @ Ammanites et Moabites etiam post decimam generationem non intrabunt ecclesiam Domini in aeternum

vul@Deuteronomy:23:4 @ quia noluerunt vobis occurrere cum pane et aqua in via quando egressi estis de Aegypto et quia conduxerunt contra te Balaam filium Beor de Mesopotamiam Syriae ut malediceret tibi

vul@Deuteronomy:23:5 @ et noluit Dominus Deus tuus audire Balaam vertitque maledictionem eius in benedictionem tuam eo quod diligeret te

vul@Deuteronomy:23:6 @ non facies cum eis pacem nec quaeres eis bona cunctis diebus vitae tuae in sempiternum

vul@Deuteronomy:23:7 @ non abominaberis Idumeum quia frater tuus est nec Aegyptium quia advena fuisti in terra eius

vul@Deuteronomy:23:8 @ qui nati fuerint ex eis tertia generatione intrabunt ecclesiam Domini

vul@Deuteronomy:23:14 @ quo relevatus es Dominus enim Deus tuus ambulat in medio castrorum ut eruat te et tradat tibi inimicos tuos ut sint castra tua sancta et nihil in eis appareat foeditatis nec derelinquat te

vul@Deuteronomy:23:16 @ habitabit tecum in loco qui ei placuerit et in una urbium tuarum requiescet nec contristes eum

vul@Deuteronomy:23:17 @ non erit meretrix de filiabus Israhel neque scortator de filiis Israhel

vul@Deuteronomy:23:18 @ non offeres mercedem prostibuli nec pretium canis in domum Domini Dei tui quicquid illud est quod voverint quia abominatio est utrumque apud Dominum Deum tuum

vul@Deuteronomy:23:19 @ non fenerabis fratri tuo ad usuram pecuniam nec fruges nec quamlibet aliam rem

vul@Deuteronomy:23:20 @ sed alieno fratri autem tuo absque usura id quod indiget commodabis ut benedicat tibi Dominus Deus tuus in omni opere tuo in terra ad quam ingredieris possidendam

vul@Deuteronomy:23:24 @ ingressus vineam proximi tui comede uvas quantum tibi placuerit foras autem ne efferas tecum

vul@Deuteronomy:24:1 @ si acceperit homo uxorem et habuerit eam et non invenerit gratiam ante oculos eius propter aliquam foeditatem scribet libellum repudii et dabit in manu illius et dimittet eam de domo sua

vul@Deuteronomy:24:4 @ non poterit prior maritus recipere eam in uxorem quia polluta est et abominabilis facta est coram Domino ne peccare facias terram tuam quam Dominus Deus tuus tibi tradiderit possidendam

vul@Deuteronomy:24:5 @ cum acceperit homo nuper uxorem non procedet ad bellum nec ei quippiam necessitatis iniungetur publicae sed vacabit absque culpa domui suae ut uno anno laetetur cum uxore sua

vul@Deuteronomy:24:8 @ observa diligenter ne incurras in plagam leprae sed facies quaecumque docuerint te sacerdotes levitici generis iuxta id quod praecepi eis et imple sollicite

vul@Deuteronomy:24:13 @ sed statim reddes ei ante solis occasum ut dormiens in vestimento suo benedicat tibi et habeas iustitiam coram Domino Deo tuo

vul@Deuteronomy:24:14 @ non negabis mercedem indigentis et pauperis fratris tui sive advenae qui tecum moratur in terra et intra portas tuas est

vul@Deuteronomy:24:15 @ sed eadem die reddes ei pretium laboris sui ante solis occasum quia pauper est et ex eo sustentat animam suam ne clamet contra te ad Dominum et reputetur tibi in peccatum

vul@Deuteronomy:24:16 @ non occidentur patres pro filiis nec filii pro patribus sed unusquisque pro suo peccato morietur

vul@Deuteronomy:24:17 @ non pervertes iudicium advenae et pupilli nec auferes pignoris loco viduae vestimentum

vul@Deuteronomy:24:19 @ quando messueris segetem in agro tuo et oblitus manipulum reliqueris non reverteris ut tollas eum sed advenam et pupillum et viduam auferre patieris ut benedicat tibi Dominus Deus tuus in omni opere manuum tuarum

vul@Deuteronomy:24:21 @ si vindemiaveris vineam tuam non colliges remanentes racemos sed cedent in usus advenae pupilli ac viduae

vul@Deuteronomy:25:2 @ sin autem eum qui peccavit dignum viderint plagis prosternent et coram se facient verberari pro mensura peccati erit et plagarum modus

vul@Deuteronomy:25:3 @ ita dumtaxat ut quadragenarium numerum non excedant ne foede laceratus ante oculos tuos abeat frater tuus

vul@Deuteronomy:25:6 @ et primogenitum ex ea filium nomine illius appellabit ut non deleatur nomen eius ex Israhel

vul@Deuteronomy:25:7 @ sin autem noluerit accipere uxorem fratris sui quae ei lege debetur perget mulier ad portam civitatis et interpellabit maiores natu dicetque non vult frater viri mei suscitare nomen fratris sui in Israhel nec me in coniugium sumere

vul@Deuteronomy:25:12 @ abscides manum illius nec flecteris super eam ulla misericordia

vul@Deuteronomy:25:14 @ nec erit in domo tua modius maior et minor

vul@Deuteronomy:25:16 @ abominatur enim Dominus eum qui facit haec et aversatur omnem iniustitiam

vul@Deuteronomy:25:19 @ cum ergo Dominus Deus tuus dederit tibi requiem et subiecerit cunctas per circuitum nationes in terra quam tibi pollicitus est delebis nomen eius sub caelo cave ne obliviscaris

vul@Deuteronomy:26:2 @ tolles de cunctis frugibus primitias et pones in cartallo pergesque ad locum quem Dominus Deus tuus elegerit ut ibi invocetur nomen eius

vul@Deuteronomy:26:4 @ suscipiensque sacerdos cartallum de manu eius ponet ante altare Domini Dei tui

vul@Deuteronomy:26:6 @ adflixeruntque nos Aegyptii et persecuti sunt inponentes onera gravissima

vul@Deuteronomy:26:13 @ loquerisque in conspectu Domini Dei tui abstuli quod sanctificatum est de domo mea et dedi illud Levitae et advenae pupillo et viduae sicut iussisti mihi non praeterivi mandata tua nec sum oblitus imperii

vul@Deuteronomy:26:14 @ non comedi ex eis in luctu meo nec separavi ea in qualibet inmunditia nec expendi ex his quicquam in re funebri oboedivi voci Domini Dei mei et feci omnia sicut praecepisti mihi

vul@Deuteronomy:26:15 @ respice de sanctuario tuo de excelso caelorum habitaculo et benedic populo tuo Israhel et terrae quam dedisti nobis sicut iurasti patribus nostris terrae lacte et melle mananti

vul@Deuteronomy:27:1 @ praecepit autem Moses et seniores Israhel populo dicentes custodite omne mandatum quod praecipio vobis hodie

vul@Deuteronomy:27:2 @ cumque transieritis Iordanem in terram quam Dominus Deus tuus dabit tibi eriges ingentes lapides et calce levigabis eos

vul@Deuteronomy:27:3 @ ut possis in eis scribere omnia verba legis huius Iordane transmisso ut introeas terram quam Dominus Deus tuus dabit tibi terram lacte et melle manantem sicut iuravit patribus tuis

vul@Deuteronomy:27:4 @ quando ergo transieritis Iordanem erige lapides quos ego hodie praecipio vobis in monte Hebal et levigabis calce

vul@Deuteronomy:27:8 @ et scribes super lapides omnia verba legis huius plane et lucide

vul@Deuteronomy:27:9 @ dixeruntque Moses et sacerdotes levitici generis ad omnem Israhelem adtende et audi Israhel hodie factus es populus Domini Dei tui

vul@Deuteronomy:27:12 @ hii stabunt ad benedicendum Domino super montem Garizim Iordane transmisso Symeon Levi Iudas Isachar Ioseph et Beniamin

vul@Deuteronomy:27:13 @ et e regione isti stabunt ad maledicendum in monte Hebal Ruben Gad et Aser Zabulon Dan et Nepthalim

vul@Deuteronomy:27:14 @ et pronuntiabunt Levitae dicentque ad omnes viros Israhel excelsa voce

vul@Deuteronomy:27:15 @ maledictus homo qui facit sculptile et conflatile abominationem Domini opus manuum artificum ponetque illud in abscondito et respondebit omnis populus et dicet amen

vul@Deuteronomy:27:18 @ maledictus qui errare facit caecum in itinere et dicet omnis populus amen

vul@Deuteronomy:27:25 @ maledictus qui accipit munera ut percutiat animam sanguinis innocentis et dicet omnis populus amen

vul@Deuteronomy:27:26 @ maledictus qui non permanet in sermonibus legis huius nec eos opere perficit et dicet omnis populus amen

vul@Deuteronomy:28:2 @ venientque super te universae benedictiones istae et adprehendent te si tamen praecepta eius audieris

vul@Deuteronomy:28:3 @ benedictus tu in civitate et benedictus in agro

vul@Deuteronomy:28:4 @ benedictus fructus ventris tui et fructus terrae tuae fructusque iumentorum tuorum greges armentorum et caulae ovium tuarum

vul@Deuteronomy:28:5 @ benedicta horrea tua et benedictae reliquiae tuae

vul@Deuteronomy:28:6 @ benedictus eris et ingrediens et egrediens

vul@Deuteronomy:28:8 @ emittet Dominus benedictionem super cellaria tua et super omnia opera manuum tuarum benedicetque tibi in terra quam acceperis

vul@Deuteronomy:28:10 @ videbuntque omnes terrarum populi quod nomen Domini invocatum sit super te et timebunt te

vul@Deuteronomy:28:12 @ aperiet Dominus thesaurum suum optimum caelum ut tribuat pluviam terrae tuae in tempore suo benedicet cunctis operibus manuum tuarum et fenerabis gentibus multis et ipse a nullo fenus accipies

vul@Deuteronomy:28:14 @ ac non declinaveris ab eis nec ad dextram nec ad sinistram nec secutus fueris deos alienos neque colueris eos

vul@Deuteronomy:28:15 @ quod si audire nolueris vocem Domini Dei tui ut custodias et facias omnia mandata eius et caerimonias quas ego praecipio tibi hodie venient super te omnes maledictiones istae et adprehendent te

vul@Deuteronomy:28:20 @ mittet Dominus super te famem et esuriem et increpationem in omnia opera tua quae facies donec conterat te et perdat velociter propter adinventiones tuas pessimas in quibus reliquisti me

vul@Deuteronomy:28:21 @ adiungat Dominus tibi pestilentiam donec consumat te de terra ad quam ingredieris possidendam

vul@Deuteronomy:28:22 @ percutiat te Dominus egestate febri et frigore ardore et aestu et aere corrupto ac robigine et persequatur donec pereas

vul@Deuteronomy:28:23 @ sit caelum quod supra te est aeneum et terra quam calcas ferrea

vul@Deuteronomy:28:24 @ det Dominus imbrem terrae tuae pulverem et de caelo descendat super te cinis donec conteraris

vul@Deuteronomy:28:27 @ percutiat te Dominus ulcere Aegypti et parte corporis per quam stercora digeruntur scabie quoque et prurigine ita ut curari nequeas

vul@Deuteronomy:28:29 @ et palpes in meridie sicut palpare solet caecus in tenebris et non dirigas vias tuas omnique tempore calumniam sustineas et opprimaris violentia nec habeas qui liberet te

vul@Deuteronomy:28:30 @ uxorem accipias et alius dormiat cum ea domum aedifices et non habites in ea plantes vineam et non vindemies eam

vul@Deuteronomy:28:33 @ fructus terrae tuae et omnes labores tuos comedat populus quem ignoras et sis semper calumniam sustinens et oppressus cunctis diebus

vul@Deuteronomy:28:39 @ vineam plantabis et fodies et vinum non bibes nec colliges ex ea quippiam quoniam vastabitur vermibus

vul@Deuteronomy:28:41 @ filios generabis et filias et non frueris eis quoniam ducentur in captivitatem

vul@Deuteronomy:28:42 @ omnes arbores tuas et fruges terrae tuae robigo consumet

vul@Deuteronomy:28:44 @ ipse fenerabit tibi et tu non fenerabis ei ipse erit in caput et tu eris in caudam

vul@Deuteronomy:28:45 @ et venient super te omnes maledictiones istae et persequentes adprehendent te donec intereas quia non audisti vocem Domini Dei tui nec servasti mandata eius et caerimonias quas praecepit tibi

vul@Deuteronomy:28:46 @ et erunt in te signa atque prodigia et in semine tuo usque in sempiternum

vul@Deuteronomy:28:48 @ servies inimico tuo quem inmittet Dominus tibi in fame et siti et nuditate et omnium penuria et ponet iugum ferreum super cervicem tuam donec te conterat

vul@Deuteronomy:28:49 @ adducet Dominus super te gentem de longinquo et de extremis finibus terrae in similitudinem aquilae volantis cum impetu cuius linguam intellegere non possis

vul@Deuteronomy:28:50 @ gentem procacissimam quae non deferat seni nec misereatur parvulo

vul@Deuteronomy:28:51 @ et devoret fructum iumentorum tuorum ac fruges terrae tuae donec intereas et non relinquat tibi triticum vinum et oleum armenta boum et greges ovium donec te disperdat

vul@Deuteronomy:28:53 @ et comedes fructum uteri tui et carnes filiorum et filiarum tuarum quas dedit tibi Dominus Deus tuus in angustia et vastitate qua opprimet te hostis tuus

vul@Deuteronomy:28:55 @ ne det eis de carnibus filiorum suorum quas comedet eo quod nihil habeat aliud in obsidione et penuria qua vastaverint te inimici tui intra omnes portas tuas

vul@Deuteronomy:28:56 @ tenera mulier et delicata quae super terram ingredi non valebat nec pedis vestigium figere propter mollitiem et teneritudinem nimiam invidebit viro suo qui cubat in sinu eius super filii et filiae carnibus

vul@Deuteronomy:28:57 @ et inluvie secundarum quae egrediuntur de medio feminum eius et super liberis qui eadem hora nati sunt comedent enim eos clam propter rerum omnium penuriam in obsidione et vastitate qua opprimet te inimicus tuus intra portas tuas

vul@Deuteronomy:28:58 @ nisi custodieris et feceris omnia verba legis huius quae scripta sunt in hoc volumine et timueris nomen eius gloriosum et terribile hoc est Dominum Deum tuum

vul@Deuteronomy:28:60 @ et convertet in te omnes adflictiones Aegypti quas timuisti et adherebunt tibi

vul@Deuteronomy:28:61 @ insuper et universos languores et plagas quae non sunt scriptae in volumine legis huius inducet Dominus super te donec te conterat

vul@Deuteronomy:28:62 @ et remanebitis pauci numero qui prius eratis sicut astra caeli prae multitudine quoniam non audisti vocem Domini Dei tui

vul@Deuteronomy:28:63 @ et sicut ante laetatus est Dominus super vos bene vobis faciens vosque multiplicans sic laetabitur disperdens vos atque subvertens ut auferamini de terra ad quam ingredieris possidendam

vul@Deuteronomy:28:64 @ disperget te Dominus in omnes populos a summitate terrae usque ad terminos eius et servies ibi diis alienis quos et tu ignoras et patres tui lignis et lapidibus

vul@Deuteronomy:28:65 @ in gentibus quoque illis non quiesces neque erit requies vestigio pedis tui dabit enim tibi Dominus ibi cor pavidum et deficientes oculos et animam maerore consumptam

vul@Deuteronomy:28:67 @ mane dices quis mihi det vesperum et vespere quis mihi det mane propter cordis tui formidinem qua terreberis et propter ea quae tuis videbis oculis

vul@Deuteronomy:29:2 @ vocavitque Moses omnem Israhelem et dixit ad eos vos vidistis universa quae fecit Dominus coram vobis in terra Aegypti Pharaoni et omnibus servis eius universaeque terrae illius

vul@Deuteronomy:29:3 @ temptationes magnas quas viderunt oculi tui signa illa portentaque ingentia

vul@Deuteronomy:29:5 @ adduxi vos quadraginta annis per desertum non sunt adtrita vestimenta vestra nec calciamenta pedum tuorum vetustate consumpta sunt

vul@Deuteronomy:29:6 @ panem non comedistis vinum et siceram non bibistis ut sciretis quia ego sum Dominus Deus vester

vul@Deuteronomy:29:14 @ nec vobis solis ego hoc foedus ferio et haec iuramenta confirmo

vul@Deuteronomy:29:17 @ vidistis abominationes et sordes id est idola eorum lignum et lapidem argentum et aurum quae colebant

vul@Deuteronomy:29:18 @ ne forte sit inter vos vir aut mulier familia aut tribus cuius cor aversum est hodie a Domino Deo vestro ut vadat et serviat diis illarum gentium et sit inter vos radix germinans fel et amaritudinem

vul@Deuteronomy:29:19 @ cumque audierit verba iuramenti huius benedicat sibi in corde suo dicens pax erit mihi et ambulabo in pravitate cordis mei et adsumat ebria sitientem

vul@Deuteronomy:29:20 @ et Dominus non ignoscat ei sed tunc quam maxime furor eius fumet et zelus contra hominem illum et sedeant super eo omnia maledicta quae scripta sunt in hoc volumine et deleat nomen eius sub caelo

vul@Deuteronomy:29:21 @ et consumat eum in perditionem ex omnibus tribubus Israhel iuxta maledictiones quae in libro legis huius ac foederis continentur

vul@Deuteronomy:29:22 @ dicetque sequens generatio et filii qui nascentur deinceps et peregrini qui de longe venerint videntes plagas terrae illius et infirmitates quibus eam adflixerit Dominus

vul@Deuteronomy:29:23 @ sulphure et salis ardore conburens ita ut ultra non seratur nec virens quippiam germinet in exemplum subversionis Sodomae et Gomorrae Adamae et Seboim quas subvertit Dominus in ira et furore suo

vul@Deuteronomy:29:24 @ et dicent omnes gentes quare sic fecit Dominus terrae huic quae est haec ira furoris eius inmensa

vul@Deuteronomy:29:26 @ et servierunt diis alienis et adoraverunt eos quos nesciebant et quibus non fuerant adtributi

vul@Deuteronomy:29:27 @ idcirco iratus est furor Domini contra terram istam ut induceret super eam omnia maledicta quae in hoc volumine scripta sunt

vul@Deuteronomy:29:28 @ et eiecit eos de terra sua in ira et furore et indignatione maxima proiecitque in terram alienam sicut hodie conprobatur

vul@Deuteronomy:30:1 @ cum ergo venerint super te omnes sermones isti benedictio sive maledictio quam proposui in conspectu tuo et ductus paenitudine cordis tui in universis gentibus in quas disperserit te Dominus Deus tuus

vul@Deuteronomy:30:4 @ si ad cardines caeli fueris dissipatus inde te retrahet Dominus Deus tuus

vul@Deuteronomy:30:5 @ et adsumet atque introducet in terram quam possederunt patres tui et obtinebis eam et benedicens tibi maioris numeri esse te faciet quam fuerunt patres tui

vul@Deuteronomy:30:7 @ omnes autem maledictiones has convertet super inimicos tuos et eos qui oderunt te et persequuntur

vul@Deuteronomy:30:11 @ mandatum hoc quod ego praecipio tibi hodie non supra te est neque procul positum

vul@Deuteronomy:30:12 @ nec in caelo situm ut possis dicere quis nostrum ad caelum valet conscendere ut deferat illud ad nos et audiamus atque opere conpleamus

vul@Deuteronomy:30:13 @ neque trans mare positum ut causeris et dicas quis e nobis transfretare poterit mare et illud ad nos usque deferre ut possimus audire et facere quod praeceptum est

vul@Deuteronomy:30:16 @ ut diligas Dominum Deum tuum et ambules in viis eius et custodias mandata illius et caerimonias atque iudicia et vivas ac multiplicet te benedicatque tibi in terra ad quam ingredieris possidendam

vul@Deuteronomy:30:18 @ praedico tibi hodie quod pereas et parvo tempore moreris in terra ad quam Iordane transmisso ingredieris possidendam

vul@Deuteronomy:30:19 @ testes invoco hodie caelum et terram quod proposuerim vobis vitam et mortem bonum et malum benedictionem et maledictionem elige ergo vitam ut et tu vivas et semen tuum

vul@Deuteronomy:31:2 @ et dixit ad eos centum viginti annorum sum hodie non possum ultra egredi et ingredi praesertim cum et Dominus dixerit mihi non transibis Iordanem istum

vul@Deuteronomy:31:3 @ Dominus ergo Deus tuus transibit ante te ipse delebit omnes gentes has in conspectu tuo et possidebis eas et Iosue iste transibit ante te sicut locutus est Dominus

vul@Deuteronomy:31:6 @ viriliter agite et confortamini nolite timere nec paveatis a conspectu eorum quia Dominus Deus tuus ipse est ductor tuus et non dimittet nec derelinquet te

vul@Deuteronomy:31:8 @ et Dominus qui ductor vester est ipse erit tecum non dimittet nec derelinquet te noli timere nec paveas

vul@Deuteronomy:31:12 @ et in unum omni populo congregato tam viris quam mulieribus parvulis et advenis qui sunt intra portas tuas ut audientes discant et timeant Dominum Deum vestrum et custodiant impleantque omnes sermones legis huius

vul@Deuteronomy:31:13 @ filii quoque eorum qui nunc ignorant audire possint et timeant Dominum Deum suum cunctis diebus quibus versantur in terra ad quam vos Iordane transito pergitis obtinendam

vul@Deuteronomy:31:17 @ et irascetur furor meus contra eum in die illo et derelinquam eum et abscondam faciem meam ab eo et erit in devorationem invenient eum omnia mala et adflictiones ita ut dicat in illo die vere quia non est Deus mecum invenerunt me haec mala

vul@Deuteronomy:31:19 @ nunc itaque scribite vobis canticum istud et docete filios Israhel ut memoriter teneant et ore decantent et sit mihi carmen istud pro testimonio inter filios Israhel

vul@Deuteronomy:31:21 @ postquam invenerint eum mala multa et adflictiones respondebit ei canticum istud pro testimonio quod nulla delebit oblivio ex ore seminis tui scio enim cogitationes eius quae facturus sit hodie antequam introducam eum in terram quam ei pollicitus sum

vul@Deuteronomy:31:24 @ postquam ergo scripsit Moses verba legis huius in volumine atque conplevit

vul@Deuteronomy:31:27 @ ego enim scio contentionem tuam et cervicem tuam durissimam adhuc vivente me et ingrediente vobiscum semper contentiose egistis contra Dominum quanto magis cum mortuus fuero

vul@Deuteronomy:31:28 @ congregate ad me omnes maiores natu per tribus vestras atque doctores et loquar audientibus eis sermones istos et invocabo contra eos caelum et terram

vul@Deuteronomy:31:30 @ locutus est ergo Moses audiente universo coetu Israhel verba carminis huius et ad finem usque conplevit

vul@Deuteronomy:32:4 @ Dei perfecta sunt opera et omnes viae eius iudicia Deus fidelis et absque ulla iniquitate iustus et rectus

vul@Deuteronomy:32:5 @ peccaverunt ei non filii eius in sordibus generatio prava atque perversa

vul@Deuteronomy:32:6 @ haecine reddis Domino popule stulte et insipiens numquid non ipse est pater tuus qui possedit et fecit et creavit te

vul@Deuteronomy:32:7 @ memento dierum antiquorum cogita generationes singulas interroga patrem tuum et adnuntiabit tibi maiores tuos et dicent tibi

vul@Deuteronomy:32:14 @ butyrum de armento et lac de ovibus cum adipe agnorum et arietum filiorum Basan et hircos cum medulla tritici et sanguinem uvae biberet meracissimum

vul@Deuteronomy:32:17 @ immolaverunt daemonibus et non Deo diis quos ignorabant novi recentesque venerunt quos non coluerunt patres eorum

vul@Deuteronomy:32:20 @ et ait abscondam faciem meam ab eis et considerabo novissima eorum generatio enim perversa est et infideles filii

vul@Deuteronomy:32:22 @ ignis succensus est in furore meo et ardebit usque ad inferni novissima devorabitque terram cum germine suo et montium fundamenta conburet

vul@Deuteronomy:32:25 @ foris vastabit eos gladius et intus pavor iuvenem simul ac virginem lactantem cum homine sene

vul@Deuteronomy:32:27 @ sed propter iram inimicorum distuli ne forte superbirent hostes eorum et dicerent manus nostra excelsa et non Dominus fecit haec omnia

vul@Deuteronomy:32:28 @ gens absque consilio est et sine prudentia

vul@Deuteronomy:32:30 @ quomodo persequatur unus mille et duo fugent decem milia nonne ideo quia Deus suus vendidit eos et Dominus conclusit illos

vul@Deuteronomy:32:32 @ de vinea Sodomorum vinea eorum et de suburbanis Gomorrae uva eorum uva fellis et botri amarissimi

vul@Deuteronomy:32:33 @ fel draconum vinum eorum et venenum aspidum insanabile

vul@Deuteronomy:32:34 @ nonne haec condita sunt apud me et signata in thesauris meis

vul@Deuteronomy:32:38 @ de quorum victimis comedebant adipes et bibebant vinum libaminum surgant et opitulentur vobis et in necessitate vos protegant

vul@Deuteronomy:32:41 @ si acuero ut fulgur gladium meum et arripuerit iudicium manus mea reddam ultionem hostibus meis et his qui oderunt me retribuam

vul@Deuteronomy:32:42 @ inebriabo sagittas meas sanguine et gladius meus devorabit carnes de cruore occisorum et de captivitate nudati inimicorum capitis

vul@Deuteronomy:32:43 @ laudate gentes populum eius quia sanguinem servorum suorum ulciscetur et vindictam retribuet in hostes eorum et propitius erit terrae populi sui

vul@Deuteronomy:32:45 @ conplevitque omnes sermones istos loquens ad universum Israhel

vul@Deuteronomy:32:47 @ quia non in cassum praecepta sunt vobis sed ut singuli in eis viverent quae facientes longo perseveretis tempore in terra ad quam Iordane transmisso ingredimini possidendam

vul@Deuteronomy:32:49 @ ascende in montem istum Abarim id est transituum in montem Nebo qui est in terra Moab contra Hiericho et vide terram Chanaan quam ego tradam filiis Israhel obtinendam et morere in monte

vul@Deuteronomy:33:1 @ haec est benedictio qua benedixit Moses homo Dei filiis Israhel ante mortem suam

vul@Deuteronomy:33:2 @ et ait Dominus de Sina venit et de Seir ortus est nobis apparuit de monte Pharan et cum eo sanctorum milia in dextera eius ignea lex

vul@Deuteronomy:33:3 @ dilexit populos omnes sancti in manu illius sunt et qui adpropinquant pedibus eius accipient de doctrina illius

vul@Deuteronomy:33:7 @ haec est Iudae benedictio audi Domine vocem Iudae et ad populum suum introduc eum manus eius pugnabunt pro eo et adiutor illius contra adversarios eius erit

vul@Deuteronomy:33:8 @ Levi quoque ait perfectio tua et doctrina tua viro sancto tuo quem probasti in Temptatione et iudicasti ad aquas Contradictionis

vul@Deuteronomy:33:9 @ qui dixit patri suo et matri suae nescio vos et fratribus suis ignoro illos et nescierunt filios suos hii custodierunt eloquium tuum et pactum tuum servaverunt

vul@Deuteronomy:33:10 @ iudicia tua o Iacob et legem tuam o Israhel ponent thymiama in furore tuo et holocaustum super altare tuum

vul@Deuteronomy:33:11 @ benedic Domine fortitudini eius et opera manuum illius suscipe percute dorsa inimicorum eius et qui oderunt eum non consurgant

vul@Deuteronomy:33:13 @ Ioseph quoque ait de benedictione Domini terra eius de pomis caeli et rore atque abysso subiacente

vul@Deuteronomy:33:16 @ et de frugibus terrae et plenitudine eius benedictio illius qui apparuit in rubo veniat super caput Ioseph et super verticem nazarei inter fratres suos

vul@Deuteronomy:33:17 @ quasi primogeniti tauri pulchritudo eius cornua rinocerotis cornua illius in ipsis ventilabit gentes usque ad terminos terrae hae sunt multitudines Ephraim et haec milia Manasse

vul@Deuteronomy:33:19 @ populos ad montem vocabunt ibi immolabunt victimas iustitiae qui inundationem maris quasi lac sugent et thesauros absconditos harenarum

vul@Deuteronomy:33:20 @ et Gad ait benedictus in latitudine Gad quasi leo requievit cepitque brachium et verticem

vul@Deuteronomy:33:23 @ et Nepthalim dixit Nepthalim abundantia perfruetur et plenus erit benedictione Domini mare et meridiem possidebit

vul@Deuteronomy:33:24 @ Aser quoque ait benedictus in filiis Aser sit placens fratribus suis tinguat in oleo pedem suum

vul@Deuteronomy:33:25 @ ferrum et aes calciamentum eius sicut dies iuventutis tuae ita et senectus tua

vul@Deuteronomy:33:29 @ beatus tu Israhel quis similis tui popule qui salvaris in Domino scutum auxilii tui et gladius gloriae tuae negabunt te inimici tui et tu eorum colla calcabis

vul@Deuteronomy:34:1 @ ascendit ergo Moses de campestribus Moab super montem Nebo in verticem Phasga contra Hiericho ostenditque ei Dominus omnem terram Galaad usque Dan

vul@Deuteronomy:34:2 @ et universum Nepthalim terramque Ephraim et Manasse et omnem terram usque ad mare Novissimum

vul@Deuteronomy:34:3 @ et australem partem et latitudinem campi Hiericho civitatis Palmarum usque Segor

vul@Deuteronomy:34:7 @ Moses centum et viginti annorum erat quando mortuus est non caligavit oculus eius nec dentes illius moti sunt

Bible:
Filter: String:

[pBiblx2]
Thu Jul 4 23:55:10 2024
pBiblx2 Field Wise Bible System Version 2.1.9 - GPL3 2009-2020